Aronian, MVL og Anand efstir á Sinquefield-mótinu - Heimsmeistarinn hálfum á eftir

Það er mikil spennan á Sinquefield-mótinu í St. Louis. Þegar aðeins tveimur umferðum af níu er ólokið eru Aronian (2799), MVL (2789) og Anand (2783) efstir með 4½ vinning. Heimsmeistarinn Magnus Carlsen (2822) er svo aðeins hálfum vinningi á eftir þeim. Í umferð gærdagsins vann Indverjinn Neopmniachti (2751) og Armeninn lagði Nakamura (2792) að velli. Mótið nú hefur ekki verið mót heimamanna né Rússa en fulltrúar stórveldanna tveggja raða sér í sex neðstu sætin.

Athygli vakti í gær jafnteflisskák MVL og Karjakin (2773) Rússinn viðurkenndi í gær eftir skákina að hafa þekkt skákina fram í 38. leik - en þurfti reyndi að hafa töluvert fyrir því að rifja þá upp meðal teflt var.  

Meðal gesta á keppnsstað í gær Garry Kaspaorv.

Ítarlega frásögn af gangi mála má lesa á Chess24.

Í áttundu og næstsíðustu umferð sem fram fer í kvöld kl. 18 þá mætast Anand og MVL, Carlsen teflir við Nepo og Aronian sest á móti Svidler (2751).

Myndir Lennart Ootes (af Chess24).

• Heimasíða mótsins
• Beinar útsendingar (hefjast kl. 18)

Baccalá bar mótið fer fram á morgun - hægt að skrá sig á biðlista!

Hið glæsilega Baccalá bar mót var fyrst haldið fyrir ári síðan og verður nú endurtekið. Fyrirkomulag hið sama og áður, en verðlaun hafa hækkað og eru nú sérlega vegleg. 

Hér kemur auglýsing fyrir mótið:

Veitingastaðurinn Baccalá Bar og Ektafiskur á Hauganesi standa fyrir hraðskákmóti föstudaginn 11.  ágúst nk.

Mótið fer fram á veitingastaðnum og hefst kl. 15.00 stundvíslega
Tefldar verða 11 umferðir með 7 mínútna umhugsunartíma. Mótið verður reiknað til alþjóðlegra hraðskákstiga.

Öllum er heimil þátttaka, en hámarksfjöldi keppenda er 30. 

Verðlaunafé er samtals 150.000 kr. og skiptist sem hér segir: 

                    1. verðlaun  kr. 50.000
                    2. verðlaun  kr. 30.000
                    3. verðlaun  kr. 20.000
                    4. verðlaun  kr. 10.000
                5.-12. verðlaun  kr. 5.000

Gert verður stutt hlé á mótinu svo keppendur geti gætt sér Fiskidagssúpu í boði mótshaldara.

Skráning á skak.is. Þeir 25 sem skrá sig fyrst fá rétt til þátttöku; aðrir fara á biðlista.  Mótshaldarar taka frá fimm boðsæti, en hámarksfjöldi þátttakenda er 30 eins og áður sagði.  

Þeir Ingimar Jónsson ([e-mail]) og Áskell Örn Kárason ([e-mail]), svara fyrirspurnum um mótið. 

                                             ****      

Vakin er athygli á að föstudagskvöldið 11. ágúst er súpukvöld á Dalvík í upphafi Fiskidagsins mikla og því tilvalið að skerpa matarlystina með nokkrum bröndóttum á skákborðinu. Hauganes er í u.þ.b. 10 mínútna akstursfjarlægð frá Dalvík.

                 Á Hauganesi er tjaldsvæði með snyrtingum og rafmagni.

Mótið er fullskiptað en hægt er að skrá sig á biðlista (guli kassinn) á Skák.is. Upplýsingar um þegar skráða keppendur má finna á Chess-Results. 

Bragi gerði jafntefli í gær við indverskan stórmeistara - tvær umferðir í dag

Alþjóðlegi meistarinn Bragi Þorfinnsson (2461) gerði jafntefli við indverska stórmeistarann Prasanna Vishnu (2538) í 4. umferð alþjóðlega mótsins í Riga. Bragi hefur byrjað afar vel og hefur 3½ vinning eftir fjórar umferðir.

Í dag eru tefldar tvær umferðir og hófst sú fyrri kl. 8 í morgun. Bragi teflir þar við indverska stórmeistarann Krishnan Sasikiran (2688). Síðari umferð dagsins hefst svo kl. 14.

Hannes Hlífar Stefánsson (2521) sem teflir á alþjóðlegu móti í Rúmeníu tapaði í gær fyrir alþjóðlega meistaranum Codrut-Constatantin Florescu (2269)

319 skákmenn frá 41 landi taka þátt í mótinu. Þar af eru 42 stórmeistarar. Bragi er nr. 55 í stigaröð keppenda. 

• Heimasíða mótsins
• Chess-Results
• Beinar útsendingar

 

 

Meistaramót Hugins hefst 23. ágúst

Meistaramót Hugins (suðursvæði) 2017 hefst miðvikudaginn 23. ágúst klukkan 19:30. Mótið er 7 umferða opið kappskákmót sem lýkur 2. október. Leyft verður að taka 2 yfirsetur í 1.- 6. umferð sem tilkynna þarf um fyrir lok næstu umferðar á undan. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra og íslenskra skákstiga. Skráning í mótið er á skak.is en einnig er hægt að skrá sig með því að hringja í skákstjóra s-866-0116 (Vigfús).

Mótið hefst á miðvikudegi en aðrir skákdagar eru á mánudögum nema lokaumferðin sem verður áfimmtudegi. Að þessu sinni verður aðeins ein umferð í hverri viku. Teflt er í félagsheimili Hugins í Álfabakka 14a í Mjóddinni.

Aðalverðlaun:

1. 50.000
2. 40.000
3. 30.000

Aukaverðlaun (miðað er við alþjóðleg skákstig)

• Skákmeistari Hugins (suðursvæði): Kr. 10.000.
• Besti árangur undir  2000 skákstigum:  Skákbók hjá skákbókasölunni að verðmæti kr. 5.000.
• Besti árangur undir 1800 skákstigum:  Skákbók hjá skákbókasölunni að verðmæti kr. 5.000.
• Besti árangur undir 1600 skákstigum: Skákbók hjá skákbókasölunni að verðmæti kr. 5.000.
• Besti árangur stigalausra: Skákbók hjá skákbókasölunni að verðmæti kr. 5.000.
• Unglingaverðlaun (15 ára og yngri), skákbækur hjá skákbókasölunni að verðmæti: 1.vl. kr. 5.000, 2. og 3.vl. kr. 4000.

Þátttökugjöld:

Félagsmenn kr. 3.500; aðrir 4.500-
Unglingar 15 ára og yngri: Félagsmenn: 2.000; Aðrir 3.000.
Allir titilhafar fá frítt í mótið

Umferðartafla:

• 1. umferð, miðvikudaginn, 23. ágúst, kl. 19:30
• 2. umferð, mánudaginn, 28. ágúst, kl. 19:30
• 3. umferð, mánudaginn, 4. september, kl. 19:30
• 4. umferð, mánudaginn, 11. september, kl. 19:30
• 5. umferð, mánudaginn, 18. september, kl. 19:30
• 6. umferð, mánudaginn, 25. september, kl. 19:30
• 7. umferð, fimmtudagur, 5. október, kl. 19:30

Upplýsingar um þegar skráða keppendur má finna hér.

Sumarsyrpa Breiðabliks 2017

Sumarsyrpa Breiðabliks er með samskonar fyrirkomulagi og hin vinsæla Bikarsyrpa TR.

Mótið er ætlað börnum á grunnskólaaldri (fæddum 2001 og síðar) sem ekki hafa náð 1600 skákstigum. Mótið er reiknað til íslenskra og alþjóðlegra skákstiga.

Tefldar eru 5 umferðir eftir svissneska kerfinu. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Það margborgar sig að vanda sig og nota tímann, en samt má búast við því að margar skákir klárist á styttri tíma.

Veitt verða verðlaun í tveimur flokkum. Fyrir 12-16 ára og svo fyrir 12 ára og yngri. 

Dagskrá:

• Föstudagurinn 11.ágúst:  1 umferð klukkan 17:30
• Laugardagurinn 12.ágúst: 2 umferð klukkan 10:30
• Laugardagurinn 12.ágúst: 3 umferð klukkan 14:00
• Sunnudagurinn 13.ágúst: 4 umferð klukkan 10:30
• Sunnudagurinn 13.ágúst: 5 umferð klukkan 14:00

Teflt er í Glersalnum í Stúkunni við Kópavogsvöll. 

Skráning fer fram á Skák.is (guli kassinn). 

Upplýsingar um þegar skráða keppendur má finna hér.

 

Bragi með fullt hús eftir þrjár umferðir

Alþjóðlegi meistarinn Bragi Þorfinnsson (2461) hefur byrjað afar vel á alþjóðlega mótinu í Riga í Lettlandi. Bragi hefur fullt hús eftir 3 umferðir. Í gær voru tefldar tvær umferðir og vann hann annars vegar ítalska FIDE-meistarann Francesco Seresin (2265) og hins vegar írönsku skákkonuna Atousa Pourkashiyan (2289).

Í fjórðu umferð, sem fram fer í dag og hefst kl. 12 teflir Bragi við indverska stórmeistarann Prasanna Vishnu (2538).

319 skákmenn frá 41 landi taka þátt í mótinu. Þar af eru 42 stórmeistarar. Bragi er nr. 55 í stigaröð keppenda. 

• Heimasíða mótsins
• Chess-Results
• Beinar útsendingar

 

 

Hannes vann í dag - hefur 3½ eftir fjórar umferðir

Stórmeistarinn Hannes Hlífar Stefánsson (2521) vann serbneska alþjóðlega meistarann Sasa Velickovic (2297) í fjórðu umferð Arad Open sem fram fór í Rúmeníu í gær. Hannes hefur byrjað vel og hefur 3½  vinning og er í 2.-19. sæti. 

Fimmta umferð fer fram í og dag og hefst kl. 13. Þá teflir Hannes við rúmenska alþjóðlega meistarann Codrut-Constantin Florescu (2269)

245 skákmenn frá 17 löndum taka þátt í mótinu og þar af 15 stórmeistarar. Hannes er númer átta í stigaröð keppenda. 

• Heimasíða mótsins
• Chess-Results
• Beinar útsendingar (hefjast kl. 13)

 

Kynning á skákkennsluforriti í HR

Við erum að vinna í fyrsta íslenska skákkennsluforritinu uppí Háskólanum í Reykjavík.

Erum núna tilbúin fyrir notendaprófanir.

Íslandsmeistarinn Guðmundur Kjartansson var m.a. hjá okkur í síðustu viku.

Þau sem hafa áhuga á að kíkja til okkar sendið mér línu til [e-mail] eða 8465500. Flott að láta fylgja með aldur, ELO stig og reynslu af skák. 

Endilega heimsækja okkur og leysa nokkrar laufléttar!

Hannes með 2½ vinning eftir 3 umferðir í Rúmeníu

Stórmeistarinn Hannes Hlífar Stefánsson (2521) hefur 2½ vinning eftir 3 umferðir á alþjóðlega mótinu í Arad í Rúmeníu. Sannfærandi sigrar Hannesar í fyrstu tveimur umferðunum en hann varð að sæta sig við jafntefli í gær við FIDE-meistarann Adrian-Simion Secheres (2315).

Fjórða umferð fer fram í og dag og hefst kl. 13. Þá teflir Hannes við serbneska alþjóðlega meistarann Sasa Velickovic (2297).

245 skákmenn frá 17 löndum taka þátt í mótinu og þar af 15 stórmeistarar. Hannes er númer átta í stigaröð keppenda. 

• Heimasíða mótsins
• Chess-Results
• Beinar útsendingar (hefjast kl. 13)

 

Carlsen vann Wesley So - MVL einn efstur

Magnus Carlsen (2822) vann Wesley So (2810) í fimmtu umferð Sinquefield-mótsins. Öruggur sigur heimsmeistarans með svörtu. Anand (2783) vann glæsisigur á Caruana (2807) og er jafn Magnusi í 2.-3. sæti. MVL (2789), sem gerði jafntefli Aronian (2799) er efstur með 3,5 vinninga. 

Ítarlega frásögn af gangi mála má lesa á Chess24.

Sjötta umferð hefst nú kl. 18. Þá teflir Carlsen við Nakamura (2792) og MVL mætir Caruana.

Myndir Lennart Ootes (af Chess24).

• Heimasíða mótsins
• Beinar útsendingar (hefjast kl. 18)