Davíð og Gunnar Freyr efstir á Hraðskákmóti Reykjavíkur

Davíð Kjartansson og Gunnar Freyr Rúnarsson urðu efstir og jafnir á Hraðskákmóti Reykjavíkur sem fram fór í dag.  Davíð telst hraðskákmeistari Reykjavíkur, þar sem hann hafði betur gegn félaga sínum í Víkingaklúbbnum eftir stigaútreikning.  Dagur Ragnarsson varð þriðji.  37 keppendur tóku þátt.

•  1-2  Davíð Kjartansson,                           10.5     44.0  61.0   46.5
•       Gunnar Freyr Rúnarsson,                      10.5     38.5  51.0   42.5
•   3   Dagur Ragnarsson,                            10       42.5  57.0   44.0
•  4-6  Oliver Aron Jóhannesson,                     9.5      44.5  60.0   39.0
•       Ögmundur Kristinsson,                        9.5      43.5  60.5   43.0
•       Örn Leó Jóhannsson,                          9.5      41.0  56.0   38.5
•  7-9  Stefán Bergsson,                             9        47.0  64.5   44.0
•       Jóhann Ingvason,                             9        41.5  56.5   39.0
•       Andri Áss Grétarsson,                        9        41.0  56.5   35.0
• 10-12 Mikael Jóhann Karlsson,                      8.5      40.0  56.0   35.5
•       Arnaldur Loftsson,                           8.5      36.5  51.5   31.5
•       Dagur Kjartansson,                           8.5      33.0  44.0   28.5
• 13-16 Jóhanna Björg Jóhannsd.,                     8        40.0  57.5   34.0
•       Kristján Örn Elíasson,                       8        39.5  54.0   34.0
•       Jón Trausti Harðarson,                       8        37.0  52.0   33.5
•       Elsa María Kristínardóttir,                  8        34.0  45.5   37.0
•  17   Jón Úlfljótsson,                             7.5      36.5  50.5   31.0
• 18-20 Leifur Þorsteinsson,                         7        35.5  50.0   27.0
•       Jon Olav Fievelstad,                         7        34.0  47.5   25.0
•       Veronika Steinunn Magnúsd.,                  7        32.5  42.5   25.0
• 21-28 Birgir Berndsen,                             6.5      38.0  53.5   32.5
•       Hermann Ragnarsson,                          6.5      37.0  52.5   26.0
•       Gauti Páll Jónsson,                          6.5      34.5  49.0   20.5
•       Gunnar Nikulásson,                           6.5      34.0  47.0   25.0
•       Óskar Long Einarsson,                        6.5      33.5  45.5   20.0
•       Kristófer Ómarsson,                          6.5      33.0  46.5   26.5
•       Sveinbjörn Jónsson,                          6.5      32.5  44.0   23.0
•       Kjartan Másson,                              6.5      27.0  38.5   20.0
•  29   Donika Kolica,                               6        35.5  47.0   21.0
• 30-31 Sigurlaug R. Friðþjófsdóttir,                5.5      33.5  47.0   23.0
•       Hilmir Hrafnsson,                            5.5      27.5  37.5   16.0
• 32-34 Nansý Davíðsdóttir,                          5        33.5  46.5   24.5
•       Kristófer H. Kjartansson,                    5        30.0  42.0   14.0
•       Bjarki Arnaldarson,                          5        27.5  36.0   14.0
•  35   Arnar Ingi Njarðarson,                       4.5      29.0  36.5   19.5
•  36   Ísak Logi Einarsson,                         3        33.5  48.0   17.0
•  37   Pétur Jóhannesson,                           2        31.5  44.0    8.0

Myndaalbúm (ESE)

Aronian sigurvegarinn í Sjávarvík - Caruana í 2.-4. sæti

Aronian (2805) sigraði á Tata Steel-mótinu sem lauk í Wijk aan Zee (Sjávarvík) í Hollandi í dag.  Öllum skákum dagsins lauk með jafntefli nema að Reykjavíkurmótskeppandinn, Caruana (2836) vann áskorendannn Gelfand (2739) og Kamsky (2732) vann Topalov (2770), sem var heillum horfinn á mótinu.  Caruana varð í 2.-4. sæti ásamt Carlsen (2835) og Radjabov (2773) og á eftir að hækka töluvert á heimslistanum áður en hann teflir hér í Reykjavík í mars.

Lokastaðan:

1.	Aronian, L.	9
2.	Carlsen, M. Caruana, F. Radjabov, T.	8
5.	Ivanchuk, V. Nakamura, H.	7½
7.	Kamsky, G.	7
8.	Karjakin, S.	6½
9.	Van Wely, L.	5½
10.	Gashimov, V. Gelfand, B. Topalov, V.	5
13.	Giri, A. Navara, D.	4½

Lokastaða efstu manna í b-flokki:

 

1.	Harikrishna, P.	9
2.	Bruzon, L. Motylev, A.	8½
4.	L'Ami, E. Tiviakov, S.	8
6.	Nyzhnik, I. Reinderman, D.	7½

Lokastaða efstu manna í c-flokki:

1.	Turov, M.	10½
2.	Tikkanen, H.	10
3.	Adhiban, B. Brandenburg, D.	8½

 

 

• Heimasíða mótsins
• Beinar útsendingar (hefjast kl. 12:30 nema lokumaferðin kl. 11 - frídagar (18., 23. og 26. janúar)
  
• ChessBomb

Sóley Lind sigraði á Krakkaskákmóti TG

Íslenski skákdagurinn var haldinn hátíðlegur í Garðabæ og er hann haldinn nú í fyrsta skipti á afmælisdegi fyrsta stórmeistara Íslendinga. Friðrik Ólafssonar sem nú fagnar 77 ár afmæli sínu.

Það voru 16 krakkar sem tóku þátt í mótinu og Sóley Lind Pálsdóttir TG sigraði örugglega með 5 vinninga af 5 mögulegum. Með 4 vinninga kom svo Burkni Björnsson Haukum en Hann sigraði hinn 8 ára gamla Bjarka Arnaldarson í hreinni úrslitaskák um annað sætið.

Efstu sæti í eldri flokk.

1. Sóley Lind Pálsdóttir TG 5 vinningar.
2. Kári Georgsson TG 3 vinningar.
3. Helgi Snær Agnarsson TG 3 vinningar.

Efstu sæti í yngri flokk

1. Burkni Björnsson Haukar 4 vinningar.
2. Brynjar Bjarkason Haukar 3,5 vinningur.
3. Fannar Ingi Grétarsson 3,5 vinningur.

• Myndir frá mótinu
• Öll úrslit.

Einnig var teflt í Sjálandsskóla í Garðabæ.  Í frétt á heimasíðu skólans segir m.a.:

Sigurvegarar voru Bjarki Páll í 10.bekk (1.sæti), Stefán Örn í 10.bekk (2.sæti) og Einar Hrafn í 9.bekk (3.sæti)

Myndir frá skákmótinu

 

Hraðskákmót Reykjavíkur fer fram í dag

Hraðskákmót Reykjavíkur verður haldið í félagsheimili Taflfélags Reykjavíkur Faxafeni 12, sunnudaginn 29. janúar kl. 14.

Tefldar verða 2x7 umferðir eftir Sviss-Perfect kerfi. Umhugsunartími verður 5 mínútur á skák.

Þátttökugjald er kr. 500 fyrir 16 ára og eldri en frítt fyrir 15 ára og yngri.

Þrenn verðlaun í boði.

Eftir Hraðskákmótið fer fram verðlaunaafhending fyrir  KORNAX mótið 2012 - Skákþing Reykjavíkur.

Núverandi hraðskákmeistari er Hjörvar Steinn Grétarsson.

Guðmundur vann í dag - mætir Korchnoi á morgun

Guðmundur Gíslason (2332) vann Svisslendinginn Camille De Seroux (2076) í fimmtu umferð Gíbraltar-mótsins sem fram fór í dag.  Guðmundur hefur nú 3 vinninga.  Á morgun mætir hann sjálfri goðsögninni Victor Korchnoi (2558).

Efstir með 4,5 vinning eru stórmeistararnir Michael Adams (2724), Englandi, Krishnan Sasikirian (2700) og G N Gopal (2566), Indlandi, og Nana Dzagnidze (2535), Georgíu.

Alls taka 256 skákmenn þátt í þessa sterka móti frá 58 löndum.  Þar af eru 56 stórmeistarar og 11 þeirra með með meira en 2700 skákstig.

• Heimasíða mótsins
• Chess-Restults
• Beinar útsendingar (12 efstu borðin)

 

 

Skákgleði í Grímsey: Myndir

Myndagallerí frá Skákdeginum í Grímsey 2012! Smellið hér.

Skákdeginum fagnað í Grímsey

Hrafn Jökulsson skrifar:

Skákdeginum var fagnað í Grímsey, skákeyjunni sögufrægu á heimskautsbaug. Dagurinn var lagður undir skák í grunnskólanum, en þar eru þrettán börn við nám. Um kvöldið var svo efnt til fjölteflis þar sem leikgleðin var allsráðandi. Framvegis verður líka hægt að tefla í Grímseyjarferjunni Sæfara og sundlauginni í Grímsey, sem fengu taflsett að gjöf í tilefni dagsins.

Það voru forréttindi að heimsækja Grímseyinga á þessum merkisdegi, enda skipar Grímsey merkan sess, jafnt í skáksögunni sem íslensku samfélagi nútímans. Þar búa nú milli 60 og 70 manns. Sjávarútvegur er undirstaða byggðarinnar, og eru Grímseyingar að fornu og nýju þekktir sjósóknarar.

Willard Fiske (1831-1904) hinn mikli velgjörðarmaður Íslendinga fékk sérstakan áhuga á Grímsey, þegar honum barst til eyrna að þar væru annálaðir skákmeistarar. Fiske sendi forláta taflsett á hvert heimili í Grímsey, og lét mörgum öðrum gjöfum rigna yfir eyjarskeggja, ekki síst myndabókum sem gáfu fólkinu á heimskautsbaug innsýn í lífið í öðrum sveitum jarðarinnar.

Allt voru þetta þó smámunir hjá þeim 12 þúsund dollurum, sem Fiske ánafnaði Grímseyingum í erfðaskrá sinni og mælti svo fyrir um að skóli yrði reistur í eyjunni. Fæðingardagur Willards Fiske, 11. nóvember, er þjóðhátíðardagur Grímseyinga sem jafnan fagna deginum með veislu og viðhöfn.

Á Skákdaginn 2012 iðaði grunnskólinn af skáklífi. Áhuginn var ósvikinn hjá krökkunum, sem sýndu góða takta eftir nokkrar kennslustundir. Það var teflt af hjartans lyst og auk þess efnt til skákmyndakeppni.

Um kvöldið var svo fjöltefli þar sem meðal annars var notað marmaraborð sem Willard Fiske sendi Grímseyingum.

Við upphaf fjölteflisins var rifjað upp helgarskákmót sem Jóhann Þórir Jónsson, sá mikli skákfrömuður, hélt í Grímsey sumarið 1981. Þar sigraði Friðrik Ólafsson, en hann var þá forseti FIDE, alþjóða skáksambandsins. Meðal annarra keppenda voru Helgi Ólafsson, Jón L. Árnason, Jóhann Hjartarson, Guðmundur Sigurjónsson og Ásmundur Ásgeirsson -- sannarlega stórmót!

Rúmlega tuttugu keppendur voru í fjölteflinu, auk áhorfenda á öllum aldri. Bræla var á miðum, og hinir harðsnúnu sjómenn mættu galvaskir til leiks. Í hópnum voru margir sleipir skákmenn, og mikill áhugi á að koma á reglulegum skákæfingum.

Ég mæli með heimsókn til Grímseyjar: Þar eru heimkynni gestrisninnar, og náttúrunni verður varla með orðum lýst. Það er upplifun að heimsækja útvörð Íslands í norðrinu.

Og sem fyrr sagði: Nú er hægt að tefla í heita pottinum í Grímsey!

Aronian með vinningsforskot fyrir lokaumferðina

Aronian (2805) vann áskorendann Gelfand (2739) í 12. og næstsíðustu umferð Tata Steel-mótsins sem fram fór í Wijk aan Zee í dag.  Helstu andstæðingar hans gerðu hins vegar jafntefli og því hefur Aronian vinningsforskot fyrir lokaumferðina sem hefst kl. 11 í fyrramálið.  Carlsen (2835) og Radjabov (2773) eru næstir. 

Í lokaumferðinn mætast m.a.: Aronian-Radjabov, Van Wely-Carlsen og Caruana-Gelfand.

• Heimasíða mótsins
• Beinar útsendingar (hefjast kl. 12:30 nema lokumaferðin kl. 11 - frídagar (18., 23. og 26. janúar)
  
• ChessBomb

Aukakeppni þriggja manna

Það var ranghermt í frétt hér á Skák.is í gær að það yrði aukakeppni á milli allra þeirra sem urðu efstir og jafnir á KORNAX mótinu - Skákþings Reykjavíkur.  Ingvar Þór Jóhannesson (2337) hefur ekki möguleika á titlinum þar sem hann hvorki búsettur í Reykjavík né í Reykjavíkurtaflfélagi.  Það verða því bræðurnir, Bragi (2426) og Björn (2406), og Guðmundur Kjartansson (2326) sem þurfa að tefla til þrautar um titilinn. Ekki liggur fyrr hvernær úrslitakeppnin fer fram.

Úrslit lokaumferðinnar má finna hér og lokastöðuna má finna hér.

Mjög góð þátttaka var á mótinu eða 73 skákmenn. Mótið var sterkt en fimm alþjóðlegir meistarar voru meðal þátttakenda. 

• Heimasíða mótsins
• Chess-Results
• Myndaalbúm (GB, HÁ, SRF og JHR)

Skákdagurinn á RÚV

RÚV fjallaði á myndarlegan hátt um Skákdaginn í fjölmiðlum sínum.  Í sjónvarpsfréttum var fjallað um skákdaginn og sagt frá sundskák á Akureyri, boði á Bessastaði og fjöltefli í RÚV.  Í morgunútvarpinu var viðtal við Friðrik sjálfan og í Speglinum var viðtal við Helga Ólafsson þar sem farið var yfir arfleið Friðriks.  Brotin 3 má nálgast hér:

• Sjónvarpsfréttir 
• Viðtal við Friðrik í Morgunútvarpinu
• Viðtal við Helga í Speglinum