Skákdagur: Teflt í Lágafellsskóla

Í Lágafellsskóla í Mosfellsbæ var haldið skákmót hjá hópi nemanda í 4.bekk  sem eru í skákkennslu í sérgreinum. Skákmótið fékk nafnið Litla Friðriksmótið. Teflt var eftir Monrad kerfi, 6 skákir og var hver skák 8 mínútur. Verðlaun voru veitt fyrir 3 fyrstu sætin. Sigurvegari mótsins var Helgi Freyr Davíðsson  4.JH í öðru sæti var Jakob Matthíasson 4.DK  og í þriðja sæti var Silja Rún Högnadóttir 4.JH

Hraðskákmót Hellis fer fram á mánudag

Hraðskákmót Hellis verður haldið mánudaginn 6. febrúar nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 16.000.  Tefldar verða 7 umferðir 2*5 mínútur.  Núverandi hraðskákmeistari Hellis er Hjörvar Steinn Grétarsson. Þetta er í sautjánda sinn sem mótið fer fram.  Björn Þorfinnsson hefur hampað titlinum oftast eða fjórum sinnum.  Verðlaun skiptast svo:

1. 8.000 kr.
2. 5.000 kr.
3. 3.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra. 

Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson sigraði á mótinu)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon
• 2006: Hrannar Baldursson
• 2007: Björn Þorfinnsson (Jón Viktor Gunnarsson sigraði á mótinu)
• 2008: Gunnar Björnsson
• 2009: Davíð Ólafsson
• 2010: Björn Þorfinnsson
• 2011: Hjörvar Steinn Grétarsson

Íslandsmót grunnskólasveita 2012 - stúlknaflokkur

Íslandsmót grunnskólasveita 2012 - stúlknaflokkur hefst laugardaginn 4. febrúar  í Rimaskóla klukkan 13.
 
Hver sveit er skipuð fjórum keppendum. Tefldar eru 7 umferðir með 10 mínútna umhugsunartíma.
 
Vonast er til að sem flestir skólar sendi stúlknasveit til leiks, og er heimilt að senda fleiri en eina sveit.
 
Margar efnilegar stúlkur hafa komið fram á sjónarsviðið í skákinni að undanförnu, og er skemmst að minnast hins glæsilega sigurs sem Nansý Davíðsdóttir vann á Íslandsmóti barna í ársbyrjun.
 
Að mótinu stendur Skáksambands Íslands og Skákakademía Reykjavíkur annast undirbúning og framkvæmd Íslandsmótsins.
 
Skráning er hjá [e-mail]  eða [e-mail].
 
Nánari upplýsingar veitir Stefán Bergsson framkvæmdastjóri Skákakademíunnar í síma 863 7562.
 

Gestamót Goðans: Röðun fjórðu umferðar

Sigurður Daði Sigfússon og Dagur Arngrímsson gerðu jafntefli í kvöld í síðustu skák 3. umferðar, en skák þeirra hafði verið frestað sl. fimmtudag. Björgvin, Þröstur og Einar Hjalti eru efstir með 2½ vinning.  Stöðu mótsins má finna hér.  Í 4. umferð, sem fram fer á fimmtudagskvöld mætast m.a.: Þröstur-Einar Hjalti, Björgvin-Kristján E., Ingvar Þór-Dagur og Björn-Sigurður Daði.  Heildarpörun fjórðu umferðar má finna hér.

 

• Heimasíða Goðans
• Chess-Results
• Myndaalbúm (GB)

Guðmundur tapaði fyrir Jussupow

Guðmundur Gíslason (2332) tapaði fyrir þýska stórmeistaranum Artur Jussupow (2569) í sjöundu umferð Gíbraltar-mótsins sem fram fór í dag.  Guðmundur hefur 4 vinninga og er í 63.-111. sæti.  Guðmundur heldur áfram að fá þekkt nöfn en í áttundu umferð, sem fram fer á morgun, teflir hann við fyrrverandi heimsmeistara kvenna, búlgörsku skákkonuna Antoaneta Stefanova (2523).  

Michael Adams (2724) er einn efstur með 6 vinninga.  10 skákmenn hafa 5½ vinning og meðal þeirra eru Hou Yifan (2605), Short (2677) Mamedyarov (2717) og Movsesian (2700).

Alls taka 256 skákmenn þátt í þessa sterka móti frá 58 löndum.  Þar af eru 56 stórmeistarar og 11 þeirra með með meira en 2700 skákstig.   Guðmundur er nr. 95 í stigaröð keppenda. 

• Heimasíða mótsins
• Chess-Restults
• Beinar útsendingar (12 efstu borðin)

Jakob Sævar efstur á Skákþingi Akureyrar

Þegar þremur umferðum er lokið á Skákþingi Akureyrar, hinu 75. í röðinni, hefur Siglfirðingurinn Jakob Sævar Sigurðsson unnið allar skákir sínar og tekið forystu í mótinu. Hjörleifur Halldórsson kemur á hæla honum með 2,5 vinning og aðrir í humátt þar á eftir. Úrslit í umferðunum þremur sem hér segir:

1. umferð:

• Jakob Sævar-Símon Þórhallsson 1-0
• Hjörtur Snær Jónsson-Smári Ólafsson 0-1
• Jón Magnússon-Hjörleifur Halldórsson 0-1
• Jón Kristinn Þorgeirsson-Andri Freyr Björgvinsson 1-0

2. umferð:

• Jakob Sævar-Hjörtur 1-0
• Smári-Jón M 1-0
• Hjörleifur-Jón Kristinn 1-0
• Símon-Andri Freyr 0-1

3. umferð:

• Jón M-Jakob Sævar 0-1
• Hjörtur-Símon 0-1
• Andri Freyr-Hjörleifur ½-½
• Jón Kristinn-Smári 1-0

Staðan:

• Jakob Sævar 3
• Hjörleifur 2½
• Jón Kristinn og Smári 2
• Andri Freyr 1½
• Símon 1
• Hjörtur og Jón M 0

Fjórða umferð verður tefld miðvikudaginn 1. febrúar kl. 19.30

Þá leiða saman hesta sína:

• Jakob-Jón Kristinn
• Símon-Hjörleifur
• Smári-Andri Freyr
• Hjörtur-Jón M

Heimasíða SA

 

Grantas, Ingvar Örn og Ingimundur efstir á Þorratskákmóti SSON

Síðasta miðvikudagskvöld hófst Þorraatskákmót SSON, 10 keppendur skráðir til leiks en tveir (Arnar og Erlingur J) forfölluðust vegna veðurs fyrsta kvöldið, það kemur ekki að sök, skákum þeirra verður smeygt inní mótið þegar færi gefst.  Ein skák úr 7. umferð var tefld til að grynnka á fyrirséðum frestunum og skapa rými til taflmennsku frestaðra skák.

Eitthvað má segja að hafi verið um svokölluð óvænt úrslit í fyrstu 3 umferðunum þótt yfirleitt sé ekki hægt að tala um úrslit eftir bókinni margfrægu á mótum hjá SSON þar sem keppendur eru yfirleitt nokkuð jafnir en Inga náði góðu jafntefli gegn stigahæsta manni mótsins, Páli Leó, hann kom einnig við sögu þegar Grantas gerði sér lítið fyrir og vann hann.

Miðvikudaginn 1.feb verða síðan tefldar umferðir 4-6

Staðan:

Rank	Name	Rtg	Pts	SB
1	Grantas Grigoranas	1729	2	3.50
2	Ingvar Örn Birgisson	1767	2	2.00
3	Ingimundur  Sigurmundsson	1791	2	1.00
4	Páll Leó Jónsson	2043	1½	2.75
5	Inga Birgisdóttir	1564	1½	1.75
6	Magnús  Matthíasson	1616	1	1.00
7	Úlfhéðinn  Sigurmundsson	1770	1	0.00
8	Arnar Schiller	0	0	0.00
	Erlingur Atli Pálmarsson	1405	0	0.00
	Erlingur Jensson	1750	0	0.00

 Heimasíða SSON

Mænd Geyms fer fram um næstu helgi

Mænd Geyms fer fram dagana 3. og 4. febrúar. Keppt er í tveggja manna liðum í brids, skák, kotru (backgammon) og póker.

Keppni hefst föstudaginn 3. febrúar klukkan 18:00 í Bridssambandi Íslands, Síðumúla 37.

Dagskrá:

• Föstudagur 4. febrúar: 18:00-21:30 Brids - tvímenningur.
• Föstudagur 4. febrúar: 21:30-23:00 Kotra - umferðir 1-2.
• Laugardagur 5. febrúar: 13:00-13:30 Kotra - umferð 3.
• Laugardagur 5. febrúar: 14:00-16:00 Skák.
• Laugardagur 5. febrúar: 16:30-17:30 Kotra - umferðir 4-5.
• Laugardagur 5. febrúar: 19:00-22:00 Póker.

Látið það ekki aftra ykkur frá þátttöku þótt eitthvað vanti upp á eina grein.  Brids er jú bara kani með grandi og kotra er flókna útgáfan af slönguspilinu.

Meistarar 2010/2011 eru Jón Baldursson og Sigurður Sverrisson.

Keppnisgjald er 3.500 krónur á mann ef greitt er fyrir 3. febrúar inn á reikning Kotrufélagsins 1101-05-761538, kt. 470509-2280. Annars er gjaldið 4.500 krónur. Af hverju þátttökugjaldi fara 3.000 krónur í verðlaunafé. Nánar á kotra.blog.is.

Guðmundur vann goðsögnina Korchnoi - skákin fylgir með

 

Guðmundur Gíslason (2332) gerði sér lítið fyrir og vann goðsögnina Viktor Korchnoi (2558) í sjöttu umferð alþjóðlega mótsins í Gíbraltar sem fram fór í dag.  Skákin fylgir með fréttinni.  Halldór Grétar Einarsson skýrir hana svo á Skákhorninu.  Guðmundur hefur 4 vinninga og er í 21.-59. sæti.  Guðmundur heldur áfram að mæta goðsögnun því á morgun teflir hann við þýska stórmeistarann Artur Jussupow (2569).   

Átta skákmenn eru efstir með 5 vinninga.  Þeirra á meðal má nefna Short (2677), Adams (2734) og Mamedyarov (2747).

Alls taka 256 skákmenn þátt í þessa sterka móti frá 58 löndum.  Þar af eru 56 stórmeistarar og 11 þeirra með með meira en 2700 skákstig.

• Heimasíða mótsins
• Chess-Restults
• Beinar útsendingar (12 efstu borðin)

[Event "Gíbraltar Festival 2012"] [Site "?"] [Date "2012.01.29"] [Round "6"] [White "Guðmundur Gíslason"] [Black "Viktor Korchnoi"] [Result "1-0"] [ECO "A49"] [WhiteElo "2332"] [BlackElo "2558"] [PlyCount "139"] [SourceDate "2012.01.30"] 1. d4 Nf6 2. Nf3 g6 3. g3 b5 4. Bg2 Bb7 5. c3 e6 6. Qd3 a6 7. Bg5 c5 8. e4 h6 9. Bxf6 Qxf6 10. Nbd2 cxd4 11. cxd4 Nc6 12. O-O Be7 13. a3 d5 14. Rac1 O-O 15. e5 Qg7 16. Nb3 Rac8 17. Rc2 g5 18. h3 h5 19. Rfc1 g4 20. hxg4 hxg4 21. Nh2 Kh8 22. f3 gxf3 23. Bxf3 Bg5 24. Ng4 Qg6 25. Rd1 Ne7 26. Nc5 Kg7 27. Qxg6+ Nxg6 28. Rh2 Rc7 29. Rh5 Be7 30. b4 Rh8 31. Rxh8 Nxh8 32. Kf2 Bg5 33. Be2 Ng6 34. Bd3 Bc8 35. Rh1 Ra7 36. a4 bxa4 37. Ra1 Ne7 38. Nxa4 Nc6 39. Rh1 Nxb4 40. Bb1 Bd7 41. Nc5 Be7 42. Rh7+ Kf8 43. Nf6 Bxc5 44. dxc5 Bb5 45. g4 Ke7 46. g5 Nc6 47. g6 Nxe5 48. g7 Ra8 49. g8=Q Rxg8 50. Nxg8+ Kd7 51. Nh6 Kc6 52. Nxf7 Nxf7 53. Rxf7 Kxc5 54. Ke3 a5 55. Re7 Bc4 56. Kd2 d4 57. Bd3 Bd5 58. Ra7 Kb4 59. Ra6 Bb3 60. Rb6+ Ka3 61. Kc1 a4 62. Kb1 Ba2+ 63. Ka1 Bb3 64. Be4 Bc4 65. Rd6 e5 66. Rb6 Be2 67. Bc6 Bd3 68. Rb8 e4 69. Rd8 Kb4 70. Bxe4 1-0

Skákþáttur Morgunblaðsins: Hagnýtar afsakanir

„Það er sálfræðilega afar erfitt að tefla við mann í náttbuxum með jarðarberjamunstri og ég átti því undir högg að sækja frá byrjun!" Hægt er að vera sammála þessum ummælum Björns Þorfinnssonar um klæðnað hr. Cox sem Björn tefldi við í ensku deildarkeppninni um síðustu helgi. En hér er komið nýjasta blómið í fjölbreyttri flóru afsakana og útskýringa íslenskra skákmanna og toppar sennilega orð sem féllu eftir viðureign mikilla meistara á helgarmóti í Borgarnesi sumarið 1980: „Þú tefldir svo illa að ég gat ekki einbeitt mér."

Björn, sem freistar þess að verja Reykjavíkurmeistaratitil sinn frá því í fyrra, teflir samhliða á sterku meistaramóti Goðans. Þeir eru báðir í fararbroddi á Skákþingi Reykjavíkur en eftir fimmtu umferð er staða efstu manna þessi:

1.-3. Guðmundur Kjartansson, Bragi Þorfinnsson og Sverrir Örn Björnsson 4½ v. 4.-7. Hjörvar Steinn Grétarsson, Ingvar Þ. Jóhannesson, Björn Þorfinnsson og Ólafur Gísli Jónsson 4 v.

Mesta athygli hefur vakið frammistaða Sverris Arnar Björnssonar sem gerði sér lítið fyrir og vann stigahæsta keppandann, Hjörvar Stein, með tilþrifum í fjórðu umferð:

Sverrir Örn Björnsson - Hjörvar Steinn Grétarsson

Nimzoindversk vörn

1. d4 Rf6 2. c4 e6 3. Rc3 d5 4. cxd5 exd5 5. Bg5 Bb4 6. e3 Rbd7 7. Rf3 c5 8. Be2

Algengara er 8. Bd3 eða 8. dxc5. Nú er best að leika 8.... Da5 sem hótar 9.... Re4.

8.... h6(?) 9. Bxf6 Rxf6 10. O-O Bxc3 11. bxc3 c4 12. Re5!

Svartur hefur ekki mikil gagnfæri á drottningarvængnum og erfitt mæta með að mæta áætlun um peðaframrás á kóngsvæng.

12.... 0-0 13. Dc2 Dc7 14. f4 b6 15. Bf3 Bb7 16. g4 Hae8 17. Dg2 Dd6 18. h4

Nái hvítur að leika 19. g5 verður tæplega við neitt ráðið. Hjörvar grípur því í „neyðarhemilinn" .

18.... g5!? 19. hxg5 hxg5 20. Dh2 Rh7 21. Kf2

Sverrir taldi að með hliðsjón af framhaldinu hefði verið nákvæmara að leika 21 Kg2. Það kann vel að vera en mistök hans koma þó fyrst og fremst i næsta leik.

21.... f6 22. Hh1?? Dc7??

Báðir leika illa af sér. Hvítur varð að leika 22. Rg6 með frábærum færum og hér missti Hjörvar af 22.... De7! Eftir 23. Rg6 Dxe3+ 24. Kg3 gxf4 +25. Rxf4 Hf7 er svartur sloppinn. Kannski er best að leika 23. Dxh7+!? Dxh7 24. Hxh7 Kxh7 25. Rxc4 með allgóðum færum fyrir skiptamun.

23. Rg6 Hf7 24. Bd1!

Nú getur hvítur byggt upp sóknina í mestu rólegheitum.

24.... Bc8 25. Ba4 Bd7 26. Bc2 Be6 27. Dh5 Hd8 28. fxg5 fxg5+ 29. Ke2 Hg7 30. Re5 De7 31. Haf1 Hc8 32. Dh6 Hc7 33. Kd2 b5 34. Rg6 Dd6

35. Hf8+!

Laglegur lokahnykkur.

35.... Rxf8 36. Dh8+ Kf7 37. Hf1+

- og svartur gafst upp.

Magnús og Aronjan efstir í Wijk aan Zee

Á janúar-stigalista FIDE hefur Magnús Carlsen (2.835) náð 30 stiga forskoti á næsta mann og minna yfirburðir hans helst á þá tíma þegar Kasparov var upp á sitt besta.

Á skákhátíðinni í Wijk aan Zee í Hollandi, sem nú stendur yfir, vann Norðmaðurinn Lev Aronjan 3. umferð stórmótsins en Armeninn hefur unnið aðrar skákir. Efstu menn:

1.-2. Carlsen og Aronjan 3 v. (af 4). 3.-4. Caruana og Radjabbov 2½ v.

14 stórmeistarar tefla í A-flokki mótsins.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 22. janúar 2012.

Skákþættir Morgunblaðsins