Gallerý Skák: Kapptefli þegar degi hallar

Mótaröðin um Taflkóng Friðriks Ólafssonar heldur áfram í Gallerý Skák í kvöld kl. 18. Teflt verður 2 umferð af fjórum, en 3 bestu mót hvers keppenda reiknast til Grand Prix stiga, svo enn er hægt að blanda sér í baráttuna. 11 skákir með 10 mínútum á mann.   

Guðfinnur R. Kjartansson leiðir keppnina sem stendur með 10 stig,  Bjarni Hjartarson næstur með 8 stig og síðan Gunnar Skarðhéðinsson með 6.

Lögð er áhersla á vandaða taflmennsku undir fororðinu:

„Látið ekki fallegt mát úr hendi sleppa né betri stöðu forgörðum fara"   .

Lagt í púkk fyrir kaffi og kruðerí auk matfanga í taflhléi.

   

Fimmtudagsmót hjá TR í kvöld

Fimmtudagsmót hjá TR 2012 verður í kvöld og hefst að venju kl. 19:30 en húsið opnar kl. 19:10.

Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12. Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Guðmundur vann - Hou Yifan ein efst eftir sigur á Shirov

Guðmundur Gíslason (2332) vann þýska skákmanninn Franz Scheckenbach (2182) í 9. og næstsíðustu umferð Gíbraltar-mótsins sem fram fór í kvöld.  Guðmundur hefur 5 vinninga og er í 72.-105. sæti.  Heimsmeistari kvenna Hou Yifan (2605) heldur áfram að stela senunni og vann í dag Lettann Alexei Shirov (2710).  Sú kínverska er ein efst með 7½ vinning en hún er aðeins 25. stigahæsti keppandi mótsins.

Í 2.-6. sæti með 7 vinninga eru Adams (2724), Mamedyarov (2747), Short (2677), Sasikiran (2700) og Bologan (2680).   Lokaumferðin hefst kl. 10.  Þá mætast m.a.: Hou Yifan - Mamedyarov, Bologan-Adams og Sasikiran-Short.

Í lokaumferðinni, sem fram fer á morgun, teflir Guðmundur við við georíska alþjóðlega meistarann Lela Javakhishvili (2454). 

Alls taka 256 skákmenn þátt í þessa sterka móti frá 58 löndum.  Þar af eru 56 stórmeistarar og 11 þeirra með með meira en 2700 skákstig.   Guðmundur er nr. 95 í stigaröð keppenda. 

• Heimasíða mótsins
• Chess-Restults
• Beinar útsendingar (12 efstu borðin)

Sverrir efstur á Skákþingi Vestmannaeyja

Sjötta umferð Skákþings Vestmannaeyja var tefld í kvöld og var hún í styttri kantinum, þar sem öllum skákum var lokið á tveimur tímum. 

Einar og Daði Steinn þráléku þegar hvorugur mátti reyna að vinna.  Gauti lék af sér manni snemma tafls og gafst strax upp.  Stefán og Sigurður tefldu hörkuskák og þar sem Sigurður sótti stíft en gleymdi sér aðeins í vörninni og Stefán gekk á lagið og vann lið og þar með skákina.  Jörgen lék af sér manni gegn Michal og gafst upp skömmu seinna.  Kristófer náði aldrei almennilegum takti gegn Nökkva og lék síðan af sér liði og þar með skákinni.

Enn eru tvær skákir ótefldar úr fyrri umferðum og verður sú fyrri á laugardag, þ.e. skák Nökkva og Stefáns úr 3. umferð.

Úrslit 6. umferðar

Nafn	Stig	Úrslit	Nafn	Stig
Einar Guðlaugsson	1928	½  -  ½	Daði Steinn Jónssson	1695
Sverrir Unnarsson	1946	1  -  0	Karl Gauti Hjaltason	1564
Stefán Gíslason	1869	1  -  0	Sigurður A Magnússon	1367
Jörgen Freyr Ólafsson	1167	0  -  1	Michal Starosta	0
Nökkvi Sverrisson	1930	1  -  0	Kristófer Gautason	1664

Staðan eftir 6. umferð

Sæti	Nafn	Stig	Vi	SB
1	Sverrir Unnarsson	1946	5½	11,75
2	Einar Guðlaugsson	1928	4½	10,75	1 frestuð
3	Michal Starosta	0	4	6,50
4	Nökkvi Sverrisson	1930	3½	8,25	2 frestaðar
5	Daði Steinn Jónsson	1695	3	7,75
6	Karl Gauti Hjaltason	1564	2½	7,25
7	Kristófer Gautason	1664	2½	4,00
8	Stefán Gíslason	1869	2½	2,75	1 frestuð
9	Jörgen Freyr Ólafsson	1167	0	0,00
10	Sigurður A Magnússon	1367	0	0,00

 

• Heimasíða TV
• Chess-Results

Páll Leó efstur á Þorraatskákmóti SSON

Páll Leó Jónsson er efstur með 5½ vinning að loknum 6 umferðum á Þorraatskákmóti SSON en umferðir 4-6 fóru fram í kvöld.  Ingimundur Sigurmundsson er annar með 5 vinninga og Grantas Grigoranas er þriðji með 4½ vinning.

Staðan:

Rank	Name	Rtg	Pts	SB
1	Páll Leó Jónsson	2043	5½	8.00
2	Ingimundur  Sigurmundsson	1791	5	7.00
3	Grantas Grigoranas	1729	4½	12.50
4	Ingvar Örn Birgisson	1767	4	6.50
5	Úlfhéðinn  Sigurmundsson	1770	3	3.00
6	Magnús  Matthíasson	1616	2	7.25
7	Inga Birgisdóttir	1564	2	6.75
8	Erlingur Jensson	1750	1	0.00
9	Arnar Schiller	0	0	0.00
	Erlingur Atli Pálmarsson	1405	0	0.00

Heimasíða SSON 

Kornax - úrslitakeppni: Björn og Bragi með jafntefli

Björn Þorfinnsson og Bragi Þorfinnsson gerðu jafntefli í 1. skák úrslitakeppni Skákþings Reykjavíkur sem fram fór í kvöld. 2. skák úrslitakeppninnar fer fram nk. föstudag en þá tefla Björn og Guðmundur Kjartansson.

Töfluröð aukakeppninnar er:

1. Guðmundur
2. Björn
3. Bragi

Tefld verður tvöföld umferð og verður teflt á sunnudögum kl. 14 og á miðvikudögum og föstudögum kl. 19.30. Teflt er í T.R.

Jón Arnljótsson efstur á atskákmóti Sauðárkróks

Jón Arnljótsson er óstöðvandi á atskákmóti Sauðárkróks og hefur enn fullt hús vinninga eftir 6 umferðir. Birkir Már Magnússon og Unnar Ingvarsson hafa 4½ vinning. Guðmundur Gunnarsson og  Christoffer Munkholm hafa 4 vinninga en Christoffer hefur biðskák að auki. Aðrir eru með minna, en keppendur eru alls 9.

Heimasíða Skákfélags Sauðárkróks

Guðmundur tapaði fyrir Stefanovu - Hou Yifan efst ásamt Adams

Guðmundur Gíslason (2332) tapaði búlgörsku skákkonunni og fyrrum heimsmeistara kvenna, Antoaneta Stefanova (2523) í áttundu umferð Gíbraltar-mótsins sem fram fór í dag.  Guðmundur hefur 4 vinninga og er í 109.-154. sæti.  

Guðmundur mætir Þjóðverjanum Franz Scheckenbach (2182) í 9. og næstsíðustu umferð sem fram fer á morgun. 

Heimsmeistari kvenna, kínverska stúlkan Hou Yifan (2605) er efst með 6½ vinning ásamt Michael Adams (2724).  Yifan hefur í tveimur síðustu umferðum unnið Judit Polgar (2710) og Le Quang Liem (2714).  

14 skákmenn hafa 6 vinninga.  Þar á meðal eru Short (2677), Mamedyarov (2747), Movsesian (2700), Svidler (2749) og Shirov (2710).

Alls taka 256 skákmenn þátt í þessa sterka móti frá 58 löndum.  Þar af eru 56 stórmeistarar og 11 þeirra með með meira en 2700 skákstig.   Guðmundur er nr. 95 í stigaröð keppenda. 

• Heimasíða mótsins
• Chess-Restults
• Beinar útsendingar (12 efstu borðin)

Haraldur Axel efstur í Ásgarði í dag

Það var vel mætt í Ásgarði í dag, tuttugu og sjö mættu til leiks þar sem Haraldur Axel Sveinbjörnsson varð efstur með 8 vinninga af 9 mögulegum.  Í öðru sæti varð Valdimar Ásmundsson með 7½ vinning.  Jafnir í 3.-4. sæti urðu Egill Sigurðsson og Eiður Á. Gunnarsson með 6 vinninga.  Egill var hærri á stigum.

Heildarúrslit

1    Harald Axel Sveinbjörnsson        8
2    Valdimar Ásmundsson        7.5
3-4    Egill Sigurðsson            6
    Eiður Á Gunnarsson            
5-6    Þorsteinn Guðlaugsson               5.5
    Gísli Árnason                
7-13    Ásgeir Sigurðsson            5
    Gísli Sigurhansson
    Ásbjörn Guðmundsson    
    Magnús V Pétursson
    Birgir Sigurðsson
    Einar S Einarsson
    Grímur Jónsson
14-18    Kristján Guðmundsson        4.5
    Jón Steinþórsson
    Óli Árni Vilhjálmsson
    Hálfdán Hermannsson
    Bragi G Bjarnarson            
19-21    Friðrik Sófusson            4
    Halldór Skaftason
    Viðar Arthúrsson

Næstu sex voru með svolítið færri vinninga.

Íslandsmót stúlkna fer fram á sunnudag

Íslandsmót stúlkna 2012 - einstaklingskeppni fyrir stúlkur á grunnskólaaldri fer fram á sunnudaginn næsta 5. febrúar og hefst taflið klukkan 13:00.

Mótið fer fram í Sjóminjasafninu Víkinni að Grandagarði 8.

Veitt verða verðlaun í tveimur flokkum:

• Fæddar 1996-1998
• Fæddar 1999 og síðar.

Tefldar verða 7-9 umferðir eftir fjölda keppenda með 10 mínútur á mann.

Víkin er sérstaklega skemmtilegt safn sem geymir sögu sjávarútvegs á Íslandi. Safnið er opið á sunnudögum frá 13-17. Í safninu er glæsileg kaffitería sem verður opin á sunnudaginn og því tilvalið fyrir fjölskyldur ungra skákstelpna að gera sem mest úr deginum.

Skráning fer fram á Skák.is og fyrirspurnum svarað í [e-mail].