KORNAX-úrslitakeppni: Björn vann Guðmund

Björn Þorfinnsson (2406) vann Guðmund Kjartansson (2326) í 2. umferð úrslitakeppni KORNAX mótsins - Skákþings Reykjavíkur sem fram fór í dag.  Björn er efstur með 1,5 vinning.  Keppnin heldur áfram á sunnudag kl. 14 en þá tefla Guðmundur og Bragi.

Staðan:

1. Björn Þorfinnsson (2406) 1,5 v. af 2
2. Bragi Þorfinnsson (2426) 0,5 v. af 1
3. Guðmundur Kjartansson (2326) 0 v. af 1

Tefld verður tvöföld umferð og verður teflt á sunnudögum kl. 14 og á miðvikudögum og föstudögum kl. 19.30. Teflt er í T.R.

• Heimasíða TR
• Chess-Results

Íslandsmót grunnskólasveita 2012 - stúlknaflokkur fer fram í dag

Íslandsmót grunnskólasveita 2012 - stúlknaflokkur hefst laugardaginn 4. febrúar  í Rimaskóla klukkan 13.
 
Hver sveit er skipuð fjórum keppendum. Tefldar eru 7 umferðir með 10 mínútna umhugsunartíma.
 
Vonast er til að sem flestir skólar sendi stúlknasveit til leiks, og er heimilt að senda fleiri en eina sveit.
 
Margar efnilegar stúlkur hafa komið fram á sjónarsviðið í skákinni að undanförnu, og er skemmst að minnast hins glæsilega sigurs sem Nansý Davíðsdóttir vann á Íslandsmóti barna í ársbyrjun.
 
Að mótinu stendur Skáksambands Íslands og Skákakademía Reykjavíkur annast undirbúning og framkvæmd Íslandsmótsins.
 
Skráning er hjá [e-mail]  eða [e-mail].
 
Nánari upplýsingar veitir Stefán Bergsson framkvæmdastjóri Skákakademíunnar í síma 863 7562.
 

Gestamót Goðans: Pörun 5. umferðar

Pörun 5. umferðar Gestamóts Goðans sem fram fer nk. fimmtudagskvöld liggur nú fyrir.  Þá mætast m.a.: Þröstur-Björgvin, Dagur-Einar Hjalti, Sigurbjörn-Þorvarður, Gunnar-Hrafn og Ingvar Þór-Björn.

Pörun 5. umferðar má nálgast hér.

 

 

• Heimasíða Goðans
• Chess-Results
• Myndaalbúm (GB)

Hátt í 100 stúlkur á Íslandsmóti grunnskólasveita í skák

 Milli 60 og 70 stúlkur taka þátt í Íslandsmóti grunnskólasveita, stúlknaflokki, sem fram fer í Rimaskóla laugardaginn 4. febrúar og hefst klukkan 13. Nú eru fimmtán sveitir skráðar til leiks, mun fleiri en á síðasta ári. Heiðursgestur í Rimaskóla verður Hanna Birna Kristjánsdóttir borgarfulltrúi, sem mun flytja setningarávarp og leika fyrsta leikinn á Íslandsmótinu.

Rimaskóli er ríkjandi Íslandsmeistari grunnskólasveita í stúlknaflokki og teflir fram mjög öflugri A-sveit, sem ætlar sér að verja titilinn á heimavelli. Engjaskóli sendir þrjár skáksveitir til leiks og er það til marks um kraftmikið skákstarf á þeim bæ.

Margar af stúlkunum taka nú þátt í sínu fyrsta skákmóti, sem er vitnisburður um öflugt starf Skákakademíu Reykjavíkur, sem annast framkvæmd mótsins í samvinnu við Skáksamband Íslands.

Landsliðskonur í skák munu koma í heimsókn á mótsstað og tefla sýningarskákir, og starf Skákfélags fjölskyldunnar verður kynnt. Það var stofnað á Skákdegi Íslands, 26. janúar, og er m.a. ætlað að miðla upplýsingum til fjölskyldna skákbarna.

Á Íslandsmótinu verða tefldar 7 umferðir með 10 mínútna umhugsunartíma og stendur mótið frá 13 til 16. Allir eru velkomnir á Íslandsmótið í Rimaskóla að fylgjast með meisturum framtíðarinnar.

Björgvin efstur á Gestamóti Goðans

Björgvin Jónsson er efstur á Gestamóti Goðans, með 3,5 vinninga, eftir sigur á Kristjáni Eðvarðssyni í 4. umferð sem tefld var í gærkvöld. Þá gerði Þröstur Þórhallsson jafntefli við Einar Hjalta Jensson og Dagur Arngrímsson vann Ingvar Þór Jóhannesson. Þröstur, Einar og Dagur eru í 2-4. sæti með 3 vinninga. Einni skák var frestað og því ekki hægt að para í 5. umferð fyrr en að henni lokinni.

Úrslit 4. umferðar má nálgast hér og stöðuna hér.

 

• Heimasíða Goðans
• Chess-Results
• Myndaalbúm (GB)

Hraðskákmót Hellis fer fram á mánudag

Hraðskákmót Hellis verður haldið mánudaginn 6. febrúar nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 16.000.  Tefldar verða 7 umferðir 2*5 mínútur.  Núverandi hraðskákmeistari Hellis er Hjörvar Steinn Grétarsson. Þetta er í sautjánda sinn sem mótið fer fram.  Björn Þorfinnsson hefur hampað titlinum oftast eða fjórum sinnum.  Verðlaun skiptast svo:

1. 8.000 kr.
2. 5.000 kr.
3. 3.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra. 

Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson sigraði á mótinu)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon
• 2006: Hrannar Baldursson
• 2007: Björn Þorfinnsson (Jón Viktor Gunnarsson sigraði á mótinu)
• 2008: Gunnar Björnsson
• 2009: Davíð Ólafsson
• 2010: Björn Þorfinnsson
• 2011: Hjörvar Steinn Grétarsson

Íslandsmót stúlkna fer fram á sunnudag

Íslandsmót stúlkna 2012 - einstaklingskeppni fyrir stúlkur á grunnskólaaldri fer fram á sunnudaginn næsta 5. febrúar og hefst taflið klukkan 13:00.

Mótið fer fram í Sjóminjasafninu Víkinni að Grandagarði 8.

Veitt verða verðlaun í tveimur flokkum:

• Fæddar 1996-1998
• Fæddar 1999 og síðar.

Tefldar verða 7-9 umferðir eftir fjölda keppenda með 10 mínútur á mann.

Víkin er sérstaklega skemmtilegt safn sem geymir sögu sjávarútvegs á Íslandi. Safnið er opið á sunnudögum frá 13-17. Í safninu er glæsileg kaffitería sem verður opin á sunnudaginn og því tilvalið fyrir fjölskyldur ungra skákstelpna að gera sem mest úr deginum.

Skráning fer fram á Skák.is og fyrirspurnum svarað í [e-mail].

Gunnar sigraði í Gallerý Skák í gær

Kappteflið um FriðriksKónginn hélt áfram í Gallerý Skák í gærkvöldi þar sem 20 kappleiksmenn tóku þátt.  Þrír efstu menn skáru sig úr en annars var mótið  nokkuð jafnt og enginn skák unnin fyrirfram.   Loftið í keppnissalnum  var spennuþrúngið  og lævi blandið eins og sjá má á meðf. myndum og úrslita úr einstökum skákum beðið með óþreyju.

Hlutskarpastur að þessu sinni varð Gunnar Skarphéðinsson sem sigraði með fullu húsi, halaði inn 11 vinninga af 11 mögulegum.  Frábært hjá honum sem þurft að kljást við marga slúngna og harðskeytta andstæðinga, þar á meðal vestfirðingana Magnús Sigurjónsson og Guðfinn R. Kjartansson, sem ekki kalla allt ömmu sína í þessum efnum.  Þeir urðu jafnir í 2.-3.  sæti með 9 vinninga slétta sem verður að teljast bærileg uppskera.

Staðan í keppninni er nú sú að þeir Gunnar og Guðfinnur eru efstir og jafnir eftir tvo mót af fjórum með 16 GP-stig, en Magnús og Bjarni Hjartarson koma næstir með 8 stig.  Besti árangur 3 mótum telur til úrslita.

Næsta mót fer fram að viku liðinni, fimmtudaginn 9. febrúar og hefst kl. 18.  Nánar á www.galleryskak.net.

Myndaalbúm (ESE)

 

 

 

Guðmundur vann í lokaumferðinni - Hou Yifan og Short efst

Guðmundur Gíslason (2332) vann georíska alþjóðlega meistarann Lela Javakhishvili (2454) í 10. og síðustu umferð Gíbraltar-mótsins sem fram fór í dag.  Guðmundur hlaut 6 vinninga og endaði í 46.-75. sæti. Hou Yifan (2605) og Nigel Short (2677) urðu efst og jöfn með 8 vinninga.  Short vann þá kínversku í hraðskákeinvígi 1½-½ og tryggði sér þar með 20.000 evrur í fyrstu verðlaun.  

Adams (2724), Mamedyarov (2747), Bologan (2680) og Sutovsky (2703) urðu í 3.-6. sæti með 7½ vinning.

Árangur Guðmundar samsvaraði 2393 skákstigum og hækkar hann um 14 stig fyrir frammistöðu sína.  Skák hans úr lokaumferðinni fylgir með fréttinni.  

Alls tóku 256 skákmenn þátt í þessa sterka móti frá 58 löndum.  Þar af voru 56 stórmeistarar og 11 þeirra með með meira en 2700 skákstig.   Guðmundur var nr. 95 í stigaröð keppenda. 

• Heimasíða mótsins
• Chess-Restults
• Beinar útsendingar (12 efstu borðin)

[Event "2012 Tradewise Gibraltar Chess Festival"] [Site "Gibraltar"] [Date "2012.02.02"] [Round "10"] [White "Javakhishvili, Lela"] [Black "Gislason, Gudmundur"] [Result "0-1"] [WhiteELO "2454"] [WhiteTitle "IM"] [BlackELO "2332"] [BlackTitle ""] [Source "MonRoi"] 1.c4 Nf6 2.Nf3 g6 3.Nc3 Bg7 4.e4 O-O 5.d4 d6 6.Be2 e5 7.Be3 Nc6 8.d5 Ne7 9.Nd2 h5 10.f3 h4 11.g4 hxg3 12.hxg3 Nh5 13.Nf1 f5 14.Bg5 f4 15.g4 Nf6 16.Nd2 c5 17.a3 Bd7 18.b4 b6 19.Rb1 Kf7 20.bxc5 bxc5 21.Nb5 Be8 22.Nb3 a6 23.Nc3 Bd7 24.Kd2 Qc7 25.Kc2 Rab8 26.Kb2 Rb7 27.Ka2 Rfb8 28.Qd2 a5 29.Qc2 a4 30.Nd2 Rb4 31.Bh4 Rxb1 32.Ndxb1 Rh8 33.Qc1 Qa5 34.Bf2 Rb8 35.Be1 Qa7 36.Qc2 Ne8 37.Bd1 Nc7 38.Nxa4 Nc8 39.Nbc3 Qa6 40.Nb2 Nb6 41.Be2 Kg8 42.Bd2 Qa8 43.Ra1 Kf7 44.a4 Na6 45.Nb5 Ke7 46.Qb3 Rh8 47.a5 Rh2 48.Qd1 Nc8 49.Kb3 Bf6 50.Na4 Qb7 51.Bd3 Nc7 52.Nac3 Na7 53.Ka4 Qa6 54.Rb1 Kf8 55.Ne2 Bd8 56.Qb3 Rf2 57.Rh1 Kg7 58.Rh3 Ncxb5 59.cxb5 Nxb5 60.Bxb5 Rxe2 61.Bxd7 Rxd2 62.Qb5 Rd4 63.Ka3 Qxa5 64.Qxa5 Bxa5 65.Bb5 c4 66.Rh1 Bd2 67.Kb2 Rd3 68.Kc2 Bb4 69.Rb1 Rc3 70.Kd2 Ba5 71.Ke2 Rc2 72.Kf1 Kf6 73.Ba4 Ra2 74.Bb5 c3 75.Bc4 Rh2 76.Kg1 Rd2 77.Rc1 Kg5 78.Bb3 Rb2 79.Ba4 Kh4 80.Rc2 Kg3 81.Rxb2 cxb2 0-1

Íslandsmót grunnskólasveita 2012 - stúlknaflokkur fer fram á laugardag

Íslandsmót grunnskólasveita 2012 - stúlknaflokkur hefst laugardaginn 4. febrúar  í Rimaskóla klukkan 13.
 
Hver sveit er skipuð fjórum keppendum. Tefldar eru 7 umferðir með 10 mínútna umhugsunartíma.
 
Vonast er til að sem flestir skólar sendi stúlknasveit til leiks, og er heimilt að senda fleiri en eina sveit.
 
Margar efnilegar stúlkur hafa komið fram á sjónarsviðið í skákinni að undanförnu, og er skemmst að minnast hins glæsilega sigurs sem Nansý Davíðsdóttir vann á Íslandsmóti barna í ársbyrjun.
 
Að mótinu stendur Skáksambands Íslands og Skákakademía Reykjavíkur annast undirbúning og framkvæmd Íslandsmótsins.
 
Skráning er hjá [e-mail]  eða [e-mail].
 
Nánari upplýsingar veitir Stefán Bergsson framkvæmdastjóri Skákakademíunnar í síma 863 7562.