Helgi Dagur vann í gær

Sjötta umferð alþjóðlega mótsins Mön fór fram í gær. Helgi Ólafsson (2512) og Dagur Ragnarsson (2340) unnu sínar skákir. Helgi vann skoska stórmeistarann Ketevan Arakhamia-Grant (2369). Önnur sigursák hans í röð. Í dag teflir Helgi við goðsögnina Julio Granda Zuniga (2653) og verður sú skák væntanlega í beinni. Gauti Páll Jónsson (2011) heldur áfram góðu gengi og gerði jafntefli við FIDE-meistarann Gerald Loew (2262). 

Heimsmeistarinn Magnus Carlsen (2827) virðist vera í feiknaformi og vann í gær Pavel Eljanov (2734). Hann er efstur með 5½. Annar er indverski Íslandsvinurinn Guirathi Vidit (2702) með 5 vinninga. Þeir tefla saman í dag. 

Úrslit gærdagsins í Meistaraflokki

Staða íslensku keppendanna

Tveir Íslendingar taka þátt í 1. flokki (major). Arnar Heiðarsson (1480) vann í gær skákmann semð 1789 skákstig og hefur 1½ vinning.  Alexander Oliver Mai (1875) gerði jafntefli og hefur 3 vinninga eftir fjórar umferðir. 

Freyja Birkisdóttir (1332) teflir í 2. flokki (minor) Hún gerði gott jafntefli í gær við skákmann með 1633 skákstig. Hún hefur 3 vinninga eftir 4 umferðir. 

 

• Heimasíða mótsins
• Chess-Results

 

Bikarsyrpa TR hefst í dag

Annað mót Bikarsyrpunnar hefst föstudaginn 29. september og stendur til sunnudagsins 1. október. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Dagskrá:

1. umferð: 29. september kl. 17.30 (fös)
2. umferð: 30. september kl. 10.00 (lau)
3. umferð: 30. september kl. 13.00 (lau)
4. umferð: 30. september kl. 16.00 (lau)
5. umferð: 01. október kl. 10.00 (sun)
6. umferð: 01. október kl. 13.00 (sun)
7. umferð: 01. október kl. 16.00 (sun)

Verðlaunaafhending fer fram strax að lokinni 7. umferð.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu fyrir lok umferðarinnar á undan.

Sjálfkrafa tap dæmist á keppanda sem mætir á skákstað meira en 15 mínútum eftir að viðkomandi umferð hefst.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari mótsins hlýtur að launum bikar og þá hlýtur einnig efsta stúlkan í hverju móti bikar. Verðlaunapeningur eru veittur fyrir 2. sæti og 3. sæti. Sérstök verðlaun verða veitt næsta vor fyrir besta samanlagðan árangur, þar sem mest fjögur mót gilda; taflsett, skákklukka, 5.000kr bókainneign ásamt veglegum farandbikar. Þá verða veitt sérstök verðlaun fyrir besta samanlagðan árangur, þar sem mest fjögur mót gilda, fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1. sæti gefur 5 einkatíma, 2. sæti gefur 3 einkatíma og 3. sæti gefur 2 einkatíma.

Nánari upplýsingar: http://taflfelag.is/bikarsyrpa-tr-heldur-afram-fostudaginn-29-september/

Skráðir keppendur: https://docs.google.com/spreadsheets/d/1WeidUjiUR3feCyQidQrdHVmTMqlXnbHb2oBlyG4XVa8/edit?usp=sharing

Hörðuvallaskóli og Ölduselsskóli með brons

Norðurlandamót grunn- og barnaskólasveita fór fram helgina 22.-24. september að Laugm í Sælingsdal. Fjórar íslenskar sveitir tóku þátt tvær í hvorum flokki. Hörðuvallskóli hlaut brons í eldri flokki og Ölduselsskóli í þeim yngri. Norðmenn komu sáu og sigruðu og fóru heim með gull í báðum flokkum.

Norðurlandamót grunnskólasveita

Hörðuvallskóli hlaut 13 vinninga í 20 skákum og enduðu í 3. sæti aðeins hársbreidd frá silfrinu. Sverrir Hákonarson fékk flesta vinninga Hörðuvellinga eða 4 vinninga á fjórða borði. 

Norska sveitin, Langnes Skole, hlaut 14½ vinning.

Rimaskóli hlaut 6 vinninga og endaði í fimmta sæti. Arnór Gunnlaugsson fékk flesta vinninga þeirra eða 2 vinninga.

Lokastöðuna má finna á Chess-Results.

Norðurlandamót barnaskólasveita

Ölduselsskóli hlaut 11 vinninga og bronsið. Birgir Logi Steinþórsson fékk flesta vinninga eða 4 á fjórða borði.

Norska sveitin, Sörashögda skole, varð efst með 15 vinninga.

Álfhólsskóli varð aðeins vinningi frá verðlaunasæti en sveitin hlaut 10 vinninga. Alexander Már Bjarnþórsson stóð sig best þeirra en hann hlaut 4 vinninga.

Nánar á Chess-Results.

Mótshaldið var í öruggum höndum Stefáns Bergssonar og Omar Salma. Ásdís Bragadóttir sá um undirbúning þess.

Bikarsyrpa TR hefst á morgun

Annað mót Bikarsyrpunnar hefst föstudaginn 29. september og stendur til sunnudagsins 1. október. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Dagskrá:

1. umferð: 29. september kl. 17.30 (fös)
2. umferð: 30. september kl. 10.00 (lau)
3. umferð: 30. september kl. 13.00 (lau)
4. umferð: 30. september kl. 16.00 (lau)
5. umferð: 01. október kl. 10.00 (sun)
6. umferð: 01. október kl. 13.00 (sun)
7. umferð: 01. október kl. 16.00 (sun)

Verðlaunaafhending fer fram strax að lokinni 7. umferð.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu fyrir lok umferðarinnar á undan.

Sjálfkrafa tap dæmist á keppanda sem mætir á skákstað meira en 15 mínútum eftir að viðkomandi umferð hefst.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari mótsins hlýtur að launum bikar og þá hlýtur einnig efsta stúlkan í hverju móti bikar. Verðlaunapeningur eru veittur fyrir 2. sæti og 3. sæti. Sérstök verðlaun verða veitt næsta vor fyrir besta samanlagðan árangur, þar sem mest fjögur mót gilda; taflsett, skákklukka, 5.000kr bókainneign ásamt veglegum farandbikar. Þá verða veitt sérstök verðlaun fyrir besta samanlagðan árangur, þar sem mest fjögur mót gilda, fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1. sæti gefur 5 einkatíma, 2. sæti gefur 3 einkatíma og 3. sæti gefur 2 einkatíma.

Nánari upplýsingar: http://taflfelag.is/bikarsyrpa-tr-heldur-afram-fostudaginn-29-september/

Skráðir keppendur: https://docs.google.com/spreadsheets/d/1WeidUjiUR3feCyQidQrdHVmTMqlXnbHb2oBlyG4XVa8/edit?usp=sharing

Hilmir Freyr og Björn Hólm með jafntefli við alþjóðlega meistara

Fimmta umferð alþjóðlega mótsins í Mön fór fram í gær. Í meistaraflokki (Masters) vann Helgi Ólafsson Jóvönu Rapport (2327). Þrír íslenskir skákmenn gerðu góð jafntefli. Hilmir Freyr Heimisson (2185) við indverska alþjóðlega meistarann Sharma Hermant (2342), Björn Hólm Birkisson (2023) á móti skoska alþjóðalega meistaranum Stephan R. Mannion (2320) og Gauti Páll Jónsson (2011) gegn Edmund Player (2202). Aðrar skákir töpuðust.

Magnus Carlsen (2827) og Pavel Eljanov (2734) eru efstir með 4½ vinning.  

Úrslit gærdagsins

Staða íslensku keppendanna

Tveir Íslendingar taka þátt í aðalflokknum (major)

Alexander Oliver Mai (1875) hefur byrjað mjög vel og hefur 2½ vinning eftir 3 umferðir. Arnar Heiðarsson (1480) hefur ½ vinning. Freyja Birkisdóttir (1332) teflir í unglingaflokki (minor) og hefur 2 vinninga eftir 3 umferðir þrátt fyrir að hafa teflt við stigahærri andstæðinga í öllum umferðum.

• Heimasíða mótsins
• Chess-Results

 

Aðalfundur Hugins fer fram í kvöld

Aðalfundur skákfélagsins Hugins verður haldinn í húsnæði Sensu hf. að Ármúla 31 í Reykjavík, fimmtudagskvöldið 28. september nk. kl. 20.00.

Dagskrá: Venjuleg aðalfundarstörf samkvæmt samþykktum félagsins.

• Sjá nánar hér: http://skakhuginn.is/um-gm-helli/samthykktir-gm-hellis/

Á aðalfundinum verður fjallað um eftirfarandi liði:

(1) Kosinn fundarstjóri og fundarritari.
(2) Flutt skýrsla stjórnar.
(3) Lagðir fram reikningar félagsins sem ná yfir síðastliðið almanaksár.
(4) Umræður um störf stjórnar og afgreiðsla reikninga.
(5) Kosning formanns og varaformanns.
(6) Kosning stjórnar
(7) Kosnir tveir endurskoðendur að reikningum félagsins.
(8) Formleg inntaka nýrra félagsmanna
(9) Félagsgjöld ákvörðuð.
(10) Lagabreytingatillögur sem séu löglega boðaðar
(11) Önnur mál.

Levon Aronian sigurvegari Heimsbikarmótsins!

Armeninn Levon Aronian var rétt í þessu að tryggja sér sigur á Heimsbikarmótinu í Tíblísi. Hann kjöldróg kínverska stórmeistarann Ding Liren í bráðabana, 2-0. Skákirnar, sem voru með atskákstímamörkum, voru frábærlega tefldar af hálfu Aronian og átti Liren ekki roð í hann.

 

Þetta er í annað skiptið sem Aronian ber sigur úr býtum í Heimsbikarmótinu en það gerði hann einnig árið 2005.

Fyrir utan titilinn hlaut Aronian 120 þúsund Bandaríkjadali í sinn hlut fyrir sigurinn. Ding Liren hlaut 80 þúsund Bandaríkjadali fyrir sína frammistöðu. 

Þótt að aurinn komi eflaust að góðum notum þá eru kapparnir eflaust enn sáttari við þá staðreynd að báðir unnu þeir sér sæti í Kandídatamótinu sem fer fram í Berlín á næsta ári. Þar munu átta sterkustu skákmenn heims keppa um réttinn til að skora á Magnus Carlsen í einvígi um heimsmeistaratitilinn.

 

Heimasíða mótsins

Frábær umfjöllun Chess.com um bráðabanann

Hraðskáksmót Taflfélags Reykjavíkur hefst í kvöld

Hraðskákmót Taflfélags Reykjavíkur fer fram í kvöld,  miðvikudaginn 27. september kl. 19:30. og fer mótið fram í húsnæði félagsins að Faxafeni 12. Tefldar verða 11 umferðir eftir svissnesku kerfi og er umhugsunartíminn 4 mínútur auk þess sem 2 sekúndur bætast við eftir hvern leik (4+2). Mótið verður reiknað til alþjóðlegra hraðskákstiga.

Þátttökugjald er kr. 1.000 fyrir 18 ára og eldri, en kr. 500 fyrir 17 ára og yngri. Félagsmenn TR sem eru 17 ára og yngri fá frítt í mótið. Verðlaun verða veitt fyrir þrjú efstu sætin. Auk þess verður krýndur Hraðskákmeistari Taflfélags Reykjavíkur. Þátttakendur eru beðnir um að skrá sig í forminu hér að neðan.

Að loknu hraðskákmótinu fer fram verðlaunaafhending fyrir Haustmót Taflfélags Reykjavíkur.

Skráning í mótið

Mön: Hilmir Freyr lagði alþjóðlegan meistara

Fjórða umferð alþjóðlega mótsins á Mön fór fram í dag og var róðurinn þungur fyrir íslensku skákmennina eftir gott gengi í umferðinni áður. Helst gladdi augað að Hilmir Freyr Heimisson lagði skoska alþjóðlega meistarann Stephen Mannion (2320) að velli. Þá gerðu bræðurnir, Bárður Örn og Björn Hólm, báðir jafntefli. Bárður gegn Shinya Kojima (2403) og Björn gegn Janik Kruse (2096).

Guðmundur, Helgi, Dagur, Gauti Páll og Aron Þór töpuðu sínum skákum.

Enginn hefur fullt hús í Masters-flokki. Heimsmeistarinn Magnus Carlsen gerði jafntefli við Rustam Kasimdzhanov frá Úsbekistan og Aleksandr Lenderman og Pavel Eljanov gerðu sömuleiðis jafntefli. Þessir fjórir eru efstir með 3,5 vinninga ásamt stórmeisturunum Laurent Fressinet, Julio Granda Zuniga og Santosh Vidit.

Þá hófu þrír íslenskir keppendur leik í Major-flokki mótsins, þeir Alexander Oliver Mai, Agnar Tómas Möller og Arnar Milutin Heiðarsson. Alexander vann sína skák í fyrstu umferð gegn stigalægri andstæðingi en Agnar og Arnar nýtu sér báðir hjásetu í fyrstu umferðinni.

Í annarri umferð gerði Alexander jafntefli gegn Colm Buckley (1926) en Arnar tapaði gegn Alexander Stuhlmann (1857). Agnar tók hinsvegar aðra hjásetu.

Freyja Birkisdóttir (1332) teflir í Minor-flokki og hefur byrjað afar vel. Hún gerði jafntefli við Howard Dobson (1654) í fyrstu umferð. Í annarri umferð gerði hún síðan jafntefli við Söndru Blackburn (1585).

Veislan heldur síðan áfram á morgun en pörun í Masters-flokki liggur ekki enn fyrir. Enginn Íslendingur verður í beinni útsendingu á morgun.

Mótið á Chess-results

Heimsbikarmótið: Úrslitin ráðast í bráðabana

Fjórðu og síðustu skák einvígis Ding Liren og Levon Aronian um Heimsbikarmeistaratitilinn lauk með jafntefli í dag. Þar með er ljóst að úrslit einvígisins ráðast í bráðabana þar sem leikar standa jafnir, 2-2.

Ding Liren stýrði hvítu mönnunum í dag og komst ekkert áfram. Eins í annarri skákinni, þar sem Aronian var einnig með svart, náði Aog aðrmeninn yfirhöndinni og vann loks peð. Ding Liren barðist hinsvegar um á hæl og hnakka og hélt að lokum jafntefli. Samið var um skiptan hlut eftir 52.leiki.

Bráðabaninn hefst á morgun með tveimur atskákum. Tíminn verður styttur enn frekar ef annar hvor keppandinn nær ekki að knýja fram sigur. Að lokum, ef fullreynt er að knýja fram úrslit, endar mótið með Armageddon-skák.

Bein útsending

Heimasíða mótsins