Skemmtileg viðtöl við erlenda keppendur

Peter Doggers hefur tekið fjölda viðtala við erlenda keppendur á N1 Reykjavíkurskákmótinu. Flest þeirra má finna í greinum hans á Chessvibes. Steinþór Baldursson, stjórnarmaður SÍ og mótsstjórnarmaður, hefur safnað saman þessum myndbandbrotum á einn stað.

Hér að ofan má finna viðtal við Sopiko Guramishvili, unnustu Anish Giri, en hér að neðan viðtala við Giri sjálfan.

 

Á viðtalssíðunni má einnig finna viðtöl við Svetlana Cherednichenk, Wesley So, Simon Williams, Pavel Eljanov, Alexander Ipatov, David Navara og Ding Liren.

Óhætt er að mæla með þessum viðtölum en þau gefa til kynna upplifun skákmannanna af Íslandi og sjálfu Reykjavíkurmótinu.

Viðtalssíða N1-Reykjavíkurmótsins

Fleiri erlendar skákfréttir frá N1 Reykjavíkurskákmótinu

Sem fyrr birtast erlendir skákfréttir um mótið. Alina L´Ami hefur skrifað aðra myndríka frétt um mótið á Chessbase, Malcolm Pein skrifar um það í Telegraph og Daninn Thomas Schou-Moldt skrifar reglulega um mótið og frammistöðuna Dananna á eigin bloggsíðu.

Besta greinin er svo eftir Peter Doggers á Chessvibes, sem staddur er á staðnum.

Von er svo á nýrri grein Ian Rogers á vefsíðu mótsins.

• Grein Peter Doggers á Chessvibes
• Grein Alinu á Chessbase 
• Grein Malcolm Pein á Telegraph
• Bloggsíða Thomas Schou-Moldt

Friðrik í stuði

Friðrik tefldi mikla hörkuskák við Kjartan Maack í 4. umferð N1 Reykjavíkurskákmótsins. Einar S. Einarsson var á skákstað og náði nokkrum stórskemmtilegum myndum af lokahluta skákarinnar sem hann hefur svo klippt saman af mikilli natni.

Myndaalbúm (ESE)

 

Kaffibolli merktur mótinu til sölu og önnur sölumennska á skákstað!

Fyrirtækið Vegaljós hefur framleitt nokkra bolla merku lógói mótsins. Þeir eru seldir sem minjagripir til erlendra og innlendra keppenda. Almennt verð er €15 en Íslendingar geta fengið bollann á 2.000 kr. Hægt að nálgast þá og greiða  upplýsingabás mótsins (INFO-desk).

Þar er einnig nálgast Tímaritið Skák, sem hefur sannarlega slegið í gegn, enda frábært að efnistökum, í lausasölu en blaðið verpur sent út til áskrifenda sem ekki sóttu blaðið í dag.  

Bóksala Sigurbjarnar mun svo mæta til leiks á sjálfa lokaumferðina sem hefst kl. 12 á miðvikudag.

 

Vin Open: allir velkomnir á hraðskákmót í dag kl. 13.

Í dag, mánudag, klukkan 13 verður hraðskákmót í Vin, Hverfisgötu. Mótið er sérviðburður í tengslum við N1 Reykjavíkurskákmótið. Tefldar verða sex umferðir með 5 mínútna umhugsunartíma.

Skákfélag Vinjar og Skákakademían standa að mótinu. Því verður senn fagnað, að 10 ár eru liðin síðan vikulegum skákæfingum var komið á laggirnar í Vin.

Allir eru hjartanlega velkomnir á Vin Open 2013, og að vanda verða ljúffengar veitingar í boði.

N1 Reykjavíkurskákmótið í Hraðfréttum

N1 Reykjavíkurskákmótið heldur áfram að rata í fjölmiðla. Nýlega var umfjöllun um mótið í Hraðfréttum þar sem Katrín Jakobsdóttir, menntamálaráðherra, og Hjörvar Steinn Grétarsson voru í aðalhlutverkum.

Ótrúlega fyndið atriði, reyndar eins og þátturinn í heild sinni. Skákin hefst ca. 2:25.

N1 Reykjavíkurskákmótið í Hraðfréttum

Skákþáttur Morgunblaðsins: Krakkar hafa öðruvísi smekk

Þeir sem fást við þjálfun barna og unglinga eru stundum minntir á að fræðin sem haldið er að börnum eru ekki höggvin í stein og að „...krakkar hafa öðruvísi smekk," eins og Nansý Davíðsdóttir orðaði það þegar við vorum að skoða stöðu, sem upp kom á Norðurlandamóti barna og unglinga á Bifröst í Borgarfirði, og einhverri uppástungu undirritaðs var svarað með þessum hætti.

Á skákmótum sem þessum getur samspil ótal óvæntra þátta haft afgerandi áhrif á lokaniðurstöðuna. Það sást best í einni af úrslitaviðureignum mótsins þegar Hilmir Freyr Heimisson vann Færeyinginn Janus Skaale í lokaumferðinni og tryggði íslenska liðinu Norðurlandameistaratitilinn. Fyrirfram áttum við kannski von a sigri Hilmis en þegar fram í sótti snerist taflið honum í óhag og þegar engar raunhæfar forsendur voru fyrir vinningstilraunum, nema auðvitað einbeittur sigurvilji og óundirritað „samkomulag" keppenda um að Hilmir væri betri. Burtséð frá stöðunni á taflborðinu hlaut hann að tefla til vinnings! Hann hafði sigur að lokum og lokastaðan var þessi: 1. Ísland 36 ½ v. 2. Danmörk 35 ½ v. 3. Svíþjóð 33 ½ 4. Noregur 31 ½ v. 5. Finnland 29 ½ v. 6. Færeyjar 12 ½ v. Þetta var góður sigur fyrir íslenskt skáklíf en skákkennsla er þessa dagana á góðri siglingu hjá Dönum, Norðmönnum og Svíum. Skipulag þessa móts hvíldi á herðum Páls Sigurðssnar, Stefáns Bergssonar og Omars Salama. Framkvæmdin öll var til fyrirmyndar enda vanir menn þarna á ferð.

Fyrir lokaumferðina var ljóst að gull og silfur var tryggt í yngsta flokknum, Vignir Vatnar Stefánsson vann lokaskák sína örugglega og fékk gullið því Nansý Davíðsdóttir tapaði og varð að gera sér silfur að góðu. Við fengum svo bronsverðlaun í þrem flokkum, Rimaskólastrákarnir Dagur Ragnarsson, Oliver Aron Jóhannsson og Jón Trausti Harðarson komu sterkir til leiks, hver þeirra hlaut 3 ½ vinning, en aðeins Oliver Aron vann til verðlauna. Jón Trausti hækkaði hinsvegar mest allra á stigum og tefldi margar afar athyglisverðar skakir. Í elsta aldursflokknum hlaut Mikael Jóhann bronsið og í þeim næstyngsta flokknum náði Dawid Kolka sér vel á strik og vann til bronsverðlauna þrátt fyrir tap í fyrstu umferð. Honum virtist aukast styrkur með hverri umferð:

NM 2013; 3. umferð:

Dawid Kolka - Anastasia Nazarova ( Svíþjóð )

Frönsk vörn

1. e4 e6 2. d4 d5 3. Rd2 Be7

Vinsæll leikur gegn Tartakower-afbrigðinu.

4. Rgf3 Rf6 5. Bd3 O-O 6. c3 c5 7. O-O Rc6 8. e5 Rd7 9. He1!

Valdar d4-peðið óbeint og rýmir f1-reitinn.

9. ... Db6 10. Rf1 cxd4 11. cxd4 Kh8 12. Bc2 f6 13. exf6 Rxf6 14. h3 Bd7 15. a3!

Annar fyrirbyggjandi leikur.

15. ... Hac8 16. Hb1 Ra5 17. Re3 Hc7 18. Bd2 Hfc8 19. Bc3 Bb5? 20. Rg5!

Nazarova hefði betur sleppt 19. leik sínum.

20. ... Bd7

Nær að verjast tveimur hótunum en ekki þeirri þriðju.

( Sjá stöðumynd. )

21. Rxh7! Be8

Eftir 21. ... Rxh7 kemur 22. Dh5 og vinnur.

22. Rxf6 Bxf6 23. Dd2

23. Rxd5! er beittara, t.d. 23. ... exd5 24. Hxe8+! Hxe8 25. Dh5 og mát í næsta leik.

23. ... Rc6 24. Hbd1 a6 25. Bb1 Da7 26. Rg4 Rd8 27. Rxf6 gxf6 28. Dh6+ Kg8 29. Hd3 Hg7 30. Hee3 Hcc7 31. Hg3 b5 32. Ba5 Hcf7 33. Bxd8 f5 34. Bf6 f4 35. Hxg7 Hxg7 36. Bxg7

- og Nazarova gafst upp.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 17. febrúar 2013.

Skákþættir Morgunblaðsins

Braga gekk vel um helgina í bresku deildakeppninni

Alþjóðlega meistaranum Braga Þorfinnssyni (2484) gekk vel í bresku deildakeppninni en 5. og 6. umferð fóru fram um helgina. Bragi vann báðar sínar skákir. Annars vegar gegn alþjóðlega meistaranum James Cobb (2427) og hins vegar gegn Chris J Dorrington (2307). Bragi hefur hlotið 3,5 vinning í 4 skákum, aðeins Short sem hefur náð jafntefli gegn honum.

Keppninni verður framhaldið  23. og 24. mars.

Heimasíða keppninnar

Þrír stórmeistarar efstir og jafnir á N1 Reykjavíkurskákmótinu - Hjörvar og Hannes efstir Íslendinga

Þrír stórmeistarar eru efstir og jafnir með 6 vinninga á N1 Reykjavíkurskákmótinu að lokinni sjöundu umferð sem fram fór í kvöld. Það eru Eljanov, Úkraínu, Gajewski, Póllandi og Filippseyingurinn Wesley So.

Hjörvar Steinn Grétarsson og Hannes Hlífar Stefánsson eru efstir Íslendinga með 5 vinninga. Hjörvar gerði jafntefli við úkraínska stórmeistarann Yuiry Kuzubov, sem hefur tvívegis verið meðal sigurvegara á Reykjavíkurskákmótinu, í hörkuskák. Hannes vann hins vegar rússnesku skákkonuna Alina Kashlinskaya. Friðrik gerði jafntefli við bandaríska FIDE-meistarann Jayakumar.

Friðrik, Dagur Arngrímsson, Henrik Danielsen og Þröstur Þórhallsson hafa 4,5 vinning.

Eljanov gerði jafntefli við Anish Giri eftir harða vörn.. Gajewki vann Frakkann stigaháa Vachier-Lagreve en Wesley So lagði Grikkjann Stelios Halkias. Efstu menn mótsins eiga það allir sameiginlegt að vera meðlimir í sama íslenska taflfélaginu, Víkingaklúbbnum.

Giri, Yu Yangyi og Sokolov eru meðal 11 keppenda sem hafa 5,5 vinning.

Áttunda umferð fer fram á morgun og hefst kl. 16:30. Á toppborðunum mætast meðal annars: Eljanov-Gajewski, Yu Yangyi-Wesley So og Bassem-Giri.

Hjörvar mætir hinni georgísku Sopiko Guramishvili, sem er unnusta Giri. Stórskemmtilegt viðtal við hana, sem Peter Doggers, tók má finna hér.

Hannes teflir við pólska stórmeistarann Bartosz Socko en Friðrik Ólafsson mætir tyrkneska stórmeistaranum Baris Esen.

• Heimasíða mótsins
• Chess-Results
• Beinar útsendingar
• Myndaalbúm 7. umferðar

Harpa - grein eftir Ian Rogers

Eins og áður hefur komið fram hér á Skák.is er ýmsar greinar skrifaðar um mótið af erlendum gestum. Ian og Cathy Rogers eru hér á landinu og munu eftir mótið skrifa greinar um það í ýmsa erlenda fjölmiðla.

Ian skrifaði eina grein fyrir mótshaldara og má finna hana á heimasíðu mótsins. Meginfókusinn í grein Rogers er á mótsstaðinn, Hörpu, en í greininni segir meðal annars:

Around a decade ago the Reykjavik Open moved to the impressive Reykjavik Town Hall, with views of icy waters shared by large numbers of ducks and swans.

In those days Iceland was the rich uncle of Europe and the fine  playing conditions for the biennial Open were not surprising.

Returning many years later, after the depredations of the financial crisis, it is necessary to report that the playing hall for the Reykjavik Open is no longer great - it is awesome.

Grein Rogers má finna í heild sinni hér.