Skákþing Reykjavíkur hefst á miðvikudagskvöldið

Skákþing Reykjavíkur hefst miðvikudaginn 10. janúar kl. 19.30. Tefldar verða níu umferðir eftir svissnesku kerfi. Tímamörk eru 90 mínútur og bætast við 15 mínútur eftir 40 leiki. 30 sekúndur bætast við eftir hvern leik alla skákina. Teflt er í húsnæði Taflfélags Reykjavíkur að Faxafeni 12.

Keppendur geta tekið tvær yfirsetur (bye) í umferðum 1-6. Leggja skal inn ósk um yfirsetu til skákstjóra við upphaf umferðarinnar á undan. Hálfur vinningur fæst fyrir yfirsetu.

Athygli er vakin á því að umferðir á sunnudögum hefjast kl. 13:00.

Dagskrá

1. umferð miðvikudag 10. janúar kl. 19.30
2. umferð sunnudag 14. janúar kl. 13.00
3. umferð miðvikudag 17. janúar kl. 19.30
4. umferð sunnudag 21. janúar kl. 13.00
5. umferð miðvikudag 24. janúar kl. 19.30
6. umferð sunnudag 28. janúar kl. 13.00
7. umferð miðvikudag 31. janúar kl. 19.30
8. umferð sunnudag 04. febrúar kl. 13.00
9. umferð miðvikudag 07. febrúar kl. 19.30

Hraðskákmót Reykjavíkur fer fram sunnudaginn 11. febrúar kl. 13 og verður þá jafnframt verðlaunaafhending fyrir Skákþingið.

Tímamörk

90 mín á 40 leiki, síðan 15 mín, auk 30 sek eftir hvern leik alla skákina.

Skákstjórn

IA Ólafur Ásgrímsson og IA Ríkharður Sveinsson ([e-mail] / s.772 2990)

Aðalverðlaun

• 1. sæti kr. 80.000
• 2. sæti kr. 40.000
• 3. sæti kr. 20.000

Stigaverðlaun

• Besta frammistaða miðað við eigin stig (rating performance – eigin stig) – kr. 10.000.
• U2000 og U1800 – kr. 10.000.
• U1600, U1400, U1200, stigalausir – bókaverðlaun.

Fide stig gilda við úthlutun stigaverðlauna (íslensk stig til vara). Hver keppandi getur aðeins hlotið ein aukaverðlaun (ofangreind röð verðlauna gildir).

Þátttökugjöld (greiðist með reiðufé við upphaf móts).

kr. 5.000 fyrir 18 ára og eldri.
kr. 2.500 fyrir 17 ára og yngri.

Skráningarform

Skráðir keppendur

Keppt er um titilinn “Skákmeistari Reykjavíkur 2018” og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Guðmundur Kjartansson.

Verði keppendur jafnir að vinningum í þremur efstu sætunum, verður verðlaunum skipt (Hort-kerfi), en stigaútreikningur (tiebreaks) látinn skera úr um lokaröð. Í öðrum verðlaunaflokkum ganga verðlaun óskipt til þess sem hefur flest stig eftir stigaútreikning. Röð stigaútreiknings: 1. Innbyrðis úrslit 2. Buchholz (-1) 3. Buchholz (median) 4. Sonneborn-Berger.

Skákþing Reykjavíkur er reiknað til alþjóðlegra skákstiga. Skákir mótsins verða slegnar inn og birtar á pgn formi.

Vinsamlegast mætið tímanlega á skákstað til að staðfesta skráningu og greiða þátttökugjald. Skráningu lýkur 15 mínútum fyrir auglýst upphaf móts, þ.e. kl. 19:15.

Atkvöld Hugins í kvöld

Fyrsta skákkvöld Hugins í mjóddinni verður atkvöld mánudaginn 8. janúar 2018 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 3 mínútur + 2 sekúndur á hvern leik. Síðan verða þrjár atskákir með umhugsunartímanum tíu mínútur + 5 sekúndur á hvern leik.. Teflt er í félagsheimili Hugins í Álfabakka 14a í Mjóddinni. Mótið verður reiknað til hraðskák- og atskákstiga.

Sigurvegarinn á atkvöldinu fær í verðlaun máltíð fyrir einn á Saffran eða pizzu frá Dominos. Einnig verður dreginn út af handahófi annar keppandi sem fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Lokaumferð minningarmóts Steinþórs í gangi

Sjöunda og síðasta umferð minningarmótsins um Steinþórs er nú í fullum gangi. Fyrir hana voru þeir Thomas Beerdsen (2416), Hollandi, og Aleksandrs Jazdanovs (2218), Lettlandi, efstir og jafnir með 5 vinninga. Annar Hollendingur Tycho Dijkhuis (2402) var þrðji með 4,5 vinninga. Bárður Örn Birkisson (2190) og Símon Þórhallsson (2040) voru efstir Íslendinga í 4.-6. sæti með 4 vinninga.

Lokahóf og verðlaunaafhending mótsins verður kl. 14. 

• Heimasíða mótsins
• Beinar útsendingar (Chess24)
• Chess-Results

Nýársmót Vinaskákfélagsins fer fram á morgun

Nýársskákmót Vinaskákfélagsins verður haldið mánudaginn 8 janúar kl: 13, í Vin að Hverfisgötu 47. Tefldar verða 6 umferðir með 7 mínútur á skák. Skákstjóri verður Hörður Jónasson. Mótið verður reiknað til hraðskákstiga. 

Í hléi verður boðið upp á kaffi og vöfflur. Góð verðlaun verða í boði. Þið getið skráð ykkur á mótið á gula kassanum efst á síðunni á skak.is Einnig getið þið skráð ykkur á staðnum.

Allir velkomnir!!

 

Skákþáttur Morgunblaðsins: Lausnir á jólaskákþrautum

D. J. Shire 1997 

Hvítur leikur og mátar í 2. leik.

 

1. Kh2

a) 1. ... Hxf3 2. De4 mát; b) 1. ... He3 2. Rd2 mát; c) 1. ... Hd2 2. Rxd2 mát d) 1. ... Hd4 2. Re5 mát; e) 1. ... Hd3-d1, d5, d6, d7, d8 2. Dxc3 mát. f) 1. ... Bb1 2. Db3 mát; 1. ... Bb3 2. Dxb3 mát; g) 1. ... Rxa4 2. Dxa4 mát; h) 1. ... Rd1 2. Dxa2 mát.

 

G. Heathcote 1911 

Hvítur leikur og mátar í 2. leik.

Hvítur leikur og mátar í 2. leik.

1. Rd4

a) 1. ... Dxd4 2. Dxh7 mát; b) 1. ... Bxd4 2. Db1 mát; c) 1. ... Kxd4 2. Db4 mát; d) 1. ...exd4 2. Dxd5 mát, e) 1. ... aðrir leikir 2. Hg4 mát. 

 

Thomas Taverner 1889 

Hvítur leikur og mátar í 2. leik.

 

1. Hh1

a) 1. ... c3 2. Rd3 mát b) 1. ... Be7 2. e3 mát; c) 1. .. Bf6 2. Df5 mát; d) 1. ... Bg5 2. Dh2 mát e) 1. .. Bh4 2. Hxh4 mát; f) 1. ... Bxh7 2. Rd5 mát; g) 1. ... Bf7 2. Df5 mát; h) 1. ...Be6 2. e3 mát; i) 1. ... Bd5 2. Rxd5 mát; j) 1. .. He7 2. Hh4 mát; k) 1. .. He6 2. Rd5 mát; l) 1. .. He5 2. Dg4 mát; m) 1. ... He4 2. fxe4 mát; n) 1. ... He3 2. Bh2 mát; o) 1. ... Hxe2+ 2. Rxe2 mát; p) 1. ... Hf7 2. Rd5 mát; q) 1. ... Hf6 2. Hh4 mát; r) 1. ... Hf5 2. Dxf5 mát.

 

Frá HM í Dresden 2017 

Hvítur leikur og mátar í 3. leik .

1. Ha7 - hótar 2. Hxd7 ásamt 3. De6 mát eða 3. Dh8 mát.

a) 1. ... Kd6 2. De6+ dxe6 3. Rf7 mát; b) 1. ... d5 2. Rec6+ og 3. De6 mát eða 3. Dxh7 mát; c) 1. ... d6 2. Rec6+ og 3. Df7 mát eða 3. Dxh7 mát; d) 1. ... Kd4 2. Hxd7+ Kc3 (2. ... Ke5 3. De6 mát) 3. Db3 mát.

 

A. Selezniev 1921 

Hvítur leikur og vinnur.

Hvítur leikur og vinnur.

1. d7 Kc7 2. d8(D)+ Kxd8 3. O-O-O+ og 4. Kxb2.

 

V. Korolkov 1935 

Hvítur leikur og vinnur.

 

1. d7 Ke7 2. Hb8 Bxg3 3. Ha8

Ekki 3. Kxg3 f1(D) 4. d8(D)+ Kxd8 5. Ba6+ Kc7 6. Hb7+ Kc8 7. Hb6+ Kc7 8. Hb7+ Kc8 9. Hxa7+ Kb8 10. Hb7+ Ka8 og svartur heldur velli.

3. ... f1(D) 4. d8(D)+ Kxd8 5. Ba6 Bb8 6. Bxf1 Kc7 7. Ba6 e2 8. Bxe2 Kb7 9. Bf3 Kxa8 10. Bxc6 mát.

 

Helgi Ólafsson [e-mail]

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 30. desember 2017.

Skákþættir Morgunblaðsins

Dagur efstur Íslendinga á minningarmóti Steinþórs

Dagur Ragnarsson (2332) er efstur íslensku keppendanna á minningarmótinu um Steinþór Baldursson að loknum fimm umferðum. Dagur hefur 3,5 vinninga og er í 4.-5. sæti. Dagur gerði jafntefli við lettneska FIDE-meistarann Dmitrijs Tokranovs (2354). Bárður Örn Birkisson (2190), Oliver Aron Jóhannesson (2277) og Símon Þórhallsson (2040) koma næstir Íslendinga með 3 vinninga. 

Hollendingurinn Thomas Beerdsen (2416) er efstur með 4,5 vinninga. Sjötta og næst síðasta umferð hófst núna kl. 16.  Dagur teflir við Lettann Aleksandrs Jazdanovs (2218). . 

• Heimasíða mótsins
• Beinar útsendingar (Chess24)
• Chess-Results

Góð frammistaða Vignis Vatnars í Stuttgart

Alþjóðlega mótinu, Staufer-Open, lauk í dag í Stuttgart í Þýskalandi í dag. Vignir tapaði fyrir stórmeistaranum Stanislav Novikov (2540) í lokaumferðinni. Guðmundur Kjartansson (2438) vann FIDE-meistarann Thomas Henrich (22440). Gúmmi hlaut 6,5 vinninga en Vignir hlaut 6 vinninga. Sá síðarnefndi var með frammistöðu upp á 2437 skákstig, var afar nærri því að ná alþjóðlegum áfanga, og hækkar um 16 stig. Guðmundur hækkar um 1 stig. 

Heimasíða mótsins

 

 

 

Bárður og Dagur efstir Íslendinga á minningarmóti Steinþórs

Bárður Örn Birkisson (2190) og Dagur Ragnarsson (2332) eru efstir íslensku skákmannanna eftir fjórar umferðir á minningarmóti Steinþórs Baldurssonar sem í gangi er í Stúkunni við Kópavogsvöll. Þeir félagarnir hafa 3 vinninga og er í 2.-7. sæti. Gauti Páll Jónsson (2161), Oliver Aron Jóhannesson (2277) eru þar skammt undan með 2,5 vinninga.

 

Fimmta umferð hófst núna kl. 10. Bárður teflir þar á fyrsta borði gegn hollenska alþjóðlega meistaranum Thomasi Beerdesen (2416), stigahæsta keppenda mótsins, og Dagur við lettneska FIDE-meistarann Dmitrijs Tokranovs (2354). 

Sjötta og næstsíðast umferð hefst svo kl. 16 í dag. Lokaumferðin hefst kl. 10 í fyrramálið. 

• Heimasíða mótsins
• Beinar útsendingar (Chess24)
• Chess-Results

Vignir í 6.-14. sæti fyrir lokaumferðina

Vignir Vatnar Stefánsson (2304) tapaði fyrir stórmeistaranum Vladimir Burmakin (2532) í áttundu og næstsíðustu umferð Staufer-Open í Stuttgart í gær. Vignir hefur 6 vinninga og er í 6.-13. sæti. Guðmundur Kjartansson (2438) gerði jafntefli við Philip Wenninger (2349) og hefur 5,5 vinninga. 

Lokaumferðin fer fram í dag. Vignir teflir við stórmeistarann Stanislav Novikov (2540) og Gummi við FIDE-meistarann Thomas Henrich (2240).   

Heimasíða mótsins

 

 

 

Bárður Örn efstur Íslendinga á minningarmóti Steinþórs

Bárður Örn Birkisson (2190) er efstur Íslendinga í 2.-4. sæti með 2½ vinning á alþjóðlegu unglingamóti sem haldið er þessa dagana til minningar um Steinþór Baldursson í Stúkunni við Kópavogsvöll. Þriðja umferð fór fram fyrr í dag. Lettneski FIDE-meistarinn Dmitrijs Tokranovs (2354) er efstur með fullt hús. Sjö skákmenn hafa 2 vinninga og þar á meðal eru Dagur Ragnarsson (2332), Gauti Páll Jónsson (2161), Símon Þórhallsson (2040) og Björn Hólm Birkisson (2084).

Hart er barist á mótinu og nánast ekkert um stutt jafntefli. Kröfugt taflmennska hjá ungmennunum sem berjast til síðasta blóðdropa í hverri skák. Fjórða umferð hófst núna kl. 16 í dag. 

Tvær skákir eru svo tefldar á morgun og lýkur mótinu á sunnudag. Leik dagsins í dag átti áðurnefndur Tokranovs í dag.

 

22...Dxh2!! 23. Dd3 (23. Dxh2 Rxc3#) 23...Dh5+ 24. He2 Rde3+! 5. Bxe3 Rb2+ og svartur vann skömmu síðar. 

Myndir væntanlegar!

Heimasíða mótsins