Dagur 7: "Kær"kominn frídagur

Langþráður frídagur var á Ólympíuskákmótinu í dag. Menn svolítið þreyttir eftir fimm daga og fínt að fá einn frídag. Í gær fór fram hið hefðbundna Bermúda-partý sem ávallt fer fram fyrir fyrri dag frídaginn. Á morgun tefla Íslendingar við Færeyinga og Ísraelsmenn. Kasparov bauð FIDE-fulltrúm Evrópuþjóða í bátsferð í dag. Pistill dagsins í styttra lagi.

Gærdagurinn

Það gekk vel í gær. Þrátt fyrir alls konar fílabrandara (mislélega) eins og til dæmis eftir viðureignina gegn blindum eins og„andstæðingarnir voru slegnir skákblindu", „við sáum við andstæðingunum" og „við vorum séðir" er afar gott að vinna slíka sveit 4-0 og það örugglega.  Þröstur og Gummi þurftu jú að hafa meira fyrir skákunum en aðrir en sigurinn var öruggur allan tíma.

Í viðureign stelpnanna gekk meira á. Lenka og Tinna unnu góða sigra en Jóhanna tapaði.Hallgerður varðist lengi vel og hélt jafntefli þrátt fyrir að hafa á að minnsta kosti einum tímapunkti gert alvarlega tilraun til að tapa.

Staðan

Sjö þjóðir hafa 9 stig af 10 mögulegum. Þar á meðal eru Aserar og Serbar sem eru í banastuði. Ísland er í 45. sæti en fyrirfram var íslenska liðinu raðað í 43. sæti. 

Hjá stúlkunum er liðið í 51. sæti en fyrirfram raðað í 64. sæti.

Rússar hafa 8 stig eftir 2-2 jafntefli gegn Búlgörum. Munu Rússar enn einu sitja eftir með öngulinn í r......m.

 

Dagurinn í dag

 

Í dag var fyrri frídagur mótsins. Það þýðir að í gær var Bermúdapartýið. 

Í dag fór hópur skákstjóranna upp í kláf fyrir ofan Tromsö. Myndir af því sjá á Facebook. Ég sjálfur fer í skemmtilega bátsferð með GK eldri (Garry Kasparov - sá yngri heitir Guðmundur).

Garry ber sig vel. Tíðindi dagsins að Rússneska skáksambandið ætli virkilega að kæra mótshaldara. Og þá um verulega upphæðir. Um það verður fjallað nánar þegar nánari tíðindi berast.

Morgndagurinn

Liðið í opnum flokki mætir liði Færeyja en í kvennaflokki eru það Ísraelsmenn. Nánar á morgun.

Gunnar Bjornsson

 

Rússneski björninn rumskar: Mótshaldarar kærðir

Skáksamband Rússlands hefur kært mótshaldara Ólympíuskákmótsins fyrir dómstólum í Noregi. Kæran er vegna lögfræðikostnaðar Rússa vegna þess að kvennaliði Rússa var í upphafi meinuð þátttaka þar sem þátttökutilkynning þeirra barst of seint. Krafa Rússa hljómar upp á 1.200.000 NOK eða um 22.000.000 kr. Þess fyrir utan er ýjað að því að frekari kröfur kunni að vera gerðar á síðari stigum.

Málið vekur óneitanlega athygli en samkvæmt óstaðfestum upplýsingum ritstjóra Skák.is. voru ein fjögur bréf send frá Rússneska skáksmbandinu til mótshaldara. Sé það rétt kostar er áætlaður kostnaður á hvert bréf um 5.500.000 kr.

Nánar má lesa um málið á VG og auk frekari uppfjöllunar um málið á Skák.is á morgun.

 

Borgarskákmótið fer fram á mánudag

Borgarskákmótið fer fram mánudaginn 11. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa Reykjavíkurfélögin Taflfélag Reykjavíkur og Skákfélagið Huginn að mótinu.

Tefldar verða 7 umferðir með 7 mínútna umhugsunartíma. Mótið er öllum opið og þátttaka ókeypis

Mótið er öllum opið og er þátttaka ókeypis en skráning fram hér á Skák.is.

Þetta er í 28. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Hjörvar Steinn Grétarsson, sem þá tefldi fyrir Íslandsbanka.

Verðlaun:

1. 30.000 kr.
2. 20.000 kr.
3. 10.000 kr.

Stórmót TR og Árbæjarsafns fer fram á sunnudag

Stórmót Taflfélags Reykjavíkur og Árbæjarsafns fer fram í tíunda sinn sunnudaginn 10. ágúst. Teflt verður í Árbæjarsafni og hefst taflið kl. 14. Tefldar verða sjö umferðir með umhugsunartímanum 7 mín. á skák. Veitt verða verðlaun fyrir þrjú efstu sætin í Stórmótinu, 15.000 kr., 10.000 kr. og 5.000 kr.

Þátttökugjöld í Stórmótinu eru kr. 1.300 fyrir 18 ára og eldri, en ókeypis fyrir yngri en 18 ára, eldri borgara (67) og öryrkja. Þátttökugjöld eru jafnframt aðgangseyrir að safninu en þeir sem þegar hafa aðgang, t.d. með menningarkorti, þurfa ekki að borga þátttökugjald.

Frekari upplýsingar veitir Torfi Leósson, netfang: ([e-mail]) eða í síma 697-3974. Mótið er jafnan upphafsviðburður skákársins, og við vonumst til að sjá sem flesta á þessu skemmtilega móti.

Framsýnarmótið veður helgina 29.-31. ágúst á Laugum

Framsýnarmótið verður haldið í Dvergasteini á Laugum í Reykjadal, helgina 29.-31. ágúst.

Tefldar verða 7 umferðir eftir svissneska kerfinu. 4 atskákir og 3 kappskákir.

Mótið hefst kl 20:00 föstudaginn 29 ágúst en þá verða tefldar fjórar atskákir Tvær kappskákir verða tefldar á laugardeginum  og svo ein á sunnudeginum. Það er Skákfélagið Huginn sem heldur mótið með stuðningi frá Framsýn-stéttarfélagi í  Þingeyjarsýslu.

Nú hefur verið opnað fyrir skráningar og hafa fjölmargir skráð sig til leiks. Mótið er opið öllum áhaugasömum Skráning fer fram á vef Hugins hér: http://skakhuginn.is/nordursvaedi/framsynarmotid/

Góður sigur gegn blindum og Bangladess

Íslenska liðið vann stórsigur 4-0 gegn blindum og sjónskertum í fimmtu umferð Ólympíuskákmótsins í dag. Mjög góður sigur gegn þéttri sveit. Það er ekki auðvelt að tefla á móti blindum því þeir tefla á sér borðiog segja þarf leikinn upphátt. Sumir þeirra hafa aðstoðarmann sem leikur fyrir þá. Skákmenn þurfa því að halda fullri einbeitingu. Stelpurnar unnu Bangladess 2,5-1,5. Lenka Ptácníková og Tinna Kristín Finnbogadóttir unnu sínar skákir en Hallgerður Helga Þorsteinsdóttir gerði jafntefli í maraþonskák.

Jafntefli varð í viðureign Asera og Serba sem og í viðureign Rússa og Búlgara. Nánar verður farið yfir stöðu mála ítarlegum pistli morgundagsins.

•  Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Myndaalbúm (Facebook)

 

Dagur 6: Skák er fyrir alla - viðureign dagsins lýsandi fyrir það

Í dag teflir liðið í opnum flokki við lið blindra og sjónskerta. Þetta konsept að blindir, fatlaðir og heyrnarskertir fái að tefla á Ólympíuskákmótum finnst mér frábært. Stelpurnar tefla við Bangladess. Gærdagurinn var súr. Tap gegn Svíum með minnsta mun og stórtap gegn Venesúela.

Gærdagurinn

Tapið gegn Svíum var slæmt. Á mótum Serbum höfðum við góða sigurmöguleika en gegn Svíum áttum við einhvern aldrei breik. Guðmundur Kjartansson tapaði örugglega en hinir Íslendingar höfðu aldrei neitt. Það var fljótt ljóst hvert stefndi.

Stelpurnar áttu heldur ekki góðan dag. Töpuðu sannfærandi nema Hallgerður Helga. Nú er bara ýta gærdeginum í burtu. Sjö umferðir eru eftir!

Umferðir dagsins

Í dag mætum við IBCA - alþjóðlegri sveit blindra og sjónskerta. Við höfum aldrei mætt þeim áður. Þeir eru býsna sterkir og skulu alls ekki vanmetnir.

Í sveitinni er þrautreyndir skákmenn sem hafa oft teflt á alþjóðlegum mótum. Margir íslenskir skákáhugamenn muna margir eftir fyrsta borðs manninum, Pólverjanum, Piotr Dukaczewski, sem tefldi á N1 Reykjavíkurskákmótinu 2012.

Helgi Áss Grétarsson, kom í heimsókn í gær. Hann hefur tvívegis teflt við blinda skákmenn og segir að geti verið erfitt að einbeita sér. Auðvitað er smá truflun en sumir þeirra segja leikinn upphátt og svo leikur aðstoðarmaður leikinn. Blindir eru eðli málsins samkvæmt einnig mjög minnugir. Full einbeiting er því gríðarlega mikilvæg í dag.

Stelpurnar tefla við Bangladess. Þetta er í fjórða skiptið sem það gerist. Við höfum gert jafntefli tvisvar en tapað einu sinni. Sveitirnar eru mjög áþekkar af styrkleika.

FIDE-kosningar

FIDE-þingið hófst í gær með alls konar nefndarfundum. Ég er sjálfur í nefnd um samfélagslega ábyrgð og hlustaði þar á fólk frá Úganda og Síle þar sem er verið að gera frábæra hluti.

Blaðamannafundur Kasparov sem ég sagði frá í gær hefur kallað fram viðbrögð. Kirsan-fólk dreifir hér bæklingum þar sem áskökunum er neitað um óeðlileg vinnubrögð varðandi kjörbréf er neitað.

Í gær hitti ég gamlan kunningja úr fyrrum Sovét-veldi, sem tefldi á alþjóðlega Hellismótinu 1993. Hann hefur verið FIDE-fulltrúi lengi og studdi t.d. Karpov fyrir fjórum árum síðan. Nú er hann ekki lengur FIDE-fulltrúi. Nú er það annar aðili sem er stuðningsmaður Kirsans. Þegar ég spurði hann af hverju hann væri ekki fulltrúi - fékk ég svarið „just politics". Skipunin hefur komið að ofan.

Á morgun er frídagur.

Gunnar Björnsson

Ný heimasíða Hróksins: Fréttir, fróðleikur og skemmtilegar greinar

Skákfélagið Hrókurinn hefur hleypt af stokkunum nýrri heimasíðu, sem ætluð er áhugafólki á öllum aldri. Þar er hægt að nálgast fréttir, fróðleik og fræðslu, og áhersla lögð á skemmtileg efnistök.

 

Á heimasíðunni eru sagðar nýjustu fréttir úr skákheiminum, en hún er jafnframt gnægtabrunnur fróðleiks og skemmtunar úr skáksögunni. Nú er til dæmis hægt að lesa viðtal Hróksins.is við Dirk Jan Ten Geuzendam, ritstjóra New in Chess sem er vinsælasta skáktímarit heims.

 

Dirk Jan hefur skrifað um skák í þrjátíu ár og verið viðstaddur alla helstu skákviðburði veraldar á þeim tíma. Hann rifjar upp þegar hann var gestur á fyrstu skákhátíð Hróksins á Grænlandi 2003, sem hann segir alltaf koma upp í hugann þegar hann er spurður um hvaða skákviðburður er minnisstæðastur. Dirk Jan spáir því að Magnus Carlsen haldi titli sínum í heimsmeistaraeinvíginu við Anand, og rifjar upp viðtöl við ódauðlega snillinga.

 

Össur Skarphéðinsson, félagi í Hróknum númer 125, segir í stórskemmtilegri grein frá frumbernsku Hróksins, sem spratt upp úr skáklífinu á Grandrokk við Klapparstíg í lok síðustu aldar. Grandrokk var mikil menningarbúlla, þar sem tónlistin dafnaði, haldin voru skáldakvöld og pólitískar kappræður, en skákin var fyrst og fremst vörumerki staðarins. Össur segir frá þeim ógleymanlegu karakterum sem hittust í suðupottinum við Klapparstíg, og greinina tileinkar hann þeim Karli Hjaltested og Jóni Brynjari Jónssyni, veitingamönnum á Grandrokk í þá gömlu daga.

 

Maður mánaðarins á Hrókurinn.is er Siguringi Sigurjónsson skákkennari með meiru. Hann er ástríðufullur boðberi skákíþróttarinnar, höfundur námsefnis í skák, og hefur síðustu ár kennt skák í fjölmörgum grunnskólum á vegum Skákakademíu Reykjavíkur. Hann gaf út fyrsta skákkverið á grænlensku, sem Hróksmenn hafa dreift til hátt í 2000 barna á Grænlandi. Um skák segir Siguringi: ..Skákin er harður skóli sem agar mig til og veitir mér visku sem ég get nýtt mér í lífinu."

 

Á síðunni er sagt í máli og myndum frá starfi Hróksins og félaga á Grænlandi, en tólfta starfsár Hróksmanna á Grænlandi stendur nú yfir. Alls hefur félagið skipulagt um 40 ferðir til bæja og byggða vítt og breitt um Grænland. Þúsundir grænlenskra barna hafa lært að tefla, fengið taflsett að gjöf; og óteljandi ánægjustundir orðið til.

 

Sagt er frá starfi Hróksmanna í Vin, athvarfi Rauða krossins fyrir fólk með geðraskanir, en þar hefur skáklífið blómstrað síðan 2003, svo nú er Vinaskákfélagið eitt skemmtilegasta og líflegasta skákfélag landsins. Þá er sérstök umfjöllun tileinkuð Barnaspítala Hringsins, en þangað hafa Hróksmenn komið í vikulegar heimsóknir í meira en áratug.

 

Lögð er áhersla á að Hrókurinn.is sé aðgengileg og skemmtileg síða fyrir áhugamenn á öllum aldri. Glæsilegar, sérkennilegar og merkilegar skákir eru rifjaðar upp daglega, auk þess sem lesendur geta spreytt sig á skákþraut dagsins, tekið þátt í skoðanakönnun um mesta skákmann allra tíma eða gengist undir dálítið próf í skáksögunni.

 

Á síðu Hróksins er jafnframt hægt að nálgast upplýsingar um hvar er skemmtilegast að tefla á Netinu, auk þess sem verið er að byggja upp gagnagrunn um skákkennslu og námsefni, sem allir geta nálgast.

 

Tómas Veigar Sigurðarson hafði veg og vanda af hönnun og uppsetningu nýrrar heimasíðu Hróksins. Ritstjóri er Hrafn Jökulsson.

 

Heimasíða Hróksins 

Viðureignir dagsins: IBCA og Bangladess

Nú liggja fyrir uppstiling dagsins. Helgi hvílir í opnum flokki en Elsa María í kvennaflokki.

Opinn flokkur:

Við mætum alþjóðlegri sveit blindra og sjónskertra í dag sem eru töluvert stigalægra en það íslenska.  

Bo.	80	IBCA (IBCA)	Rtg	-	43	Iceland (ISL)	Rtg	0 : 0
86.1	IM	Dukaczewski, Piotr	2288	-	GM	Stefansson, Hannes	2536
86.2	IM	Meshkov, Yuri A.	2357	-	GM	Gretarsson, Hjorvar Steinn	2543
86.3	FM	Stachanczyk, Jacek	2299	-	IM	Kjartansson, Gudmundur	2448
86.4	FM	Mueller, Oliver	2312	-	GM	Thorhallsson, Throstur	2426

 

Kvennaflokkur:

Kvennaliðið mætir Bangladess er áþekkt íslenska liðinu að styrkleika.

Bo.	59	Bangladesh (BAN)	Rtg	-	64	Iceland (ISL)	Rtg	0 : 0
32.1	WIM	Shamima, Akter Liza	2147	-	WGM	Ptacnikova, Lenka	2273
32.2	WIM	Hamid, Rani	1995	-		Thorsteinsdottir, Hallgerdur	1982
32.3	WFM	Sultana, Zakia	1964	-		Finnbogadottir, Tinna Kristin	1915
32.4	WFM	Sultana, Sharmin Shirin	1984	-		Johannsdottir, Johanna Bjorg	1862

 

•  Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Myndaalbúm (Facebook)

 

Mæta sveit blindra og sjónskertra - stelpurnar tefla við Bangladesh

Íslenska liðið í opnum flokki mætir alþjóðlegri sveit blindra og sjónskertra í fimmtu umferð Ólympíuskákmótsins sem fram fer á morgun. Það er ánægjulegt að á Ólympíuskákmótinu skulu sérsveitir blindra/sjónskertra, heyrnarskertra og hreyfihamlaðra taka þátt. Það segir margt um slagorð skákarinnar - við erum ein fjölskylda. Allir geta geta tekið þátt! Stelpurnar mæta sveit Bangladess. Báðar íslensku sveitirnar hafa 4 stig.

Aserar, Búlgarar og Serbar eru efstir með fullt hús stiga í opnum flokki. Aserar unnu Frakka, Búlgarar sigruðu Rúmena og Serbar lögðu Tékka að velli.  Þrettán þjóðir hafa 7 stig. Þar á meðal eru Rússar og Kínverjar, sem gerðu 2-2 jafntefli í dag sem og Norðmenn sem unnu Pólverja. 

Kínverjar, Indónesar, Ungverjar, Rússar og Íranar eru efstir í kvennaflokki einnig með fullt hús.

Sveit blindra og sjónskertra skipa:

1	IM	Pulvett Marin Daniel	2425	VEN	0.0	0.0
2	IM	Dukaczewski Piotr	2288	POL	1.5	4.0
3	IM	Meshkov Yuri A.	2357	RUS	3.0	4.0
4	FM	Stachanczyk Jacek	2299	POL	2.0	4.0
5	FM	Mueller Oliver	2312	GER	1.5	4.0

Margir skákáhugamenn muna án eftir Pólverjanum Piotr Dukaxzewski, sem tók þátt í N1 Reykjavíkurskákmótinu 2012.

Í grein í Morgunblaðinu um Pólverjann viðkunnanlega í kringum Reykjavíkurskákmótið 2012 sagði meðal annars:

Sumum reynist erfitt að læra mannganginn og ekki er á allra færi að tefla blindskák en Pólverjinn Piotr Dukaczewski, Evrópumeistari blindra í skák, lætur sjónleysið ekki á sig fá og etur ekki aðeins kappi við þá bestu heldur hefur jafnvel í fullu tré við þá marga hverja.

Reykjavíkurskákmótið hefur staðið yfir undanfarna daga en því lýkur í dag. Piotr Dukaczewski er sæmilega ánægður með árangur sinn, er með 50% vinningshlutfall fyrir síðustu umferðina. Hann missti sjónina sem barn og er með um 5% sjón, en er í fremstu röð blindra skákmanna í heiminum.

Piotr Dukaczewski ólst upp í Varsjá og lærði að tefla þegar hann var sjö eða átta ára. „Pabbi kenndi mér," segir hann og bætir við að hann hafi teflt með sjáandi í nokkur ár en eftir að hann missti sjónina hafi hann haldið áfram að tefla með blindum í félagi blindra.

Alþjóðlegur meistari 20 ára

Þegar Piotr Dukaczewski var tvítugur tók hann í fyrsta sinn þátt í heimsmeistarakeppni blindra í skák og varð í 2. sæti, sem varð til þess að Alþjóðaskáksambandið viðurkenndi hann og sigurvegarann sem alþjóðlega meistara. Síðan hefur hann reglulega tekið þátt í alþjóðlegum mótum eða í 27 ár. Hann vinnur hjá samtökum blindra í Varsjá og teflir skák í frístundum. „Það er mjög erfitt fyrir mig að tefla við stórmeistara en ég reyni að gera mitt besta."

Alþjóðasamtök blindra skákmanna eiga lið á ólympíuskákmótinu, sem er haldið á tveggja ára fresti. Piotr Dukaczewski hefur verið í liðinu undanfarinn rúman áratug og fer fyrir því í Istanbul í Tyrklandi í haust. Hann varð í 2. sæti á heimsmeistaramóti blindra skákmanna í Belgrad í Serbíu fyrir tveimur árum og vonast til þess að vinna til verðlauna með pólska liðinu á ólympíumóti blindra í Indlandi í sumar.

Stelpurnar mæta sveit Bangladess sem er mjög áþekk íslensku sveitinni að styrkleika. Þá sveita skipa:

Bo.		Name	Rtg	FED	Pts.	Games
1	WIM	Shamima Akter Liza	2147	BAN	2.0	4.0
2	WFM	Khan Nazrana	2001	BAN	2.0	4.0
3	WIM	Hamid Rani	1995	BAN	1.0	3.0
4	WFM	Sultana Zakia	1964	BAN	1.0	2.0
5	WFM	Sultana Sharmin Shirin	1984	BAN	1.5	3.0

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Myndaalbúm (Facebook)