Jólamót TR og SFS - Metþátttaka!

Hið árlega Jólaskákmót Taflfélags Reykjavíkur og Skóla og frístundasviðs Reykjavíkurborgar hefst á morgun sunnudag í skákhöll T.R. Faxafeni 12 með keppnin í yngri flokki.

 

Aldrei áður hafa jafnmargar sveitir verið skráðar til leiks eða 52 en í fyrra sem þá var met tóku 44 sveitir þátt.  Mótið í fyrra tókst frábærlega og eflaust á það þátt í metþátttöku í ár, en ekki síður ber hún blómlegu skákstarfi í skólum og út í taflfélögum borgarinnar fagurt vitni. Vikulega sækja t.d. hátt í 100 krakkar og unglingar skákæfingar Taflfélags Reykjavíkur sem er mikil aukning frá því í fyrra og virðist ekkert lát á fjölguninni.

Í yngri flokki (1.-7. bekk) eru hvorki meira né minna en 43 sveitir skráðar til leiks og munu þær keppa í tveimur riðlum.  Keppni hefst í suður riðli kl. 10.30 og norður riðli kl. 14.00.  Tvær efstu sveitir í hvorum riðli munu síðan tefla til úrslita innbyrðis á mánudaginn en þá fer einnig fram keppni í eldri flokki (8.-10. bekk).  Níu sveitir eru skráðar til leiks þar sem er fjölgun um eina sveit frá því í fyrra.

 

Ingunnarskóli og Rimaskóli senda flestar sveitir til leiks í yngri flokki, 5 sveitir hvor skóli.  Í eldri flokki senda Laugarlækjarskóli og Rimaskóli tvær sveitir hvor skóli.

 

Rimaskóli er núverandi meistari í bæði opnum og stúlknaflokki yngri flokksins.  Rimaskóli sigraði í opnum flokki hjá eldri krökkunum í fyrra en stúlknaflokkinn sigraði sveit Breiðholtsskóla.

 

Tefldar verða 6 umferðir með 10 mínútna umhugsunartíma og fjórir þátttakendur eru í hverri sveit. 

 

Foreldrar, aðstandendur og skákáhugamenn eru hvattir til að mæta og fylgjast með ungviðinu okkar tefla á fjölmennasta barna og unglingaskákmóti hvers árs.

Pálmi hraðskákmeistari Skákfélags Sauðárkróks

Hraðskákmeistaramót Skákfélags Sauðárkróks fór fram í fyrradag. Sjö skákmenn mættu til leiks, en "skotta" skipaði áttunda plássið. Tefld var tvöföld umferð og var umhugsunartími 5 mínútur á skák. Eftir harða baráttu stóð Pálmi Sighvats uppi sem sigurvegari með 11 vinninga af 14 mögulegum og er því nýkrýndur hraðskákmeistari 2014. Birkir Már Magnússon varð í öðru sæti með 10 vinninga en hann hafði titil að verja frá því í fyrra. Baldvin Kristjánsson varð þriðji með 9 vinninga.

Næsta miðvikudag, 3. nóvember, verður hefðbundin æfing með 15 mín. skákum. Tvær síðustu æfingarnar fyrir jól, (10. og 17 nóv.) verða svo teknar undir Jólamótið, en þar verður umhugsunartími 15 mínútur. 

Davíð atskákmeistari Víkingaklúbbsins

Davíð Kjartansson kom sá og sigraði á Atskákmóti Víkingaklúbbsins sem haldið var í Víkingsheimilinu í gærkvöldi. Davíð tók fljótlega forustu á mótinu og gat hægt á í lokin með tveim jafnteflisskákum. Í 2.-3. sæti urðu svo Bárður Örn Birkisson og Gunnar Fr. Rúnarsson með 4.5 vinning,en Bárður sigraði jafnframt í unglingaflokki á meistaramótinu.  

Mikla athygli vakti góð frammistaða bræðrana Bárðs og Björns Birkissonar á mótinu, en þeir telfdu allan tíman á efstu borðum.  Mótið var atskákmót, en atskák telst vera lögleg ef umhugsunartíminn er meira en 10. mínutur á keppanda, en umhugsunartíminn á meistaramóti Víkingaklúbbsins var 11. mínútur á keppanda. Þetta er að öllum líkindum í fyrsta skipti sem keppt er með þessum tímamörkum á skákmóti á Íslandi.

Úrslit:

1. Davíð Kjartansson 5.0 vinn af 6.
2-3. Bárður Örn Birkisson 4.5 v.
2-3. Gunnar Fr. Rúnarsson 4.5 v.
4. Ólafur Brynjar Þórsson 4.0 v.
5-6. Björn Hólm Birkisson 3.5 v.
5-6. Halldór Pálsson 3.5 v.
7-8. Ingi Tandri Traustason 3.0 v.
7-8. Aron Þór Mai 2.5 v.
9-10. Héðinn Briem 2.5 v.
9-10. Úlfur Orri Pétursson 2.5 v.
11-13. Alexander Olever mai 2.0 v.
11-13. Hjálmar Sigvaldason 2.0 v.
11-13. Gunnar Ingibergsson 2.0 v.
14. Víkingur Orri Víkingsson 0.0 v.

Það veður enginn í vélarnar!

Skemmtikvöld TR - Úlfurinn fer fram í kvöld

Hann veldur skelfingu og angist hjá sumum.  Vellíðan og hugarró hjá öðrum.  Hann er altalaður, eftir honum hefur verið beðið og hér kemur hann.

Úlfurinn 2014 fer fram nú á föstudagskvöldið á síðasta skemmtikvöldi ársins.

Tefldar verða stöður úr skákum hins magnaða sænska stórmeistara Ulf Andersson.  Fyrirkomulagið er það sama og var á Anöndinni 2014.  Allir skákmenn og þá sérstaklega pósameistarar landsins eru hvattir til að mæta, allavegana ef menn eiga óuppgerðar skák-sakir við Björn Þorfinnsson og Stefán Bergsson. Nú er tækifærið! 

Ekki er loku fyrir það skotið að óvæntur leynigestur mæti á svæðið.

Fyrirkomulagið verður eftirfarandi:

1. Keppendur skipta milli sín tíu mínútum. Hver 100 ELO-stig sem munar á keppendum draga þá í sundur um eina mínútu í hvora átt. 200 stig tvær mínútur í hvora átt. Alveg niður í tvær mínútur gegn átta. 2 sekúndur bætast við hvern leik. Sá sem hefur minni tíma á klukkunni í upphafi skákar ræður hvoru megin hún stendur.  
2. Tefldar verða stöður úr skákum Ulf Andersson
3. Tefldar verða 12 skákir.
4. Keppendur tefla innbyrðis eina skák með hvítt og eina skák með svart. (2. skáka viðureign milli keppenda)
5. Tvær stöður úr skákum Ulf verða í boði í hverri viðureign.  Sá sem stýrir svörtu mönnunum í hvorri skák velur hvor staðan er tefld!  Hvítur á alltaf fyrsta leik í stöðunum.
6. Önnur af stöðunum sem hægt er að velja úr í hverri umferð verður gerð opinber á fimmtudag, og keppendur geta því undirbúið sig og valið þá stöðu þegar þeir fá svart, ..eða ekki.
7. Stöðurnar geta bæði verið úr þekktum byrjunum eða þegar þeim sleppir.
8. Gerð verða tvö hlé til Billjardbarsferða meðan á mótinu stendur.
9. Verðlaun:
   1.sæti 8000 króna úttekt á billjardbarnum í formi veitinga.
   2.sæti 5000 króna úttekt á Billjardbarnum í formi veitinga.
   3.sæti 2000 króna úttekt á Billiardbarnum í formi veitinga.
10. Þátttökugjald er 500 krónur sem innheimt verður af festu og ákafa fyrir fyrstu umferð.
11. Aldurstakmark er 20 ár og rétt er að geta þess að áfengisbann ríkir í húsakynnum Taflfélagsins.
12. Sigurvegarinn hlítur nafnbótina Úlfurinn 2014 

Tekið skal fram að í vor verður haldin skemmtikvöldakóngakeppni þar sem Mórinn 2014,Karlöndin 2014, Úlfurinn 2014 og aðrir sigurvegarar skemmtikvöldanna munu mætast í uppgjöri þeirra bestu.

Úlfurinn 2014 er eitthvað sem enginn skák- áhugamaður ætti að láta fram hjá sér fara. Skemmtikvöld TR eru frábær skemmtun og hafa notið mikilla vinsælda. 

Verið velkomin!

Mikil spennan fyrir lokaumferð Skákþings Garðabæjar - fjórir á toppnum!

Það er gríðarleg spenna fyrir lokaumferð Skákþings Garðabæjar sem fram fer nk. mánudagskvöld. Fjórir keppendur eru efstir og jafnir með 4½ vinning en það eru Jóhann Helgi Sigurðsson (2013), Agnar Tómas Möller (1657), Bárður Örn Birkisson (1636) og Guðlaug Þorsteinsdóttir (2006). Hörð barátta er um titilinn Skákmeistari Garðabæjar en þar eru Jóhann Helgi og Guðlaug efst. 

Jón Þór Helgason (1681) og Páll Sigurðsson (1919) eru í 5.-6. sæti með 4 vinninga.

Guðlaug sem hafði byrjað illa á mótinu vann Jóhann Helga í frestaðri skák sem fram fór í gærkveldi. Bárður vann Jón Eggert Hallsson (1632) og Agnar Tómas gerði jafntefli við Jón Þór Helgason (1681).

Í lokaumferðinni mætast meðal annars: Guðlaug - Agnar Tómas, Jóhann Helgi - Páll og Jón Þór - Bárður Örn.

Stöðuna í a-flokki má nálgast á Chess-Results.

B-flokkur

Þorsteinn Magnússon (1241) og Guðmundur Agnar Bragason (1352) eru efstir með 5 vinninga. Róbert Luu (1315) er svo þriðji með 4,5 vinning.

Stöðuna í b-flokki má nálgast á Chess-Results.

Sjöunda og síðasta umferð fer fram nk. í mánudagskvöld í báðum flokkum.

 

• Heimasíða TG
• Chess-Results

Magnús Pálmi, Sverrir Örn og Þorvarður efstir öðlinga

Magnús Pálmi Örnólfsson (2167), Sverrir Örn Björnsson (2104) og Þorvarður F. Ólafsson (2233) eru efstir og jafnir á Vetrarmóti öðlinga að lokinni fimmtu umferð mótsins sem fram fór í gærkveldi. Magnús Pálmi vann nafna sinn Magnússon (1978) sem hafði leitt mótið hingað til. Þorvarður vann Einar Valdimarsson (1876) en Sverrir Örn hafði betur gegn Kristjáni Halldórssyni (1838).

Magnús Magnússon er í 4.-6. sæti með 3,5 vinning ásamt Siguringa Sigurjónssyni (1942) og John Ontiveros (1766). Það er því mikil spenna í mótinu þegar aðeins tveimur umferðum er ólokið.

Í sjöttu og næstsíðustu umferð, sem fram fer nk. miðvikudagskvöld mætast: Sverrir Örn - Þorvarður, Siguringi - Magnús Pálmi og Magnús Magnússon - John. 

• Heimasíða TR
• Chess-Results

Atskákmót Víkingaklúbbsins fer fram í dag

Atkvöld Víkingaklúbbsins verður haldið fimmtudaginn 27. nóvemer í Víkinni Víkingsheimilinu og hefst taflið kl 20.00.  Tefldar verða sex umferðir með 11. mínútna umhugsunartíma.  Sigurvegari mótsins hlýtur titilinn Atskákmeistari Víkingaklúbbsins 2014.  Þátttaka er ókeypis.  

 

Mótið verður reiknað til alþjóðlegra atskákstiga, en þetta er jafnframt fyrsta skipti sem teflt er 11. mínútna skákir í Víkinni.  Núverandi atskákmeistari Víkingaklúbbsins er Davíð Kjartansson.

 

Mótið 2013 hér:
Mótið 2012 hér:

Skemmtikvöld TR á föstudaginn - Úlfurinn

Hann veldur skelfingu og angist hjá sumum.  Vellíðan og hugarró hjá öðrum.  Hann er altalaður, eftir honum hefur verið beðið og hér kemur hann.

Úlfurinn 2014 fer fram nú á föstudagskvöldið á síðasta skemmtikvöldi ársins.

Tefldar verða stöður úr skákum hins magnaða sænska stórmeistara Ulf Andersson.  Fyrirkomulagið er það sama og var á Anöndinni 2014.  Allir skákmenn og þá sérstaklega pósameistarar landsins eru hvattir til að mæta, allavegana ef menn eiga óuppgerðar skák-sakir við Björn Þorfinnsson og Stefán Bergsson. Nú er tækifærið! 

Ekki er loku fyrir það skotið að óvæntur leynigestur mæti á svæðið.

Fyrirkomulagið verður eftirfarandi:

1. Keppendur skipta milli sín tíu mínútum. Hver 100 ELO-stig sem munar á keppendum draga þá í sundur um eina mínútu í hvora átt. 200 stig tvær mínútur í hvora átt. Alveg niður í tvær mínútur gegn átta. 2 sekúndur bætast við hvern leik. Sá sem hefur minni tíma á klukkunni í upphafi skákar ræður hvoru megin hún stendur.  
2. Tefldar verða stöður úr skákum Ulf Andersson
3. Tefldar verða 12 skákir.
4. Keppendur tefla innbyrðis eina skák með hvítt og eina skák með svart. (2. skáka viðureign milli keppenda)
5. Tvær stöður úr skákum Ulf verða í boði í hverri viðureign.  Sá sem stýrir svörtu mönnunum í hvorri skák velur hvor staðan er tefld!  Hvítur á alltaf fyrsta leik í stöðunum.
6. Önnur af stöðunum sem hægt er að velja úr í hverri umferð verður gerð opinber á fimmtudag, og keppendur geta því undirbúið sig og valið þá stöðu þegar þeir fá svart, ..eða ekki.
7. Stöðurnar geta bæði verið úr þekktum byrjunum eða þegar þeim sleppir.
8. Gerð verða tvö hlé til Billjardbarsferða meðan á mótinu stendur.
9. Verðlaun:
   1.sæti 8000 króna úttekt á billjardbarnum í formi veitinga.
   2.sæti 5000 króna úttekt á Billjardbarnum í formi veitinga.
   3.sæti 2000 króna úttekt á Billiardbarnum í formi veitinga.
10. Þátttökugjald er 500 krónur sem innheimt verður af festu og ákafa fyrir fyrstu umferð.
11. Aldurstakmark er 20 ár og rétt er að geta þess að áfengisbann ríkir í húsakynnum Taflfélagsins.
12. Sigurvegarinn hlítur nafnbótina Úlfurinn 2014 

Tekið skal fram að í vor verður haldin skemmtikvöldakóngakeppni þar sem Mórinn 2014,Karlöndin 2014, Úlfurinn 2014 og aðrir sigurvegarar skemmtikvöldanna munu mætast í uppgjöri þeirra bestu.

Úlfurinn 2014 er eitthvað sem enginn skák- áhugamaður ætti að láta fram hjá sér fara. Skemmtikvöld TR eru frábær skemmtun og hafa notið mikilla vinsælda. 

Verið velkomin!

Skákþáttur Morgunblaðsins: Magnús þokast nær titilvörn

Skákþáttur Morgunblaðsins frá 19. nóvember sl.

---------------------------------------------

Þegar átta skákum er lokið í einvígi Magnúsar Carlsen og Indverjans Wisvanathans Anands heldur Norðmaðurinn vinningsforskoti, 4 ½ : 3 ½ og aðeins fjórar skákir eftir. Í gær fékk Anand fékk loks tækifæri til að stýra hvítu mönnunum en komst ekkert áleiðis gegn Magnúsi sem mætti vel undirbúinn til leiks og náði jafntefli án mikilla erfiðleika. Á mánudaginn sátu þeir að tafli í sex og hálfa klukkustund og allan tímann reyndi Magnús að knýja fram sigur úr örlítið betri stöðu. Í endatafli varð Anand að gefa mann fyrir tvö peð en varðist fimlega og hélt jöfnu eftir 122 leiki. Þetta telst næstlengsta skák heimsmeistaraeinvígja frá upphafi en Kortsnoj og Karpov tefldu þá lengstu; 5. einvígisskákin í Baguio á Filippseyjum sumarið 1978 endaði með því að Kortsnoj pattaði Karpov í 124. leik. Í sjöundu skákinni í Sochi á mánudaginn tefldi Anand hið trausta Berlínar-afbrigði spænska leiksins. Eftir 76. leiki kom þessi staða upp: 

Magnús – Anand

Magnús heldur enn í eitt peð en eftir 76.... Hc3! sá hann fram á að ekki gengi að leika 77. Hxc3 Kxc3 78. Ke3 vegna 78.... Kb4 79. Kd4 Kb5! sem heldur jöfnu. Hann lét því b3-peðið af hendi og lék 77. Rd3+ Kxb3 78. Ha1og sættist á jafntefli 44 leikjum síðar.

Magnús var gagnrýndur fyrir að tefla svo lengi áfram með kóng, hrók og riddara gegn kóngi og hrók en slíkar stöður eru taldar dautt jafntefli. Norski heimsmeistarinn upplýsti fyrir einvígið að undirbúningur hans hefði m.a. falist í athugun á ferli Bobbys Fischers og finna má dæmi úr skákum 11. heimsmeistarans sem tefldi svipaða stöðu lengi vel gegn Florin Gheorghiu frá Rúmeníu á skákmóti í Vinkovci í Júgóslavíu árið 1968.

Hafi það verið ætlan Magnúsar að „þreyta laxinn“ tókst það vel, taflmennska Anands í skákinni í gær var fremur þróttlaus og í fyrsta sinn í einvíginu mistókst honum að ná frumkvæðinu út úr byrjuninni með hvítu:

8. einvígisskák:

Wisvanathan Anand – Magnús Carlsen

Drottningarbragð

1. d4 Rf6 2. c4 e6 3. Rf3 d5 4. Rc3 Be7 5. Bf4 O-O 6. e3 c5 7. dxc5 Bxc5 8. a3 Rc6 9. Dc2 He8!?

Leynivopn Magnúsar. Hann vissi að Anand var vel undirbúinn fyrir 9.... Da5 sem er langoftast leikið en þá á hvítur ýmsa góða kosti, t.d. að hrókera langt.

10. Bg5 Be7 11. Hd1 Da5 12. Bd3 h6 13. Bh4 dxc4 14. Bxc4 a6 15. O-O b5 16. Ba2 Bb7 17. Bb1 Had8 18. Bxf6 Bxf6 19. Re4

Ekki er eftir neinu að slægjast með 19. Dh7+ Kf8 20. Re4, m.a. vegna 20.... Hxd1 21. Hxd1 Hd8 o.s.frv.

19.... Be7 20. Rc5 Bxc5 21. Dxc5

Í fljótu bragði virðist hvítur halda góðum færum en næsti leikur svarts jafnar taflið umsvifalaust. 

21. ... b4! 22. Hc1

Eftir 22. Dxa5 Rxa5 23. axb4 Bxf3! 24. gxf3 Rc6! vinnur svartur peðið til baka.

22.... bxa3 23. bxa3 Dxc5 24. Hxc5 Re7 25. Hfc1 Hc8 26. Bd3 Hed8 27. Hxc8 Hxc8 28. Hxc8 Rxc8

Nú blasir jafntefli við.

29. Rd2 Rb6 30. Rb3 Rd7 31. Ra5 Bc8 32. Kf1 Kf8 33. Ke1 Ke7 34. Kd2 Kd6 35. Kc3 Re5 36. Be2 Kc5 37. f4 Rc6 38. Rxc6 Kxc6 39. Kd4 f6 40. e4 Kd6 41. e5+.

- og Anand bauð jafntefli um leið sem Magnús vitanlega þáði.

Staðan: Magnús Carlsen 4 ½ : Wisvanathan Anand 3 ½.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 19. nóvember 2014

Skákþættir Morgunblaðsins

Ný íslensk skákstig

Ný íslensk skákstig miðuð við 1. desember nk. eru komin út. Jóhann Hjartarson (2607) er sem fyrr stigahæsti íslenski skákmaðurinn. Kristmundur Þór Ólafsson er stigahæsti nýliðinn og Björn Hólm Birkisson hækkar mest allra frá september-listanum. 

Topp 20

Jóhann Hjartarson (2607) er sem fyrr stigahæsti skákmaður þjóðarinnar – bæði á innlendum sem alþjóðlegum skákstigum.  Margeir Pétursson (2591) er næststigahæstur og Hannes Hlífar Stefánsson (2585) er þriðji.

Nr.	Name	RtgC	Diff	Cat	Tit	Club
1	Jóhann, Hjartarson	2607	4	-	GM	TB
2	Margeir, Pétursson	2591	2	-	GM	TR
3	Hannes H, Stefánsson	2585	4	-	GM	TR
4	Helgi, Ólafsson	2551	3	-	GM	TV
5	Héðinn, Steingrímsson	2542	-1	-	GM	Fjölnir
6	Hjörvar, Grétarsson	2539	7	-	GM	Huginn
7	Jón Loftur, Árnason	2513	-1	-	GM	TB
8	Henrik, Danielsen	2510	10	-	GM	TV
9	Helgi Áss, Grétarsson	2489	1	-	GM	Huginn
10	Stefán, Kristjánsson	2482	2	-	GM	Huginn
11	Friðrik, Ólafsson	2459	0	SEN	GM	TR
12	Karl, Þorsteins	2457	0	-	IM	TR
13	Guðmundur, Kjartansson	2436	-4	-	IM	TR
14	Þröstur, Þórhallsson	2434	2	-	GM	Huginn
15	Jón Viktor, Gunnarsson	2431	6	-	IM	TR
16	Bragi, Þorfinnsson	2421	-5	-	IM	TB
17	Dagur, Arngrímsson	2400	0	-	IM	TB
18	Björn, Þorfinnsson	2392	2	-	IM	TR
19	Arnar, Gunnarsson	2381	-19	-	IM	TR
20	Magnús Örn, Úlfarsson	2360	-6	-	FM	Huginn

 

Nýliðar

26 (!!) nýliðar eru á listanum. Langstigahæstur þeirra er Kristmundur Þór Ólafsson (1664) en í næstum sætum eru Davíð Sigurðsson (1295) og Benedikt Stefánsson (1231).

Nr.	Name	RtgC	Diff	Cat	Club
1	Kristmundur Þór Ólafsson	1664	1664	-	Víkingaklúbburinn
2	Davíð Sigurðsson	1295	1295	-	Siglufjörður
3	Benedikt Stefánsson	1231	1231	U16	SA
4	Baldvin Skúlason	1220	1220	-	Víkingaklúbburinn
5	Joshua Davíðsson	1216	1216	U10	Fjölnir
6	Jón Þór  Lemery	1147	1147	U14	TR
7	Eldar Sigurðarson	1141	1141	U14	TR
8	Birgir Ívarsson	1133	1133	U14	Huginn
9	Alexander Oliver Mai	1105	1105	U12	TR
10	Ari Rúnar Gunnarsson	1096	1096	U14	Huginn
11	Arnar Milutin Heiðarsson	1087	1087	U12	TR
12	Óðinn Örn Jakobsen	1075	1075	U12	TR
13	Ólafur Örn Olafsson	1032	1032	U12	TR
14	Sævar Halldórsson	1030	1030	U12	TR
15	Bjarki Ólafsson	1017	1017	U12	TR
16	Alexander Björnsson	1000	1000	U08	TR
17	Arnór Ólafsson	1000	1000	U12	TR
18	Baltasar Máni Wedholm	1000	1000	U10	Huginn
19	Birgir Logi Steinþórsson	1000	1000	U10	Huginn
20	Björn Magnússon	1000	1000	U10	TR
21	Freyja Birkisdóttir	1000	1000	U08	TR
22	Karl Oddur Andrason	1000	1000	U12	TG
23	Mikael Maron Torfason	1000	1000	U10	Fjölnir
24	Róbert Orri Árnason	1000	1000	U12	Fjölnir
25	Stefan Geir Hermannsson	1000	1000	U10	TR
26	Vignir Sigur Skúlason	1000	1000	U08	TR

 

Mestu hækkanir

Björn Hólm Birkisson (202) hækkar langmest allra á íslenskum skákstigum. Kristófer Halldór Kjartansson (177) er annar, Aron Þór Mai (135) og Róbert Luu (124) er fjórði.

Nr.	Name	RtgC	Diff	Cat	Club
1	Björn Hólm Birkisson	1770	202	U14	TR
2	Kristófer Halldór Kjartansson	1177	177	U12	Fjölnir
3	Aron Þór Mai	1403	135	U14	TR
4	Róbert Luu	1184	124	U10	TR
5	Jóhann Arnar Finnsson	1354	95	U14	Fjölnir
6	Stefán Orri Davíðsson	1087	87	U08	Huginn
7	Baldur Teodor Petersson	1623	78	U14	TG
8	Dawid Kolka	1766	72	U14	Huginn
9	Bárður Örn Birkisson	1685	63	U14	TR
10	Ólafur Evert Úlfsson	1486	56	-	SA
11	Jón Þór Helgason	1553	50	-	Haukar
12	Jón Kristinn Þorgeirsson	2080	46	U16	SA
13	Arnþór Hreinsson	1338	43	-
14	Heimir Páll Ragnarsson	1420	39	U14	Huginn
15	Andri Freyr Björgvinsson	1764	37	U18	SA
16	Sverrir Gestsson	1789	35	-	SAUST
17	Kristófer Jóel Jóhannesson	1376	35	U16	Fjölnir
18	Sævar Jóhann Bjarnason	2085	34	SEN	TR
19	Snorri Þór Sigurðsson	1863	34	-	Huginn
20	Ólafur Hlynur Guðmarsson	1571	33	-	SAUST
21	Tryggvi K Þrastarson	1163	33	-

 

Stigahæstu skákkonur landsins

Lenka Ptácníková (2246) er langstigahæsta skákkona landsins. Í næstum sætum eru Guðlaug Þorsteinsdóttir (1977) og Hallgerður Helga Þorsteinsdóttir (1953).

Nr.	Name	RtgC	Diff	Tit	Club
1	Lenka Ptácníková	2246	7	WGM	Huginn
2	Guðlaug U Þorsteinsdóttir	1977	-18	WFM	TG
3	Hallgerður H Þorsteinsdóttir	1953	-9		Huginn
4	Tinna Kristín Finnbogadóttir	1878	12		UMSB
5	Jóhanna Björg Jóhannsdóttir	1836	0		Huginn
6	Elsa María Krístinardóttir	1820	14		Huginn
7	Guðfríður L Grétarsdóttir	1817	0	WIM	Huginn
8	Harpa Ingólfsdóttir	1789	0		TR
9	Sigurlaug R Friðþjófsdóttir	1726	-5		TR
10	Sigríður Björg Helgadóttir	1714	-11		Fjölnir

 

Stigahæstu ungmenn landsins (U20)

Oliver Aron Jóhannesson (2208) er stigahæsta ungmenni landsins (20 ára og yngri). Í næstum sætum eru Dagur Ragnarsson (2183), Mikael Jóhann Karlsson (2083) og Vignir Vatnar Stefánsson (2083).

Nr.	Name	RtgC	Diff	Cat	Club
1	Oliver Aron Jóhannesson	2208	-15	U16	Fjölnir
2	Dagur Ragnarsson	2183	-6	U18	Fjölnir
3	Mikael Jóhann Karlsson	2083	27	U20	SA
4	Vignir Vatnar Stefánsson	2083	7	U12	TR
5	Jón Kristinn Þorgeirsson	2080	46	U16	SA
6	Nökkvi Sverrisson	2079	-6	U20	SFÍ
7	Örn Leó Jóhannsson	2073	7	U20	SR
8	Jón Trausti Harðarson	2051	-27	U18	Fjölnir
9	Emil Sigurðarson	1946	8	U18	SFÍ
10	Símon Þórhallsson	1879	22	U16	SA

 

Stigahæstu eldri skákmenn landsins (60+)

Friðrik Ólafsson (2459) er langstigahæsti eldri skákmaður (+60) landsins. Í næstum sætum eru Kristján Guðmundsson (2268) og Jón Kristinsson (2236).

Nr.	Name	RtgC	Diff	Tit	Club
1	Friðrik Ólafsson	2459	0	GM	TR
2	Kristján Guðmundsson	2268	-5		TV
3	Jón Kristinsson	2236	-5		SA
4	Áskell Örn Kárason	2216	18		SA
5	Jón Hálfdánarson	2187	0		TG
6	Björn Þorsteinsson	2181	0		Huginn
7	Magnús Sólmundarson	2178	0		SSON
8	Jón Torfason	2175	0		Vinaskákfélagið
9	Arnþór S Einarsson	2167	19		KR
10	Bragi Halldórsson	2132	4		Huginn

Reiknuð skákmót

• Bikarsyrpa TR nr. 1
• Bikarsyrpa TR nr. 2
• Haustmót SA (5.-9. umferð)
• Haustmót TR (a-d flokkar)
• Íslandsmót skákfélaga (1.-4. deild)
• Meistaramót Hugins (suður)
• NM grunnskólasveita