Hátíð á Ströndum frestað

Skákhátíð á Ströndum 2015 sem fram átti að fara 26. til 28. júní hefur verið frestað af óviðráðanlegum ástæðum. Mikil forföll og veikindi hafa herjað á keppendur, og telur Hrókurinn því rétt að fresta hátíðinni. Minningarmót Böðvars Böðvarssonar, sem fram átti að fara 27. júní, verður auglýst síðar. 

Liðsmönnum Hróksins þykir leitt að þurfa að hætta við skákhátíðina núna. Hróksmenn hafa haldið margar hátíðir í Árneshreppi, og héldu fyrstu  mótin og fjölteflin uppúr aldamótum. Margir af bestu skákmönnum landsins, sem og áhugamenn af öllum stigum, hafa teflt í einstöku andrúmslofti á Ströndum, og það er von Hróksmanna að innar tíðar verði enn teflt í landsins fegurstu sveit. 

Í mörg horn er annars að líta hjá liðsmönnum Hróksins. Á næstu vikum fara nokkrar stórar fatasendingar til Grænlands, en fatasöfnunin hófst í haust og hefur gengið framúrskarandi vel. Búið er að senda mörghundruð kassa af vönduðum skóm og fötum, sem einkum hafa farið til fátækustu þorpa austurstrandarinnar. 

Hróksmenn hafa þrisvar heimsótt Grænland á árinu 2015 og haldið hátíðir í fjórum bæjum. Næstu 12 mánuði eru 5-6 ferðir á teikniborðinu. 

Þá halda Hróksmenn áfram heimsóknum í Vin og Barnaspítala Hringsins, en það góða starf hófst sumarið 2003. Ýmis mót og viðburðir eru á dagskránni í sumar, og verður það nánar auglýst hér og á heimasíðu Hróksins.

Carlsen neðstur eftir tap gegn Anand - Toplov efstur á mótinu

Martröð heimsmeistarans Magnusar Carlsen (2876) heldur áfram á Norway Chess-mótinu í Stafangri. Í gær tapaði hann fyrir Vishy Anand (2804). Carlsen hefur aðeins hálfan vinning eftir 4 umferðir og er einn neðstur. Versta byrjun heimsmeistarans síðan í Gausdal 2005 þegar hann var 14 ára!

Topalov (2798) er einn efstur með 3,5 vinning eftir sigur á Aronian (2780). Grischuk (2781) vann Hammer (2677) en öðrum skákum lauk með jafntefli. 

Kasparov tísti nokkuð um skák Anand og Carlsen

Fine game by Anand and a mini-crisis for Magnus, but playing at home always brings considerable extra responsibilities and pressure.

— Garry Kasparov (@Kasparov63) June 19, 2015 

Yes, Magnus losing the first round game on time by error was already a serious blow to his stability. And no time to recover.

— Garry Kasparov (@Kasparov63) June 19, 2015

Chess is not a stadium sport where adrenaline from cheering home crowd helps you. Adds distractions, emotional tension, not good for chess.

— Garry Kasparov (@Kasparov63) June 19, 2015

Staðan:

1. Topalov (2797) 3,5 v. 
2. Nakamura (2802) 3 v.
3.-4. Giri (2773) og Anand (2804) 2,5 v.
5.-7. Caruana (2805), Grischuk (2781) og Vachier-Lagrave (2723) 2 v.
8.-9. Aronian (2780) og Hammer (2677) 1 v.
10. Carlsen (2876) 0,5 v. 

Ítarlega grein með skákskýringum um umferð gærdagsins má finna á Chess.com.

Frídagur er í dag. 

 

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Hannes gerði jafntefli við Sipke og er 2.-11. sæti fyrir lokaumferðina

Hannes Hlífar Stefánsson (2580) er í 2.-11. sæti á Teplice-mótinu. Í sjöndu umferð í gær gerði hann jafntefli við hollenska stórmeistaranum Ernst Sipke (2527). Rússneski stórmeistarinn Mikhail Ulybin (2519) er einn efstur með 6 vinninga. Í dag, næstsíðustu umferð mótsins, mætir hann ísraelska stórmeistaranum Tamir Nabaty (2597). 

Lenka Ptácníková (2307) gerði jafntefli í gær og er í 38.-70. sæti með 4 vinninga. 

Einstök úrslit þeirra á mótinu má nálgast á Chess-Results.

Umferðin í dag hefst kl. 14 og er hægt að fylgjast með skák Hannesar og Nabaty þar beint. 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Fimm íslenskir skákmenn að tafli í Havana

Fimm íslenskir skákmenn sitja nú að tafli á minningarmóti Cabablanca sem fram fer í, Havana, höfuðborg Kúbu. Þeir tefla þar allir í opnum flokki. Það eru þeir Hjörvar Steinn Grétarsson (2571), Guðmundur Kjartansosn (2462), Jón Trausti Harðarson (2107), Hörður Aron Hauksson (1899) og Aron Ingi Óskarsson (1875).

Eftir fimm umferði rer staða þeirra sem hér segir:

• 17.-32. Hjörvar Steinn Grétarsson 3,5 v.
• 33.-73. Guðmundur Kjartansson 3 v.
• 104.-135. Hörður Aron Hauksson og Jón Trausti Harðarson 2 v.
• 157.-133. Aron Ingi Óskarsson 1 v.

Ákaflega takmörkuð þjónusta er í boði á vefsíðu mótsins.

Heimasíða mótsins

Nakamura og Topalov efstir - Carlsen rekur lestina eftir jafntefli við Giri

Það er teflt afar fjörlega í Stafangri þar sem Norway Chess fer fram. Nakamura (2802), sem vann tilvonandi landa sinn Caruana (2805), og Topalov (2798), sem vann öruggan sigur á Vachier-Lagrave (2723) eru efstir með 2,5 vinning. Carlsen (2876) náði fram mun betri stöðu gegn Giri (2773) en náði ekki að kreista fram sigur. Carlsen er einn í neðsta sæti með hálfan vinning. 

Caruana náði ekki að fylgja eftir sigrinum gegn Carlsen. Hann fékk fína stöðuna gegn Nakamura en afar ónákvæmir peðsleikir rétt fyrir tímamörkin leiddu til taps. Mikilvægur sigur fyrir Nakamura sem vill án efa halda stöðu sinni sem sterkasti bandaríski skákmaðurinn.

MVL tefldi afar ónákvæmt gegn Topalov og tapaði örugglega í 28 leikjum með hvítu.

Carlsen hefur aldrei unnið Giri í kappskák og það breyttist ekki í gær. Hann vann peð og flest benti til þess að hann næði fram sigri. Giri varðist afar vel og hélt jafnteflinu. 

Staðan:

1.-2. Nakamura (2802) og Topalov (2798) 2,5 v.
3. Giri (2773) 2 v.
4.-6. Vachier-Lagrave (2723), Caruana (2805) og Anand (2804) 1,5 v.
7.-9. Aronian (2780), Grischuk (2781) og Hammer (2677) 1 v.
10. Carlsen (2876) 0,5 v.

Mótshaldarar báðust í gær afsökunar á því að hafa ekki kynnt tímamörkin nógu vel í upphafi mótsins. Í yfirlýsingunni mótshaldara.

On behalf of the Grand Chess Tour and the Chief arbiter, as well as personally, I would like to apologize to the players for the insufficient information with regards to the time control.

Allthough the information was on the www.grandchesstour.com and was also announced prior to the first round, we learned that several players, during the first round, were not aware of the new and unconventional time control. This fact tells us that our work providing the information leaves room for improvement. For this, we are truly sorry, and especially towards Magnus Carlsen who lost his first game due to not being aware of the time control.

Sincerely,

Jøran Aulin-Jansson, Norway Chess

Ítarlega grein með skákskýringum um umferð gærdagsins má finna á Chess24.

 

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Hannes í 2.-6. sæti í Teplice

Hannes Hlífar Stefánsson (2580) er í 2.-6. sæti á Teplice-mótinu í Tékklandi. Í gær gerði hann mjög stutt jafntefli við ísraelska stórmeistarann Evgeny Postny (2634). Hannes hefur 5 vinninga. Í dag mætir hann hollenska stórmeistaranum Ernst Sipke (2527). Lenka Ptácníková (2307) tapaði í gær og hefur 3,5 vinning.

Einstök úrslit þeirra á mótinu má nálgast á Chess-Results.

Umferðin í dag hefst kl. 14 og er hægt að fylgjast með skák Hannesar og Sipke þar beint. 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Mjög góð byrjun Hannesar í Teplice

Hannes Hlífar Stefánsson (2580) hefur byrjað sérlega vel á Teplice-mótinu í Tékklandi. Í gær vann hann mjög góðan og sannfærandi sigur á pólska alþjóðlega meistaranum Lukasz Butkiewicz (2433). Eftir fimm umferðir hefur Hannes 4,5 vinning og er í 1.-4. sæti. Í dag teflir hann við ísraelska stórmeistarann Evgeny Postny (2634).

Lenka Ptácníková (2307) hefur einnig byrjað prýðilega og hefur 3,5 vinning. 

Einstök úrslit þeirra á mótinu má nálgast á Chess-Results.

Umferðin í dag hefst kl. 14 og er hægt að fylgjast með skák Hannesar og Postny þar beint. 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Caruana vann Carlsen

Fabiano Caruana (2805) vann Magnus Carlsen (2876) í annarri umferð Norway Chess-mótsins sem fram fór í gær. Hinn ítalski meistari(brátt bandaríski) braut aftur Berlínarmúr Carlsen á nokkuð sannfærandi hátt. Carlsen hefur nú tapað í tveimur fyrstu umferðunum og er það í fyrsta skipti síðan 2010 (Bilbao) sem Carlsen tapar tveimur fyrstu umferðunum.

Carlsen er enn nokkuð ósáttur við að hafa fallið á tíma og segir mótshaldara ekki hafa staðið sem skyldi.

Carlsen: "I am still not happy about yesterday and think it's Stavanger not doing their job." #NorwayChess

— Tarjei J. Svensen (@TarjeiJS) June 17, 2015

Hann sagði þó síðar:

Carlsen says to Norwegian media he takes responsibility of what happened yesterday, but thinks organizer shouldve done better. #NorwayChess

— Tarjei J. Svensen (@TarjeiJS) June 17, 2015

Carlsen kenndi þó ekki atvikunu í fyrstu umferð um tapið í þeirri annarri.

Carlsen: "What happened today didn't have much to do with yesterday" #NorwayChess

— Tarjei J. Svensen (@TarjeiJS) June 17, 2015

Carlsen mætir Anish Giri (2773) í dag en honum hefur ekki gengið vel gegn Hollendingum unga í gegnum tíðina.

Öðrum skákum lauk með jafntefli. Reyndar öllum í hörkuskákum þar sem fórnað var fram og aftur.

Nakamura (2802), Giri, Topalov (2798), Vachier-Lagrave (2723) og Caruana eru efstir með 1,5 vinning. Carlsen er einn í neðsta sæti.

Í þriðju umferð mætast meðal annars Nakamura og Caruana og Carlsen-Giri.  

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Skákþáttur Morgunblaðsins: Glæsileg leikflétta Friðriks

Stórmeistararnir Friðrik Ólafsson, Jóhann Hjartarson og Margeir Pétursson taka ásamt fjölmögum íslenskum skákmönnum þátt í opnu alþjóðlegu móti sem, fram fer á eyjunni Sardiníu. Þetta mót er liður í þeirra í undirbúningi fyrir Evrópumót landsliða sem fram fer í Reykjavík í haust en eins og fram hefur hefur komið fram teflir Ísland fram gullaldarliði í keppninni en aðrir í þeirri sveit eru Jón L. Árnason og greinarhöfundur. Eftir þrjár umferðir höfðu Friðrik og Jóhann hlotið 2½ vinning og voru í 6.- 12. sæti, Margeir Pétursson var með 1½ vinning en hvað varðar aðra íslenska keppendur má geta frábærrar frammistöðu hins unga Heimis Páls Ragnarsson sem er með 2½ vinning eins og Stefán Bergsson. Með 2 vinninga eru Veronika Steinunn Magnúsdóttir, Óskar Víkingur Davíðsson, Áskell Örn Kárason og Gunnar Björnsson. Alls taka 124 skákmenn þátt í mótinu, þar af 16 Íslendingar. Tvær umferðir voru á dagskrá í gær en tefldar verða níu umferðir og lýkur mótinu um helgina.

Sigurskák Friðriks yfir Þjóðverjanum Schaefer í 3. umferð sem fram á mánudaginn vakti talsverða athygli fyrir skemmtileg tilþrif Friðriks sem lagði andstæðing sinn að velli með snarpri atlögu. Friðrik, sem var þekktur fyrir að leggjast djúpt í stöðurnar þannig að jafnvel fyrsti leikur hans og gat kostað drjúgan tíma á klukkunni, teflir mun hraðar í dag og sparar þannig orkuna. Hann lendir yfirleitt ekki í tímahraki en stíllinn er dínamískur sem fyrr:

Friðrik Ólafsson – Michael Schaefer (Þýskaland)

Drottningarbragð

1. d4 d5 2. c4 e6 3. Rf3 Rf6 4. Rc3 Be7 5. Bg5 h6 7. Bh4 O-O 7. e3 Re4

Afbrigði sem kennt er við Emanuel Lasker sem var heimsmeistari frá 1896-1921. Hér er algengast að leika 8. Bxe7 en Friðrik sneiðir hjá alfaraleiðum.

8. Bg3 c5 9. Bd3 cxd4 10. Rxd4 Rxg3 11. hxg3 Rc6 12. cxd5 Rxd4 13. exd4 exd5 14. Bc2 He8 15. Kf1!

Til greina kom að hrókera stutt en Friðrik vildi hafa hrókinn til taks á h-línunni. Það á eftir að koma sér vel.

15. ... Bf8

Til að svara 16. Dd3 en hvítur beinir nú spjótum sínum að d5-peðinu.

16. Df3 Be6 17. Bb3 Db6?

Betra var 17. ... Dd6 og eftir 18. Rxd5 Had8 o.s.frv.

18. Rxd5 Da5?

18. ... Dxd4 er svarað með 19. Rc7 en betra var 18. .... Db5+.

19. Hh5!

Þar kom hrókurinn í spilið og hótar nú 20. Rf6+ með drottningarvinningi.

19. ... Da6+ 20. Kg1 Hac8 21. He5 Hed8 22. Hae1 Hd7

Hyggst auka þrýstinginn á d-línunni en er of seinn.

23. Hxe6! fxe6 24. Hxe6! Hc1+

Ekki dugar 25. ... Dxe6 vegna 26. Rf6+! og vinnur.

25. Kh2 Df1

Hótar máti á h1 en Friðrik var búinn að sjá þetta fyrir.

 

 

 

 

26. He1!

Línurof.

26. ... Dxe1 27. Re7+ Kh7 28. Df5+! Kh8 29. Dxf8+Kh7 30. Dg8 mát.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu 

Grein þessi birtist í Morgunblaðinu 10. júní

Skákþættir Morgunblaðsins

[Event "Capo d'Orso Chess Open"] [Site "?"] [Date "2015.06.08"] [Round "?"] [White "Olafsson, Fridrik"] [Black "Schaefer, Michael"] [Result "1-0"] [ECO "D56"] [PlyCount "59"] [EventDate "2015.??.??"] 1. d4 d5 2. c4 e6 3. Nf3 Nf6 4. Nc3 Be7 5. Bg5 h6 6. Bh4 O-O 7. e3 Ne4 8. Bg3 c5 9. Bd3 cxd4 10. Nxd4 Nxg3 11. hxg3 Nc6 12. cxd5 Nxd4 13. exd4 exd5 14. Bc2 Re8 15. Kf1 Bf8 16. Qf3 Be6 17. Bb3 Qb6 18. Nxd5 Qa5 19. Rh5 Qa6+ 20. Kg1 Rac8 21. Re5 Red8 22. Rae1 Rd7 23. Rxe6 fxe6 24. Rxe6 Rc1+ 25. Kh2 Qf1 26. Re1 Qxe1 27. Ne7+ Kh7 28. Qf5+ Kh8 29. Qxf8+ Kh7 30. Qg8# 1-0

Heimsmeistarinn féll á tíma með unnið tafl gegn Topalov

Augnablikið þegar Magnusi er ljós að hann sé fallinn á tíma.

Fyrsta umferð Norway Chess hófst í gær í Stafangri. Stærstu tíðindi mótsins verða að teljast að heimsmeistarinn sjálfur, Magnus Carlsen, tapaði eftir að hafa fallið á tíma eftir 60 leiki. Magnus gerði ráð fyrir að fá viðbótartíma eftir 60 leiki en slíkt var ekki til staðar. Yfirdómari mótsins fór yfir reglurnar við upphaf umferðar þar sem allir voru mættir nema Magnus. Þurfti t.d. Garry Kasaprov, sem lék fyrsta leik mótsins, að bíða í nokkurn tíma. 

Heimsmeistarinn var alls kostar ekki sáttur. Sagði mótshaldara ekki hafa kynnt tímamörkin nógu vel en þau er ekki hefðubundin á toppskákmótum þar sem yfirleitt er viðbótartími eftir 60 leiki. Hann mætti þó í viðtöl að skák lokinni. 

Carlsen: "Even if I had been present at the start of the game where it was announced, not sure I'd hear it. Would be in my own world anyway"

— Tarjei J. Svensen (@TarjeiJS) June 16, 2015

Fram hefur þó komið að tímamörkin hafi komið fram í sérstöku upplýsingablaði til keppenda.  

Fjörlega var teflt í umferðinni. Giri vann Grischuk, Nakamura sigraði Hammmer og Vachier-Lagrave hafði getur gegn Aronian. Anand og Caruana gerðu jafntefli. 

Um kvöldið fór brunavarnarkerfið í gang í hótelinu. Carlsen hafði húmor fyrir sjálfum sér og tísti:

Fire alarm went off at the hotel. Not my fault

— Magnus Carlsen (@MagnusCarlsen) June 16, 2015

Önnur umferð hefst kl. 14. Þá mætast meðal annars Caruana-Carlsen og Topalov-Nakamura.  

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)