Íslandsmót skákfélaga (fyrsta deild) hefst í kvöld kl. 19:30

Fyrri hluti Íslandsmóts skákfélaga 2015-2016 fer fram dagana 24.–27. september nk.  Mótið fer fram í Rimaskóla í Reykjavík. Fyrsta umferð (eingöngu í 1.deild) mun hefjast kl. 19.30 fimmtudaginn 24. september. Aðrar deildir munu hefja taflmennsku föstudaginn 25. september. kl. 20.00 og síðan tefla laugardaginn 26. september. kl. 11.00 og kl. 17.00 sama dag.  Síðasta umferðin í fyrri hlutanum hefst kl. 11.00 sunnudaginn 27. september.

Umhugsunartími er 90 mín. á skákin

Upplýsingar um þegar skráðar sveitir má finna hér.

Í fyrstu umferð í kvöld tefla saman:

• TR-a - KR
• TR-b - SA-b
• SA-a - Huginn-a
• Huginn-b - Bolungarvík
• Fjölnir - Víkingaklúbburinn

Fyrsta deildin á Chess-Results.

Kringluskákmótið 2015

Kringluskákmótið 2015 fer fram fimmtudaginn 1. október, og hefst það kl. 17:00. Mótið fer fram í Kringlunni, en að mótinu stendur Víkingaklúbburinn skákfélag, með aðsetur í Víkingsheimilinu í Víkinni,í samstarfi við markaðsdeild Kringlunnar. 

Gera má ráð fyrir að margir af sterkustu skákmönnum þjóðarinnar muni taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning mun fara fram á Skák.is (Guli kassinn). Hámarkfjöldi keppenda er 60 manns og því er ekki hægt að tryggja þátttöku nema að skrá sig til leiks. Einnig er hægt að skrá sig í síma 8629744 (Gunnar).

Fyrirkomulag mótsins er þannig að keppendur draga fyritækjaspjald úr hatti, sem keppandinn síðan teflir fyrir í mótinu. Skráningu líkur kl 12.00 að hádegi á mótsdag. Tefldar verða 8 umferðir með 5 mínútna umhugsunartíma. Skákstjóri er Haraldur Baldursson. 

Oliver Aron og Bragi efstir á Haustmóti TR

Þriðja umferð Haustmóts Taflfélags Reykjavíkur fór fram á sunnudaginn. Vegna Skákþings Norðlendinga var fjölda skáka frestað. Frestuðu skákirnar kláruðust svo allar nema ein í gær. Oliver Aron Jóhannesson (2198) og Bragi Þorfinnsson (2414) eru efstir í a-flokki með 2½ vinning. Oliver var nærri því að vinna Gylfa Þórhallsson (2080) en Bragi vann Stefán Bergsson (2067). Einar Hjalti Jensson (2392) getur náð þeim að vinningum vinni hann frestaða skák gegn Sævari Bjarnasyni (2108). Örn Leó Jóhannsson (2123) er þriðji með 2 vinninga.

Úrslit má nálgast á Chess-Results.

B-flokkur:

Landsliðskonan Guðlaug Þorsteinsdóttir (1934) heldur áfram góðu gengi í b-flokki. Í þriðju umferð vann hún Siguringa Sigurjónsson (1989) og er efst með fullt hús.

Agnar Tómas Möller (1854) og Jóhann H. Ragnarsson (2033) koma næstir með 2 vinninga.

Úrslit má nálgast á Chess-Results.

C-flokkur:

Gauti Páll Jónsson (2769) vann Héðinn Briem (1488) í 3. umferð og er efstur með fullt hús. 

Óskar Víkingur Davíðsson (1742), Aron Þór Mai (1502) og Veronika Steinunn Magnúsdóttir (1843) eru í 2.-4. sæti með 2 vinninga.

Úrslit má nálgast á Chess-Results.

Opinn flokkur:

Alexander Oliver Mai (1242), Guðmundur Agnar Bragason (1354) og Björn Magnússon (1000) eru efstir með 2½ vinning.

Sjá nánar á Chess-Results

Hlé verður á mótinu vegna Íslandsmóts skákfélaga fram til 30. september nk.

 

• Heimasíða TR
• Chess-Results

Vel mætt hjá Ásum í Ásgarði.

Það voru tuttugu og átta skák höfðingjar sem settust að tafli hjá Ásum í gær. Tefldar voru tíu umferðir eins og alltaf er gert á þriðjudögum. Tveir urðu jafnir í fyrsta til öðru sæti með  8 vinninga  það voru þeir Friðgeir Hólm og Páll G Jónsson. Friðgeir var hærri á stigum og telst því sigurvegari dagsins. Sæbjörn Larsen varð í þriðja sæti með 7½ vinning. 

Sjá nánari úrslit í töflu og myndir frá ESE.

 

Wei Yi áfram eftir magnað einvígi við Ding Liren

Í dag kláruðust sextán manna úrslit Heimsbikarmótsins í skák þegar teflt var til þrautar með skemmri tíma. Mest spennandi og skemmtilegasta einvígið var á milli hins sextán ára Kínverja Wei Yi og landa hans Ding Liren. Wei Yi, sem virðist algjörlega taugalaus, vann magnaðan sigur í afar spennandi einvígi. Auk Wei Yi tryggðu Karjakin, Eljanov og Anish Giri sér keppnisrétt í átta manna úrslitum sem hefjast á morgun kl. 10.

Á morgun mætast:  Svidler - Wei Yi, Vachier-Lagrave - Giri - Mamedyarov - Karjakin og Eljanov - Nakamura.

Ritstjórn Skák.is heldur með Wei Yi, Giri, Mamedyarov og Eljanov í einvíginum fjórum. 

 

• Heimasíða mótsins
• Beinar útsendingar (daglega kl. 10)
• Myndaalbúm (GB)

Vígsla útitafls við Fischersetur á Selfossi

Föstudaginn 25. september verður útitaflið fyrir framan Fischersetur, Gamla-bankann á Selfossi, vígt. Tefldar verða tvær skákir á útitaflinu og hefst taflmennskan kl. 15.30. Liðsstjórar verða Guðni Ágústsson fyrrverandi ráðherra og Kjartan Björnsson formaður bæjarráðs Árborgar. Gunnar Finnlaugsson verður aðstoðarmaður Guðna. Samkvæmt Gunnari þá munu þeir Guðni starfa í anda samvinnu og vaða áfram á miðjunni, en Kjartan og hans menn sennilega á hægri kantinum!

Á meðan á vígslunni stendur verður Fischersetur opið almenningi og frítt verður inn. Allir velkomnir. 

Mamedyarov og Svidler áfram á kostnað Caruana og Topalov - Wei Yi jafnaði metin

Veislan heldur áfram í Bakú og var fjörlega teflt í dag sem hingað til á mótinu. Stóru tíðindi dagsins eru þau að Caruana og Topalov féllu úr leik. Caruana komst lítt áfram gegn heimamanninum brosmilda, Mamedyarov, sem tefldi frumlega og jafntefli staðreynd. Mikið var klappað fyrir heimamanninum að skák lokinni en hann er mikil hetja í Bakú. 

Topalov hafði vænlegt um tíma gegn Svidler en náði ekki að knýja fram sigur. Auk Aserans og Rússans tryggðu Nakamura og Vachier-Lagrave sig áfram í átta manna úrslit. Nakamura með jafntefli gegn Adams en MVL með sigri gegn Wesley So.

Wei Yi var eini tapari gærdagsins sem náði að jafna metin með sigri gegn Ding Liren í afar spennandi og skemmtilegri skák. 

Það verða því fjögur einvígi tefld áfram á morgun með styttri umhugsunartíma. Það eru

• Ding Liren - Wei Yi
• Giri - Wojtaszek
• Eljnaov - Jakovenko
• Andreikin - Karjakin

Veislan hefst kl. 10 í fyrramálið.

• Heimasíða mótsins
• Beinar útsendingar (daglega kl. 10)
• Myndaalbúm (GB)

Íslandsmót skákfélaga hefst á fimmtudaginn

Fyrri hluti Íslandsmóts skákfélaga 2015-2016 fer fram dagana 24.–27. september nk.  Mótið fer fram í Rimaskóla í Reykjavík. Fyrsta umferð (eingöngu í 1.deild) mun hefjast kl. 19.30 fimmtudaginn 24. september. Aðrar deildir munu hefja taflmennsku föstudaginn 25. september. kl. 20.00 og síðan tefla laugardaginn 26. september. kl. 11.00 og kl. 17.00 sama dag.  Síðasta umferðin í fyrri hlutanum hefst kl. 11.00 sunnudaginn 27. september.

Umhugsunartími er 90 mín. á skákina + 30 sek. viðbótartími bætist við eftir hvern leik.

Þátttökugjöld:                       

• 1. deild kr. 55.000.-
• 2. deild kr. 50.000.-
• 3. deild kr. 15.000.-
• 4. deild kr. 15.000.-

Skáksamband Íslands mun greiða fargjöld utan stór-Reykjavíkursvæðisins samkvæmt reikningum fyrir sveitir í 1. og 2. deild. Miða skal við einn brottfararstað á hverju svæði, t.d. Akureyri, Egilsstaði, Ísafjörð. Sami háttur verður hafður í 3. og 4. deild og áður, þ.e. þátttökugjöld höfð lág en sveitirnar verða sjálfar að sjá um ferðakostnað á skákstað. 

Vakin er athygli á eftirfarandi texta í 19. grein skáklaga: „Fyrir upphaf 1.umferðar fyrri hluta ÍS skulu félögin skila inn styrkleikaröðuðum lista allra þeirra keppenda sem þeir hyggjast nota í keppninni.“ 

Skráning fer fram á Skák.is. Að gefnu tilefni er minnt á að nauðsynlegt er að skrá sveitir í keppnina, ekki síst í 4. deild.

Upplýsingar um þegar skráðar sveitir má finna hér.

Stjórn SÍ mælist til – af gefnu tilefni - að félögin skrái ekki fleiri sveitir til keppni en þau treysta sér til að manna í báðum hlutum keppninnar. 

 

Ná Caruana og Topalov að jafna metin í dag?

Sextán manna úrslit Heimsbikarmótsins í skák halda áfram í dag eftir fjörugan gærdag. Þar vakti sigur Mamedyarov á Caruana mesta athygli og mikla ánægju meðal heimamanna sem og sigur Svidler á Topalov.

 

Munu Caruna og Topalov ná að jafna metin? Nakamura vann Adams, sem er þekktur sem gríðarlega sterkur einvígismaður,og Ding Liren vann Wei Yi í uppgjöri Kínverjanna. Wei mun án efa freista þess að koma til baka?

Úrslit 4. umferðar

 

• Heimasíða mótsins
• Beinar útsendingar (daglega kl. 10)
• Myndaalbúm (GB)

Kemur Kramnik þrátt fyrir allt á EM landsliða?

Þátttaka Rússa og liðsskipan þeirra á EM landsliða var tilkynnt fyrir skemmstu á Skák.is og vakti allnokkra athygli. Þar var ekki að finna nafn Vladimirs Kramniks. Í Bakú í gær tók Dirk Jan, ritstjóri New in Chess, viðtal við Kramnik. Þar segir heimsmeistarinn fyrrverandi:

Then again I am not sure but it is not impossible that I will play in Reykjavik in the European Team Championship.

Í viðtali við fréttaritara Skák.is í Bakú staðfesti Kramnik að það væri verulega líklegt að hann kæmi á EM landsliða en tók sérstaklega fram að það væri ekki öruggt vegna annarra skuldbindinga sinna.

Það væri sérlega skemmtilega að fá fjórtánda heimsmeistarann til Íslands en þangað hefur hann aldrei komið.

Viðtalið við Kramnik, sem er stórgott og einlægt, má finna á Chess.com. Það er að finna neðst í greininni og ummælin um EM landsliða eru u.þ.b. á áttundu mínútu.