Jón Kristinn fjórfaldur meistari - gerði betur en alþjóðlegu meistararnir tvisvar!

Skákþingi Norðlendinga, hinu 81. í röðinni lauk í gær á Akureyri. Mótið var jafnframt Haustmót Skákfélags Akureyrar. 20 keppendur mættu til leiks, þar af tveir alþjóðlegir meistarar og einn alþjóðlegur dómari.

Aðalskák dagsins í dag var viðureign Símons og Jóns Kristins á efsta borði. Símon þurfti að vinna til að krækja í titlana tvo sem voru í boði, en Jóni nægði að líkindum jafntefli. Sá síðarnefndi fékk heldur þrengra tafl og átti e.t.v. aðeins í vök að verjast; en snöfurleg gagnsókn tryggði honum betri stöðu og sigurinn. Hafði Símon þá hafnað jafntefli skömmu áður. Aðrar viðureignir á efstu borðum voru "eftir bókinni" en magnaðar skákir engu að síður.

Jón hlaut 6 vinninga, Guðmundur Kjartansson annar með 5,5 vinninga og Einar Jensson þriðji með 5 vinninga. Símon og Sigurður Arnarson urðu í 4.-5. sæti með 4,5 vinninga. Lokastöðuna má nálgast á Chess-Results. 

Í lokin var svo efnt til hraðskákmóts. Þar vann Jón Kristinn einnig:

• 1. Jón Kristinn Þorgeirsson     10 v. af 11
• 2. Guðmundur Kjartansson         9,5
• 3. Einar Hjalti Jensson          8
• 4. Arnar Þorsteinsson            7,5
• 5. Gauti Páll Jónsson og Áskell Örn Kárason 6,5

Jón vann því alla titlana fjóra sem hann átti kost á:

Skákmeistari Norðlendinga + Hraðkákmeistari Norðlendinga

Skákmeistari Skákfélags Akureyrar + Hraðkákmeistari Skákfélags Akureyrar.

Glæsilegur árangri hjá pilti.

• Heimasíða SA
• Chess-Results

Atkvöld hjá Hugin í kvöld

Mánudaginn 21. september 2015 verður atkvöld hjá Skákfélaginu Huginn í Mjóddinni og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Teflt er í félagsheimili Hugins í Álfabakka 14a í Mjóddinni.

Sigurvegarinn á atkvöldinu fær í verðlaun máltíð fyrir einn á Saffran eða pizzu frá Dominos. Einnig verður dreginn út af handahófi annar keppandi sem fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

 

Og þá eru eftir sextán - áfrýjun Nepo hafnað

Sextán manna úrslit Heimsbikarmótsins í skák hefjast kl. 10. Mikið gekk á 32 manna úrslitum. Atvik í skák Naka og Nepo (Nakamura og Nepomniachtchi) stal athyglinni í dag. Nakamura hrókeraði með báðum höndum sem er stranglega bannað. Hvorki Nepo né skákdómararnir gerðu athugasemd á meðan skákinni góð en Nepo áfrýjaði úrslitunum að skák lokinni. Bæði vegna hrókunarinnar sem og að Naka væri að snerta menn. Það bar akki árangur og var niðurstaða áfrýjunarnefndarinnar sem hér segir:

1. The committee decided that the result of the match shall stand in favor of Mr. Nakamura.
2. According to article 4.7 of the FIDE Laws of Chess (A player forfeits his right to a claim against his opponent’s violation of Article 4 once he deliberately touches a piece). So the applicant has no right to ask to change the result of the game.
3. The committee recommended that the chief arbiter has to give a warning to Mr. Nakamura and assure him to follow the article 4 of FIDE Laws of Chess (4.1 using one hand to do all his moves in all games and not to touch a piece to adjust it without informing his opponent or the arbiter or he will be forced to move the piece he touches without such necessary notification).
4. The committee decided to return back the appeal fees (US $500) to Mr. Ian Nepomniachtchi and to assure him that in such cases he has to stop the clock at once and inform the chief arbiter to apply the Article 4 before he himself touches one of his own pieces and of course not after the game.

Nepo var ekki ángæður með niðurstöðuna og lét heyra í sér á Twitter: 

Making a castle with both hands shows huge skill in life #disgusted

— Yan Nepomniachtchi (@lachesisq) September 19, 2015

These are the basic chess rules. Also: why do we need 4 arbiters near the board, if no one can say/do a shit.

— Yan Nepomniachtchi (@lachesisq) September 19, 2015

Azmaiparashvili, who took a move back in a classical game, is now a member of an appeals committee. Feel the irony.

— Yan Nepomniachtchi (@lachesisq) September 20, 2015

Ekki er hægt að sjá að áfrýjunarnefndin hafi getað gert annað enda kemur það skýrt fram í reglum að keppendur verði að gera athugasemdir áður en skák lýkur. Hins vegar má gagnrýna dómara fyrir að hafa ekki gripið inn í.

Stærstu tíðindi 32 manna úrslita voru þau að Kramnik féll úr leik eftir harða baráttu við landa sinni Andreikin. 

Hörkuviðureignir verða í sextán manna úrslitum. Má þar nefna Topalov-Svidler, Nakamura-Adams, Eljanov-Jakovenko og Caruana og Mamedyarov sem er eini heimamaðurinn sem eftir er. Þá er það ljóst að einn Kínverji verður í átta manna úrslitum því Ding Liren og Wei Yi mætast. 

Sjá nánar umfjöllun á Chess.com

 

• Heimasíða mótsins
• Beinar útsendingar (daglega kl. 10)
• Chess24

Jón Kristinn vann tvo alþjóðlega meistara í dag!

Jón Kristinn Þorgeirsson hefur farið mjög mikinn á Skákþingi Norðlendinga - Haustmóts Skákfélags Akureyrar sem fram fer um helgina á Akureyri. Í dag, í 5. og 6. umferð, vann hann alþjóðlegu meistarana Guðmund Kjartansson og Einar Hjalta Jensson. Jón er efstur fyrir lokaumferðina, sem hefst kl. 10 í fyrramálið, með 5 vinninga. Guðmundur, Símon Þórhallsson og Sigurður Arnarson koma næstir með 4,5 vinninga.

Grípum niður í frásögn af heimasíðu SA:

5. umferð

Fimmtu umferð Skákþings Norðlendinga var að ljúka rétt í þessu þegar Símon Þórhallsson mátti játa sig sigraðan eftir harða baráttu við stigahæsta mann mótsins, alþjóðameistarann Guðmund Kjartansson. Skák þeirra var lögn og ströng og stóð í þrjá og hálfan tíma.Helstu tíðindi þessarar umferðar voru annars þau að fráfarandi Norðurlandsmeistari,Jón Kristinn Þorgeirsson vann glæsilegan sigur á Einari Hjalta Jenssyni. Einar lék ónákvæmum leik í viðkvæmri stöðu snemma tafls og fékk á sig vinnandi mannsfórn. Til að forðast mát varð Einar að gefa drottningu sína fyrir tvo menn. Jokko fór reyndar löngu leiðina að sigrinum og gaf alþjóðameistaranum jafnteflismöguleika. Að endingu hafði norðanmaðurinn þó betur.

6. umferð

Eftir að hafa tapað fyrstu skák sinni á mótinu hefur Jón Kristinn Þorgeirsson - öðru nafni Jokko - sett í fluggírinn og unnið fimm skákir í röð. Fyrr í dag lagði hann Einar Hjalta Jensson að velli og nú bætti hann um betur og vann skák sína gegn stórmeistaraefninu Guðmundi Kjartanssyni á sannfærandi hátt. Pilturinn - sem á reyndar tvo meistaratitla að verja - hefur því tekið forystu á mótinu.

Ljóst er að baráttan um titlana tvo "Skákmeistari Norðlendinga" og "Skákmeistari Skákfélags Akureyrar" stendur milli félaganna Jóns Kristins, Símonar Þórhallssonar og magisters þeirra Sigurðar Arnarsonar. Nú er að sjá hver hefur lært mest af hverjum.

• Heimasíða SA
• Chess-Results

Skákþáttur Morgunblaðsins: Jón L. í 3. sæti á Ródos

Liðin sem munu taka þátt í Evrópumóti landsliða sem hefst í „gömlu“ Laugardalshöllinni þann 13. nóvember eru sem óðast að tínast inn til skráningar fyrir í mótið. Búist er við að 36 lið muni keppa í opna flokknum og í kringum 30 lið í kvennaflokki.

Fyrir Ólympíumótið í Tromsö í fyrra var talsverð spenna í kringum þátttöku Rússa en á fimmtudag var ákveðinni óvissu eytt þegar þeir tilkynntu lið sitt í opna flokknum og kvennaflokknum. Með sveitunum koma fjórir þjálfarar, liðsstjórar, fararstjórar og læknir. Alexander Grisjúk og Peter Svidler munu leiða rússnesku sveitina í opna flokknum.

Heimsmeistarinn Magnús Carlsen verður í liði Norðmanna og heimsmeistari kvenna, María Muzytsjúk, teflir fyrir kvennalið Úkraínu. Aðrir þekktir kappar eru Levon Aronjan, Vasilí Ívantsjúk, Anish Giri og ýmsir fleiri.

Íslendingar munu tefla fram a.m.k. tveimur liðum í opna flokknum og ljóst er að virkustu stórmeistarar okkar eru í góðri æfingu og til alls vísir. Evrópumótin eru „þéttari“ en Ólympíumótin og þar er engin auðveld viðureign. Hvernig hinu svonefnda „gullaldarliði“ mun reiða af er ómögulegt að segja til um. En menn eru að æfa sig; í byrjun næsta mánaðar munu greinarhöfundur, Jóhann Hjartarson og Margeir Pétursson spreyta sig á heimsmeistaramótinu í atskák sem fram fer Berlín. Þar er tímamörkin 15 10 og heimsmeistaramótið í hraðskák fylgir strax í kjölfarið, þar sem tímamörkin eru 3 2. Allar skákir verða sýndar beint á netinu. Eftir síðasta heimsmeistaramót, sem fram fór í Dubai í Sameinuðu arabísku furstadæmunum, er Magnús Carlsen handhafi allra þriggja heimsmeistaratitlanna.

Jón L. Árnason hefur verið að hita sig upp, fyrst með þátttöku á Skákþingi Íslands í vor og á dögunum skrapp hann til grísku eyjarinnar Ródos þar sem tók þátt í allsterku opnu móti, hlaut 6½ vinning af níu mögulegum og varð í 3.–7. sæti. Hann gerði jafntefli við tvo stigahæstu keppendur mótsins, annað jafnteflið kom eftir 129 leikja maraþonskák, og hann vann tvær síðustu skákir sínar:

8. umferð:

Jón L. Árnason – Simeon Avagianos (Grikkland )

Sikileyjarvörn

1. e4 c5 2. Rf3 g6 3. c4 Rc6 4. d4 cxd4 5. Rxd4 Rf6 6. Rc3 d6 7. Be2 Rxd4 8. Dxd4 Bg7 9. Bg5 O-O 10. De3

Hinn möguleikinn í þessari stöðu er að hörfa með drottninguna til d2.

10. ... Db6 11. Dd2 Be6 12. O-O Dc6 13. Dd3 Hfc8 14. Rd5 Bxd5 15. exd5 De8 16. Hac1 a5 17. b3 Rd7 18. Hfe1

Gallinn við uppskiptin d5 er að hvítur getur byggt upp mikinn þrýsting eftir e-línunni.

18. ... Bf6 19. Bh6 Bg7 20. Bxg7 Kxg7 21. Dd4+ Kg8 22. Hc3 Df8 23. He3 Hc7 24. Bg4 Rc5 25. h4!

Reynir að opna línur á kóngsvængum, svartur er merkilega mótspilslaus og peðaframrás á drottningarvæng getur líka reynst erfið eins og kemur á daginn.

25. ... f5 26. Bd1 Df6 27. Df4 Kg7 28. Bc2 Hf8 29. a3 Hf7 30. b4 axb4 31. axb4 Ra6?

Hann varð að reyna 31. .... Re4! því að svara má 32. Bxe4 með 32. ... Hxc4! o.s.frv. En hvítur leikur eftir sem áður 32. c5 og á betra tafl.

32. c5! Db2 33. Bb3 Dd2 34. cxd6 exd6 35. h5!

Tíu leikjum eftir að þetta peð var sent af stað gerir það út um taflið.

35. ... Dxb4 36. Dg5! Hc8 37. He7 Hf8 38. hxg6 h6 39. Dg3 Hxe7 40. Hxe7+ Kg8 41. De3

– og svartur gafst upp.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu 

Grein þessi birtist í Morgunblaðinu 12. september

Skákþættir Morgunblaðsins

[Event "Colossus Chess Cup of Rhodes"] [Site "?"] [Date "2015.09.07"] [Round "?"] [White "Arnason, Jon L"] [Black "Avagianos, Simeon"] [ECO "B27"] [WhiteElo "2499"] [BlackElo "2061"] [Result "1-0"] 1. e4 c5 2. Nf3 g6 3. c4 Nc6 4. d4 cxd4 5. Nxd4 Nf6 6. Nc3 d6 7. Be2 Nxd4 8. Qxd4 Bg7 9. Bg5 O-O 10. Qe3 Qb6 11. Qd2 Be6 12. O-O Qc6 13. Qd3 Rfc8 14. Nd5 Bxd5 15. exd5 Qe8 16. Rac1 a5 17. b3 Nd7 18. Rfe1 Bf6 19. Bh6 Bg7 20. Bxg7 Kxg7 21. Qd4+ Kg8 22. Rc3 Qf8 23. Re3 Rc7 24. Bg4 Nc5 25. h4 f5 26. Bd1 Qf6 27. Qf4 Kg7 28. Bc2 Rf8 29. a3 Rf7 30. b4 axb4 31. axb4 Na6 32. c5 Qb2 33. Bb3 Qd2 34. cxd6 exd6 35. h5 Qxb4 36. Qg5 Rc8 37. Re7 Rf8 38. hxg6 h6 39. Qg3 Rxe7 40. Rxe7+ Kg8 41. Qe3 1-0

Guðumundur og Símon efstir efstir eftir atskákirnar

Fjórar fyrstu umferðirnar á Skákþingi Norðlendinga - Haustmóti SA voru teflfar í gærkvöldi með atskákfyrirkomulagi. Margt gerðist þar skrautlegt og skemmtilegt; t.d. sýndi það sig í tveimur skákum að það er engin ástæða til annars en að tefla áfram þótt maðúr sé hrók undir fyrir litlar sem engar bætur. Þá borgar sig heldur ekki að leggja árar í bát þótt maður sé með tapað stöðu og einungis sjö sekúndur á klukkunni. Svona var þetta magnað í Skákheimilinu í gærkvöldi.

Óvæntustu úrslitin voru kannski þau að Símon gerði jafntefli við nýkrýndan alþjóðameistara Einar Hjalta eftir að hafa haft afar góða vinningsmöguleika um tíma. Þá náði Stefán Bergsson óvænt að leggja Sveinbjörn Sigurðsson að velli, en Sveinbjörn fagnaði því nú að hálf öld er liðin frá því að hann tók þátt í sínu fyrsta Norðurlandsmóti.

Staða efstu manna eftir fjórar skákir er þessi:

Guðmundur Kjartansson og Símon Þórhallsson 3,5

Einar Hjalti Jensson, Sigurður Arnarson og Jón Kristinn Þorgeirsson 3

Jón Trausti Harðarson, Gauti Páll Jónsson og Arnar Þorsteinsson 2,5

Keppendur eru alls 20.

Fimmta umferð hefst á kl. 11.

• Heimasíða SA
• Chess-Results

Viltu vera sjálfboðaliði á EM - enn laus plás!

Skáksamband Íslands mun í vetur ráðast í eitt stærsta verkefni íslenskrar skáksögu þegar Evrópumeistaramót landsliða verður haldið í Laugardalshöllinni dagana 12. – 22. nóvember. Framkvæmdin er gríðarlega umfangsmikil. Skáksambandið leitar um þessar mundir að sjálfboðaliðum til að starfa við mótið. Ýmis störf eru í boði og verður unnið á tveimur vöktum. Önnur vaktin er frá 14:00 – 18:00 og hin frá 18:00 – 21:00. Sjálfboðaliðarnir munu m.a. vinna við miðasölu, móttöku keppenda, veitingasölu, vörslu verðmæta,uppsetningu og frágang, upplýsingagjöf og öryggisgæslu.

Óskað er eftir 50-60 sjálfboðaliðum en nú þegar eru sjálfboðaliðar þegar orðnir 35 talsins. Skráning verður opin til 8. október. Fundir með sjálfboðaliðum verða haldnir sunnudaginn 11. október. Annar klukkan 13:00 og hinn 20:00 en farið verður yfir sömu atriði á fundunum og geta sjálfboðaliðar valið hvorn fundinn þeir sækja.

Skáksambandið mun leggja mikla áherslu á góðan aðbúnað sjálfboðaliða. Þeir munu fá góða leiðsögn og þjálfun svo störfin verði sem auðveldust að vinna. Sérstakt herbergi í Höllinni verður tekið frá fyrir sjálfboðaliða þar sem þeir geta hvílst og notið veitinga. Þeir sjálfboðaliðar sem taka sjö vaktir eða fleiri fá boð á lokhóf mótsins, veglega gjöf frá Skáksambandinu að móti loknu og boð á uppskeruhátíð mótsins í desember þar sem landsliðsmenn munu koma í heimsókn og fara yfir þátttöku sína á mótinu. Allir sjálfboðaliðar fá gefins minjagrip mótsins.

Skáksambandið hvetur fólk á öllum aldri til að skrá sig sem sjálfboðaliða og taka þátt í því skákævintýri sem framundan er.

Bragi Halldórsson og Donika Kolica ætla bæði að vera sjálfboðaliðar á EM!  Viltu slást í hópinn?

Skráning hér.

 

Eljanov, Caruana Mamedyarov og Karjakin byrja vel í 32 manna úrslitum

32 manna úrslit Heimsbikarmótsins í skák hófust í morgun. Alls lauk 12 skákum af 16 með jafntefli. Eljanov (2723) vann Grischuk (2771) með svörtu í æsispennandi skák. Heimamaðurinn Mamedyarov (2736) sigraði Indverjann Sethuraman (2640), Caruana (2808) hafði betur gegn Kanadamanninum Kovalyov (2616) og Karjakin (2753) lagði Yu Ynngyi (2721) að velli.

Síðari skák 32 manna úrslita verður tefld á morgun. Verði jafnt verður teflt til þrautar á laugardaginn. 

• Heimasíða mótsins
• Beinar útsendingar (daglega kl. 10)
• Chess24

Oliver Aron efstur á Haustmóti TR

Önnur umferð Haustmóts Taflfélags Reykjavíkur fór fram í gær. Í a-flokki vann Oliver Aron Jóhannesson (2198) Benedikt Jónasson (2230) og Gylfi Þórhallsson (2080) lagði Lenku Ptácníková (2235) að velli. Öðrum skákum lauk með jafntefli og náðu alþjóðlegu meistararnir Bragi Þorfinnsson (2414) og Einar Hjalti Jensson (2392) ekki að knésetja Björgvin Víglundsson (2169) og Stefán Bergsson (2067).

Oliver er efstur með fullt hús en Bragi og Einar Hjalti eru í 2.-4. sæti með 1½ vinning ásamt Erni Leó Jóhannssyni (2123)

Úrslit má nálgast á Chess-Results.

B-flokkur:

Landsliðskonan Guðlaug Þorsteinsdóttir (1934) byrjar best allra í b-flokki. Hún vann Jóhann H. Ragnarsson (2033) í gær og hefur fullt hús. Agnar Tómas Möller (1854), sem vann Vigni Vatnar Stefánsson (1921), er annar með 1½ vinning.

Úrslit má nálgast á Chess-Results.

C-flokkur:

Aron Þór Mai (1502), sem vann Róbert Luu (1490), og Gauti Páll Jónsson (1769), sem hafði betur, gegn Veroniku Steinunni Magnúsdóttir (1843) eru efstir með fullt hús.

Úrslit má nálgast á Chess-Results.

Opinn flokkur:

Hjálmar Sigurvaldason (1488) hefur fullt hús í opnum flokki. Í 2.-5. sæti með 1½ vinning eru Jóhann Arnar Finnsson (1496), Daníel Ernir Njarðarson (1337) Alexander Oliver Mai (1242) og Halldór Atli Kristjánsson (1441) 

Sjá nánar á Chess-Results

Þriðja umferð fer fram á sunnudaginn og hefst kl. 14.

 

• Heimasíða TR
• Chess-Results

Skákþing Norðlendinga - Haustmót SA hefst á morgun: Guðmundur og Einar Hjalti taka þátt

Skákþing Norðlendinga - Haustmót Skákfélags Akureyrar verður haldið 18-20. september nk. í Skákheimilinu á Akureyri. Meðal keppenda á mótinu er alþjóðlegi meistarinn Guðmundur Kjartansson og FIDE-meistarinn Einar Hjalti Jensson.

Fyrirkomulag:

Telfdar verða sjö umferðir eftir svissnesku kerfi. Fyrst fjórar atskákir (25 mín) og svo þrjár kappskákir (90 mín + 30 sek fyrir hvern leik).

Dagskrá:

• 1-4. umferð, föstudaginn, 18. september, kl. 20.00
• 5. umferð, laugardaginn, 19. september, kl. 11.00
• 6. umferð, laugardaginn 19. september, kl. 16.30
• 7. umferð, sunnudaginn, 20. september, kl. 10.00.

Mótinu lýkur með hraðskákmóti sem hefst kl. 15.00 (eða a.m.k. 25 mín eftir lok 7. umferðar).

Verðlaun:

• Fyrstu verðlaun               kr. 40.000
• Önnur verðlaun                kr. 30.000
• Þriðju verðlaun               kr. 20.000
• Stigaverðlaun                 kr. 10.000

Norðurorka er aðalstyrktaraðili mótsins.

Meistaratitlar og skipting verðlauna:

Peningaverðlaun skiptast jafn milli þeirra sem eru jafnir að vinningum. Sami keppandi getur fengið bæði stigaverðlaun og verðlaun fyrir sæti.

Skákmeistari Norðlendinga verður sá keppandi sem fær flesta vinninga og á lögheimili á Norðurlandi. Verði fleiri en einn jafnir að vinningum munu stig ráða.

Skákmeistari Skákfélags Akureyrar verður sá félagsmaður í Skákfélaginu sem fær flesta vinninga. Verði tveir eða fleiri jafnir að vinningum þarf að aukakeppni um titilinn.

Þátttökugjöld eru kr. 2.500, en kr. 1.500 fyrir keppendur yngri en 18 ára.

Skákstjóri er Áskell Örn Kárason og tekur hann við skráningum í mótið ([e-mail]).

Nöfn skráðra þáttakenda má finna hér.