Bakú: Og þá eru eftir 32 - Aronian úr leik

Annari umferð Heimsbikarmótsins í skák lauk í dag í Bakú. Stærstu tíðindi dagsins voru ótvírætt þau að Aronian féll úr leik eftir að tap gegn gegn Úkraínumanninum Alexander Areshchenko (2661). Vonir Armensans að taka þátt í áskorendafmótinu að ári eru því úr leik - ekki nema að heimalandið hans taki mótið að sér.

Flestir sterkustu skákmennirnir hafa komist í gegnum umferðirnir tvær. Þriðja umferð hefst á morgun. Þá mætast meðal annars Nakamura-Nepo, Sivlder-Radjabov, Grischuk-Eljanov og Giri-Leko.

Óhætt er að mæla þessu skemmtilega móti.

Góða umfjöllun um umferð dagins má finna á Chess.com.

Pörun þriðju umferðar

Heimasíða mótsins

Íslandsmót skákfélaga hefst 24. september

Fyrri hluti Íslandsmóts skákfélaga 2015-2016 fer fram dagana 24.–27. september nk.  Mótið fer fram í Rimaskóla í Reykjavík. Fyrsta umferð (eingöngu í 1.deild) mun hefjast kl. 19.30 fimmtudaginn 24. september. Aðrar deildir munu hefja taflmennsku föstudaginn 25. september. kl. 20.00 og síðan tefla laugardaginn 26. september. kl. 11.00 og kl. 17.00 sama dag.  Síðasta umferðin í fyrri hlutanum hefst kl. 11.00 sunnudaginn 27. september.

Umhugsunartími er 90 mín. á skákina + 30 sek. viðbótartími bætist við eftir hvern leik.

Þátttökugjöld:                       

• 1. deild kr. 55.000.-
• 2. deild kr. 50.000.-
• 3. deild kr. 15.000.-
• 4. deild kr. 15.000.-

Skáksamband Íslands mun greiða fargjöld utan stór-Reykjavíkursvæðisins samkvæmt reikningum fyrir sveitir í 1. og 2. deild. Miða skal við einn brottfararstað á hverju svæði, t.d. Akureyri, Egilsstaði, Ísafjörð. Sami háttur verður hafður í 3. og 4. deild og áður, þ.e. þátttökugjöld höfð lág en sveitirnar verða sjálfar að sjá um ferðakostnað á skákstað. 

Vakin er athygli á eftirfarandi texta í 19. grein skáklaga: „Fyrir upphaf 1.umferðar fyrri hluta ÍS skulu félögin skila inn styrkleikaröðuðum lista allra þeirra keppenda sem þeir hyggjast nota í keppninni.“ 

Skráning fer fram á Skák.is. Að gefnu tilefni er minnt á að nauðsynlegt er að skrá sveitir í keppnina, ekki síst í 4. deild.

Upplýsingar um þegar skráðar sveitir má finna hér.

Stjórn SÍ mælist til – af gefnu tilefni - að félögin skrái ekki fleiri sveitir til keppni en þau treysta sér til að manna í báðum hlutum keppninnar. 

Æfingar Skákdeildar Fjölnis hefjast í dag

Vikulegar skákæfingar Skákdeildar Fjölnis fyrir börn og unglinga hefjast miðvikudaginn 16. september og verða þær framvegis alla miðvikudaga í vetur frá kl. 17:00 – 18:30. Æfingarnar eru í Rimaskóla og er gengið inn um íþróttahús skólans. Árangur þeirra barna sem sótt hafa reglulega skákæfingar Fjölnis hefur verið mjög góður á undanförnum árum og skákdeildin hlotið mörg verðlaun og viðurkenningar fyrir árangursríkt starf.

Foreldrar áhugasamra barna í Grafarvogi og á höfuðborgarsvæðinu öllu eru hvattir til að nýta sér skemmtilegar og áhugaverðar skákæfingar Fjölnis sem bjóðast ókeypis.

Í fyrra mættu að jafnaði 30 krakkar á hverja æfingu. Æfingarnar miðast við að þátttakendur kunni góð skil á öllum grunnatriðum skáklistarinnar og tefli sér til ánægju. Foreldrar eru hvattir til að mæta með börnunum sínum og aðstoða sem alltaf er þörf fyrir. Reynt er að hafa æfingarnar fjölbreyttar og skemmtilegar, kennsla og skákmót til skiptis. Boðið er upp á veitingar á hverri æfingu svo sem ávexti, kexmeti og vatn. Öllum skákæfingum lýkur með verðlaunaafhendingu. Meðal leiðbeinenda í vetur verða m.a. afreksunglingar í skáklistinni úr úrvalsflokki Skákskóla Íslands.

Umsjón með skákæfingum Fjölnis í vetur hefur líkt og undanfarin ár Helgi Árnason formaður skákdeildarinnar. Munið fyrstu skákæfinguna 16. september.

Fjórir jafnir í Ásgarði

Það mættu tuttugu og sjö heldri skákmenn í hina hefðbundnu þriðjudagsskák í gær. Það má segja að toppmennirnir hafi verið óvenjulega nægjusamir og hógværir við skákborðin því því að það urðu fjórir jafnir og efstir. Allir fengu með sjö vinninga af 10 mögulegu. Þetta voru þeir

1. Þorsteinn Þorsteinsson með 7 vinninga og 49      stig
2. Guðfinnur R Kjartansson    7       -     47.5     -  
3. Friðgeir Hólm              7       -     46.5     -
4. Þór Valtýsson              7       -     41.5     -

Þorsteinn telst því sigurvegari dagsins. Síðan komu næstu fjórir. Allir með 6,5 vinninga. Það vantaði Björgvin Víglundsson á svæðið en tvo síðustu þriðjudaga vann hann með fullu húsi.

Sjáum þetta nánar í töflu og góðum myndum frá ESE.

 

Ný alþjóðleg bréfskákstig í október 2015

Alþjóðlega bréfskáksambandið, ICCF, birtir ný alþjóðleg stig þann 1. október nk. Efstur Íslendinga á stigalistanum er sem fyrr Daði Örn Jónsson með 2534 stig. Efstir á heimslistanum eru tékkneski stórmeistarinn Roman Chytilek og hollenski stórmeistarinn Ron A. H. Langeveld, báðir með 2685 stig.

Heldur hefur hallað undan fæti hjá íslenska landsliðinu í úrslitakeppni Evrópukeppni landsliða og er íslenska liðið nú í 7. sæti af 13 þátttökuþjóðum en íslenska liðið var lengi vel í efsta sæti. Árangur Þorsteins Þorsteinssonar á mótinu skilaði nýlega áfanga að alþjóðlegum meistaratitli.

Mikil gróska er í íslenskri bréfskák um þessar mundir, iðkendum fer stöðugt fjölgandi og nú eru 36 bréfskákmenn virkir á listanum. Framundan er landskeppni við Svía í haust.

Stigahæstu virku Íslendingarnir með alþjóðleg bréfskákstig

Nr.	Nafn	Titill	Skákir	Eló stig
1	Daði Örn Jónsson	SIM	85	2534
2	Árni H. Kristjánsson	IM	295	2475
3	Jón Árni Halldórsson	SIM	305	2474
4	Jón Adolf Pálsson	SIM	405	2463
5	Þorsteinn Þorsteinsson		33	2459
6	Eggert Ísólfsson	IM	48	2445
7	Baldvin Skúlason		119	2406
8	Áskell Örn Kárason	SIM	254	2398
9	Jónas Jónasson		202	2391
10	Haraldur Haraldsson	IM	267	2377
11	Kjartan Maack		103	2364
12	Kári Elíson		427	2342
13	Haraldur yngri Haraldsson		22	2340
14	Einar Guðlaugsson		344	2312
15	Kristjan Jóhann Jónsson		238	2302
16	Einar Hjalti Jensson		15	2292
17	Halldór Grétar Einarsson		16	2256
18	Gísli Hjaltason		63	2243
19	Erlingur Þorsteinsson		141	2237
20	Björn Jónsson		23	2230
21	Sigurður Daði Sigfússon		55	2218
22	Vigfús O. Vigfússon		166	2212
23	Sigurður Ingason		20	2205

 

Bréfskáksamband Íslands hefur sett upp nýja vefsíðu.

Róbert efstur á HT Vinaskákmótinu

Róbert Lagerman sigraði á HT Vinaskákmótinu sem fram fór í Vin í gær, hlaut 5 vinninga af sex mögulegum. Gunnar Björnsson hlaut líka 5 vinninga en varð ögn lægri á stigum og þriðji varð Ólafur B. Þórsson. Að mótinu stóðu Hrókurinn og Vinaskákfélagið. 

Heiðursgestur mótsins var Eygló Harðardóttir félagsmálaráðherra og hún lék fyrsta leikinn fyrir Róbert gegn hinum knáa Hjálmari Hrafni Sigurvaldasyni. Eygló mátti velja leikinn sjálf og sveiflaði að sjálfsögðu fram drottningarpeðinu. Fram kom í ávarpi Eyglóar að hún lærði ung að tefla og að skáklistin er í hávegum höfð í hennar fjölskyldu. 

Á HT Vinaskákmótinu var vígð splunkunýtt vöfflujárn sem Heimilistæki færðu athvarfinu að gjöf, og því lagði undursamlegan ilm um húsið meðan Ingi Hans sýndi enn einu sinni snilld sína í eldhúsinu.

Í humátt á eftir efstu mönnum komu Hjálmar Hrafn, Arnljótur Sigurðsson, Haukur Halldórsson, Finnur Kr. Finnsson, Hörður Jónasson, Björgvin Kristbergsson, Davíð Ingimarsson og Gunnar Gestsson.

Fastar skákæfingar eru í Vin á mánudögum og þar er teflt flesta daga. Allir eru hjartanlega velkomnir í Vin.

• Mótið á Chess-Results
• Myndaalbúm

Skákþing Norðlendinga - Haustmót SA hefst á föstudaginn

Skákþing Norðlendinga - Haustmót Skákfélags Akureyrar verður haldið 18-20. september nk. í Skákheimilinu á Akureyri 

Fyrirkomulag:

Telfdar verða sjö umferðir eftir svissnesku kerfi. Fyrst fjórar atskákir (25 mín) og svo þrjár kappskákir (90 mín + 30 sek fyrir hvern leik).

Dagskrá:

• 1-4. umferð, föstudaginn, 18. september, kl. 20.00
• 5. umferð, laugardaginn, 19. september, kl. 11.00
• 6. umferð, laugardaginn 19. september, kl. 16.30
• 7. umferð, sunnudaginn, 20. september, kl. 10.00.

Mótinu lýkur með hraðskákmóti sem hefst kl. 15.00 (eða a.m.k. 25 mín eftir lok 7. umferðar).

Verðlaun:

• Fyrstu verðlaun               kr. 40.000
• Önnur verðlaun                kr. 30.000
• Þriðju verðlaun               kr. 20.000
• Stigaverðlaun                 kr. 10.000

Norðurorka er aðalstyrktaraðili mótsins.

Meistaratitlar og skipting verðlauna:

Peningaverðlaun skiptast jafn milli þeirra sem eru jafnir að vinningum. Sami keppandi getur fengið bæði stigaverðlaun og verðlaun fyrir sæti.

Skákmeistari Norðlendinga verður sá keppandi sem fær flesta vinninga og á lögheimili á Norðurlandi. Verði fleiri en einn jafnir að vinningum munu stig ráða.

Skákmeistari Skákfélags Akureyrar verður sá félagsmaður í Skákfélaginu sem fær flesta vinninga. Verði tveir eða fleiri jafnir að vinningum þarf að aukakeppni um titilinn.

Þátttökugjöld eru kr. 2.500, en kr. 1.500 fyrir keppendur yngri en 18 ára.

Skákstjóri er Áskell Örn Kárason og tekur hann við skráningum í mótið ([e-mail]).

Nöfn skráðra þáttakenda má finna hér.

Viltu vera sjálfboðaliði á EM?

Skáksamband Íslands mun í vetur ráðast í eitt stærsta verkefni íslenskrar skáksögu þegar Evrópumeistaramót landsliða verður haldið í Laugardalshöllinni dagana 12. – 22. nóvember. Framkvæmdin er gríðarlega umfangsmikil. Skáksambandið leitar um þessar mundir að sjálfboðaliðum til að starfa við mótið. Ýmis störf eru í boði og verður unnið á tveimur vöktum. Önnur vaktin er frá 14:00 – 18:00 og hin frá 18:00 – 21:00. Sjálfboðaliðarnir munu m.a. vinna við miðasölu, móttöku keppenda, veitingasölu, vörslu verðmæta,uppsetningu og frágang, upplýsingagjöf og öryggisgæslu.

Óskað er eftir 50 sjálfboðaliðum en nú þegar eru sjálfboðaliðar komnir vel á annan tuginn. Skráning verður opin til 8. október. Þeir sem skrá sig fyrir 21. september fá boðsmiða á bíómyndina Pawn Sacrifice. Fundir með sjálfboðaliðum verða haldnir sunnudaginn 11. október. Annar klukkan 13:00 og hinn 20:00 en farið verður yfir sömu atriði á fundunum og geta sjálfboðaliðar valið hvorn fundinn þeir sækja.

Skáksambandið mun leggja mikla áherslu á góðan aðbúnað sjálfboðaliða. Þeir munu fá góða leiðsögn og þjálfun svo störfin verði sem auðveldust að vinna. Sérstakt herbergi í Höllinni verður tekið frá fyrir sjálfboðaliða þar sem þeir geta hvílst og notið veitinga. Þeir sjálfboðaliðar sem taka sjö vaktir eða fleiri fá boð á lokhóf mótsins, veglega gjöf frá Skáksambandinu að móti loknu og boð á uppskeruhátíð mótsins í desember þar sem landsliðsmenn munu koma í heimsókn og fara yfir þátttöku sína á mótinu. Allir sjálfboðaliðar fá gefins minjagrip mótsins.

Skáksambandið hvetur fólk á öllum aldri til að skrá sig sem sjálfboðaliða og taka þátt í því skákævintýri sem framundan er.

Bragi Halldórsson og Donika Kolica ætla bæði að vera sjálfboðaliðar á EM!  Viltu slást í hópinn?

Skráning hér.

 

Haustmót TR hófst í gær

Haustmót Taflfélags Reykjavíkur hófst í gær. Alls taka 49 skákmenn þátt í mótinu. Teflt er 10 manna í a-, b-, og c-flokkum auk opins flokks (19 keppendur). A-flokkurinn er sterkur þar sem Bragi Þorfinnsson (2414) og Einar Hjalti Jensson (2392) fara langfremstir í flokki.

Önnur umferð Haustmótsins fer fram á miðvikudagskvöldið.

A-flokkur:

Oliver Aron Jóhannesson (2198) vann Lenku Ptácníková (2235). Öðrum skákum lauk með því að hinn stigahærri hefði betur. Einn skák frestað.

Meðalstig eru 2202 skákstig.

Úrslit má nálgast á Chess-Results.

B-flokkur:

Keppendur eru á mjög litlu stigbili eða frá 1854-2033 skákstigum. Meðalstig eru 1933 skákstigum. Erfitt verður að tala um óvænt úrslit í b-flokki. 

Þremur af fjórum skákum lauk með hreinum úrslitum. Einni skák frestað.

Úrslit má nálgast á Chess-Results.

C-flokkur:

Keppendur í c-flokki eru mun meira stigabili en b-flokkurinn eða frá 1488-1843 skákstigum. Meðalstig er 1631 skákstig.

Þremur skákum lauk með hreinum úrslitum. Einni skák frestað.

Úrslit má nálgast á Chess-Results.

Opinn flokkur:

19 keppendur á stigabilinu 1000-1488 skákstigum taka þátt. Vegna þriggja frestaðra er ekki búið að raða í aðra umferð.

Sjá nánar á Chess-Results

• Heimasíða TR
• Chess-Results

HT - Vinaskákmótið hefst kl. 13 í dag

Vinaskákfélagið og Hrókurinn bjóða til HT- Vinaskákmóts í Vin, Hverfisgötu 47, nk. mánudag klukkan 13. Tefldar verða sex umferðir með sjö mínútna umhugsunartíma. Heiðursgestur mótsins er Eygló Harðardóttir félagsmálaráðherra. 

Í leikhléi verður boðið upp á veglegar veitingar og vígt nýtt vöfflujárn sem Heimilistæki gefa í Vin. Er vöfflujárnið sömu gerðar og notað er í Karphúsinu til að fagna kjarasamningum!

Hróksmenn hafa staðið fyrir skáklífi í Vin, batasetri Rauða krossins, síðan árið 2003 og þar starfar hið fjörmikla Vinaskákfélag, sem m.a. tekur þátt í Íslandsmóti skákfélaga og hefur náð alla leið í efstu deild. Vinaskákfélagið hefur átt mikinn þátt í að auðga líf margra einstaklinga, rjúfa félagslega einangrun og auka lífsgæði.

Fastar æfingar eru í Vin á mánudögum kl. 13 en þar er teflt flesta daga. Allir eru hjartanlega velkomnir á æfingar og mót Hróksins og Vinaskákfélagsins.