Sterkur landsliðsflokkur á Íslandsmótinu í skák

Einn sterkasti landsliðsflokkur síðustu ára verður á Íslandsmótinu í skák sem hefst 29. ágúst nk.  Meðal þátttakenda eru fjórir stórmeistarar og fjórir alþjóðlegir meistarar.  Aðeins þrír keppendanna hafa minna en 2400 skákstig.

Meðalstigin er 2416 skákstig. Í fyrsta sinn í fjölda ára verður hægt að ná stórmeistaraáfanga en til þess þarf átta vinninga.  Í áfanga að alþjóðlegum meistaratitli þarf sex vinninga.   

Þátt taka:

 

Nr.	Nafn	Tit.	Félag	Stig
1	Hannes Hlífar Stefánsson	SM	TR	2566
2	Héðinn Steingrímsson	SM	Fjölnir	2540
3	Henrik Danielsen	SM	Haukar	2526
4	Stefán Kristjánsson	AM	TR	2477
5	Þröstur Þórhallsson	SM	TR	2449
6	Arnar E. Gunnarsson	AM	TR	2442
7	Jón Viktor Gunnarsson	AM	TR	2437
8	Björn Þorfinnsson	FM	Hellir	2422
9	Magnús Örn Úlfarsson	FM	Hellir	2403
10	Bragi Þorfinnsson	AM	Bol	2387
11	Þorvarður F. Ólafsson		Haukar	2177
12	Jón Árni Halldórsson		Fjölnir	2165

Dominguez með vinningsforskot í Biel

Kúbverjinn Leinier Dominguez (2708) hefur vinningsforskot á Magnus Carlsen (2775), sem gerði jafntefli við Frakkann Etienne Bacrot (2691), í áttundu umferð, á stórmeistaramótinu í Biel eftir sigur á Rússanum Eggeny Alekseev (2708).  Dominguez og Carlsen mætast í níundu ognæstsíðustu umferð sem fram fer á morgun. 

Áttundu umferð:
Evgeny Alekseev	-	Leinier Dominguez	0 - 1	(45)
Etienne Bacrot	-	Magnus Carlsen	½ - ½	(31)
Yannick Pelletier	-	Alexander Onischuk	½ - ½	(53)
Níunda umferð:
Alexander Onischuk	-	Evgeny Alekseev
Leinier Dominguez	-	Magnus Carlsen
Yannick Pelletier	-	Etienne Bacrot

Staðan:

			Points
1.	GM Leinier Dominguez	(CUB, 2708)	6.0
2.	GM Magnus Carlsen	(NOR, 2775)	5.0
3.	GM Evgeny Alekseev	(RUS, 2708)	4.5
4.	GM Etienne Bacrot	(FRA, 2691)	4.0
5.	GM Alexander Onischuk	(USA, 2670)	3.5
6.	GM Yannick Pelletier	(SUI, 2569)	1.0

• Heimasíða mótsins
  
• Skákirnar í beinni (hefjast kl. 12)

 

Sterkir skákmenn í tvöföldu afmælismóti skákfélags Vinjar

Ellefu þátttakendur skráðu sig til leiks í tvöföldu afmælismóti sem skákfélag Vinjar stóð fyrir í gær, mánudag kl. 13:00. Mótið var bæði skemmtilegt og spennandi og var elsti þátttakandinn Ágúst Ingimundarson, sem ýmislegt kann fyrir sér í fræðunum, og sá yngsti hin geysiöfluga Elsa María Kristínardóttir sem á framtíðina fyrir sér.

Haldið var upp á fimm ára afmæli skákfélags Vinjar sem stofnað var formlega í júnímánuði 2003, að tilstuðlan Hróksins sem mætti með öfluga sveit meistara á fyrsta mótið. Má þar nefna Tomas Oral, Regínu Pokorna, Luke McShane, Hrafn Jökulsson og Róbert Harðarson, sem einmitt ætlaði að fagna afmæli sínu í gær (þó stóri dagurinn sé í dag, til hamingju Róbert..).

En Fide-meistarinn geðþekki og varaforseti Hróksins, lá heima í rúmi þar sem elli kelling hafði lagt hann að velli tímabundið.

Hrannar Jónsson tók að sér skákstjórn þar sem tefldar voru fimm umferðir eftir Monrad-kerfi og umhugsunartími fimm mínútur.

 

Gunnar Freyr Rúnarson sem er með sterkari skákmönnum landsins, mikill lyftingakappi, hafði sigur með fullu húsi. Mátti hann svo sannarlega hafa fyrir því.
Annar kom Þorvarður Ólafsson með 3,5 vinninga, rétt eins og skákstjórinn Hrannar sem náði bronsinu.

Með 3 vinninga voru Elsa María Kristínardóttir, Ágúst Ingimundarson og Bjarni Sæmundsson, Bahamameistari.

Emil Ólafsson, Finnur Kr. Finnsson, Hreiðar Antonsson og Guðmundur Valdimar Guðmundsson fengu tvo og Arnar Valgeirsson einn.

Allir þátttakendur fengu bókavinninga og eftir verðlaunaafhendinguna var dýrindis kaffiveisla, vöfflur, ís og gúmmelaði og allir þátttakendur fengu bókavinninga.

Myndasafn mótsins

Dominguez efstur í Biel

Kúbverjinn Leinier Dominguez (2708) er efstur með 5 vinninga að lokinni sjöundu umferð stórmeistaramótsins í Biel, sem fram fór í gær.  Magnus Carlsen (2775) er í 2.-3. sæti ásamt Rússanum Evgeny Alekseev (2708), eftir tap í innbyrðisskák en Magnus teygði sig of langt til sigurs og mátti lúta í gras.

Í áttundu umferð, sem fram fer í dag og hefst kl. 12 mætast m.a.: Alekseev-Dominguez og Bacrot-Carlsen.

Sjöunda umferð:
Magnus Carlsen	-	Evgeny Alekseev	0 - 1	(84)
Leinier Dominguez	-	Yannick Pelletier	1 - 0	(56)
Alexander Onischuk	-	Etienne Bacrot	0 - 1	(55)

Staðan:

			Vinn.
1.	GM Leinier Dominguez	(CUB, 2708)	5.0
2.	GM Magnus Carlsen	(NOR, 2775)	4.5
	GM Evgeny Alekseev	(RUS, 2708)	4.5
4.	GM Etienne Bacrot	(FRA, 2691)	3.5
5.	GM Alexander Onischuk	(USA, 2670)	3.0
6.	GM Yannick Pelletier	(SUI, 2569)	0.5

 

Áttunda umferð:
Evgeny Alekseev	-	Leinier Dominguez
Etienne Bacrot	-	Magnus Carlsen
Yannick Pelletier	-	Alexander Onischuk

• Heimasíða mótsins
  
• Skákirnar í beinni (hefjast kl. 12)

 

Tvöfalt afmæli í Vin í dag

Fögnum fimm ára afmæli Skákfélags Vinjar með móti í Vin, mánudaginn 28. júlí klukkan 13:00.
"Vinaskákfélagið" eins og það hét fyrst,  var stofnað formlega í júní 2003 þegar Hróksmenn og -konur mættu með fjölda erlendra meistara og héldu stórmót.

Skákfélag Vinjar hefur nú gengið í Skáksamband Íslands og um leið og það fagnar fimm ára afmæli félagsins þá verður haldið við upp á afmæli Róberts Harðarsonar, sem er varaforseti Hróksins og helsti leiðbeinandi Vinjarliðsins. Hann er miklu meira en fimm ára.
Róbert verður skákstjóri mótsins.
 
Allir velkomnir og allir þátttakendur fá glaðning. Svo eru að sjálfsögðu dýrindis kaffiveitingar eftir mótið.

Vin er athvarf Rauða krossins fyrir fólk með geðraskanir og er að Hverfisgötu 47 í Reykjavík.  Teflt er á mánudögum kl. 13:00.  Sími: 561-2612.

Hraðskákkeppni taflfélaga hefst í ágúst

Hraðskákkeppni taflfélaga, sem mun vera eina útsláttarkeppni taflfélaga í ár, mun hefjast eftir verslunarmannahelgi.  Þetta er í fjórtánda sinn sem keppnin fer fram en Taflfélag Reykjavíkur er núverandi meistari en Hellismenn hafa sigrað oftast eða sex sinnum.  

Áætlunin er sem hér segir:

1. umferð (u.þ.b. 12 liða úrslit): Skuli vera lokið um 20. ágúst
2. umferð (8 liða úrslit): Skuli vera lokið 31. ágúst
3. umferð (undanúrslit): Skuli vera lokið 10. september.
4. umferð (úrslit): Skal fara fram laugardaginn 20. september kl. 14.

Skráning til þátttöku rennur út 7. ágúst nk.    Forráðamenn taflfélaga eru vinsamlegast beðnir um að hafa samband við umsjónarmanns mótsins í netfangið mailto:[e-mail]ða í síma 820 6533.

Nánari upplýsingar t.d. um reglur keppninnar má nálgast á heimasíðu Hellis.

• Heimasíða Hellis

EM-lið Hellis

Hellir tekur þátt í EM talfélaga sem fram fer í Kallithea í Grikklandi dagana 17.-23. október nk.  Þetta er í 11 sinn sem félagið tekur þátt í mótinu á 12 árum.  Fyrst tók félagið þátt árið 1997 og hefur ávallt tekið þátt nema árið 2000.  

Lið Hellis skipa:

1. FM Róbert Harðarson (2362)
2. FM Ingvar Þór Jóhannesson (2342)
3. FM Sigurbjörn Björnsson (2316)
4. Hjörvar Steinn Grétarsson (2299)
5. Kristján Eðvarðsson (2245)
6. Omar Salama (2212)

Omar verður liðsstjóri liðsins.  

Auk Hellis eru bæði sveitir Íslandsmeistara Taflfélags Reykjavíkur og Skákdeildar Hauka skráðar til leiks.  

• Heimasíða mótsins
• Chess-Results

Frímann sigraði í flokki skákmanna með minna en 2000 skákstig

Frímann Benediktsson (1915) varð efstur allra í flokki skákmanna með 1900-2000 á Politiken Cup.  Frímann hlaut 6 vinninga í 10 skákum en hann átti ákaflega góðan endaprett, fékk 4 vinninga í síðustu 5 skákunum.  Frímann varð í 49.-81. sæti.  Hörður Garðarsson (1943) fékk 3½ vinning og endaði í 230.-251. sæti.   

Sigurvegarar mótsins voru sex.  Stórmeistararnir Sergey Tiviakov (2645), Hollandi, Vladimir Malakhov (2689) og Boris Savchenko (2537), Rússlandi, Yurij Kuzubov (2578), Úkraínu, og Peter Heine Nielsen (2652), Danmörku. 

Alls tóku 278 skákmenn þátt í efsta flokki og þar af 23 stórmeistarar.  Stigahæstur þeirra var Úkraínumaðurinn Pavel Eljanov (2716).

Politiken Cup

 

 

Carlsen efstur í Biel

Magnus Carlsen (2775) sigraði heimamanninn Yannick Pelletier (2569) í sjöttu umferð stórmeistaramótsins, sem fram fór í Biel í Sviss í dag.  Carlsen er efstur með 4½ vinning, hálfum vinning fyrir ofan Kúbverjann Leinier Dominguez (2708), sem vann Bandaríkjamanninn Alexander Onischuk (2670) með hrók og riddara gegn hrók sem er óvanalegt þegar svo sterkir sterkir skákmenn mætast.    

Samkvæmt framreiknuðum stigum hefur Carlsen nú 2796,5 skákstig og vantar aðeins 1,5 stig til að ná efsta sæti stigalistans af Anand (2798). 

Sjötta umferð:
Alexander Onischuk	-	Leinier Dominguez	0 - 1	(91)
Yannick Pelletier	-	Magnus Carlsen	0 - 1	(40)
Etienne Bacrot	-	Evgeny Alekseev	1 - 0	(43)

Frídagur er á morgun á mánudaginn teflir Carlsen við Alekseev (2708).   

Staðan eftir sjöttu umferð: 

			Vinn.
1.	GM Magnus Carlsen	(NOR, 2775)	4.5
2.	GM Leinier Dominguez	(CUB, 2708)	4.0
3.	GM Evgeny Alekseev	(RUS, 2708)	3.5
4.	GM Alexander Onischuk	(USA, 2670)	3.0
5.	GM Etienne Bacrot	(FRA, 2691)	2.5
6.	GM Yannick Pelletier	(SUI, 2569)	0.5

 

• Heimasíða mótsins
• Skákirnar í beinni

Henrik með jafntefli í lokaumferðinni

Stórmeistarinn Henrik Danielsen (2526) gerði jafntefli við þýska stórmeistarann Lutz Espig (2346) í níundu og síðustu umferð Czech Open, sem fram fór í Pardubice í Tékklandi í dag.  Lenka Ptácníková vann  bandaríska FIDE-meistarann Andrei Zaremba (2355), í ótefldri skák þar sem Kaninn mætti ekki til leiks.  Henrik og Lenka hlutu 5 vinning og enduðu í 93.-144. sæti. 

Sigurvegari mótsins varð úkraínski stórmeistarinn Eldar Gasanov (2523) en hann hlaut 7½ vinning.

Árangur Henriks samsvaraði 2415 skákstigum og árangur Lenku samsvaraði 2213 skákstigum.  Bæði lækka þau á stigum.  Henrik lækkar um 13 stig en Lenka um 7 stig.

Henrik og Lenka halda nú til Olomouc þar sem þau tefla á öðru alþjóðlegu skákmóti.  Þar teflir einnig Omar Salama.   

Alls tefla 339 skákmenn í efsta flokki Czech Open.  Þar á meðal 44 stórmeistarar, 5 stórmeistarar kvenna og 61 alþjóðlegur meistari.   Henrik er númer 21 stigaröðinni en Lenka númer 218. 

Czech Open