NM stúlkna 2017 – önnur umferð hafin

Norðurlandamót stúlkna 2017 fer fram í Stokkhólmi dagana 28.-30. apríl.  Fjórar íslenskar stúlkur taka þátt í tveimur yngri flokkunum.

Í b-flokki tefla Nansý Davíðsdóttir og Svava Þorsteinsdóttir og í c-flokki tefla Freyja Birkisdóttir og Batel Goitom Haile

Úrslit fyrstu umferðar:
Svava Þorsteinsdóttir – Nansý Davíðsdóttir ½-½
Sara-Olivia Sippola (Finnland) – Freyja Birkisdóttir 1-0
Batel Goitom Haile – Live J. Skigelstrand (Noregur) 0-1

Í b-flokki tefldu Svava og Nansý saman og endaði skákin að lokum með jafntefli eftir langa og stranga baráttu.

Í c-flokki tefldi Freyja við stigalausa stúlku frá Finnlandi.  Ég heyrði aðeins í þjálfaranum hennar sem vildi meina að hún væri mjög góð en hefði ekki teflt á mótum reiknuðum til stiga.  Freyju varð á ónákvæmni í miðtaflinu og fékk afar óvirkan riddara.  Andstæðingurinn gekk á lagið og kláraði skákina örugglega.

Batel tefldi afar spennandi skák við Live frá Noregi.  Batel sýndi mikinn skilning í stöðu sem var að verða erfið og fórnaði manni sem andstæðingurinn mátti illa taka.  Sú norska tók samt manninn og lenti í krappri vörn en fann bestu vörnina en í framhaldinu átti Batel þvingað jafntefli sem hún missti af en fékk svo í framhaldinu stöðu sem átti að halda en smávægileg veiking á kóngstöðunni kostaði að lokum skákina.  Þetta var að mörgu leyti vel tefld skák hjá Batel gegn mun eldri og reyndari andstæðingi.

Í heildina var dagurinn ekki nógu góður 1 vinningur af 3 í hús.  Samt verð ég að segja að stelpurnar tefldu afar vel miðað við aðstæður því ferðalagið tók sinn toll af orkunni.  Þær þurftu að vakna klukkan þrjú um nótt að íslenskum tíma, vera mættar á BSÍ klukkan korter í fjögur og þá tók við ferðalagið á skákstað.  Við komum á skákstað í matartímanum og svo tóku skákirnar við strax á eftir.  Þetta var því erfiður dagur fyrir lítið sofnar stelpur.  Við vissum svo sem fyrirfram að þetta yrði erfitt en því miður gátum við ekki farið degi fyrr eins og venjulega þar sem Reykjavík Open var enn í gangi.

Skákir stelpnanna í annarri umferð:

B-flokkur
Nansý Davíðsdóttir- Anna Hederlykke Jensen (Danmörk)
Elisabet Hollmerus (Finnland) – Svava Þorsteinsdóttir

 

 

 

 

 

 

 

 

 

 

 

C-flokkur
Freyja Birkisdóttir – Batel Goitom Haile

 

 

 

 

 

 

 

 

Dagskráin samkvæmt íslenskum tíma er eftirfarandi:

1. umferð – 28. apríl kl. 14
2. umferð – 29. apríl kl. 8
3. umferð – 29. apríl kl. 14
4. umferð – 30. apríl kl. 7
5. umferð – 30. apríl kl. 13

Tímamörk eru 90 mínútur + 30 sekúndur á leik.

Heimasíða mótsins

Skákir í beinni

Davíð Ólafsson

Sumarskákmót Fjölnis í Rimaskóla í dag - stórviðburður á Barnamenningarhátíð

Rétt þegar Reykjavík Open er lokið þá verður blásið til næsta "stórmóts", Sumarskákmóts Fjölnis á Barnamenningarhátíð Reykjavíkurborgar 2017. Sumarskákmótið fer fram í hátíðarsal Rimaskóla laugardaginn 29. apríl og hefst kl. 11:00. Öllum áhugasömum skákkrökkum á grunnskólaaldri er boðið að taka þátt í glæsilegu móti. Rótarýklúbbur Grafrvogs gefur eignarbikara og að vanda er fjöldi verðlauna (20) og happadrættisvinninga (5) í boði, allir mjög eftirsóknarverðir - bíómiðar, pítsur og húfur frá 66°N. 

Þátttaka ókeypis en veitingar seldar í skákhléi á 250 kr, Prins póló og gos, safi eða kaffi. Heitt á könnunni fyrir foreldra sem eru að vanda velkomnir að fylgjast með skemmtilegu skákmóti. Skráning á staðnum og því gott fyrir keppendur að mæta 10 - 15 mínútum fyrir mót. Skákstjórar eru þeir Helgi Árnason og Björn Ívar Karlsson. Fögnum sumrinu við skákborðið og mætum næsta laugardag, 29. apríl í Rimaskóla. Skák er skemmtileg. 

Verðlaunahafar á GAMMA Reykjavíkurskákmótinu

Lokahóf GAMMA Reykjavíkurskákmótsins árið 2017 fór fram á Eyri í Hörpu í gærkvöldi. Keppendur fengu afhend sín verðlaun og rétt að líta yfir farinn veg og sjá hverjir unnu til verðlauna:

 

Besti árangur miðað við eigin stig

1. Arnar Heiðarsson 357
2. Daníel Ernir Njarðarson 320
3. Sinan Eminov 304

Besti árangur á stigabili 0-2000

1. Francesco Puglia 6
2. Alberto Prieto 5,5
3. Janus Skaale 5,5

Besti árangur 2001-2200

1. Alan Entem 6
2. Joshua Doknjas 6
3. Monika Motycakova 6

Besti árangur 2201-2400

1. Konstantin Kavutskiy 7,5
2. John C Pigott 7,5
3. Tatev Abrahamyan 7

 

Kvennaverðlaun

1. Harika Dronavalli 7
2. Tatev Abrahamyan 7
3. Batchimeg Tuvshintugs 6,5

 

Bestu unglingar

1. Eivind Olav Risting 6,5
2. Joshua doknas 6
3. Rameshbabu Praggnanandhaa 6

IM norm í mótinu:

Nishal Sarin

Michael Kleinman

John C Pigott

 

GM norm í mótinu:

Aman Hambleton

 

Sérstök verðlaun hæsta Íslendings (ekki stórmeistari) boð á Porto Mannu Open

IM Bragi Thorfinnsson

 

Keppendur í sætum 6-10

 

Keppendur í sætum 2-5.

 

 

 

Sigurvegarinn, Giri ásamt konu sinni.

 

 

Lokastaða mótsins, 10 efstu menn og verðlaunahafar

1. Anish Giri 8,5
2. Jordan Van Foreest 8
3. Sergei Movsesian 8
4. Abhijeet Gupta 8
5. Gata Kamsky 8
6. Konstantin Kavutskiy 7,5
7. Erik Blomqvist 7,5
8. John C Pigott 7,5
9. Nils Grandelius 7,5
10. Zoltan Almasi 7,5

 

Veglegar veitingar voru í boði og mótshöldurum lofað mótshaldið í hástert. Margir spenntir að koma að ári eins og endranær!

 

NM stúlkna 2017 – fyrsta umferð hafin

Norðurlandamót stúlkna 2017 fer fram í Stokkhólmi dagana 28.-30. apríl.  Fjórar íslenskar stúlkur taka þátt í tveimur yngri flokkunum.

Í b-flokki tefla Nansý Davíðsdóttir og Svava Þorsteinsdóttir og í c-flokki tefla Freyja Birkisdóttir og Batel Goitom Haile

Í fyrstu umferð tefla þær stöllur í b-flokki saman þar sem Svava hefur hvítt á Nansý.

Í C-flokki teflir Freyja með svörtu á móti Sara-Olivia Sippola frá Finlandi og Batel teflir með hvítu við Live J. Skigelstrand frá Noregi

 

 

 

 

 

 

 

 

 

Dagskráin samkvæmt íslenskum tíma er eftirfarandi:

1. umferð – 28. apríl kl. 14
2. umferð – 29. apríl kl. 8
3. umferð – 29. apríl kl. 14
4. umferð – 30. apríl kl. 7
5. umferð – 30. apríl kl. 13

Tímamörk eru 90 mínútur + 30 sekúndur á leik.

Heimasíða mótsins

Skákir í beinni

Davíð Ólafsson

Sumarskákmót Fjölnis í Rimaskóla fer fram á morgun - stórviðburður á Barnamenningarhátíð

Rétt þegar Reykjavík Open er lokið þá verður blásið til næsta "stórmóts", Sumarskákmóts Fjölnis á Barnamenningarhátíð Reykjavíkurborgar 2017. Sumarskákmótið fer fram í hátíðarsal Rimaskóla laugardaginn 29. apríl og hefst kl. 11:00. Öllum áhugasömum skákkrökkum á grunnskólaaldri er boðið að taka þátt í glæsilegu móti. Rótarýklúbbur Grafrvogs gefur eignarbikara og að vanda er fjöldi verðlauna (20) og happadrættisvinninga (5) í boði, allir mjög eftirsóknarverðir - bíómiðar, pítsur og húfur frá 66°N. 

Þátttaka ókeypis en veitingar seldar í skákhléi á 250 kr, Prins póló og gos, safi eða kaffi. Heitt á könnunni fyrir foreldra sem eru að vanda velkomnir að fylgjast með skemmtilegu skákmóti. Skráning á staðnum og því gott fyrir keppendur að mæta 10 - 15 mínútum fyrir mót. Skákstjórar eru þeir Helgi Árnason og Björn Ívar Karlsson. Fögnum sumrinu við skákborðið og mætum næsta laugardag, 29. apríl í Rimaskóla. Skák er skemmtileg. 

Giri sigurvegari á GAMMA Reykjavíkurskákmótinu

GAMMA Reykjavíkurskákmótinu árið 2017 lauk með sigri Hollendingsins Anish Giri. Giri var stigahæstur keppenda og talinn sigurstranglegastur fyrirfram en þurfti þó á öllum sínum hæfileikum að halda. Giri var lentur hálfum vinningi á eftir efstu mönnum en vann tvo glæsilega sigra í röð með svörtu mönnunum og var kominn einn í forystu fyrir síðustu umferð. Ljóst var því að Giri nægði að vinna sína skák í dag til þess að enda einn efstur á mótinu. Í úrslitaskákinni mætti hann landa sínum Erwin l‘Ami sem vann mótið árið 2015. Það sem gerði pörunina aðeins erfiðari er að l‘Ami vinnur gjarnan sem aðstoðarmaður Giri á elítuskákmótum og því þekkja þeir stíl hvors annars út og inn. Giri náði engu að síður að fá betra tafl úr byrjuninni og andstæðingur hans lenti snemma í vandræðum sem voru óyfirstíganleg. Skák Giri var fyrst að klárast á efstu borðunum og sigurinn í höfn.

 

Anish hlaut alls 8,5 vinning úr skákunum 10 sem er frábær árangur. Í næstu sætum jafnir með 8 vinninga komu þeir Sergei Movsesian frá Armeníu, Jorden van Foreest frá Hollandi, Gata Kamsky frá Bandaríkjunum og sigurvegarinn frá því í fyrra, Indverjinn Abhijeet Gupta. Þeir unnu allir andstæðinga sína í síðustu umferð.

 

Efstir Íslendinga urðu þeir Jóhann Hjartarson, Hannes Hlífar Stefánsson og Bragi Þorfinnsson. Þeir unnu allir sínar skákir í síðustu umferðinni. Jóhann lagði Björn Þorfinnsson í spennandi skák á meðan að Hannes Hlífar lagði undabarnið Nihal Sarin í endtafli. Bragi vann sigur á eiginkonu Anish Giri, Sopiko Guramishvili. Sigurinn hjá Braga tryggði honum aukaverðlaun sem er þátttaka í sterku opnu móti á Ítalíu.

 

Keppendur létu almennt vel að mótahaldinu og margir hafa boðað komu sína að ári. Mótið var sem fyrr vel stutt af GAMMA og lék Agnar Tómas Möller, fulltrúi þeirra, fyrsta leiknum í skák Giri og l'Ami.

 

 

Úrslit síðustu umferðar

Lokastaðan

Heimasíða mótsins

Beinar útsendingar með Fionu og Simon Williams

Giri einn efstur fyrir síðustu umferð á GAMMA Reykjavíkurskákmótinu

Eftir níu umferðir er loks einn keppandi efstur á mótinu! Sex keppendur voru efstir og jafnir fyrir umferðina en aðeins einum þeirra tókst að vinna sína skák. Hollenska stórstirnið Anish Giri sem er stigahæsti keppandi mótsins náði að vinna sína skák gegn Baadur Jobava þrátt fyrir að stýra svörtu mönnum aðra skákina í röð.  Giri er vanur að gera mikið af jafnteflum í elítuskákmótum en það er greinilegt að hann vill hrista af sér sliðruorðið hér í Reykjavík og hefur aðeins leyft þrjú jafntefli í níu skákum.

 

Gríðarlegur fjöldi skákmanna kemur í humátt á eftir Giri (sem hefur 7,5 vinning) með 7 vinninga þar á meðal þeir Almasi, Vidit, Gupta og Grandelius sem hafa verið á toppnum nánast allt mótið.

 

Jóhann Hjartarson var efstur Íslendinga fyrir umferðina og fékk gullið tækifæri á að komast í hóp þeirra sem höfðu elt Giri en því miður tefldi tyrkneski stórmeistarinn Mustafa Yilmaz gríðarlega vel og lagði Jóhann að velli í þungri skák. Jóhann er þrátt fyrir það efstur Íslendinga með 6 vinninga en þeir bræður Björn og Bragi Þorfinnssynir og Hannes Hlífar Stefánsson hafa nú náð honum að vinningum. Björn gerði jafntefli við fyrsta stórmeistara Færeyinga, Helga Dam Ziska, Bragi gerði jafntefli við bandaríska stórmeistarann James Tarjan á meðan Hannes lagði Sigurbjörn Björnsson að velli.

 

Ljóst er að baráttan verður gríðarlega hörð á morgun. Lokaumferðin á morgun hefst klukkan 11:00 og mikið í húfi. Giri mun stýra hvítu mönnunum gegn landa sínum Erwin l'Ami og stendur vel að vígi. Jafntefli mun tryggja honum efsta sætið en sigur gefur efsta sætið óskipt. Líklegt er að Giri reyni að vinna sína skák þar sem mikill fjöldi skákmanna er hálfum vinningi á eftir honum og vilja freysta þessa að ná honum að vinningum með því að vinna sínar skákir. Jóhann Hjartarson mætir Birni Þorfinnssyni í uppgjöri efstu Íslendinga. Bragi og Hannes Hlífar hafa einnig 6 vinninga og geta orðið efstir Íslendinga einnig. Bragi fær svart á Sopiko en Hannes svart á undrabarnið Sarin.

 

Heimasíða mótsins

Bein útsending með Fionu og Simon Williams

Úrslit og paranir

Skólaskákmót Reykjavíkur fer fram annan maí í Laugalækjarskóla

Skólaskákmót Reykjavíkur fer fram þriðjudaginn 2.maí í Laugalækjarskóla.

Tefldar verða 6-7 umferðir með 10 mínútna umhugsunartíma. 

 

Mótið hefst klukkan 17:00.

 

Í yngri flokki er teflt um eitt sæti á landsmót í skólaskák en tvö sæti í eldri flokki.

 

Landsmótið í skólaskák fer fram á Akureyri helgina 5. - 7. maí.

 

Hver skóli má senda til leiks sína skólameistara eða sterkustu skákmenn.

 

Skráning á [e-mail]

Dagskrá dagsins: Næstsíðasta umferðin - skákskýringar kl. 17

Níunda og næstsíðasta umferð GAMMA Reykjavíkurskákmótsins hefst kl. 15 í dag. Sex keppendur eru efstir og jafnir og má búast við harði baráttu á efstu borðunum. Jóhann Hjartarson fer fyrir íslensku keppendum og er aðeins hálfum vinningi á eftir efstu mönnum. Björn og Bragi Þorfinnssynir, Guðmundur Kjartansson og Þröstur Þórhallsson koma svo öðrum hálfum vinningi þar á eftir.

Indversku undrabörnin eru sem fyrr að gera það gott. Hinn 11 ára Praggnanandhaa getur náð stórmeistaraáfanga á morgun vinni hann tyrkneska stórmeistarann Emre Can. Systir hans Vaishili getur náð stórmeistaraáfanga kvenna með jafntefli á morgun.

Umferðin á morgun hefst kl. 15 eins og áður sagði. Skákskýringar Karls Þorsteins hefjast kl. 17.

 

• Heimasíða mótsins
• Bein útsending með Fionu og Simon Williams
• Úrslit og paranir

 

 

 

Skólaskákmót Suðurlands 2. maí á Selfossi

Skólaskákmót Suðurlands fer fram þriðjudaginn annan maí í Fischer-setrinu á Selfossi. Mótið hefst klukkan 16:00 og skulu keppendur mæta 15:45

Keppt verður í yngri flokki (1.-7. bekkur) og eldri flokki (8.-10) bekkur.

Umhugsunartími verður tíu mínútur á mann og fer umferðarfjöldi eftir fjölda þátttakenda.

Sigurvegari hvors flokks vinnur sér inn þátttökurétt á Landsmótið í skólaskák sem fer fram helgina 5. – 7. maí á Akureyri.

Skráningu skal senda á netfangið [e-mail]

Skráningarfrestur er til og með mánudeginum 2. maí.