Sumarnámskeið Taflfélags Reykjavíkur hefjast 12.júní

Taflfélag Reykjavíkur býður upp á átta skáknámskeið í sumar fyrir börn fædd árin 2004-2009. Námskeiðin verða haldin í húsakynnum Taflfélags Reykjavíkur að Faxafeni 12.

Námskeið 1: 12. júní – 16. júní kl. 09:30 – 12:00
Námskeið 2: 12. júní – 16. júní kl. 13:00 – 15:30
Námskeið 3: 19. júní – 23. júní kl. 09:30 – 12:00
Námskeið 4: 19. júní – 23. júní kl. 13:00 – 15:30
Námskeið 5: 26. júní – 30. júní kl. 09:30 – 12:00
Námskeið 6: 26. júní – 30. júní kl. 13:00 – 15:30
Námskeið 7: 03. júlí – 07. júlí kl. 09:30 – 12:00
Námskeið 8: 03. júlí – 07. júlí kl. 13:00 – 15:30

Kennari á námskeiðunum er alþjóðlegi meistarinn Bragi Þorfinnsson.

Gjald fyrir vikuna er 7.500kr. Ef þátttakandi velur bæði námskeiðin fyrir og eftir hádegi í sömu vikunni þá er gjaldið 12.500kr. Systkynaafsláttur verður veittur í formi 20% afsláttar. Hægt er að velja á milli þess að greiða námskeiðisgjaldið með reiðufé við upphaf námskeiðis eða í gegnum heimabanka (þá bætist við umsýslugjald).

Námskeiðin eru hugsuð fyrir börn af ólíkum skákstyrkleika, en þó er ætlast til þess að börnin kunni mannganginn. Allir fá því viðfangsefni við sitt hæfi. Taflfélag Reykjavíkur áskilur sér rétt til þess að fella niður námskeið sé þátttaka ekki næg.

Nánari upplýsingar um námskeiðin má finna á vef Taflfélags Reykjavíkur eða í síma 867 2627 (Bragi). Skráning fer fram í gegnum skráningarform sem nálgast má í gula kassanum á skak.is.

Ný alþjóðleg skákstig

Ný alþjóðleg skákstig komu út í dag. Hjörvar Steinn Grétarsson (2567) sem sem fyrr stigahæsti skákmaður landsins. Ólafur Bjarnason (1790) er stigahæstur þriggja nýliða á listanum. Birkir Ísak Jóhannsson (122) hækkar mest frá apríl-listanum.

Heildarlistann (kappskák) má finna hér.

 

Topp 20

Hjörvar Steinn Grétarsson (2567) heldur stöðu sinni á topp stigalistans. Skammt á eftir eru Hannes Hlífar Stefánsson (2566) og Héðinn Steingrímsson (2562).

 

No.	Name	Tit	MAY17	Gms	Diff
1	Gretarsson, Hjorvar Steinn	GM	2567	0	0
2	Stefansson, Hannes	GM	2566	8	0
3	Steingrimsson, Hedinn	GM	2562	0	0
4	Hjartarson, Johann	GM	2541	10	5
5	Petursson, Margeir	GM	2516	0	0
6	Olafsson, Helgi	GM	2512	0	0
7	Danielsen, Henrik	GM	2490	0	0
8	Thorfinnsson, Bragi	IM	2461	10	4
9	Gunnarsson, Jon Viktor	IM	2460	0	0
10	Arnason, Jon L	GM	2458	0	0
11	Gretarsson, Helgi Ass	GM	2448	0	0
12	Kristjansson, Stefan	GM	2447	0	0
13	Kjartansson, Gudmundur	IM	2437	19	-31
14	Thorsteins, Karl	IM	2432	0	0
15	Gunnarsson, Arnar	IM	2428	0	0
16	Thorhallsson, Throstur	GM	2420	9	-3
17	Thorfinnsson, Bjorn	IM	2407	10	-6
18	Kjartansson, David	FM	2389	0	0
19	Arngrimsson, Dagur	IM	2376	0	0
20	Ulfarsson, Magnus Orn	FM	2375	0	0

 

Nýliðar

Þrír nýliðar eru á listanum og koma allir inn eftir frammistöðu sína á GAMMA Reykjavíkurskákmótinu. Stigahæstur þeirra er Ólafur Bjarnason (1790). Aðrir eru Þórður Guðmundsson (1662) og Sigurður Þórðarson (1518).

 

No.	Name	Tit	MAY17	Gms	Diff
1	Bjarnason, Olafur		1790	12	1790
2	Gudmundsson, Thordur		1662	13	1662
3	Thordarson, Sigurdur		1518	9	1518

 

Mestu hækkanir

Birkir Ísak Jóhannsson (122) hækkar mest frá apríl-listanum. Í næstu sætum eru Arnar Heiðarsson (114) og Jón Þór Lemery og Ármann Pétursson (79).

 

No.	Name	Tit	MAY17	Gms	Diff
1	Johannsson, Birkir Isak		1689	10	122
2	Heidarsson, Arnar		1505	8	114
3	Lemery, Jon Thor		1787	10	79
4	Petursson, Armann		1306	10	79
5	Finnsson, Johann Arnar		1732	10	77
6	Einarsson, Oskar Long		1757	22	76
7	Njardarson, Daniel Ernir		1452	8	74
8	Davidsdottir, Nansy		1936	9	72
9	Arnarson, Smari		1611	8	61
10	Sigurvaldason, Hjalmar		1498	21	57
11	Mai, Alexander Oliver		1858	10	45
12	Thorgeirsson, Jon Kristinn		2232	10	43
13	Kristofersson, Sindri Snaer		1239	9	42
14	Haraldsson, Haraldur		1979	10	38
15	Sigurjonsson, Siguringi		2034	16	37
16	Ragnarsson, Heimir Pall		1643	7	35
17	Ingvason, Johann		2154	19	33
18	Gunnarsson, Helgi Petur		1702	10	33
19	Bergsson, Stefan		2060	8	29
20	Bjarnason, Larus H		1539	6	29
21	Haile, Batel Goitom		1226	9	29
22	Magnusson, Magnus		2005	10	27
23	Arnason, Saemundur		1256	9	24
24	Sigurdsson, Birkir Karl		1889	7	23
25	Leosson, Atli Johann		1796	10	23
26	Gislason, Gudmundur	FM	2336	18	22
27	Briem, Stephan		1886	8	21
28	Halldorsson, Hjorleifur		1797	7	21
29	Birkisson, Bjorn Holm		2077	10	20
30	Holm, Fridgeir K		1746	9	20

 

Stigahæstu skákkonur landsins

 

Lenka Ptácníková (2207) er sem fyrr langstigahæst skákkona landsins. Í næstu sætum eru Hallgerður Helga Þorsteinsdóttir (2053) og Guðlaug Þorsteinsdóttir (2010). Nansý Davíðsdóttir (1936) heldur áfram að þjóta upp listann og er nú komin í fjórða sætið. 

 

No.	Name	Tit	MAY17	Gms	Diff
1	Ptacnikova, Lenka	WGM	2207	23	-35
2	Thorsteinsdottir, Hallgerdur	WFM	2053	3	3
3	Thorsteinsdottir, Gudlaug	WFM	2010	9	-3
4	Davidsdottir, Nansy		1936	9	72
5	Finnbogadottir, Tinna Kristin		1883	0	0
6	Kristinardottir, Elsa Maria		1822	0	0
7	Magnusdottir, Veronika Steinunn		1785	0	0
8	Hauksdottir, Hrund		1765	0	0
9	Helgadottir, Sigridur Bjorg		1763	0	0
10	Fridthjofsdottir, Sigurl. Regina		1738	15	-12

 

Stigahæstu ungmenni (20) landsins

Vignir Vatnar Stefánsson (2334) er stigahæsta ungmenni (1997 og síðar) landsins. Í næstu sætum eru Dagur Ragnarsson (2320) og Oliver Aron Jóhannesson (2272). 

No.	Name	Tit	MAY17	Gms	B-day	Diff
1	Stefansson, Vignir Vatnar	FM	2334	10	2003	-7
2	Ragnarsson, Dagur	FM	2320	9	1997	4
3	Johannesson, Oliver	FM	2272	0	1998	0
4	Thorgeirsson, Jon Kristinn		2232	10	1999	43
5	Birkisson, Bardur Orn		2162	10	2000	16
6	Hardarson, Jon Trausti		2157	0	1997	0
7	Heimisson, Hilmir Freyr		2144	17	2001	-8
8	Birkisson, Bjorn Holm		2077	10	2000	20
9	Thorhallsson, Simon		2074	0	1999	0
10	Jonsson, Gauti Pall		2028	10	1999	-59

 

Stigahæstu eldri skákmenn landsins (65+)

Friðrik Ólafsson (2365) er sem fyrr langstigahæsti skákmaður landsins 65 ára og eldri. Arnþór Sævar Einarsson (2255) er annar og Jón Þorvaldsson (2170) þriðji. 

No.	Name	Tit	MAY17	Gms	B-day	Diff
1	Olafsson, Fridrik	GM	2365	0	1935	0
2	Einarsson, Arnthor		2255	0	1946	0
3	Thorvaldsson, Jon		2170	0	1949	0
4	Halfdanarson, Jon		2129	0	1947	0
5	Fridjonsson, Julius		2126	9	1950	0
6	Viglundsson, Bjorgvin		2123	23	1946	-20
7	Thor, Jon Th		2120	0	1944	0
8	Halldorsson, Bragi		2116	16	1949	6
9	Kristinsson, Jon		2108	18	1942	-58
10	Kristjansson, Olafur		2096	8	1942	-6

 

Reiknuð íslensk skákmót

• GAMMA Reykjavíkurskákmótið
• Áskorendaflokkur Skákþing Íslands
• Skákmót öðlinga
• Páskamót Vinaskákfélagsins (atskák)
• Hraðskákmót öðlinga
• Páskaeggjamót Hugins (hraðskák)
• Páskaeggjasyrpur TR nr. 2 og 3 (hraðskák)
• Hraðkvöld Hugins
• Forkeppni Hugins Barna Blitz (hraðskák)

 

Heimslistinn

Magnus Carlsen (2832) er stigahæstur allra nú sem fyrr. Annar er Wesley So (2815) og þriðji er Vladimir Kramnik (2811). 

Topp 100 listann má nálgast hér. 

Skrár tengdar þessari bloggfærslu:

• Alþjóðleg skákstig, 1. maí 2017

Skólaskákmót Reykjavíkur fer fram á morgun

Skólaskákmót Reykjavíkur fer fram þriðjudaginn 2.maí í Laugalækjarskóla.

Tefldar verða 6-7 umferðir með 10 mínútna umhugsunartíma. 

 

Mótið hefst klukkan 17:00.

 

Í yngri flokki er teflt um eitt sæti á landsmót í skólaskák en tvö sæti í eldri flokki.

 

Landsmótið í skólaskák fer fram á Akureyri helgina 5. - 7. maí.

 

Hver skóli má senda til leiks sína skólameistara eða sterkustu skákmenn.

 

Skráning á [e-mail]

NM stúlkna 2017 – Nansý með silfur í b-flokki

Úrslit fimmtu umferðar:
Nansý Davíðsdóttir – Tyra Kvendseth (Noregur) ½-½
Elsa Wass (Svíþjóð) - Svava Þorsteinsdóttir 0-1
Batel Goitom Haile – Sara-Olivia Sippola (Finnlandi) 0-1
Nanna Ehrenreich (Danmörk) - Freyja Birkisdóttir 0-1

Í b-flokki tefldi Nansý við Tyru frá Noregi.  Nansý reyndi of mikið að búa til eitthvað sem varð til þess að skyndilega skiptist upp á öllu og jafntefli var óumflýjanlegt. 

 

 

 

 

 

Svava tefldi gegn Elsu frá Svíþjóð.  Svava tefldi þessa skák afar vel og var allan tíman í bílstjórasætinu og vann öruggan sigur.  Fínn endir hjá Svövu sem sýndi að hún er miklu betri en stig hennar segja til um.  Hún þarf bara að tefla meira og þá mun hún rjúka upp stigalistann.  Lokastaðan hjá stelpunum í b-flokki er að Nansý endaði í 2. sæti með 3,5 vinninga og Svava í 7. sæti með 2,5 vinning.

 

 

 

Í c-flokki tefldi Batel við Söru-Oliviu frá Finnlandi.  Anstæðingur Batel vann peð í miðtaflinu og tefldi framhaldið virkilega vel og landaði öruggum sigri.  Þessi finnska stelpa er greinilega mikið efni og vert að fylgjast vel með henni í framtíðinni. 

 

 

 

 

Freyja tefldi vel og það var aldrei spurning hvernig þessi skák færi.  Freyja kláraði skákina með snotru máti.  Lokastaðan hjá stelpunum í c-flokki er að Freyja endaði í 5. sæti með 3 vinninga og Batel í 6. sæti með 2,5 vinninga.

 

 

 

 

 

Á heildina litið er árangur stelpnanna frekar góður á mótinu, sérstaklega þegar tekið er tillit til þess að þær þurftu að ferðast beint í fyrstu umferð eftir að vera rétt búnar að klára mót heima.  Raunar náðu þær aldrei upp fullri orku um helgina því dagskráin var mjög stíf.  Þrátt fyrir fína taflmennsku hjá stelpunum hefði ég gjarnan vilja fá fleiri vinninga því ég veit að getan er til staðar hjá þeim. Þegar öllu er á botninn hvolft kemur mótið samt ágætlega út þar sem allar stelpurnar hækka á stigum.  Nansý var nokkurn veginn á pari og hækkar um 3 stig.  Hún þarf að búa við það í þessum mótum að stelpurnar eru hræddar við hana og tefla stíft upp á jafntefli.  Svava hækkar um 38 stig en það er augljóst að hún á mikið inni og mun hækka mikið á næstunni ef hún er dugleg að tefla.  Freyja hækkar um 22 stig en hún á augljóslega mikið inni og þarf að tefla meira til að ná því fram.  Batel 36 stig og sama má segja um hana að hún mun hækka hratt á næstunni því þrátt fyrir mjög ungan aldur er hún afar útsjónarsöm og hefur góðan skilning á skák.

Að lokum vil ég segja að það eru forréttindi að fara með þessar stelpur á mót því þær eru alltaf til fyrirmyndar í alla staði og skákhreyfingunni til mikils sóma.

Davíð Ólafsson

 

NM stúlkna 2017 – fjórðu umferð lokið, spennandi lokaumferð framundan

Úrslit fjórðu umferðar:
Ingrid Skaslien (Noregur) – Nansý Davíðsdóttir ½-½
Svava Þorsteinsdóttir - Sarabella Norlamo (Finnland) 0-1
Nienke van den Brink (Danmörk) - Batel Goitom Haile ½-½
Freyja Birkisdóttir – Linnea G. Tryggestad (Noregur) 1-0

Í b-flokki tefldi Nansý við Ingrid frá Noregi.  Nansý fékk ágætis stöðu úr byrjuninni, vann síðan peð og hafði öll færin. Andstæðingurinn varðist hins vegar vel og á endanum varð Nansý að sætta sig við jafntefli.  Vinningur í þessari skák hefði sett Nansý í góða stöðu fyrir síðustu umferðina en nú þarf hún að treysta á hagstæð úrslit. 

 

 

 

 

Svava tefldi gegn Sörubellu frá Finnlandi.  Upp kom frekar underleg staða sem hékk í einhvers konar jafnvægi.  Eftir að Sarabella byrjaði að þráleika ákvað Svava að reyna að vinna en varð á slæmur fingurbrjótur í framhaldinu sem kostaði skiptamun og að lokum skákina.  Staðan hjá stelpunum í b-flokki er að Nansý er í 2. sæti með 3 vinninga og Svava er í 7. sæti með 1,5 vinning.

 

 

 

 

Í c-flokki tefldi Batel við Nienke frá Danmörku.  Skákin var afar spennandi en Nienke fékk miklu betri stöðu í miðtaflinu, en Batel tókst að snúa á andstæðinginn og fékk mjög vænlega stöðu.  Í framhaldinu tókst Batel þó ekki að knýja fram vinning og varð að sætta sig við skiptan hlut. Batel sýndi enn og aftur í þessari skák að hún er afar útsjónarsöm og er að tefla virkilega vel. 

 

 

 

 

Freyja tefldi við Linneu frá Noregi.  Freyja tefldi vel, vann peð og saumaði jafnt og þétt að andstæðingnum og vann að lokum góðan sigur í endataflinu. Gaman að sjá lokaúrvinnsluna hjá Freyju þar sem hún tapaði tempoi viljandi til að tímasetja kónginn sinn rétt á lykilreit.  Staðan eftir 3 umferðir hjá stelpunum í c-flokki er að Batel er í 3.-4. sæti með 2,5 vinninga og Freyja er í 5.-7. sæti með 2 vinninga.

 

 

 

Ég hefði viljað fá fleiri vinninga úr þessari umferð en niðurstaðan varð 2 vinningar af 4.  Nansý á enn möguleika á því að vinna sinn flokk en til þess þarf hún að vinna í síðustu umferðinni og treysta á að Ingrid Skaslien frá Noregi vinni ekki.  Mér sýnist Nansý standa betur að vígi í stigaútreikningi en það er samt háð því hvernig lokaumferðin fer.

Fimmta umferð hefst klukkan 13 að íslenskum tíma og þá tefla stelpurnar við eftirfarandi andstæðinga (ath að allar skákir stelpnanna eru í beinni):

B-flokkur
Nansý Davíðsdóttir – Tyra Kvendseth (Noregur)
Elsa Wass (Svíþjóð) - Svava Þorsteinsdóttir

C-flokkur
Batel Goitom Haile – Sara-Olivia Sippola (Finnlandi)
Nanna Ehrenreich (Danmörk) - Freyja Birkisdóttir

Tímamörk eru 90 mínútur + 30 sekúndur á leik.

Heimasíða mótsins

Skákir í beinni

Davíð Ólafsson

Vignir Vatnar sigurvegari á fjölmennu Sumarskákmóti Fjölnis

Rúmlega 50 grunnskólakrakkar mættu á Sumarskákmót Fjölnis 2017 sem er líkt og síðastliðin ár einn af viðburðum Barnamenningarhátíðar Reykjavíkurborgar. Mótið fór fram í hátíðarsal Rimaskóla. Vignir Vatnar Stefánsson Hörðuvallaskóla og TR stóð einn uppi sem sigurvegari með 5,5 vinninga af 6 mögulegum. Hann leyfði aðeins jafntefli gegn skólafélaga sínum Sverri Hákonarsyni.

Fimm efnilegir skákmeistarar komu næstir með 5 vinninga, Kópavogsstrákarnir Birkir Ísak Jóhannsson, Stephen Briem og Sverrir Hákonarson, Benedikt Þórisson TR og Sæmundur Árnason Fjölni. Vignir Vatnar hlaut glæsilegan eignarbikar fyrir sigurinn  líkt og Benedikt Þórisson TR sem vann yngri flokkinn 2006 - 2010 og Ylfa Ýr Welding Hákonardóttir Fjölni sem hlaut stúlknabikarinn.

 

Það var Rótarýklúbbur Grafarvogs sem gaf verðlaunabikarana líkt og fyrri ár. Sumarskákmótið var vel mannað að vanda. Auk Fjölniskrakka mættu afrekskrakkar úr Kópavogi sterkir til leiks og hirtu um helming glæsilegra verðlauna sem í boði voru. en grunnskólar Kópavogs eru Íslandsmeistarar í báðum grunnskólaflokkum þetta árið. Efnilegir TR ingar fjölmenntu líka til leiks og þar virðist breiddin mikil bæði meðal drengja og stúlkna.

 

Tefldar voru sex umferðir með 6 mínútna tímamörkum. Verðlaunin 25 voru pítsur, bíómiðar og flottustu húfurnar frá 66°N. Skákstjórar voru þeir Helgi Árnason formaður skákdeildar Fjölnis, Björn Ívar Karlsson og Gunnlaugur Egilsson. Skákdeild Fjölnis vill þakka Barnamenningarhátíð, Rótarýklúbb Grafarvogs og 66°N fyrir góðan stuðning sem gerði þetta skákmót einkar áhugavert-og skemmtilegt

Lokastaðan á Chess-Results.

Sveinbjörn jarðsunginn og svo var telft.....

Föstudagskvöldið 28. apríl, eftir að Sveinbjörn var moldu borinn var ekkert annað í stöðunni en að slá upp móti. 

Í skákheimilið mættu 22 keppendur, 21 í holdi og hinn jarðsungni í anda. Við tók fjögurra stunda magnað og skemmtilegt mót sem fór hið besta fram, þrátt fyrir nokkur frammíköll og athugasemdir að handan. Úrslirin voru skráð sem hér segir:

Halldór Brynjar Halldórsson	18
Rúnar Sigurpálsson	16½
Sigurður Arnarson	15½
Gylfi Þórhallsson	14
Jón Garðar Viðarsson	13½
Ólafur Kristjánsson	13½
Stefán Bergsson	13½
Smári Ólafsson	13
Áskell Örn Kárason	11½
Ágúst Bragi Björnsson	11½
Kristófer Ómarsson	10½
Haraldur Haraldsson	9½
Andri Freyr Björgvinsson	7½
Elsa María Kristínardóttir	7½
Sigurður Eiríksson	7
Ulker Gasanova	6
Sveinn Arnarsson	6
Tómas Veigar Sigurðarson	6
Karl Egill Steingrímsson	5
Jakob Þór Kristjánsson	4½
Hilmir Vilhjálmsson	0

Þetta mót lítum við á sem heppilegt forspil fyrir hið eiginlega minningarmót sem háð verður um hvítasunnuhelgina, sjá auglýsingu hér á á heimasíðu SA.

NM stúlkna 2017 – þriðju umferð lokið

Úrslit þriðju umferðar:
Svava Þorsteinsdóttir- Ingrid Skaslien (Noregur) 0-1
Sarabella Norlamo (Finnland) – Nansý Davíðsdóttir 0-1
Batel Goitom Haile – Nanna Ehrenreich (Danmörk) 1-0
Sini Jokinen (Finnland) - Freyja Birkisdóttir 0-1

Í b-flokki tefldi Svava við Ingrid frá Noregi.  Svava fékk ágætis stöðu úr byrjuninni en var of passíf sem leiddi til þess að andstæðingurinn fékk betri stöðu og eftir að Svava tapaði peði í framhaldinu tefldi Ingrid af krafti og vann örugglega.  Svava lærði góða lexíu af þessari skák þannig að svona tap mun ekki koma fyrir hana aftur.  Nansý tefldi lengstu skák dagsins gegn Sörubellu frá Finnlandi.  Nansý tefldi vel og fékk smátt og smátt betri stöðu og að lokum unna stöðu.  Hróksendataflið flæktist hins vegar fyrir henni auk þess sem Sarabella varðist mjög vel.  Á tímabili gat andstæðingur Nansýjar þvingað fram patt en Nansý tókst að hræra aðeins upp í stöðunni og vann að lokum.  Virkilega mikilvægur sigur hjá Nansý sem sýndi í dag að hún gefst aldrei upp á að reyna að knýja fram vinning.  Staðan hjá stelpunum í b-flokki er að Nansý er í 2. sæti með 2,5 vinninga og Svava er í 5.-6. sæti með 1,5 vinning.

Í c-flokki tefldi Batel við Nönnu frá Noregi.  Batel var augljóslega miklu betri en andstæðingurinn og vann auðveldlega í stuttri skák.  Virkilega vel gert hjá þessari ungu skákkonu.  Freyja tefldi við Sini frá Finnlandi.  Freyja tefldi vel og saumaði jafnt og þétt að andstæðingnum og vann að lokum skiptamun á fallegan hátt.  Úrvinnslan vafðist ekkert fyrir Freyju og eftir að hafa unnið hrók í viðbót mátaði hún andstæðinginn hratt og örugglega.  Staðan eftir 3 umferðir hjá stelpunum í c-flokki er að Batel er í 4.-5. sæti með 2 vinninga og Freyja er í 6.-8. sæti með 1 vinning.

Önnur góð umferð hjá stelpunum í dag 3 vinningar af 4 mögulegum.  Dagurinn í dag var semsagt með allra besta móti og ekki er hægt að segja annað en að stelpurnar hafi nýtt góðan nætursvefn vel í dag enda var niðurstaða dagsins 6 vinningar af 7 mögulegum sem verður að teljast afar góður árangur.

Fjórða umferð hefst á morgun klukkan 7 að íslenskum tíma og þá tefla stelpurnar við eftirfarandi andstæðinga:

B-flokkur
Ingrid Skaslien (Noregur) – Nansý Davíðsdóttir
Svava Þorsteinsdóttir - Sarabella Norlamo (Finnland)

C-flokkur
Nienke van den Brink (Danmörk) - Batel Goitom Haile
Freyja Birkisdóttir – Linnea G. Tryggestad (Noregur)

Tímamörk eru 90 mínútur + 30 sekúndur á leik.

Heimasíða mótsins

Skákir í beinni

Davíð Ólafsson

Skákþáttur Morgunblaðsins: Línur að skýrast á Reykjavíkurskákmótinu

Jóhann Hjartarson er í hópi þeirra 16 skákmanna sem unnið hafa allar þrjár skákir sínar á Reykjavíkurskákmótinu sem hófst í Hörpunni á miðvikudaginn. Jóhann hefur ekki teflt á Reykjavíkurskákmóti síðan árið 1996 og er í framvarðsveit þeirra íslensku skákmanna sem tefla á mótinu. Hannes Hlífar Stefánsson, Þröstur Þórhallsson, Bragi Þorfinnsson og hinn síungi Áskell Örn Kárason hafa hlotið 2 ½ vinning og sitja í 17.-42. sæti.

Þróunin vill verða sú þegar mikill stigamunur er á keppendum að í fyrstu umferðunum er eins og dregið sé í dilka; hinir stigahærri hafa oftast betur og raðast saman síðar í mótinu. Tefldar verða tíu umferðir og keppendur eiga kost á ½ vinnings yfirsetu tvisvar. Stigahæstur allra er Hollendingurinn Anish Giri með 2771 elo stig en þeir stigalægstu eru með í kringum 1000 elo stig. En þarna getur hver sem vill tekið þátt og ófáir íslenskir skákmenn hafa tekið sín fyrstu skref á alþjóðavettvangi skákarinnar á Reykjavíkurskákmóti. Björn Blöndal, formaður borgarráðs, benti á þá merkilegu staðreynd í setningarræðu sinni, að þegar Reykjavíkurskákmótinu var „hleypt af stokkunum“ í ársbyrjun 1964 var það fyrsti alþjóðaviðburðurinn sem tengdist nafni Reykjavíkur.

 

Fyrsti stórmeistara Færeyinga fer fyrir stórum hópi keppenda

Eftir að Reykjavikurskákmótið flutti sig um set yfir í Hörpuna hafa nokkrir erlendir keppendur haldið mikilli tryggð við mótið og koma ár eftir ár. Nefna má Englendinginn Gawain Jones, Svíann Nils Grandelius, indversku skákdrottninguna Tönju Sadchev, Hollendinginn Eric Winter og ýmsa aðra. Samsetning keppenda leiðir í ljós að Bandaríkjamenn eru fjölmennastir með 18 fulltrúa, Indverjar eiga 16 skákmenn og 13 Svíar taka þátt. FIDE sæmdi Helga Dam Ziska stórmeistaratitli á dögunum og hann fer fyrir hópi 12 Færeyinga. Bandaríkjamaðurinn James Tarjan lætur ekki mikið yfir sér en hefur þó ákveðinn status á þessu þingi; fyrir meira en 30 árum hætti hann sem atvinnumaður og gerðist bóksafnsfræðingur. Hann og Beljavskí eru þeir einu sem hafa teflt í sigursveit á Ólympíuskákmóti. Tarjan var með þegar Bandaríkjamenn unnu gullið í Haifa árið 1976 og Beljavskí var í sigursveit Sovétmanna árin 1982, 1984 og 1988.

 

Hvað varðar baráttuna í Hörpunni þá virðist mikill stigamunur oft gefa þeim stigahærri sálfræðilegt forskot. Þannig virtist a.m.k fara fyrir hinum finnska andstæðingi Jóhanns í 2. umferð. Hann hefði átt að kíkja betur á hið flókna afbrigði Vínartafls. Það byggist á peðsfórn strax í 6. leik og annað peð er að fá ef svartur vill:

Jóhann Hjartarson – Samu Ristoja

Vínar tafl

1. d4 Rf6 2. c4 e6 3. Rf3 d5 4. Rc3 dxc4 5. e4 Bb4 6. Bxc4 Rxe4 7.

O-O Rxc3 8. bxc3 Bxc3?

Svarta staðan er óteflandi eftir þetta peðsrán, 8. ... Be7 hefur margoft sést.

9. Hb1 c6 10. Hb3 Ba5 11. Re5 b5?

11. ... Rd7 kom til greina en hvítur á fórnina 12. Rxf7! Kxf7 13. Bxe6+! Kxe6 14. De2+ Kf7 15. Dc4+! Kf8 16. Ba3+ c5 17. Hf3+ og vinnur.

12. Dg4! g6 13. Bg5 f5 14. Dh4 Dc7 15. Be2 Hg8 16. Hc1 a6 17. Bf3 Bb7 

18. Bd8!

Laglegur hnykkur sem gerir út um taflið.

18. ... Dxd8 19. Dxh7 Hf8 20. Dxg6+ Ke7 21. Dg7+

– og svartur gafst upp, 21. ... Kd6 22. Dxb7 er algerlega vonlaust framhald.

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 22. apríl 2017

Skákþættir Morgunblaðsins

NM stúlkna 2017 – þriðja umferð hafin

Norðurlandamót stúlkna 2017 fer fram í Stokkhólmi dagana 28.-30. apríl.  Fjórar íslenskar stúlkur taka þátt í tveimur yngri flokkunum.

Í b-flokki tefla Nansý Davíðsdóttir og Svava Þorsteinsdóttir og í c-flokki tefla Freyja Birkisdóttir og Batel Goitom Haile

Úrslit annarar umferðar:
Nansý Davíðsdóttir- Anna Hederlykke Jensen (Danmörk) 1-0
Elisabet Hollmerus (Finnland) – Svava Þorsteinsdóttir 0-1
Freyja Birkisdóttir – Batel Goitom Haile 0-1

Í b-flokki tefldi Nansý við Önnu frá Danmörku en þær hafa mæst áður á Norðurlandamótum.  Nansý vann sannfærandi sigur í vel útfærðri skák.  Svava tefldi við Elisabetu frá Finnlandi og eftir smávægilegt hikst í byrjunni náði Svava góðum tökum á stöðunni og var farin að gera sig líklega til að þjarma að andstæðingnum þegar Elisabet lék manni í dauðann og eftirleikurinn var auðveldur fyrir Svövu.  Góð umferð hjá þeim stöllum í b-flokki.

Í c-flokki tefldu Freyja og Batel saman og var allt lagt undir.  Freyja ákvað að fórna hrók sem í sjálfu sér var rétt ákvörðun en rangt útfærð þar sem hún lék kónginum á rangan reit.  Batel hefði getað tekið hrókinn en sá ekki nógu langt fram í tíman til að þora því.  Batel fékk samt heldur betri stöðu en Freyja varðist vel.  Í lokinn varð Freyju á mistök þegar hún drap peð með peði í stað þess að drepa með hrók.  Munurinn á þessum leikjum var að hún fékk tapað tafl í stað jafnteflisstöðu.  Batel klárað skákina á vel útfærðan hátt.  Með þessari skák lauk mögulegum innbyrðis viðureignum okkar stúlkna þannig að nú geta þær einbeitt sér að því að berja á hinum löndunum.

Ekki var hægt að biðja um meira í þessari umferð 3 vinningar af þremur í hús.  Stelpurnar voru öllu sprækari í morgun eftir góðan nætursvefn þó að einhverjar hefðu viljað sofa aðeins lengur.

Skákir stelpnanna í þriðju umferð:

B-flokkur
Svava Þorsteinsdóttir- Ingrid Skaslien (Noregur)
Sarabella Norlamo (Finnland) – Nansý Davíðsdóttir

 

 

 

 

 

 

 

 

C-flokkur
Batel Goitom Haile – Nanna Ehrenreich (Danmörk)
Sini Jokinen (Finnland) - Freyja Birkisdóttir

 

 

 

 

 

 

 

 

 

Dagskráin samkvæmt íslenskum tíma er eftirfarandi:

1. umferð – 28. apríl kl. 14
2. umferð – 29. apríl kl. 8
3. umferð – 29. apríl kl. 14
4. umferð – 30. apríl kl. 7
5. umferð – 30. apríl kl. 13

Tímamörk eru 90 mínútur + 30 sekúndur á leik.