Tómas sigraði á hraðskákmóti

Í dag fór fram hraðskákmót þar sem notast var við Fischer tímamörk; 3 mínútur að viðbættum 2 sekúndum á leik. Tíu skákmenn tóku þátt og tefldu tvöfalda umferð, allir við alla.

Tómas Veigar Sigurðarson og Jón Kristinn Þorgeirsson voru í nokkrum sérflokki á mótinu, en þeir enduðu töluvert á undan næstu mönnum.  Að lokum var það Tómas sem hafði sigur með 15½ vinning af 18 mögulegum, en hann vann báðar umferðirnar naumlega, hálfum vinningi á undan Jóni; Jón Kristinn var annar með 14½ vinning og Sigurður Arnarson þriðji með 11½

Úrslit:

Tómas Veigar Sigurðarson                                        15½ af 18
Jón Kristinn Þorgeirsson                                            14½
Sigurður Arnarson                                                     11½
Sigurður Eiríksson                                                     10½
Ari Friðfinnsson                                                        10
Sveinbjörn Ó. Sigurðsson                                          9
Haki Jóhannesson                                                      7
Atli Benediktsson                                                      5
Bragi Pálmason                                                         3
Karl Egill Steingrímsson                                           3

Skákþáttur Morgunblaðsins: Eyjamenn, Bolvíkingar og Hellismenn berjast um sigurinn

Mikil spenna er fyrir lokaþátt Íslandsmóts taflfélaga sem fram fer í Rimaskóla um helgina. Þrjú taflfélögin berjast um Íslandsmeistaratitilinn og innbyrðis viðureignir þessara félaga Taflfélags Vestmannaeyja, Taflfélgs Bolungarvíkur og Hellis eru tvær talsins. Staða efstu liða er þessi:

1. TV A 25 v. 2. TB A 23 ½ v. 3. Hellir A. 22 v. Í 2. deild leiða Mátar.

Efsta deildin er laus við A- og B- lið sumra taflfélaga sem skekkja samkeppnina því að ekki er farið eftir stigagjöf, eins og t.d. í þýsku Bundesligunni, heldur heildarvinningafjölda.

En grípa má til annarra ráða. Kærugleði Bolvíkinga undir lok síðasta keppnistímabils og undarleg njósnastarfsemi meðfram sem sum sendiráðin Í Reykjavík hefðu mátt vera fullsæmd af, réði vitanlega úrslitum keppninnar þegar hinn dáði liðsmaður TV, Alexey Dreev var „sleginn“ af og „Bolar“ fögnuðu sigri í mótslok.

Þá er pistill – eða bollaleggingar – ritstjóra Skak.is við upphaf hvers Íslandsmóts alveg sérstakur kapítuli. Efni pistilsins er yfirleitt sett fram í þeim tilgangi að rugla aðra liðsstjóra í ríminu. Allt er þetta orðið snar þáttur í keppninni og ekki nokkur maður sem kippir sér upp við þetta blaður.

Búast má við að um 400 skákmenn sitji að tafli um helgina.

Á Íslandsmótinu gefst skákmönnum oft kostur á að tefla við ýmsa fræga meistara. Einn fjölmargra þekktra stórmeistara sem komið hafa hingað til lands vegna mótsins er Tékkinn David Navara sem er með yfir 2.700 elo-stig og tefldi fyrir Helli í fyrri hluta keppninnar. Sigurvegarinn frá haustmóti TR, Sverrir Þorgeirsson, sýndi allar sínar bestu hliðar í baráttunni þó að u.þ.b. 500 elo-stig skildu þá að. Eins og skákin sýnir voru vinningsmöguleikarnir allir Sverris megin þar til hann lék heiftarlega af sér í 27. leik:

Íslandsmót taflfélaga 2010-2011:

David Navara – Sverrir Þorgeirsson

Slavnesk vörn

1. d4 d5 2. c4 c6 3. Rf3 Rf6 4. e3 Bf5 5. Rc3 e6 6. Rh4

Róleg leið sem notið hefur talsverðra vinsælda undanfarin á, svartur á þrjá ágæta leiki, 6.... Be4, 6.... Bg4 og þann sem Sverrir velur.

6.... Bg6 7. Be2 Rbd7 8. 0-0 Bd6 9. g3 De7 10. Db3 Hb8 11. Rxg6 hxg6 12. Hd1 dxc4 13. Dxc4 e5 14. dxe5 Rxe5 15. Da4 De6!

Hótar 17.... Dh3. Navara á þegar nokkuð erfitt um vik.

16. h4 g5! 17. Re4 Rxe4 18. Dxe4 f5 19. Dd4 Bc7 20. hxg5 Hd8 21. Da4 Hxd1 22. Dxd1 f4!

Glæsilega leikið. Svartur er enn á leiðinni til h3.

23. Bh5+ g6 24. exf4 Hxh5 25. fxe5 Bxe5 26. Df3

( Sjá stöðumynd )

26.... Bxg3!

Hvítur er í mestu vandræðum eftir þennan leik. Í fljótu bragði virðist duga og er sennilega best að leika 27. fxg3! De1+ 28. Kg2 en þá kemur magnað afbrigði sem „Rybka“ gefur upp: 28.... Hh1! 29. Dd3! Hg1+ 30. Kh3 Hh1+ 31. Kg4 Hf1! 32. Be3! Dxa1 32. Dxg6+ Kd7 33. Dd3+ Ke8 34. De4+ Kd8 35. g6 og hvítur hefur eilítið betri möguleika.

27. Bd2? Be5??

Gott er t.d. 27.... Bc7 því að 28. He1 er svarað með 28.... Hxg5+ og – He5 og svartur stendur sennilega til vinnings. Hvítur getur þó haldið í horfinu með 28. Hd1.

28. He1 Hh4 29. Bf4! Dg4+ 30. Dxg4 Hxg4 31. Bg3

– og svartur gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 6. mars 2011.

Skákþættir Morgunblaðsins

MP Reykjavíkurskákmótið: Sjötta umferð í fullum gangi

Sjötta umferð MP Reykjavíkurmótsins er nú í fullum gangi en hún hófst kl. 16:30.  Þorvarður Gunnarsson, forstjóri Deloitte, lék fyrsta leik umferðarinnar fyrir Robert Hess gegn Luke McShane.  Skákskýringar hefjast upp úr kl. 18 og verða í umsjá Jóns L. Árnasonar í kvöld.  Fjöldi mynda hefur bæst við myndaalbúm mótsins en myndir mótsins eru frá Calle Erlandsson, Einari S. Einarssyni og Helga Árnasyni.

Í dag fór fram Deloitte Reykjavík Barna Blitz í umsjón Skákakademíu Reykjavíkur.  Þar sigraði Oliver Aron Jóhannesson en meira verður fjallað um mótið síðar.   Í gær fór fram Reykjavík Opn Pub Quis.  Björn þorfinnsson og Stefán Bergsson sigruðu.  Nánar verður einnig fjallað um Pöbb-kvissið síðar.  

. Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

Skákmót öðlinga hefst 23. mars

Skákmót öðlinga 40 ára og eldri hefst miðvikudaginn 23. mars kl. 19.30 í félagsheimili T.R. að Faxafeni 12.  Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Núverandi öðlingameistari er Bragi Halldórsson.

Dagskrá:

• 1. umferð miðvikudag 23. mars kl. 19.30
• 2. umferð miðvikudag 30. mars kl. 19.30
• 3. umferð miðvikudag 6. apríl kl. 19.30
• 4. umferð miðvikudag 13. apríl kl. 19.30
• 5. umferð miðvikudag 27. apríl kl. 19.30
• 6. umferð miðvikudag 4. maí kl. 19.30
• 7. umferð miðvikudag 11. maí kl. 19.30

Mótinu lýkur miðvikudaginn 18. maí kl. 19:30 með hraðskákmóti og verðlaunaafhendingu.  Keppt er um veglegan farandbikar,en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 4.000 fyrir aðalmótið og kr 500 fyrir hraðskákmótið.  Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Úrslit í Deloitte Reykjavík Barna Blitz fara fram í dag

Í úrslitunum keppa átta ungir skákmenn sem ýmist unnu sér rétt til þátttöku á æfingum taflfélaganna í borginni eða hlutu boðssæti.

Keppendalistinn liggur fyrir og er þannig:

• Oliver Aron Jóhannesson Fjölni
• Jóhann Arnar Finnsson Fjölni
• Nansý Davíðsdóttir Fjölni
• Gauti Páll Jónsson TR
• Veronika Steinunn Magnúsdóttir TR
• Vignir Vatnar Stefánsson TR
• Dawid Kolka Helli
• Heimir Páll Ragnarsson Helli

Tefldar verða hraðskákir og teflt verður eftir útsláttarfyrirkomulagi.

Skákirnar verða sýndar á sýningartjaldi og hefjast átta manna úrslit 14:30.

Úrslitaeinvígið fer svo fram rétt fyrir 6. umferð Reykjavíkurskákmótsins.

 

Fimm erlendir stórmeistarar efstir á MP Reykjavíkurskákmótinu

Ýmislegt óvænt hefur gerst á MP Reykjavíkurskákmótinu og erlendir skákmenn raða sér í efstu sætin að lokinni fimmtu umferð sem fram fór í kvöld.  Og efstir Íslendinga eru nöfn sem er ekki venjuleg á þeim lista en með 3,5 vinning auk stórmeistarans Henriks Danielsen, sem ekki kemur óvart að sjá þarna, eru þeir Jón Árni Halldórsson og Bjarni Sæmundsson. 

Árangur þess síðarnefnda var einkar eftirtekarverður í dag en fórnarlömb hans í dag voru sterkir íslenskir skákmenn þeir Róbert Lagerman og Dagur Arngrímsson.  Sjötta umferð fer fram á morgun og hefst kl. 16:30.    Jón L. Árnason verður með skákskýringar sem hefjast upp úr kl. 18.    

Þeir sem eru efstir með 4,5 vinning eru stórmeistararnir Luke McShane, Englandi, Yuriy Kuzubov, Úkraínu, sem sigraði landa sinn Ilya Nyzhnik, Kamil Miton, Póllandi, Grikkinn Stelios Halkia, og Kaninn Robert Hess.  

Mótið er jafnframt Norðurlandamót í skák bæði í opnum flokki og kvennaflokki. Tiger Hillarp Persson (Svíþjóð), Jon Ludvig Hammer (Noregi) og Sune Berg Hansen (Danmörku)  eru efstir í opnum flokki með 4 vinninga en Emilia Horn og Christin Andersson (Svíþjóð), Sheila Barth Sahl (Noregi) og Oksana Vovk (Danmörku) eru efstar í kvennaflokki með 3 vinninga.   

Pörun sjöttu umferðar liggur fyrir og er aðgengileg á Chess-Results.  Þá mætast m.a.:

• Hess - McShane
• Kuzubov - Miton
• Gustafsson - Halkias
• Henrik - Milliet
• Jón Árni - Grover
• Bjarni - Hannes Hlífar

. Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

MP Reykjavíkurskákmótið: Pörun 5. umferðar

Pörun 5. umferðar liggur fyrir og er aðengilega á Chess-Results.   Umferðin hefst kl. 16:30 en skákskýringar Helga Ólafssonar hefjast upp úr kl. 18.

Í fimmtu umferð mætast m.a.:

• Halkias - Hess
• Nyzhnik - Kuzubov
• Berbatov - Baklan
• Gustafsson - Björn
• Chatalbashev - Þröstur
• Svesnikov - Henrik

 

Halkias og Hess efstir á MP Reykjavíkurskákmótinu - Þröstur, Björn og Henrik efstir Íslendinga

Stórmeistararnir Stelios Halkias (2579), Grikklandi, og Robert Hess (2565), Bandaríkjunum, eru efstir með fullt hús að lokinni 4. umferð MP Reykjavíkurskámótsins sem nú er rétt nýlokið.    Stórmeistararnir Þröstur Þórhallsson (2387) og Henrik Danielsen (2533) og alþjóðlegi meistarinn Björn Þorfinnsson (2419) eru hins vegar efstir Íslendinga með 3 vinninga.  Fimmta umferð fer fram og í dag og hefst kl. 16:30.  Stórmeistarinn Helgi Ólafsson verður með skákskýringar sem hefjast upp úr kl. 18.   

Nokkuð var um óvænt úrslit.  Efstu mennirnir unnu töluvert stigahærri andstæðinga.  Halkias vann blindskákarsnillingin Miro (2670) og Hess vann Ivan Sokolov (2643).   

Mótið er jafnframt Norðurlandamót í skák bæði í opnum flokki og kvennaflokki.   Helgi Dam Ziska (Færeyjum), Tiger Hillarp Persson (Svíþjóð) og Sune Berg Hansen (Danmörku)  eru efstir í opnum flokki með 3,5 vinning en  Lenka Ptácníková og Emilia Horn (Svíþjóð) í kvennaflokki með 2,5 vinning.

 Helstu tenglar

• Heimasíða mótsins
• Chess-Results
• Beinar útsendingar
• Myndaalbúm mótsins
• Bloggsíða Jan Gustafsson
• Chessbomb (beinar útsendingar með tölvuskýringum)

 

Hið árlega Skák-PubQuiz fer fram í kvöld, laugardagskvöld.

Hið árlega Skák-PubQuiz fer fram í kvöld, laugardagskvöld.  Spurningakeppnin er sem fyrr skipulögð af Skákakademíu Reykjavíkur, í nánu samstarfi við spurningahöfundinn Sigurbjörn Björnsson.

Keppnin fer fram á Hressingarskálanum - nánar tiltekið á dansgólfinu - og hefst klukkan 22:00.

Tveir og tveir saman í liði og 30 spurningar. Það þarf ekki að skrá sig en keppendur minntir á að mæta með penna.

 

Vin Open á mánudag

Í samstarfi við Skákakademíu Reykjavíkur, heldur Skákfélag Vinjar hið árlega Vin - Open, mánudaginn 14. mars klukkan 13:00. Vin er að Hverfisgötu 47 í Reykjavík.

Mótið er einn hliðarviðburða MP Reykjavíkurmótsins og þátttakendur þaðan hafa fjölmennt í Vin undanfarin ár og gefið mótinu skemmtilegan lit.

Tefldar verða sex umferðir og mótið verður búið fyrir klukkan 15, jafnvel þó kaffihlé verði gert til að bústa upp orkuna.

Auk verðlaunapeninga eru bókaverðlaun fyrir þrjú efstu sætin auk sérstakra aukaverðlauna fyrir:

• Efsta þátttakandann 60 ára og eldri.
• Efsta þátttakandann fæddan 1993 og yngri
• Efst kvenna

 

Skákstjórn, dómgæsla  og utanumhald er í höndum Róberts Lagerman.

 

Allir velkomnir og kostar ekkert,  en endilega að mæta tímanlega svo mótið geti hafist klukkan 13:02!