Stúlknameistaramót Reykjavíkur

Stúlknameistaramót Reykjavíkur fer fram í Skákhöllinni í Faxafeni laugardaginn 5. apríl nk. og hefst kl. 14.

Tefldar verða sjö umferðir eftir Monrad-kerfi og er umhugsunartími fyrir hverja skák 15 mínútur á hvorn keppanda.

Þetta er í fimmta skipti sem Taflfélagi Reykjavíkur heldur mótið, en þess má geta að Hallgerður Helga Þorsteinsdóttir hefur borið sigur úr býtum fjögur ár í röð!

Keppt er í þriðja sinn um veglegan farandbikar sem hjónin Ólafur S. Ásgrímsson og Birna Halldórsdóttir gáfu. Einnig verða eignarbikarar fyrir þrjú efstu sætin.

Öllum stúlkum á grunnskólaaldri í landinu er heimil þátttaka og geta unnið eignarbikar, en titilinn og farandbikarinn hreppir sú sem efst er að vinningum þeirra er búsettar eru í Reykjavík.

Að lokinni verðlaunaafhendingu verður pizzuveisla fyrir keppendur í boði TR. Skráning fer fram á staðnum og hefst kl.13:30. Skákstjóri verður Sigurlaug R. Friðþjófsdóttir.

Ritstjóri Skák.is hættur störfum

Ritstjóri Skák.is hefur hætt störfum.  Ritstjóri hefur síðustu misseri legið undir miklum ámælum.  Má þar nefna vegna röðunar tengla á Skák.is, notkunar bandstrika, stafsetningar og ofnotkunar á orðinu Íslandsmeistarar.  Ritstjóri hefur í samráði við stjórn SÍ ákveðið að hætta störfum en vefurinn á einmitt níu ára afmæli í dag.

Vegna þess álags sem ritstjóri hefur legið undir hefur verið ákveðið að ekki verði gefið upp hver tekur við ritstjóraembættinu.  Einnig hefur verið ákveðið að skipa sérstaka ritnefnd sem starfi með ritstjóranum.   Skákmenn eru hvattir til að gefa kost sér í hana með því að senda tölvupóst í dag til Skáksambandsins í netfangið [e-mail] en ritnefndin verður skipuð á stjórnarfundi í kvöld.

Ritstjóri  (nú fyrrverandi) þakkar samskiptin á síðustu níu árum og vonar að Skák.is dafni sem aldrei fyrr undir ritstjórn hins nýja nafnlausa ritstjóra.

 

Boðsmót Hauka hófst í gær

Foðsmót Hauka hófst í gær en teflt er í húsnæði Skákskólans.  Teflt er sex flokkum og taka alls 24 skákmenn þátt.   

 Úrslit 1. umferðar:

A-Riðill:
Árni - Björn       Frestað
Torfi - Stefán P 1-0
Tinna - Helgi     0,5-0,5

B-riðill:
Sigurbjörn - Gísli           1-0
Þorvarður - Guðmundur  Frestað
Kjartan - Ingi               1-0

C-riðill
Hjörvar - Omar       Frestað
Oddgeir - Hrannar   Frestað
Geir - Marteinn       1-0

D-riðill
Róbert - Einar          1-0
Stefán - Aðalsteinn  1-0
Jorge - Þórir            1-0

Næsta umferð verður svo tefld á fimmtudaginn og væntanlega verða frestaðar utan Björn-Árni tefldar á miðvikudag.

Heimasíða Hauka 

Boðsmót Hauka hefst í kvöld

Boðsmót Hauka hefst í kvöld klukkan 19:30 í húsnæði Skáksambands Íslands við Faxafen.  Í byrjun er teflt í fjórum riðlum þar sem skipt er í styrkleikaflokka eftir skákstigum.  Að riðlakeppninni lokinni tekur við úrslitakeppni þar sem tveir efstu úr hverjum riðli fara í A-flokk, tveir næstu í B-flokk og tveir neðstu í C-flokk. Í þessum flokkum tefla síðan allir við alla, nema skák þeirra sem komu úr sama riðli telur áfram.

A-riðill
Björn Þorfinnsson
Torfi Leósson
Árni Þorvaldsson
Tinna Kristín Finnbogadóttir
Helgi Hauksson
Stefán Pétursson

B-riðill
Sigurbjörn Björnsson
Þorvarður Fannar Ólafsson
Kjartan Guðmundsson
Ingi Tandri Traustason
Guðmundur Guðmundsson
Gísli Hrafnkelsson

C-riðill
Hjörvar Steinn Grétarsson
Omar Salama
Hrannar Baldursson
Marteinn Þór Harðarson
Oddgeir Ágúst Ottesen
Geir Guðbrandsson

D-riðill
Róbert Lagerman
Stefán Freyr Guðmundsson
Jorge Fonseca
Þórir Benediktsson
Aðalsteinn Thorarinsen
Einar G. Einarsson

1. umferð
A-riðill
Árni - Björn
Torfi - Stefán P
Tinna - Helgi

B-riðill
Sigurbjörn - Gísli
Þorvarður - Guðmundur
Kjartan - Ingi

C-riðill
Hjörvar - Omar
Oddgeir - Hrannar
Geir - Marteinn

D-riðill
Róbert - Einar
Stefán - Aðalsteinn
Jorge - Þórir

Henrik og Björn unnu í fjórðu umferð - Sverrir með jafntefli við stórmeistara

Stórmeistarinn Henrik Danielsen (2506) sigraði sænska FIDE-meistarann Daniel Semcesen (2349) í fjórðu umferð Scandinavian Open sem fram fór í Köben í morgun.  Björn Þorfinnsson (2368) vann danska FIDE-meistarann Daniel V. Pedersen (2258).  Hinn ungi og efnilegi skákmaður Sverrir Þorgeirsson (2120) gerði jafntefli við danska stórmeistarann Carsten Höi (2404) og Bragi Þorfinnsson (2406) gerði jafntefli við sænska stórmeistarann Stellan Brynell (2463).

Henrik er í þriðja sæti með 3 vinninga, Bragi og Björn eru í 4.-10. sæti með 2 vinninga og Sverrir er í 11.-14. sæti með 1 vinning.  Efstir með 3,5 vinning eru Danirnir Lars Schandorff (2526) og Nikolaj Mikkelsen (2390).

Fimmta umferð fer fram á morgun og hefst kl. 9. Þá mætast:

• Schandorff - Henrik
• Björn - Bragi
• Sverrir - Pedersen

Alls taka 14 skákmenn þátt í mótinu en alls eru tefldar 11 umferðir.  Meðal þátttakenda eru fjórir stórmeistarar.

• Heimasíða mótsins
• Skákir mótsins

Hallgerður Helga og Dagur Andri efst á Unglingameistaramóti Reykjavíkur

Unglingameistaramót Reykjavíkur fór fram í Skákhöllinni í Faxafeni sl. laugardag. Átján keppendur voru skráðir til leiks og voru tefldar sjö umferðir eftir Monrad-kerfi með 15 mínúta umhugsunartíma á skák.

Keppnin var jöfn. Fóru leikar svo að Hallgerður Helga Þorsteinsdóttir og Dagur Andri Friðgeirsson urðu jöfn í efsta sætinu og munu tefla til úrslita um Unglingameistaratitilinn nk. fimmtudagskvöld kl 19:45 í Skákhöllinni. Þriðja sætið hreppti Hörður Aron Hauksson. Jöfn Herði Aroni að vinningum, en lægri á Monrad- stigum, urðu þau Geirþrúður Anna Guðmundsdóttir og Birkir Karl Sigurðsson.  

 

Reykjavíkmót grunnskólasveita

Reykjavíkurmót grunnskólasveita í skák fer fram í húsakynnum Taflfélags Reykjavíkur í Skákhöllinni í Faxafeni 12 miðvikudaginn 2. apríl. Þátttökurétt hafa allir grunnskólar í Reykjavík og getur hver skóli sent eins margar sveitir og kostur er. Hver sveit skal skipuð fjórum liðsmönnum og skal þeim raðað í sveitir eftir styrkleika.  Skólastjórar eru hvattir til að mynda sem flest lið og senda til skemmtilegrar keppni. Mótið hefst kl. 17 miðvikudaginn og fer skráning sveita fram á staðnum frá kl. 16:30.

Núverandi Reykjavíkurmeistari grunnskólasveita er Laugalækjarskóli.

Henrik vann í þriðju umferð

Stórmeistarinn Henrik Danielsen (2506) sigraði Braga Þorfinnsson (2406) í þriðju umferð Scandinavian Open, sem fram fór í Kaupmannahöfn í dag.  Björn Þorfinnsson (2368) tapaði fyrir Svíanum Axel Smith (2486) og Sverrir Þorgeirsson tapaði fyrir FIDE-meistaranum Jasmin Bejtovic (2353).  Henrik hefur 2 vinninga og er í 3.-6. sæti, Bragi hefur 1,5 vinning og er í 7.-8. sæti, Björn hefur 1 vinning og er í 9.-12. sæti og Sverrir hefur 0,5 vinning og er í 13-14 sæti.  Efstir með 2,5 vinning eru Danirnir Lars Schandorff (2526) og Nikolaj Mikkelsen (2390)

Fjórða umferð fer fram á morgun og hefst kl. 9.

Þá mætast:

• Henrik - FM Daniel Semcesen (2349)
• Bragi - SM Stellan Brynell (2463)
• FM Daniel V. Pedersen (2258) - Björn
• SM Carsten Höi (2404) - Sverrir 

Alls taka 14 skákmenn þátt í mótinu en alls eru tefldar 11 umferðir.  Meðal þátttakenda eru fjórir stórmeistarar.

• Heimasíða mótsins
• Skákir mótsins

Arnar sigraði á Grand Prix-móti

Það var að venju hart barist á Grand Prix móti Fjölnis og TR í Skákhöllinni Faxafeni á fimmtudagskvöldið.  Arnar E. Gunnarsson gerði sér lítið fyrir og lagði alla andstæðinga sína að velli og hreppti efsta sætið með fullt hús vinninga.

Í öðru sæti varð Arnar Þorsteinsson með sex vinninga af sjö mögulegum, tapaði aðeins fyrir nafna sínum. Þriðji  í röðinni með 5 vinninga varð hinn efnilegi Daði Ómarsson. Kristján Örn Elíasson hlaut fjórða sætið og Vigfús Vigfússon það fimmta.

Arnar E. Gunnarsson hefur reynst mönnum illviðráðanlegur í sjö mínútna skákunum og hefur nú tekið örugga forystu í Grand Prix mótaröðinni.

Grand Prix mótaröðin heldur áfram næstkomandi fimmtudagskvöld og eru allt skákáhugafólk hjartanlega velkomið.

Bragi og Henrik unnu í 2. umferð

Alþjóðlegi meistarinn Bragi Þorfinnsson (2406) vann Sverri Þorgeirsson (2120) og stórmeistarinn Henrik Danielsen (2506) sigraði FIDE-meistarann Jasmin Bejtovic (2353).  Björn Þorfinnsson (2364) tapaði fyrir danska stórmeistaranum Lars Schandorff (2526).  Bragi hefur 1,5 vinning, Henrik og Björn 1 vinning og Sverri hálfan vinning.  Þriðja umferð hefst kl. 16.

Þá mætast:

• Bragi - Henrik
• Björn - Axel Smith (2458)
• Bejtovic - Sverrir 

Alls taka 14 skákmenn þátt í mótinu en alls eru tefldar 11 umferðir.  Meðal þátttakenda eru fjórir stórmeistarar.

• Heimasíða mótsins
• Skákir mótsins