Gunnar Björnsson gefur kost á sér sem forseti SÍ

Gunnar Björnsson hefur ákveðið að gefa kost á sér sem forseti Skáksambands Íslands á aðalfundi sambandsins sem fram fer nk. laugardag. 

Gunnar hefur starfað samfleytt í skákhreyfingunni í 23 ár.  Í stjórn TR 1986-91, í stjórn Hellis frá 1991 og þar af sem formaður 1991-95 og frá 2004 og í stjórn Skáksambands Íslands 1992-99 og 2004-06.  Alþjóðlegur skákdómari frá 1996 og ritstjóri Skák.is frá upphafi en síðan var sett á laggirnar 1. apríl 2001.   

Verði Gunnar kjörinn mun hann hætta sem formaður Hellis á aðalfundi félagsins sem haldinn verður í i júní.    

Aðalfundur SÍ fer fram í Félagsheimili TR, Faxafeni 12, á laugardag og hefst kl. 10.

Stofnfundur félags íslenskra skákdómara haldinn á föstudag

Til stendur að stofna Félags íslenskra skákdómara (FÍS) og er hér með boðað til stofnfundar félagsins föstudaginn 29. maí kl. 20, þ.e. degi fyrir aðalfund sjálfs Skáksambandsins, í húsakynnum þess, Faxafeni 12.

Þeir sem óska eftir því að gerast stofnfélagar eru beðnir um að hafa samband í netfangið [e-mail] sem fyrst.  Íslensk skákfélög er hvött til að tilnefna a.m.k. félagsmenn í FÍS.

Drög um lög félagsins liggja fyrir:

Lög félags íslenskra skákdómara (FÍS)

1.gr.

Félagið heitir Félag íslenskra skákdómara og er skammstafað FÍS. 

2. gr.

Heimili félagsins og varnarþing er í Reykjavík.

3. gr

Tilgangur félagsins er að vera samstarfsvettvangur íslenskra skákdómara.

4. gr.

Tilgangi sínum hyggst félagið ná með því kynna nýjar skákreglur og reglubreytingar, með námskeiðum fyrir félög og dómara og með reglulegum samráðsfundum með dómurum þar sem álitamál er rædd.  Hægt er leita til félagsins varðandi álit á reglum en félagið úrskurðar ekki í álita- eða deilumálum.  Félagið sem slíkt heyrir ekki undir stjórn Skáksambands Íslands sem þó getur leitað ráðgjafar eða aðstoðar t.d. varðandi álitamál á reglum eða námskeiðahald. 

5. gr.

Stofnfélagar eru: (Hér þarf nöfn, heimilisföng og kennitölur allra stofnenda).

6.gr.

Félagsaðild hafa allir alþjóðlegir skákdómarar og FIDE-dómarar.  Einnig þeir sem reynslu af dómarastörfum og hafa þá verið dómarar í a.m.k fimm skákmótum síðustu 3 ár og þar af eitt kappskákmót eða stórt unglingaskákmót.  Hvert aðildarfélag Skáksambands Íslands hefur rétt á tilefna einn mann í félagið og skal sá hafa þá einhverja reynslu af skákdómarastörfum.  

Stjórn félagsins metur hvort umsækjendur uppfylli skilyrðin. Nýja félagsmenn má taka inn hvenær sem er.  

7. gr.

Stjórn félagsins skal skipuð 3 félagsmönnum þ.e. formanni og 2 meðstjórnendum. Stjórnarmenn skulu kosnir til eins árs í senn en formaður skal kosinn á hverjum aðalfundi. Formaður boðar stjórnarmenn á stjórnarfundi þegar þurfa þykir.  Almennt skal stefnt að því halda aðalfund sambandsins degi fyrir aðalfund Skáksambands Íslands.  Aðalfundir sem og félagsfundir skulu vera boðaðir með a.m.k hálfsmánaðar fyrirvara og þá með rafpósti til félagsmanna og á Skák.is.

Daglega umsjón félagsins annast formaður félagsins.  Firmaritun félagsins er í höndum meirihluta stjórnar.

8. gr.

Starfstímabil félagsins er almanaksárið. Á aðalfundi félagsins skal stjórn gera upp árangur liðins árs. Aðeins félagsmenn mega vera þátttakendur í aðalfundi.

9. gr.

Árgjald félagsins er 1.000 kr.

10. gr.

Rekstrarafgangi af starfsemi félagsins skal varið til kynningarstarfs.

11. gr.

Ákvörðun um slit félags verður tekin á aðalfundi með einföldum meirihluta og renna eignir þess til Skáksambands Íslands.  

Lög þessi voru samþykkt á stofnfundi félagsins 29. maí 2009 og öðlast þegar gildi.

Dagsetning og undirskriftir allra stofnenda eða stjórnarmanna.

Aðalfundi TR frestað

Aðalfundi Taflfélags Reykjavíkur hefur verið frestað til 8. júní nk.

Birgir sigraði á Sumarskákmóti í Rauðakrosshúsinu

Skemmtilegt mót var haldið í Rauðakrosshúsinu, Borgartúni 25, í dag, mánudag. 16 þátttakendur, yngsti nýorðinn átta og elsti áttatíuogsex...

Hart barist í skemmtilegu umhverfi þar sem prjónahópur var í einu horninu og Guðrún Guðmundsdóttir, verkefnastjóri Geðræktar hjá Lýðheilsustöð var með fyrirlestur í öðru.

Tefldar voru sjö umferðir eftir monradkerfi, þar sem umhugsunartíminn var 7 mínútur.

Skákstjórinn Róbert Lagerman náði sex og hálfum vinningi, gerði aðeins jafntefli við Birgi Berndsen, en var gestur og Birgir fékk gullpeninginn og bókaverðlaun. Halaði hann inn fimm og hálfum vinningi.

Rafn Jónsson kom næstur með fimm, hærri á stigum en Kjartan Guðmundsson sem einnig var með 5 vinninga.

Verðlaun voru fyrir efstu sæti auk þess sem dregnir voru út fjórir happadrættisvinningar, bækur og geisladiskar.

Þess má geta að í lokin hafði Guðrún frá Lýðheilsustöð skipt út fyrir Ottó Tynes sem var með gítarnámskeið þannig að það var stuð á bæ.

 

• Róbert Lagerman                        6,5 - gestur
• - - - - -    - - - -
• 1.  Birgir Berndsen                      5,5
• 2.  Rafn Jónsson                          5
• 3.  Kjartan Guðmundsson            5
• 4.  Árni Pétursson                        4
• 5.  Björgvin Kristbergsson           3,5
• 6.  Finnur Kr. Finnsson                3,5
• 7.  Arnar Valgeirsson                   3,5
• 8.  Guðmundur V. Guðmundsson 3
• 9. Sigríður Björg Helgadóttir        3  - kom inn í 2. umferð
• 10. Haukur Halldórsson                3
• 11. Einar Björnsson                     3
• 12. Luigi Formicola                      3
• 13. Kristján Gabríel Þórhallsson   2,5
• 14. Jón Ólafsson                          2,5
• 15. Bragi Helgason                       0 - þurfti að fara e. 3. umferð

 

Skákþing Norðlendinga

Skákþing Norðlendinga verður haldið í Íþróttahöllinni á Akureyri helgina 12-14. júní nk. Tefldar verða 4 umferðir með atskákfyrirkomulagi á föstudagskvöldi. Tvær kappskákir á laugardegi og ein á sunnudegi. Að loknu skákmótinu verður haldið Hraðskákmót Norðlendinga.

Mótið hefst kl. 20.00 á föstudagskvöld með 25 mínútna skákum í 1. - 4. umferð.   Tímamörk í 5.-7. umferð eru 90 mínútur + 30 sekúndur viðbótartíma á hvern leik.  Keppnisgjald kr. 2000.-

Skákþing Norðlendinga hefur verið haldið árlega frá árinu 1935, og hafa eftirtaldir unnið titilinn oftast. Gylfi Þórhallsson og Rúnar Sigurpálsson sjö sinnum, Jón Þorsteinsson, Jónas Halldórsson og Júlíus Bogason fimm sinnum.  Núverandi skákmeistari er Stefán Bergsson.

Ulker Gasanova hefur orðið oftast skákmeistari kvenna, fimm sinnum, Sveinfríður Halldórsdóttir og Þorbjörg Lilja Þórsdóttir 4. sinnum.  Arnfríður Friðriksdóttir og Anna Kristín Þórhallsdóttir þrisvar sinnum. Núverandi skákmeistari kvenna er Ulker Gasanova.

Rúnar Sigurpálsson hefur lang oftast orðið hraðskákmeistari Norðlendinga eða alls tólf sinnum. Áskell Örn Kárason hefur síðustu tvö ár unnið titilinn

Ágúst Jóhann og Viðar sigurvegar Kaffihúsaskákmóts KAABER og Þristsins

Kaffihúsaskákmót KAABER og Ungmennafélagsins Þristar fór fram laugardaginn 9. maí á Skriðuklaustri. Þátttaka var með besta mót en alls mættu 15 þátttakendur til leiks. Sex í flokki 17 ára og eldri og níu í flokki 16 ára og yngri. Tefldar voru fimm umferðir hjá eldri og níu hjá yngri.  Ágúst Jóhann Ágústsson hafði sigur í flokki 16 ára og yngri og Viðar Jónsson í flokki hina eldri.

Var keppnin nokkuð jöfn og spennandi í báðum flokkum. Gaman var að sjá hve margir ungir og efnilegir skákmenn reyndu með sér og ekki var síður skemmtilegt að fylgjast með þeim eldri og reyndari. Um mitt mót var gerð hlé á keppni og gæddu þá keppendur sér, í mesta bróðerni, á glæsilegum kaffiveitingum að hætti Skriðuklausturs. Úrslit urðu eftirfarandi:

16 ára og yngri:

• 1.  Ágúst Jóhann Ágústsson með 9 vinninga
• 2. Ágúst Már Þórðarson með 8 vinninga
• 3. Mikael Máni Freysson með 7 og hálfan vinning.

17 ára og eldri:

• 1. Viðar Jónsson með 5 vinninga
• 2. Albert Geirsson með 4 vinninga
• 3. Jón Björnsson með 3 vinninga.

Þristurinn þakkar öllum keppendum kærlega fyrir þátttökuna, KAABER fyrir veglegan stuðning við mótið og Skriðuklaustri fyrir góðar móttökur og veitingar.

Heimasíða Þristsins

Sumarskák í Rauðakrossmótinu í dag

Skákfélag Vinjar og Hrókurinn halda skákmót í Rauðakrosshúsinu, mánudaginn 25. mai kl. 13:30
Tefldar verða 7 umferðir með 7 mínútna umhugsunartíma, eftir Monradkerfi.

Vinningar fyrir efstu sæti auk happadrættisvinninga þannig að allir eiga möguleika.
Boðið verður upp á kaffi og eru allir hjartanlega velkomnir og þetta kostar ekkert.

Skákstjóri er varaforseti Hróksins, Róbert Lagerman

Rauðkrosshúsið er þjónustumiðstöð fyrir alla landsmenn sem opnuð var í byrjun mars sl, vegna breyttra aðstæðna í þjóðfélaginu.

Starf Rauðakrosshússins er byggt á áralangri reynslu félagsins af viðbrögðum í neyð og er unnið í samstarfi við kirkjuna, Ráðgjafarstofu um fjármál heimilanna og Öryrkjabandalag Íslands.
Á heimasíðunni raudakrosshusid.is er hægt að fá frekari upplýsingar um starfsemina og skoða þá dagskrá sem þegar hefur verið ákveðin.

Þjónustumiðstöðin er staðsett að Borgartúni 25. Sími 570-4000.

Aðalfundur TR fer fram í kvöld

Aðalfundur Taflfélags Reykjavíkur verður haldinn mánudaginn 25. maí kl. 20 í húsnæði félagsins að Faxafeni 12.

Dagskrá fundarins er venjuleg aðalfundarstörf.

Björn og Hjörvar unnu í lokaumferðinni

Alþjóðlegi meistarinn Björn Þorfinnsson (2422) og Hjörvar Steinn Grétarsson (2287) unnu báðir í níundu og síðustu umferð Portu Mannu-mótsins, sem fram fór á laugardag.   Björn vann Ítalann Emiliano Mastroddi (2074) og Hjörvar landa hans Marco Simone (1877).  Hjörvar fékk 6 vinninga og endaði í 12.-23. sæti en Hjörvar fékk 5 vinninga og hafnaði í 46.-73. sæti.  Enski stórmeistarinn Stuart Conquest (2549) sigraði á mótinu með 7 vinninga.  

Björn stendur í stað stigalega séð en Hjörvar tapar 15 stigum.  

Alls tóku 178 skákmenn þátt í mótinu og þar af 12 stórmeistarar.

Heimasíða mótsins

 

Sverrir og Bjarni Jens sigurvegarar Meistaramóts Skákskólans

Sverrir Þorgeirsson og Bjarni Jens Kristinsson urðu í 1. - 2. sæti á meistaramóti Skákskóla Íslands sem lauk i dag. Þeir hlutu báðir 6 vinninga af sjö mögulegum og þurfa að heyja einvígi um titilinn Meistari Skákskóla Íslands. Ekki hefur verið ákveðið hvenær einvígið fer fram þar sem Bjarni Jens er á förum austur á bóginn en hann mun starfa við skógræktina við Hallormstaðaskóg í sumar.

Daði Ómarsson varð í 3. sæti með 5 vinninga og Hallgerður Helga Þorsteinsdóttir varð í 4. sæti einnig með 5 vinninga en lægri á stigum. Hallgerður hlaut ennfremur sérstök verðlaun fyrir bestan árangur meðal stúlkna.

Jóhanna Björg Jóhannsdóttir náði einnig frábærum árangri og hlaut 4 ½ vinning og varð í fimmta sæti en verðlaun voru veitt fyrir fimm efstu sætin í mótinu.

Bestum árangri í flokki 14 ára og yngri náði Nökkvi Sverrisson eð 4 ½ vinning og í 2. sæti þar varð Geirþrúður Anna Guðmundsdóttir með 4 ½ vinning.

Stúlknaverðlaun komu í hlut Elsu Maríu Kristínardóttur og Tinnu Kristínar Finnbogadóttur. Þær hlutu báðar 4 vinninga en Elsa var sjónarmun hærri á stigum. Ekki var hægt að vinna til verðlauna í i meira en einum flokki.

Bestum árangri í flokki 12 ára og yngri náði Kristófer Gautason með 3 vinning en í 2. sæti varð Emil Sigurðarson einnig með 3 vinninga en lægri á stigum.

 

 

Myndir frá mótinu (Helgi Árnason).

Úrslit 7. umferðar:

 

Bo.	Name	Pts.	Result	Pts.	Name
1	Kristinsson Bjarni Jens	5	1 - 0	5	Omarsson Dadi
2	Johannsdottir Johanna Bjorg	4½	0 - 1	5	Thorgeirsson Sverrir
3	Kristinardottir Elsa Maria	4	0 - 1	4	Thorsteinsdottir Hallgerdur
4	Fridgeirsson Dagur Andri	4	0 - 1	3½	Sverrisson Nokkvi
5	Gudmundsdottir Geirthrudur Ann	3½	1 - 0	3½	Helgadottir Sigridur Bjorg
6	Hauksson Hordur Aron	3	½ - ½	3	Jonsson Dadi Steinn
7	Stefansson Fridrik Thjalfi	3	½ - ½	3	Karlsson Mikael Johann
8	Finnbogadottir Tinna Kristin	3	1 - 0	3	Arnason Olafur Kjaran
9	Tomasson Johannes Bjarki	2½	0 - 1	2½	Palsson Svanberg Mar
10	Sigurdarson Emil	2½	½ - ½	2½	Hauksdottir Hrund
11	Gautason Kristofer	2	1 - 0	2	Kjartansson Dagur
12	Steingrimsson Brynjar	1½	0 - 1	1½	Sigurdsson Birkir Karl
13	Palsson Valur Marvin	1½	1 - 0	1½	Heidarsson Hersteinn
14	Finnbogadottir Hulda Run	1	0		not paired

 

Lokastaðan:

 

Rk.	Name	RtgI	RtgN	Club/City	Pts.	Rp	rtg+/-
1	Thorgeirsson Sverrir	2110	2155	Haukar	6	2109	5,8
2	Kristinsson Bjarni Jens	1940	1965	Hellir	6	2005	12,4
3	Omarsson Dadi	2098	2115	TR	5	1963	-9,3
4	Thorsteinsdottir Hallgerdur	1958	1920	Hellir	5	1908	-1,2
5	Johannsdottir Johanna Bjorg	1714	1710	Hellir	4,5	1946	27,9
6	Sverrisson Nokkvi	1749	1675	TV	4,5	1746	0
7	Gudmundsdottir Geirthrudur Ann	1763	1550	TR	4,5	1684	8,3
8	Kristinardottir Elsa Maria	1775	1750	Hellir	4	1736	6,4
9	Finnbogadottir Tinna Kristin	1675	1620	UMSB	4	1713	-3,5
10	Fridgeirsson Dagur Andri	1775	1645	Fjölnir	4	1592	-21,3
11	Helgadottir Sigridur Bjorg	1690	1690	Fjölnir	3,5	1678	-4,1
12	Jonsson Dadi Steinn	0	1345	TV	3,5	1646
13	Palsson Svanberg Mar	1730	1635	TG	3,5	1611	-15,4
14	Stefansson Fridrik Thjalfi	1692	1645	TR	3,5	1474	0
15	Karlsson Mikael Johann	1670	1505	SA	3,5	1516	0
16	Hauksson Hordur Aron	1745	1700	Fjölnir	3,5	1481	-0,9
17	Arnason Olafur Kjaran	0	0		3	1766
18	Gautason Kristofer	0	1385	TV	3	1578
19	Sigurdarson Emil	0	1505	UMFL	3	1496
20	Hauksdottir Hrund	0	1420	Fjölnir	3	1441
21	Tomasson Johannes Bjarki	0	0		2,5	1546
22	Sigurdsson Birkir Karl	0	1355	TR	2,5	1491
23	Palsson Valur Marvin	0	0	TV	2,5	1348
24	Kjartansson Dagur	1455	1485	Hellir	2	1383	-6,3
25	Heidarsson Hersteinn	0	0	SA	1,5	1121
26	Steingrimsson Brynjar	0	1160	Hellir	1,5	1220
27	Finnbogadottir Hulda Run	0	1205	UMSB	1	0

• Heimasíða Skákskóla Íslands
• Chess-Results