Gunnar Björnsson gefur kost á sér sem forseti SÍ

Gunnar Björnsson hefur ákveðið að gefa kost á sér sem forseti Skáksambands Íslands á aðalfundi sambandsins sem fram fer nk. laugardag. 

Gunnar hefur starfað samfleytt í skákhreyfingunni í 23 ár.  Í stjórn TR 1986-91, í stjórn Hellis frá 1991 og þar af sem formaður 1991-95 og frá 2004 og í stjórn Skáksambands Íslands 1992-99 og 2004-06.  Alþjóðlegur skákdómari frá 1996 og ritstjóri Skák.is frá upphafi en síðan var sett á laggirnar 1. apríl 2001.   

Verði Gunnar kjörinn mun hann hætta sem formaður Hellis á aðalfundi félagsins sem haldinn verður í i júní.    

Aðalfundur SÍ fer fram í Félagsheimili TR, Faxafeni 12, á laugardag og hefst kl. 10.

Athugasemdir

[Muppetið (IP-tala skráð) 27.5.2009 kl. 12:19]

Gefurðu Gunzó kost á þér sem forseti SÍ?  Fyrst verðurðu að gerast forseti SÍ og síðan geturðu farið að gefa kost á þér í hitt og þetta "sem forseti SÍ" :)

[Enn meira muppet (IP-tala skráð) 27.5.2009 kl. 12:27]

Get a life, muppet.

[Þorfinnur (IP-tala skráð) 27.5.2009 kl. 13:48]

Það eru stórtíðindi að Gunnar gefi kost á sér sem forseti og skiptir einu hvort muppetið lesi einhverja málvillu út úr textanum.  Þetta er bara alveg þokkalega orðað.  Íslenskan er kannski ekki sterkasta hlið Gunnars en hann bætir það upp mörgum öðrum góðum kostum.  Það er hins vegar umhugsunarefni hvernig Samspillingin virðist skipulega og grímulaust sölsa undir sig öll feitustu embætin!!.  Verður ekki einhver VG sem fær varaformanninn!!

Helmingaskiptareglan verður notuð blygðunarlaust.  Þetta er bara byrjunin!

[Skák.is, 27.5.2009 kl. 14:13]

Ég vil þakka Muppetinu, sem ekki þorir að skrifa undir nafni, fyrir það að benda á aðalatriðin!

Þorfinni þakka ég fyrir hlý orð!   Tja........eða hluti þeirra!

[Muppetið (IP-tala skráð) 27.5.2009 kl. 14:17]

Haha, þori ekki...ég hef nú þorað hingað til. Þarf varla glöggan mann til að sjá hver þarna á í hlut...ekki síst þegar www.skak.is sér hvaða email stendur að baki! (að ég held).

En ég óska Gunzós velfarnaðar, verði hann kosinn, en ég veit ekki um neinn annan frambjóðanda. Þetta er ekki skemmtilegasta "starf" í heimi, svo mikið er víst.

[Senjor Salsa (IP-tala skráð) 27.5.2009 kl. 18:43]

Þetta er bara hárrétt orðalag í fréttinni. Alveg eins og fótboltamenn gefa kost á sér í landslið þá gefur Gunnar kost á sér í embætti forseta. Síðan kemur það í hlut landsliðsþjálfara og eða aðalfundar að velja á milli frambjóðenda.

 Það getur enginn "gerst" forseti. Er það svo ekki hlutverk forseta að stjórna fremur en að gefa kost á sér í verkefni? Þetta muppet í fyrsta skeytinu virðist ekki beint skarpasti hnífurinn í skúffunni.

"Það eru of mikið að Gunnar Björnssonum í íslensku skáklífi" (Jóhann Hjartarson)

[Snorri Bergz, 27.5.2009 kl. 20:53]

Jæja, get ekki sent inn undir muppet... en ég er ekki sammála Salsa

 Menn gefa ekki kost á sér "sem forseti", nema menn séu orðnir forsetar fyrir og gefa kost á sér í eitthvað "sem forseti". En Gunzó gefur kost á sér til að hljóta ákveðið embætti. Það er stór munur

En jú, Gunzó gerist forseti ef honum sýnist. Það er kosturinn við að vera yfir mafíunni.

Hitt er svo annað mál, að ég tel að Gunzó sé besti kosturinn í þetta embætti og að Jói Hja hafi ekki hitt naglann á höfuðið. Það mætti alveg hafa nokkra fleiri jafn duglega í skákinni.

[Skák.is, 27.5.2009 kl. 21:45]

Jæja ég er kominn með nýtt efni í næsta áramótapistil.  "Stóra "SEM"-málið!"