30 manns á vel heppnuðu ChessBase kvöldi

Um það bil 30 manns létu sjá sig í Skákhöllinni í Faxafeni á Chessbase kvöldi TR, Hellis og TB síðastliðið föstudagskvöld. 

Björn Þorfinnsson, Sigurbjörn Björnsson og Davíð Ólafsson fluttu fyrirlestra um almenna notkun á Chessbase forritinu og var stutt hlé á milli fyrirlestra sem menn nýttu til að spjalla saman og borða pizzur. Þegar fyrirlestrarnir voru búnir og öllum spurningum hafði verið svarað hófst létt hraðskákmót þar sem tefldar voru þriggja mínútna skákir, 13 umferðir allir við alla.  Eftir harða baráttu stóð Tómas Björnsson uppi sem sigurvegari með 11 vinninga í 13 skákum.  Skákstjóri og skipuleggjandi kvöldsins var Kristján Örn Elíasson.

Lokastaðan:

 

 

Nr.	Nafn	Vinn.
1	Tómas Björnsson	11
2	Sigurður Páll Steindórsson	10
3	Halldór Grétar Einarsson	9,5
4-5	Sævar Bjarnason	9
	Stefán Bergsson	9
6	Rúnar Berg	8,5
7	Eiríkur Björnsson	7,5
8-9	Birgir Rafn Þráinsson	7
	Siguringi Sigurjónsson	7
10	Kristján Örn Elíasson	5
11	Ólafur G Jónsson	3,5
12-13	Magnús Matthíasson	2
	Magnús Kristinsson	2

 

Myndaalbúm

Skrár tengdar þessari bloggfærslu:

• ChessBase-umræður

Róbert og Snorri unnu í áttundu umferð

Róbert Lagerman (2358) og Snorri G. Bergsson (2348) sigruðu í sínum skákum í áttundu og næstsíðustu umferð Belgrade Trophy sem fram fór í dag.  Jón Viktor Gunnarsson (2454) gerði jafntefli en aðrar skákir töpuðust.  Jón Viktor er efstur íslensku skákmannanna með 5½ vinning.

Dagur Arngrímsson (2375), sem loks tapaði fyrir stórmeistara, og Róbert hafa 5 vinninga, Jón Árni Halldórsson (2171) og Snorri hafa 4½ vinning og Sigurður Ingason (1923) hefur 2½ vinning.

Níunda og síðasta umferð fer fram á morgun. 

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Tímaritið Skák komið út!

Nýtt Tímaritið Skák er komið út. Útgefandi tímaritsins er Taflfélag Bolungarvíkur og ritstjóri er Halldór Grétar Einarsson.

Meðal efnis er:

• Skákþing Íslands 2009 - Landsliðsflokkur
• Haustmót TR 2009
• Alþjóðamót TB 2009
• Minningarmót um Freystein Þorbergsson 1998

Heimasíða Tímaritsins Skákar

Íslandsmótið í atskák

Íslandsmót í atskák 2009 fer fram dagana 5.-6. des nk. í húsnæði Taflfélags Reykjavíkur að Faxafeni 12. 

Mótið fer fram skv. 11. grein Skáklaga Skáksambands Íslands og skv. reglugerðar SÍ um Íslandsmótið í atskák.

Tefldar verða tvær 25 mínútna skákir og verði jafnt skal tefla 7 mínútna bráðabana þar til hreins úrslit fást.  

Atskákmót Íslands

skal haldið í einu þrepi.  Öllum er heimil þátttaka og skal teflt með útsláttarfyrirkomulagi.  Raðað verður í mótið skv. atskákstigum og ákvæðum reglugerðar stjórnar S.Í. um mótið.

Dagskrá mótsins:

• Laugardagur 5. desember            kl. 13:00          1. umferð (tvöföld)
• Laugardagur 5. desember                    kl. 15:00          2. umferð       "
• Laugardagur 5. desember                  kl. 17.00          3. umferð        "
• Sunnudagur 6. desember                     kl. 13:00          4. umferð        "
• Sunnudagur 6.desember                    kl. 15.00          5. umferð        "

Dagskráin gæti hnikast til dragist einstök einvígi á langinn.  Úrslitaeinvígið verður teflt í desember eða janúar.

Verðlaun:       

• 1. verðlaun      kr. 100.000.-
• 2. verðlaun      kr.   50.000.-
• 3.-4. verðlaun  kr.   25.000.-
• 5.-8. verðlaun  kr.     5.000.-

Þátttökugjöld:           

• kr. 1.000.- fyrir fullorðna
• kr.    500.- fyrir 15 ára og yngri.

 

Skráningu fer fram á Skák.is.   Hægt er einnig að skrá sig í tölvupósti á [e-mail] eða tilkynna í síma 694 9140 virka daga kl. 10-13.  Skráningu verður lokað á hádegi föstudaginn 4. desember. 

Skráðir keppendur.

Ingi Tandri skákmeistari Hafnarfjarðar

Ingi Tandri Traustason er skákmeistari Hafnarfjarðar.  Ingi Tandri sigraði Pál Sigurðsson í úrslitaeinvígi þeirra á millum 1½-½.

Páll og Ingi urðu efstir Hafnfirðinga á Skákþingi Garðabæjar og Hafnarfjarðar sem fram fór í desember.

• Heimasíða TG
• Heimasíða Hauka
• Chess-Results

 

Dagur enn með jafntefli við stórmeistara

Dagur Arngrímsson (2375) gerði í dag jafntefli við úkraínska stórmeistarann Vadim Shishkin (2507) og hefur nú tekið 2½ vinning í 4 skákum gegn stórmeisturum.   Jón Árni Halldórsson (2171) og Sigurður Ingason (1923) unnu í dag, Jón Viktor Gunnarsson (2454), Róbert Lagerman (2358) gerðu jafntefli en Snorri G. Bergsson (2348) tapaði.

Dagur og Jón Viktor hafa 5 vinninga og eru í  15.-34. sæti, Jón Árni hefur 4½ vinning, Róbert hefur 4 vinninga, Snorri hefur 3½ vinning og Sigurður 2½ vinning.

Efstir með 6 vinninga eru rúmenski alþjóðlegi meistarinn Gergely-Andras-Gyula Szabo (2535) og pólski stórmeistarinn Marcin Dziuba (2573).

Í áttundu og næstsíðustu umferð, sem fram fer á morgun, teflir Dagur við makedónska stórmeistarann Milan Drasko (2527) og Jón Viktor við serbneska alþjóðlega meistarann Milos T Popovic (2402).

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Pálmi hraðskákmeistari Garðabæjar

Pálmi Ragnar Pétursson vann hraðskákmót Garðabæjar með hálfum vinning eftir harða keppni við Fide meistarann Tómas Björnsson.   Siguringi Sigurjónsson endaði svo í 3 sæti.

Alls tóku 17 keppendur þátt sem er ágætt og voru tefldar 9. umferðir.

Þess má geta að Ingi Tandri Traustason vann fyrir einvígisskákina gegn Páli Sigurðssyni um skákmeistaratitiil Hafnarfjarðar, síðari skákin fer fram í kvöld.

 

Lokastaðan: 

 

 

Rank		Name	Rtg	Club	Pts
1		Palmi Ragnar Petursson	2105	Mátar	8
2	FM	Tomas Bjornsson	2160	Víkingaklúbburinn	7½
3		Siguringi Sigurjonsson	1855	KR	6½
4		Bjorn Jonsson	2015	TG	6
5		Pall Sigurdsson	1885	TG	5
6		Orn Leo Johannsson	1570	TR	5
7		Pall Andrason	1590	TR	5
8		Gudmundur Kristinn Lee	1465	Hellir	5
9		Stefan Bergsson	2045	SA	5
10		Jon Ulfljotsson	1695	Víkingaklúbburinn	5
11		Birkir Karl Sigurdsson	1365	TR	4½
12		Hlynur Gestsson	0		4½
13		Jon Birgir Einarsson	1775	Vinjar	4
14		Robert Leo Jonsson	0	Hellir	3
15		Magnus Aronsson	0		3
16		Kristjana Osk Kristinsdottir	0	TG	2
17		Soley Lind Palsdottir	0	TG	2

Atskákmót Reykjavíkur og Hellis fer fram í kvöld

Atskákmót Reykjavíkur sem jafnframt er atskákmót Hellis fer fram mánudaginn 30. nóvember.  Mótið fer fram í félagsheimili Hellis, Álfabakka 14a í Mjódd. Tefldar verða 6 umferðir með Monrad-kerfi og hefur hvor keppandi 15 mínútur á skák. Mótið hefst kl. 19:30.

Verði tveir jafnir í baráttunni um annanhvorn titilinn verður teflt tveggja skáka hraðskákeinvígi. Verði jafnt að því loknu verður tefldur hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani.  

Núverandi atskákmeistari Reykjavíkur og atskákmeistari Hellis er Davíð Ólafsson.

Verðlaun:

• 1. 10.000
• 2. 5.000 
• 3. 3.000

 Þátttökugjöld:

• 16 ára og eldri: 800 kr
• 15 ára og yngri: 400 kr.

Skákþáttur Morgunblaðsins: Carlsen heimsmeistari í hraðskák og stigahæstur

NORSKA undrið Magnús Carlsson sem verður 19 ára gamall á mánudaginn sló tvær flugur í einu höggi á minningarmótinu um Mikhael Tal sem lauk í Moskvu í síðustu viku.

NORSKA undrið Magnús Carlsson sem verður 19 ára gamall á mánudaginn sló tvær flugur í einu höggi á minningarmótinu um Mikhael Tal sem lauk í Moskvu í síðustu viku. Í fyrsta lagi komst hann upp fyrir Búlgarann Topalov í efsta sætið á stigalista FIDE og í öðru lagi sigraði hann með glæsibrag á heimsmeistaramótinu í hraðskák sem á eftir fylgdi.

Þegar aðeins tvær umferðir af aðalmótinu voru eftir hafði Magnús gert jafntefli í öllum skákum sínum en á lokasprettinum reif hann sig upp og lagði Ponomariov og síðan Peter Leko. Samkvæmt óbirtum stigalista FIDE munar þó ekki miklu á efstu mönnum: 1. Magnús Carlsen 2.805,7 2. Venselin Topalov 2.805,1

Hvað varðar efsta sætið á minningarmótinu kom endasprettur Magnúsar of seint; Vladimir Kramnik, sem eins og Magnús átti við veikindi að stríða á meðan á mótinu stóð, hafði þá unnið þrjár skákir og stóð að lokum einn uppi sem sigurvegari. Í mótslok lét hann þess getið að hann væri staðráðinn í að endurheimta heimsmeistaratitilinn.

Lokaniðurstaðan varð þessi:

1. Vladimir Kramnik 6 v. 2.-3. Magnús Carlsen og Vasilí Ivantstjúk 5½ v. 4.-5. Levon Aronjan og Wisvanthan Anand 5 v. 6. Boris Gelfand 4½ v. 7. Ruslan Ponomariov 4 v. 8. Peter Svidler 3½ v. 9.-10. Peter Leko og Alexander Morozevich 3 v.

Sigurskák Magnúsar við Ponomariov fylgir hér á eftir. Í ensku árásinni kemur nýr „snúningur" í 11. leik, De1 og eins og svo oft áður snýst taflið um það hvort svartur nái að koma skipulagi á liðsafla sinn. Oft þarf ekki nema einn ónákvæman leik og 16. ...Dc5 virðist ekki svara kröfum stöðunnar. Magnús gerir sig reiðubúinn til að fórna á e6 með 17. Db3! og fyrsta sprengjan fellur í 19. leik. Það er svo 29. leikur hvíts sem endanlega gerir út um taflið. Gott dæmi um alhliða stíl Norðmannsins sem nýtur sín ekki síður í rólegri stöðubaráttu:

Magnús Carlsen - Ruslan Ponomariov

Sikileyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Be3 e6 7. f3 b5 8. Dd2 Rbd7 9. g4 h6 10. 0-0-0 Re5 11. De1 Dc7 12. h4 b4 13. Rce2 Rc4 14. Rf4 Rxe3 15. Dxe3 Db6 16. Bc4 Dc5 17. Db3 d5 18. exd5 Bd6 19. Rfxe6 fxe6 20. dxe6 Be7 21. Dd3 0-0 22. Bb3 Hd8 23. g5 Rh7 24. gxh6 Dh5 25. De4 Dxh6+ 26. Kb1 Ha7 27. Rf5 Hxd1+ 28. Hxd1 Df6

29. Hd7 Bxd7 30. exd7+ Kf8 31. Dd5

- og svartur gafst upp.

Heimsmeistaramótið í hraðskák sem fram fór strax á eftir dró til sín 22 skákmenn sem tefldu tvöfalda umferð. Mótið stóð í tvo daga. Framan af var Anand í fararbroddi en Magnús seig fram úr á lokasprettinum og vann glæsilegan sigur hlaut 31 vinning af 42 mögulegum sem er nálega 75% vinningshlutfall. Hann var með 10 vinninga af 10 mögulegum á þá fimm skákmenn sem komu næstir á töflunni:

1. Magnús Carlsen 31 v. (af 42) 2. Anand 28 v. 3. Karjakin 25 v. 4. Kramnik 24½ v. 5. Grichukm 24 v. 6.-7. Svidler og Ponomariov 23½ v.

Tímafyrirkomulagið var 3 2 eða þrjár mínútur á alla skákina og síðan tvær sekúndur til viðbótar á hvern leik. Þetta er sennilega of stíft því alltof mörgum skákum lauk með því að annar féll allt í einu á tíma í óljósri stöðu. Greinarhöfundur renndi yfir flestar skákir sigurvegarans en hægt var að fylgjast með mótinu í beinni útsendingu á ýmsum vefsíðum. Óhætt er að fullyrða að handbragðið hafi verið gott. En hjá honum og öðrum sem þátt tóku vantar dálítið upp á þá töfra sem einkenndu Tal. Að lokum:

Í síðasta pistli var sú ágæta kona Guðrún sögð Jónsdóttir en er Sigurjónsdóttir og er beðist velvirðingar á því.

Helgi Ólafsson [e-mail]

Jón Viktor og Dagur með jafntefli við stigaháa stórmeistara

Jón Viktor Gunnarsson (2454) og Dagur Arngrímsson (2375) gerðu jafntefli við stigahæstu keppendur Belgrade Tropy sem fram fór í dag.  Jón við  Mihajlo Stojanovic (2585) og Dagur við Vladimir Malanuik (2575).   Þeir hafa 4,5 vinning, eru í 11.-28. sæti, hálfum vinningi á eftir efstu mönnum.  Snorri G. Bergsson (2348) og Jón Árni Halldórsson (2171) unnu, Sigurður Ingason (1923) gerði jafntefli en Róbert Lagerman (2358) tapaði fyrir spænskum stórmeistara.

Dagur og Jón Viktor hafa 4,5 vinning, Róbert, Jón Árni og Snorri hafa 3,5 vinning og Sigurður hefur 1,5 vinning.

Í sjöundu umferð, sem fram fer á morgun, teflir Dagur við fjórða stórmeistarann í jafn mörgum umferðum, að þessu sinni úkraínska stórmeistarann Vadim Shiskin (2507). Jón Viktor teflir við Serbann Lazar Nestorovic (2295).

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results