Henrik vann í næstsíðustu umferð

Henrik Danielsen (2519) vann alþjóðlega meistarann Das Debashis (2406) í 10. og næstsíðustu umferðar alþjóðlega mótsins í Chennai í Indlandi sem fram fór síðustu nótt.   Guðmundur Kjartansson gerði jafntefli við Indverjann A K Jagadeesh (2093) en Hannes Hlífar Stefánsson (2580) tapaði fyrir indverska alþjóðlega meistarann Sundar Shyam (2443).    Henrik er í 9.-17. sæti með 7½ vinning, Hannes er í 33.-63. sæti með 6½ vinning og Guðmundur er í 104.-134. sæti með 5½ vinning.

Efstir með 8½ vinning eru Ísraelsmennirnir Tamir Nabaty (2565) og Alon Greenfeld (2557) og Úkraínumennirnir Alexander Areschchenko (2671) og Martyn Kravtsiv (2566).

Í 11. og síðustu umferð, sem fram fer næstu nótt og hefst kl. 4:30, teflir Henrik við áðurnefndan Shyam, Hannes teflir við indverska alþjóðlega meistarann Khosla Shiven (2358) og Guðmundur við C R G Krishna (2296).  Skák Henriks verður sýnd beint.   

Á mótinu taka 329 skákmenn þátt og þar af 23 stórmeistarar.   Hannes er nr. 7 í stigaröð keppenda, Henrik nr. 16 og Guðmundur nr. 49.  

• Heimasíða mótsins (beinar útsendingar)
  
• Chess-Results
• Myndaalbúm mótsins

Sæbjörn og Jón efstir á hraðkvöldi

Sæbjörn Guðfinnsson og Jón Þorvaldsson urðu efstir og jafnir með 5,5v á hraðkvöldi Hellis sem fram fór 24. janúar sl. Eftir stigaútreikning var Sæbjörn úrskurðaður sigurvegari á sigum en Jón hlaut annað sætið. Þar kom Jóni í koll að mæta ekki fyrr en við upphaf annarrar umferðar því hann tapaði ekki skák í mótinu sjálfu. Sæbjörn bætti honum það upp í lokin með því að draga út auka verðlaunin honum til handa. Þriðji varð svo Jón  Úlfljótsson með 5 og var þeim nöfnum ásamt Jóni Pétri oft ruglað saman á skákkvöldinu.

Lokastaðan á hraðkvöldinu. 

Röð	Nafn	V.	Stig
1	Sæbjörn Guðfinnsson	5½	30
2	Jón Þorvaldsson	5½	28
3	Jón Úlfljótsson	5	30
4	Vigfús Vigfússon	4	29
5	Birkir Karl Sigurðsson	4	27
6	Elsa María Kristínardóttir	4	23½
7	Dawid Kolka	4	20
8	Jón Pétur Kristjánsson	4	19½
9	Egill Steinar Ágústsson	3	23½
10	Eyþór Trausti Jóhannsson	1½	20
11	Baldur Hannesson	1	20½
12	Björgvin Kristbergsson	½	23

Feller neitar ásökunum um svindl

Franski stórmeistarinn Sebastien Feller hefur gefið út yfirlýsingu þar sem hann mótmælir ásökun Skáksambands Frakklands að hafa beitt svindli á Ólympíuskákmótinu en frá henni var sagt í frétt á Skák.is í gær.    

Feller segir hin raunverulega ástæðu fyrir ásökunum Frakkana að hann hafi stutt Krisan Ilyumzhinov í forsetakosningum FIDE. 

Yfirlýsing Fellers í heild sinni:

I completely deny the cheating accusation from the French Chess Federation. This disciplinary procedure is in fact related to the fact that I supported the current FIDE President (Kirsan Ilyumzhinov) in opposition to the current direction of the French Chess Federation.

The FIDE President is defamed on the blog of Jean-Claude Moingt, which claims that he has received fictitious proxies.

In addition, I have mentioned in private conversations, which were repeated, irregular accounting of the French Chess Federation (details will be given later), which have angered the president.

I asked my lawyer, Mr. Charles Morel, to initiate legal action for damages against the French Chess Federation for having unjustifiably tarnished my name in a statement included on all French and foreign websites, as well as in the international press.

Sincerely,
Sébastien Feller
On January 24, 2011

 

Hannes með sigur í níundu umferð

Hannes Hlífar Stefánsson vann indverska alþjóðlega meistarann K Rathnakaran (2381) í 9. umferð alþjóðlega mótsins í Chennai sem fram fór í nótt.   Henrik Danielsen (2519) tapaði hins vegar fyrir úkraínska stórmeistarann Mikhailo Oleksienko (2552).   Guðmundur Kjartansson (2379) gerði jafntefli við Chithambaram Aravindh (2113) sem er aðeins 11 ára en sjöundi stigahæsti unglingur heimsins í þeim aldursflokki.    Henrik og Hannes eru 16.-31. sæti með 6½ vinning en Guðmundur er í 94.-144. sæti með 5 vinninga.

Efstir með átta vinninga eru ísraelsku skákmennirnir Tamir Nabaty (2565) og Alon Greenfeld (2557).

Í tíundu og næstsíðustu umferð, sem fram fer næstu nótt og hefst kl. 4:30, teflir Henrik við alþjóðlega meistarann Das Debashis (2406), Hannes við indverska alþjóðlega meistarann Sundar Shyam (2443) og Guðmundur við Indverjann A K Jagadeesh (2093).

Á mótinu taka 329 skákmenn þátt og þar af 23 stórmeistarar.   Hannes er nr. 7 í stigaröð keppenda, Henrik nr. 16 og Guðmundur nr. 49.  

• Heimasíða mótsins (beinar útsendingar)
  
• Chess-Results
• Myndaalbúm mótsins

Skákþáttur Morgunblaðsins: Páll Andrason lagði meistarann í 15 leikjum

Skákþing Reykjavíkur 2001, níu umferða opið mót sem dregur nafn sitt af aðalstyrktaraðilanum og heitir því Kornax-mótið, skartar ýmsum af fremstu virku skákmönnum þjóðarinnar þó að ýmsir sterkir meistarar úr þeim hópi sitji heima.

Framundan er hið árlega Reykjavíkurskákmót og Skákþing Íslands sem fram fer á Egilsstöðum. Hjörvar Steinn Grétarsson er núverandi skákmeistari Reykjavíkur og reynir að verja titil sinn en hann mun eiga í harðri keppni við þá Björn Þorfinnsson, Guðmund Gíslason, Lenku Ptacnikovu, Sigurbjörn Björnsson, Ingvar Þ. Jóhannesson, Sverri Þorgeirsson, Snorra Bergsson, Sævar Bjarnason, Halldór Halldórsson, Þorvarð Ólafsson, Gylfa Þórhallsson og ýmsa fleiri.

Þótt flest úrslit hafi verið eftir bókinni og flestir þeir sem taldir voru upp hafi unnið tvær fyrstu skákir sínar hafa nokkur óvænt úrslit séð dagsins ljós. Þannig vann Grímur Björn Kristinsson óvæntan sigur á Lenku Ptacnikova í 2. umferð. Óvæntustu úrslitin komu þó í 1. umferð þegar Páll Andrason lagði Guðmund Gíslason að velli í aðeins 15 leikjum! Guðmundur Gíslason er tvímælalaust einn af sigurstranglegustu keppendunum og margir minnast þess þegar hann vann Skákþing Reykjavíkur á tíunda áratug síðustu aldar með fullu húsi. En aðstæður hans eru dálítið aðrar en annarra keppenda; hann er búsettur vestur á fjörðum en lætur sig ekki muna um að koma akandi eða fljúgandi frá Ísafirði til að geta teflt skákir sínar. En þessa skák í 1. umferð teflir hann satt að segja eins og maður sem er að reyna að ná kvöldvélinni vestur. Kannski tókst það - en ekki með þeim árangri sem að var stefnt. Páll Andrason er mikill keppnismaður og verður gaman að fylgjast með honum á þessu móti:

Skákþing Reykjavíkur 2011 - Kornax-mótið:

Páll Andrason - Guðmundur Gíslason

Sikileyjarvörn

1. e4 c5 2. Rf3 e6 3. d4 cxd4 4. Rxd4 a6 5. Rc3 Dc7 6. a3 b5 7. Bd2 Bb7 8. g3

Þrír varfærnislegir leikir ná að kalla fram sterk viðbrögð hjá Guðmundi.

8. ... f5?!

Hæpið. Svartur getur fengið góða stöðu með eðlilegri liðsskipan, 8. ... Rf6, d6, Be7, Rbd7 o.s.frv.

9. Bg2 fxe4 10. Rxe4 Bxe4??

Glapræði. Hann má alls ekki missa þennan biskup.

11. Bxe4 De5

12. De2! Dxd4

Sennilega hugðist Guðmundur leika 12. ... d5 en sést yfir að hvítur á hinn öfluga leik 13. Bg6+! og drottningin á e5 fellur.

13. Bxa8 Dxb2 14. O-O Rf6 15. Bf4

- og svartur gafst upp. Framhaldið gæti orðið 15. ... Be7 16. Bxb8 ( eða 16. Be5 strax ) O-O 17. Be5 og drottning fellur.

Stórmótið í Wijk aan Zee að hefjast

Um helgina hefst í smábænum Wijk aan Zee eitt sterkasta skákmót ársins en það er hluti skákhátíðar sem haldin hefur verið reglulega þar og í Bewerwijk síðan 1938. Í efsta flokki tefla 14 stórmeistarar en þeir eru samkvæmt stöðu á heimslistanum þessir: Magnús Carlsen, Wiswanthan Anand, Levon Aronjan, Vladimir Kramnik, Alexander Gritsjúk, Hikaru Nakamura, Ruslan Ponomariov, Ian Nepomniachtchi, Wang Hao, Alexei Shirov, Maxime Vachier - Lagrave, Anish Giri, Jan Smeets, Erwin I 'Ami.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 16. janúar 2011.

Skákþættir Morgunblaðsins

Skákþing Akureyrar hófst í dag

Skákþing Akureyrar hófst í dag.   14 skákmenn taka þátt og verður teflt á sunnu- og miðvikudögum, alls 7 umferðir.  

Úrslit 1. umferðar:

 

Bo.	Name	Pts.	Result	Pts.	Name
1	Arnarson Sigurdur	0	1 - 0	0	Bjorgvinsson Andri Freyr
2	Olafsson Smari	0	1 - 0	0	Adalsteinsson Hermann
3	Karlsson Mikael Johann	0	½ - ½	0	Halldorsson Hjorleifur
4	Sigurdarson Tomas Veigar	0	1 - 0	0	Stefansson Asmundur
5	Eiriksson Sigurdur	0	1 - 0	0	Sigurdsson Jakob Saevar
6	Thorgeirsson Jon Kristinn	0	½ - ½	0	Isleifsson Runar
7	Heidarsson Hersteinn	0	0 - 1	0	Steingrimsson Karl Egill

Röðun 2. umferðar (miðvikudagur kl. 19:30):

 

 

Bo.	Name	Pts.	Result	Pts.	Name
1	Olafsson Smari	1		1	Eiriksson Sigurdur
2	Steingrimsson Karl Egill	1		1	Sigurdarson Tomas Veigar
3	Isleifsson Runar	½		1	Arnarson Sigurdur
4	Halldorsson Hjorleifur	½		½	Thorgeirsson Jon Kristinn
5	Sigurdsson Jakob Saevar	0		½	Karlsson Mikael Johann
6	Bjorgvinsson Andri Freyr	0		0	Heidarsson Hersteinn
7	Stefansson Asmundur	0		0	Adalsteinsson Hermann

 

• Heimasíða SA
• Chess-Results

Franska skáksambandið sakar eigin liðsmenn um svindl

Fram kemur í yfirlýsingu á heimasíðu franska skáksambandsins að sambandið sakar 3 af eigin liðsmönnum um svindl á ólympíuskákmótinu í Khanty Mansiysk.  Um er að ræða stórmeistarana Sébastien Feller, sem var varamaður í franska liðinu og Arnaud Hauchard, sem var liðsstjóri frönsku sveitarinnar, og alþjóðlega meistarann Cyril Marzolo. Feller fékk borðaverðlaun fyrir frammistöðu sína sem varamaður. 

Ekki er nánar skilgreint hvernig þetta svindl hefur átt sér stað en fram kemur að málið hafi verið sent til FIDE og til franska íþróttamálaráðuneytisins.

• Franska skáksambandið
• Umfjöllun á Gambit
• Umfjöllun á ChessBase

Henrik vann á afmælisdaginn í Chennai

Stórmeistarinn Henrik Danielsen (2519) sigraði indverska alþjóðlega meistarann P D S Girninath (2362) á afmælisdaginn sinn í 9. umferð alþjóðlega mótsins í Chennai í Indlandi.  Móthaldararnir kölluðu saman afmælisbörnin í upphafi umferðar og buðu upp á köku!  Henrik er í 5.-9. sæti með 6,5 vinning, hálfum vinningi á eftir efstu mönnum.  

Hannes Hlífar Stefánsson (2580) tapaði fyrir stórmeistaranum Niaz Murshed (2436) frá Bangladess og er í 29.-53. sæti með 5½ vinning.   Guðmundur Kjartansson (2379) er í 99.-143. sæti með 4½ vinning.

Ísraelsmönnum gengur vel á mótinu 3 af 4 efstu mönnum mótsins er efstir með 7 vinninga.  Það Evgeny Postny (2595), Tabir Nabaty (2565) og Alon greenfedl (2557).   Auk þeirra hefur Kínverjinn Hua Ni (2645) 7 vinninga.  

Í níundu umferð, sem fram fer næstu nótt og hefst kl. 4:30, teflir Henrik við úkraínska stórmeistarann Mikhailo Oleksienko (2552), Hannes indverska alþjóðlega meistarann K Rathnakaran (2381) og  Guðmundur við Indverjann Chithambaram Aravindh (2113).

Í mótinu taka 329 skákmenn þátt og þar af 23 stórmeistarar.   Hannes er nr. 7 í stigaröð keppenda, Henrik nr. 16 og Guðmundur nr. 49.  

• Heimasíða mótsins (beinar útsendingar)
  
• Chess-Results
• Myndaalbúm mótsins

Ingimar Halldórsson Riddari ársins 2010

Mikil gróska var í starfsemi  RIDDARANS, skákklúbbi eldri borgara á höfuðborgarsvæðinu í  fyrra, alls 51 vikuleg mót haldin auk árlegs keppteflis við ÆSI, sem vannst  108 -92, en keppt var á 20 borðum í tveimur 10 manna riðlum eftir styrkleika.   Alls mættu 60 öldungar  til tafls á árinu, mest 35 í einu móti, en oftast yfir 20 hverju sinni.

Úrslit allra móta voru slegin inn á „Excel" af Sigurberg H. Elentínussyni,  verkfræðingi  og talnameistara klúbbsins.   BESTUR eða  „einna snjallastur að jafnaði", miðað við þátttöku í amk. helmingi móta á árinu var Ingimar Halldórsson með 8.39 vinninga af 11 eða 76.3% vinningshlutfall , með 235 v. af 308 mögulegum í 28 mótum.  BETRI eða í 2. sæti var Sigurður A. Herlufsen,  sigurvegari 2009, með 8.09 v. að meðaltali, 397 v. af 539 ml. í 49 mótum, og GÓÐUR  í 3ja sæti Guðfinnur R. Kjartansson með  7.44 vinninga að meðaltali í 47 mótum.  Á eftir fylgdu þeir:  Stefán Þormar Guðmundsson 6.95/43; Friðgeir K. Hólm 6.83/27; Össur Kristinsson 6.73/46; Sigurður E. Kristjánsson 6.45/42; Páll G. Jónsson 6.35/44; Björn Víkingur Þórðarson 5.97/39 og í 10. sæti Haukur Sveinsson 87 ára með 5.65 v. að jafnaði í 36 mótum.  

 Ef litið er til þess hver vann flest mót á árinu 2010 ber nafn Sigurðar A. Herlufsen hæst en tefldi í 49 mótum,  vann 14, varð 11 sinnum í 2. sæti og 9 sinnum þriðji og komst því 34 sinnum á pall.  Ingimar Halldórsson vann 11 mót, varð 4 sinnum annar og 4 sinnum þriðji í 28 mótum.  Guðfinnur R. Kjartansson  varð efstur 8 sinnum,  9 sinnum annar og 4 sinnum þriðji  í 47 mótum.  Jóhann Örn Sigurjónsson tefldi í 10 mótum, vann 6 og varð 4 sinnum í 2 sæti.  Gunnar Finnlaugsson tefldi í 2 mótum og vann þau bæði og Gunnar Kr. Gunnarsson í einu og fór með sigur af hólmi, alls komst 21 keppandi á pall á árinu.

Einar S. Einarsson, formaður, afhenti sigurvegurum ársins verðlaunagripi og Ingimar fær nafn sitt að auki skráð gullnu letri á styttuna Bjarna Riddara, meistaragrip klúbbsins.  Auk þess  fengu helstu burðarásar klúbbsins afhent þakkarverðlaun fyrir  velunnin fórnfús störf um árabil, sjá myndir.

Á síðast Miðvikudagsmóti varð Egill Þórðarson hlutskarpastur af 22 teflendum með 8.5 v. af 11 ásamt Dr. Ingimar Jónssyni.   3. Sigurður A. Herlufsen 8,  4-5. Ingimar Halldórsson og Matthías Z. Kristinsson 7.5;  6-7. Guðfinnur R. Kjartansson og Stefán Þ. Guðmundsson 7; 8; Gísli Gunnlaugsson 6.5;  9. Páll G. Jónsson 6; 10-11. Össur Kristinsson og Jón Steinn Elíasson með 5.5 vinninga, aðrir ívið minna.  Keppnin býsna jöfn.

Taflfundir Riddararans eru haldnir á miðvikudögum  kl. 13-17, allan ársins hring í Vonarhöfn - Strandbergi, Safnaðarheimili Hafnarfjarðarkirkju.

Meira á:  www.riddarinn.net

Myndaalbúm (ESE)

Hannes vann í sjöundu umferð í Chennai

Stórmeistarinn Hannes Hlífar Stefánsson (2579) vann indverska alþjóðlega meistarann P Karthieyan (2380) í sjöundu umferð alþjóðlega mótsins sem fram fór í Chennai í dag.   Henrik Danielsen (2519) og Guðmundur Kjartansson (2379) gerðu báðir jafntefli   Henrik við Indverjann Shaikh Mohammad Nubairshah (2113) og Guðmundur við Indverjann Pratik Patil (2111).  Henrik og Hannes eru í 9.-22. sæti með 5,5 vinning en Guðmundur er í 88.-142. sæti með 4 vinninga.

Ísraelski stórmeistarinn Evgeny Postny (2592) er efstur með 6,5 vinning.

Í áttundu umferð, sem fram fer næstu nótt og hefst kl. 4:30, teflir Hannes við stórmeistarann Niaz Murshed (2436), Henrik við indverska alþjóðlega meistarann P D S Girninath (2362) og Guðmundur við Indverjann Mureli Karthikeyan (2096). Skákir Henriks og Hannesar verða sýndar beint.

Í mótinu taka 329 skákmenn þátt og þar af 23 stórmeistarar.   Hannes er nr. 7 í stigaröð keppenda, Henrik nr. 16 og Guðmundur nr. 49.  

• Heimasíða mótsins (beinar útsendingar)
  
• Chess-Results
• Myndaalbúm mótsins