Skák.is

Færsluflokkur: Ól 2012

24.8.2012 | 22:08

Ólympíuliðin í landsliðsbúningi frá Jóa Útherja

Gunnar og Magnús V. Pétursson við afhendingu bolanna

Ólympíuliðin í skák verða í landsliðsbolum frá Jóa Útherja en Gunnar Björnsson, forseti Skáksambands Íslands, og Magnús V. Pétursson, aðaleigandi Jóa Útherja gengu frá samningum þess efnis í dag í verslun Jóa. Landsliðsbúningurinn er heiðblár í anda þjóðfánans.

Myndin er frá afhendinguna bolanna í dag. Á veggnum má sjá ljósmynd. Á þeirri mynd má þekkja tvo Ólympíufara. Glöggum lesendum er bent á nota athugasemdakerfið

Ól 2012 | Breytt s.d. kl. 22:09 | Slóð | Facebook | Athugasemdir (3)

24.8.2012 | 16:00

Ólympíufarinn: Jóhanna Björg Jóhannsdóttir

Áfram er haldið með kynningar á Ólympíuförunum. Nú er kynnt til sögunnar Jóhanna Björg Jóhannsdóttir í kvennaliðinu.

Áður var búið til kynna til sögunnar; Héðin Steingrímsson, Henrik Danielsen, Þröst Þórhallsson, Tinnu Kristínu Finnbogadóttur; Hallgerði Helgu Þorsteinsdóttur, Elsu Maríu Kristínardóttur, Davíð Ólafsson liðsstjóra kvennaliðsins og Gunnar Björnsson. Næstu daga verða tveir ólympíufarar kynntir á dag en kynningunni lýkur á sunnudag.

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Nafn:

Jóhanna Björg Jóhnnsdóttir

Staða í liðinu:

Þriðja borði í kvennaliðinu

Aldur:

19 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Ég tók þátt í mínu fyrsta ólympíumóti árið 2010 þegar það var haldið í Khanty í Síberíu en það er eina ólympíumótið sem ég hef tekið þátt í.

Besta skákin á ferlinum?

Skák sem ég tefldi á Liberec open sem er partur af Czech Tourmótaröðinni í Tékklandi í nóvember 2011 þar sem ég vann Zdenek Cakl (2078) með svörtu.

Minnisstæðasta atvik á Ól?

Það er erfitt að segja en það er líka erfitt að gleyma því þegar Gunnar forseti sló dverg utan undir (óvart) í lyftu.

Spá þín um lokasæti Íslands?

Ég spái báðum liðum 15 sætum fyrir ofan byrjunarsæti.

Spá um sigurvegara?

Ég hef nú ekki mikið skoðað önnur lið en eigum við ekki að spá Norðmönnum sigur.

Hver hefur verið undirbúningur þinn fyrir ÓL?

Ég hef reynt að tefla á öllum mótum sem ég hef komist á. Ég hef líka verið að skoða byrjanir og leysa þrautir.

Persónuleg markmið?

Ég vil helst fá yfir 50% vinningshlutfall en helsta markmiðið er að vera með hátt ratingperformance og að hækka ELO stigin mín.

Eitthvað að lokum?

Áfram Ísland!

Ól 2012 | Breytt s.d. kl. 21:52 | Slóð | Facebook | Athugasemdir (0)

24.8.2012 | 11:00

Ólympíufarinn: Gunnar Björnsson

Áfram er haldið með kynningar á Ólympíuförunum. Nú er kynntur til sögunnar Gunnar Björnsson, fararstjóri hópsins.

Áður var búið til kynna til sögunnar; Héðin Steingrímsson, Henrik Danielsen, Þröst Þórhallsson, Tinnu Kristínu Finnbogadóttur; Hallgerði Helgu Þorsteinsdóttur, Elsu Maríu Kristínardóttur og Davíð Ólafsson liðsstjóra kvennaliðsins. Næstu daga verða tveir ólympíufarar kynntir á dag en kynningunni lýkur á sunnudag.

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Nafn:

Gunnar Björnsson

Staða í liðinu:

Fararstjóri og FIDE-fulltrúi

Aldur:

44 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Þetta er mitt þriðja Ólympíuskákmót. Fór sem liðsstjóri á Ólympíuskákmótð í Calvia 2004 og var fararstjóri, FIDE-fulltrúi og liðsstjóri kvennaliðsins í Khanty Manskysk 2010.

Besta skákin á ferlinum?

Sigurskák gegn Jóni L. Árnasyni á Íslandsmóti skákfélaga, 5. október 2008. Kvöldið áður hafði ég verið í fimmtugsafmæli mágkonu minnar og mætti fremur illa sofinn til leiks. Sigurinn hafði þó sínar afleiðingar því degi síðar bað forsætisráðherra, guð að blessa Ísland.

Minnisstæðasta atvik á Ól?

Einhvern veginn er Ólympíuskákmótið 2010 mér mun minnisstæðara en mótið 2004. Þá var farið út í óvissuna eins og Halla bendir á í sinni kynningu en allt reyndist svo vera framar væntingum á mótsstað. Rússarnir voru einfaldlega með allt á hreinu. Davíð Ólafsson forfallaðist með eins dags fyrirvara og allt í einu var ég orðinn liðsstjóri kvennaliðsins. Þær stóðu sig vonum framar og sigurinn gegn Englendingum er mér einkar minnisstæður.

Mér er þó FIDE-fundurinn minnisstæðastur, sérstaklega þegar Larry Ebbin frá Bermúda hellir sér yfir Kasparov eins og sjá má í upphafi þessarar Youtube-klippu. Takið eftir því hversu álkulegur ég er í myndbandinu!

Spá þín um lokasæti Íslands?

Í opnum flokki er aðalatriðið er að halda Norðurlandameistaratitlinum frá Porto Carras í fyrra! Smile . Í kvennaflokki væri gott að vera fyrir ofan miðju.

Spá um sigurvegara?

Spái Kínverjum sigri í kvennaflokki og að Rússarnir vinni loks opna flokkinn. Hlýtur að koma að því.

Hver hefur verið undirbúningur þinn fyrir ÓL?

Minn undirbúningur felst í alls konar útréttingum. Fjáröflun, klæðnaði fyrir keppendur, undirbúa fréttaflutning o.þ.h. Meðal þess sem ég hef verið að vinna af síðustu daga ásamt Hrafni Jökulssyni og fleirum er að útbúa kynningu á Reykjavíkurskákmótinu 2013 og EM 2015 til að kynna niður frá.

Persónuleg markmið?

Standa mig vel sem fararstjóri og koma fréttum fljótt og vel til skila til íslenskra skákunnenda.

Eitthvað að lokum?

Treysti á góða strauma frá Íslandi og vonast til að sjá sem flesta í Kringlunni á morgun!

Ól 2012 | Breytt s.d. kl. 21:52 | Slóð | Facebook | Athugasemdir (0)

23.8.2012 | 08:34

Olympíufarinn: Elsa María Kristínardóttir

Íslandsmeistari kvenna - Elsa María lét sig ekki vanta

Áfram er haldið með kynningar á Ólympíuförunum. Nú er kynnt til sögunnar Elsa María Kristínardóttir, Íslandsmeistari kvenna.

Áður var búið til kynna til sögunnar; Héðin Steingrímsson, Henrik Danielsen, Þröst Þórhallsson, Tinnu Kristínu Finnbogadóttur; Hallgerði Helgu Þorsteinsdóttur og Davíð Ólafsson liðsstjóra kvennaliðsins. Kynningarnar halda áfram á morgun.

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Einnig er minnt á upphitunarmót fyrir Ólympíufaranna sem fram fer í Kringlu á laugardag. Enn er hægt fyrir skákáhugamenn að skrá til leiks en hver fer að vera síðastur þar sem þátttaka takmarkast við 50.

Nafn:

Elsa María Kristínadóttir

Staða í liðinu:

Varamaður í kvennaflokki

Aldur:

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Tefldi fyrst í Dresden 2008 og er að fara núna í annað sinn.

Besta skákin á ferlinum?

Úff þær eru nokkrar en síðasta sem ég man eftir var sigurskák á móti strák á Reykjavík Open 2012, sem var með rúm 2100. Mikið um fórnir og gengu þær allar upp.

Minnisstæðasta atvik á Ól?

Þegar mér tókst að falla á tíma, ótrúlega fyndið að sjá áhyggjusvipinn á liðsstjóranum á hliðarlínunni að fylgjast með sekúndunum þegar maður er í tímahraki. Liðsstjórinn var búin að brýna mikið fyrir mér að nýta tímann og setti niður ca fimm mínútur á leik og ég tók því aðeins of bókstaflega þar sem ég lenti svo í bullandi vandræðum þar sem ég "kunni" ekkert að lenda í tímahraki.

Spá þín um lokasæti Íslands?

Hef trú á að við verðum töluvert fyrir ofan það sæti sem við byrjum í, ef við ætlum okkur þá getum við það.

Spá um sigurvegara?

Hef slatta trú á Kínverjunum, uppáhalds skákkonan mín situr þar á fyrsta borði :)

Hver hefur verið undirbúningur þinn fyrir ÓL?

Davíð Ólafsson hefur séð um æfingar, einnig var sett upp smá æfingarmót og svo er maður búin að vera duglegur að tefla.

Persónuleg markmið?

Að standa mig vel, nýta tímann, ekki falla og ná að tefla upp fyrir mig semsagt eins og ég sé stigahærri.

Eitthvað að lokum?

Hlakka rosa mikið til þetta verður mjög skemmtilegt :) Go Ísland!

Ól 2012 | Slóð | Facebook | Athugasemdir (0)

22.8.2012 | 21:29

Upphitunarmót fyrir Ólympíufaranna í Kringlu á laugardag

Upphitunarmót Ólympíuliðanna verður á Blómatorginu í Kringlu á laugardag og hefst kl. 13. Það stefnir í eitt sterkasta hraðskákmót ársins enda taka meðlimir beggja Ólympíuliða þátt auk margra annarra sterka keppenda.

Nú eru þegar 36 keppendur skráðir til leiks og fer hver að verða síðastur að skrá sig til leiks en 50 fyrstu sem skrá sig til leiks fá keppnisrétt en skráning fer fram hér á Skák.is. Tefldar verður 9 umferðir með 3+2 (3 mínútur + 2 sekúndur á leik). Ekkert keppnisgjald. Fyrstu verðlaun verða 25.000 kr.

Skákáhugamenn, sem ekki taka þátt í mótinu, eru jafnframt hvattir til að láta sig í Kringlu og senda Ólympíuförunum góða strauma.

Keppendalistinn (22. ágúst, kl. 21:30):

asdfaf

SNo.		Name	NRtg	IRtg
1	GM	Héðinn Steingrímsson	2551	2560
2	GM	Helgi Ólafsson	2543	2547
3	GM	Hannes H Stefánsson	2581	2515
4	GM	Henrik Danielsen	2529	2511
5	IM	Hjörvar Steinn Grétarsson	2449	2506
6	IM	Arnar Gunnarsson	2403	2441
7	GM	Þröstur Þórhallsson	2432	2426
8	FM	Sigurbjörn Björnsson	2383	2391
9	FM	Sigurður Daði Sigfússon	2345	2341
10	FM	Davíð Kjartansson	2320	2334
11	FM	Davíð Rúrik Ólafsson	2313	2321
12	FM	Andri Áss, Grétarsson	2321	2319
13	FM	Róbert Lagerman	2305	2307
14		Einar Hjalti Jensson	2295	2305
15		Daði Ómarsson	2238	2206
16		Þorvarður F Ólafsson	2191	2202
17		Pálmi Ragnar Pétursson	2107	2186
18	FM	Brian Hulse	0	2112
19		Gunnar Björnsson	2075	2110
20		Erlingur Þorsteinsson	2065	2110
21		Arnaldur Loftsson	2097	0
22		Björn Jónsson	1960	2030
23		Jónas Jónasson	1845	1997
24		Arngrímur Þ Gunnhallsson	1993	0
25		Eiríkur Kolb Björnsson	1932	1970
26		Hallgerður H Þorsteinsdóttir	1912	1957
27		Birgir Berndsen	1887	0
28		Jóhanna Björg Jóhannsdóttir	1870	1886
29		Kjartan Másson	1725	1867
30		Tinna Kristín Finnbogadóttir	1858	1832
31		Elsa María Krístinardóttir	1754	1737
32		Sigurlaug R Friðþjófsdóttir	1701	1734
33		Áslaug Kristinsdóttir	1629	0
34		Óskar Long Einarsson	1414	1594
35		Björgvin Kristbergsson	1104	1229
36		Bjarki Arnaldarson	0	0

Ól 2012 | Breytt 24.8.2012 kl. 21:52 | Slóð | Facebook | Athugasemdir (0)

22.8.2012 | 07:38

Ólympíufarinn: Héðinn Steingrímsson

Áfram er haldið með kynningar á Ólympíuförunum. Nú er kynntur til sögunnar Héðinn Steingrímsson, sem teflir á fyrsta borði í opnum opnum flokki.

Áður var búið til kynna til sögunnar; Henrik Danielsen, Þröst Þórhallsson, Tinnu Kristínu Finnbogadóttur; Hallgerði Helgu Þorsteinsdóttur og Davíð Ólafsson liðsstjóra kvennaliðsins. Kynningarnar halda áfram á morgun

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Nafn:

Héðinn Steingrímsson.

Staða í liðinu:

Fyrsta borði í opnum flokki.

Aldur:

37 ára.

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Árið 1990 í Novi Sad, sem Íslandsmeistari. Ég hef síðan teflt frá árinu 2008, þ.e. það ár í Dresden, árið 2010 í Khanty Mansiysk og svo núna. Þetta er mitt fjórða mót.

Besta skákin á ferlinum?

Vil ekki gera upp á milli þeirra og á vonandi eftir að tefla hana.

Minnisstæðasta atvik á Ól?

Jóhann að herma eftir liðsfélaga sínum hjá Bayern München Robert Hübner. Hübner, sem var á þessum tíma yfirburðamaður í Þýskalandi, fannst ákaflega lítið til eigin taflmennsku koma.

Spá þín um lokasæti Íslands?

Erfitt að segja.

Spá um sigurvegara.

Rússarnir hafa alltaf verið sterkastir á pappírnum þar með talið undanfarin ár. Tölfræðin er áhugaverð: Sovétmenn unni í hvert sinn á árunum 1980-1990 og síðan tóku Rússar við af þeim og unnu 1990-2002 en síðan ekki söguna meir. Garry tefldi árið 2002, en ekki árin á eftir. Ætli Rússarnir þurfi að fá hann til að taka fram taflið sbr. comeback og næstum borðaverðlaun Grandmaster Olafssonar til að eiga séns?

Hver hefur verið undirbúningur þinn fyrir ÓL?

Skáklegur og líkamsrækt.

Persónuleg markmið?

Gera mitt besta.

Eitthvað að lokum?

Áfram Ísland!

Ól 2012 | Breytt s.d. kl. 14:46 | Slóð | Facebook | Athugasemdir (0)

21.8.2012 | 19:00

Ólympíufarinn: Hallgerður Helga Þorsteinsdóttir

Áfram er haldið með kynningar á Ólympúförunum. Nú er kynnt til sögunnar Hallgerður Helga Þorsteinsdóttir.

Áður var búið til kynna til sögunnar; Henrik Danielsen, Þröst Þórhallsson, Tinnu Kristínu Finnbogadóttur og Davíð Ólafsson liðsstjóra kvennaliðsins. Kynningarnar halda áfram á morgun.

Minnt er á sér færsluflokk þar sem öllum ólympíufréttum, og þar með talið kynningu á Ólympíuförunum verður safnað saman.

Nafn:

Hallgerður Helga Þorsteinsdóttir

Staða í liðinu:

Öðru borði í kvennaliðinu

Aldur:

19 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Ég tók fyrst þátt 2008 í Dresden, og þetta verður því þriðja ólympíumótið mitt

Besta skákin á ferlinum?

Þær eru margar góðar en ein sú skemmtilegasta er af síðasta ólympíumóti þegar ég tefldi við konu frá Albaníu, A. Shabanaj

Minnisstæðasta atvik á Ól?

Óvissan í kringum ferðina til Síberíu er mjög minnisstæð. Áður en við lögðum af stað út voru ýmsar efasemdir uppi varðandi aðbúnað á staðnum. Hvergi var hægt að finna á netinu hótelið sem við áttum að gista á og alls óvíst hvort búið væri að byggja það eða ekki. Einnig var ómögulegt að finna upplýsingar um flugvöllinn sem við áttum að lenda á og var hann ekki til í neinum skrám. Við héldum þó af stað og gekk allt að óskum fyrir utan að flugbrautin var ískyggilega stutt sem olli nokkrum taugatitringi hjá vissum Íslendingum um borð í vélinni og flugvöllurinn var augljóslega ekki gerður fyrir millilandaflug miðað við stærð flugstöðvarinnar. Rússarnir voru mjög skipulagðir og beið okkar rússnesk stúlka á flugvellinum sem átti að passa uppá okkur allan tímann (og ekki hleypa okkur úr augsýn...) meðan við vorum þarna. Við keyrðum svo í rútu sem flutti okkur í lögreglufylgd fram hjá fjöldanum öllum af vel vopnuðum hermönnum að glæsilegu hóteli sem var nýbúið að byggja eftir allt saman.

Spá þín um lokasæti Íslands?

Erfitt að segja, aðeins fyrir ofan miðju

Spá um sigurvegara.

Þær kínversku eru sigurstranglegar

Hver hefur verið undirbúningur þinn fyrir ÓL?

Hef aðallega lesið byrjanabækur og skoðað hróksendatöfl en einnig hvílt mig vel í sumar

Persónuleg markmið?

Gera mitt besta og aðeins meira :)

Eitthvað að lokum?

Áfram Ísland!

Ól 2012 | Breytt s.d. kl. 18:23 | Slóð | Facebook | Athugasemdir (0)

20.8.2012 | 22:32

Ólympíuskákmótið hefst eftir viku í Istanbul - upphitunarmót í Kringlu á laugardag

Skáksamband Íslands sendir tvö lið á Ólympíuskákmótið sem fram fer í Istanbul í Tyrklandi dagana 27. ágúst - 10. september. Bæði er um að ræða lið í opnum flokki og svo í kvennaflokki.

Fjórir stórmeistarar eru í sveit Íslands í opnum flokki. Héðinn Steingrímsson leiðir sveitina en auk hann skipa sveitina Hannes Hlífar Stefánsson, Henrik Danielsen, Hjörvar Steinn Grétarsson, sem er aðeins 19 ára, og Þröstur Þórhallsson, Íslandsmeistari í skák. Liðsstjóri liðsins er Helgi Ólafsson, stórmeistari og skólastjóri Skákskóla Íslands.

Kvennaliðið er einnig þrautreynt þrátt fyrir ungan aldur en fyrir því fer Lenka Ptácníková, stórmeistari kvenna en liðið skipa auk hennar; Hallgerður Helga Þorsteinsdóttir, Jóhanna Björg Jóhannsdóttir, Tinna Kristín Finnbogadóttir og Elsa María Kristínardóttir, Íslandsmeistari kvenna. Liðsstjóri kvennaliðsins er Davíð Ólafsson.

Fararstjóri hópsins er Gunnar Björnsson, forseti SÍ.

Ólympíuliðin ætla að hita upp í á Blómatorginu í Kringlu á laugardag á milli 13 og 15:30 þar sem skákáhugamönnum gefst tækifæri á að fylgjast með einu sterkasta hraðskákmóti ársins en meðal keppenda verða landsliðmenn og kvennalandsliðið og fjöldi sterkra skákmanna á öllum aldri. Skákáhugamenn eru hvattir til að fjölmenna á skemmtilegan viðburð og sýna Ólympíuförunum samstöðu.

Opnað verður fyrir skráningu í mótið síðar í kvöld eða í fyrramálið hér á Skák.is en er þátttaka takmörkuð við 50 manns. Mikilvægt er því fyrir áhugasama að skrá sig sem fyrst til leiks.

Ól 2012 | Breytt s.d. kl. 22:34 | Slóð | Facebook | Athugasemdir (0)

20.8.2012 | 19:41

Ólympíufarinn: Þröstur Þórhallsson

Þröstur Þórhallsson Íslandsmeistari í skák

Áfram er haldið með kynningar á Ólympúförunum. Nú er kynntur til sögunnar Íslandsmeistarinn í skák, Þröstur Þórhallsson en áður var búið að kynna til sögunnar Henrik Danielsen, Tinnu Kristínu Finnbogdóttur, sem er til viðbótar fékk góða kynningu í DV í dag og Davíð Ólafsson liðsstjóra kvennaliðsins. Kynningarnar halda áfram á morgun.

Minnt er á sér færsluflokk þar sem öllum ólymíufréttum, og þar með talið kynningu á Ólympíuförunum verður safnað saman.

Nafn:

Þröstur Þórhallsson

Staða í liðinu:

Varamaður í opnum flokki

Aldur:

43 ára

Mitt fyrsta Ólympiuskákmót var fyrir 24. árum síðan og var haldið í Saloniki í Grikklandi árið 1988.

Þetta er mitt tíunda ólympíuskákmót. 1988 Saloniki - 1992 Manila -1996 Yerevan - 1998 Khalmykia - 2000 Istanbul - 2002 Bled - 2004 Mallorca - 2006 Torino - 2008 Dresden

Besta skákin á ferlinum?

Erfitt að taka eina skák út úr en skákin á móti Ivan Sokolov frá Reykjavík Open 1996 er eftirminnileg.

Minnisstæðasta atvik á Ól?

Það eru mörg ógleymanleg atvik sem hægt er að rifja upp. Árið 2002 var mótið haldið í Bled í Slóveníu. Á frídeginum í miðju móti átti íslenska liðið með Guðfríði Lilju í broddi fylkingar þátt í að skipuleggja keppni milli Larry Christianssen og Ivan Sokolov. Keppnin fólst í kapphlaupi um hver væri fljótari að hlaupa í kringum Bled vatnið. Ivan var í feiknaformi en Larry ekki og þess vegna samþykkti Ivan að Larry fengi að leggja 10 mín. fyrr af stað. Það sem Ivan vissi ekki var að skipuleggjendur voru búnir að leigja hjól fyrir Larry og þar sem skógur umlykur vatnið þá voru skipuleggjendur og Larry vongóðir um að komast upp með ráðabruggið. Hugmyndin var sem sagt sú að Larry átti að hlaupa nokkur hundruð metra og finna hjólið sem var falið bak við rjóður og hjóla svo langleiðina í mark en fela hjólið þó áður en yfir marklínuna var komið.

Öllum á óvart vann Ivan kapphlaupið. Larry fann ekki hjólið fyrr en of seint !

Spá þín um lokasæti Íslands?

Á meðal 30 efstu.

Spá um sigurvegara.

Kína.

Hver hefur verið undirbúningur þinn fyrir ÓL?

Undirbúningur byrjaði í júní með stúderingum og svo var júlí að mestu frímánuður. Eftir Verslunarmannahelgi þá var aftur byrjað að stúdera af krafti. Liðið hittist alla virka daga frá 15 ágúst og fram að brottför 27. ágúst. 4-5 tímar á hverjum degi.

Persónuleg markmið?

Performance 2600 stig.

Eitthvað að lokum?

Áfram Ísland!

Ól 2012 | Breytt 21.8.2012 kl. 23:22 | Slóð | Facebook | Athugasemdir (0)

19.8.2012 | 18:50

Ólympíufarinn: Davíð Ólafsson

Í dag er haldið áfram með kynningar á Ólympíuförunum. Áður er búið að kynna Henrik Danielsen og Tinnu Kristínu Finnbogadóttur til sögunnar. Nú er hins vegar komið að einum "fylgifiskunum" því nú er kynntur til sögunnar, Davíð Ólafsson, liðsstjóri kvennaliðsins.

Minnt er á sér færsluflokk þar sem öllum ólymíufréttum, og þar með talið kynningu á Ólympíuförunum verður safnað saman.

Nafn:

Davíð Rúrik Ólafsson

Staða í liðinu:

Liðsstjóri kvennaliðsins

Aldur:

44 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Aldrei - forfallaðist á síðustu stundu fyrir síðasta Ólympíuskákmót.

Besta skákin á ferlinum?

Engin ein sem stendur sérstaklega upp úr. Minnisstæðustu skákirnar eru þó 2 skákir úr Reykjavíkurskákmótum. Sú fyrri á móti Walter Brown 1986 þar sem mér tókst að snúa verri stöðu hægt og rólega upp í vinning en það er ekki skákin sjálf sem stendur þar upp úr heldur það að í miklu tímahraki tók andstæðingur minn upp á því að borða rjómatertu með miklum látum við skákborðið væntanlega í von um að það truflaði mig eitthvað - ég hef sjaldan skemmt mér betur! Sú seinni var á móti Efim Geller 1990, þar náði ég að snúa á hann, vinna skiptamun og koma honum í mátnet! Karlinn var ekki par ánægður eftir að hafa tapað þeirri skák sem ég síðar frétti að væri tapskák á móti þriðja Ólafssyninum sem hann hafði teflt við.

Minnisstæðasta atvik á Ól?

Engin so far!

Spá þín um lokasæti Íslands?

Kvennalið verður í miðjum hóp og karlalið í kringum 20. sæti.

Hver hefur verið undirbúningur þinn fyrir ÓL?

Að undirbúa stelpurnar sem best fyrir mótið með reglulegum æfingum auk þess sem farið var í æfingarferð á mót í Tékklandi síðastliðið haust.

Persónuleg markmið?

Að allar stelpurnar í liðinu séu með performance í plús.

Eitthvað að lokum?

Ég vona að allir skákáhugamenn styðji vel við bakið á okkar liðum á mótinu og að líflegar umræður verði um skákirnar á „horninu" enda allar skákir í beinni útsendingu.

Ól 2012 | Breytt 21.8.2012 kl. 09:01 | Slóð | Facebook | Athugasemdir (0)

« Fyrri síða | Næsta síða »

Síðan

Skák.is

Skák.is, skákfréttavefur Íslands. Gunnar Björnsson er ritsjóri vefsins.

RSS-straumar

Erlendar vefsíður

Helstu erlendu fréttasíðurnar

Chessdom

Augnablik - sæki gögn...

Chess24

Augnablik - sæki gögn...

FIDE

Augnablik - sæki gögn...

Nýjustu færslur

Tenglar

Mót í gangi

Mót sem eru í gangi hverju sinni

Íslandsmótið í skák - Icelandic Open Valsheimilið, 1.-9. júní
Altibox Norway Chess 27. maí - 8. júní: Carlsen og flestir sterkustu skákmenn heims

Lykilvefir

Skáksamband Íslands Heimasíða SÍ
Mótaáætlun SÍ
Vefsvæði Friðriks Ólafssonar Vefsíða tileinkuð Friðriki Ólafssyni
Skákskóli Íslands
Skáksögufélagið
F3-klúbburinn Vildarvinir skákíþróttarinnar á Íslandi
Tímaritið Skák
Fischersetur Selfoss
Skákbækur til sölu
Bobbý skáksverslun
Skákhornið Spjallþráður skákmanna
Skáklandið Stefán Bergsson bloggar
Skákmyndir

Kennsluvefir

Íslensk taflfélög

Ef þú vilt tefla á netinu!

Erlendir skákvefir

FIDE Alþjóðlega skáksambandið
ECU
The Week in Chess
ChessBase
Chess Vibes
Chessdom
Your Chess News Umsjón Jóhann H. Ragnarsson
Bergens Schakklub Besta norræna skákfréttasíðan
Færeyska skáksambandið
Bloggsíða Susan Polgar
ChessCafe Pistlar og greinar

Færsluflokkur: Ól 2012

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: