Færsluflokkur: Ól 2012

3.9.2012 | 19:07

Íran og Suður-Kórea á morgun

Íslenska liðið í opnum flokk mætir sveit Írans (Ø-2508), sem telst 45. sterkasta sveitin á mótinu, í sjöundu umferð ólympíuskákmótsins sem fram fer á morgun. Kvennaliðið mætir sveit Suður-Kóreu, sem er talin sú 100. sterkasta á mótinu.

Liðið í opnum flokki hefur 7 stig og er í 53. sæti. Rússar, Armenar og Aserar eru efstir með 11 stig.

Liðið í kvennaflokki hefur 4 stig og er í 95. sæti. Rússar og Pólverjar eru efstir með 11 stig.

Umferðin hefst kl. 12.

Andstæðingarnir:

45. Iran (RtgAvg:2508 / TB1: 7 / TB2: 56.5)
Bo.		Name	Rtg	FED	Pts.	Games	Rp
1	GM	Ghaem Maghami Ehsan	2579	IRI	2.0	5.0	2554
2	IM	Alavi Seyed Javad	2458	IRI	1.5	3.0	2444
3	IM	Darini Pouria	2503	IRI	2.5	5.0	2506
4	IM	Idani Pouya	2477	IRI	3.0	5.0	2493
5	GM	Golizadeh Asghar	2472	IRI	3.5	6.0	2500

100. South Korea (RtgAvg:1658 / TB1: 4 / TB2: 20.5)
Bo.		Name	Rtg	FED	Pts.	Games	Rp
1		Wang Chengjia	1988	KOR	1.5	5.0	1972
2	WCM	Kim Taegyeong	1536	KOR	0.0	4.0	1113
3	WCM	Byun Sungwon	1566	KOR	1.0	5.0	1659
4	WCM	Oh Minah	1522	KOR	3.0	5.0	1738
5		Cho Yeon Hee	1542	KOR	2.0	5.0	1730

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Slóð | Facebook | Athugasemdir (0)

3.9.2012 | 18:36

Jafntefli gegn Austurríki

Liðið í opnum flokki gerði 2-2 jafntefli við lið Austurríkis í hörkuviðureign í sjöttu umferð ólympíuskákmótsins sem fram fór í dag. Hjörvar Steinn Grétarsson vann góðan sigur á 3. borði. Henrik Danielsen gerði jafntefli sem og Þröstur Þórhallsson sem jafntefli með mikilli seiglu í langri maraþonskák sem tók alls 125 leiki. Lengsta skák umferðarinnar. Hannes Hlífar Stefánsson tapaði. Kvennaliðið tapaði 0,5-3,5 fyrir Venesúela.

Armenar og Rússar gerðu 2-2 jafntefli í hörkuviðureign á fyrsta borði. Kramnik rúllaði yfir Aronian en Movsesian vann Grischuk. Kínverjar og Rússar gerðu og 2-2 jafntefli í kvennaflokki. Spennan heldur því áfram.

Skákir dagsins:

Opinn flokkur (Austurríki)
Kvennaflokkur (Venesúela)
Rússland - Armenía (opinn flokkur)
Kína - Rússland (kvennaflokkur)

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Breytt 4.9.2012 kl. 12:05 | Slóð | Facebook | Athugasemdir (0)

3.9.2012 | 13:24

Ól-pistill nr. 8 - Úrslitaviðureignir í dag

Þá eru viðureignir dagsins hafnar eins og áður hefur komið fram á Skák.is. Austurríkismenn komu örlítið á óvart með því að hvíla Kindermann á 2. borði. Markus Ragger, þeirra langbesti maður, hefur reyndar átt slæmt mót og heldur því vonandi áfram í dag. Kvennaliðið teflir við sveit Venesúela.

Mikil spenna er í loftinu enda mjög mikilvægar viðureignir íbæði opnum- og kvennaflokki. Jafnvel úrslitaviðureignir í báðum flokkum.

Sjálfur fór ég FIDE-fundi í morgun, bæði um tækniefni og um skák í skólum. Athyglisverðir báðir og mun ég segja betur frá þeim í síðari pistlum. Sérstaklega hafði ég gaman að því að heyra fyrirlestur frá fulltrúa Armena um skákkennslu þar í landi. Á morgun halda FIDE-fundir áfram en þá heldur áfram umræða um lög (statues) FIDE. Kasparov er mættur á svæðið en var víst spakur á fundum í gær.

Smá krankleiki hefur verið trufla menn hér. Einstaka liðsmenn hafa fengið í magann en þó ekki alvarlega. Leigubílsstjórar hér eru afar athyglisverðir og örugglega ekki mikið minna hættulegt að fara í slíkan bíl í samanburði við fallhlífarstökk. Engin virðing er borin fyrir fótgangandi vegfarendum sem eiga fótum sínum fjör að launa. Enn minni virðing er borinn fyrir hámarkshraða.

Vel gekk hjá hinum Norðurlandaþjóðunum, sem sum hver tefldu við dúka (nýyrði Elvars Guðmundssonar yfir slakari skákþjóðir sem byggist á því á því að hægt sé að rúlla upp dúkum). Finnar, sem eru efstir Norðurlandanna, unnu heyrnardaufa, sem eru reyndar býsna þéttir, Danir unnu Trinidad og Tobago og Svíar unnu Andorra.

Finnar fá nú Frakka, Svíar mætum Skotum, Danir mæta Alsíringum, Norðmenn mæti Pakistönum og Færeyingar mæta Nýja-Sjálendingum. Danir og Norðmenn eiga að vera í góðum málum.

Hér í blaðmannaherberginu sit ég hliðin á manni sem segist vera umboðsmaður Karjakin. Hann er að sjálfsögðu búinn að fá bæklinga bæði um Reykjavíkurskákmótið 2013 og EM landsliða 2015!

Nóg í bili.

Gunnar Björnsson

Heimasíða mótsins

Ól 2012 | Breytt s.d. kl. 13:26 | Slóð | Facebook | Athugasemdir (0)

3.9.2012 | 12:23

Beinar útsendingar: Austurríki og Venesúela

Þá liggja fyrir viðureignir dagsins. Í opnum flokki hvílir Dagur en austurríkismenn hvíla annað borðs manna, stórmeistarann, Stefan Kindermann (2498), nokkuð óvænt. Hjá kvennaliðinu hvílir Jóhanna Björg en Venesúela hvílir varamanninn.

Mjög spennandi viðureignir eru bæði í opnum- og kvennaflokki. Rússar mæta Armenum í opnum flokki en bæði liðin hafa fullt hús stiga. Rússar sem eru efstir í kvennaflokki mæta stigahæsta liðinu, Kínverjum.

Umferðin hófst kl. 12. Hægt er að nálgast beinar útsendingar hér:

Opinn flokkur (Austurríki)
Kvennaflokkur (Venesúela)
Rússland - Armenía (opinn flokkur)
Kína - Rússland (kvennaflokkur)

Round 6 on 2012/09/03 at 15:00
Bo.	36	Austria	Rtg	-	51	Iceland	Rtg	0 : 0
23.1	GM	Ragger, Markus	2670	-	GM	Stefansson, Hannes	2515
23.2	GM	Shengelia, David	2545	-	GM	Danielsen, Henrik	2511
23.3	IM	Novkovic, Milan	2400	-	IM	Gretarsson, Hjorvar Steinn	2506
23.4	IM	Neubauer, Martin	2442	-	GM	Thorhallsson, Throstur	2426

Round 6 on 2012/09/03 at 15:00
Bo.	53	Venezuela	Rtg	-	62	Iceland	Rtg	0 : 0
35.1	IM	Sanchez, Sarai	2193	-	WGM	Ptacnikova, Lenka	2281
35.2		Gutierrez, Leonela	2067	-		Thorsteinsdottir, Hallgerdur H	1957
35.3		Montilla, Jorcerys	2050	-		Finnbogadottir, Tinna K	1832
35.4		Varela, Tilsia	2036	-		Kristinardottir, Elsa M	1737

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Breytt s.d. kl. 12:37 | Slóð | Facebook | Athugasemdir (0)

2.9.2012 | 21:22

Ól-pistill nr. 7 - frídagur vel nýttur

Það gekk ekki vel í gær. Töp gegn Filippseyjum í opnum flokki og gegn Belgíu í kvennaflokki. Þetta þróaðist hægt og bítandi í þessa átt eftir að hafa litið alveg þokkalega út, sérstaklega í kvennaflokki. Í dag var frídagurinn vel notaður. Flestir í hópnum héldu niður í bæ þar sem Bláa moskan var skoðuð og farið í bátsferð eftir Bosphorus -sundi sem liggur á milli Evrópu og Asíu. Á morgun eru það Austurríki og Venesúela.

Byrjum á skáklega þættinum. Hannes var fyrstur til að klára en gerði öruggt jafntefli við Wesley So á fyrsta borði. Henrik var lengi með verra á öðru borði og mátti sætta sig við tap. Dagur virtist hafa jafnteflissénsa á fjórða borði en náði ekki að halda jafntefli. Þröstur tefldi eins og svo oft áður helstu skák umferðarinnar þegar hann tefldi við Torre á þriðja borði. Fórnaði tveimur peðum. Sá filippseyski tefldi vörnina vel og hélt örugglega jafntefli. Niðurstaðan 1-3 tap.

Þetta leit vel út hjá kvennaliðinu um tíma. Jóhanna lék illa af sér í byrjuninni og tapaði örugglega. Hallgerður og Elsa virtust hafa vænlegt tafl jafnvel unnið en léku báðir ónákvæmt þegar leið á skákina. Lenka gerði öruggt jafntefli á fyrsta borði. Semsagt öruggt tap 0,5-3,5.

Semsagt ekki góð umferð.

Í dag var langþráður frídagur. Stærsti hluti hópsins, 10 af 14, hélt niður í miðborg Istanbul. Þar fórum við fyrst í bláu moskuna, eina þekktustu mosku heims. Þar þurfti hópurinn að klæða sig úr skónum og sumir gengu þar um teppinu berfættir. Tinna og Hallgerður þóttu full léttklæddar og fengu viðbótarútbúnað til að klæðast.

Að því loknu klæddu menn sig aftur í skóna og eins og sjá má fórum Davíð og Þröstur ekki alveg eftir skriflegum fyrirmælum!

Við héldum svo í siglingu eftir Bosphorus -sundi sem liggur á milli Evrópu- og Asíu-hluta Istanbul. Sjálft mótið fer fram í Evrópuhlutanum og þar búa víst um 60% íbúa. Afar skemmtileg sigling þar sem við sigldum framhjá flestum kennileitum Istanbul. Svo var rétt kíkt á kaffihús þar sem Henrik og Omar fengu sér vatnspípu með kirsuberjabragði! Mjög skemmtilegur dagur.

Á morgun eru það Austurríkismenn. Við höfum mætt þeim þrisvar áður og unnið tvisvar og er staðan nú 7-5 fyrir okkur. Síðast mættum við þeim árið 1986, með Helga liðsstjóra á fyrsta borði. Þá vannst 3-1 sigur.

Stelpurnar mæta sveit Venesúela á morgun. Þær eru heldur sterkari en við á pappírnum. Sjálfur sæki ég nefndarfund hjá FIDE í fyrramálið en á að vera búinn fyrir umferð og ná á skákstað í tíma.

Armenar og Rússar eru efstir með 10 stig og mætast á morgun. Gætu hreinlega verið úrslitaviðureign mótsins. Aserar og Króatar, sem hafa komið verulega á óvart eru í 3. og 4. sæti með 9 stig. Rússar eru efstir í kvennaflokki með fullt hús stiga.

Vel gekk hjá flestum Norðurlandaþjóðunum í gær, sem reyndar fengu flestar mun lakari þjóðir. Við erum þrátt fyrir tapið í 2. sæti.

Við erum hins vegar orðin neðst í kvennaflokki.

Staðan í opnum flokki:

Rk.	SNo	Team	TB1	TB2	TB3	TB4
35	52	Finland	7	44	13	20
52	51	Iceland	6	44	12	25
68	34	Sweden	5	45	12,5	23
72	54	Norway	5	39,5	10,5	27
79	39	Denmark	5	35,5	13	17
96	74	Faroe Islands	4	25	9	25

Staðan í kvennaflokki:

Rk.	SNo	Team	TB1	TB2	TB3	TB4
48	46	Sweden	6	33	12	23
50	77	Finland	6	30	11	18
55	51	Denmark	6	24	11	20
57	40	Norway	5	48,5	11	26
84	62	Iceland	4	22,5	8,5	25

Nóg í bili. Pistill á morgun en væntanlega í styttra lagi.

Gunnar Björnsson

Heimasíða mótsins

Ól 2012 | Breytt 3.9.2012 kl. 11:05 | Slóð | Facebook | Athugasemdir (1)

2.9.2012 | 18:00

Austurríki og Venesúela á morgun

Liðið í opnum flokki mætir sveit Austurríkis (Ø-2539), sem er sú 36. sterkasta í sjöttu umferð ólympíuskákmótsins á morgun. Kvennasveitin mætir sveit Venesúela (Ø-2087). Báðar sveitirnar eru því að tefla lítisháttar upp fyrir sig.

Andstæðingarnir:

36. Austria (RtgAvg:2539 / TB1: 6 / TB2: 40)
Bo.		Name	Rtg	FED	Pts.	Games	Rp
1	GM	Ragger Markus	2670	AUT	2.0	5.0	2309
2	GM	Kindermann Stefan	2498	AUT	2.5	4.0	2387
3	GM	Shengelia David	2545	AUT	3.5	5.0	2473
4	IM	Novkovic Milan	2400	AUT	2.0	3.0	2425
5	IM	Neubauer Martin	2442	AUT	3.0	3.0	3010

53. Venezuela (RtgAvg:2087 / TB1: 4 / TB2: 31)
Bo.		Name	Rtg	FED	Pts.	Games	Rp
1	IM	Sanchez Sarai	2193	VEN	1.5	4.0	2027
2		Gutierrez Leonela	2067	VEN	1.0	4.0	1499
3		Montilla Jorcerys	2050	VEN	4.0	5.0	2291
4		Varela Tilsia	2036	VEN	2.0	4.0	1929
5		Hernandez Zaida	1990	VEN	1.5	3.0	1929

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Breytt s.d. kl. 17:23 | Slóð | Facebook | Athugasemdir (0)

2.9.2012 | 17:00

Omar og Lenka útnefnd

Hjónin Lenka Ptácníková hafa hvort um sig fengið sínar útnefndingar á fundum í kringum í ólympíuskákmótið. Omar Salama, sótti IO-námskeið í Istanbul (International Organizer), stóðst prófið og er annar tveggja Íslendinga sem eru með þessa gráðu.

Lenka Ptácníková fékk FT-gráðu (FIDE-trainer) eftir að hafa sótt námkeið í Tékklandi og staðist próf. Hún er aðeins ein þriggja Íslendinga sem hafa þessu gráðu en hinir eru Helgi Ólafsson og Héðinn Steingrímsson.

Ól 2012 | Breytt s.d. kl. 17:55 | Slóð | Facebook | Athugasemdir (0)

1.9.2012 | 16:22

Töp gegn Filippseyjum og Belgíu

Báðar viðureignirnar töpuðust í 5. umferð ólympíuskákmótsins sem fram fór í dag. Liðið í opnum flokki tapaði 1-3 fyrir Filippseyingum. Hannes Hlífar Stefánsson gerði jafntefli við Wesley So og Þröstur Þórhallsson gerði jafntefli við Eugene Torre í hörkuskák. Henrik Danielsen og Dagur Arngrímsson töpuðu. Kvennaliðið tapaði 0,5-3,5 fyrir sveit Belga. Lenka Ptácníková gerði jafntefli en aðrar skákir töpuðust.

Liðið í opnum flokki hefur 6 stig af 10 mögulegum en liðið í kvennaflokki hefur 4 stig.

Pörun fyrir sjöttu umferð liggur fyrir um kl. 19 í kvöld. Það er hins vegar frídagur á morgun.

Skákir dagsins má nálgast hér:

Opinn flokkur (Filippseyjar)

Kvennaflokkur (Belgía)

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Breytt 2.9.2012 kl. 08:28 | Slóð | Facebook | Athugasemdir (0)

1.9.2012 | 13:10

Ól-pistill nr. 6 - Undradrengur, ólympíumethafi og Belgar

Í gær vannst góður sigur gegn b-sveit Tyrkja sem þeir kalla hér Tyrkland2016. Það var svolítill kvíði fyrir viðureignina enda eru svona ungar sveitir algjörlega óútreiknanlegar. Tyrkir hafa verið að vinna frábært unglingastarf, undir forystu hins mjög svo umdeilda Ali Nihat, en það er enginn vafi í mínum augum að þeir verði að skákstórveldi á komandi árum.

Hjörvar var fyrstur til að klára. Ég hafði ekki náð að koma mér fyrir í blaðamannaherberginu eftir smá fundahöld þegar mér var sagt að skákinni væri lokið. Andstæðingur hans, fæddur 1998, mun víst ætla sér að verða heimsmeistari í skák. Þetta leit því ekki gæfulega út í byrjun. Í þokkabót var svo líklegt að Dagur myndi tapa en sú skák bjargaðist rétt fyrir horn. Henrik vann góðan sigur á fyrsta borði en það var Þröstur sem stal athyglinni. Hann átti hreint stórkostlega skák á 3. borði, sem að mati Helga Ólafsson, sem teflt hefur á 15 ólympíuskákmótum, sé ein sú besta sem Íslendingur hefur teflt á ólympíuskákmóti. Fyrst fórnaði Þröstur drottningu fyrir hrók, svo hrók til viðbótar og var um tíma heilli drottningu undir.

Þegar Helgi og Þröstur komu úr skáksalnum voru þeir skellihlæjandi. Gurevich, þjálfari Tyrkjanna, hristi hausinn eftir matsinn og sagði, „You tought them some lessons". Þröstur ætlar að skýra skákina og verður hún birt hér á Skák.is á næstum dögum.

Ég slapp við að fara upp allar 17. hæðirnar og niður aftur því stelpurnar lágu fyrir Ungverjum, sem hafa eitt sterkasta liðið hér. Jóhanna Björg gerði gott jafntefli við Anitu Gara á 2. borði en aðrar skákir töpuðust.

Í dag eru það Filippseyingar. Við höfum teflt við Filippseyinga níu sinnum áður á ólympíuskákmótum og hefur gengið á ýmsu. Við höfum unnið þá tvisvar, tapað þrisvar og gert fjórum sinnum jafntefli. Síðast mættum við þeim í Tórínó 2006. Jafnt var á öllum tölum fyrir hana en sú viðureign tapaðist 0,5-3,5. Íslenska liðið er eins núna nema að Dagur kemur inn frá Jóhann Hjartarson. Henrik gerði jafntefli. Staðan nú er samtals 16,5-19,5.

Á fyrsta borði teflir ungstirnið Wesley So sem mun vera hálfgerð þjóðhetja þar niður frá og á 3. borði er það sjálf goðsögnin Eugene Torre, sem teflir sína fyrstu skák á mótinu. Torre, sem var fyrsti stórmeistari Asíu, slær í dag met því þetta er 21. ólympíuskákmótið sem hann teflir á. Dagur Arngrímsson hélt fyrst að að hann væir að tefla við Davíð Kjartansson en andstæðingurinn líkist Davíð býsna mikið

Kvennaliðið mætir sterkri sveit Belgíu og eru okkar konur stigalægri á öllum borðum. Nú strax sýnist mér Jóhanna vera komin með komin með tapað tafl.

Internetmál eru loks kominn í betra mál á hótelinu og það virkar prýðilega. Á morgun er fyrri frídagur mótsins.

Hitti Ivan Sokolov, vin minn, í göngutúr fyrir umferð. Hann var að taka gleði sína enda unnu Hollendingar Sri Lanka í gær 4-0. Anish Giri er auk þess loks kominn og þeir tefla við Mónakó í dag. Ivan var bjartsýnn á annan 4-0 sigur. Hann kvartaði reyndar svolítið yfir því að það tekið tíma og orku að vinna skákina í gær. Geta verið erfiðir þessir Gúnnarar!

Í dag fyrir umferðina var fundur þar sem farið yfir lagabreytingartillögur FIDE-manna. Þetta er óformlegur fundur og ekki á vegum FIDE. Unnið er að því að reyna að klára sem flest mál fyrir sjálft FIDE-þingið.

Á ýmsu gekk hjá Norðurlöndunum í gær. Norðmenn, Svíar og Danir vilja sjálfsagt gleyma honum sem fyrst. Svíar töpuðu fyrir Sameinaða arabíska furstadæminu og Danir fyrir Kosta Ríka. Norðmenn steinlágu, 0-4, fyrir Tékkum.

Færeyingar náðu vel ásættanlegum einum punkti gegn Georgíu. Við erum efstir með 6 stig, Finnar og Norðmenn hafa 5 stig, Færeyingar 4 stig en Svíar og Danir hafa 3 stig en þau tvö síðastnefndu eru með áberandi stigahæstu liðin.

Norðmenn eru efstir í kvennaflokki með 5 stig en öll hin löndin hafa 4 stig, við erum aðrir á stigum. Svíar og Danir reka þar einnig lestina

Opinn flokkur:

Rk.	SNo	Team	TB1	TB2	TB3	TB4
34	51	Iceland	6	25	11	13
50	52	Finland	5	22,5	10,5	11
58	54	Norway	5	19	9	15
83	74	Faroe Islands	4	14,5	8	15
97	34	Sweden	3	30	9	18
105	39	Denmark	3	18	9	11

Kvennaflokkur:

Rk.	SNo	Team	TB1	TB2	TB3	TB4
39	40	Norway	5	29	9,5	15
64	62	Iceland	4	18	8	16
70	77	Finland	4	14	8	12
71	51	Denmark	4	13	8	13
74	46	Sweden	4	11	8,5	15

Það verður pistill á morgun, þrátt fyrir frídag, en kannski í styttra lagi. Nóg í bili.

Gunnar Björnsson

Ól 2012 | Slóð | Facebook | Athugasemdir (0)

1.9.2012 | 12:31

Beinar útsendingar frá viðureignum dagsins

Beinar útsendingar frá 5. umferð ólympíuskákmótsins hófust kl. 12. Útsendingar íslensku liðana má nálgast á eftirfarandi tenglum:

Opinn flokkur (Filippseyjar)
Kvennaflokkur (Belgía)

Ól 2012 | Slóð | Facebook | Athugasemdir (0)

Færsluflokkur: Ól 2012

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: