Færsluflokkur: Ól 2012

7.9.2012 | 12:07

Beinar útsendingar: Lúxemborg og Egyptaland

Strákarnir tefla í dag við sveit Lúxemborgar. Stelpurnar tefla við sveit frá Egyptalandi. Í báðum tilfellum erum við með sterkari sveit á pappírnum, sérstaklega í opnum flokki. Varamennirnir Dagur Arngrímsson og Elsa María Kristínardóttir hvíla í dag.

Við höfum sex sinnum mætti Lúxemborg og hafa þessar viðureignir unnist fimm sinnum og einu sinni hefur orðið jafntefli. Síðast tefldum við þá við 1980 og vannst sú viðureign 3,5-0,5.

Stelpurnar hafa einni sinni áður mætt Egyptalandi. Það var árið 1982. Þá vannst sigur með fullu húsi, 3-0.

Kínverjar, Rússar, Armenar og Bandaríkjamenn eru efstir 15 stig af 18 mögulegum. Kínverjar eru hæstir á stigum og standa því best að vígi eins og er. Búast má við gífurlega spennandi baráttu í lokaumferðunum. Tíunda og næstsíðasta umferð fer fram í dag og hefst kl. 12. Þá mætast Kínverjar og Bandaríkjamenn. Rússar mæta Argentínumönnum, sem hafa komið mjög á óvart, og Armenar mæta Hollendingum, sem hafa verið á miklu flugi eftir mjög lélega byrjun.

Íslenska liðið í opnum flokki mætir sveit Lúxemborgar en kvennaliðið mætir sveit Egyptalands. Frídagur er á morgun. Lokaumferðin fer fram á sunnudag og hefst klukkan átta.

Kínverjar eru í vænlegri stöðu í kvennaflokki eftir öruggan sigur á Frökkum í gær. Rússar eru í öðru sæti, einu stigi á eftir Kínverjum.

Íslenska liðið hefur níu stig og er í 69. sæti, í fjórða sæti Norðurlandaþjóðanna. Danir eru efstir með 13 stig og í 13. sæti en þeir hafa reyndar verið mjög heppnir með andstæðinga og aðeins mætt veikari andstæðingum. Það breytist í dag þegar þeir mæta Ungverjum, sem hafa á að skipa fjórða sterkasta liðinu miðað við skákstig.

Liðið í kvennaflokki hefur átta stig og er í 76. sæti og er einnig í fjórða sæti Norðurlandaþjóða.

Beinar útsendingar:

Lúxemborg (opinn flokkur)
Egpytaland (kvennaflokkkur)

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Slóð | Facebook | Athugasemdir (0)

6.9.2012 | 17:40

Sigur gegn Kenýa - Kanar unnu Rússa

Íslenska liðið í opnum flokki vann mjög öruggan, 3,5-0,5, á sveit Kenýa í níundu umferð ólympíuskákmótsins sem fram fór í dag. Hannes Hlífar Stefánsson, Hjörvar Steinn Grétarsson og Þröstur Þórhallsson unnu en Dagur Arngrímsson gerði jafntefli. Í kvennaflokki tapaði kvennaliðið 1,5-2,5 fyrir sveit Ástrala. Lenka Ptácníková vann, Elsa María Kristínardóttir gerði jafntefli en Hallgerður Helga Þorsteinsdóttir og Jóhanna Björg Jóhannsdóttir töpuðu.

Stærstu tíðindi umferðarinnar og jafnvel mótsins hingað til er að Bandaríkjamenn unnu Rússa, 2,5-1,5. Kanar unnu á 1. og 2. borði. Nakamura vann Kramnik og Kamsky lagði Grischuk, en sá síðarnefndi lék, hrók á móti hrók og biskup, klaufalega niður í tap.

Rússar, Bandaríkjamenn, Kínverjar og Armenar hafa öll 15 stig og búast við við gífurlega spennandi baráttu í lokaumferðunum tveimur sem framundan eru.

Tíunda og næstsíðasta umferð fer fram á morgun og hefst kl. 12.

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Breytt s.d. kl. 23:17 | Slóð | Facebook | Athugasemdir (1)

6.9.2012 | 13:52

Ól-pistill nr. 11 - Góður sigur - vont tap - Allt í háalofti

Það gekk hörmulega hjá liðinu í opnum flokki í gær þegar viðureign gegn Perú tapaðist 0,5-3,5. Kvennaliðið náði hins vegar framúrskarandi úrslitum gegn Suður-Kóreu, 4-0. Rússar eru efstir í opnum flokki eftir góðan sigur á ólympíumeisturum Úkraínu en Kínverjar leiða í kvennaflokki. Í morgun var ECU-fundur þar sem hart var tekist á og á morgun hefst FIDE-þingið.

Gærdagurinn

Það var aðeins Hjörvar Steinn sem gerði jafntefli í gær. Aðrir töpuðu. Og ekki nóg með það heldur leit dæmið allt bara ágætlega lengi vel út en stöður Hannesar, Henriks og Dags hrundu svo allar á mjög skömmum tíma og mjög slæmt, 0,5-3,5, tap staðreynd. Ein verstu úrslit íslensks lið á ólympíuskákmóti. Í Khanty unnum við Perú með sama mun og þá var reyndar heppnin með okkur.

Stelpurnar yfirspiluðu S-Kóreu og unnu öruggan 4-0 sigur. Lenka, Hallgerður, Tinna og Elsa tefldu. Góð úrslit því styrkleikinn var svipaður á 2.-4. borði.

Umferð dagsins

Í dag er það svo Afríkuríkið Kenýa. Í fyrsta skipti sem við mætum Kenýa. Hér hlýtur stórsigur að vinnast. Henrik hvílir.

Kvennaliðið mætir sveit Ástralíu. Við höfum einu sinni mætt þeim áður, árið 1984, og þá vannst 2,5-0,5 sigur. Ólöf og Sigurlaug unnu þá en Guðlaug gerði jafntefli. Tinna hvílir í dag.

Skákstjórnmál - allt í háa lofti

Í gær var haldinn stjórnarfundur í Skáksambandi Norðurlanda en allir forsetar skáksambandanna eru hér. Vorum við að stilla saman strengi fyrir FIDE- og ECU-fundina og ræða hvað megi bæta í Norrænu skáksamstarfi. Skemmtilegur og uppbyggjandi fundur, eitthvað annað en ECU-fundurinn sem var svo í morgun.

ECU-fundurinn var sérstakar. Hann hófst með skjákynningu frá sambandinu sem gekk að miklu leyti á að sýna Danaliov með hinum ýmsum fyrirmönnum. Kasparov var með kynningu á Kasparov Foundation og svo kom hér menntamálaráðherra Serbíu, sem er stórmeistari kvenna. Hef ekki nafið.

Að því loknu fór eiginlega allt í háaloft. Ali Nihat, forseti tyrkneska skáksambandsins, var með stanslausa skotárás á Danilov og hans menn. Taldi of há laun greidd og Danilov ætti að afþakka laun á meðan ekki gengur betur að ná í styrktarsamninga.

Greint var frá styrktarsamning sem ECU hafði gert við spænska ferðaaðila upp á €25.000. Kom í ljós að Ali, hafði samninginn undir höndum, hafði verið lekið til hans úr stjórn ECU og sá honum allt til foráttu. Bauðst til að útvega annan styrktaraðila með tvöfaldri upphæð. Þetta var svo rætt fram og eftir og að lokum bauðst af Bareev til að útvega nýjan samning með tvöfaldri upphæð Ali! Hvort hann var að grínast eða ekki, veit ég ekki.

Einnig er ljóst að einn stjórnarmanna, Theodoros Tsorbatzoglou, frá Grikklandi, er í mikilli stjórnarandstöðu innan stjórnar ECU. Ali og Grikkinn, Georgios Makrapoulos, voru þeir en sem greiddu atkvæði gegn fjárhagsáætlunar stjórnar en þeir eru báðir mjög valdamiklir innan FIDE. Segja má að stríð ríki á milli forystumanna ECU og FIDE og það verður svo greinilega a.m.k. fram til ársins 2014.

Á morgun hefst FIDE-þingið og á að samkvæmt dagskrá að standa allan daginn á morgun sem og daginn þar á eftir. Pistlaskrif næstu daga verða því í óreglulegri kantinum.

Toppbaráttan

Rússar eru efstir með 15 stig eftir sigur á ólympíumeisturum Úkraína í gær. Úkraínumaðurinn fyrrverandi, Karjakin, reyndist sinni fyrrverandi þjóð erfiður, vann sína skák.

Kínverjar, Armenar, Bandaríkjamenn, Þjóðverjar og Filippseyingar koma næstir með 13 stig. Þeir síðastnefndu hafa komið verulega á óvart og lögðu Englendinga í gær þar sem Torre heldur áfram að brillera og vann nú Short.

Rússar og Kanar mætast á fyrstaborði. Kamsky mætti í hlýrabol og með derhúfu. Enginn lék fyrsta leikinn í dag!

Kínverjar eru efstir í kvennaflokki með 14 stig, Rússar, Frakkar, Indverjar og Úsbekar hafa 13 stig.

Norðurlandamótið:

Eftir úrslit gærdagsins erum við orðnir neðstir Norðurlanda með 7 stig. Danir, sem unnu Norðmenn, eru efstir með 11 stig, en þeir hafa verið býsna heppnir með andstæðinga umferð eftir umferð, og hafa ávallt mætt sveitum sem teljast veikari en þeir. Meira að segja í dag, þegar þeir mæta Makedóníumönnum.

Svíar, Finnar og Norðmenn hafa 9 stig og Færeyingar hafa 8 stig eftir tvo sigra í röð.

Staðan í opnum flokki:

Rk.	SNo	Team	TB1	TB2	TB3	TB4
26	39	Denmark	11	144	21,5	52
46	34	Sweden	9	141	19,5	64
53	52	Finland	9	132,5	18,5	66
57	54	Norway	9	119	18	65
81	74	Faroe Islands	8	91	18	55
88	51	Iceland	7	117	16	72

Eftir úrslitin í gær erum við komnir í 3. sæti í kvennaflokki með 8 stig eins og Danir. Svíar eru efstir með 9 stig, Norðmenn hafa 7 stig og Finnar reka lestina með 6 stig.

Staðan í kvennaflokki:

Rk.	SNo	Team	TB1	TB2	TB3	TB4
51	46	Sweden	9	90,5	17	62
66	51	Denmark	8	88	15	64
70	62	Iceland	8	75,5	16	54
72	40	Norway	7	101,5	16	60
92	77	Finland	6	70	12	62

Nóg í bili.

Gunnar Björnsson

Ól 2012 | Breytt s.d. kl. 13:55 | Slóð | Facebook | Athugasemdir (0)

6.9.2012 | 12:38

Beinar útsendingar: Kenýa og Ástralía

Í dag tefla strákarnir við sveit Kenýa og stelpurnar við sveit Ástralíu. Við teljumst mun sterkari í opnum flokki en erum heldur veikari í kvennaflokki. Henrik Danielsen og Tinna Kristín Finnbogadóttir hvíla í dag.

Beinar útsendingar:

Kenýa (opin flokkur)
Ástralía (kvennaflokkkur)

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Slóð | Facebook | Athugasemdir (0)

5.9.2012 | 22:59

Stósigur gegn Alsír í kvennaflokki en stórtap gegn Perú í opnum flokki

Íslenska liðið í kvennaflokki vann stórsigur, 4-0, gegn sveit Alsíar í kvennaflokki ólympíuskákmótsins sem fram fór í kvöld. Á sama tíma tapaði liðið í opnum flokki 0,5-3,5 fyrir Perú, þar sem flest gekk okkar mönnum í óvil þrátt fyrir vilhallar stöður.

Íslenska liðið í opnum flokki er nú í 88. sæti með 7 stig og mætir sveit Kenýa a morgun. Rússar eru efstir með 15 stig eftir sigur á ólymíumeisturum Úkraíana. Kvennaliðið er í 70. sæti, einnig með 7 stig. Í kvennaflokki eru Kínverjar efstir með 14 stig. Íslenska lið mætir sveit Ástrala á morgun.

Li156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Breytt 6.9.2012 kl. 10:08 | Slóð | Facebook | Athugasemdir (0)

5.9.2012 | 13:49

Ól-pistill nr. 10 - Góð skák Hannesar - Ivanchuk með uppistand

Hannes Hlífar Stefánsson hrökk í gang með góðum sigri í sjöundu umferð á ólympíuskákmótinu þegar hann vann fyrsta borðs mann Íran á afar fallegan hátt á fyrsta borði. Það dugði ekki til því viðureignin tapaðist 1,5-2,5. Kvennasveitin vann sannfærandi sigur á Suður-Kóreu, 3-1. Davíð Ólafsson vann svo öruggan sigur á keilumótinu sem fram fór í gærkveldi. Í dag eru það Perúmenn í opnum flokki og Alsíringar í kvennaflokki. Og Ivanchuk gjörsamlega stal senunni í upphafi umferðar í dag.

Gærdagurinn

Sigur Hannesar var afar ljúfur í gær. Langbesta skák hans til þessa. Við fengum góðar kveðjur frá Margeiri Péturssyni þar sem hann hælir sérstaklega 34. He3 hjá Hannesi. Henrik hélt örugglega jafntefli á öðru borði. Hjörvar þáði hálfeitrað í byrjun skákarinnar og lenti í erfiðleikum í kjölfarið og mátti sætta sig við tap á þriðja borði. Þröstur lék einnig af sér í miðtaflinu og fékk hálfóteflandi stöðu í kjölfarið og tapaði. Hans fyrsta tapskák. Tap gegn Íran staðreynd, annað ólympíuskákmótið í röð.

Kvennasveitin vann öruggan sigur á Suður-Kóreu. Lenka, Tinna og Elsa unnu allar örugga sigra. Jóhanna lenti hins vegar fljótlega í ógöngum sem hún komst aldrei úr. Góður 3-1 sigur staðreynd á Kóreu-stelpum.

Umferð dagsins

Í dag tefla strákarnir við sveit Perú. Við höfum teflt við þá sex sinnum áður og alltaf unnið þá nema einu sinni þegar það fór jafntefli. Í Khanty vannst frábær sigur 3,5-0,5, þar sem reyndar lukkan var reyndar með okkur í liði. Staðan er 18,5-5,5 en Perúmönnum hefur farið mikið fram síðustu misseri. Loks hvílir Þröstur, sem hefur teflt allar skákirnar til þessa.

Stelpurnar mæta liði Alsírs sem er heldur veikara en okkar á pappírnum. Jóhanna Björg hvílir.

FIDE-málefni

Í gær sótti ég fundi í reglunefnd FIDE (Rules Committee). Þar voru hin smæstu atriði rædd og stundum var nánast deilt um hvar kommur ættu að vera. Fundinum stjórnuðu hinir virtu skákdómarar Geurt Gijssen og Stewart Reuben.

Ég missti af byrjuninni vegna annars fundar.

Eitt helsta „deiluefnið“ var hvort 10 mínútna skákir teldust atskákir (rapid) eða hraðskákir (blitz). Niðurstaðan var atskák.

Einnig var töluvert rætt um hvort það mætti kæra eftir að hafa ritað undir skorblaðið. Það verður þannig að það má kæra úrslit skáka eftir að hafa undirritað skorblaðið. Það á eingöngu þegar um er að ræða úrskurð skákstjóra. Mótshaldarar gefa úr áfrýjunarfrest sem er oftast að mér heyrðist 30-60 mínútur og eitthvað sem mótsstjórn Reykjavíkurmótsins þarf að taka upp fyrir næsta mót.

Einnig var tölvuert rætt um GSM-síma og missti ég þráðinn í þeirri umræðu og veit ekki alveg hvar hún endaði, held þó að reglurnar séu eins og núna enda erfitt að teygja og toga hvað megi í þeim fræðum. Langbest að láta hringingu eða hvaða hljóð úr síma vera túlkað á sama hátt. Ekki missti ég þó jafn mikið þráðinn og einn kollegi minn í nágrannaskáksambandi sem hreinlega hraut svo undir tók á meðan umræðan fór fram.

Engir fundir voru í dag. Á morgun verður aðalfundur ECU og í kvöld ætlum við fulltrúar Norrænu skáksambandanna að hittast og fara yfir helstu málin. Sameinaðir stöndum vér.

Keila og lyfta

Í kvöld fóru nokkur okkar að spila keilu. Davíð vann öruggan sigur, ég annar og Henrik þriðji. Tinna vann kvennakeppnina eftir harða baráttu.

Spilað var keiluhöll sem er á sama stað og verslunarmiðstöðin hér rétt hjá. Mannskapurinn að þessu sinni hikaði ekki við að fara yfir brúnna en ekki var leitað af dularfullu verunni.

Lyftumál eru sígild á ólympíuskákmótum. Hér eru 3 lyftur sem yfirleitt dugar ágætlega nema á mestu álagspunktum í kringum upphaf umferðar. Við höfum fundið það trikk að taka lyftuna upp fyrst því yfirleitt er hún stútfull á leiðinni niður og þá mætum við vonsviknum andlitum sem ekki er pláss fyrir. Í gær bilaði svo ein lyftan og mátti sjá langar biðraðir en hún er komin í lag aftur.

Toppbaráttan

Toppbaráttan harðnar. Rússar unnu Asera í hörkuviðureign og á sama tíma lögðu Kínverjar Armena. Rússar eru efstir með 13 stig en Kínverjar og Úkraínumenn koma næstir með 12 stig. Rússar og Úkraínumenn mætast í dag en þetta eru tvær stighæstu sveitirnar. Kínverjar mætar Aserum.

Filippseyjamenn eru að brillera á mótinu og gerðu 2-2 jafntefli í gær við Ungverja sem hvíldu Judit Polgar. Gamli maðurinn, Torre, vann Almasi. Aðrir fyrrum andstæðingar á mótinu Argentínumenn eru einnig að standa sig og gerðu 2-2 jafntefli við Indverja.

Í dag mætast svo Rússar og Úkraínumenn. Ali Nihat, forseta tyrkneska skáksambandsins, mætti með stuðningsaðila sem átti að leika fyrsta leikinni fyrir Kramnik gegn Ivanchuk. Hófst þá mikil rekistefna. Ivanchuk stóð upp og hélt einhverja ræðu yfir Ali, hvort Ali hafi skilið hana er svo annað mál. Mér skilst á rússneskum blaðamanni hér í blaðamannaherberginu að ræðan hafi gengið út á það Ivanchuk líkaði ekki að láta fyrsta leikinn í sínum skákum. Skiptum þá engum togum að Kramnik stóð þá upp og fór frá borðinu einnig. Viðkomandi lék svo fyrsta leikinn án þess að þeir sittu við borðið! Almennt var mikið hlegið af þessu atviki sem mun víst alveg vera í stíl við Ivanchuk.

Kínverjar, Rússar og Pólverjar eru efstir með 12 stig í kvennaflokki. Pólverjar mæta Kínverjum og Rússar mæta Úkraínumönnum rétt eins og í opnum flokki.

Norðurlandamótið:

Við erum í 5. sæti í báðum flokki eftir umferðina í gær. Höfum 7 stig eins og Svíar. Norðmenn og Danir eru efstir með 9 stig en þessar þjóðir hafa teflt á móti býsna mörgum dúkum (upprúllanlegum). Þeir tefla svo innbyrðis á eftir. Finnar hafa 8 stig og Færeyingar reka lestina með 6 stig.

Staðan í opnum flokki:

Rk.	SNo	Team	TB1	TB2	TB3	TB4
41	54	Norway	9	93	17	46
42	39	Denmark	9	91	18,5	39
49	52	Finland	8	98	16,5	50
67	34	Sweden	7	103	16,5	51
69	51	Iceland	7	96	15,5	54
99	74	Faroe Islands	6	61,5	14,5	44

Svíar og Danir eru efstir í kvennaflokki með 8 stig. Norðmenn hafa 7 stig en við og Finnar rekum lestina með 6 stig. Allar þjóðirnar eru neðar en þau eiga að vera miðað við stig.

Staðan í kvennaflokki:

Rk.	SNo	Team	TB1	TB2	TB3	TB4
54	46	Sweden	8	62	15	46
55	51	Denmark	8	62	14,5	42
59	40	Norway	7	87	15	48
80	77	Finland	6	60	12	48
83	62	Iceland	6	50,5	12	46

Nóg í bili.

Gunnar Björnsson

Ól 2012 | Breytt s.d. kl. 13:56 | Slóð | Facebook | Athugasemdir (1)

4.9.2012 | 19:40

Perú og Alsír á morgun

Íslenska sveitin í opnum flokki mætir Perú á morgun. Meðalstig Perúmanna eru 2378 skákstig en á fyrsta borði fyrir þá teflir Jorge Cori (2487), sem margir muna eftir frá nýlegum Reykjavíkurskákmótum. Stelpurnar mæta sveita Alsír sem hefur meðalstign 1894. Báðir íslensku sveitirnar eru því að tefla við sveitir sem teljast heldur lakari.

Rússar eru efstir í opnum flokki með 13 stig eftir sigur á Aserum. Grischuk vann Saferli en öðrum skákum lauk með jafntefli. Kínverjar sem unnu Armena og ólympíumeistarar Úkraínu, sem unnu Spánverja eru í 2.-3. sæti með 12 stig. Rússar og Úkraínumenn mætast á morgun og Kínverjar mæta Aserum.

Í kvennaflokki bar það helst til tíðinda að Pólverjar héldu jöfnu gegn Rússum. Þesar tvær þjóðir eru efstar ásamt Kínverjum með 12 stig.

Andstæðingar morgundagsins:

71. Peru (RtgAvg:2378 / TB1: 7 / TB2: 74.5)
Bo.		Name	Rtg	FED	Pts.	Games	Rp
1	GM	Cori Jorge Moises	2487	PER	4.0	7.0	2485
2	FM	Vera Siguenas Deivi	2359	PER	4.0	7.0	2451
3	FM	Leiva Giuseppe	2283	PER	3.0	7.0	2320
4	FM	Pacheco Marco	2383	PER	2.5	6.0	2191
5		Rojas Guevara David Mario	2057	PER	0.0	1.0	0

79. Algeria (RtgAvg:1894 / TB1: 6 / TB2: 72.5)
Bo.		Name	Rtg	FED	Pts.	Games	Rp
1	WCM	Amira Hamza	1840	ALG	3.5	7.0	1832
2	WCM	Khadidja Latreche	1889	ALG	2.0	6.0	1793
3	WIM	Latreche Sabrina	1949	ALG	5.0	7.0	1962
4	WCM	Zineb Dina Abdi	1898	ALG	3.0	5.0	1962
5		Djouher Nouali	1727	ALG	1.5	3.0	1738

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Slóð | Facebook | Athugasemdir (0)

4.9.2012 | 15:57

Tap gegn Íran - góð skák Hannesar - sigur gegn S-Kóreu í kvennaflokki

Íslenska liðið í opnum flokki tapaði fyrir Írönum í dag. Hannes Hlífar Stefánsson vann mjög góðan sigur á fyrsta borði, Henrik Danielsen gerði jafntefli en Hjörvar Steinn Grétarsson og Þröstur Þórhallsson töpuðu. Kvennaliðið vann öruggan 3-1 sigur á S-Kóreu. Lenka Ptácníková, Tinna Kristín Finnbogadóttir og Elsa María Kristínardóttir unnu en Jóhanna Björg Jóhannsdóttir tapaði.

Á efstu borðunum vekur sigur Kínverja á Armeníu óneitanlega athygli þar sem Wang Yue vann Movsesian. Staðan í viðureign Asera og Rússa er 1,5-1,5 en þar sitja Grischuk og Safarli enn að tafli.

Skákir íslensku liðanna má nálgast hér:

Íran (opin flokkur)
Suður-Kórea (kvennaflokkkur)

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Breytt s.d. kl. 21:44 | Slóð | Facebook | Athugasemdir (0)

4.9.2012 | 13:16

Ól-pistill nr. 9 - Asíubúar, Kasparov og dularfull vera undir brú

Það náðist fínt jafntefli gegn Austurríki í 6. umferð sem fram fór í gær. Stelpurnar koltöpuðu hins vegar fyrir sveit Venesúela. Í dag héldu nefndarfundir áfram hjá FIDE. Kasparov er mættur og þegar farinn að láta til sín taka.eru andstæðingarnir Íran og Suður-Kórea.

Gærdagurinn

Hjörvar Steinn Grétarsson var eini íslenski sigurvegarinn í gær en hann átti fína vinningsskák á þriðja borði. Henrik Danielsen og Þröstur Þórhallsson gerðu jafntefli. Henrik átti um tíma fína stöðu en yfirsást vinningsleikur í einni stöðu. Þröstur gerði jafntefli í maraþonskák (125 leikir) eftir að hafa lengi verið í köðlunum. Hannes náði sér aldrei á strik á fyrsta borði og tapaði.

Hjá stelpunum gerði Elsa María jafntefli en aðrar töpuðu. Hallgerður Helga átti mjög vænlega stöðu en fann ekki besta framhaldið. Tinna hafði einnig ágætis tafl um tíma en Lenka náði sér ekki strik. Semsagt ekki góð úrslit gegn Venesúela (fagna því mjög að þurfa aldrei að skrifa þetta erfiða nafn aftur sem ég get aldrei munað!).

Umferð dagsins

Í dag tefla strákarnir við Íran en stelpurnar við Suður-Kóreu.

Við höfum Írönum fjórum sinnum, 1958, 1964, 1910 og svo í Khanty-Mansiysk 2010 þar sem við töpuðum sannfærandi 1-3. Þeir eru heldur sterkari en íslenska liðið á pappírnum þótt það muni reyndar ekki miklu. Aðalliðið teflir, þ.e. Dagur hvílir aftur. Stelpurnar eiga svo að vinna lið Suður-Kóreu nokkuð auðveldlega, eru miklu sterkari. Hallgerður Helga hvílir.

FIDE-málefni - Kasparov í stuði

Alls konar nefndarfundir eru í gangi hjá FIDE. Manni er frjálst að sækja alla fundi en eina nefndin sem ég er formlega í er tækninefnd. Þar voru m.a. til umræðu svindlmál, skákklukkur, beinar útsendingar og fleira. Hér togast á tvenns konar hagsmunir. Það er hagsmunir áhorfenda og svo hagsmunir þeirra sem vilja koma í veg fyrir hvers konar svindl. Því miður er þróunin í síðari áttina, kannski lítið við því að gera við mennirnir eigum það greinlega til að svindla.

Hér í Istanbul komast t.d. áhorfendur hvergi nálægt skákmönnunum og finnst sumum gestunum, sem jafnvel hafa borgað háar fjárhæðir til að koma hingað heldur súrt í broti. Ég er loks búinn að fá aðgang í inn skáksalinn og get framvegis verið þar þegar mér sýnist. Mér skilist að það standi nú öllum forsetum skáksambandanna það til boða.

Einnig var fróðleg umræða um það sem kallað er „the ultimate chessboard". Skákborð sem þú þarft bara að leika. Um leið og þú klárar leikinn er leikurinn sjálfkrafa skráður og klukkan sett á andstæðinginn. Í raun og veru það sama og á netinu nema að þú setur fyrir framan andstæðinginn. Þetta er eitthvað sem menn dreymir um. Örugglega nokkuð langt í þetta.

Að loknum þeim fundi fór á fund hjá Skák í skóla-nefndina. Þar fannst mér athyglisverðast að heyra fulltrúa frá Armeníu tala. Skákin er þar í öndvegi og allir kunna skák. Sami maður er forseti landsins og skáksambandsins.

Krökkum á aldrinum 6-9 er kennd í skák og allt land og það eru til námsbækur bæði fyrir kennara og nemendur. Helsta vandamálið hefur verið að finna skákkennara en með góðu kennsluefni hefur það gengið. Þar eins og í Tyrklandi er stuðst við kennara í skólum. Kennd er skák í öllum skólum í Armeníu og er skák sjónvarpsefni í landinu. Og árangurinn stendur ekki á sér því Armenía er eitt sterkasta skákland heims, þrátt fyrir fámenni og helstu skákmenn landsins eru þjóðhetjur.

Einnig talaði þarna fulltrúi frá Argentínu. Þar hefur mikill árangur náðst. Skák þar er kennd 1.157 kennslustundir í hverri viku.

Í dag fór ég á tvenna fundi. Fyrst um grundvallarlög FIDE (statues) og síðar á fund um skáklög (law of chess). Á fundinum um grundvallarlögin var töluvert tekist á. Kasparov mættur ásamt lögfræðingi sínum og fór mikinn. Baráttan er bara forsmekkurinn fyrir FIDE-þingið 2014 þar sem forsetakosningar verða.

Heimsmeistarinn fyrrverandi er mikill ræðumaður en það fer ekki framhjá manni þegar honum líkar ekki eitthvað. Hristir hann þá hausinn og baðar út öllum öngum. FIDE-menn hafa komið til móts við tillögur Kasparovs að einhverjum leyti en um sumt eru menn sammála um að vera ósammála um. Málið verður væntanlega klárað á sjálfu FIDE-þinginu sem fram fer 7.-9. september með þá einhverjum kosningum.

Fjármál FIDE hafa verið til umræðu hér á öðrum fundum. Þar hefur t.d. komið í ljós að FIDE hefur borgað tæpa milljón evra í lögfræðikostnað. FIDE-menn eru ósáttir en lögsóknirnar eru gerðar af nokkrum skáksamböndum en flestum er ljóst að það er í raun og veru Kasparov sem borgar. Einnig hefur komið í ljós mun hærri ferðakostnaður Kirsans er það er greinilega liðin tíð að hann eða Kalmíkía borgi flugkostnað, heldur er það FIDE. Einnig hafa ekki borist greiðslur frá Albaníu, vegna HM kvenna, mótshöldurum Grand Prix-keppni kvenna og eitthvað vantar einnig frá Tyrkjunum vegna ólympíuskákmótsins.

Omar Salama, sem er hér meðal dómara, er nú búinn að fá stöðuhækkun og er nú svokallaður svæðisdómari (sector arbiter), sem er miklu skemmtilegra heldur en að setja yfir einni viðureign. Omar er einni þriggja slíkra í opnum flokki. Verður að teljast mikill heiður fyrir hann.

McDonalds og dularfull vera undir brú

Í fyrradag lentum við fjögur (ég, Davíð, Hjörvar og Hallgerður) í smá ævintýri. Hér rétt hjá er verslunarmiðstöð. Hins vegar er ekki auðvelt að komast þangað en til þess þarf að komast yfir eitthvað sem ýmist er kallað hér lækur eða fljót eða eitthvað þar á milli. Í þessu „fljóti" rennur svo ekki einu sinni vatn. Davíð fann brú, sem reyndar er mjög mjó og vægast sagt ótraust með lágt grindverk auk þess algjört myrkur er þarna á kvöldin. En yfir fórum við og komust í verslunarmiðstöðuna. Mikil gleði fyrir Hjörvar sem gat þá fengið sér langþráðan McDonalds-borgara.

Á heimleiðinni var ákveðið að finna aðra leið en hina mjög svo ótraustu brú. Stóð til að labba þar undir venjulega bílabrú þegar unga fólkið rak upp skaðræðisöskur, bentu eitthvað og sögðu eitthvað lifandi undir brúnni. Hljóp svo unga fólkið af stað en við þeir gömlu töltum á eftir. Farið var yfir gömlu ótraustu brúnna í enn meira myrkri. En hvað þau sá undir brúnni verður óleyst um ókomna tíð.

Toppbaráttan

Rússar, Armenar og Aserar eru efstir í opnum flokki með 11 stig en 5 þjóðir hafa 10 stig. Rússar tefla við Assera en Armenar við Kínverja.

Rússar og Pólverjar eru efstir í kvennaflokki með 11 stig en 5 þjóðir hafa 10 stig.

Norðurlandamótið:

Við erum í 3. sæti í opnum flokki en erum neðstir í kvennaflokki.

Í opnum flokki hafa allar þjóðirnar nema Færeyingar 7 stig. Svíar eru efstir og við í þriðja sæti. Allar þjóðirnar nema Finnar eru neðar en stigin þeirra gefa til kynna. Finnar náðu góðum úrslitum þegar þeir náðu 1,5 punkti gegn Frökkum.

Staðan í opnum flokki:

Rk.	SNo	Team	TB1	TB2	TB3	TB4
42	34	Sweden	7	84,5	16	32
50	52	Finland	7	69,5	14,5	35
53	51	Iceland	7	67	14	38
58	39	Denmark	7	60,5	15,5	28
62	54	Norway	7	57	14	32
118	74	Faroe Islands	4	37	10,5	35

Svíar eru einnig efstir í kvennaflokki með 8 stig. Við rekum lestina með 4 stig en allar hinar þjóðirnar hafa 6 stig.

Staðan í kvennaflokki:

Rk.	SNo	Team	TB1	TB2	TB3	TB4
38	46	Sweden	8	49	14,5	32
47	40	Norway	6	68	13	37
69	77	Finland	6	42	11	33
73	51	Denmark	6	33	11	31
95	62	Iceland	4	29,5	9	34

Nóg í bili.

Gunnar Björnsson

Ól 2012 | Slóð | Facebook | Athugasemdir (0)

4.9.2012 | 12:00

Beinar útsendingar: Íran og Suður-Kórea

Þá liggja fyrir viðureignir dagsins. Strákarnir tefla við Íran og hvílir Dagur Arngrímsson. Stelpurnar mæta Suður-Kóreu og hvílir Hallgerður Helga. Við teljumst lítisháttar lakari í opnum flokki en stelpurnar teljast umtalsvert betri en þær S-kóresku.

Viðureignir dagsins:

Round 7 on 2012/09/04 at 15:00
Bo.	51	Iceland	Rtg	-	45	Iran	Rtg	0 : 0
28.1	GM	Stefansson, Hannes	2515	-	GM	Ghaem Maghami, Ehsan	2579
28.2	GM	Danielsen, Henrik	2511	-	IM	Alavi, Seyed Javad	2458
28.3	IM	Gretarsson, Hjorvar Steinn	2506	-	IM	Darini, Pouria	2503
28.4	GM	Thorhallsson, Throstur	2426	-	GM	Golizadeh, Asghar	2472

Bo.	62	Iceland	Rtg	-	100	South Korea	Rtg	0 : 0
47.1	WGM	Ptacnikova, Lenka	2281	-		Wang, Chengjia	1988
47.2		Johannsdottir, Johanna B	1886	-	WCM	Kim, Taegyeong	1536
47.3		Finnbogadottir, Tinna K	1832	-	WCM	Byun, Sungwon	1566
47.4		Kristinardottir, Elsa M	1737	-	WCM	Oh, Minah	1522

Afar spennandi viðureignir eru í báðum flokkum. Í opnum flokki mætast m.a.: Aserbaídsjan - Rússland og Kína - Armenía og í kvennaflokki mætast m.a.: Rússland - Pólland og Georgía - Kína.

Viðureignir íslensku liðanna:

Íran (opin flokkur)
Suður-Kórea (kvennaflokkkur)

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Ól 2012 | Breytt s.d. kl. 11:25 | Slóð | Facebook | Athugasemdir (0)

Færsluflokkur: Ól 2012

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: