Færsluflokkur: Skákþættir Morgunblaðsins

28.4.2013 | 20:00

Skákþáttur Morgunblaðsins: Gamall og góður kani

Robert Byrne sem lést þann 12. apríl sl. 84 ára að aldri var íslenskum skákáhugamönnum að góðu kunnur. Hann kom hingað til lands á Fiske-mótið 1968 og tefldi á fjölmörgum Reykjavíkurskákmótum eftir það. Á meðan einvígi aldarinnar stóð sumarið 1972 sat hann með ritvél úti í horni í blaðamannaherbergi Laugardalshallar og lét þar stundum til sín taka á sinn hógværa hátt. „Fischer-sprengjan" í Bandaríkjunum hafði skapað fremstu meisturunum ný tækifæri og Byrne hóf að skrifa um skák fyrir „The New York Times". Um líkt leyti sagði hann stöðu sinni lausri sem prófessor í heimspeki við háskólann í Indiana og gerðist atvinnumaður, kominn vel á fimmtugsaldur. Byrne hafði náð góðum árangri á Aljékín-mótinu í Moskvu í árslok 1971 en sitt frægasta afrek vann hann vorið 1973 er hann hlaut 12 ½ vinninga af 17 mögulegum á millisvæðamótinu í Leningrad og varð í 3. sæti á eftir Karpov og Kortsnoj, tefldi síðan við Spasskí í fyrstu hrinu áskorendakeppninnar en tapaði 1½ : 4½ . Þeir skákbræður Robert og Donald Byrne gengu í „Erasmus High" í Brooklyn, sama skóla og Bobby Fischer, og tefldu við hann þrjár af hans frægustu skákum. Rakið er í „My 60 Memorable Games" er Robert Byrne gafst upp eftir 21. leik á bandaríska meistaramótinu 1963-64, og sumir áhorfendur héldu að Fischer væri með tapað tafl. Færri vita að Fischer tapaði fyrir Robert Byrne á sama meistaramóti tveim árum síðar og var einungis vinningi yfir í tíu viðureignum. Skáklíf þessara ára hverfðist að miklu leyti um Fischer og Robert Byrne var heillaður af öllu sem þessi goðsögn tók sér fyrir hendur, tefldi sömu byrjanir og dugði vel í Leningrad ´73. Þar var aðstoðarmaður hans Bernard Zuckerman, gangandi alfræðibók, kallaður „Zook the book". Á millisvæðamótinu í Biel árið 1976 keyrði Byrne enn á sama „repertoire", varð í 5.-7. sæti og rétt missti af sæti í áskorendakeppninni. Hinn bandaríski keppandinn á því móti er í dag frægur hagfræðingur, Kenneth Rogoff. Á Ólympíumótinu í Haifa í Ísrael árið 1976 tefldi Robert Byrne á 1. borði og Bandaríkjamenn unnu gullverðlaun. Þá voru sovéskir „ útlagar" einn af öðrum að tínast til Bandaríkjanna og áttu eftir að gerbreyta landslagi skákarinnar. Lubomir Kavalek, sem var með Byrne í Haifa birti grein í Huffington Post á dögunum og dró þar fram eftirfarandi viðureign sem Byrne tefldi við við einn af þessum gömlu góðu Könum sem einnig var í þessari sigursveit:

Bandaríska meistaramótið 1965:

Robert Byrne - Larry Evans

Sikileyjarvörn

1. e4 c5 2. Rf3 a6 3. Rc3 d6 4. d4 cxd4 5. Rxd4 Rf6 6. Bg5 e6 7. f4 Db6 8. Dd2 Dxb2 9. Hb1 Da3 10. e5 dxe5 11. fxe5 Rfd7 12. Bc4 Bb4 13. Hb3 Da5 14. O-O O-O 15. Bf6!?

Í árdaga „eitraða peðs" afbrigðisins vissu menn ekki að svartur getur varist þessari atlögu með 15. ... Rxf6 16. exf6 Hd8 17. Hxb4 Dxb4 18. Dg5 g6 o.s.frv.

15. ... gxf6? 16. Dh6 Dxe5 17. Rf5! exf5 18. Re4!

Hver þrumuleikurinn á fætur öðrum. Riddarinn opnar leið fyrir hrókinn á b3.

-sjá stöðumynd-

18. ... Bd2 19. Rxd2 Dd4+ 20. Kh1 Re5 21. Hg3 Rg4 22. h3 De5 23. Hf4 De1 24. Rf1 Dxg3 25. Hxg4+ Dxg4 26. hxg4Rd7 27. Rg3 Kh8 28. Bd3 Hg8 29. Bxf5 Hg6 30. Bxg6 fxg6 31. Re4 b5 32. g5 Bb7 33. Rxf6 Rf8 34. Dh2 Bc8 35. De5 Re6 36. Rd7+

- og Evans gafst upp.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 21. apríl 2013.

Skákþættir Morgunblaðsins

Skákþættir Morgunblaðsins | Breytt 21.4.2013 kl. 13:11 | Slóð | Facebook | Athugasemdir (0)

21.4.2013 | 20:00

Skákþáttur Morgunblaðsins: Besti skákmaður allra tíma

Afrek Magnúsar Carlsens í áskorendamótinu, nýslegið stigamet og aldeilis stórkostleg framganga á skáksviðinu undanfarin misseri kallar á samanburð við annan risa skáksögunnar, Garrí Kasparov, sem í dag, 13. apríl, fagnar 50 ára afmæli sínu. Kasparov komst hæst í 2.851 elo-stig en met Magnúsar stendur í 2.872 elo. Lengra nær samanburðurinn ekki í huga margra.

Þegar Kasparov hætti opinberlega að tefla eftir sigur á Linares-mótinu árið 2005 hafði hann verið stigahæsti maður heims í 20 ár, teflt átta heimsmeistaraeinvígi, átti að baki óslitna sigurgöngu á alþjóðlegum mótum og skildi eftir sig frábært verk á sviði skákbókmennta.

Afskipti af framkvæmdahlið skákarinnar eru hins vegar umdeild; á pólitíska sviðinu rússneska hefur fullvissa hans um eigið ágæti ekki náð yfir til háttvirtra kjósenda og tveir hjónaskilnaðir gætu bent til þess að hann sé ekki mjög auðveldur í sambúð; fyrsta eiginkonan var „sett út á stétt" í miðju heimsmeistaraeinvígi í London haustið 1993. Hvað varðar snilldarverk hans við skákborðið þá blikna bestu skákir Magnúsar Carlsens í samburði við snilldarverk Kasparovs. Núverandi heimsmeistari, Anand, var Kasparov aldrei mikil hindrun, staðan í viðureignum þeirra er 29:16.

Norðmaðurinn á þó vinninginn á einu sviði; líkt og Fischer teflir hann allar skákir í botn og hann er líka heiðarlegri við skákborðið. Á vettvangi einvígja er hann auðvitað óskrifað blað og hann verður ekki „gerður upp" með sama hætti og hinn fimmtugi Kasparov, sem greinarhöfundur telur þrátt fyrir allt mesta skákmann allra tíma. Ef bera á fram mögnuðustu skák Kasparovs stendur valið á milli skáka nr. 16 í HM-einvígjum nr. 2 og 3. árin 1985 og '86 og skákar sem hann tefldi undir lok aldarinnar. Kannski kvaddi „klassíska skákin" 20. öldina með þessari viðureign:

Wijk aan Zee 1999:

Garrí Kasparov - Veselin Topalov

Pirc-vörn

1. e4 d6 2. d4 Rf6 3. Rc3 g6 4. Be3 Bg7 5. Dd2 c6 6. f3 b5 7. Rge2 Rbd7 8. Bh6 Bxh6 9. Dxh6 Bb7 10. a3 e5 11. 0-0-0 De7 12. Kb1 a6 13. Rc1 0-0-0 14. Rb3 exd4 15. Hxd4 c5 16. Hd1 Rb6 17. g3 Kb8 18. Ra5 Ba8 19. Bh3 d5 20. Df4+ Ka7 21. Hhe1

Ólíkt því sem menn áttu að venjast hafði Kasparov í raun ekki margt fram að færa í byrjun þessarar skákar. Staðan má heita í jafnvægi.

21.... d4 22. Rd5 Rbxd5 23. exd5 Dd6 24. Hxd4!

Fyrsta sprengjan fellur. Topalov sá atburðarásina fyrir, gat valið 24.... Kb6! sem heldur öllu í horfinu og sennilega gott betur en vildi láta reyna á réttmæti fórnarinnar.

24....cxd4

25. He7+!

Byggir á hugmyndinni 25.... Dxe7 26. Db6+ Bb7 27. Rc6+ Ka8 28. Da7 mát.

25.... Kb6 26. Dxd4 Kxa5 27. b4+ Ka4 28. Dc3! Dxd5 29. Ha7! Bb7

Þvingað þar sem 29.... Hd6 er svarað með 30. Kb1 sem hótar 31. Db3+ og mátar.

30. Hxb7 Dc4 31. Dxf6 Kxa3 32. Dxa6 Kxb4 33. c3+! Kxc3 34. Da1+ Kd2 35. Db2+ Kd1 36. Bf1! Hd2

37. Hd7!!

„Hann er skrímsli með þúsund augu og þau sjá öll." - Tony Miles. Kasparov mun að eigin sögn hafa séð þessa stöðu og þennan leik fyrir er hann lék 24. Hxd4.

37.... Hxd7 38. Bxc4 bxc4 39. Dxh8 Hd3 40. Da8 c3 41. Da4 Ke1 42. f4 f5 43. Kc1 Hd2 44. Da7

- og svartur gafst upp.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 7. apríl 2013.

Skákþættir Morgunblaðsins

Skákþættir Morgunblaðsins | Breytt 17.4.2013 kl. 15:00 | Slóð | Facebook | Athugasemdir (0)

8.4.2013 | 20:00

Skákþáttur Morgunblaðsins: Gelfand kom Magnúsi Carlsen til hjálpar

Hagur Magnúsar Carlsen á áskorendamótinu í London vænkaðist talsvert í 9. umferð þegar helsti keppinautur hans, Armeninn Levon Aronjan tapaði fyrir Boris Gelfand; í sömu umferð lenti Magnús í miklum erfileikum gegn Vladimir Kramnik en tókst að halda jafntefli og hefur ½ vinnings forskot þegar þetta er ritað. Staðan: 1. Carlsen 6 v. ( af 9 ) 2. Aronjan 5 ½ v. 3. Kramnik 5 v. 4. - 5. Gelfand og Grischuk 4 ½ v. 6. Svidler 4 v. 7. Ivantsjúk 3 ½ v. 8.Radjabov 3 v.

Samkvæmt tölfræði sem Jeff Sonas vann eru nú um 75% líkur á því að Magnús vinni mótið og 21% líkur á því að Aronjan vinni. Möguleikar þess síðarnefnda eru þó enn góðir. Verði hann í efsta sæti ásamt Magnúsi þá telst sá sigurvegari sem unnið hefur fleiri skákir. Magnús getur þ.a.l. ekki siglt fleyi sínu í jafnteflishöfn í lokaumferðunum en hann hefur hvítt í þrem skákum af fimm. Elstu keppendurnir í London, Gelfand og Ivantsjúk, hafa náð sér á strik eftir slaka byrjun. Gelfand vann Radjabov í 8. umferð og í næstu umferð gerði hann Magnúsi mikinn greiða er hann lagði Aronjan:

Boris Gelfand - Levon Aronjan

Drottningarbragð

1. d4 Rf6 2. c4 e6 3. Rf3 d5 4. Rc3 Be7 5. Bf4 O-O 6. e3 Rbd7

Þessi leikur hefur aftur tekið yfir sem vinsælasta svarið við Bf4-leiðinni. Á Ol í Novi Sad 1990 í viðureign Sovétríkjanna gegn Íslandi - þeirri síðustu sem Sovétríkin háðu á Ólympíumóti - lék Gelfand 7. Dc2 gegn undirrituðum en velur nú aðra leið.

7. Be2 c6 8. O-O Rh5 9. Be5 f6 10. Bg3 f5 11. Be5 Rhf6 12. h3 Rxe5 13. Rxe5 Rd7 14. f4 Rxe5 15. fxe5 Bg5 16. Dd2 Bd7 17. Hac1 Hc8 18. a3 Kh8 19. b4 Be8 20. Bd3 Hc7 21. Re2!

Vandamál svarts snúast um það hversu þröng staða hans og peðastaða hans er ekki góð með tilliti til endatafls.

21. ... Bh5 22. Rf4 Bxf4 23. exf4 Hd7 24. De3!?

Hann gat lokað taflinu með 24. c5 og opnað síðan línur á drottningarvæng.

24. ... dxc4 25. Bxc4 Hxd4?

Hæpin ákvörðun Sjálfsagt var 24. ... He8 þó hvítur eigi góða möguleika með 25. d5! exd5 26. Bd3 d4 27. Dd2.

26. Bxe6 Bf7 27. Bxf5 Bc4 28. e6 Dd6 29. Hfe1 He8 30. e7 Bf7 31. Hc5 g6 32. Bg4 h5?

Aronjan hefur stundum áður gert sig sekan um að reyna að notfæra sér tímahrak andstæðingsins. Þetta gerir aðeins illt verra og Gelfand lætur tækifærið sér ekki úr greipum ganga. Mun betra var 32. ... Hd3, t.d. 33. De5+ Dxe5 34. Hexe5 a6 og síðan - Kg7 og Kf6 við tækifæri.

33. f5!

Með hugmyndinni 33. .... hxg4 34. Dh6+ Kg8 35. fxg6 Bxg6 35. Hg5 og vinnur.

33. ... Kg7 34. fxg6 Bxg6 35. Bxh5

Einfaldara og betra var 35. Hxh5!; eftir 35. ... Bxh5 36. Bxh5 er svartur bjargarlaus.

35. .... Hd3 36. De5+ Dxe5 37. Hcxe5 Bxh5 38. Hxh5 Hxa3 39. Hf5!

Snjall leikur sem heldur opnum möguleikum á matsókn með tveim hrókum.

39. ... Hd3 40. He4 Hd7 41. Hg4+ Kh6 42. Hf6+ Kh7

42. ... Kh5 virtist kom til greina en eftir 43. Hfg6! Hdxe7 kemur 44. H4g5+ Kh4 45. g3+! Kxh3 46. Hh6 mát.

43. Hf7+ Kh6 44. Hgg7 Hd1 45. Kh2 Hf1 46. Hh7+ Kg6 47. Hhg7+ Kh6 48. Hh7+ Kg6 49. Hfg7+ Kf6 50. h4 Ke6 51. Hg4 Kf5 52. Kg3 He1 53. Hf4+ Ke6 54. h5!

Einfaldast þar sem frípeð hvíts eru komin lengra.

54. ... Hxe7 55. Hxe7 Kxe7 56. Kh4 b6 57. h6 Hh1 58. Kg5 Ke6 59. Kg6 Ke5 60. Hf5+

- og Aronjan gafst upp.

Helgi Ólafsson

helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 1. apríl 2013.

Skákþættir Morgunblaðsins

Skákþættir Morgunblaðsins | Breytt 7.4.2013 kl. 21:14 | Slóð | Facebook | Athugasemdir (0)

7.4.2013 | 21:15

Skákþáttur Morgunblaðsins: Gelfand kom Magnúsi Carlsen til hjálpar

Hagur Magnúsar Carlsen á áskorendamótinu í London vænkaðist talsvert í 9. umferð þegar helsti keppinautur hans, Armeninn Levon Aronjan tapaði fyrir Boris Gelfand; í sömu umferð lenti Magnús í miklum erfileikum gegn Vladimir Kramnik en tókst að halda jafntefli og hefur ½ vinnings forskot þegar þetta er ritað. Staðan: 1. Carlsen 6 v. ( af 9 ) 2. Aronjan 5 ½ v. 3. Kramnik 5 v. 4. - 5. Gelfand og Grischuk 4 ½ v. 6. Svidler 4 v. 7. Ivantsjúk 3 ½ v. 8.Radjabov 3 v.

Samkvæmt tölfræði sem Jeff Sonas vann eru nú um 75% líkur á því að Magnús vinni mótið og 21% líkur á því að Aronjan vinni. Möguleikar þess síðarnefnda eru þó enn góðir. Verði hann í efsta sæti ásamt Magnúsi þá telst sá sigurvegari sem unnið hefur fleiri skákir. Magnús getur þ.a.l. ekki siglt fleyi sínu í jafnteflishöfn í lokaumferðunum en hann hefur hvítt í þrem skákum af fimm. Elstu keppendurnir í London, Gelfand og Ivantsjúk, hafa náð sér á strik eftir slaka byrjun. Gelfand vann Radjabov í 8. umferð og í næstu umferð gerði hann Magnúsi mikinn greiða er hann lagði Aronjan:

Boris Gelfand - Levon Aronjan

Drottningarbragð

1. d4 Rf6 2. c4 e6 3. Rf3 d5 4. Rc3 Be7 5. Bf4 O-O 6. e3 Rbd7

Þessi leikur hefur aftur tekið yfir sem vinsælasta svarið við Bf4-leiðinni. Á Ol í Novi Sad 1990 í viðureign Sovétríkjanna gegn Íslandi - þeirri síðustu sem Sovétríkin háðu á Ólympíumóti - lék Gelfand 7. Dc2 gegn undirrituðum en velur nú aðra leið.

7. Be2 c6 8. O-O Rh5 9. Be5 f6 10. Bg3 f5 11. Be5 Rhf6 12. h3 Rxe5 13. Rxe5 Rd7 14. f4 Rxe5 15. fxe5 Bg5 16. Dd2 Bd7 17. Hac1 Hc8 18. a3 Kh8 19. b4 Be8 20. Bd3 Hc7 21. Re2!

Vandamál svarts snúast um það hversu þröng staða hans og peðastaða hans er ekki góð með tilliti til endatafls.

21. ... Bh5 22. Rf4 Bxf4 23. exf4 Hd7 24. De3!?

Hann gat lokað taflinu með 24. c5 og opnað síðan línur á drottningarvæng.

24. ... dxc4 25. Bxc4 Hxd4?

Hæpin ákvörðun Sjálfsagt var 24. ... He8 þó hvítur eigi góða möguleika með 25. d5! exd5 26. Bd3 d4 27. Dd2.

26. Bxe6 Bf7 27. Bxf5 Bc4 28. e6 Dd6 29. Hfe1 He8 30. e7 Bf7 31. Hc5 g6 32. Bg4 h5?

Aronjan hefur stundum áður gert sig sekan um að reyna að notfæra sér tímahrak andstæðingsins. Þetta gerir aðeins illt verra og Gelfand lætur tækifærið sér ekki úr greipum ganga. Mun betra var 32. ... Hd3, t.d. 33. De5+ Dxe5 34. Hexe5 a6 og síðan - Kg7 og Kf6 við tækifæri.

33. f5!

Með hugmyndinni 33. .... hxg4 34. Dh6+ Kg8 35. fxg6 Bxg6 35. Hg5 og vinnur.

33. ... Kg7 34. fxg6 Bxg6 35. Bxh5

Einfaldara og betra var 35. Hxh5!; eftir 35. ... Bxh5 36. Bxh5 er svartur bjargarlaus.

35. .... Hd3 36. De5+ Dxe5 37. Hcxe5 Bxh5 38. Hxh5 Hxa3 39. Hf5!

Snjall leikur sem heldur opnum möguleikum á matsókn með tveim hrókum.

39. ... Hd3 40. He4 Hd7 41. Hg4+ Kh6 42. Hf6+ Kh7

42. ... Kh5 virtist kom til greina en eftir 43. Hfg6! Hdxe7 kemur 44. H4g5+ Kh4 45. g3+! Kxh3 46. Hh6 mát.

43. Hf7+ Kh6 44. Hgg7 Hd1 45. Kh2 Hf1 46. Hh7+ Kg6 47. Hhg7+ Kh6 48. Hh7+ Kg6 49. Hfg7+ Kf6 50. h4 Ke6 51. Hg4 Kf5 52. Kg3 He1 53. Hf4+ Ke6 54. h5!

Einfaldast þar sem frípeð hvíts eru komin lengra.

54. ... Hxe7 55. Hxe7 Kxe7 56. Kh4 b6 57. h6 Hh1 58. Kg5 Ke6 59. Kg6 Ke5 60. Hf5+

- og Aronjan gafst upp.

Helgi Ólafsson

helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 1. apríl 2013.

Skákþættir Morgunblaðsins

Skákþættir Morgunblaðsins | Slóð | Facebook | Athugasemdir (0)

31.3.2013 | 20:00

Skákþáttur Morgunblaðsins: Aronjan er helsti keppinautur Magnúsar Carlsen

Áskorendamótið í London hefur þróast eins og búist var við; Magnús Carlsen, sem BBC kallaði „Justin Bieber skákarinnar" og á öðrum stað er nefndur „David Beckham skákarinnar," er í efsta sæti eftir fimm umferðir en hann deilir því sæti með Armenanum Levon Aronjan. Það sem veldur aðdáendum Norðmannsins hinsvegar áhyggjum er hversu farsæll Aronjan hefur verið; Armeninn slapp með jafntefli eftir mikla erfiðleika gegn Kramnik í fimmtu umferð og miðað við stöðurnar sem hann er að fá upp eftir byrjunina eða í miðtaflinu virðist hann alltaf fá hámarks útkomu úr hverri viðureign. Kasparov hefur látið svo um mælt að Aronjan sé stórhættulegur keppinautur Norðmannsins og minnti á að liðin eru 50 ár frá því að Armeninn Tigran Vartan Petrosjan varð heimsmeistari eftir einvígi við Mikhael Botvinnik. Einn þekktasti stórmeistari Breta, stærðfræðingurinn John Nunn, taldi að úrslit mótsins myndu ráðast í lokaumferðinni. Staðan fyrir baráttu þessarar helgar en þá lýkur fyrri umferðinni af tveimur er þannig:

1.-2. Carlsen og Aronjan 4½ v. (af 6) 3.-4. Svidler og Kramnik 3. v. 5.-6. Radjabov og Grischuk 2½ v. 7.-8. Gelfand og Ivantsjúk 2. v. Sennilega má afskrifa alla aðra en tvo efstu hvað varðar baráttuna um efsta sætið. Kramnik ætlar sér þó örugglega stóra hluti en hefur enn ekki komist úr jafnteflisgírnum. Enginn er að tala um Peter Svidler og kannski kemur tími Hr. X á vettvangi heimsmeistarakeppninnar. Aronjan hóf mótið með sigri yfir áskorenda Anands frá því í Moskvu sl. vor í skák sem hér fer á eftir:

Áskorendamótið í London; 1. umferð:

Lev Aronjan - Boris Gelfand

Grunfelds vörn

1. Rf3 c5 2. c4 Rc6 3. Rc3 g6 4. e3 Rf6 5. d4 cxd4 6. exd4 d5 7. cxd5 Rxd5 8. Db3 Rxc3 9. Bc4!

Snjall millileikur sem kom fyrir í fyrra heimsmeistaraeinvígi Spasskí og Petrosjan árið 1966. En Gelfand hefur fengið þetta á sig áður og er öllum hnútum kunnugur.

9.... Rd5

Petrosjan lék 9.... e6 og eftir 10. bxc3 Bg7 11. Ba3 ætluðu menn vart vatni að halda af hrifningu yfir svarleiknum, 11..... Bf8. Nú er vitað að hvítur heldur þægilegu frumkvæði með 12. 0-0, t.d. 12.... Bxa3 13. Dxa3 De7 14. Dc1 o.s.frv. Í stað 10.... Bg7 má reyna 10.... Bd7.

10. Bxd5 e6 11. Bxc6 bxc6 12. 0-0 Be7 13. Be3 Dd5 14. Hfc1 Dxb3 15. axb3 Bb7 16. Re5 0-0 17. Ha4 Hfd8 18. Rc4 Bf6 19. Ra5 Hd7 20. Hb4 Ba6 21. Rxc6 Hb7 22. h3 Kg7 23. Hxb7 Bxb7 24. Re5 Bd8

Ekki slæmt en undirbýr samt tapleikinn. Eftir 24.... Hc8 á svarturgóða möguleika á að ná jafntefli.

25. b4 Hc8?

Svartur ætti að halda velli með 25....Bd5 eða 25.... Bb6. En nú kemur óvæntur leikur.

26. Bh6+! Kg8 27. Hxc8 Bxc8 28. Rc6! Bf6 29. b5!

Alls ekki 29. Rxa7 Bb7 30. Be3 Kf8 o.s.frv.

29.... Bd7 30. g4!

Sigurleikurinn sem afhjúpar leyndarmál margra endatafla; að oft er hægt að spinna mátnet í einföldum stöðum. Nú gengur ekki 30.... a6 vegna 31. g5! Bh8 32. Re7 mát eða 31.... axb5 32. Rb8! og vinnur mann.

30.... g5 31. h4! gxh4 32. g5 Bxc6 33. bxc6 Bd8

Það lá alltaf fyrir að þetta væri vonlaust þar sem svarti kóngurinn er lokaður inni.

34. Kg2 Bc7 35. Kh3

- eftir að h4-peðið fellur hraðar kóngurinn sér yfir á drottningarvænginn. Við þeirri áætlun er ekkert svar.

Helgi Ólafsson

helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 24. mars 2013.

Skákþættir Morgunblaðsins

Skákþættir Morgunblaðsins | Breytt 25.3.2013 kl. 10:27 | Slóð | Facebook | Athugasemdir (0)

24.3.2013 | 20:00

Skákþáttur Morgunblaðsins: Allra augu beinast að Magnúsi Carlsen

Magnús Carlsen er sigurstranglegasti keppandinn í áskorendamótinu sem hófst á föstudaginn í London. Átta stórmeistarar tefla tvöfalda umferð og sigurvegarinn öðlast rétt til að skora á heimsmeistarann Anand. Magnús er nálega 100 elo-stigum hærri en Anand, og fara þarf aftur til ársins 1971 til að finna jafn mikinn stigamun á heimsmeistara og áskoranda sem þá var Bobby Fischer. Aðstaða Magnúsar nú er ekki ósvipuð þeirri sem Fischer var í á karabísku eyjunni Curacao árið 1962 þegar átta skákmenn tefldu fjórfalda umferð og megnið af andstæðingum hans voru „Rússar". Eftirmálar þess móts kristölluðust í frægu viðtali Fischers við Sports Illustrated: „Rússarnir svindla í skák". Áskorendakeppninni var þá breytt og tekið upp einvígisfyrirkomulag. Þó „dreifðir" séu í dag eru aðrir keppendur en Magnús frá gömlu Sovétlýðveldum: Armeninn Aronjan, Rússarnir Kramnik, Svidler og Gritsjúk, Hvítrússinn Gelfand sem teflir í dag fyrir Ísrael, Úkraínumaðurinn Ivantsjúk og Aserinn Radjabov.

David Bronstein vann réttinn til að skora á Botvinnik heimsmeistara eftir fyrsta áskorendamótið í Búdapest árið 1950. Aðrir sigurvegarar þessara móta fram til ársins ´62 voru Smyslov, Tal og Petrosjan. Magnús Carlsen er fyrsti Norðurlandabúinn sem á raunhæfa möguleika á heimsmeistaratitlinum. Bent Larsen hefði sennilega mótmælt þessari fullyrðingu. Af 100 síðustu kappskákum sem Magnús hefur teflt hefur hann tapað einni. Hann virðist ekki reiða sig mikið á tölvuundirbúning og kemur andstæðingum yfirleitt hressilega á óvart í byrjun tafls. Aðalstyrkur hans liggur í frábærri endataflstækni og miklum sigurvilja. Frægð hans í Noregi og víðar jókst gífurlega þegar Magnús kom Íslands árið 2004, gæddi sér á hnetum og drakk appelsínusafa á Reykjavíkurmótinu og síðan á „Reykjavik rapid" í Sjálfstæðishúsinu við Austurvöll. Myndefni frá viðureignum hans við Kasparov og Karpov er iðulega notað í umfjöllun um afrek hans í þáttagerð t.a.m. „60 Minutes". Hæfileikar hans voru þá á allra vitorði en á Aeroflot-mótinu nokkrum vikum fyrr lagði hann einn fremsta stórmeistara Rússa í aðeins 19 leikjum. Leikandi léttur stíll hans í þessari minnti á eitt frægasta undrabarn skáksögunnar, Paul Morphy:

Magnús Carlsen - Sergei Dolmatov

Hollensk vörn

1. Rf3 f5 2. d3!

Skynsamlega leikið gegn Dolmatov sem þekkti allar hefðbundnar leiðir út og inn.

2. ... d6 3. e4 e5 4. Rc3 Rc6 5. exf5 Bf5 6. d4 Rxd4

Opnar taflið fullmikið en Dolmatov gast ekki að 6. ... e4 7. Rg5 o.s,frv.

7. Rxd4 exd4 8. Dxd4 Rf6 9. Bc4 c6 10. Bg5 b5 11. Bb3 Be7 12. O-O-O Dd7 13. Hhe1

Þetta er allt saman afar einfalt - alveg eins og hjá Morphy!

13. ... Kd8

Löng hrókun, 13. .... O-O-O blasti við en eftir 14. g4! Bxg4 15. Hxe7 Dxe7 16. Dxg4+! er hvíta staðan gjörunnin.

- Sjá stöðumynd -

14. Hxe7! Dxe7

Eða 14. ... Kxe7 15. He1+ ásamt 16. Bxf6 o.s.frv.

15. Df4! Bd7 16. Re4! d5

Dolmatov gat líka reynt 16. ... Hf8 17. Rxd6 h6 en hvítur vinnur með 18. Db4! a5 19. Dc5 Ha6 20. Rb7+ Ke8 21. Dxe7! Kxe7 22. He1+.

17. Rxf6 h6 18. Bh4 g5 19. Dd4!

- og Dolmatov gafst upp. Hann gat reynt 19. ... Hf8 en taldi stöðu sína vonlausa eftir 20. Rxd5 cxd5 21. Dxd5 ( eða 21. Bxd5 ) Hc8 22. Bg3 o.s.frv.

Helgi Ólafsson

helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 17. mars 2013.

Skákþættir Morgunblaðsins

Skákþættir Morgunblaðsins | Breytt s.d. kl. 20:33 | Slóð | Facebook | Athugasemdir (0)

17.3.2013 | 20:00

Skákþáttur Morgunblaðsins: Víkingaklúbburinn er Íslandsmeistari skákfélaga

Víkingaklúbburinn, félagsskapur sem stofnaður var í kringum „víkingaskák", er Íslandsmeistari skákfélaga eftir harða baráttu í Hörpunni um síðustu helgi. Víkingaskák hefur aldrei náð mikilli útbreiðslu en komst í fréttirnar við slit „einvígis aldarinnar" 1972 þegar þeim Fischer og Spasskí var gefið sitt eintakið hvorum af taflinu. Forsprakkar Víkingaklúbbsins eru kunnir meistarar, Gunnar Freyr Rúnarsson og Davíð Kjartansson og halda þeir tryggð við stofnskrána sem höfundur víkingaskákarinnar, Magnús Ólafsson, samdi.

Þegar Magnús lést lét hann eftir sig umtalsverðar eignir sem m.a. renna til þátttöku Víkingaklúbbsins á Íslandsmóti skákfélaga. Sigurliðið sem hlaut 41 ½ vinning af 56 mögulegum var skipað Úkraínumanninum Pavel Eljanov, Pólverjunum Bartosz Socko, Gregorz Gajewskii og Marcin Dziuba og Hannesi Hlífar Stefánssyni, Stefáni Kristjánssyni, Birni Þorfinnssyni og Magnúsi Erni Úlfarssyni. Átta lið kepptu í efstu deild og varð Taflfélag Reykjavíkur í 2. sæti með 38 vinninga, Skákfélag Bolungarvíkur í 3. sæti með 3 6 ½ vinning og Taflfélag Vestmanneyja í 4. sæti með 34 ½ vinning. Þessi fjögur lið héldu öll möguleikum á sigri fram á lokadag keppninnar.

Í 2. deild sigraði Goðinn-Mátar, b-sveit, í 3. deild b-sveit Víkingaklúbbsins og í 4. deild Bridsfjelagið. Um 400 skákmenn tefldu í Hörpunni um helgina og lauk þar magnaðri skákveislu í stórkostlegum húsakynnum.

Óvæntustu úrslit mótsins voru þegar Andri Áss Grétarsson vann Jóhann Hjartarson. Skákir úr Íslandsmótinu liggja enn ekki fyrir en af mörgu er að taka frá Reykjavíkurskákmótinu. Eins og fram hefur komið náði Hannes Hlífar sér vel á strik og vann marga góða sigra. Hann lagði t.a.m. félaga sinn úr Víkingaklúbbnum í áttundu umferð:

29. Reykjavíkurskákmótið 2013:

Hannes Hlífar Stefánsson - Bartosz Socko (Pólland)

Spænskur leikur

1. e4 e5 2. Rf3 Rc6 3. Bb5 a6 4. Bxc6

Uppskiptaafbrigði Spænska leiksins. Hannes tefldi síðast gegn því á Reykjavíkurmótinu 2010.

5. ... dxc6 5. O-O Dd6 6. Ra3 b5 7. c3 c5 8. Rc2 Bb7 9. a4

Tiltölulega máttlaus leikur en 9. d4 sem er algengast gefur heldur ekki mikið.

9. ... Rf6 10. axb5 axb5 11. Hxa8 Bxa8 12. Ra3 Bxe4 13. Rxb5 Dc6 14. Ra3 Bd6 15. Rc4 Bxf3 16. Dxf3 Dxf3 17. gxf3 Kd7 18. He1 Ha8!?

Byggir á hugmyndinni 19. Rxe5+ Bxe5 20. Hxe5 Ha1 21. He1 c4! o.s.frv.

19. d3 Ha1 20. Kf1 Rd5 21. Ke2 Ha8 22. Kd2 f6 23. Kc2 h5 24. Be3 g5

Vinningsmöguleikar svarts eru aðeins betri í þessari stöðu því peðin á kóngsvæng gefa ýmsa möguleika.

25. Rd2 g4 26. Re4 Kc6 27. Bd2 Hf8 28. Rg3 gxf3 29. c4 Rf4 30. Rf5

30. Bxf4 exf4 31. Rxh5 kom til greina en eftir 31. .. Be5 er riddarinn á villigötum.

30. ... Re2 31. Rh4 Rd4 32. Kd1 Ha8 33. Bc3 Re2 34. Rxf3 Rxc3 35. bxc3 Ha3 36. Kd2 Ha2 37. Ke3 f5 38. Hg1 Hc2 39. Hg6 Kd7 40. Hf6 f4 41. Ke4 Hxf2 42. Rxe5 Ke7 43. Kf5 f3

-sjá stöðumynd-

44. h4??

Það er ekki útilokað að Socko hafi talið sig getað teflt til vinnings í þessari stöðu. Jafntefli og ekkert meira var að fá með 44. Rg6+ Kd7 45. Ke4 o.s.frv.

44. ... Bxe5 45. He6+ Kf7 46. Hxe5 He2!

- Laglegur hnykkur í lokin. Socko gafst upp þar sem hann ræður ekki við f-peðið, t.d. 47. Hf6+ Ke7 48. Kg5 He5+ 49. Kg6 He6 með uppskiptum á hrókum.

Helgi Ólafsson

helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 10. mars 2013.

Skákþættir Morgunblaðsins

Skákþættir Morgunblaðsins | Breytt 11.3.2013 kl. 20:55 | Slóð | Facebook | Athugasemdir (0)

10.3.2013 | 20:00

Skákþáttur Morgunblaðsins: Glæsilegt Reykjavíkurskákmót

Úkraínumaðurinn Pavel Eljanov, Filippseyingurinn Wesley So og Bassem Amin frá Egyptalandi eru sigurvegarar 29. Reykjavíkurskákmótsins sem lauk í Hörpu á miðvikudaginn. Þeir hlutu 8 vinninga af 10 mögulegum en með 7 ½ vinning komu kempur á borð við Giri, Cheparinov, Yi Wei, Liren Ding, Sokolov, Jones, Dziuba og Morowitzch. Samkvæmt nýrri úthlutunarreglu, kenndri við Tékkann Vlastimil Hort, hlaut Eljanov hæstu verðlaunin en frammistaða hans reiknast upp á 2799 elo-stig. Hann vann bæði Cheparinov og Kínverjann Liren Ding.

Af frammistöðu okkar bestu manna í móti ber hæst að Hannes Hlífar Stefánsson náði sér vel á strik. Hann tapaði að vísu fremur klaufalega fyrir Ivan Sokolov í lokaumferðinni en tefldi margar góðar skákir og hlaut 6 ½ vinning. Guðmundur Kjartansson, Þröstur Þórhallsson og Hjörvar Steinn Grétarsson áttu góða spretti; þegar stutt var eftir þurfti Hjörvar að vinna Guramashvili frá Georgíu sem hann átti að hafa í fullu tré við. Undir var lokaáfangi að stórmeistaratitli en byrjunartaktík Hjörvars í þessari mikilvægu skák var ekki góð og hann tapaði.

Margir ungir skákmenn og konur stóðu sig vel. Má þar nefna landsliðskonurnar Hallgerði Helgu Þorsteinsdóttur og Tinnu Kristínu Finnbogadóttur, Akureyringana Jón Kristin Þorgeirsson og Símon Þórhallsson, Eyjamanninn Nökkva Sverrisson, Daða Ómarsson, Dag Ragnarsson, Jón Trausta Harðarson, Nansý Davíðsdóttur og ýmsa aðra.

Stóri innlendi sigurvegarinn var mótið sjálft, sem fram fór við frábærar aðstæður í Hörpunni. Tæknibúnaður er mikill og flókinn en sú deild var vel mönnuð. Gagnrýna mætti þó aðstæður áhorfenda en sýningarborðum þarf að fjölga. Þá liggur fyrir að hið mikla styrkleikabil milli keppenda gerir mótið ekki sérlega „áfangavænt". Yfirumsjón var í höndum Gunnars Björnssonar, forseta SÍ, en stefnan er að fjölga enn meira erlendum keppendum á næsta móti, sem jafnframt er 50 ára afmælismót.

Siurvegarinn Wesley So er besti skákmaður Filippseyinga í dag og augljóslega afar hæfileikaríkur skákmaður, aðeins tvítugur að aldri en árangur hans var uppá 2753 elo-stig. Hann fór létt með að vinna Pólverjann Dziuba í 9. umferð:

Wesley So _ Marcin Dziuba

Caro Kann

1. e4 c6 2. d4 d5 3. e5 Bf5 4. Rf3 e6 5. Be2 Re7

Einn af fjölmörgum leikjum sem til greina koma en 5. ... c5 er algengast, t.d. 6. Be3 cxd4 7. Rxd4 Re7.

6. O-O c5 7. c4 Rbc6 8. Ra3 dxc4 9. Rxc4 Rd5 10. Bg5 Dd7 11. Hc1 h6 12. Be3!

Góður staður fyrir biskupinn. Hann hyggst svara 12. ... Rxe3 með 13. Rxe3 cxd4 14. Rxf5 exf5 15. Bb5 o.s.frv.

12. ... b5 13. Ra3 a6 14. dxc5 Be4 15. Rc2 Rxe3 16. Rxe3 Be7 17. a4 Db7 18. Rd2 Hd8 19. axb5 axb5 20. Rxe4!

Hárrétt ákvörðun. Hvítur fær nægar bætur fyrir drottninguna: hrók, léttan og frípeð.

20. ... Hxd1 21. Hfxd1 Rxe5 22. c6! Dc7

Ekki 22. ... Rxc6 vegna 23. Bf3! og vinnur riddarann.

23. Bxb5 O-O 24. Rc4 Bd8?

Meira hald var í 24. ... f5.

25. Rc5 Rxc4 26. Hxc4 De5 27. Hc2 Bc7 28. g3 Hb8 29. Ba4 Ha8 30. b4 Df5 31. Hdc1 h5 32. Bb5 Bb6 33. Bf1 h4 34. Rd7 Bd4 35. c7 Hc8 36. Hd2 hxg3 37. hxg3 Dg5?

Hér mátti enn verjast með 37. ... Ba7.

38. Hxd4! Dxc1 39. Rf6+!

Glæsilegur lokahnykkur.

39. ... Kf8

Eða 39. ... gxf6 40. Hd8+ Kg8 41. Hxc8 ásamt 42. b5 sem vinnur létt.

40. Hd8+ Ke7 41. Rg8 mát!

Helgi Ólafsson

helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 3. mars 2013.

Skákþættir Morgunblaðsins

Skákþættir Morgunblaðsins | Breytt s.d. kl. 20:43 | Slóð | Facebook | Athugasemdir (0)

24.2.2013 | 23:52

Skákþáttur Morgunblaðsins: Krakkar hafa öðruvísi smekk

Þeir sem fást við þjálfun barna og unglinga eru stundum minntir á að fræðin sem haldið er að börnum eru ekki höggvin í stein og að „...krakkar hafa öðruvísi smekk," eins og Nansý Davíðsdóttir orðaði það þegar við vorum að skoða stöðu, sem upp kom á Norðurlandamóti barna og unglinga á Bifröst í Borgarfirði, og einhverri uppástungu undirritaðs var svarað með þessum hætti.

Á skákmótum sem þessum getur samspil ótal óvæntra þátta haft afgerandi áhrif á lokaniðurstöðuna. Það sást best í einni af úrslitaviðureignum mótsins þegar Hilmir Freyr Heimisson vann Færeyinginn Janus Skaale í lokaumferðinni og tryggði íslenska liðinu Norðurlandameistaratitilinn. Fyrirfram áttum við kannski von a sigri Hilmis en þegar fram í sótti snerist taflið honum í óhag og þegar engar raunhæfar forsendur voru fyrir vinningstilraunum, nema auðvitað einbeittur sigurvilji og óundirritað „samkomulag" keppenda um að Hilmir væri betri. Burtséð frá stöðunni á taflborðinu hlaut hann að tefla til vinnings! Hann hafði sigur að lokum og lokastaðan var þessi: 1. Ísland 36 ½ v. 2. Danmörk 35 ½ v. 3. Svíþjóð 33 ½ 4. Noregur 31 ½ v. 5. Finnland 29 ½ v. 6. Færeyjar 12 ½ v. Þetta var góður sigur fyrir íslenskt skáklíf en skákkennsla er þessa dagana á góðri siglingu hjá Dönum, Norðmönnum og Svíum. Skipulag þessa móts hvíldi á herðum Páls Sigurðssnar, Stefáns Bergssonar og Omars Salama. Framkvæmdin öll var til fyrirmyndar enda vanir menn þarna á ferð.

Fyrir lokaumferðina var ljóst að gull og silfur var tryggt í yngsta flokknum, Vignir Vatnar Stefánsson vann lokaskák sína örugglega og fékk gullið því Nansý Davíðsdóttir tapaði og varð að gera sér silfur að góðu. Við fengum svo bronsverðlaun í þrem flokkum, Rimaskólastrákarnir Dagur Ragnarsson, Oliver Aron Jóhannsson og Jón Trausti Harðarson komu sterkir til leiks, hver þeirra hlaut 3 ½ vinning, en aðeins Oliver Aron vann til verðlauna. Jón Trausti hækkaði hinsvegar mest allra á stigum og tefldi margar afar athyglisverðar skakir. Í elsta aldursflokknum hlaut Mikael Jóhann bronsið og í þeim næstyngsta flokknum náði Dawid Kolka sér vel á strik og vann til bronsverðlauna þrátt fyrir tap í fyrstu umferð. Honum virtist aukast styrkur með hverri umferð:

NM 2013; 3. umferð:

Dawid Kolka - Anastasia Nazarova ( Svíþjóð )

Frönsk vörn

1. e4 e6 2. d4 d5 3. Rd2 Be7

Vinsæll leikur gegn Tartakower-afbrigðinu.

4. Rgf3 Rf6 5. Bd3 O-O 6. c3 c5 7. O-O Rc6 8. e5 Rd7 9. He1!

Valdar d4-peðið óbeint og rýmir f1-reitinn.

9. ... Db6 10. Rf1 cxd4 11. cxd4 Kh8 12. Bc2 f6 13. exf6 Rxf6 14. h3 Bd7 15. a3!

Annar fyrirbyggjandi leikur.

15. ... Hac8 16. Hb1 Ra5 17. Re3 Hc7 18. Bd2 Hfc8 19. Bc3 Bb5? 20. Rg5!

Nazarova hefði betur sleppt 19. leik sínum.

20. ... Bd7

Nær að verjast tveimur hótunum en ekki þeirri þriðju.

( Sjá stöðumynd. )

21. Rxh7! Be8

Eftir 21. ... Rxh7 kemur 22. Dh5 og vinnur.

22. Rxf6 Bxf6 23. Dd2

23. Rxd5! er beittara, t.d. 23. ... exd5 24. Hxe8+! Hxe8 25. Dh5 og mát í næsta leik.

23. ... Rc6 24. Hbd1 a6 25. Bb1 Da7 26. Rg4 Rd8 27. Rxf6 gxf6 28. Dh6+ Kg8 29. Hd3 Hg7 30. Hee3 Hcc7 31. Hg3 b5 32. Ba5 Hcf7 33. Bxd8 f5 34. Bf6 f4 35. Hxg7 Hxg7 36. Bxg7

- og Nazarova gafst upp.

Helgi Ólafsson

helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 17. febrúar 2013.

Skákþættir Morgunblaðsins

Skákþættir Morgunblaðsins | Breytt s.d. kl. 23:55 | Slóð | Facebook | Athugasemdir (0)

17.2.2013 | 20:00

Skákþáttur Morgunblaðsins: Hugsaði lengi í þekktri stöðu

Ekki veit ég hvaðan Jóhann Hjartarson fékk skákhæfileikana en það nægir kannski að nefna að Þórarinn Sigþórsson tannlæknir er frændi hans. Forfeður þeirra í Borgarfirðinum voru bændur góðir og miklir spilamenn. Þegar Jóhann, sem varð fimmtugur þann 8. febrúar, tók sín fyrstu skref í skákinni í TR þótti nú ekkert fyrirtak hve drengurinn grautaði í mörgum byrjunum. Ingvar Ásmundsson var hins vegar fljótur að benda á að pilturinn hefði gott handbragð og að stíll hans væri í mótun. Jóhann varð Íslandsmeistari 17 ára gamall vorið 1980 og var yfirburðamaður á unglingamótum heima og erlendis. Í ársbyrjun 1984 var hann búinn að ná utan um hina miklu „efnisskrá" sína og frábærar hugmyndir streymdu fram. Hann byrjaði það ár með því að vinna alþjóðlegt mót Búnaðarbankans, síðan efstur við þriðja mann á Reykjavíkurskákmótinu og Íslandsmeistari um haustið. Minnisstætt atvik úr síðustu umferð Reykjavíkurskákmótsins 1984: Efim Geller, þessi samanrekni hnefi frá Odessa, hugsaði lengi í þekktri stöðu Spænska leiksins: nú hikaði hann við að leika því sem fræðin mæltu með. Næm skynjun eða eðlislæg tortryggni? Altént vék Geller frá alfaraleið og jafntefli varð niðurstaðan. Jóhann var raunar vopnaður áætlun sem kollvarpaði hugmyndum manna um þessa stöðu. Eftir mótahrinu þessa árs kom stórmeistaratitillinn af sjálfu sér árið 1985, glæsileg taflmennska í London og á ÓL í Dubai haustið 1986, síðan fleytti annað sæti á svæðamóti í Gausdal í vetrarbyrjun 1987 honum á millisvæðamótið í Szirak með millilendingu á sterku móti í Moskvu.

„Hann tefldi frábærlega í Szirak," sagði Tal. Jóhann hlaut 12 ½ v. af 17 og varð í 1.-2. sæti ásamt Valeri Salov. Án efa mesti mótasigur íslenska skákmanns. Einvígi hans við Kortsnoj í Saint John í Kanada í ársbyrjun 1988 bauð upp á eitt mesta fjölmiðlafár íslenskrar skáksögu, hersing blaðamanna og beinar útsendingar. Sigur Jóhanns var verðskuldaður en margir sáu Kortsnoj í nýju ljósi eftir þá rimmu.

Á Evrópumóti landsliða í Ungverjalandi árið 1992 vann Jóhann silfur fyrir frammistöðu sína á 1. borði, hlaut 6 vinninga af átta mögulegum. Sigur hans í keppni við Armena, sem lauk 2:2, er gott dæmi um færni hans í hægfara stöðubaráttu. Tilfæringar riddarans frá b6 eru eftirminnilegur þáttur þessarar vel tefldu skákar:

Rafael Vaganian - Jóhann Hjartarson

Grünfelds-vörn

1. Rf3 Rf6 2. c4 g6 3. d4 Bg7 4. g3 O-O 5. Bg2 c6 6. O-O d5 7. cxd5 cxd5 8. Rc3 Rc6 9. Re5 Bf5 10. Rxc6 bxc6 11. Bf4 Rd7 12. Ra4 Da5 13. b3 Rb6 14. Bd2 Db5 15. Rc3 Da6 16. Be3 Had8 17. Dd2 c5 18. Hfd1 c4 19. b4? Da3!

Skorðar a2-peðið. „Drottningin er lélegur „blokkerari," sagði Nimzowitch - frá því eru undantekningar!

20. b5 a6 21. bxa6 Hd7 22. h3 h5 23. a7 Dxa7 24. a4 Da5 25. Ha2 Hfd8 26. Hda1 Rc8 27. Hb2 Ra7 28. f4 Rc6 29. Bf2 Da7 30. Hd1 Ra5 31. e3 e6 32. De2 Bd3 33. Df3 Hb7 34. Hb5 Hxb5 35. axb5 Rb3 36. g4 hxg4 37. hxg4 Da5 38. Be1

Vaganian var algerlega yfirspilaður, ekki gekk 38. Re2 vegna 38. .... d2 og vinnur.

38. ... Rxd4! 39. Dh3 Rc2 40. Rxd5 Da3! 41. Dh4 Hxd5 42. Bxd5 exd5 43. Dd8+ Bf8 44. Bf2 Db3 45. b6 Rd4 46. Ha1 Db2 47. Ha8 Re6 48. Dh4 c3 49. Df6 De2 50. Ha1 Dxg4+ 51. Kh2 Be4

- og Vaganian gafst upp.

Helgi Ólafsson

helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 10. febrúar 2013.

Skákþættir Morgunblaðsins

Skákþættir Morgunblaðsins | Breytt 9.2.2013 kl. 11:19 | Slóð | Facebook | Athugasemdir (0)

Færsluflokkur: Skákþættir Morgunblaðsins

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: