Skákþáttur Morgunblaðsins: Bjargar heimavöllurinn Anand?

Úrslit tveggja stórmóta, í Stafangri annarsvegar og á minningarmótinu um Mikhael Tal í Moskvu hinsvegar, benda í þá átt að í heimsmeistaraeinvígi Anands og Magnúsar Carlsen, sem hefst 6. nóvember nk. í heimaborg Anands Chennai á Indlandi, liggi helsta von Anands um titilvörn í þeirri staðreynd að hann teflir á heimavelli. Að FIDE skuli einhliða og án samráðs við áskorandann hafi ákveðið þennan keppnisstað hefur verið gagnrýnt en Anand hefur sér til málsbóta að hann tefldi heimsmeistaraeinvígi sitt við Venselin Topalov vorið 2010 á heimavelli Búlgarans.

Á mótinu Stafangri sem lauk upp úr miðjum maímánuði varð Magnús í 2.-3. sæti með 5½ vinning, ½ vinningi á eftir sigurvegaranum Sergei Karjakin. Anand hlaut 5 vinninga og varð í 4.-6. sæti en á minningarmótinu um Tal sem lauk í Moskvu á dögunum fékk Magnús sömu niðurstöðu, varð í 2.-4. sæti með 5½ vinning. Flestum á óvart sigraði hinn 45 ára gamli Ísraelsmaður Boris Gelfand, en heimsmeistarinn tók mikla dýfu, fékk 3½ vinning úr 9 skákum og varð í 8.-9. sæti af tíu keppendum. Þau skipti í skáksögunni er heimsmeistari hefur fengið undir 50% vinningshlutfall á skákmóti eru teljandi á fingrum annarrar handar. Anand lét uppskátt eftir Tal-mótið að hann myndi næstu mánuðina einbeita sér að undirbúningi fyrir einvígið í nóvember. Hann hefur alltaf komið vel undirbúinn fyrir þau einvígi sem hann hefur háð og ekki vanmeta þann þátt sem snýr að aðstæðum. Við komu til Indlands í fyrsta skipti steypist yfir margan ferðalanginn mikið „kúltúrsjokk". Þeir munu tefla 12 skákir. Verði jafnt er gripið til skáka með styttri umhugsunartíma.

Á minningarmótinu um Tal töpuðu þeir báðir fyrir Ítalanum Fabiano Caruana og höfðu báðir hvítt! Innbyrðis viðurreign þeirra fór fram í fimmtu umferð:

Magnús Carlsen - Wisvanathan Anand

Nimzoindversk vörn

1. d4 Rf6 2. c4 e6 3. Rc3 Bb4 4. e3 0-0 5. Rge2

Þetta afbrigði sem kennt er við Pólverjann Rubinstein hefur að markmiði að koma í veg fyrir veikleika eftir línunni og minnir fremur á vinsæl afbrigði drottningarbragðs.

5. ... d5 6. a3 Be7 7. cxd5 Rxd5 8. Bd2 Rd7 9. g3 b6 10. Rxd5 exd5 11. Bg2 Bb7 12. Bb4!? Rf6

Bæði hér og síðar gat svartur tekið á sig „hangandi peðin" með leikvinningi, 12. ... c5 13. dxc5 bxc5 14. Bc3. Þetta var sennilega besti kostur svarts og einkennilegt að Anand skyldi ekki hafa valið hann. Lakara er hinsvegar 12. ... Bxb4 13. axb4 með þrýstingi á drottningarvæng.

13. 0-0 He8 14. Hc1 c6 15. Bxe7 Hxe7 16. He1 Dd6 17. Rf4 Bc8?

Þessi liðsskipan biskups og hróks tekur alltof langan tíma. Sennilega hefur Anandn ekki séð fyrir eða vanmetið 19. leik hvíts.

18. Da4 Hc7 19. f3! Be6 20. e4 dxe4

Anand veit ekki sitt rjúkandi ráð, 20. ... c5 með hugmyndinni 21. e5 Dd7 var reynandi en dugar þó skammt, eftir 21. dxc5 Hxc5 22. Hcd1! o.s.frv. er svartur í miklum vandræðum.

21. fxe4 Dd7 22. d5! cxd5 23. Dxd7 Hxd7 24. Rxe6 fxe6

25. Bh3!

Vinnur. Svarta staðan hrynur eftir þennan öfluga biskupsleik.

25. ... Kh8 26. e5 Rg8 27. Bxe6 Hdd8 28. Hc7 d4 29. Bd7!

- og Anand lagði niður vopnin. Framhaldið gæti orðið 29. ... Re7 30. Hd1 Rg6 31. e6 Re5 32. Kg2 og vinnur létt.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 7. júlí 2013

Skákþættir Morgunblaðsins

[Event "Tal Memorial"] [Site "Moscow RUS"] [Date "2013.06.18"] [EventDate "2013.06.13"] [Round "5"] [Result "1-0"] [White "Magnus Carlsen"] [Black "Viswanathan Anand"] [ECO "E46"] [WhiteElo "2864"] [BlackElo "2786"] [PlyCount "57"] 1. d4 Nf6 2. c4 e6 3. Nc3 Bb4 4. e3 O-O 5. Nge2 d5 6. a3 Be7 7. cxd5 Nxd5 8. Bd2 Nd7 9. g3 b6 10. Nxd5 exd5 11. Bg2 Bb7 12. Bb4 Nf6 13. O-O Re8 14. Rc1 c6 15. Bxe7 Rxe7 16. Re1 Qd6 17. Nf4 Bc8 18. Qa4 Rc7 19. f3 Be6 20. e4 dxe4 21. fxe4 Qd7 22. d5 cxd5 23. Qxd7 Rxd7 24. Nxe6 fxe6 25. Bh3 Kh8 26. e5 Ng8 27. Bxe6 Rdd8 28. Rc7 d4 29. Bd7 1-0

Skákþáttur Morgunblaðsins: Hemmi Gunn og skákin

Fáir greiddu götu listamanna betur en Hermann Gunnarsson. Það var eins og rauður þráður í starfi hans og kom sennilega best fram í þáttunum „Á tali" þar sem alltaf var opið fyrir nýja og ferska krafta. Við fráfall hans er vert minnast þáttar Hemma við að auka hlut skákarinnar í sjónvarpi. Uppúr 1990 þegar undirritaður var að bera fram hugmyndir um skák-útsendingar hjá RÚV hitti ég Hermann á göngum sjónvarpsins og hann bauð strax fram aðstoð sína. Útsendingar frá úrslitum At-skákmóts Íslands fóru fram árum saman hjá RÚV og einnig á Stöð 2, SÝN og Skjá 1. Með hjálp kostunaraðila voru síðar fengin í sjónvarpssal Garrí Kasparov, Anatolí Karpov, og Judit Polgar. Hermann náði góðu sambandi við þessa höfuðsnillinga skákarinnar og á „Reykjavik rapid 2004" komu fram Magnús Carlsen og Lev Aronjan. Oft var Jón L. Árnason stórmeistari með í þessum útsendingum og Hermann bar snemma fram þá ósk að Egill Eðvarðsson yrði stjórnandi útsendinga. Skáksamband Íslands heiðraði Hermann sérstaklega fyrir framlag hans á þessu sviði.

Hermann var býsna slyngur skákmaður, tefldi stundum fyrir Skattstofuna í Skákkeppni stofnana, tók þátt í fjölmörgum skákmótum með styttri umhugsunartíma. Síðasta mót hans var hraðskákmót Vals sem fram fór í Lollastúku á Valsvellinum í apríl sl. Halldór í Henson vinur hans dró fram „Hrókinn", gamlan grip úr timbri sem fyrst var keppt um árið 1959. Á yngri árum var Hermann stundum meðal áhorfenda á skákmótum í Breiðfirðingabúð. Hann var alvörugefinn og íbygginn þegar hann tefldi. Ef hann vann lék hann á als oddi - og ef hann tapaði þá lék hann líka á als oddi.

Veturinn 1997 efndi greinarhöfundur til skáknámskeiðs fyrir vini og kunningja og Hemmi mætti til leiks. Á námskeiðinu var mikil áhersla lögð á gambíta: kóngsbragð, miðbragð og íslenska gambítinn. Eitt kvöldið var haldið „þema-fjöltefli". Af skákinni sem við tefldum að dæma og birtist í þætti Jóns L. í DV, virðist ákveðin léttúð hafa ríkt og taflmennskan stenst ekki nákvæma skoðun. Hermann tók á móti fórnum í anda „rómantíska tímabilsins" með bros á vör og vann að lokum:

Helgi Ólafsson - Hermann Gunnarsson

Kóngsbragð

1. e4 e5 2. f4 exf4 3. Rf3 g5 4. Bc4 d6 5. 0-0 Bg7 6. d4 Bg4 7. g3 Bh3 8. Bxf7+ Kxf7 9. Rxg5+ Dxg5 10. Hxf4+ Rf6 11. Rc3 Kg6!? 12. Hf5 Dxf5 13. exf5+ Bxf5 14. Re2 Rbd7 15. Rf4+ Kf7 16. c3 Hae8 17. Db3+ Kf8 18. Bd2 Re4 19. Hf1!? Rxd2 20. Re6+ Ke7

Hvítur er búinn að fara alltof geyst og 20. ... Kg8 vinnur létt.

21. Dd1 Rxf1 22. Rxg7 Re3 23. Df3 Hef8 24. Dxe3+ Kf6 25. Dh6+ Bg6 26. d5 Re5 27. Re6 He8 28. Dg7+ Kf5 29. Dxc7 Bf7 30. Rg7+ Kg4 31. Dxd6 Rf3+ 32. Kf2 Re5 33. h3+ Kg5 34. Rxe8??

„Stílbrot," skrifar Jón L. Og það eru orð að sönnu. Eftir 34. h4+! Kg4 35. Kg2! hótar hvítur 36. Db4+ o.s.frv. og á unnið tafl.

34. ... Hxe8 35. c4 Rd3+ 36. Kf3 Re5+ 37. Kg2 Bg6 38. b3 Rd3 39. Dd7 He5 40. Kf1??

Eftir þennan afleik tapast skákin. „Nú verða óvænt endalok," skrifar Jón L.

40. ... He1+ 41. Kg2 Be4+ 42. Kh2 Hh1 mát!

Eftir námskeiðið fengu þátttakendur skákirnar úr fjölteflinu í hendur með skýringum. Á góðri stundu nokkru síðar kom Hermann með plaggið til mín útprentað, rétti fram penna og sagði: „Skrifaðu: Algjör klassi hjá nemanda."

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 30. júní 2013.

Skákþættir Morgunblaðsins

Skákþáttur Morgunblaðsins: "Þú leikur alltaf vitlausa hróknum"

Það var vel til fundið hjá skipuleggjendum Skákþings Íslands - 100 ára afmælismóts - að velja skák hverrar umferðar. Það hlutverk fékk Ingvar Þ. Jóhannesson og leysti það vel úr hendi. Verðlaun fyrstu umferðar hlutu að koma í hlut Lofts Baldvinssonar sem vann Braga Þorfinnsson með tilþrifum. En leiðin til sigurs sem var torsótt og grýtt hófst með óvæntri hróksfórn:

Loftur Baldvinsson - Bragi Þorfinnsson

34. Hxd6! Hxd6 35. Hg8+?

Lærdómsrík ónákvæmni! Mun betra var 35. Bxa6! strax því að hvítur heldur þá öllum valkostum opnum þ.ám. leiknum -Hg8+.

35. ... Ka7 36. Bxa6 Hh1+ 37. Ka2 Kxa6 38. Ha8+ Ba7 39. Hc8 Db6 40. Rb5 Hc6?

Svarta staðan er unnin en Bragi var í tímahraki og hann varð að finna 40. ... Bb8! með hugmyndinni 41 Hxb8 Hd8! o.s.frv.

41. Ha8! Hh8 42. Hxa7+! Dxa7 43. Rc7+!

- og Bragi gafst upp. Hann verður mát í næsta leik, 43. ... Hxc7 44. Db5 mát.

Aðrir verðlaunahafar voru Stefán Bergsson, Símon Þórhallsson, Guðmundur Kjartansson, Jón Þór Bergþórsson, Henrik Danielsen, Hannes Hlífar Stefánsson, Björn Þorfinnsson og Bragi Þorfinnsson. Undirrituðum fannst að Ingvar hefði mátt athuga eftirfarandi skák betur. Stefán Kristjánsson missti af lestinni á lokametrum þessa móts en eftir sjö umferðir var hann með 5 ½ vinning og til alls vís. Að tefla Budapestar-bragð gegn fræðilega sterkum Héðni Steingrímssyni var að sumu leyti djörf ákvörðun en þess ber að geta að gambítarnir eru að „koma aftur" á tölvuöld.

Skákþing Íslands; 7. umferð:

Héðinn Steingrímsson - Stefán Kristjánsson

Budapestar-bragð

1. d4 Rf6 2. c4 e5 3. dxe5 Rg4 4. Bf4

Algengara er 4. Rf3.

4. ... g5!?

Svolítið glannalegur leikur, svartur nær peðinu aftur en veikir svolítið kóngsstöðuna.

5. Bd2 Rxe5 6. Rf3 Rxf3 7. exf3 Bg7 8. De2+ Kf8 9. Rc3 Rc6 10. Be3 d6 11. Dd2 h6 12. h4 gxh4 13. O-O-O Be6 14. f4 a6 15. Rd5!?

Hvítur hefur byggt upp ágæta stöðu en hér var eðlilegra að leika 15. Bd3. Næsti leikur svarts er næstum því þvingaður.

15. ... b5! 16. c5 Re7! 17. Rxe7 Dxe7 18. Dc2 Df6 19. g3?!

Héðni gast ekki að 19. cxd6 cxd6 20. Hxd6 Hc8 en það var þó best. Eftir 21. Dxc8+ Bxc8 22. Hxf6 bxf6 23. Bd3 er staðan í jafnvægi.

19. ... hxg3 20. fxg3 Bf5 21. Bd3 De6 22. Bd4! Bxd4 23. Bxf5 De3+

23. ... Df6 var öruggara en þetta er í lagi.

24. Kb1 dxc5 25. Hhe1?

„Þú leikur alltaf vitlausa hróknum," skrifaði Bent Larsen og hafði það sennilega eftir einum af gömlu meisturunum. Betra var 25. Hde1! Dxg4 26. De4! Hd8 27. Hh3 og hvítur á að ná jafntefli, t.d. 27. .. Df2 28. He2 Df1+ 29. He1 o.s.frv.

25. ... Dxg3 26. De4 Hd8 27. Hxd4?

Héðinn kann að hafa haldið að þetta dygði til jafnteflis. Hann varð að leika 27. De7+ Kg7 28. Hg1! Dxg1 29. Hxg1 Bxg1 30. De5+ Kg8 30. De7 Hf8. Nái hrókarnir saman á að svartur að vinna en það er ekki orðið í þessari stöðu.

27. ... cxd4 28. De7+ Kg7 29. De5+ Kg8 30. De7 Hd5! 31. He5

31. ... Hxe5

Einfaldast en 31. .. Dxf4 var enn sterkara, t.d. 32. Hxd5 Df1+ 32. Kc2 Dc4+! ásamt 33. ... Dxd5 með auðunnu tafli.

32. Dxe5 Dg1+ 33. Kc2 Dg2+ 34. Kb3 Dc6 35. Dxd4 Dc4+

- og hvítur gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 23. júní 2013.

Skákþættir Morgunblaðsins

[Event "Skákþing Íslands"] [Site "?"] [Date "2013.06.04"] [Round "6.3"] [White "Steingrimsson, Hedinn"] [Black "Kristjansson, Stefan"] [Result "0-1"] [WhiteElo "2558"] [BlackElo "2494"] [ECO "A52"] [PlyCount "70"] [EventDate "2013.??.??"] 1. d4 Nf6 2. c4 e5 3. dxe5 Ng4 4. Bf4 g5 5. Bd2 Nxe5 6. Nf3 Nxf3+ 7. exf3 Bg7 8. Qe2+ Kf8 9. Nc3 Nc6 10. Be3 d6 11. Qd2 h6 12. h4 gxh4 13. O-O-O Be6 14. f4 a6 15. Nd5 b5 16. c5 Ne7 17. Nxe7 Qxe7 18. Qc2 Qf6 19. g3 hxg3 20. fxg3 Bf5 21. Bd3 Qe6 22. Bd4 Bxd4 23. Bxf5 Qe3+ 24. Kb1 dxc5 25. Rhe1 Qxg3 26. Qe4 Rd8 27. Rxd4 cxd4 28. Qe7+ Kg7 29. Qe5+ Kg8 30. Qe7 Rd5 31. Re5 Rxe5 32. Qxe5 Qg1+ 33. Kc2 Qg2+ 34. Kb3 Qc6 35. Qxd4 Qc4+ 0-1

Skákþáttur Morgunblaðsins: Tólfti Íslandsmeistaratitill Hannesar í augsýn

Flest bendir til þess að Hannes Hlífar Stefánsson nái að landa sínum tólfta Íslandsmeistaratitli á Opna Íslandsmótinu sem lýkur um helgina í Turninum við Borgartún. Staða efstu manna eftir 8. umferð:1.Hannes Hlífar Stefánsson 7 ½ v. (af 8) 2. Björn Þorfinnsson 6 ½ v. 3.-5. Hjörvar Steinn Grétarsson, Bragi Þorfinnsson og Héðinn Steingrímsson 6 v.

Hart er barist um Íslandsmeistaratitil kvenna en þær efstu voru Lenka Ptacnikova, Hallgerður Helga Þorsteinsdóttir, Elsa María Krístínardóttir og Jóhanna Björg Jóhannsdóttir, allar með 4 ½ v.

Mót þetta fer fram við þær óvenjulegu aðstæður að teflt er á 20. hæð með útsýni yfir fjallahringinn og borgarlandið, yfirbragð þess er hrátt með létt „blúsaða" New York vöruhúss-stemningu svífandi yfir vötnum í ópússuðu rými; þó lýsing geti varla talist góð og kliður berist frá aðliggjandi sal sem hýsir „Birnu-kaffi" hafa keppendur ekki kvartað mikið; einna helst að einhverjir séu að agnúast út í skákstjórana en þeir er nú ýmsu vanir. Ýmis óvænt úrslit hafa séð dagsins ljós, Héðinn Steingrímsson féll á tíma í flókinni stöðu gegn Bandaríkjamanninum Michael Grove í 2. umferð og Bragi Þorfinnsson tapaði fyrir Lofti Baldvinssyni, sem í engu samhengi við slæma byrjun og erfitt miðtafl, hristi fram úr erminni magnaða leikfléttu sem leiddi til máts. Viðureignir sem flokka má undir uppgjör okkar bestu manna eru of fáar að mati undirritaðs og enginn skákmaður hefur náð árangri yfir 2500 elo-stig nema Hannes Hlífar, sem hlaut 50% vinningshlutfall á mótinu í fyrra, en nú blæs byrlegar fyrir honum og árangur hans er uppá 2729 elo-stig.

Sama dag og mótið hófst steig Björn Þorfinnsson upp úr flensu sem herjað hafði á alla fjölskylduna og hóf að vinna hverja skákina á fætur annarri. Eftir flækjur og furður sat hann uppi með gjörtapað tafl gegn Hjörvari Steini Grétarssyni í 5. umferð, en sneri taflinu við í tímahraki Hjörvars og vann! Síðan lagði hann Henrik Danielsen að velli með tilþrifum. Í 7. umferð tapaði hann fyrir Hannesi Hlífari í 7. umferð en svaraði með því að vinna Guðmund Kjartansson í 8. umferð:

Henrik Danielsen - Björn Þorfinnsson

Reti-byrjun

1. Rf3 Rf6 2. g3 d5 3. Bg2 c6 4. b3 g6 5. Bb2 Bg7 6. O-O O-O 7. c4 He8 8. d4 Re4 9. Rc3 Rxc3 10. Bxc3 Be6 11. c5!?

Lokar taflinu en skarpara var 11. Rg5.

11. ... Rd7 12. b4 Bg4 13. Dd2 Bxf3 14. Bxf3 e5 15. e3 exd4 16. Bxd4

Var ekki eðlilegra að halda biskupaparinu með 16. exd4 þó svarti hafi ágætt tafl eftir 16. ... Rf6 eða 16. ... Rf8.

16. ... Bxd4 17. Dxd4 Re5 18. Bg2 Df6 19. Kh1 Df5

Einn vandi hvítu stöðunnar varðar aðgang riddarans að c4-reitnum.

20. Had1 Dh5 21. h3 a6 22. Hb1 g5 23. g4?!

Þessi og næstu leikir Henriks virka ráðleysislegir. Eðlilegra var 23. f4 gxf4 24. exf4 Rg4 25. Hf3 eins og „Houdini" stingur uppá.

23. ...Dh4 24. Kg1 Rg6 25. a4 h5 26. Hbd1 He6 27. f4?

Ekki rétta augnablikið fyrir þessa framrás, best var 27. gxh5 Dxh5 28. Dg4 o.s.frv.

27. ... gxf4 28. exf4 He2! 29. gxh5 Dg3 30. Hf2 Rh4!

Vinnur, 31. Hxe2 er svarað með 31. ... Rf3+ og drottningin fellur.

31. Kf1 Rf5! 32. Hxe2 Rxd4 33. Hxd4 Dc3 34. Hed2 He8

- og hvítur gafst upp. Hann gat barist áfram með 35. b5 en staðan er tiltölulega vonlaus.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 9. júní 2013

Skákþættir Morgunblaðsins

[Event "Skákþing Íslands"] [Site "?"] [Date "2013.06.04"] [Round "6.1"] [White "Danielsen, Henrik"] [Black "Thorfinnsson, Bjorn"] [Result "0-1"] [ECO "D78"] [WhiteElo "2500"] [BlackElo "2377"] [PlyCount "68"] [EventDate "2013.??.??"] 1. Nf3 Nf6 2. g3 d5 3. Bg2 c6 4. b3 g6 5. Bb2 Bg7 6. O-O O-O 7. c4 Re8 8. d4 Ne4 9. Nc3 Nxc3 10. Bxc3 Be6 11. c5 Nd7 12. b4 Bg4 13. Qd2 Bxf3 14. Bxf3 e5 15. e3 exd4 16. Bxd4 Bxd4 17. Qxd4 Ne5 18. Bg2 Qf6 19. Kh1 Qf5 20. Rad1 Qh5 21. h3 a6 22. Rb1 g5 23. g4 Qh4 24. Kg1 Ng6 25. a4 h5 26. Rbd1 Re6 27. f4 gxf4 28. exf4 Re2 29. gxh5 Qg3 30. Rf2 Nh4 31. Kf1 Nf5 32. Rxe2 Nxd4 33. Rxd4 Qc3 34. Red2 Re8 0-1

Skákþáttur Morgunblaðsins: Skákþing Íslands í Turninum

Skákþing Íslands 2013 eða „Icelandic open" ber upp á 100 ára afmæli keppni um Íslandsmeistaratitilinn í skák. Af því tilefni ákvað stjórn SÍ að taka upp keppnisfyrirkomulagið frá síðasta Reykjavíkurskákmóti. Verða tefldar tíu umferðir eftir svissneska kerfinu og keppt er um Íslandsmeistaratitil karla og kvenna í einum og sama flokki. Yfir 70 skákmenn og -konur höfðu skráð sig til leiks þegar mótið hófst á föstudagskvöldið. Turninn í Borgartúni er keppnisstaðurinn - 20. hæð! Frá 1913 hefur keppnin um Íslandsmeistaratitilinn langoftast farið fram í lokuðum flokki þótt nokkur dæmi finnist um útsláttarfyrirkomulag, t.d. á þinginu árin 2000 og 2005. Því er haldið fram á heimasíðu mótsins að ekki hafi verið keppt um titilinn í opnum flokki áður en vert er að minna á að á Skákþingi Íslands 1952 urðu efstir Friðrik Ólafsson og Lárus Johnsen með 6½ v. af níu mögulegum í flokki 16 keppenda. Þeir háðu svo frægt einvígi sem Friðrik vann 3½:2½ og varð Íslandsmeistari í fyrsta sinn. Keppni í landsliðsflokki í fyrra heppnaðist vel en þá gafst frábært tækifæri til að rýna í baráttu okkar bestu virku skákmanna. Umskiptin koma á óvart; vandinn við opnu mótin er yfirleitt sá að í röðunarkerfinu er innbyggð ákveðin mismunun, lokuðu mótin eru „alvarlegri" mót sem krefjast meiri undirbúnings og að mótshaldarinn skuli bjóða upp á tvær umferðir sama keppnisdag er án fordæma.

Daði Örn alþjóðlegur meistari í bréfskák

Daði Örn Jónsson var nýlega sæmdur titlinum „alþjóðlegur meistari í bréfskák". Daði, sem er hámenntaður tölvufræðingur, hefur haldið fjölmörg erindi um gagnsemi tölvuforrita, hefur komið sér upp „víðóma" kerfi forrita, er þaulkunnugur notkunarmöguleikunum og veit manna best hversu djúp skáklistin er frá sjónarhóli tölvufræðinnar. En honum er einnig ljóst að forritin hafa sínar takmarkanir þrátt fyrir óheyrilega reiknigetu. Frábær sóknarskák [Innskot: Skákin fylgir einnig með sem PDF-viðhengi með ítarlegum skýringum Daða Arnar] sem hann tefldi á dögunum er gott dæmi þar um:

EM einstaklinga 2012-2013

Daði Örn Jónsson - Volker Leupold

Frönsk vörn

1. e4 e6 2. d4 d5 3. Rc3 Rf6 4. e5 Rfd7 5. f4 c5 6. Rf3 Rc6 7. Be3 Be7 8. Dd2 0-0 9. dxc5 Rxc5 10. 0-0-0 Dc7 11. Kb1 a6 12. h4 b6 13. Bd3 Rb4?!14. Bxh7+!

Daði lét þess getið að biskupsfórnin hefði ekki verið hátt skrifuð hjá forritunum. Það „vantaði" 17. leikinn.

14.... Kxh7 15. Rg5+ Kg8 16. De2 g6 17. Hh3!!

Vinningsleikurinn sem Daði fann eftir mikla yfirlegu.

17.... Bd7 18. h5 Ra4 19. hxg6 Dxc3! 20. Hh8+! Kg7 21. Hh7+ Kg8 22. Bd4!

Þrumuleikur, svartur nær drottningaruppskiptum en dugar það?

22.... Dxc2+ 23. Dxc2 Rxc2

24. f5!!

Magnaður vinningsleikur og sá eini í stöðunni, 24.... Bxg5 er svarað með 25. f6 sem hótar 26. Hg7+og 26. Hh1+.

24.... exf5 25. e6! Rxd4 26. gxf7+ Hxf7 27. exf7+ Kf8 28. Hh8+ Kg7 29. Hxa8 Re6 30. Hg8+ Kf6 31. Rxe6 Kxf7 32. Hg7+ Kf6 33. Hxe7 Kxe7 34. Rc7

Með skiptamun yfir í endatafli er eftirleikurinn auðveldur.

Kd6 35. Rxd5 Ke5 36. Re7 Bb5 37. He1+ Kf6 38. Kc2 Rc5 39. Rd5+ Kg5 40. Rxb6 Rd3 41. Hd1 Rf4 42. Hd8 Re6 43. Hg8+ Kf6 44. g3 Bc6 45. Kc3 Be4 46. b4 Kf7 47. Hc8 Ke7 48. a4 Bg2 49. b5 axb5 50. axb5 f4 51. gxf4 Rxf4 52. Rc4 Re6 53. b6 Kd7 54. Hg8 Be4 55. Ra5 Rd8 56. Hg7+

- og svartur gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 2. júní 2013.

Skákþættir Morgunblaðsins

[Event "EU/C69/sf04"] [Site "ICCF"] [Date "2012.06.01"] [Round "?"] [White "Jónsson, Dadi Örn"] [Black "Leupold, Volker"] [Result "1-0"] [BlackElo "2439"] [ECO "C11"] [WhiteElo "2462"] 1. e4 e6 2. d4 d5 3. Nc3 Nf6 4. e5 Nfd7 5. f4 c5 6. Nf3 Nc6 7. Be3 Be7 8. Qd2 O-O 9. dxc5 Nxc5 10. O-O-O Qc7 11. Kb1 a6 12. h4 b6 13. Bd3 Nb4 14. Bxh7+ Kxh7 15. Ng5+ Kg8 16. Qe2 g6 17. Rh3 Bd7 18. h5 Na4 19. hxg6 Qxc3 20. Rh8+ Kg7 21. Rh7+ Kg8 22. Bd4 Qxc2+ 23. Qxc2 Nxc2 24. f5 exf5 25. e6 Nxd4 26. gxf7+ Rxf7 27. exf7+ Kf8 28. Rh8+ Kg7 29. Rxa8 Ne6 30. Rg8+ Kf6 31. Nxe6 Kxf7 32. Rg7+ Kf6 33. Rxe7 Kxe7 34. Nc7 Kd6 35. Nxd5 Ke5 36. Ne7 Bb5 37. Re1+ Kf6 38. Kc2 Nc5 39. Nd5+ Kg5 40. Nxb6 Nd3 41. Rd1 Nf4 42. Rd8 Ne6 43. Rg8+ Kf6 44. g3 Bc6 45. Kc3 Be4 46. b4 Kf7 47. Rc8 Ke7 48. a4 Bg2 49. b5 axb5 50. axb5 f4 51. gxf4 Nxf4 52. Nc4 Ne6 53. b6 Kd7 54. Rg8 Be4 55. Na5 Nd8 56. Rg7+ 1-0

Skrár tengdar þessari bloggfærslu:

• Skákin með ítarlegum skýringum Daða Arnar

Skákþáttur Morgunblaðsins: Lothar Schmid

Lothar Schmid, yfirdómarans úr „einvígi aldarinnar" milli Fischers og Spasskís í Laugardalshöllinni sumarið 1972, sem lést þann 18. maí sl. 85 að aldri verður sennilega helst minnst fyrir þátttöku sína í því einvígi. Fjölmiðlar um allan heim hafa einkum staðnæmst við þá frægu stund skáksögunnar þegar Spasskí var á leið út úr borðtennisherberginu þar sem þriðja skákin átti að fara fram eftir að Bobby hafði sagt yfirdómaranum að halda kjafti. En Schmid hermdi upp á sovéska heimsmeistarann loforð sem hann gaf áður en gengið var til leiks. Síðan bað hann Fischer um að gæta orða sinna og Fischer sá að sér og baðst afsökunar. Ógreinileg ljósmynd tekin af innanhússmyndakerfi sýnir þegar Schmid bókstaflega þrýstir skákmeisturunum niður í sæti sín og skipar þeim að hefja taflið. Lothar Schmid hafði verið yfirdómari í einvígi Fischers við Tigran Petrosjan í Buenos Aires haustið 1971. Þar bar helst til tíðinda að rafmagnið fór af skákhöllinni í fyrstu einvígisskákinni stuttu eftir að Petrosjan sem hafði svart snaraði fram leynivopni sínu, kynngimagnaðri nýjung í þekktri stöðu Sikileyjarvarnar. Schmid stöðvaði skákklukkuna en Fischer sat áfram við borðið. Petrosjan, sem alla tíð var lafhræddur við „okkar mann", mótmælti. En í stað þess að víkja frá borðinu bað Fischer dómarann um að setja klukkuna aftur í gang og sat áfram í þungum þönkum í myrkrinu. Eftir einvígið ´72 fullvissaði Schmid, sem þá þegar var frægur safnari, Guðmund G. Þórarinsson forseta SÍ um að hefð væri fyrir því að aðaldómari í slíkum einvígjum fengi afrifur skorblaðanna. Í dag er mótshaldarinn eigandi slíkra blaða og þá er átt við frumritin. Vissulega mátti með góðum vilja líta á Schmid sem traustan gæslumann þessara blaða og því var vel fagnað þegar honum var boðið hingað 30 árum síðar á „Málþing um einvígi aldarinnar" í Þjóðmenningarhúsinu og hann afhenti skorblöðin. Hann kvað viðskilnaðinn við þessi gulnuðu blöð erfiðan; og hafði vonast eftir þakkarbréfi frá forseta Íslands, Ólafi Ragnari Grímssyni, sem sótti málþingið, en fékk ekki. Skorblöð Fischers ganga kaupum og sölum en stærsta safn þeirra er í einkaeign Bandaríkjamannsins Hanon Russel sem á í fórum sínum nokkur frumrit einvígisins. Í Þjóðmenningarhúsinu staðnæmdist Lothar Schmid drjúga stund við sýningu á bókum og handritum sem Willard Fiske gaf Íslendingum um aldamótin 1900. „Þið eruð heppnir að eiga þessar bækur," sagði hann við mig. Þó Schmid hafi um áratuga skeið verið einn fremsti stórmeistari Þjóðverja, var taflmennska hans meira eins og áhugamál, hann efnaðist vel á rekstri útgáfufyrirtækis sem fjölskylda hans starfrækti, Karl Mai forlag. Hann átti stærsta einkasafn skákbóka sem um getur og er í dag um 50 þúsund bindi. Meðal bóka er eitt tíu eintaka af fyrstu prentuðu skákbókinni, Repetición de Amores y Arte de Ajedrez eftir frægan spænskan meistara, Lucena, sem kom út árið 1497 og átti allar átta útgáfurnar af kennslubók í skák eftir Pedro Damiano, Questo libro e da imparare giocare a scachi, fyrst útgefin í Róm árið 1512. Á málþinginu 2002 nefndi Lothar Schmid töluna 140 þegar spurningu var beint til hans um fjölda bóka sem ritaðar hafa um einvígi Fischers og Spasskís. Síðan hafa nokkrar bæst við.  

Helgi Ólafsson [e-mail]

 

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 26. maí 2013.

Skákþættir Morgunblaðsins

Skákþáttur Morgunblaðsins: Það er engin bein leið

Glóðin sem brennur í augum hins 12 ára gamla Sergeis Karjakins" var hástemmdur titill á grein sem fjallaði um eitt mesta undrabarn Úkraínumanna, sem eins og margir landa hans er einnig handhafi rússnesks vegabréfs og hefur teflt fyrir Rússa undanfarin ár. Karjakin hefur að miklu leyti staðið undir þeim væntingum sem bundnar voru við hann en stendur þó í skugganum af skærustu stjörnu skákarinnar í dag, Magnúsi Carlssyni. Þeir eru á svipuðu reki. Kannski rennur upp sú stund að hann tefli um heimsmeistaratitilinn; frá sögulegum sjónarhóli séð má minnast þess að árum saman stóð Viktor Kortsnoj í skugganum af Tal, Spasskí og Petrosjan en öðlaðist magnað langlífi kannski vegna þess að hann náði aldrei efsta tindinum en þrátt fyrir allar bylturnar kleif hann alltaf aftur á brattann. Karjakin hefur undanfarin ár átt erfitt uppdráttar gegn Norðmanninum. Þrátt fyrir hárbeittan stíl, sem minnir á heimsmeistarann Anand, er hann á stundum fullfyrirsjáanlegur og skortir ákveðna dýpt í miðtaflinu. Stórmótið Norwegian chess, sem teflt er á ýmsum stöðum í Stavanger í Noregi og lýkur um helgina, var sennilega hugsað sem upphitun fyrir heimsmeistaraeinvígið í nóvember. Það hefur dregið til sín tíu stórmeistara sem tefla einfalda umferð. Auðvitað „á Magnús sviðið" en hann hikstaði í byrjun: fjögur jafntefli á móti fjórum sigrum Karjakins. Þeir mættust í fimmtu umferð og Karjakin með hvítt. Í skákinni sem hér fer á eftir er eins og maður sé minntur á að leiðin til sigurs er ekki bein, miklu frekar að hún hlykkist, menn geta þess vegna skroppið á kaffihús eitt öngstræti til hægri og komið þaðan út sigurvegarar:

Sergei Karjakin - Magnús Carlsen

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. 0-0 Be7 6. He1 b5 7. Bb3 d6 8. c3 0-0 9. h3 Rb8

Breyer-afbrigðið er alltaf vinsælt. Það virðist henta ágætlega rólegum stíl Magnúsar.

10. d4 Rbd7 11. Rbd2 Bb7 12. Bc2 He8 13. a4 Bf8 14. Bd3 c6 15. Dc2 Hc8 16. axb5 axb5 17. b4 Dc7 18. Bb2 Ha8 19. Had1 Rb6 20. c4 bxc4 21. Rxc4 Rxc4 22. Bxc4 h6 23. dxe5 dxe5 24. Bc3 Ba6 25. Bb3 c5 26. Db2 c4 27. Ba4 He6 28. Rxe5 Bb7 29. Bc2 Hae8 30. f4 Bd6

31. Kh2?

Staðan er ákveðinn prófsteinn á hæfni Karjakins í miðtöflum og hann fellur á prófinu. Leikur „Houdinis" 31. He3! hefði tryggt honum betri stöðu.

31.... Rh5! 32. g3 f6 33. Rg6 Rxf4!

Þessi þrumuleikur þurfti ekki að koma á óvart. Hvítur getur ekki þegið mannsfórnina, 34. gxf4 Bxf4+ 35. Kg2 f5!, og hrókurinn á e6 kemst í spilið.

34. Hxd6 Rxg6 35. Hxe6 Hxe6 36. Bd4 f5!

Skyndilega opnast fyrir biskupinn á b7 og hornalínuna h1-18.

37. e5 Rxe5!

Magnaður leikur.

38. Bxe5 Dc6 39. Hg1 Dd5 40. Bxf5 Hxe5 41. Bg4 h5!

Peð eru líka sóknarmenn!

42. Bd1

Annar möguleiki var 42. Hd1 sem má svara með 42.... Dxd1! 43. Bxd1 He1 sem hótar mát á h1, 44. g4 loftar út en þá kemur 44.... h4! og hvítur er fastur í mátneti.

Sjá stöðumynd

42.... c3! 43. Df2

Ekki 43. Db3 vegna 43.... He2+! og vinnur.

43.... Hf5 44. De3 Df7 45. g4 He5 46. Dd4 Dc7!

- og Karjakin gafst upp.

Staðan þegar tvær umferðir eru eftir: 1. Karjakin 5½ v. (af 7). 2. Carlsen 5 v. 3.-4. Anand og Aronjan 4 v. 5.-6. Nakamura og Svidler 3½ v. 7. Topalov 3 v. 8.-9. Wang Hao og Radjabov 2½ v. 10. Hammer 1½ v.

Helgi Ólafsson [e-mail]

 

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 19. maí 2013.

Skákþættir Morgunblaðsins

[Event "Norway Chess Tournament"] [Site "Sandnes NOR"] [Date "2013.05.13"] [EventDate "2013.05.07"] [Round "5"] [Result "0-1"] [White "Sergey Karjakin"] [Black "Magnus Carlsen"] [ECO "C95"] [WhiteElo "?"] [BlackElo "?"] [PlyCount "92"] 1.e4 e5 2.Nf3 Nc6 3.Bb5 a6 4.Ba4 Nf6 5.O-O Be7 6.Re1 b5 7.Bb3 d6 8.c3 O-O 9.h3 Nb8 10.d4 Nbd7 11.Nbd2 Bb7 12.Bc2 Re8 13.a4 Bf8 14.Bd3 c6 15.Qc2 Rc8 16.axb5 axb5 17.b4 Qc7 18.Bb2 Ra8 19.Rad1 Nb6 20.c4 bxc4 21.Nxc4 Nxc4 22.Bxc4 h6 23.dxe5 dxe5 24.Bc3 Ba6 25.Bb3 c5 26.Qb2 c4 27.Ba4 Re6 28.Nxe5 Bb7 29.Bc2 Rae8 30.f4 Bd6 31.Kh2 Nh5 32.g3 f6 33.Ng6 Nxf4 34.Rxd6 Nxg6 35.Rxe6 Rxe6 36.Bd4 f5 37.e5 Nxe5 38.Bxe5 Qc6 39.Rg1 Qd5 40.Bxf5 Rxe5 41.Bg4 h5 42.Bd1 c3 43.Qf2 Rf5 44.Qe3 Qf7 45.g4 Re5 46.Qd4 Qc7 0-1

Skákþáttur Morgunblaðsins: Sóknarhugur

Fulltrúar Íslands á einu sterkasta opna móti ársins, Evrópumóti einstaklinga, sem fer fram í Legnica í Póllandi, Guðmundur Kjartansson og Dagur Arngrímsson hófu mótið með látum og unnu tvo 2600+ stiga stórmeistara. Skákáhugamenn hafa fylgst spenntir með frammistöðu gömlu félaganna sem undirbjuggu sig saman í Búdapest þar sem Dagur hefur búið síðan í haust. Eftir þrjár umferðir var Guðmundur með 2 vinninga og Dagur 1 ½ vinning. Þeir tefldu báðir á „Fyrsta laugardagsmótinu" í apríl og þar vann Guðmundur flokk alþjóðlegu meistaranna.

Glæsilegir sigrar þeirra í fyrstu umferð á EM voru náskyldir að því leyti til að mikill sóknarhugur fylgdi framrás h-peðsins í báðum skákunum. Guðmundur lagði að velli þrautþjálfaðan rússneskan stórmeistara en undanfarið hefur hann verið á mikilli siglingu upp elo-listann. Greinarhöfundur renndi yfir skákina með „Houdini" sem taldi að eftir að byrjuninni sleppti hafi Guðmundur nálega alltaf hitt á besta leikinn:

EM 2013: 1. umferð:

Guðmundur Kjartansson - Sergei Fedortsjúk

Enskur leikur

1. g3 c5 2. c4 Rc6 3. Bg2 g6 4. Rf3 Bg7 5. Rc3 Rh6 6. d4

Gamall leikur sem Svíinn Ulf Andersson kom í tísku.

6.... cxd4 7. Rxd4 Rxd4 8. Bxh6 Bxh6 9. Dxd4 O-O 10. h4 Bg7 11. Dd2 d6 12. h5 Be6 13. hxg6 hxg6 14. b3 Hb8?

Of hægfara, svartur átti 14.... d5! 15. cxd5 Hc8 með góðri stöðu.

15. Hc1 a6 16. Re4 Bd7 17. Rg5 Bc6 18. Kf1 e6 19. Df4 De7 20. Hd1 Hfd8 21. Bxc6 bxc6 22. Hd3!

Fyrst núna þarf svartur að hafa áhyggjur, hrókurinn stefnir á f3-reitinn.

22.... d5 23. Hf3 f5 24. Dh4 Kf8 25. g4 dxc4 26. gxf5 gxf5 27. e4!

Peð eru líka sóknarmenn! Nú fara að myndast glufur í varnargirðingu svarts.

27.... Hd1+ 28. Kg2 Hxh1 29. Kxh1 cxb3 30. axb3 Hb5 31. Dh5

Dugar en sterkara var sennilega 31. Hd3! sem hótar 32. Hd8+!

31.... De8 32. Dh7 De7?

Eina vonin var að leika 32.... He5.

33. Dg6! Kg8 34. Hh3 fxe4

35. Hh8+!

- Laglegur lokahnykkur, svartur verður mát, 35.... Kxh8 36. Dh7 mát.

Og ekki var sigur Dags í þessari umferð síðri:

Dagur Arngrímsson - Zdenko Kozul

Kóngsindversk vörn

1. d4 Rf6 2. c4 g6 3. Rc3 Bg7 4. e4 d6 5. f3 a6 6. Be3 O-O 7. Rge2 Rc6 8. Dd2 Ra5

Óvenjulegur leikur í þekktu afbrigði, venjulega er leikið 8..... Hb8 eða 8..... He8.

9. Rf4 Rd7 10. Hd1 e5 11. dxe5 dxe5 12. Rfd5 Rc6 13. h4 Rd4 14. h5 c6 15. hxg6!? cxd5?!

Það kemur dálítið á óvart að Kozul skuli þiggja manninn. Eftir 15.... fxg6 má svartur vel við una.

16. gxh7+ Kh8 17. Rxd5 Rc5 18. Bh6 Bxh6 19. Dxh6 a5

Þetta lítur allt saman ágætlega út, svartur hyggst leika 20.... Ha6. En Dagur kann að svara fyrir sig.

20. Rc7! Hb8 21. Hh5! f6

Sjá stöðumynd.

22. Hxd4!

Enn einn bráðsnjall leikur, hvítur vinnur lið til baka og stendur til vinnings.

22.... exd4 23. Hxc5 Hf7 24. Dg6 Df8 25. Dg8+ Dxg8 26. hxg8=D+ Kxg8 27. Rb5 b6 28. Hd5 Bd7 29. Rxd4 Kf8 30. Kf2 Ke7 31. e5! Hc8?

Kozul hefur verið grátt leikinn og uggir ekki að sér. Hann gat enn barist með 31.... fxe5 þó hvítur eigi að vinna með þrjú peð fyrir skiptamun.

32. Hxd7+! Kxd7 33. e6+ Ke7 34. exf7 Kxf7 35. Bd3 Ke7 36. a3 Kd6 37. b4 axb4 38. axb4 Ha8 39. Ke3 Ha2 40. g4 Hg2 41. Rb5 Kd7 42. Rc3

- og svartur gafst upp.

Helgi Ólafsson [e-mail]

 

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 12. maí 2013.

Skákþættir Morgunblaðsins

[Event "European Individual Championships"] [Site "Legnica POL"] [Date "2013.05.05"] [EventDate "2013.05.05"] [Round "1.27"] [Result "1-0"] [White "Gudmundur Kjartansson"] [Black "Sergey Fedorchuk"] [ECO "A37"] [WhiteElo "2446"] [BlackElo "2660"] [PlyCount "69"] 1. g3 c5 2. c4 Nc6 3. Bg2 g6 4. Nf3 Bg7 5. Nc3 Nh6 6. d4 cxd4 7. Nxd4 Nxd4 8. Bxh6 Bxh6 9. Qxd4 O-O 10. h4 Bg7 11. Qd2 d6 12. h5 Be6 13. hxg6 hxg6 14. b3 Rb8 15. Rc1 a6 16. Ne4 Bd7 17. Ng5 Bc6 18. Kf1 e6 19. Qf4 Qe7 20. Rd1 Rfd8 21. Bxc6 bxc6 22. Rd3 d5 23. Rf3 f5 24. Qh4 Kf8 25. g4 dxc4 26. gxf5 gxf5 27. e4 Rd1+ 28. Kg2 Rxh1 29. Kxh1 cxb3 30. axb3 Rb5 31. Qh5 Qe8 32. Qh7 Qe7 33. Qg6 Kg8 34. Rh3 fxe4 35. Rh8+ 1-0

[Event "14th Euro Indiv 2013"] [Site "Legnica POL"] [Date "2013.05.05"] [Round "1.57"] [White "Arngrimsson, Dagur"] [Black "Kozul, Zdenko"] [Result "1-0"] [WhiteElo "2390"] [BlackElo "2624"] [WhiteTitle "IM"] [BlackTitle "GM"] [ECO "E83"] [Opening "King's Indian"] [Variation "Saemisch, Panno formation"] [WhiteFideId "2301288"] [BlackFideId "14502879"] [EventDate "2013.05.05"] 1. d4 Nf6 2. c4 g6 3. Nc3 Bg7 4. e4 d6 5. f3 a6 6. Be3 O-O 7. Nge2 Nc6 8. Qd2 Na5 9. Nf4 Nd7 10. Rd1 e5 11. dxe5 dxe5 12. Nfd5 Nc6 13. h4 Nd4 14. h5 c6 15. hxg6 cxd5 16. gxh7+ Kh8 17. Nxd5 Nc5 18. Bh6 Bxh6 19. Qxh6 a5 20. Nc7 Rb8 21. Rh5 f6 22. Rxd4 exd4 23. Rxc5 Rf7 24. Qg6 Qf8 25. Qg8+ Qxg8 26. hxg8=Q+ Kxg8 27. Nb5 b6 28. Rd5 Bd7 29. Nxd4 Kf8 30. Kf2 Ke7 31. e5 Rc8 32. Rxd7+ Kxd7 33. e6+ Ke7 34. exf7 Kxf7 35. Bd3 Ke7 36. a3 Kd6 37. b4 axb4 38. axb4 Ra8 39. Ke3 Ra2 40. g4 Rg2 41. Nb5+ Kd7 42. Nc3 1-0

Skákþáttur Morgunblaðsins: Að tefla með mönnunum

Hinn 10 ára gamli Vignir Vatnar Stefánsson gerði góða ferð á heimsmeistaramót áhugamanna sem fram fór í borginni Ilasi í Rúmeníu undir lok aprílmánaðar. Af 204 keppendum, sem samkvæmt reglum voru undir 2000 elo-stigum, var hann fyrirfram skráður í 132. sæti. Hann hlaut 6 vinninga af níu mögulegum, og hækkaði um 61 stig fyrir frammistöðuna. Afreksmenn í skákinni eru alltaf að yngjast og ekki verður betur séð en að Íslendingar standi vel að vígi hvað varðar efnivið meðal pilta og stúlkna. Varðandi skákstyrk sýnist mér Vignir Vatnar vera á svipuðu róli nú og Hjörvar Steinn Grétarsson var fyrir 10 árum, leiktæknin er góð, hæfileikarnir til staðar og spennandi tímar framundan, seinna á árinu fara fram Evrópu- og heimsmeistaramót ungmenna. Hættur „skákþorpsins" eru hinsvegar þær að hlaða of miklum væntingum á ungar sálir. Stig Vignis eftir mótið í Rúmeníu eru upp á 1739 elo, en þau segja samt ekki neitt og marktækara tel ég að miða við þann árangur sem hann náði og var reiknaður upp á 2032 elo-stig. Þarna er kannski kominn vandi elo-stiganna í hnotskurn, þau eru ekki alltaf nægilega marktæk hvað varðar unga og upprennandi skákmenn. Sennilega er stutt í að Vignir Vatnar nái að sigra mun stigahærri skákmenn en þá sem tóku þátt í mótinu í Rúmeníu.

Þegar júgóslavneski stórmeistarinn Lubomir Ljubojevic var upp á sitt besta á árunum í kringum 1975, og menn göptu hreinlega yfir tilþrifum hans í skák sem hann tefldi við Svíann Ulf Andersson á stórmótinu í Wijk aan Zee, komst einn ágætur maður svo að orði að Ljubo „tefldi með mönnunum". Lítið um allskyns pot, „raðtækni" eða geirneglingar sem einkenndu hinn nýbakaða heimsmeistara, Anatolí Karpov. Ungir skákmenn á uppleið tefla oft „með mönnunum", sbr. eftirfarandi sigurskák Vignis Vatnars sem tefld var í 8. umferð. Andstæðingurinn var nálega 300 stigum hærri en okkar maður:

HM áhugamanna 2013:

Mihail-Codmin Neahu (Rúmeníu) - Vignir Vatnar Stefánsson

Drottningarindversk vörn

1. c4 Rf6 2. g3 e6 3. Bg2 d5 4. Rf3 Bd6 5. b3 Rbd7 6. Bb2 O-O 7. O-O b6 8. cxd5 exd5 9. Rh4 c6 10. d3 He8 11. e4?

Að opna taflið án þess að hafa lokið liðsskipan kann ekki góðri lukku að stýra, 11. Rd2 var betra.

11. ... Ba6!

Vignir ræðst strax að helsta veikleikanum í stöðu hvíts, d3-reitnum.

12. He1 Bb4 13. He3

Hvítur á úr vöndu að ráða en hér var betra að leika 13. Bc3 t.d. 13. ... Bxc3 14. Rxc3 Rc5 15. exd5 og hvítur getur barist fyrir tafljöfnun.

13. ... dxe4 14. dxe4 Re5 15. Rc3 Rfg4!

Vignir gefur engin grið. Skyndilega morar allt í veikleikum í stöðu hvíts.

16. He1 Dxd1

Gott var einnig 16. ... Bc5 og hvítur fær ekki varið f2-peðið með góðu móti.

17. Hexd1 Rd3 18. Bf1 Rxb2 19. Bxa6 Rxd1

19. ... Bxc3 var nákvæmara en þetta dugar líka.

20. Rxd1 Had8 21. f3 Re5 22. Be2 Hd2 23. Kf1 Hed8 24. Rf5 g6 25. Rfe3 Kg7

Hann þarf ekkert að flýta sér. Úrvinnslan í þessu endatafli er ágæt.

26. f4 Red7 27. Rc4 Hd4 28. Rf2 b5 29. Re3 Bc3 30. Hb1 b4 31. Red1 Rf6 32. Rxc3 bxc3 33. Hc1 Rxe4 34. Rxe4 Hxe4 35. Hxc3 Hd2 36. Bf3 He6 37. a4 Hb2 38. h4 h5 39. f5 Hf6 40. fxg6 fxg6 41. Ke1 c5 42. Kd1 Hf5 43. He3 Kf6 44. Be2 Hd5+ 45. Ke1 He5 46. Hf3+ Ke6 47. Hf2 Hxb3

- og hvítur gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 5. maí 2013.

Skákþættir Morgunblaðsins

[Event "WORLD AMATEUR CHESS CHAMPIONSHIP 2013"] [Site "Iasi"] [Date "2013.04.29"] [Round "8"] [White "Neagu, Mihai-Cosmin"] [Black "Stefansson, Vignir Vatnar"] [Result "0-1"] [WhiteElo "1976"] [BlackElo "1678"] [ECO "A13"] [PlyCount "94"] [EventDate "2013.04.22"] 1. c4 Nf6 2. g3 e6 3. Bg2 d5 4. Nf3 Bd6 5. b3 Nbd7 6. Bb2 O-O 7. O-O b6 8. cxd5 exd5 9. Nh4 c6 10. d3 Re8 11. e4 Ba6 12. Re1 Bb4 13. Re3 dxe4 14. dxe4 Ne5 15. Nc3 Nfg4 16. Re1 Qxd1 17. Rexd1 Nd3 18. Bf1 Nxb2 19. Bxa6 Nxd1 20. Nxd1 Rad8 21. f3 Ne5 22. Be2 Rd2 23. Kf1 Red8 24. Nf5 g6 25. Nfe3 Kg7 26. f4 Nd7 27. Nc4 Rd4 28. Nf2 b5 29. Ne3 Bc3 30. Rb1 b4 31. Ned1 Nf6 32. Nxc3 bxc3 33. Rc1 Nxe4 34. Nxe4 Rxe4 35. Rxc3 Rd2 36. Bf3 Re6 37. a4 Rb2 38. h4 h5 39. f5 Rf6 40. fxg6 fxg6 41. Ke1 c5 42. Kd1 Rf5 43. Re3 Kf6 44. Be2 Rd5+ 45. Ke1 Re5 46. Rf3+ Ke6 47. Rf2 Rxb3 0-1

Skákþáttur Morgunblaðsins: Nansý Norðurlandameistari - Jóhanna fékk silfurverðlaun

Íslensku keppendurnir sem tóku þátt í Norðurlandamóti stúlkna sem fram fór í Svíþjóð um síðustu helgi stóðu sig vel. Nansý Davíðsdóttir varð Norðurlandameistari í aldursflokki C sem var skipaður keppendum 12 ára og yngri og Jóhann Björg Jóhannsdóttir hlaut silfrið í A-flokki, 17 - 20 ára en hún hefði unnið sinn flokk með sigri í lokaumferðinni en varð að láta sér lynda jafntefli í skákinni við Hrund Hauksdóttir. Jóhanna og Hrund hafa báðar unnið þetta mót og einnig Hallgerður Helga Þorsteinsdóttir. Nansý hlaut silfurverðlaun á opna Norðurlandamótinu sem fram fór á Bifröst í febrúar sl. og hefur átt sæti í hinni sigursælu sveit Rimaskóla undanfarin misseri. Engum blöðum er um það að fletta að skákstyrk og almennri þátttöku stúlkna hér á landi hefur stóraukist undanfarin ár. Aðrir keppendur Íslands voru Sóley Lind Pálsdóttir og Svandís Rós Ríkharðsdóttir en fararstjóri og liðsstjóri hópsins var Davíð Ólafsson sem er landsliðsþjálfari kvenna. Styrkur Nansýar liggur ekki síst í góðum skilningi á stöðuuppbyggingu og vinnubrögð hennar eru öguð; hún rasar ekki um ráð fram, hefur gott taktískt auga og grípur tækifærin þegar þau gefast eins og sést í eftirfarandi skák sem tefld var í 4. umferð:

NM stúlkna 2013:

Nansý Davíðsdóttir - Regina Forsa (Noregur)

Sikileyjarvörn

1. e4 c5 2. Rf3 e6 3. d4 cxd4 4. Rxd4 a6 5. Rc3 b5 6. a3 Bb7 7. Be2 Be7 8. O-O d6 9. f4 Rd7 10. Kh1 Rgf6 11. Bf3 Dc7 12. f5 e5 13. Rb3 O-O 14. De1 Hac8 15. Dg3 Kh8 16. Bg5 Hce8 17. Had1 Dc4

Svartur hefur gott tafl eftir t.d. 17. .. Rb6.

18. Ra5! Dc7 19. Rxb7 Dxb7 20. Rd5 Rxd5 21. Hxd5 Bxg5 22. Dxg5 Dc6 23. Hd2 g6

Og hér gat svartur haldið vel í horfinu með 23. .... Rf6.

24. Hfd1 Rc5 25. Df6+ Kg8 26. Hxd6 Db7 27. Dh4 Hc8 28. fxg6 fxg6

- Sjá stöðumynd -

29. b4! Ra4 30. Hd7

- hótar drottningunni og 31. Dxh7 mát. Svartur gafst upp.

Hannes efstur á Skákþingi Norðlendinga - Stefán Norðurlandsmeistari

Hannes Hlífar Stefánsson brá sér norður í land og tefldi sem „gestur" á Skákþingi Norðlendinga sem fram fór á Akureyri. Tefldar voru at-skákir og kappskákir en mikill stigamunur var með Hannesi og öðrum keppendum og kom því ekki á óvart að hann vann auðveldan sigur á mótinu í hópi. Sigurinn var þó ekki auðveldari en svo, að hann tapaði kappskák sinni í lokaumferðinni fyrir Stefáni Bergssyni sem fyrir vikið varð Norðurlandsmeistari og skaut aftur fyrir sig helstu keppinautum sínum meðal Norðlendinga. Lokastaða efstu manna:

1. Hannes Hlífar Stefánsson 6 v. (af 7) 2. Þorvarður Ólafsson 5 ½ v. 3. - 4. Sverrir Örn Björnsson og Stefán Bergsson 5 v. Keppendur voru 20.

Friðrik teflir á minningarmóti um Jón Ingimarsson

Friðrik Ólafssoni er meðal þátttakenda á minningarmóti um Jón Ingimarsson verkalýðsfrömuð og skákmeistara sem fram fer um helgina í Alþýðuhúsinu við Skipagötu. Skákfélag Akureyrar og verkalýðsfélagið Eining-Iðja eru mótshaldarar en tefldar verða 10 mínútna skákir. Jón fæddist 8. febrúar 1913 og var mikilvirkur í félagsmálum skákarinnar nyrðra og einnig innan SÍ þar sem hann var gerður að heiðursfélaga. Keppendur verða 44 talsins og sonur Jóns, Ingimar, er skráður til leiks. Friðrik og Ingimar tefldu báðir á Skákþingi Íslands árið 1957 sem fram fór á Akureyri.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 28. apríl 2013.

Skákþættir Morgunblaðsins

[Event "Nordic Championship for Girls Group C"] [Site "Limhamn"] [Date "2013.04.21"] [Round "4.1"] [White "Davidsdottir, Nansy"] [Black "Forsa, Regine"] [Result "1-0"] [WhiteElo "1504"] [ECO "B43"] [EventDate "2013.04.19"] 1. e4 c5 2. Nf3 e6 3. d4 cxd4 4. Nxd4 a6 5. Nc3 b5 6. a3 Bb7 7. Be2 Be7 8. O-O d6 9. f4 Nd7 10. Kh1 Ngf6 11. Bf3 Qc7 12. f5 e5 13. Nb3 O-O 14. Qe1 Rac8 15. Qg3 Kh8 16. Bg5 Rce8 17. Rad1 Qc4 18. Na5 Qc7 19. Nxb7 Qxb7 20. Nd5 Nxd5 21. Rxd5 Bxg5 22. Qxg5 Qc6 23. Rd2 g6 24. Rfd1 Nc5 25. Qf6+ Kg8 26. Rxd6 Qb7 27. Qh4 Rc8 28. fxg6 fxg6 29. b4 Na4 30. Rd7 1-0