Færsluflokkur: Skákþættir Morgunblaðsins

16.9.2013 | 22:16

Skákþáttur Morgunblaðsins: Oliver Aron efstur á Meistaramóti Hellis

Margir af yngri skámönnum okkar undirbúa sig af kappi fyrir haustvertíð skákarinnar sem er alveg að bresta á. Norðurlandamót grunnskóla í tveimur aldursþrepum mun fram í Finnlandi og Noregi á næstu dögum og Evrópumót ungmenna hefst í Svartfjallalandi undir lok mánaðarins. Í byrjun október mun Taflfélag Reykjavíkur standa fyrir glæsilegu alþjóðlegu móti, Íslandsmót skákfélaga kemur í kjölfarið og Víkingaklúbburinn hyggur á þátttöku í Evrópukeppni taflfélaga á Rhodos. Meistaramót Hellis sem lýkur næsta mánudagskvöld hefur reynst ágætur vettvangur fyrir undirbúning en þar ber helst til tíðinda þegar ein umferð er eftir að 15 ára gamall piltur Oliver Aron Jóhannesson hefur ½ vinnings forystu með 5 vinninga af sex mögulegum en í 2. - 5. koma Mikhael Jóhann Karlsson, Kjartan Maack, Sverrir Örn Björnsson og Jón Árni Halldórsson. Hinn 10 ára gamli Vignir Vatnar Stefánsson tapaði tveim fyrstu skákunum en Monrad-meðvindurinn hefur skilað fjórum sigrum hans í röð og er hann jafn Stefáni Bergssyni, Veroniku Steinunni Magnúsdóttur, og Atla Jóhanni Leóssyni að vinningum í 6.-9. sæti.

Oliver Aron, sem var næstum því orðinn heimsmeistari áhugamanna í fyrra hefur á Hellis-mótinu unnið kappa á borð Mikhael Jóhann Karlsson og Sævar Bjarnason.

Sá síðastnefndi, alþjóðlegi meistarinn Sævar Bjarnason, á heiður skilinn fyrir dugnað sinn við að tefla á innlendum mótum. Hann tekur yfirleitt þátt í Haustmóti TR, Skákþingi Reykjavíkur, Íslandsmótinu og er mættur á Meistaramóti Hellis. Það er gott veganesti fyrir yngri kynslóðina að fá að kljást við svo sterkan meistara í kappskák. Í viðureign þeirra í 3. umferð greip Oliver Aron greip tækifærið og sýndi allar sínar bestu hliðar:

Sævar Bjarnason - Oliver Aron Jóhannesson

Reti byrjun

1. Rf3 d5 2. g3 c6 3. Bg2 Bg4 4. 0-0 Rd7 5. d3 e6 6. Rbd2 Bd6 7. h3 Bh5 8. c4 Re7 9. a3 a5 10. b3 0-0 11. Bb2 e5 12. cxd5 cxd5 13. Hc1 Rc6 14. Hc2 De7 15. Da1

Þessi uppstilling sem oft kom fyrir í skákum Richard Reti og þeirra sem aðhylltust vængtöfl er úr sér gengin og bitlaus. Og Oliver bregst hart við.

15. ...f5! 16. e3 e4 17. dxe4 fxe4 18. Rd4 Rxd4 19. Bxd4 Be2 20. He1 Bd3 21. Ha2 Re5!

Með hnitmiðaðri taflmennsku hefur svartur náð yfirburðastöðu.

22. Rf1 a4 23. Bxe5?

23. b4 var skárra en pressan er þung eftir t.d. 23. ...Hf7.

23. ...Bxe5 24. Dd1 axb3 25. Dxb3 Bc4 26. Dc2 Df7

Það liggur ekkert á að hirða skiptamun.

27. Rh2 Bxa2 28. Dxa2

28. ...Hxa3!

Ekki batnar ástandið í herbúðum hvíts eftir þennan öfluga leik, 29. Dxa3 strandar vitaskuld á 29. ...Dxf2+ o.s.frv. Eftirleikurinn er auðveldur.

29. De2 h5 30. Hf1 Ha1 31. Hxa1 Bxa1 32. Rf1 Be5 33. Rd2 g5 34. Rb3 Kg7 35. Dc2 De6 36. Da2 b6 37. Da4 Df6 38. Da2 Bb2!

Línurof. Nú er ekki lengur hægt að verja f2-peðið.

39. Da7 Hf7 40. Da8 Dxf2+

- og hvítur gafst upp án þess að bíða eftir 41. Kh2 Dxe5+! 42. Kxg3 Be5 mát.

Kramnik vann heimsbikarmótið

Vladimir Kramnik vann lokaeinvígið við landa sinn Dmitry Andreikin á heimsbikarmótinu í Tromsö sem staðið hefur síðan í byrjun ágúst. Lokaniðurstaðan varð 2 ½ : 1 ½. Kramnik fór í gegnum mótið án þess að tapa skák, vann níu - þar af fimm kappskákir - og gerði 13 jafntefli.

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 8. september 2013.

Skákþættir Morgunblaðsins

Skákþættir Morgunblaðsins | Breytt s.d. kl. 22:17 | Slóð | Facebook | Athugasemdir (1)

9.9.2013 | 11:20

Skákþáttur Morgunblaðsins: Oliver Aron efstur á Meistaramóti Hellis

Margir af yngri skámönnum okkar undirbúa sig af kappi fyrir haustvertíð skákarinnar sem er alveg að bresta á. Norðurlandamót grunnskóla í tveimur aldursþrepum mun fram í Finnlandi og Noregi á næstu dögum og Evrópumót ungmenna hefst í Svartfjallalandi undir lok mánaðarins. Í byrjun október mun Taflfélag Reykjavíkur standa fyrir glæsilegu alþjóðlegu móti, Íslandsmót skákfélaga kemur í kjölfarið og Víkingaklúbburinn hyggur á þátttöku í Evrópukeppni taflfélaga á Rhodos. Meistaramót Hellis sem lýkur næsta mánudagskvöld hefur reynst ágætur vettvangur fyrir undirbúning en þar ber helst til tíðinda þegar ein umferð er eftir að 15 ára gamall piltur Oliver Aron Jóhannesson hefur ½ vinnings forystu með 5 vinninga af sex mögulegum en í 2. - 5. koma Mikhael Jóhann Karlsson, Kjartan Maack, Sverrir Örn Björnsson og Jón Árni Halldórsson. Hinn 10 ára gamli Vignir Vatnar Stefánsson tapaði tveim fyrstu skákunum en Monrad-meðvindurinn hefur skilað fjórum sigrum hans í röð og er hann jafn Stefáni Bergssyni, Veroniku Steinunni Magnúsdóttur, og Atla Jóhanni Leóssyni að vinningum í 6.-9. sæti.

Oliver Aron, sem var næstum því orðinn heimsmeistari áhugamanna í fyrra hefur á Hellis-mótinu unnið kappa á borð Mikhael Jóhann Karlsson og Sævar Bjarnason.

Sá síðastnefndi, alþjóðlegi meistarinn Sævar Bjarnason, á heiður skilinn fyrir dugnað sinn við að tefla á innlendum mótum. Hann tekur yfirleitt þátt í Haustmóti TR, Skákþingi Reykjavíkur, Íslandsmótinu og er mættur á Meistaramóti Hellis. Það er gott veganesti fyrir yngri kynslóðina að fá að kljást við svo sterkan meistara í kappskák. Í viðureign þeirra í 3. umferð greip Oliver Aron greip tækifærið og sýndi allar sínar bestu hliðar:

Sævar Bjarnason - Oliver Aron Jóhannesson

Reti byrjun

1. Rf3 d5 2. g3 c6 3. Bg2 Bg4 4. 0-0 Rd7 5. d3 e6 6. Rbd2 Bd6 7. h3 Bh5 8. c4 Re7 9. a3 a5 10. b3 0-0 11. Bb2 e5 12. cxd5 cxd5 13. Hc1 Rc6 14. Hc2 De7 15. Da1

Þessi uppstilling sem oft kom fyrir í skákum Richard Reti og þeirra sem aðhylltust vængtöfl er úr sér gengin og bitlaus. Og Oliver bregst hart við.

15. ...f5! 16. e3 e4 17. dxe4 fxe4 18. Rd4 Rxd4 19. Bxd4 Be2 20. He1 Bd3 21. Ha2 Re5!

Með hnitmiðaðri taflmennsku hefur svartur náð yfirburðastöðu.

22. Rf1 a4 23. Bxe5?

23. b4 var skárra en pressan er þung eftir t.d. 23. ...Hf7.

23. ...Bxe5 24. Dd1 axb3 25. Dxb3 Bc4 26. Dc2 Df7

Það liggur ekkert á að hirða skiptamun.

27. Rh2 Bxa2 28. Dxa2

28. ...Hxa3!

Ekki batnar ástandið í herbúðum hvíts eftir þennan öfluga leik, 29. Dxa3 strandar vitaskuld á 29. ...Dxf2+ o.s.frv. Eftirleikurinn er auðveldur.

29. De2 h5 30. Hf1 Ha1 31. Hxa1 Bxa1 32. Rf1 Be5 33. Rd2 g5 34. Rb3 Kg7 35. Dc2 De6 36. Da2 b6 37. Da4 Df6 38. Da2 Bb2!

Línurof. Nú er ekki lengur hægt að verja f2-peðið.

39. Da7 Hf7 40. Da8 Dxf2+

- og hvítur gafst upp án þess að bíða eftir 41. Kh2 Dxe5+! 42. Kxg3 Be5 mát.

Kramnik vann heimsbikarmótið

Vladimir Kramnik vann lokaeinvígið við landa sinn Dmitry Andreikin á heimsbikarmótinu í Tromsö sem staðið hefur síðan í byrjun ágúst. Lokaniðurstaðan varð 2 ½ : 1 ½. Kramnik fór í gegnum mótið án þess að tapa skák, vann níu - þar af fimm kappskákir - og gerði 13 jafntefli.

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 8. september 2013.

Skákþættir Morgunblaðsins

Skákþættir Morgunblaðsins | Breytt 16.9.2013 kl. 22:15 | Slóð | Facebook | Athugasemdir (0)

8.9.2013 | 20:00

Skákþáttur Morgunblaðsins: Kramnik á sigurbraut

Rússneska stórmeistaranum Vladimir Kramnik skaut upp á stjörnuhimininn á ólympíumótinu í Manila 1992 þegar hann hlaut 8½ vinning af 9 mögulegum fyrir sigurlið Rússa rétt nýorðinn 17 ára gamall. Honum var spáð mikilli velgengni á næstu árum og það gekk eftir þótt gamli heimsmeistarinn Botvinnik hafi á stundum ekki verið ánægður með þennan gamla nemanda sinn: „Hann reykir, drekkur og tapaði með skömm fyrir Kamsky í einvígi," sagði hann í viðtali árið 1994. Kramnik er löngu búinn að hlaupa af sér hornin; sigurganga hans undir lok síðustu aldar var mögnuð og svo kom HM-einvígið við Kasparov í London haustið 2000 sem Kramnik vann 8½:6½ án þess að tapa skák. Herstjórnarkænska hans þar tók öllu fram sem áður hafði sést á þessum vettvangi.

En næstu ár voru Kramnik erfið, sviptur titli tókst Kasparov auðvitað að markaðssetja sig sem skákmann nr. 1 í heiminum en árið 2005 dró hann sig í hlé. Kramnik vann heimsmeistaraeinvígið við Topalov í Elista 2006 en tapaði svo titlinum í hendur Anand árið 2008. Hann var afar nálægt því að vinna áskorunarréttinn í London í vor en tapaði í síðustu umferð fyrir hinum óútreiknalega Vasilí Ivantsjúk. Á heimsbikarmótinu í Tromsö er hann kominn í úrslitaeinvígið og teflir þar við landa sinn Dimitry Andreikin. Það er stór spurning hvort Kramnik sé ekki sá skákmaður í dag sem gengur næstur Magnúsi Carlssyni að styrkleika. Í Tromsö náði Kramnik að jafna sakirnar við téðan Ivantsjúk í fjórðu umferð. Hann er afar slægur í tæknilegum stöðum á borð við þá sem kom upp eftir flækjur miðtaflsins:

Ivantsjúk - Vladimir Kramnik

Drottningarbragð

1. d4 Rf6 2. c4 e6 3. Rf3 d5 4. Rc3 Be7 5. Bf4 0-0 6. e3 Rbd7 7. c5 Rh5 8. Bd3 Rxf4 9. exf4 b6 10. b4 a5 11. a3 c6 12. 0-0 Dc7 13. g3 Ba6 14. Bxa6 Hxa6 15. De2 Hfa8 16. b5 cxb5 17. Rxd5 exd5 18. Dxe7 Hc8 19. Hab1 bxc5 20. Hxb5 He6 21. Dg5 h6!

Endurbót Kramniks á skák Aronjans og Giris í Wijk aan Zee 2012. Þar var leikið 21.... Hb6 22. a4 og hvítur vann eftir 43 leiki.

22. Dxd5 Hd6 23. Da2 Dc6 24. De2 cxd4 25. Hfb1 a4 26. Re1 Rc5 27. Rd3 Rxd3 28. Dxd3 Dc3 29. Hd1 He6!

Með hugmyndinni 30. Dxd4 He1+! 31. Kg2 Dc6+ og vinnur hrók.

30. He5 Hxe5 31. fxe5 Db3 32. Dxd4 Dxa3 33. Kg2 Db3 34. Dd7 Ha8 35. Hd3 De6! 36. Db7

Ivantsjúk gast ekki að 36. Dxe6 fxe6 37. Ha3 Kf7 þótt jafnteflið sé ekki langt undan í því tilviki.

36.... Dc8 37. Df3 Ha5 38. Ha3 De8 39. De4 g6 40. f4 h5 41. h4 Kg7

Vegna frípeðsins á svartur nokkra vinningsmöguleika í þessari stöðu. Án þess að Kramnik hafi spilað út nokkru sem máli skiptir leikur Ivantsjúk af sér, 42. Kf2 eða 42. Kh2 ætti að duga til jafnteflis .

42. Db4? Dc6+ 43. Kf2 Hb5! 44. Dd4

Eða 44. Dxa4 Hb2'45. Ke3 Dc5'46. Kd3 Hg2! o.s.frv.

44.... Dc2+ 45. Kf3 Hb2!

Þungu fallstykkin sjá um mátsóknina. Svartur gafst upp.

Lausnin

Gunnar Finnlaugsson sem býr í Svíþjóð var fljótur að finna lausnina á hjálparmáts-dæminu sem birt var fyrir viku:

Mát í 5. leik, RxH mát. Hvernig féllu leikir?

Fyrsti leikurinn,1. e2-e4, er gefinn. Síðan kemur 1.... Rf6 2. f3 Rxe4 3. De2 Rg3 4. Dxe7+ Dxe7 5. Kf2 Rxh1 mát!

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 1. september 2013.

Skákþættir Morgunblaðsins

Skákþættir Morgunblaðsins | Breytt 1.9.2013 kl. 16:49 | Slóð | Facebook | Athugasemdir (0)

1.9.2013 | 20:00

Skákþáttur Morgunblaðsins: Sterkar taugar og skylmingahæfni í hraðskákum

Nokkrum skákmönnum á heimsbikarmótinu sem nú stendur yfir í Tromsö í Noregi fylgdu góðar óskir, sérstaklega þeim sem teflt hafa á síðustu Reykjavíkurskákmótum. Þrátt fyrir góða spretti í byrjun hafa þessir vinir okkar helst úr lestinni einn af öðrum. Kínverski pilturinn Yi Wei féll úr leik eftir tvær at-skákir við Azerann Mamedyarov og Cori systkinin frá Perú, Deysi og Jorge féllu úr leik í fyrstu umferð, Pavel Eljanov beið lægri hlut fyrir landa sínum Karjakin í 3. umferð, Alexei Dreev tapaði fyrir Rússanum Andreikin í hraðskákhluta þriðju umferðar en sigurvegarinn frá Reykjavíkurmótinu 2012, Fabiano Caruana, hefur hinsvegar haldið sínu striki og er kominn áfram í 5. umferð ásamt sjö öðrum skákmönnum. Svona útsláttarkeppnir snúast um sterkar taugar og skylmingahæfni í hraðskákum. Gata Kamsky er einn þeirra sem alltaf standa sig; eftir sigur í fyrri kappskákinni gegn Rússanum Shimanov féll hann fyrir kóngsbragði í 2. umferð en vann þá báðar at-skákirnar. Magnús Carlsen „tísti" um góða frammistöðu landa síns Jon Ludwig Hammer sem tapaði þó fyrir Kamsky í 3. umferð sem síðan lagði Azerann Mamedyarov í 4. umferð. Kamsky er bestur í þungri stöðubaráttu en eins og skákin sem hér fer á eftir sýnir glöggt, þá er sú deild líka vel starfandi sem fæst við harðar atlögur að kóngsstöðu andstæðingsins:

Heimbikarmótið í Tromsö 4. umferð:

Gata Kamsky - Shakhriyar Mamedyarov

Sikileyjarvörn

1. e4 c5 2. Rf3 e6 3. d4 cxd4 4. Rxd4 Rc6 5. Rc3 Dc7 6. f4 d6 7. Be3 Rf6 8. Df3 a6 9. Bd3

Skarpara er 9. O-O-O en Kamsky vill hafa vaðið fyrir neðan sig.

9. ... Be7 10. O-O O-O 11. Kh1 Bd7 12. Hae1 b5 13. a3 Hab8 14. Rxc6 Bxc6 15. Dh3 Hfd8 16. Bd2 d5?!

Hvítur hefur ýmsar hótanir í frammi, einkum 17. e5. Þessi leikur dregur þó lítið úr sóknarmætti hvíts.

17. e5 Re4 18. f5!

Mannsfórnin er fullkomlega rökrétt hafi Kamsky séð fyrir 21. og 22. leikinn sem telja verður öruggt.

18. ... Rxd2 19. fxe6 Re4 20. exf7+ Kh8 21. Rxd5! Bxd5 22. Hxe4! g6

Alls ekki 22. ... Bxe4 23. Bxe4 g6 24. Bxg6 og mátar.

23. Hef4

- Sjá stöðumynd -

Hvíta staðan er ógnandi en samt á Mamedyarov þrjá frambærilega varnarleiki: a: 23. ... Dxe3 t.d. 24,. Bxg6 Dg7. Svartur nær að verjast og staðan er í jafnvægi, b: 23. ... Dc8 sem hindrar framrás e5-peðsins og c: 23. .. Db6.

23. ... Kg7? 24. e6!

Erfiður leikur sem hótar 25. f8(D)+ Hxf8 26. Hf7+ og mátar.

24. ... Hf8 25. De3 Bc5 26. De1 Bd6?

Mamedyarov varð að bregðast við hótuninni 27. Dc3+ en varð jafnframt að valda h4-reitinn.

27. Hh4! Be7 28. De3!

Glæsilega teflt, 28. ... Bxh4 strandar á 29. Dd4+ o.s.frv.

28. ... h5 29. Dd4+ Kh6 30. Hxh5+!

- og svartur gafst upp, 30. ... gxh5 er svarað með 31. Hf6+ o.s.frv. og eftir 30. .. Kxh5 vinnur31. Dxd5+ eða jafnvel 31. Dg7.

Dularfull skákþraut

Þessi skákþraut á sér dálitla sögu. Hvítur hefur leikið kóngspeðinu fram um tvo reiti. Dæmið má kalla skilyrt hjálparmát í 5. leik, lokaleikurinn verður að vera riddari drepur hrók mát, fyrsti leikur meðtalinn. Hvernig ganga leikir fyrir sig?

Sagt er að ýmsir frægir menn, t.a.m. Kasparov, Karpov og gamli heimsmeistarinn Botvinnik, hafi ekki fundið lausnina sem mun birtast í þessum dálki í fyllingu tímans.

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 25, ágúst 2013.

Skákþættir Morgunblaðsins

Skákþættir Morgunblaðsins | Breytt 29.8.2013 kl. 15:27 | Slóð | Facebook | Athugasemdir (0)

25.8.2013 | 20:00

Skákþáttur Morgunblaðsins: Haltu opnu fyrir því óvænta

Wang Hao - Alexey Dreev

Svartur leikur og vinnur.

Staðan hér að ofan kom upp í 2. umferð heimsbikarmótsins í skák sem nú stendur yfir í Tromsö í Noregi. Staðan sem Alexei Dreev sat frammi fyrir minnir okkur á það að stundum þarf að brjóta hlekki hugar til að finna besta leikinn; að halda opnum huga gagnvart óvæntum möguleikum - það er vandinn. Ekki veit ég hvað braust um í huga Dreev en fyrsta spurning þessa öfluga stórmeistara hefði átt að vera: hverjir eru valkostirnir? Hann kaus að leika 46. ... Re1+, hafði vinningsmöguleika á ýmsum stigum en jafntefli varð þó niðurstaðan. Góður leikur var 46. ... Hc3, en sá albesti í stöðunni er af dýpri gerðinni: 46. ... f5!! Eftir 47. Hbxd3 He2+ verður hvítur mát, t.d. 48. Kf1 Hf2+ 49. Kg1 Hc1+ og mátar.

Þetta er annað stórmótið sem Norðmenn standa fyrir í ár og vitanlega má rekja þessa framkvæmdagleði til frammistöðu Magnúsar Carlsen; Norðmenn eru að safna sér saman fyrir heimsmeistaraeinvígið sem hann mun heyja við Anand í haust; á næsta ári halda þeir svo Ólympíumótið i skák. Ýmsir gestir okkar frá síðustu Reykjavíkurmótum hafa verið að gera góða hluti. Kínverjinn kornungi Wei hefur slegið út Nepomniachtchi og Shirov, Norðmaðurinn Hammer sló Movsesian úr keppni og sigurvegarinn frá síðasta Reykjavíkurmóti, Pavel Eljanov, er kominn áfram í 3. umferð. Meðal þeirra sem þurft hafa að snúa heim eru Judit Polgar og landi hennar Peter Leko, sem laut í lægra haldi fyrir Perúmanninum Granda Zuniga og Gata Kamsky. Upphaflega voru 128 skákmenn skráðir til leiks en um um helgina verða þeir orðnir 32.

Cori-systkinin frá Perú, Deysi og Jorge, unnu hugi og hjörtu manna á Reykjavíkurmótinu 2010. Jorge Cori var til alls vís er hann mætti Teimour Radjabov í 1. umferð. Kappskákunum lauk 1:1 en vegna tungumálaörðugleika kom upp misskilningur varðandi tímasetningu á hraðskákunum, Cori mætti of seint og var dæmdur úr leik. Hann átti betra skilið eins og eftirfarandi vinningsskák ber með sér. Lokahnykkurinn er bráðsnjall. Eitt það erfiðasta í skák er að bakka með vel staðsettan mann en þegar menn eru í stuði „koma svona leikir til manns", orðaði það einhver ágætur maður:

Jorge Cori - Teimour Radjabov

Kóngsindversk vörn

1. d4 Rf6 2. c4 g6 3. Rc3 Bg7 4. e4 d6 5. Rf3 O-O 6. Be2 e5 7. O-O Rc6 8. d5 Re7 9. b4 Rh5 10. He1

Ein vinsælasta leiðin enn í dag komin frá Ivan Sokolov. Radjabov gerþekkir þetta afbrigði.

10. ... f5 11. Rg5 Rf4 12. Bxf4 exf4 13. Hc1 h6 14. Re6 Bxe6 15. dxe6 Bxc3 16. Hxc3 fxe4 17. Bf1 e3 18. fxe3 fxe3 19. Hcxe3 a5 20. b5 c6 21. bxc6 bxc6 22. Hd3 Db6 23. Kh1 d5 24. cxd5 cxd5 25. Hxd5!?

Vegna hins ógnandi frípeðs á e6 tekur hvítur ekki mikla áhættu þó hann láti skiptamun af hendi.

25. ... Rxd5 26. Dxd5 Had8 27. De4 Hf6?

Eðlilegur leikur en samt meinleg ónákvæmni. Best var 27. ... Hf5.

28. e7! He8 29. Dd5+

Lítur vel út en 29. a4! var mun sterkara. Við hótuninni 30. Bb5 er þá lítið að gera.

29. ... Kg7 30. De5 Df2?

Hér var eina vonin fólgin í því að draga í land og leika 30. ...Db8! með hugmyndinni 31. Dxb8 Hxf1+ 32. Hxf1 Hxb8, e7 peðið fellur og svartur á jafnteflisvon.

31. Bb5! Kh7

32. Da1!

- Radjabov gafst upp.

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 18. ágúst 2013

Skákþættir Morgunblaðsins

Skákþættir Morgunblaðsins | Breytt 20.8.2013 kl. 17:33 | Slóð | Facebook | Athugasemdir (0)

18.8.2013 | 20:00

Skákþáttur Morgunblaðsins: Friðrik til fundar við Spasskí og Lombardy í Dresden

Friðrik Ólafsson er í góðum félagsskap á skákhátíð, „Pegasus chess summit", sem hefst í Dresden í Þýskalandi þann 16. ágúst nk. en ýmsar gamlar hetjur skákarinnar eru þar kallaðar til og heiðraðar fyrir framlag sitt til skáklistarinnar og vekur þátttaka Boris Spasskí fyrrverandi heimsmeistara mesta athygli. Nú er ár liðið frá því hann hann flutti óvænt og með leynd frá Frakklandi til Rússlands þar sem hann unir hag sínum vel þrátt fyrir fötlun í kjölfar heilablóðfalls. Spasskí mun væntanlega taka sæti í liði Rússa, sem teflir samráðaskák við úrvalslið Þjóðverja með „lifandi taflmönnum" frá „skákbænum Stroeberg". Viðureignin fer fram á torginu fyrir framan Frúarkirkjuna í Dreden. Hún var endurreist fyrir um 20 árum en var bókstaflega brædd niður í loftárásum Bandamanna á síðustu dögum seinni heimsstyrjaldar. Friðrik tók þátt í þessari hátíð í fyrra og tefldi þá sýningarskák í gömlum kastala við gamla brýnið Wolfgang Uhlmann. Annar kappi sem flýgur yfir hafið til Dresden er bandaríski stórmeistarinn William Lombardy. Kannski er líka kominn tími til að endurreisa hinn skapheita og bænheita Bill Lombardy í hugum vorum því sannleikurinn er sá að hann átti ekki lítinn þátt í uppgangi Bobby Fischers á sjötta áratugnum, var aðstoðarmaður hans í Portoroz ´58 og aftur í „einvígi aldarinnar" ´72. Lombardy vann ýmis mögnuð afrek áður hann tók vígslu sem kaþólskur prestur í byrjun

sjöunda áratugarins; varð heimsmeistari unglinga árið 1957 með fullu húsi, hlaut 11 vinninga af 11 mögulegum og á heimsmeistaramóti stúdenta í Leningrad árið 1960 leiddi hann bandarísku sveitina til sigurs með glæstum árangri á 1. borði, 12 vinningum af 13 mögulegum. Það fór ekki vel í yfirvöld í Sovét og Spasskí var umsvifalaust settur út af sakramentinu, þurfti kannski á því að halda því frægðarsól hans reis aldrei hærra en á árunum 1964-1970. Eftir að hafa „kastað hempunni" skömmu eftir einvígið mikla í Reykjavík hóf Lombardy að tefla aftur og var í liði bandarísku sveitarinnar sem vann gullverðlaun á Ólympíumótinu í Haifa í Ísrael árið 1976. Hann tefldi á fjölmörgum mótum hér á landi á tímabilinu 1957-1986. En lítum á áðurnefnda skák við Spasskí.

Leningrad 1960:

Boris Spasskí - William Lombardy

Sikileyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Bg5 Rbd7 7. Bc4 Da5 8. Dd2 e6 9. O-O

Miklu skarpara er að hrókera langt eins og Spasskí gerði í frægri vinningsskák gegn Tigran Petrosjan vorið 1969.

9. ... Be7 10. a3 h6 11. Be3 Re5 12. Ba2 Dc7 13. De2 b5 14. f4 Reg4 15. h3 Rxe3 16. Dxe3 O-O 17. Hae1

Svartur hefur auðveldlega náð að jafna taflið og stendur heldur betur betur ef eitthvað er.

17. ... e5 18. Rf5 Bxf5 19. exf5

( Sjá stöðumynd)

19. ... d5!

Þennan einfalda leik hefði Spasskí átt að hafa séð fyrir, svartur hótar að leppa drottninguna með 20. .... Bc5.

20. Dxe5 Bd6 21. De2 Bxa3! 22. Rd1?

Slakur leikur. Hvítur gat haldið jafnvægi með 22. rxd5 Rxd5 23. bxd5 Dc5+ 24. Kh2 Dxd5 25. bxa3 Dxf5 26. c4! o.s.frv. )

22. ... Hae8 23. Df3 Bc5+ 24. Kh1 Hxe1 25. Hxe1 Da5!

Tvöfalt uppnám. Svartur stendur til vinnings.

26. Rc3 b4 27. Rxd5 Dxa2 28. Rxf6+ gxf6 29. Dc6 Dc4!

- og hér má svara 30. Dxf6 með 30. ... Dxf4 o.s.frv. Spasskí gafst upp.

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 11. ágúst 2013

Skákþættir Morgunblaðsins

Skákþættir Morgunblaðsins | Breytt 12.8.2013 kl. 17:17 | Slóð | Facebook | Athugasemdir (0)

11.8.2013 | 20:00

Skákþáttur Morgunblaðsins: Þrumuleikir í Andorra

Frammistaða íslensku skákmannanna á skákhátíðinni í Pardubice í Tékklandi þar sem 12 skákmenn sátu að tafli var góð. í A-flokknum var Hannes Hlífar að bæta sig og endaði í 13.-37. sæti. Mikhael Jóhann Karlsson, Dagur Ragnarsson og Jón Trausti Harðarson hækkuðu verulega á stigum og í D-flokknum stóðu yngstu skákmenn okkar, Felix Steinþórsson, Heimir Páll Ragnarsson og Dawid Kolka sig einnig vel.

Á sama tíma í Andorra sátu að tafli í spænsku mótaröðinni þeir Héðinn Steingrímsson og Guðmundur Kjartansson. Héðinn hlaut 6½ vinning af níu mögulegum og endaði í 9.-17. sæti en Guðmundur hlaut 5½ vinning og varð í 32.-51. sæti. Vegna mikils stigamunar keppenda í slíkum mótum og skákgetu sem er stundum í litlu samræmi við stig getur verið erfitt að hækka sig mikið á elo-listanum. Héðinn stóð sig vel en lenti þó vitlausum megin við borðið í viðureign við enskan meistara sem fékk mikla athygli og hlaut fegurðarverðlaun:

Héðinn Steingrímsson - Lawrence Trent

Mótbragð Albins

1. d4 d5 2. c4 e5 3. dxe5 d4 4. Rf3 Rc6 5. a3 Bg4

Mótbragð Albins hefur alltaf átt sína fylgismenn og þar er rússneski stórmeistarinn Morozevich fremstur en hann kýs að leika 5.... Rge7.

6. Db3 Dd7 7. Dxb7 Hb8 8. Da6 Rge7 9. Rbd2 Rg6 10. g3 d3

Reynir eftir fremsta megni að hrista upp í stöðunni. Meginmarkmiðið er að hindra að hvítur nái að skipa liði sínu fram á eðlilegan hátt.

11. e3 Bb4!?

Fyrsta þruman.

12. Bg2

Héðinn stóð frammi fyrir erfiðu vali. Ef 12. axb4 Rxb4 13. Dxa7 Rc2+ 14. Kd1 0-0 15. h3 kemur 15.... Bxf3+ 16. Rxf3 Dc6 með margvíslegum hótunum.

12.... Bxd2+ 13. Rxd2 Rgxe5 14. 0-0 Bh3 15. Bxh3 Dxh3 16. f4 0-0

Ekki er um annað að ræða, 17.... Rg4 strandar á 17. Dxc6+ og Rf3 eða jafnvel - Dg2 við tækifæri.

17. c5?

„Besta ráðið við fórn er að taka henni," er gamall málsháttur. Eftir 17. fxe5 Rxe5 18. Rf3 má svara 18.... Hb6 með 19. Da5 og - Dd2. Annar möguleiki er 17.... Hb6 18. Da4 Rxe5 19. Dd1 Rg4 20. Rf3 Hf6 21. Dd2 og hvítur heldur velli.

17.... Rg4 18. Rf3

Hvítur hefur náð að verjast hótunum svarts sem nú spilar út enn einu trompinu.

- sjá stöðumynd -

18.... d2!?

Spilar út síðasta trompinu, 18.... Hfd8 var kannski enn sterkara, svipuð hugmynd sem byggist á 19. Dxc6 d2 20. Bxd2 Hxd2 og vinnur.

19. Bxd2 Hxb2 20. De2

Vitaskuld ekki 20. Dxc6 Hxd2 o.s.frv.

20.... He8 21. e4?

Svartur hótaði 22.... Hxe3 en betra var þó 21. Hfe1 t.d. 21.... Rxe3 22. Df2! eða 21.... Hxe3 22. Dd3!? eða jafnvel 22. Bxe3.

21.... h6!

Að „lofta út" getur verið mikilvægt í flóknum stöðum.

22. Hfb1 Hxe4!

Enn einn þrumuleikur sem byggist á 23. Dxe4 Hxd2 o.s.frv.

23. Df1 Dxf1+ 24. Hxf1 He2 25. h3 Rh2!

Og þessi kom á versta tíma.

26. Rxh2 Hexd2 27. Rf3 Hg2+ 28. Kh1 Hxg3 29. Had1 Hxh3+

Endataflið tveim peðum undir er vonlaust.

30. Kg1 Hg3+ 31. Kh1 Hb3 32. Rg1 Hgd3 33. f5 Hxa3 34. f6 gxf6 35. Hxd3 Hxd3 36. Hxf6 Re5 37. Hxh6 c6 38. Hh4 Hd1 39. Hf4 Hc1 40. Kg2 Hxc5 41. Re2 a5 42. Rg3 Kf8 43. Kf1 Hc3 44. Kg2 Hc2+ 45. Kf1 c5 46. Ha4 Rc6 47. Rf5 Hh2 48. Rd6 Ke7 49. Rb7 Hc2 50. Rxa5 Rxa5 51. Hxa5 Ke6 52. Ke1 f5 53. Kd1 Hc4 54. Ha8 He4 55. Kd2 c4 56. Ha5 Kf6 57. Ha1 Kg5 58. Hg1+ Kf4 59.Hf1+ Kg4 60. Hg1+ Kh3 61. Hf1 f4 62. Hh1+ Kg2 63. Hh4 Kg3

- og hvítur gafst upp.

Helgi Ólafsson helol@simnet.is

[Athugasemd ritstjóra: Trent sjálfur skýrir skákina hér.]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 4. ágúst 2013

Skákþættir Morgunblaðsins

Skákþættir Morgunblaðsins | Breytt 4.8.2013 kl. 12:14 | Slóð | Facebook | Athugasemdir (0)

4.8.2013 | 20:00

Skákþáttur Morgunblaðsins: Rétt ákvörðun í miðtaflinu

Þessa dagana hafa skákunnendur á Íslandi getað fylgst með tveimur mótum samtímis þar sem íslenskir skákmenn hafa látið til sín taka. Guðmundur Kjartansson og Héðinn Steingrímsson héldu til Andorra eftir að hafa teflt í námunda við Pýrenea-fjöllin fyrr í mánuðinum og stór hópur íslenskra skákmanna teflir á skákhátíðinni í Pardubice í Tékklandi. Í Andorra er Guðmundur Kjartansson aðeins ½ vinningi á eftir efstu mönnum með 4 vinninga að loknum fimm umferðum og situr í 7.-19. sæti af 178 keppendum, Héðinn er með 3 ½ vinning og er sem stendur í 20.-42. sæti. Tefldar verða níu umferðir.

Í Pardubice tefla tólf Íslendingar í fjórum flokkum. Í A-flokki þar sem 238 skákmenn hófu keppni er Hannes Hlífar með 4 ½ vinning af sex mögulegum og er í 8.-23. sæti, Hjörvar Steinn Grétarsson er með 4 vinninga í 24.-55. sæti og Dagur Arngrímsson hefur hlotið 3 ½ vinning og er í 56.-98. sæti. Í B-flokki vekur athygli frábær frammistaða Mikhaels Jóhanns Karlssonar sem er með 4 vinninga af fimm. Dagur Ragnarsson er með 3 ½ vinning en þeir eru báðir að ná árangri langt umfram reiknuð elo-stig. Nökkvi Sverrisson og Jón Trausti Harðarson standa sig einnig vel, en yngri skákmenn eru að heyja sér mikilsverða reynslu í D-flokknum: Dawid Kolka, Felix Steinþórsson og Heimir Páll Ragnarsson. Steinþór, faðir Felix sem er fararstjóri piltanna, situr einn í E-flokki og hefur staðið sig merkilega vel.

Dagur Arngrímsson hefur verið duglegur að tefla undanfarið. Bestur var hann á Íslandsmótinu í fyrra. Hann getur greinilega bætt sig í endatöflum því í 3. umferð missti hann auðunna stöðu gegn Aseranum Mirzoev niður í jafntefli; bætti það upp með góðum sigri yfir Hvít-Rússanum Stupak strax í næstu umferð.

Dagur Arngrímsson - Kiril Stupak

Bogo-indversk vörn

1. d4 e6 2. c4 Bb4+ 3. Bd2 a5 4. Rc3 Rf6 5. Dc2 d6 6. Rf3 Rc6 7. a3 Bxc3 8. Bxc3 De7 9. e4 e5 10. d5 Rb8 11. Bd3 a4 12. c5 O-O 13. Hc1 Bg4 14. cxd6 cxd6 15. Rd2 Rh5 16. Rc4 Rf4 17. Bf1!

Þetta kostar allt tíma en liðsafli svarts hrekst undan í næstu leikjum.

17. ... b5 18. Re3 Bd7 19. g3 Rh5 20. Be2 Rf6 21 O-O He8 22. Bd3 Ra6 23. f4!

Blæs til sóknar.

23. ... exf4 24. Hxf4 Rh5 25. Hh4 g6 26. Df2 Rc5 27. Bc2 Dg5 28. Hf1 f6 29. Bd2 De5 30. Bc3 Dg5

Hér er komið gott dæmi um vandann við ákvarðanatöku í miðtafli. Að Dagur skyldi endurtaka leiki benti til þess að hann væri ekki viss í sinni sök en að hrókurinn sé enn á a8 bendir til þess að stöðuuppbygging svarts hafi mislukkast. Ég fylgdist með skákinni á netinu: að fórna skiptamun með 31. Hxh5 blasti við. Framhaldið gæti orðið 31. ... gxh5 32. Bxf6 Dh6 (32. ... Dg6 33. e5! o.s.frv.) 33. Bc3 Hf8 34. Rf5 Bxf5 35. exf5 Hae8 og nú má svara 36. f6 með 36. .... De3, engan rakinn vinning að finna þarna. En Dagur fann lausnina og sparaði púðrið.

31. Rg2! Hf8 32. g4!

Svartur á ekkert svar við þessari einföldu leikfléttu, 32. ... Rg7 er vitanlega svarað með 33. Bxf6 og vinnur.

32. ... Bxg4 33. Bd2! De5 34. Hxg4 Dxb2 35. Bb4 Hac8 36. Re3 De5 37. Rf5 Kh8 38. Rd4!

Þessi riddari er á leiðinni til c6 og gerir þar út um allar vonir um mótspil.

38. ... f5 39. Rc6 Dg7 40. exf5 Rf6 41. Bc3

- og svartur gafst upp.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 28. júlí 2013

Skákþættir Morgunblaðsins

Skákþættir Morgunblaðsins | Breytt s.d. kl. 11:54 | Slóð | Facebook | Athugasemdir (0)

28.7.2013 | 20:00

Skákþáttur Morgunblaðsins: Síðasta skák Friðriks við Bobby Fischer

Létt var yfir mönnum við opnun Fischer-seturs á Selfossi þann 11. júlí sl. Sameinað átak Gunnars Finnlaugssonar, Aldísar Sigfúsdóttur, Magnúsar Matthíassonar og Sigfúsar Kristinssonar gerði þessa framkvæmd mögulega. Fischer-setrið er staðsett á annarri hæð gamla Landsbankahússins. Safnið á eftir að vaxa og dafna og þarna verður jafnframt aðstaða fyrir skákfélagið á Selfossi. Meðal gesta við opnunina voru ráðherrarnir Illugi Gunnarsson og Sigurður Ingi Jóhannsson. Sá síðarnefndi fann sterka samsvörun milli útlaganna Bobby Fischers og Grettis sterka Ásmundarsonar: „Báðir áttu sína Gláma að glíma við

- og báðir áttu trausta vini," sagði hann meðal annars.

Guðni Ágústsson, sem vart lýkur upp munni án þess að nefna Gunnar á Hlíðarenda, talaði síðastur og tókst auðvitað að spyrða kappana saman. Guðni glettist góðlátlega við vini sína úr kjördæminu, taldi augljóst að draugur nokkur, sem lengi hefði leikið lausum hala í Flóanum, myndi hafa ýtt á „send-takkann" þegar tölvupósturinn frægi fór af stað úr tölvu Bjarna bóksala; Ólafur Helgi sýslumaður væri landskunnur fyrir dálæti sitt á hljómsveit sem hann mundi að vísu ekki hver var en kom ekki að sök þar sem öðrum var ljóst að hér var átt við The Rolling Stones. Friðrik Ólafsson talaði um kynni sín af Fischer og færði setrinu að gjöf skorblöð af nokkrum skákum þeirra. Þeir tefldu samtals 12 skákir, þar af ellefu á tímabilinu 1958-'62. Friðrik vann þá fyrstu með glæsibrag en eftir það hallaði undir fæti og heildarniðurstaðan var 9:3, Fischer í vil. Fischer var afar beittur kóngspeðsmaður og Friðrik var með svart í sjö síðustu skákum þeirra. Hann ræddi síðustu viðureignina sem fram fór á Ólympíumótinu í Havana árið 1966, við rannsóknir eftirá taldi Fischer peðsfórn Friðriks í byrjun tafls ekki mikils virði, hann sá við brellum Friðriks undir lokin, vann sannfærandi sigur og hlaut 15 vinninga af 17 mögulegum á 1. borði fyrir Bandaríkin. En Friðrik átti sín tækifæri í þessari skák og kannski fyrr en keppendur hugðu:

Bobby Fischer - Friðrik Ólafsson

Spænski leikurinn

1. e4 e5 2. Rf3 Rc6 3. Bb5 a6 4. Ba4 Rf6 5. O-O Rxe4

Á Piatigorsky-mótinu fyrr um árið hafði Fischer átt í basli gegn opna afbrigði spænska leiksins í skákum við Bent Larsen og Wolfgang Unzicker.

6. d4 b5 7. Bb3 d5 8. dxe5 Be6 9. c3 Be7 10. Bc2 Bg4

Upphafið að athyglisverðri peðsfórn. Seinni tíma þróun byggð á skákum Kortsnojs gerði ráð fyrir leikjum á borð við 10. ... Dd7 og - Hd8.

11. h3 Bh5 12. g4 Bg6 13. Bb3 Ra5?!

Best var 13. ... Rc5! - „Houdini". Eftir 14. Bxd5 kemur 14. ... Dd7! með góðum færum og 14. Dxd5 er svarað með 14. ...Ra5.

14. Bxd5 c6 15. Bxe4 Bxe4 16. Dxd8+ Hxd8 17. Rbd2 Bd5 18. He1 h5 19. Re4 hxg4 20. hxg4 Rc4?!

Betri reitur fyrir riddarann var á b7 og 20. ... b4 kom einnig til greina.

21. Kg2! Be6 22. b3 Rb6 23. Be3 Rd5 24. Kg3 f6

Friðrik hafði litlar bætur fyrir peðið og þessi leikur bætir ekki úr skák.

25. Bc5! f5 26. Rd6+ Bxd6

Skárra var 26. ... Kd7.

27. exd6 Kd7 28. Re5 Kc8 29. Rxc6 f4 30. Kg2 Re3+!

Byggir á hugmyndinni 31. fxe3 Bd5+ o.s. frv. En Fischer hafði séð þetta fyrir.

31. Kg1! Bd5 32. Re7+ Kd7 33. fxe3 Hh1+ 34. Kf2 Hh2+ 35. Kf1 Bf3 36. Rg6 Be4 37. Re5+

- og svartur gafst upp.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 21. júlí 2013

Skákþættir Morgunblaðsins

Skákþættir Morgunblaðsins | Breytt 22.7.2013 kl. 12:25 | Slóð | Facebook | Athugasemdir (0)

21.7.2013 | 20:00

Skákþáttur Morgunblaðsins: Íslendingar tefla á spænsku mótaröðinni

Þessa dagana eru fjölmargir íslenskir skákmenn að búa sig undir þátttöku á mótum erlendis. Stór hópur ungra skákmanna mun taka þátt í skákhátíðinni í Pardubice í Tékklandi sem hefst um miðjan þennan mánuð; meðal þátttakenda er einnig Íslandsmeistarinn Hannes Hlífar Stefánsson. Henrik Danielssen og Hilmir Freyr Heimisson eru skráðir til leiks á Politiken Cup sem hefst um svipað leyti, bræðurnir Björn og Bragi Þorfinnssynir hyggja á þátttöku á sterku móti sem hefst í heimaborg Tal í Riga hinn 5. ágúst nk.

Skákvertíðin er hinsvegar fyrir nokkru byrjuð hjá Guðmundi Kjartanssyni sem í sumar hyggur á þátttöku á sex mótum á Spáni, sem öll eru hluti spænsku mótaraðarinnar. Mót nr. 2 stendur yfir þessa dagana og fer það fram í smábænum Benasque sem er í námunda við Pýrenea-fjöllin. Héðinn Steingrímsson er einnig meðal þátttakenda og tveir gamalkunnir stórmeistarar Norðurlanda einnig, Ulf Andersson og Heikki Westernen. Eftir sjö umferðir af tíu hafa þeir báðir fimm vinninga og sitja með öðrum í 28.-61. sæti meðal 428 keppenda, Héðinn er taplaus en Guðmundur, sem yfirleitt gerir ekki mikið af jafnteflum, hefur unnið fimm skákir og tapað tveimur.

Hjörvar Steinn Grétarsson sem útskrifaðist frá Verslunarskólanum í vor og ætlar að leggja áherslu á skákina næsta árið a.m.k. valdi að taka þátt í opna skoska meistaramótinu sem hófst í byrjun júlí. Eftir fimm umferðir er hann með 3½ vinning og er með efstu mönnum þó að tap fyrir enska stórmeistaranum Daniel Gormally í fimmtu umferð hafi sett svolítið strik i reikninginn hjá honum. Andstæðingur hans í fjórðu umferð var áreiðanlega vel lesinn í fræðunum og beitti Benkö-bragðinu sem þessa dagana virðist ekki bíta jafn vel og á árum áður. Leiðin sem Hjörvar valdi er ein fjölmargra og sigur hans var afar sannfærandi.

Hjörvar Steinn Grétarsson - Dawid Oswald

Benkö-bragð

1. d4 Rf6 2. c4 c5 3. d5 b5 4. cxb5 a6

Þó að þessi leikur liggi beinast við hefur ýmislegt annað verið reynt, t.d. að gefa peðið til baka, með 5. b6. Um skeið var eitt helsta svar hvíts við bragði Benkös leiðin: 5. f3 axb5 6. e4. Þá má nefna mótbragðið 5. Rc3!? axb5 6. e4 b4 7. Rb5 sem byggist á gildrunni 7. ... Rxe4 8. De2 þar sem ekki dugar að hörfa með riddarann, 8. ... Rf6 er svarað með 9. Rd6 mát!

5. bxa6 g6 6. Rc3 Bxa6 7. e4 Bxf1 8. Kxf1 d6 9. Rf3 Bg7 10. g3 0-0 11. Kg2 Rbd7 12. a4 Ha6 13. Dc2 Da8 14. Hd1

Hrókurinn er stundum hafður á e2 í þessu afbrigði en hér hefur hann það hlutverk að spyrna á móti framrás e-peðsins. Áður hefur verið leikið 14. Ha3 eða 14. Rb5.

14. ... Db7 15. Hb1

Góður reitur fyrir hrókinn. Hvítur bíður átekta en heldur opnu fyrir framrás b-peðsins.

15. ... e6 16. Bf4 exd5 17. exd5

Gott var einnig 17. Rxd5. )

Rh5 18. Be3 He8 19. b4! cxb4 20. Rb5 Hc8?

Ráðleysislegt. Best var 20. ... Rhf6! t.d. 21. Dc7 Da8 22. Rxd6 Hf8 og svartur á enn von.

21. De2 Rhf6 22. Hxb4 Rhf6

- sjá stöðumynd -

23. Rxd6 Rxe3+ 24. Dxe3 Dxb4 25. Rxc8 Dxa4

Tapar strax. Reyna mátti 25. ... He6 en eftir 26. Da7 er fátt um fína drætti, t.d. 26. ... Rf8 27. Rg5 Hf6 28. Re7+ Kh8 29. Rd5 og vinnur.

26. De8+ Rf8 27. Re7+ Kh8 28. Dxf7 Da2 29. Hd5!

- og nú er engin vörn við hótuninni 30. Dg8 mát. Svartur gafst upp.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 14. júlí 2013

Skákþættir Morgunblaðsins

Skákþættir Morgunblaðsins | Breytt 14.7.2013 kl. 14:59 | Slóð | Facebook | Athugasemdir (0)

Færsluflokkur: Skákþættir Morgunblaðsins

Kramnik vann heimsbikarmótið

Kramnik vann heimsbikarmótið

Lausnin

Dularfull skákþraut

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: