Skákþáttur Morgunblaðsins: Spennan magnast í heimsmeistaraeinvíginu

„Er þetta kannski einn af þessum stórkostlegu leikjum danska stórmeistarans? hugsaði ég," skrifaði gamli heimsmeistarinn Botvinnik örlítið háðskur í skýringum við skák sem hann tefldi við Bent Larsen árið 1967 í Palma á Mallorca. Á einum punkti hafði hann úr að velja fleiri en eina vinningsleið. Þetta var mjög gott ár hjá Larsen og hann var þá helsta von Vesturlanda og Norðurlanda eins eins og Magnús Carlsen í dag. Heimsmeistarinn Anand gæti hafa spurt sig þessarar sömu spurningar á meðan þriðja einvígisskák hans við Magnús stóð yfir. Ónákvæmni og linkulega tefld byrjun héldust í hendur og ýmsir spámenn voru farnir að efast um að Norðmaðurinn ungi hefði yfirleitt nokkuð fram að færa með hvítu sem hefur hingað til verið talið nauðsynlegt á þessum vettvangi. Hann náði þó jafntefli eftir talsverða erfiðleika. Kannski er hann hættulegri með svörtu því að í fjórðu skákinni sló hann Anand út af laginu með bíræfnu peðsráni sem minnti á hinn fræga leik Fischers í 1. skákinni við Spasskí, 29. ... Bxh2.

„Forskot Magnúsar Carlsen liggur ekki á sviði byrjana," sagði Garrí Kasparov, nýkominn til Chennai. Anand sá hinsvegar til þess að Garrí karlinn fengi ekki að sitja á fremsta bekk og vangaveltur voru uppi að þessi FIDE-forsetaframbjóðandi hefði orðið að kaupa sér aðgöngumiða þegar hann mætti á keppnisstað í Chennai sl. miðvikudag.

4. einvígisskák:

Wiswanathan Anand - Magnús Carlsen

Spænskur leikur

1. e4 e5 2. Rf3 Rc6 3. Bb5 Rf6 4. O-O Rxe4 5. d4 Rd6 6. Bxc6 dxc6 7. dxe5 Rf5 8. Dxd8+ Kxd8

Berlínar-vörnin er í vopnabúri Magnúsar. Svartur hefur ýmsar leiðir til að skipa liði sínu fram. Ýmsir hafa haldið því fram að þessi byrjun hafi velt Kasparov úr sessi sem heimsmeistara í HM-einvíginu við Kramnik árið 2000.

9. h3 Bd7 10. Hd1 Be7 11. Rc3 Kc8 12. Bg5 h6 13. Bxe7 Rxe7 14. Hd2 c5 15. Had1 Be6 16. Re1 Rg6 17. Rd3 b6 18. Re2?

Ónákvæmni. Magnús hafði teflt byrjunina hratt og Anand á það enn til að tefla of hratt!

- Sjá stöðumynd -

18. ...Bxa2!

Minnir óneitanlega á hinn fræga leik Fischers. Munurinn er sá að biskupinn sleppur út.

19. b3 c4! 20. Rdc1 cxb3 21. cxb3 Bb1 22. f4 Kb7 23. Rc3 Bf5 24. g4 Bc8

Aftur á heimareit eftir „peðsránið". Svartur á góða möguleika að þróa þessa stöðu til vinnings en Anand hefur meira rými.

25. Rd3 h5 26. f5 Re7 27. Rb5 hxg4 28. hxg4 Hh4 29. Rf2 Rc6 30. Hc2 a5 31. Hc4 g6 32. Hdc1 Bd7 33. e6 fxe6 34. fxe6 Be8 35. Re4! Hxg4+ 36. Kf2 Hf4+ 37. Ke3 Hf8

37. ... g5 var betra og svartur á nokkra vinningsmöguleika.

38. Rd4 Rxd4 39. Hxc7+ Ka6 40. Kxd4 Hd8+ 41. Kc3

Betra var 41. Ke3 og staðan má heita í jafnvægi.

41. ... Hf3+ 42. Kb2 He3 43. Hc8 Hdd3 44. Ha8+ Kb7 45. Hxe8 Hxe4 46. e7 Hg3 47. Hc3 He2+ 48. Hc2 Hee3 49. Ka2 g5 50. Hd2 He5 51. Hd7+ Kc6 52. Hed8 Hge3 53. Hd6+ Kb7 54. H8d7 Ka6 55. Hd5 He2+ 56. Ka3 He6!

Jafnteflið er auðfengið nái hvítur að skipta upp á hrókum en Magnús hefur náð að magna flækjustigið. Hér leggur hann lævísa gildru fyrir Anand, 57. Hxg5 er svarað með 57. ... b5! og vinnur vegna hótunarinnar 58. ... b4+.

57. Hd8 g4 58. Hg5 Hxe7 59. Ha8+ Kb7 60. Hag8 a4 61. Hxg4 axb3 62. H8g7! Ka6 63. Hxe7 Hxe7 64. Kxb3

Jafntefli! B-peð svarts er hættulaust. Staðan 2:2. Frábær barátta.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 17. nóvember 2013

Skákþættir Morgunblaðsins

Skákþáttur Morgunblaðsins: Magnúsi Carlsen spáð sigri í HM-einvíginu við Anand

Eitt það fyrsta sem Magnús Carlsen og fylgdarlið hans gerði eftir að hafa skráð sig inn á Hyatt Regency-lúxushótelið í Chennai í Indlandi þar sem einvígið um heimsmeistaratitilinn hefst um helgina, var að leita að hlerunar- og njósnabúnaði í híbýlum sínum. Prúðmennið Anand er manna ólíklegastur til að hafa rangt við en Magnús hefur lært lexíu sem skáksagan hefur kennt honum og vill bægja frá sér öllum grunsemdum.

„Ofsóknarbrjálæði" hefur alltaf verið fylgifiskur heimsmeistaraeinvígja. Sundurhlutun ljósahjálms og stóla í „einvígi aldarinnar" í Laugardalshöll 1972 er frægt dæmi; í þriðja einvígi Kasparovs og Karpovs í Leningrad haustið 1986 knúðu dyra hjá aðstoðarmanninum Vladimirov „górillur" tvær og Kasparov sjálfur og veiddu upp úr farangri hans „grunsamlegar glósur". Vladimirov var rekinn úr liði Kasparovs - alsaklaus að flestra mati.

„Toilet-gate", speglunargleraugu, dulsálfræðingurinn Zoukhar, kaffibrúsar, tvö umslög fyrir einn biðleik, jógúrt. Þetta eru hugtök og nöfn sem tengjast öll tortryggni heimsmeistaraeinvígja.

Magnús Carlsen sem er 22 ára er mættur á heimavöll Anands með tölvuver í farangrinum, norskan kokk, foreldrana Henrik og Sigrúnu og systurnar Ellen og Ingrid, umboðsmanninn Espen Agdestein og aðstoðarmennina Jon Ludwig Hammer og Laurent Fressinet. Ýmsir fleiri verða „á kantinum", Kasparov hefur boðað komu sína og Anand hefur ekki vandað honum kveðjurnar en það mun eiga rætur að rekja til ummæla sem Garrí lét falla um taflmennsku hans meðan á HM-einvíginu við Gelfand stóð.

Það er skoðun undirritaðs að nokkur mikilvæg atriði gefi heimsmeistaranum Anand von þó hann sé 95 stigum lægri á stigalista FIDE. Í fyrsta lagi er það heimavöllurinn sem fyrir Magnús Carlsen og þá sem koma til Indlands í fyrsta sinn er framandi menningarsvæði sem tekur tíma að aðlagast. Í öðru lagi reynsla Anands og frábær árangur í heimsmeistaraeinvígjum og snilldar undirbúningur. Hafa ber í huga að Magnús er að heyja sitt fyrsta alvöru einvígi á ferlinum. Anand hefur hinsvegar háð HM-einvígi við Kasparov, Shirov, Kramnik, Topalov og Gelfand.

Engu að síður spá flestir því að Magnúsi sigri og hann verði þannig fyrsti Norðurlandabúinn til að verða heimsmeistari. Í breskum veðbönkum eru sigurhorfur hans taldar 3:1. Til samanburðar má geta þess að sigurhorfur Kasparovs gegn Short árið 1993 voru 4:1.

Norska pressan stendur á öndinni og flykkist til Indlands. Magnús og Anand munu tefla 12 kappskákir með venjulegum umhugsunartíma og hefjast þær kl. 9.30 að íslenskum tíma.

Skákirnar eru á dagskrá 9. nóvember, 10. nóvember, 12. nóvember, 13. nóvember, 15. nóvember, 16. nóvember, 18. nóvember, 19. nóvember, 21. nóvember, 22. nóvember, 24. nóvember og 26. nóvember.

Verði jafnt eftir 12 skákir tefla þeir fjórar at-skákir. Verði enn jafnt taka við tvær hraðskákir, síðan Armageddon-skák. Verðlaunaféð deilist í hlutföllunum 60% - 40%, en 55% - 45% verði jafnt eftir 12 skákir hafa verið tefldar.

Heimasíða einvígisins er:

http://chennai2013.fide.com.

Hægt verður að fylgjast með einvíginu á fjölmörgum vefsíðum.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 10. nóvember 2013

Skákþættir Morgunblaðsins

Skákþáttur Morgunblaðsins: Hjörvar Steinn á eftir að vinna marga sigra á komandi árum

Nýjasti stórmeistari Íslendinga, Hjörvar Steinn Grétarsson, sem er aðeins tuttugu ára gamall, er glæsilegur ungur maður sem mun án efa vinna mörg glæsileg afrek á næstu árum. Þá fjallgrænu vissu byggir undirritaður á meira en tíu ára samvinnu. Metnaður Hjörvars hefur alltaf verið til staðar auk mikils baráttuvilja sem er sennilega mikilvægasti eiginleiki sem nokkur skákmaður getur haft. Auðvitað getur hann bætt sig á ýmsum sviðum en það á nú við flesta. Á EM taflfélaga á Rhodos tefldi Hjörvar Steinn á 2. borði fyrir enska klúbbinn Jutes of Kent og náði lokaáfanganum. Félag Hjörvars hér heima, Víkingaklúbburinn, sendi einnig sveit á þetta Evrópumót en báðar þessar sveitir áttu erfitt uppdráttar en mótið er skemmtileg blanda af áhugamönnum og öflugum stórmeisturum.

Fyrri áfanginn í Porto Carras í Grikklandi haustið 2011 reiknast tvöfaldur vegna sérstakra ákvæða FIDE varðandi titilumsóknir en þar er gert ráð fyrir a.m.k. 24 skákum tefldum. Það var aðeins tímaspursmál hvenær Hjörvar myndi ná lokaáfanganum en nokkuð er um liðið síðan hann skipaði sér í flokk með bestu skákmönnum þjóðarinnar. Hann mun tefla á 3. borði fyrir Íslands hönd á Evrópumótinu í Varsjá.

Og þá er það spurningin um skákstílinn. Sé litið yfir skáksöguna og frægustu meistara hennar eiga þeir það sameiginlegt að hafa snemma fundið sinn stíl - og skákstíllinn endurspeglar persónuleikann. Þetta átti a.m.k. við um þá tóku út skákþroska sinn fyrir daga tölvutækninnar, sem hefur gerbreytt landslagi skákarinnar. Í Time á dögunum gaf Garrí Kasparov þá athyglisverðu lýsingu á stíl Magnúsar Carlsen að hann væri byggður á innsæi. Stíll Hjörvars er býsna dýnamískur og hann tekur oft áhættu til að halda vinningsmöguleikum opnum. Í eftirfarandi skák, sem hann vann gegn þekktum rússneskum stórmeistara í fyrra, komu þessir þættir fyrir:

Ortisei, Ítalíu 2012

Mikhael Ulibin - Hjörvar Steinn Grétarsson

Nimzoindversk vörn

1. d4 Rf6 2. c4 e6 3. Rc3 Bb4 4. f3 0-0

Víkur strax frá algengari leiðum, 4.... d5 eða 4.... c5.

5. a3 Bxc3+ 6. bxc3 Re8 7. e4 b6 8. Bd3 Ba6 9. Rh3 Rc6

Hyggst ráðast gegn c4-peðinu með - Ra5 og jafnvel - Rd6.

10. e5 Dh4+ 11. Rf2 Ra5 12. De2 c5 13. 0-0 cxd4 14. Re4 f5 15. exf6 gxf6

15.... Rxf6 má svara með 16. Bg5 Dg5 17. Bxf6 og 18. cxd4.

16. g3 Dh5 17. g4 Dh4 18. Bd2?!

Fyrsti ónákvæmi leikur hvíts. Sjálfsagt var 18. cxd4 Rb3 19. Hb1 Rxd4 20. Dd1 og hvítur hefur góðar bætur fyrir peðið. Hér er 18.... Rb3 sennilega best en Hjörvar velur lakari leik.

18.... Hc8 19. cxd4 Rxc4 20. d5?!

Lítur vel út en traustara var 20. Bf4 og hvítur má vel við una.

20.... exd5 21. Rc3 Bb7 22. Bf4 Rg7 23. Bxc4?

Aftur ónákvæmni. Staðan er í járnum eftir 23. Rb5.

23.... Hxc4 24. Dd2 Re6 25. Bd6 Hfc8

Vegna yfirráða eftir c-línunni hefur svartur nú sterkt frumkvæði.

26. Rxd5 Hc2 27. Re7+ Kf7 28. De1

Komist hvíti riddarinn til f5 á hvítur enn von. En næsti leikur kom Ulibin í opna skjöldu.

28.... Dxg4+!

Með hugmyndinni 29. fxg4 Hg2+ 30. Kh1 Hxg4 og mátar.

29. Dg3 Dxg3+ 30. hxg3 H8c3 31. Rf5 Bxf3 32. Rh4 Rg5!

Hótar máti með 33.... Rh3. Ef 34. Rxf3 Rxf3+ kemur 35.... Hh2 sem er „arabískt mát".

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 3. nóvember 2013.

Skákþættir Morgunblaðsins

Skákþáttur Morgunblaðsins: Skrýtnar myndir á skákborði

Eftir fyrri helming Íslandsmóts skákfélaga hélt haustmót Taflfélags Reykjavíkur áfram og þar hélst staðan hvað varðar efsta sætið óbreytt. Einar Hjalti Jensson vann sinn stærsta sigur á ferlinum, hlaut 7 ½ vinning úr 9 skákum. Á Norðurlandamótinu í skák sem haldið var í strandbænum Köge í Danmörku tefldu fyrir Íslands hönd Henrik Danielsen og Guðmundur Kjartansson. Henrik hlaut 6 ½ vinning og varð í 3.-5. sæti en Guðmundur fékk 5 ½ vinning og varð í 15.-23. sæti. Norðurlandameistari varð Svíinn Axel Smith.

Í lok síðustu viku hélt Víkingasveitin til Rhodos án nokkurra lykilmanna en þó með Hannes Hlífar, Björn Þorfinnsson og Davíð Kjartansson innanborðs. Hjörvar Steinn Grétarsson sem í haust gekk til liðs við Víkingana valdi að tefla fyrir hitt liðið sitt, ensku sveitina Jutes of Kent. Þeir eru búnir að standa sig vel, Hannes með 3 vinninga úr fjórum skákum og Hjörvar og Björn með 2 ½ vinning.

En á þessu móti þar sem saman koma margir af sterkustu skákmönnum heims hefur verið tefld ein furðuleg skák. Við nána skoðun finnst varla rökréttur þráður. Samt eigast við öflugir stórmeistarar sem hitta á frábæra leiki. Morozevich sem er meistari sjónhverfinga leikur einum slæmum leik í byrjun og á undir högg að sækja eftir það. Og tilþrifin eru mögnuð:

EM Rhodos 2013

Alexander Morozevich - Viktor Laznicka

Enskur leikur

1. g3 e5 2. c4 Rf6 3. Bg2 Rc6 4. Rc3 Bc5 5. e3 d5!? 6. cxd5 Rb4 7. Rf3!?

Býður riddaranum til d3! Hér var öruggast að leika 7. d4 exd4 8. cxd4 Be7 o.s.frv.

7. ... Rd3+ 8. Ke2 Rxd5 9. Da4+

Vitaskuld ekki 9. Kxd3 Rxe3+ og vinnur.

9. ... Bd7 10. De4 R5b4 11. a3 Bc6 12. Dc4 b5 13. Dg4 Rc2 14. Dxg7 Hf8 15. Ha2?

Moro átti ýmsar vænlegar leiðir í byrjun, t.d. 12. Rxe5 eða jafnvel 13. Rxb5. En þetta er fyrst beini afeikur hans og héðan í frá á hann undir högg að sækja. Best var 15. Hb1.

15. ... b4! 16. axb4 Rcxb4 17. Ha5 Dd6 18. Dg4 Bb6 19. Ha3 Hd8 20. Re4 De7?!

Missir af 20. ... Dg6! 21. dxg6 fxg6 22. Rg5 h6 23. Rh3 g5 24. g4 Rc5 og svartur á að vinna - „Houdini".

21. Df5?!

21. Rh4! skorðar f6-peðið betur. Baráttan í framhaldinu snýst um „blokkeringar" að hætti Nimzowitch „og drottningunni hentar ekki vel það hlutverk," skrifaði sá góði maður.

21. ... f6 22. Rh4 Bb5 23. Kf3?!

Kóngurinn leggur í óvissuferð.

23. ... Rc2 24. Hxd3 Hxd3 25. Dh5 Kd8 26. Rf5 Db4 27. Kg4 Hd7

28. Kh3 Bd3 29. Df3 c6 30. g4 h5 31. gxh5 Hh7 32. Reg3 Hfh8 33. e4 Dc4 34. Kh4 Kc7?!

Hann gat unnið með 34. .... Hxh5+! 35. Rxh5 Be2 o.s.frv.

35. b3 Dxb3 36. Bb2 Dxb2 37. Dxd3 Hd7 38. Df3 Rb4 39. Re3 Bxe3 40. dxe3 Rd3 41. Hd1?!

Hvítur gat leikið 41. Dxf6 sem heldur jafnvægi.

41. ... a5 42. Bh3 Hd6 43. Dg4 Hhd8 44. Dg7 Kb6 45. h6 Dxf2 46. Hb1 Rb4 47. h7 Dxe3 48. Bf5 Hd2 49. Hh1 Dg5 50. Dxg5 fxg5 51. Kxg5 a4 52. Kf6 a3 53. Be6 H2d6 54. Rf5 Hxe6 55. Kxe6 Hh8 56. Kxe5 a2 57. Ha1 Hxh7 58. h4 Ha7 59. Re3 Kc5 60. Hc1 Kb5 61. Ha1 Ha3 62. Rf5 Kc4 63. h5 Rc2

Loks gat Laznicka andað léttar. Þessi staða er auðunnin.

64. Hxa2 Hxa2 65. h6 Ha7 66. Kf6 Rd4 67. Re7 Ha1 68. h7 Hh1 69. Kg7 Re6 70. Kg8 Hg1 71. Kf7 Rg5 72. Kg6 Rxh7 73. Kxh7 c5 74. Rf5 He1

- og Morozevich gafst upp. Stórkostleg baráttuskák.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 27. október 2013

Skákþættir Morgunblaðsins

Skákþáttur Morgunblaðsins: Vestmannaeyingar efstir á Íslandsmóti skákfélaga

Taflfélag Vestmannaeyja er með naumt forskot í fyrri umferð Íslandsmóts skákfélaga sem fram fór í fjórum deildum í Rimaskóla um síðustu helgi. Eyjamenn eru með 28½ vinning af 40 mögulegum en ný sameinuð sveit Hellis og Goðans-Máta sem heitir GM Hellir er ½ vinningi á eftir með 28 vinninga. Víkingasveitin er svo í 3. sæti með 27 vinninga. Baráttan um Íslandsmeistaratitilinn mun væntanlega standa milli þessara liða. Sveit Taflfélags Reykjavíkur er í 4. sæti með 24½ vinning og Bolvíkingar og Skákfélag Akureyrar í 5.-6. sæti með 24 vinninga. Allt getur gerst á lokasprettinum.

Nýjar reglur taka nú til keppninnar í 1. deild, fjölgað hefur verið úr átta í tíu sveitir og aðeins tveir erlendir skákmenn leyfðir í hverju liði. Sameining Hellis og Goðans-Máta korteri fyrir keppnina hefur sætt gagnrýni en greinarhöfundur ætlar að leiða þær deilur hjá sér. Staðreyndin er nefnilega sú, að ýtrustu túlkanir á ófullkomnum reglum hljóta að setja allt í bál og brand og ganga þvert á þann skemmtilega anda sem svífur yfir vötnum í keppni þar sem u.þ.b. 400 félagar hittast og tefla sjálfum sér og öðrum til ánægju.

Gleymdir meistarar hafa átt sína endurkomu um helgina; „Unglingameistari Íslands 1962", Sveinn Rúnar Hauksson, sneri sér að öðrum hugðarefnum eftir sigurinn fyrir meira en 50 árum en tefldi nú opinberlega í fyrsta sinn í langan tíma fyrir Vinaskákfélagið. Það virðist eiga betur við flesta að tefla í liði en að berjast þetta einir og sér. „Rimaskóla-strákarnir" í Fjölni, Dagur Ragnarsson, Oliver Aron Jóhannesson og Jón Trausti Harðarson, sem allir eru í 1. deildarliði Fjölnis, vöktu athygli fyrir góða frammistöðu. Þó að liðsmenn efstu sveitanna komi úr ýmsum áttum er samt ákveðinn kjarni „heimamanna" í flestum sveitum. Eyjamenn hafa innanborðs Björn Ívar Karlsson, Nökkva Sverrisson, Ingvar Þ. Jóhannesson og undirritaðan. Hjá Akureyringum hefur heiðursfélagi SÍ, Gylfi Þórhallsson, varla misst úr skák frá fyrstu viðureign „deildarkeppninnar" haustið 1974. Halldór Grétar Einarsson, Magnús Pálmi Örnólfsson, Guðmundur Daðason og Stefán Arnalds eru Bolvíkingar í húð og hár og ýmsir aðrir virðast vera að leita upprunans. Rúnar Sigurpálsson er aftur kominn í sveit Skákfélags Akureyrar og vann sannfærandi sigur yfir nýjasta meðlimi Víkingasveitarinnar:

Hjörvar Steinn Grétarsson - Rúnar Sigurpálsson

Kóngsindversk vörn

1. c4 Rf6 2. Rc3 g6 3. d4 Bg7 4. Rf3 O-O 5. Bf4 d6 6. h3 Rbd7 7. e3 b6 8. Be2 Bb7 9. O-O Re4 10. Rxe4 Bxe4 11. Rd2 Bb7 12. Bf3 Bxf3 13. Rxf3 e5 14. Bh2 De7 15. Dc2 Hfe8 16. Had1 a5 17. Da4 Hac8 18. dxe5 Rxe5 19. Rd4 Rd7 20. Rc6 De4 21. b3?

Fram að þessu allt tíðindalaust en þetta er ónákvæmur leikur. Staðan má heita í jafnvægi eftir 21. Hd2.

21. ... Rc5! 22. Db5 Dc2!

Skyndilega riða peð hvíts á drottningarvæng til falls.

23. Ra7 Hb8 24. Dc6 Re6 25. Rb5 Hbc8 26. e4?

Hann varð að reyna að ná jafntefli með 26. Ra7 og aftur 27. Rb5.

26. ... Dxa2 27. f4 Dxb3 28. f5 De3+ 29. Kh1 Dc5!

Hindrar allt mótspil.

30. Db7 Rg5 31. f6 Bf8 32. e5 dxe5 33. Hc1 Re6 34. Rc3 Rd4 35. De4 Hcd8 36. Rd5 b5 37. Re7+ Bxe7 38. fxe7 Dxe7 39. cxb5 Rb3!

Hótar hróknum og 40. ... Rd2 sem vinnur skiptamun. Hvítur gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 20. október 2013

Skákþættir Morgunblaðsins

Skákþáttur Morgunblaðsins: Yfirburðir Úkraínumanna á TR-mótinu

Úkraínumaðurinn Sergei Fedorsjúk sigraði á alþjóðlegu móti sem Taflfélag Reykjavíkur stóð fyrir og lauk í vikunni. Haustmóti TR var frestað á meðan en verður til lykta leitt eftir fyrri hluta Íslandsmóts taflfélaga. Fedorsjúk hlaut 7 vinninga af átta mögulegum en landi hans Mikhailo Olisenko kom næstur með 6 ½ vinning. Guðmundur Kjartansson og Henrik Danielsen urðu svo næstir í 3. - 4. sæti með 4 ½ vinning. 10 skákmeistarar hófu keppni. Arnar Gunnarsson hætti eftir tvær umferðir. Samkvæmt reglum eiga skákir hans að strikast út í heildaruppgjöri þó þær séu reiknaðar til elo-stiga. Guðmundur Kjartansson tefldi af mikilli hörku og var óheppinn að fá ekki fleiri vinninga, missti t.d. unnið tafl gegn Fedorsjúk niður í tap.

Eins og lokaniðurstaðan ber með sér höfðu Úkraínumennirnir talsverða yfirburði á mótinu. Fyrir lokaumferðina voru þeir jafnir að vinningum en Olisenko gerði þá jafntefli við Guðmund Kjartansson en á sama tíma vann Fedorsjúk eftirfarandi skák með snarpri kóngssókn:

Simon Bekker Jensen - Segei Fedorsjúk

Nimzoindversk vörn

1. d4 Rf6 2. c4 e6 3. Rc3 Bb4 4. e3 O-O 5. Rge2 c6 6. a3 Ba5 7. Rg3

Hvítur mætir óvæntum leik, 5. .. c6 á hefðbundinn hátt. En meira í anda stöðunnar var 6. b4 Bc7 7. e4 með hugmyndinni 7. ...d5 8. Bg5 o.s.frv.

7. ... d5 8. Dc2 Rbd7 9. Be2 dxc4 10. Bxc4 e5 11. dxe5 Rxe5 12. Be2 h5!?

Litlaus taflmennska hvíts í byrjun gefur kost á þessum leik. Hugmyndin er 13. Rxh5 Rxg5 14. Bxh5 Dg5! með vinningsstöðu.

13. O-O h4 14. Rf5 h3 15. Hd1 Dc7 16. f4?!

16. Re4 var betra og hvítur má vel við una.

16. ...Rg6 17. g3 Hd8 18. Bd2 Re7 19. Rb5!?

Ekki alslæmt þó atlagan geigi. Næstu leikir eru meira eða minna þvingaðir. 19. ... Hxd2! 20. Dxd2 cxb5 21. Rxe7+ Dxe7

Ekki gengur 21. ... Kf8 vegna 22. b4! o.s.frv.

22. Dxa5 Dxe3+ 23. Kf1

Hér lítur 23. .. Re4 vel út en hvítur á svarið 24. Dd8+ Kh7 25. Dh4+! og mátar!

23. ... Bg4! 24. Bxg4 Rxg4 25. Hd2?

Tapleikurinn. Hann varð að leika 25. Dd2 sem leiðir til jafnteflislegs hróksendatafls eftir 25. ... He8 26. Dxe3 Rxe3+ 27. Kf2 Rxd1+ 28. Hxd1 o.s.frv.

25. ...He8 26. Dxb5 Rxh2+!

Glæsilegt þó 26. .... Dxd2 vinni einnig, 27. Dxe8+ Kh7 28. De2 Rxh2+ 29. Kf2 Dd4+ 30. Ke1 Dg1+ og hrókurinn fellur.

27. Hxh2 Df3+ 28. Kg1 Dxg3+ 29. Kf1.

Eða 29. Kh1 He1+ og mátar.

29. ... He4! 30. Hc2 Hxf4+ 31. Ke2 Hf2+

- og hvítur gafst upp.

Góð frammistaða á EM ungmenna

Vignir Vatnar Stefánsson náði bestum árangri íslensku þátttakendanna á Evrópumóti ungmenna sem lauk í Budva í Svartfjallalandi á þriðjudaginn. Vignir hlaut 6 vinninga af 9 mögulegum og varð í 13. sæti af 123 keppendum í flokki keppenda 10 ára og yngri. Jón Kristinn Þorgeirsson sem tefldi í flokki keppenda 14 ára og yngri, Hilmir Freyr Heimisson sem tefldi í flokki keppenda 12 ára og yngri og Óskar Víkingur Davíðsson í flokki keppenda 8 ára og yngri hlutu allir 4 ½ vinning af 9 mögulegum og voru fyrir miðju í sínum aldursflokkum. Mestri stigahækkun íslensku keppendanna náði Dawid Kolka sem hækkaði um 26 elo-stig fyrir frammistöðu sína.

Mótið var geysilega öflugt þar sem langstærsti hluti keppenda kom frá stórveldum skákarinnar á borð við Rússland, Úkraínu, Armeníu og Aserbaídsjan.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 13. október 2013

Skákþættir Morgunblaðsins

[Event "rcc13"] [Site "?"] [Date "2013.10.08"] [Round "9.3"] [White "Bekker-Jensen, Simon"] [Black "Fedorchuk, Sergey A"] [Result "0-1"] [ECO "E46"] [WhiteElo "2420"] [BlackElo "2667"] [Annotator "Notandi"] [PlyCount "62"] [EventDate "2013.??.??"] [Source "lmi"] [SourceDate "2013.06.25"] [TimeControl "6000+2365"] [WhiteClock "0:14:33"] [BlackClock "0:01:18"] 1. d4 Nf6 2. c4 e6 3. Nc3 Bb4 4. e3 O-O 5. Nge2 c6 6. a3 Ba5 7. Ng3 d5 8. Qc2 Nbd7 9. Be2 dxc4 10. Bxc4 e5 11. dxe5 Nxe5 12. Be2 h5 13. O-O h4 14. Nf5 h3 15. Rd1 Qc7 16. f4 Ng6 17. g3 Rd8 18. Bd2 Ne7 19. Nb5 Rxd2 20. Qxd2 cxb5 21. Nxe7+ Qxe7 22. Qxa5 Qxe3+ 23. Kf1 Bg4 24. Bxg4 Nxg4 25. Rd2 Re8 26. Qxb5 Nxh2+ 27. Rxh2 Qf3+ 28. Kg1 Qxg3+ 29. Kf1 Re4 30. Rc2 Rxf4+ 31. Ke2 Rf2+ 0-1

Skákþáttur Morgunblaðsins: Með bjartsýni að vopni

Í byrjun þessa árs urðu Íslendingar í efsta sæti á Norðurlandamóti ungmenna sem fram fór á Bifröst. Þar var tekin saman vinningatala í öllum fimm aldursflokkum einstaklingskeppninnar. Á Norðurlandamóti grunnskóla fyrr í þessum mánuði bar Álfhólsskóli úr Kópavogi sigur úr býtum í yngri aldursflokkunum og í eldri flokknum vann sveit Rimaskóla öruggan sigur. Samanburður við Norðurlönd er okkur því hagstæður um þessar mundir. Evrópumót ungmenna 8-18 ára sem nú fer fram í Budva í Svartfjallandi í sex aldursflokkum pilta og stúlkna er verðugt verkefni fyrir íslenska hópinn sem í eru átta keppendur. Það er auðvitað við ramman reip að daga því austurblokkin eins og hún leggur sig stimplar sig sterkt inn: Rússland, Úkraína, Armenía, Aserbaídsjan, svo nokkur af fyrrverandi lýðveldum Sovétríkjanna séu nefnd „sturta niður" keppendum í hvern einasta flokk. Og fyrir þessar þjóðir er mun styttra að ferðast; vettvangur þessara móta er oftast sá sami, Tyrkland, Búlgaría, Tékkland og nú Svartfjallaland.

Af íslensku keppendunum ætti hinn tíu ára gamli Vignir Vatnar Stefánsson að eiga mesta von um verðlaunasæti en hann er með 3 ½ vinning þegar lokið er fjórum umferðum af níu. Óskar Víkingur Davíðsson sem er aðeins átta ára gamall er einnig til alls líklegur með 2 vinninga en átti um tíma vinningsstöðu í tapskák sinni í þriðju umferð. Ýmsir aðrir hafa teflt vel. Dawid Kolka sem er með 2 vinninga og Hilmir Freyr Heimisson sem er með 1 ½ vinning hafa báðir unnið sannfærandi sigra og eru til alls líklegir. Í viðureign sinni í eftirfarandi skák mætti Hilmir Freyr til leiks með bjartsýni og sókndirfsku að vopni. Svartur missti vissulega af tækifærum til að verjast betur en í skákinni sem hér fer á eftir hefði hann vissulega getað varist betur en líkt og í skákum Mikhaels Tal í gamla daga kom það ekki ljós fyrr en í rannsóknum eftir á:

Hilmir Freyr Heimisson - Kai Pannwitz

Sikileyjarvörn

1. e4 c5 2. Rc3 a6 3. Rge2

Hilmir hefur dálítið verið að fást við „Grand prix-afbrigðið" sem hefst með 3. f4 en ákvað að hvíla það að þessu sinni.

3. ... e6 4. g3 b5 5. a3 Bb7 6. Bg2 d5 7. exd5 Rf6 8. O-O Rxd5 9. Rxd5 Bxd5 10. Bxd5 Dxd5 11. d4 Rc6 12. Rf4!?

Fórnar peði fyrir frumkvæðið.

12. ... Dxd4 13. Df3 Dd7 14. Be3 Be7 15. Had1?

Hér var sennilega öruggara að leika 15. Rd3 og ná peðinu aftur þar sem 15. .. c4 strandar á 16. Re5! o.s.frv.

15. .... Dc7 16. Dg4 g6

Gott var einnig að hrókera stutt.

17. Rxe6!?

Með bjartsýni að vopni!

17....Dc8

Gott var einnig 17. ... fxe6 18. Dxe6 Dc8 19. De4 Kf7 .

18. Rg7+ Kf8 19. Dxc8 Hxc8 20. Bh6 Kg8 21. Hfe1

Hilmir ætlaði að mæta besta leiknum 21. ... Bf8 með stórskemmtilegri vendingu, 22. Hd6!? Hugmyndin er 22. ... Bxg7 23. Hxc6! og vinnur eða 22. ... Bxd6 23. Re8 Be7 24. Hxe7! Rxe7 25. Rf6 mát. En svartur á 22. ... Rd4 sem vinnur!

21. ...Bf6? 22. He8+! Hxe8 23. Rxe8 Be5

Eða 23. ... Bxb2 24. Hd6 Re7 25. Hd8 og mátar.

24. Hd6! f6 25. Hxc6

Manni undir þráast svartur við í nokkra leiki.

25. ... Kf7 26. Rd6+ Bxd6 27. Hxd6 g5 28. f4 g4 29. f5 He8 30. Hd7+ Kg8 31. Hg7+ Kh8 32. Hf7 c4 33. Hxf6 Kg8 34. Kf2 a5 35. He6 Hd8 36. Hf7 Hd2+ 37. Bxd2

- og Pannwitz gafst upp.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 6. október 2013

Skákþættir Morgunblaðsins

[Event "23rd EYCC 2013 - OPEN U12"] [Site "Budva"] [Date "2013.09.30"] [Round "2.48"] [White "Heimisson, Hilmir Freyr"] [Black "Pannwitz, Kai"] [Result "1-0"] [ECO "B23"] [WhiteElo "1742"] [BlackElo "1522"] [PlyCount "73"] [EventDate "2013.09.29"] 1. e4 c5 2. Nc3 a6 3. Nge2 e6 4. g3 b5 5. a3 Bb7 6. Bg2 d5 7. exd5 Nf6 8. O-O Nxd5 9. Nxd5 Bxd5 10. Bxd5 Qxd5 11. d4 Nc6 12. Nf4 Qxd4 13. Qf3 Qd7 14. Be3 Be7 15. Rad1 Qc7 16. Qg4 g6 17. Nxe6 Qc8 18. Ng7+ Kf8 19. Qxc8+ Rxc8 20. Bh6 Kg8 21. Rfe1 Bf6 22. Re8+ Rxe8 23. Nxe8 Be5 24. Rd6 f6 25. Rxc6 Kf7 26. Nd6+ Bxd6 27. Rxd6 g5 28. f4 g4 29. f5 Re8 30. Rd7+ Kg8 31. Rg7+ Kh8 32. Rf7 c4 33. Rxf6 Kg8 34. Kf2 a5 35. Re6 Rd8 36. Re7 Rd2+ 37. Bxd2 1-0

Skákþáttur Morgunblaðsins: Stúlkurnar setja svip á Gagnaveitumót TR

Jón Viktor Gunnarsson og Einar Hjalti Jensson eru efstir þegar tefldar hafa verið fjórar umferðir á Haustmóti TR - Gagnaveitumótinu sem nú stendur yfir. Þeir Jón Viktor og Einar Hjalti hafa unnið allar skákir sínar en mega búast við harðri samkeppni frá Stefáni Kristjánssyni sem er með 3 ½ vinning. Ólokið er innbyrðis viðureign þessara efstu manna.

Gagnaveitumótið er undanfari alþjóðlegs móts TR sem hefst 1. október nk. og lýkur skömmu fyrir Íslandsmót taflfélaga. Þar munu tíu skákmenn tefla allir við alla. Hinn nýi formaður TR, Björn Jónsson, hefur ásamt stjórn félagsins skipulagt ýmsa hliðarviðburði í tengslum við það mót sem hefur á að skipa Úkraínumönnunum Sergei Fedorsjúk og Mikhaylo Oleksienko sem einnig munu tefla fyrir TR á Íslandsmóti skákfélaga.

Haustmót TR fer að þessu sinni fram í þrem tíu keppenda riðlum og opnum flokki. Keppni B-riðils er athyglisverð en þar tefla m.a. þrjár landsliðskonur, Hallgerður Helga Þorsteinsdóttir, Jóhanna Björg Jóhannsdóttir og Tinna Kristín Finnbogadóttir. Hallgerður Helga er sem stendur í efsta sæti með 3 ½ vinning.

Og fleiri af okkar fremstu skákkonum setja sterkan svip á haustmótið. Elsa María Kristínardóttir leiðir í C-riðli ásamt Kristófer Ómarssyni, bæði með 3 vinninga. Hin margreynda Sigurlaug Friðþjófsdóttir, sem varð Norðurlandameistari árið 1981, lét í vor af formennsku í TR eftir farsælan feril, hefur auk félagsmálavafsturs verið dugleg við að tefla á innlendum mótum. Í viðureign hennar við hina 17 ára gömlu Hrund Hauksdóttur varð hún að láta í minni pokann eftir kraftmikla taflmennsku Hrundar sem sparaði ekki púðrið undir lokin skákarinnar:

Sigurlaug Friðþjófsdóttir - Hrund Hauksdóttir

Spænskur leikur

1. e4 e5 2. Rf3 Rc6 3. Bb5 Rge7

Þessi leikur sést alltaf annað veifið. Bent Larsen beitti honum stundum og í seinni tíð Ivan Sokolov.

4. O-O g6 5. d4 exd4 6. Rxd4 Bg7 7. Rxc6 Rxc6 8. Bxc6 bxc6 9. Dd3 O-O 10. Rc3 a5 11. He1 Ba6 12. Df3 Hb8 13. Hb1 d6 14. Bd2 Dd7 15. b3 c5 16. Ra4 f5!

Eftir fullrólega taflmennsku hvíts hrifsar svartur til sín frumkvæðið. Biskuparnir njóta sín vel í opnum stöðum.

17. exf5 Hxf5 18. Dh3 Df7 19. Be3 Be5 20. Dg4 Hb4 21. Dd1?

Sigurlaugu gast ekki að 21. c4 Bxc4 og svartur vinnur peð. Þetta var samt besta leiðin þar sem hrókurinn kemst nú yfir á h5.

21. ... Hh4 22. h3 Bb7 23. Rxc5 Bc6 24. Rd3 Bc3 25. Hf1 Hf3!

Lamar kóngsstöðu hvíts og heldur vakandi hótunum á borð við 26. .... Df5 og í sumum tilvikum hróksfórn á h3.

26. Kh2

Þessi leikur bætir ekki úr skák en það var enga vörn a finna.

26. ...Hfxh3+! 27. gxh3 Bf3 28. Dc1 Hxh3+! 29. Kxh3 Df5 30. Kg3 Dg4+

- og hvítur gafst upp. Það er mát í næsta leik.

Hou Yifan heimsmeistari kvenna í annað sinn

Kínverska stúlkan Hou Yifan sem tefldi á alþjóðlega Reykjavíkurskákmótinu í fyrra er nú 19 ára gömul og hefur ekkert slakað á. Í fyrra missti hún óvænt heimsmeistaratitilinn í hendur úkraínsku skákkonunnar Önnu Usheninu. Í flóknu ferli vann Hou Yifan aftur áskorunarréttinn og HM-einvígi hennar við Önnu Usheninu fór fram á dögunum í Jiangsu í Kína. Hou Yifan hafði yfirburði á öllum sviðum skákarinnar og vann 5 ½ : 1 ½ og er því nýkrýndur heimsmeistari kvenna.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 22. september 2013

Skákþættir Morgunblaðsins

[Event "Haustmot TR - C flokkur"] [Site "Reykjavik"] [Date "2013.09.22"] [Round "3"] [White "Fridthjofsdottir, Sigurlaug R"] [Black "Hauksdottir, Hrund"] [Result "0-1"] [ECO "C60"] [WhiteElo "1735"] [BlackElo "1679"] [PlyCount "60"] [EventDate "2013.09.15"] [Source "lmi"] [SourceDate "2013.06.25"] 1. e4 e5 2. Nf3 Nc6 3. Bb5 Nge7 4. O-O g6 5. d4 exd4 6. Nxd4 Bg7 7. Nxc6 Nxc6 8. Bxc6 bxc6 9. Qd3 O-O 10. Nc3 a5 11. Re1 Ba6 12. Qf3 Rb8 13. Rb1 d6 14. Bd2 Qd7 15. b3 c5 16. Na4 f5 17. exf5 Rxf5 18. Qh3 Qf7 19. Be3 Be5 20. Qg4 Rb4 21. Qd1 Rh4 22. h3 Bb7 23. Nxc5 Bc6 24. Nd3 Bc3 25. Rf1 Rf3 26. Kh2 Rfxh3+ 27. gxh3 Bf3 28. Qc1 Rxh3+ 29. Kxh3 Qf5+ 30. Kg3 Qg4+ 0-1

Skákþáttur Morgunblaðsins: Teflt um Norðurlandameistaratitil á þrennum vígstöðvum

Íslenskir skákmenn tefldu um Norðurlandameistaratitil á þrennum vígstöðvum um helgina. Hin sigursæla sveit Rimaskóla hélt til Hökksund í Noregi til að verja titil sinn á Norðurlandamóti grunnskóla, eldri deild. Með Dag Ragnarsson, Oliver Aron Jóhannesson, Jón Trausta Harðarson og Nansý Davíðsdóttur í liðinu var almennt búist við titilvörn og sumir voru á því að sveitinni tækist að bæta árangur sinn frá 2012 en þá hafðist 18 ½ vinningur úr 20 skákum, sem er hæsta vinningshlutfall skáksveitar í þessari keppni fyrr og síðar. En í fyrstu umferð fóru viðvörunarbjöllur að klingja; Rimaskóli náði einungis jafntefli, 2:2, gegn danska Aby-skólanum. Á öðrum degi vann Rimaskóli hinsvegar allar átta skákir sínar og vann svo mótið að lokum örugglega með 16 ½ vinningi af 20 mögulegum, vinningi á undan dönsku sveitinni. Í Helsinki í Finnlandi á sama tíma stóð sveit Álfhólsskóla úr Kópavogi í stórræðum á NM grunnskóla, yngri deild. Þar hafðist einnig sigur, 15 ½ v. af 20 mögulegum. Sveitina skipa Dawid Kolka, Felix Steinþórsson, Guðmundur Agnar Bragason, Oddur Þór Unnsteinsson og Halldór Atli Kristjánsson. Fimm einstaklingar úr þessum tveim liðum skipuðu sigursveit Íslands á Norðurlandamóti einstaklinga á Bifröst sl. vetur.

Í Borgundarhólmi í Danmörku lauk svo Norðurlandameistaramóti öldunga. Þar voru Friðrik Ólafsson og Áskell Örn Kárason í toppbaráttunni en náðu þó ekki titlinum. Þeir hlutu 6 ½ vinning hvor og voru hnífjafnir í 2. sæti. Hinn gamalreyndi danski stórmeistari Jens Kristiansen sigraði, hlaut 7 vinninga. Friðrik Ólafsson sem er kominn fast að áttræðu tók þá skynsamlegu stefnu að spara kraftana í nokkrum skákum. Auðvitað gaf það helsta keppinaut hans ákveðið forskot. En gaman var að fylgjast með taflmennsku hans. Sigurskákin við Heikki Westerinen var sennilega besta skákin sem hann tefldi á mótinu:

Friðrik Ólafsson Heikki Westerinen

Kóngsindversk vörn

1. Rf3 Rf6 2. g3 g6 3. b3 Bg7 4. Bb2 O-O 5. Bg2 d6 6. d4 c5 7. c4 cxd4 8. Rxd4 d5 9. cxd5 Rxd5 10. O-O Rb4?!

Mislukkuð atlaga. Best er 10. ... Dd7! ásamt - Hd8

11. Dd2 R8c6 12. Rxc6 Rxc6 13. Bxg7 Kxg7 14. Bxc6! ´

Svartur þarf nú að fást við erfiðan veikleika á c-línunni.

14... bxc6 15. Hd1 Dxd2 16. Hxd2 Be6 17. Rc3 c5 18. Hc1 c4 19. b4!

C4-peðinu er borgið í bili en á móti kemur að peðastaða hvíts á drottningarvæng er afar ógnandi og riddarinn en betri en biskupinn í þessari stöðu.

19. ... Hfb8 20. Hb2 Hd8 21. f3 f5 22. Kf2 Bf7 23. b5 e5 24. a4 Kf6 25. a5 Ke7 26. f4 exf4 27. gxf4 Hab8 28. Ke3 Hd6 29. Hd1 He6 30. Kf2 Ha6 31. Ha2 Hd6 32. Had2 Hbd8 33. Hxd6 Hxd6 34. Ke3!

Betra en 34. Hxd6 Kxd6 og kóngurinn kemst til c5.

34. ... Hf6 35. Kd4 Be6 36. Kc5 Hf8 37. Hd6 Hc8 38. Hc6 Kd7 39. Hxc8 Kxc8 40. b6 Kb7 41. bxa7 Kxa7 42. Rb5 Kb8

- sjá stöðumynd -

43. Kb6!

Þetta er kóngssókn! Ein hugmyndin er að leika riddaranum til c7 og síðan a-peðinu fram.

43. ... Bd5 44. Rc3

Einfaldara var 44. a6 Kc8 45. e4! með hugmyndinni 45. ... fxe4 46. Rc7! eða 45. .. Bxe4 46. Rd6+ og 47. Rxe4.

44. ... Ba8 45. Kc5 Ka7 46. Kxc4 Ka6 47. Kb4 Bc6 48. Ra4 Kb7 49. Rc5 Kc7 50. Kc4 Kd6 51. Kd4 Bb5 52. e3 Kc6 53. Re6 Be2 54. Ke5 Bc4 55. Rf8

- og Westerinen gafst upp. Svörtu peðin á kóngsvæng eru að falla.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 22. september 2013

Skákþættir Morgunblaðsins

[Event "Nordisk Senior Mesterskab 2013"] [Site "Hotel Sandvig, Allinge, Bornh"] [Date "2013.09.12"] [Round "6.3"] [White "Olafsson, Fridrik"] [Black "Westerinen, Heikki M.J"] [Result "1-0"] [ECO "E60"] [WhiteElo "2407"] [BlackElo "2281"] [PlyCount "109"] [EventDate "2013.??.??"] [Source "lmi"] [SourceDate "2013.06.25"] 1. Nf3 Nf6 2. g3 g6 3. b3 Bg7 4. Bb2 O-O 5. Bg2 d6 6. d4 c5 7. c4 cxd4 8. Nxd4 d5 9. cxd5 Nxd5 10. O-O Nb4 11. Qd2 N8c6 12. Nxc6 Nxc6 13. Bxg7 Kxg7 14. Bxc6 bxc6 15. Rd1 Qxd2 16. Rxd2 Be6 17. Nc3 c5 18. Rc1 c4 19. b4 Rfb8 20. Rb2 Rd8 21. f3 f5 22. Kf2 Bf7 23. b5 e5 24. a4 Kf6 25. a5 Ke7 26. f4 exf4 27. gxf4 Rab8 28. Ke3 Rd6 29. Rd1 Re6+ 30. Kf2 Ra6 31. Ra2 Rd6 32. Rad2 Rbd8 33. Rxd6 Rxd6 34. Ke3 Rf6 35. Kd4 Be6 36. Kc5 Rf8 37. Rd6 Rc8+ 38. Rc6 Kd7 39. Rxc8 Kxc8 40. b6 Kb7 41. bxa7 Kxa7 42. Nb5+ Kb8 43. Kb6 Bd5 44. Nc3 Ba8 45. Kc5 Ka7 46. Kxc4 Ka6 47. Kb4 Bc6 48. Na4 Kb7 49. Nc5+ Kc7 50. Kc4 Kd6 51. Kd4 Bb5 52. e3 Kc6 53. Ne6 Be2 54. Ke5 Bc4 55. Nf8 1-0

Skákþáttur Morgunblaðsins: Guðmundur vann í fimmtu tilraun

Guðmundur Kjartansson - Javier Ruiz

Hver er besti leikurinn í stöðunni?

Efsta sætið var undir í úrslitaskák opna mótsins í Sabella á Spáni, fimmta mótsins sem Guðmundur Kjartansson tók þátt í á spænsku mótaröðinni á u.þ.b. tveim mánuðum.

Flétta Guðmundar hófst með 20. Rxf5! Við blasir að 20. ... Bxf5 er svarað með 21. Dxd6! því eftir 21. ... Dxd6 kemur 22. Rf7 mát! Ruiz lék eðlilega 20. ... Rxf5 en eftir 21. Dxe7 Rxe7 kom baneitraður biskupsleikur: 22. Bh3! Guðmundur hefur greinilega náð að þroska taktíska innsæið. Svartur valdi að gefa skiptamun og framhaldið varð: 22. ... g5 23. Bxe6 gxf4+ 24. Bxg8 Hxg8+ 25. Kf1 en eftir 63 leiki gafst Spánverjinn upp.

Guðmundur var einn efstur af 32 keppendum, hlaut 7 vinninga af 9 mögulegum. Hann er þokkalega sigldur eftir þessa miklu törn; framundan eru alþjóðlegt mót Taflfélags Reykjavíkur, Íslandsmót taflfélaga og líkur eru á því að hann taki sæti í liði Íslands í Evrópukeppni landsliða í Varsjá í nóvember.

Hér heima hefur vakið athygli sigur Olivers Arons Jóhannessonar á Meistaramóti Hellis en hann hlaut 6 vinninga af 7 mögulegum, í 2.-4. sæti komu Kjartan Maack, Sverrir Örn Björnsson og hinn 10 ára gamli Vignir Vatnar Stefánsson, allir með 5 vinninga. Vignir Vatnar tapaði tveim fyrstu skákum sínum en vann síðan allar skákir sínar eftir það. Enginn efstu manna er félagi í Helli og skákmeistari Hellis með 4½ vinning er Vigfús Vigfússon.

Friðrik Ólafsson með á NM öldunga

Þrír íslenskir skákmenn taka þátt í Norðurlandamóti öldunga sem fram fer þessa dagana í Borgundarhólmi í Danmörku. Þátttaka Friðriks Ólafssonar vekur mesta athygli en eftir sex umferðir af níu var hann í 3. sæti með 4 ½ vinning, efstu menn þ.ám. stórmeistarinn Jens Kristiansen voru með 5 vinninga. Áskell Örn Kárason sem lyfti sér upp á öldungastigið með 60 ára afmæli sínu í sumar var í 4. - 6. sæti með 4 vinninga en Sigurður Kristjánsson var með 3 vinninga og í neðri helmingi af 32 keppendum. Vinningsskákir Friðriks hafa verið vel tefldar en eins og stundum áður hefur hann verið fullgjafmildur á stutt jafntefli gegn lakari skákmönnum.

Peder Berkell (Danmörk) - Friðrik Ólafsson

Kóngsindversk vörn

1. d4 Rf6 2. Rf3 g6 3. c4 Bg7 4. Rc3 d6 5. e3 O-O 6. Be2 Rbd7 7. b3 e5 8. Bb2 He8 9. Dc2 c6 10. h3 a6 11. O-O De7 12. a4 e4 13. Rd2 Rf8 14. Hfe1 h5 15. f4

Eftir dálítið gamaldags byrjunartaflmennsku gefst Friðriki kostur á að opna taflið. Hann er fljótur að grípa tækifærið.

15. ... exf3 16. Bxf3 g5!

Kóngsstaða hvíts er býsna viðkvæm og þess vegna á þessi leikur fullan rétt á sér.

17. e4 g4 18. e5 gxf3

Gott var einnig 18. .. dxe5 19. Hxe5 Dd7! t.d. 20. Hxe8 Dxd4+ 21. Kh1 Rxe8 o.s.frv. En Friðrik hafði skemmtilegan millileik i huga.

19. exf6 f2+! 20. Kxf2 Dxf6+ 21. Rf3 Bf5 22. Dd1 Rg6 23. Bc1

Svartur hafði í frammi margvíslegar hótanir en þessum leik var ætlað að koma í veg fyrir 23. ... Rh4.

23. ... Hxe1 24. Dxe1

24. ... Rh4!

Með hugmyndinni 25. Bg5 Rxf3 26. Bxf6 Rxe1 27. Bxg7 Rd3+! og vinnur mann.

25. Rxh4 Dxh4+ 26. Kf1 Bd3+ 27. Re2 Dxd4 28. Ha2 He8

Hvíta staðan er ein rjúkandi rúst.

29. Df2 Dc3!

- og hvítur gafst upp.

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 15. september 2013.

Skákþættir Morgunblaðsins

[Event "Nordisk Senior Mesterskab 2013"] [Site "Hotel Sandvig, Allinge, Bornh"] [Date "2013.09.08"] [Round "2.3"] [White "Berkell, Peder"] [Black "Olafsson, Fridrik"] [Result "0-1"] [ECO "E60"] [WhiteElo "2201"] [BlackElo "2407"] [PlyCount "58"] [EventDate "2013.??.??"] [Source "lmi"] [SourceDate "2013.06.25"] 1. d4 Nf6 2. Nf3 g6 3. c4 Bg7 4. Nc3 d6 5. e3 O-O 6. Be2 Nbd7 7. b3 e5 8. Bb2 Re8 9. Qc2 c6 10. h3 a6 11. O-O Qe7 12. a4 e4 13. Nd2 Nf8 14. Rfe1 h5 15. f4 exf3 16. Bxf3 g5 17. e4 g4 18. e5 gxf3 19. exf6 f2+ 20. Kxf2 Qxf6+ 21. Nf3 Bf5 22. Qd1 Ng6 23. Bc1 Rxe1 24. Qxe1 Nh4 25. Nxh4 Qxh4+ 26. Kf1 Bd3+ 27. Ne2 Qxd4 28. Ra2 Re8 29. Qf2 Qc3 0-1