Jón Viktor og Snorri sigruðu stórmeistara - Jón Viktor í 1.-6. sæti

Jón Viktor Gunnarsson sigraði serbneska stórmeistarann Dragoljub Velimirovic (2415) og Snorri G. Bergsson (2340) vann serbneska stórmeistarann Bosko Abramovic (2484).  Dagur Arngrímsson (2392) vann FIDE-meistarann Roman Protsenko (2265) og Guðmundur Kjartansson (2284) gerði jafntefli við alþjóðlega meistarann Dejan Nestorovic (2424).

Jón Viktor hefur 7 vinninga og er efstur ásamt Srdjan Cvetkovic (2378) og Miko Popchev (2426), Snorri hefur 6 vinninga og er í 6.-20. sæti með 6 vinninga og Guðmundur og Dagur hafa 5,5 vinning og eru í 21.-35. sæti. 

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

Friðrik vann í sjöttu umferð!

Friðrik Ólafsson (2440) er kominn á skrið á alþjóðlega mótinu í Prag í Tékklandi en í sjöttu umferð, sem fram fór í dag, en hann sigraði tékknesku skákkonuna Kateřina Němcová (2369).  Friðrik hefur 2,5 vinning.  Hinir gamalreyndu kappar sigruðu umferðina 2,5-1,5 og leiða nú 12,5-11,5.

Viktorije  Cmilyte er efst kvennanna með 4 vinninga en Hort er efstur hinna gamalreyndu með 5 vinninga og Karpov annar með 4 vinninga.  

Í sjöundu og næstsíðustu umferð, sem fram fer á morgun, teflir Friðrik við tékknesku skákkonuna Jana Jacková (2360).

Skákirnar hefjast kl. 15 en skákirnar eru í beinni á netinu.

• Heimasíða mótsins
• Skákirnar í beinni

Jón Viktor sigraði stigahæsta keppenda mótsins og er í 2.-6. sæti

Jón Viktor Gunnarsson sigraði serbneska stórmeistarann Branko Damljanovic (2596), sem er stigahæsti keppandi Belgrad Trophy í sjöundu umferð mótsins sem fram fór í dag.  Jón Viktor hefur 6 vinninga og er í 2.-6. sæti.

Snorri G. Bergsson (2340) og Guðmundur Kjartansson (2284) unnu sínar skákir gegn stigalægri andstæðingum og Dagur Arngrímsson (2392) gerði jafntefli við stigalægri andstæðing.   

Guðmundur og Snorri hafa 5 vinninga og eru í 13.-39. sæti og Dagur hefur 4,5 vinning og er í 40.-59. sæti.  Serbneski stórmeistarinn Srdjan Cvetkovic (2378) er efstur með 6,5 vinning.

Í áttundu og næstsíðustu umferð, sem fram fer á morgun, teflir Jón Viktor við hinn kunna serbneska stórmeistara Dragoljub Velimirovic (2415).   Snorri teflir einnig við kunnan stórmeistara Bosko Abramovic (2484) sem var meðal efstu manna á Reykjavíkurskákmótinu árið 1982.   

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

Jón Viktor sigraði í sjöttu umferð í Belgrad og er í 2.-13. sæti

Jón Viktor Gunnarsson sigraði FIDE-meistarann Lazar Stavnjak (2251) í sjöttu umferð Belgrad Trophy, sem fram fór í Serbíu í dag.  Dagur Arngrímsson (2392), Snorri G. Bergsson (2340) og Guðmundur Kjartansson (2284) töpuðu hins vegar allir.

Dagur tapaði fyrir, stigahæsta keppenda mótsins, stórmeistaranum, Branko Damljanovic (2596), Snorri fyrir stórmeistarann Goran Cabrilo (2500) og Guðmundur fyrir alþjóðlega meistarann Milan Bozic (2435).

Jón Viktor hefur 5 vinninga og er í 2.-13. sæti, Snorri, Guðmundur og Dagur hafa 4 vinninga og eru  29.-63. sæti. Serbneski alþjóðlegi meistarinn Srdjan Cvetkovic (2378) er efstur með fullt hús.

Í sjöundu umferð, sem fram fer á morgun, teflir Jón Viktor við Damljanovic og vonandi að hann nái að hefna ófara Snorra og Dags sem báðir hafa tapað fyrir honum.  Hinir tefla allir við stigalægri andstæðinga.

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

Friðrik tapaði í þriðju umferð í Prag

Friðrik Ólafsson (2440) tapaði fyrir tékknesku skákkonunni Jönu Jacková (2360) í þriðju umferð alþjóðlega mótsins í Prag þar sem gamalreyndir meistarar mæta skákkonum.

Skákkonunum gekk vel í dag, en þær fengu 3,5-0,5, aðeins Karpov náði jafntefli, og leiða  7-5.  Allir umferðirnar hafa unnist á hvítt svo þeir gömlu geta komið til baka á morgun.   

Staða gamalreyndra kappa (Old-hands):

• Hort 2 v.
• Karpov 1,5 v.
• Uhlmann 1 v.
• Friðrik 0,5 v.

Staða kvennanna (Snowdrops):

• Jacková 2 v.
• Cmilyte 2 v.
• Ushenina 1,5
• Němcová 1,5 v.

Í fjórðu umferð, sem fram fer á morgun, teflir Friðrik við lettnesku skákkonuna Viktorije Cmilyte (2512). 

Skákirnar hefjast kl. 15.  Einnig er vert að benda á Skákhornið þar sem Eyjólfur Ármannsson fer yfir skákirnar.  

 

• Heimasíða mótsins
• Skákirnar í beinni
• Skákhornið

Dagur, Snorri og Guðmundur unnu í fjórðu umferð

Dagur Arngrímsson (2392), Snorri G. Bergsson (2340) og Guðmundur Kjartansson (2284) sigruðu allir í fjórðu umferð Belgrad Trophy sem fram fór í Serbíu í dag.  Jón Viktor Gunnarsson (2430) gerði jafntefli.

Dagur vann Zoran Tasic (2159), Snorri sigraði Mladen Z Knezevic (2167) og Guðmundur vann Zoran Z Petrovic (2149).  Jón Viktor gerði jafntefli við Mersid Kahrovic (2259).

Jón Viktor hefur 3,5 vinning og er í 5.-16. sæti en hinir hafa 3 vinninga og eru í 17.-54. sæti.   Í fimmtu umferð, sem fram fer á morgun, teflir Guðmundur við stórmeistarann Miodrag R Savic (2522) en hinir tefla við stigalægri andstæðinga.  

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

 

Heimasíða mótsins

 

Friðrik gerði jafntefli í 2. umferð

Friðrik Ólafsson (2440) gerði stutt jafntefli við tékknesku skákkonuna Katerina Nemkova (2369) í 2. umferð alþjóðlega mótsins í Prag þar sem gamalreyndir skákmenn tefla við skákkonur. 

Í þriðju umferð, sem fram fer á morgun, teflir Friðrik við tékknesku skákkonuna Jönu Jacková (2360).    

Skákirnar hefjast kl. 15.  Einnig er vert að benda á Skákhornið þar sem Eyjólfur Ármannsson fer yfir skákirnar.  

 

• Heimasíða mótsins
• Skákirnar í beinni
• Skákhornið

Friðrik Ólafsson að tafli í Prag

Friðrik Ólafsson (2440) situr nú að tafli í Prag þar sem hann tekur þátt í móti þar sem gamalreyndir skákmeistarar tefla við skákkonur.  Í fyrstu umferð, sem nú er hægt að fylgjast með í beinni, teflir Friðrik við úkraínsku skákkonuna Anna Usenina (2496), sem er alþjóðlegur meistari.  

Með Friðriki í liði gamalreyndra tefla Anatoly Karpov (2651), Vlastimil Hort (2478) og, sjálf holdtekning frönsku varnarinnar, Wolfgang Uhlmann (2417).   

Fulltrúar kvennanna eru Victoria Cmilyte (2512), áðurnefnd Anna Usenina (2496), Katarina Nemcova (2369) og Jana Jackova (2360).

Skákirnar hefjast kl. 15.  Einnig er vert að benda á Skákhornið þar sem Eyjólfur Ármannsson fer yfir skákirnar.  

• Heimasíða mótsins
• Skákirnar í beinni
• Skákhornið

Góð byrjun í Belgrad

Allir íslensku skákmennirnir unnu sínar skákir í fyrstu umferð Belgrad Trophy, sem fram fór í dag, í Belgrad í Serbíu en allir tefldu þeir við stigalægri heimamenn. 

Jón Viktor Gunnarsson (2430) vann Marko Nikolic (2063), Dagur Arngrímsson (2392) sigraði Ljuboje Bekic (2014),  Snorri G. Bergsson (2340) lagði Miljoe Ratkovic (2099) og Guðmundur Kjartansson (2284) vann Ratko Mitrovic (1920).  

Í 2. umferð, sem fram fer á morgun, tefla þeir aftur allir við stigalægri andstæðinga.

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

 

Dagur og Guðmundur hækka mikið á stigum

Dagur Arngrímsson (2392) og Guðmundur Kjartansson (2284) hækka báðir verulega á skákstigum fyrir frammistöðu sína í alþjóðlega skákmótinu í Harkany í Ungverjalandi en báðir stóðu þeir sig frábærlega.  Dagur náði stórmeistaraáfanga en Guðmundur áfanga að alþjóðlegum meistaratitli.

Dagur hlaut 7 vinning í 9 skákum og varð í 2.-3. sæti.  Frammistaða hans samsvaraði 2628 (!) skákstigum og hækkar hann um 27 stig.

Guðmundur fékk 6 vinninga og varð í 9.-23. sæti.  Frammistaða hans samsvaraði 2492 skákstigum og hækkar hann um 38 stig.

Bragi Þorfinnsson (2383) fékk 5 vinninga og varð í 34.-48. sæti.  Frammistaða hans samsvaraði 2383 skákstigum og lækkar hann um 7 stig.   

Jón Viktor Gunnarsson (2430) fékk 4,5 vinning og hafnaði í 49.-70. sæti  Frammistaða hans samsvarði 2394 skákstigum og lækkar um 3 stig.   

Kúbverski alþjóðlegi meistarinn Fidel Corrales Jimenez (2552) sigraði á mótinu en hann hlut 7,5 vinning.

Dagur, Jón Viktor og Guðmundur halda nú til Belgrad þar sem þeir tefla á alþjóðlegu skákmóti ásamt hraðskákmeistara Taflfélags Reykjavíkur, Snorra G. Bergssyni.   

Alls tók 121 skákmaður þátt í a-flokknum og þar á meðal sjö stórmeistarar.  

Heimasíða mótsins