Björn og Jón Viktor sigruðu í fjórðu umferð

Björn Þorfinnsson (2408) og Jón Viktor Gunnarsson (2463) sigruðu báðir í fjórðu umferð b-flokks Reggia Emilo-mótsins sem fram fór í dag. Björn er nú efstur með 3,5 vinning en Jón Viktor hefur 2 vinninga.    

Ungverski stórmeistarinn Zoltan Almasi (2663) er efstur í a-flokki með 4 vinninga og kínverski stórmeistarinn Ni Hua (2710) er annar með 3,5 vinning. Stórmeistararnir Alexei Dreev (2670), Rússlandi og Jan Gustafsson (2634), Þýskalandi, eru í 3.-4. sæti með 2,5 vinning. 

Í 5. umferð, sem fram fer á morgun, teflir Björn við, ungverska alþjóðlega meistarann Miklos Galyas (2454) og Jón Viktor við ítalska FIDE-meistarann Luca Barillo (2202).

B-flokkurinn er áfangamót þar sem Björn er að gera atlögu að lokaáfanganum að alþjóðlegum meistaratitli en til þess þarf 6 vininninga í 9 skákum.  Jón Viktor er hins einn þriggja alþjóðlegra meistara.  Skákirnar eru sýndar beint á netinu og skákir morgundagsins hefjast kl. 12:30.

• Heimasíða mótsins
• Skákirnar í beinni

Guðmundur vann í 2. umferð í Hastings

FIDE-meistarinn Guðmundur Kjartansson (2284) sigraði norska skákmanninn Arne Hagesæterher (2181) í 2. umferð Hastings-mótsins, sem fram fór í dag.  Guðmundur hefur 1 vinning.   Í þriðju umferð, sem fram fer á morgun, teflir Guðmundur við ensku skákkonuna Christine Flear (2092).

Fimm skákmenn eru efstir og jafnir með 2 vinninga en það eru ensku stórmeistararnir Mark Hebden (2515), Gawain Jones (2548) og Stuart Conquest (2426), enski alþjóðlegi meistarinn Stephen Gordon (2452) og úkraínski stórmeistarinn Valeriy Neverov (2571).

Rúmlega 100 skákmenn taka þátt í aðalmótinu og þar af 13 stórmeistarar.   Guðmundur er u.þ.b. nr. 60 í stigaröðinni.  

Heimasíða mótsins

Björn sigraði í þriðju umferð

Björn Þorfinnsson (2399) sigraði ítalska FIDE-meistarann Alberto Pomaro (2254) í þriðju umferð b-flokks Reggio Emila-skákhátíðirnar sem fram fór á Ítalíu í dag.  Jón Viktor Gunnarsson (2430) tapaði hins vegar fyrir  ítalska FIDE-meistaranum Andrea Cocchi (2305).   Björn hefur 2,5 vinning en Jón Viktor 1 vinning. 

Ungverski stórmeistarinn Zoltan Almasi (2663) er efstur í a-flokki með 3 vinninga og kínverski stórmeistarinn Ni Hua (2710) er annar með 2,5 vinning.  

Í 4. umferð, sem fram fer á morgun, teflir Björn við, stigahæsta keppenda mótsins, króatíska alþjóðlega meistarann Blazimir Kovacevic (2472) en Jón við ítalska FIDE-meistarann Axel Rombaldoni (2334).  

B-flokkurinn er áfangamót þar sem Björn er að gera atlögu að lokaáfanganum að alþjóðlegum meistaratitli.  Jón Viktor er hins einn þriggja alþjóðlegra meistara.  Skákirnar eru sýndar beint á netinu og hefjast kl. 13:30.

• Heimasíða mótsins
• Skákirnar í beinni

Páll og Svanberg með 1 vinning eftir 3 umferðir

Feðgarnir Páll Sigurðsson (1867) og Svanberg Már Pálsson (1750) hafa 1 vinning að loknum þremur umferðum í b-flokki Rilton Cup sem fram fer í Stokkhólmi í Svíþjóð.  Sóley Lind Pálsdóttir, sem teflir í c-flokki, er ekki komin á blað eftir 2 umferðir.

Í aðalmótinu er stórmeistarnir Sergei Ivanov (2547), Rússlandi, og Tiger Hillarp-Persson (2543), Svíþjóð, efstir með fullt hús.

Heimasíða mótsins

Guðmundur tapaði í fyrstu umferð í Hastings

FIDE-meistarinn Guðmundur Kjartansson (2284) tapaði fyrir serbneska stórmeistaranum Milos Pavlovic (2525) í fyrstu umferð Hastings-mótsins, sem fram fór í dag í Englandi.  Í 2. umferð, sem fram fer á morgun teflir Guðmundur við Norðmanninn Arne Hagesæterher (2181).

Rúmlega 100 skákmenn taka þátt í aðalmótinu og þar af 13 stórmeistarar.   Guðmundur er u.þ.b. nr. 60 í stigaröðinni.  

Heimasíða mótsins

Björn sigraði í 2. umferð á Ítalíu

Björn Þorfinnsson (2399) sigraði  ítalska FIDE-meistarann Massimiliano Lucaroni (2320) í 2. umferð b-flokks Reggio Emila-skákhátíðirnar á Ítalíu, sem fram fór í dag.  Jón Viktor Gunnarsson (2430) gerði jafntefli við ungverska alþjóðlega meistarann Miklos Galyas (2454).  Björn hefur 1,5 vinning en Jón Viktor hefur 1 vinning.

Björn er í 2.-5. sæti en Jón í 6. sæti.  Almasi (2663) og Hi Nua (2710) eru efstir í a-flokki með fullt hús.  

Í 3. umferð, sem fram fer á morgun, teflir Björn við ítalska FIDE-meistarann Alberto Pomaro (2254) og Jón Viktor við ítalska FIDE-meistarann Andrea Cocchi (2305).   

B-flokkurinn er áfangamót þar sem Björn er að gera atlögu að lokaáfanganum að alþjóðlegum meistaratitli.  Jón Viktor er hins vegar í hlutverki skotskífunnar, það er einn þriggja alþjóðlegra meistara.

Heimasíða mótsins

Páll byrjar vel á Rilton

Páll Sigurðsson (1867) byrjar vel á Rilton Cup, sem hófst í Stokkhólmi í Svíþjóð í dag.  Páll, sem teflir í b-flokki, sigraði Svíann Anders Owen Jansson (2128).

Svanberg Már, sonur Páls, byrjar ekki jafn vel því hann tapaði fyrir Svíanum Eric Thörn (1996).  Sóley Lind, dóttir Páls, teflir í c-flokki en ekki liggja fyrir úrslit hjá henni í fyrstu umferð.

Heimasíða mótsins

Jafntefli hjá Jóni Viktor og Birni

Jón Viktor Gunnarsson (2430) og Björn Þorfinnsson (2399) gerðu jafntefli í 20 leikjum í fyrstu umferð b-flokks alþjóðlegrar skákhátíðar sem fram fer í Reggio Emila á Ítalíu.  Þetta er í 51. skipti sem þetta sögufræga mót fer fram.  

Í a-flokki taka þátt margir þekktir skákmeistarar.  Má þar nefna Alexei Dreev (2670), Zoltan Almasi (2691), Konstatin Landa (1613) og Hua Ni (2710), sem er stigahæstur.

B-flokkurinn er áfangamót þar sem Björn er að gera atlögu að lokaáfanganum að alþjóðlegum meistaratitli.  Jón Viktor er hins vegar í hlutverki skotskífunnar, það er einn þriggja alþjóðlegra meistara.

Félagarnir lentu saman í fyrstu umferð og jafntefli samið eins og áður hefur komið fram.

Á morgun fer fram önnur umferð og þá teflir Jón Viktor við ungverska alþjóðlega meistarann Miklos Galyas (2454) en Björn við ítalska FIDE-meistarann Massimiliano Lucaroni (2320).  Björn ætlar ekki að láta þá skák duga á morgun því hann er skráður til leiks á Íslandsmótinu í netskák!

Heimasíða mótsins

Jón Viktor endaði í 1.-3. sæti í Belgrad

Jón Viktor Gunnarsson (2430) endaði í 1.-3. sæti ásamt serbneska alþjóðlega meistarann Srdjan Cvetkovic (2378) og serbneska stórmeistaranum Dejan Antic (2489) á alþjóðlega mótinu Belgrad Trophy, sem lauk í Serbíu í gær.  Jón Viktor hlaut 7,5 í níu skákum.  Jón Viktor gerði jafntefli serbneska alþjóðlega meistarann Cvetkovic í lokaumferðinni.

Guðmundur Kjartansson (2284) gerði jafntefli við alþjóðlega meistarann Slavisa Brenjo (2482) og Dagur ARngrímsson við Mersid Kahrovic (2259).  Snorri G. Bergsson (2340) tapaði fyrir alþjóðlega meistaranum Milan Bozic (2435).    Þeir fengu 6 vinninga og enduðu í 20-40. sætil.  Guðmundur og Snorri voru hálfum vinningi frá því að ná áfanga að alþjóðlegum meistaratitli.  

J230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

Friðrik gerði jafntefli í sjöundu umferð

Friðrik Ólafsson (2440) gerði jafntefli við við tékknesku skákkonuna Jana Jacková (2360) í sjöundu umferð alþjóðvega mótsins í Prag þar sem gamalreyndri kappar tefla við skákkonur.  Friðrik hefur 3 vinninga en þeir gamalreyndu leiða nú 16-12 fyrir lokaumferðina sem fram fer í dag.

Hort er efstur kappanna með 6 vinninga og Karpov annar með 5 vinninga.

Viktorije  Cmilyte er efst kvennanna með 4 vinninga Jacková er önnur með 3,5 vinning.

Lokaumferðin hefst kl. 12 en skákirnar eru í beinni á netinu.

• Heimasíða mótsins
• Skákirnar í beinni