Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Henrik vann í þriðju umferð í Lübeck

Henrik Danielsen (2533) vann Þjóðverjann Dusan Nedic (2385) í 3. umferð alþjóðlegs móts sem fram fer í Lübeck í Þýskalandi.  Henrik hefur 2 vinninga og er efstur ásamt úkraínska alþjóðlega meistarann Michael Kopylov (2446), þýska alþjóðlega meistaranum Christoph Scheerer (2422) og rússneska stórmeistaranum Vladimari Epishin (2567).  Á morgun teflir hann við Þjóðverjann Rasmus Svane (2216) sem er aðeins 14 ára.

10 skákmenn taka þátt og tefla þeir allir við alla.   Henrik er einn þriggja stórmeistara sem tekur þátt og næststigahæstur keppenda.  Stigahæstur er rússneski stórmeisarinn Vladimari Epishin (2567).  

Heimasíða mótsins

 

Skólaskákmót Reykjavíkur fer fram á laugardag

Skólaskákmót Reykjavíkur í yngri flokki (1.-7. bekkur) og eldri flokki (8.-10. bekkur) fer fram laugardaginn 30. apríl klukkan 16:00.

Umhugsunartími er 15 mínútur og tefldar verða 7 umferðir.

Teflt verður í Taflfélagi Reykjavíkur að Faxafeni 12.

Keppnisrétt hafa allir nemendur í grunnskólum Reykjavíkur.

Hið minnsta eitt sæti í hvorum flokki gefur sæti á Landsmót í skólaskák sem fer fram í byrjun Maí.

Skráning keppenda berist á [e-mail]