Rimaskóli vann Salaskóla með minnsta mun - Norðmenn efstir

Fyrsta umferð NM grunnskólasveita fór fram í kvöld.  Rimaskóli sigraði innbyrðis viðureign íslensku sveitanna, 2,5-1,5.   Dagur Ragnarsson og Jón Trausti Harðarson unnu hjá Rimaskóla en Hildur Berglind Jóhannsdóttir vann nokkuð óvæntan sigur á Hrund Hauksdóttir fyrir Salaskóla.  Norðmenn tóku forystuna með 3-1 sigri á Finnum.

Úrslit fyrstu umferðar:

• Rimaskóli - Salaskól 2,5-1,5
• Noregur - Finnland 3-1
• Svíþjóð - Danmörk 2,5-1,5

Önnur umferð fer fram í fyrramálið og hefst kl. 9. Þá teflir Rimaskóli við sænsku sveitina en Salaskóli við norsku sveitina. 

• Heimasíða mótsins (inniheldur beinar útsendingar)
• Chess-Results
• Myndaalbúm mótsins (HÁ)

 

Víkingar lögðu SFÍ

Baráttuglaðir Víkingar sigruðu óvenju friðsama Skákfélagsmenn örugglega í 8 liða úrslitum í Hraðskákkeppni taflfélaga en viðureignin fór fram í húsnæði Skáksambands Íslands í gærkvöldi.  Í hálfleik var staðan 24.5 - 11,5 Víkingaklúbbsmönnum í vil en að strandhöggi loknu höfðu þeir hlotið 52,5 vinning gegn 19,5 vinningi Skákfélagsmanna.

Mesti ójafnaðarmaður Víkinga var Stefán Þór Sigurjónsson en hann gaf engum grið og lagði all andstæðinga sína í 12 skákum!

Frammistaða einstakra skákmanna varð sem hér segir:

Víkingaklúbburinn:

• Stefán Þór Sigurjónsson 12/12
• Magnús Örn Úlfarsson 10/12
• Gunnar Freyr Rúnarsson 9,5/12
• Ólafur B. Þórsson 9/12
• Lárus Knútsson 6,5/12
• Jón Úlfljótsson 5,5/12

Skákfélag Íslands:

• Páll Snædal Andrason 6/12
• Guðmundur K. Lee 3,5/9
• Birkir Karl Sigurðsson 2,5/7
• Kristján Örn Elíasson 2,5/12
• Örn Leó Jóhannsson 2,5/12
• Patrekur M. Magnússon 1,5/8
• Eiríkur Örn Brynjarsson 1/7
• Dagur Kjartansson 0/5

Hörkuspennandi Iceland Express Reykjavíkurmót framundan!

Flestir spá hörkuspennandi keppni Vals, Fram og KR á Iceland Express Reykjavíkurmótinu í skák, sem fram fer á Hlíðarenda laugardaginn 27. ágúst klukkan 13. Margir bestu skákmenn landsins klæðast keppnistreyjum síns félags á mótinu, en þar tefla 4 manna lið frá sjö íþróttafélögum í Reykjavík, auk kvennalandsliðsins í skák.

Þótt lið Vals og Fram séu sterkust á pappírunum er KR til alls líklegt. Þá eru keppnislið Víkings, Fylkis, Leiknis og Þróttar vel skipaðar, svo allt getur gerst.

Meðal keppenda á morgun eru stórmeistararnir Helgi Ólafsson, Jóhann Hjartarson, Jón L. Árnason, Helgi Áss Grétarsson og Þröstur Þórhallsson.

Tefldar eru 7 umferðir, með 10 mínútna umhugsunartíma á skák, og eru borgarbúar hvattir til að fjölmenna á Hlíðarenda á morgun.

Mótið er hluti af hverfishátíð Miðborgar og Hlíða, og verður fjölbreytt dagskrá fyrir alla fjölskylduna.