Víkingar og Goðar tefla til úrslita á morgun

Úrslitaviðureign Víkingaklúbbsins og Goða-Máta fer fram á fimmtudaginn.  Búast má harðri baráttu enda hefur hvorugt félagið unnið bikar hingað til og hefur mikill taugatitringur í báðum herbúðum ekki farið framhjá neinum skákáhugamanni. 

Viðureignin fer fram á hlutlausum velli.  Leikurinn fer fram í húsnæði Sensa, Kletthálsi 1, en leiðarlýsingu má finna hér. Viðureignin hefst kl. 20:30 og gert er ráð fyrir afar jafnri og spennandi viðureign.

Áhorfendur hjartanlega velkomnir en í lok viðureignarinnar mun Vigfús Ó. Vigfússon, formaður Hellis, sem stendur fyrir keppninni, krýna nýjan sigurvegara.

Á meðfylgjandi mynd má finna Gunnar Frey Rúnarsson, Víkingaformanns, í félagsskap Einars Hjalta, liðsstjóra Goðans, og Jón Þorvaldsson, sem fer fyrir suðurarmi Goðans.

Vignir Vatnar unglingameistari TR og Donika stúlknameistari TR

Barna- og unglingameistaramót sem og Stúlknameistaramót Taflfélags Reykjavíkur fór fram sunnudaginn 16. september, í félagsheimili T.R. Faxafeni 12. Keppt var í einum flokki og voru 7 umferðir tefldar eftir Monradkerfi, en umhugsunartíminn var 15 mínútur á skák.

Skákmótið var opið fyrir keppendur 15 ára og yngri og tóku 22 krakkar þátt. Veitt voru verðlaun fyrir þrjú efstu sætin, en auk þess fyrir þrjár efstu stúlkurnar. Félagsmenn í TR kepptu einnig um titilinn Unglingameistari T.R. 2012 og Stúlknameistari T.R 2012. Að auki voru veitt verðlaun fyrir þrjú efstu sætin í flokki 12 ára og yngri.

Skákmótið var frekar snemma á ferðinni þetta árið. Síðustu ár hefur mótið verið haldið í nóvember, en sakir fjölda annarra skákmóta í þeim mánuði var ákveðið að flytja það fram í miðjan september. Næstum allir krakkarnir sem tóku þátt í mótinu höfðu einnig tekið þátt í stóra afmælismótinu í Laugardalshöllinni deginum áður, sem haldið var í tilefni af 40 ára afmæli Einvígis aldarinnar milli Fischers og Spassky og var þetta því mikil skákhelgi!

Skákmótið var spennandi og skemmtilegt! Eftir fjórðu umferð bauð T.R. keppendum upp á pizzu og gos og gafst þá krökkunum tækifæri á að spjalla saman á léttum nótum!

Sigurvegari mótsins og jafnframt Unglingameistari T.R. 2012 varð hinn 9 ára gamli Vignir Vatnar Stefánsson, sem einnig fékk 1. verðlaun í flokki 12 ára og yngri!

Efst í flokki stúlkna og þar með einnig Stúlknameistari T.R. 2012 varð Donika Kolica, sem er 15 ára gömul. Donika hefur verið virk í skákinni undanfarin misseri og er hún að taka stökk fram á við með árangri sínum í þessu skákmóti.

Úrslit skákmótsins urðu annars sem hér segir:

Efst í opnum flokki:

1. Vignir Vatnar Stefánsson, 6,5 vinn.

2. Hilmir Freyr Heimisson 6 vinn.

3. Gauti Páll Jónsson 5 vinn.

 

Efst í stúlknaflokki:

1. Donika Kolica 4,5 vinn.

2. Svandís Rós Ríkharðsdóttir 4 vinn.

3. Veronika Steinunn Magnúsdóttir 3,5 vinn.

 

Efst í yngri flokki:

1. Vignir Vatnar Stefánsson 6,5 vinn.

2. Hilmir Freyr Heimisson 6 vinn.

3. Guðmundur Agnar Bragason 4,5 vinn.

 

Heildarúrslit:

1.     Vignir Vatnar Stefánsson T.R., 6,5 v. af 7. Unglingameistari T.R. 2012. 1. verðlaun 12 ára og yngri.

2.     Hilmir Freyr Heimisson, Helli 6 v.

3.     Gauti Páll Jónsson, T.R., 5,5 v.

4.     Guðmundur Agnar Bragason, T.R. 4,5 v.

5.     Dawid Kolka, Helli, 4,5v.

6.     Donika Kolica, T.R. 4,5 v. Stúlknameistari T.R. 2012.

7.     Björn Hólm Birkisson, T.R.  4 v.

8.     Svandís Rós Ríkharðsdóttir, Fjölni, 4 v.

9.     Kormákur Máni Kolbeins, T.R., 4 v.

10.                        Jakob Alexander Petersen, T.R., 4 v.

11.                        Bjarni Þór Guðmundsson, Haukum, 4 v.

12.                        Óskar Víkingur Davíðsson, Helli, 3,5 v.

13.                        Veronika Steinunn Magnúsdóttir, T.R., 3,5 v.

14.                        Bárður Örn Birkisson, T.R., 3 v.

15.                        Óliver Ísak Ólason, S.A., 3 v.

16.                        Ólafur Örn Olafsson, T.R., 3 v.

17.                        Benedikt Ernir Magnússon, T.R., 3 v.

18.                        Erik Daniel Jóhannesson, Haukum, 2 v.

19.                        Matthías Ævar Magnússon, T.R., 2 v.

20.                        Bjarki Arnaldarson, T.G., 2 v.

21.                        Þorvaldur Hafsteinsson, 0,5 v.

22.                        Freyja Birkisdóttir, 0,5 v.

 

Skákstjórar voru Torfi Leósson og Sigurlaug Regína Friðþjófsdóttir sem einnig tók myndir og skrifaði þennan pistil.

Myndaalbúm (SRF)

 

Fjör á félagaskiptamarkaði

Mikið fjör hefur verið á félagaskiptamarkaði síðustu vikur. Skák.is hefur tekið saman félagaskiptabreytingar sem átt hafa sér stað í ágúst og september.  

Stjórn SÍ ákvað að breyta 8. grein reglugerðar Íslandsmót skákfélaga á síðasta stjórnarfundi á þann hátt að taka allan vafa að við sameiningar félaga haldi hið sameinaða félag deildarsætum viðkomandi félaga eins og þau voru réttilega áunnin fyrir sameininguna.  Það þýðir að Goðinn-Mátar heldur deildarsætum bæði Goðans og Máta og þetta mun einnig gilda fyrir sameiningar framtíðarinnar.   

Ljóst er að íslensk taflfélög eru mörg hver ekki á flæðiskeri stödd. Íslenskir skákáhugamenn geta bæði hlakkað til öflugs Íslandsmóts skákfélaga og ekki síður spennandi skákvetrar.  Sleppt er að minnast á félagaskipti kornungra skákmanna (fyrra félag í sviga):

Skáksamband Austurlands:

• Bjarni Jens Kristinsson (Hellir)

Briddsfjelagið:

• Bergsteinn Einarsson (TR)
• Elvar Guðmundsson (TB)
• Kjartan Ingvarsson (Haukar)
• Grímur Grímsson (Hrókurinn)

Goðinn-Mátar

• Guðfríður Lilja Grétarsson (Hellir)
• Snorri Þór Sigurðsson (nýr)
• GM Victor Mikhalevski (Ísrael)
• IM Nikolaj Milkkelsen (Danmörku)

Ekki er taldir þeir upp sem voru fyrir í Mátum

Sauðárkrókur:

• Birgir Örn Steingrímsson (nýr)

Skákfélag Akureyrar:

• Rúnar Ísleifsson (Goðinn)
• Ágúst Bragi Björnsson (Mátar)
• Tómas Veigar Sigurðarson (TV)
• Rúnar Sigurpálsson (Mátar)
• Pétur Gíslason (Goðinn)
• GM Simon Williams (Hellir)

Taflfélag Bolungarvíkur

• Guðni Stefán Pétursson (Fjölnir)
• WGM Svetlana Cherednichenko (Úkraínu)
• GM Yaroslav Zherebukh (Úkraínu)

Taflfélag Reykjavíkur:

• Ólafur Helgi Árnason (nýr)
• GM Erwin L´Ami (Hollandi)
• WGM Alina L´Ami (Rúmeníu)
• WGM Vita Chulivska (Úkraínu)
• Arsenij Zacharov (nýr)
• Andrei Voloktin (Úkraínu)

Taflfélag Vestmannaeyja:

• FM Sigurbjörn Björnsson (Hellir)

Taflfélagið Hellir

• Steinþór Baldursson (nýr)
• Luca Barillaro (Ítalíu)
• GM Amin Bassem (Egyptalandi)

Vin

• FM Róbert Lagerman (Hellir)
• Jörgen Paulus Napatoq (Grænlandi)
• Marteinn Þór Harðarson (Haukar)
• Ingi Tandri Traustason (Haukar)

Víkingaklúbburinn

• GM Stefán Kristjánsson (TB)
• GM Bartosz Socko (Póllandi)
• GM Monika Socko (Póllandi)
• GM Marcin Dziuba (Póllandi)
• GM Grzegorz Gajewski (Póllandi)
• GM Pavel Eljanov (Úkraínu)
• GM Wesley So (Filippseyjum)

Skákfélag Íslands

• IM Jonathan Carlstedt (Þýskalandi)
• FM Thomas Michalczak (Þýskalandi)
• Hugh Titmas (Þýskalandi)
• Uwe Staroske (Þýskalandi)