Jón Kristinn, Tómas og Sigurður efstir á Haustmóti SA

Þrír skákmenn eru jafnir og efstir að lokinni 8. umferð sem fram fór í gærkvöldi. Tómas Veigar sem var  einn efstur fyrir umferðina tapaði nokkuð örugglega fyrir Siglfirðingnum Jakobi Sævari. Jón Kristinn Þorgeirsson, sem var í 2.-3. sæti ásamt Sigurði Arnarsyni, vann Andra Frey og Sigurður Arnarson fékk vinning gegn Jóhanni Óla þar sem sá síðarnefndi mætti ekki til leiks.

Staðan er þá þannig að Jón Kristinn, Tómas Veigar og Sigurður Arnarson eru efstir með 6 vinninga. Jón og Tómas mætast í lokaumferðinni og Sigurður mætir Andra Frey.

Níunda og síðasta umferð mótsins fer fram næsta þriðjudag (2. nóvember) kl. 19:30

• Mótið hjá Chess-Results 
• Skákir 1. - 8.umferð.

Úrslit:
Andri Freyr Björgvinsson - Jón Kristinn                              0-1
Tómas Veigar Sigurðarson - Jakob Sævar Sigurðsson         0-1
Mikael Jóhann Karlsson - Haukur H. Jónsson                     1-0
Jóhann Óli Eiðsson - Sigurður Arnarson                              - - +
Jón Magnússon - Hersteinn Bjarki Heiðarsson                    Frestað

 

Staðan:
Jón Kristinn Þorgeirsson                                                       6 vinningar
Tómas Veigar Sigurðarson                                                    6
Sigurður Arnarson                                                                6
Jóhann Óli Eiðsson                                                               5
Jakob Sævar Sigurðsson                                                      4½ +frestuð skák
Mikael Jóhann Karlsson                                                       4½
Andri Freyr Björgvinsson                                                     2½ + frestuð skák
Hersteinn Bjarki Heiðarsson                                                 2 + frestuð skák
Haukur H. Jónsson                                                              1
Jón Magnússon                                                                    ½ + frestuð skák

Í lokaumferðinni mætast:
Jakob Sævar Sigurðsson - Jón Magnússon
Jón Kristinn Þorgeirsson - Tómas Veigar Sigurðarson
Sigurður Arnarson - Andri Freyr Björgvinsson
Haukur H. Jónsson - Jóhann Óli Eiðsson
Hersteinn Heiðarsson - Mikael Jóhann Karlsson

Næst á dagskrá hjá félaginu er opið hús nk. fimmtudag kl. 20. Sunnudaginn 31. október verður svo haldið 15 mínútna mót.

 

• Heimasíða SA
• Mótið hjá Chess-Results 
• Skákir mótsins

Stórmót í tilefni alþjóðlegs geðheilbrigðisdags

Taflfélag Reykjavíkur, Taflfélagið Hellir og Skákfélag Vinjar sameinast um að setja upp mót í tilefni alþjóðlegs geðheilbrigðisdags á fimmtudagskvöld.

Mótið er haldið í húsnæði TR í Faxafeni 12 og hefst klukkan 19:30.

Tefldar verða 7 umferðir með 7 mínútna umhugsunartíma og eru glæsilegir vinningar í boði en Forlagið styrkir mótið nú, sem fyrr, með glænýjum bókum.

Vinningar eru veittir fyrir:

• 3 efstu sætin.
• 12 ára og yngri.
• 13-18 ára.
• 60 ára og eldri.
• efst kvenna.

Að auki eru happadrættisvinningar þannig að allir eiga séns,  og einnig fylgja glæstir verðlaunapeningar  fyrir  efstu þátttakendur. EKKERT ÞÁTTTÖKUGJALD

Skákstjóri er Gunnar Björnsson, forseti Skáksambandsins.

Vinjarreglur verða í heiðri, þ.e. að klukkan gildir. Hver vinningshafi fær ein verðlaun, þ.e. möguleiki á verðlaunum fyrir annað sætið í einhverjum flokki.

Þetta er í sjötta sinn sem mót þetta fer fram en það hefur verið haldið í Ráðhúsi Reykjavíkur, Perlunni  og síðast í göngugötunni í Mjódd þar sem þátttökumet var slegið, 48 manns.

Alþjóðlegur geðheilbrigðisdagur er 10. október en þá var lokadagur Íslandsmótsins í Rimaskóla.  Mótið frestaðist vegna þess  svolítið!

TR, Hellir og Skákfélag Vinjar hvetja allt skákáhugafólk til að koma og taka þátt í skemmtilegu móti.

Skákþing Íslands - fyrir 15 ára og yngri og 13 ára og yngri fer fram um helgina

Keppni á Skákþingi Íslands 2010 - 15 ára og yngri (fædd 1995 og síðar) og 13 ára og yngri (fædd 1997 og síðar) verður haldið í Faxafeni 12, Reykjavík dagana 30. og 31. október nk.  Tefldar verða 9 umferðir eftir monrad kerfi og er umhugsunartími 25 mín. á skák fyrir keppanda.  Teflt verður í einum flokki.

Skákstaður:                 Faxafen 12, Reykjavík

Umferðataflan er þannig:

Laugardagur 30. október       kl. 13.00                     1. umferð

                                               kl. 14.00                     2. umferð

                                               kl. 15.00                     3. umferð

                                               kl. 16.30                     4. umferð

                                               kl. 17.30                     5. umferð

 

Sunnudagur 31. október        kl. 11.00                     6. umferð

                                               kl. 12.00                     7. umferð

                                               kl. 13.30                     8. umferð

                                               kl. 14.30                     9. umferð

                                              

Að því loknu verðlaunaafhending og mótsslit.

 

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin í hvorum flokki.

Skráning: [e-mail] eða í síma 568 9141 virka daga kl. 9-13.

Skráningu lýkur fimmtudaginn 28. október.