Carlsen efstur í Nanjing

Magnus Carlsen (2826) er efstur í Peal Spring-mótinu í Nanjing í Kína eftir jafntefli gegn Bacrot (2716) í sjöttu umferð, sem fram fór í morgun.  Bacrot er annar á mótinu, hálfum vinningi á eftir Carlsen.  Anand (2800), sem er þriðji, vann Wang Yue (2714) en skák Topalov (2803), sem enn hefur ekki unnið skák, og Gashimov (2719) lauk með jafntefli.    Í sjöundu umferð, sem fram fer í fyrramálið, mætast Carlsen og Anand.

 Staðan:

• 1. Carlsen (2826) 4½ v.
• 2. Bacrot (2716) 4 v.
• 3. Anand (2800) 3½ v.
• 4. Gashimov (2719) 2½ v.
• 5. Topalov (2803) 2 v.
• 6. Wang Yue (2738) 1½ v.

Sex skákmenn taka þátt í mótinu og tefld er tvöföld umferð.   Meðalstig eru 2766 skákstig.

Fínt er fyrir árrisula að fylgjast með mótinu en taflmennska hefst kl. 6:30 á morgnanna.

• Heimasíða mótsins
• Beinar útsendingar