Síðari hluti Íslandsmóts skákfélaga hefst í kvöld

Dagana 4. og 5.  mars nk. fer fram seinni hluti Íslandsmóts skákfélaga 2010-2011. Teflt verður í Rimaskóla í Reykjavík.

Dagskrá:

• Föstudagur 4. mars                 kl. 20.00          5. umferð
• Laugardagur 5. mars              kl. 11.00          6. umferð
• Laugardagur 5. mars              kl. 17.00          7. umferð

Þau félög sem enn skulda þátttökugjöld eru vinsamlega beðin að gera upp áður en seinni hlutinn hefst.

Torfi óstöðvandi á fimmtudagsmótum TR

Torfi Leósson sigraði enn á fimmtudagsmóti í TR í gær og var það þá þriðji sigur hans  á árinu.  Að þessu sinni sá Torfi líka um skákstjórn. Nokkuð öruggur í öðru sætinu varð síðan Jón Úlfljótsson. 

Lokastaðan í gærkvöldi varð:

 

• 1 Torfi Leósson                7,0
• 2 Jón Úlfljótsson              5,5
• 3 Elsa María Kristínardóttir  4,5
• 4 Svanberg Már Pálsson         4,5
• 5 Jon Olav Fivelstad           4,0
• 6 Geir Waage                   4,0
• 7 Stefán Már Pétursson         4,0
• 8 Guðmundur G Guðmundsson      3,5
• 9 Kamalakanta Nieves           3,5 
• 10 Birkir Karl Sigurðsson      3,5
• 11 Tjörvi Sciöth               3,5
• 12 Vignir Vatnar Stefánsson   3,0
• 13 Baldur Teodor Petersson     3,0
• 14 Ingvar Egill Vignisson      3,0
• 15 Óskar Long                  3,0
• 16 Sóley Lind                  2,5
• 17 Björgvin Kristbergsson      1,0
• 18 Pétur Jóhannesson           0,0

Riddarinn - Matthías vann

HvatskákMót Riddarans  fór fram í Vonarhöfn í dag að venju enda miðvikudagur.  22 keppendur vorum mættir til leiks, sumir langt að komnir  og létu sig ekki muna um að tefla 11 skákir hver eða  121 skákir alls. (Eða 242 eftir því hvernig á það er litið, því hver keppandi teldi 11 skákir, enda þótt að aðeins hafi verið 121 vinningar í boði.) Athygli vakti aðeins munaði 1 vinningi á 4. og 14. manni, sem sýnir hvað mótið var jafnt og baráttan hörð. Það hefur reyndar sýnt sig að allir geta unnið alla á góðum degi og láta ekki peðsvinning fram hjá sér fara, nema eitrað sé. 

Sigurvegari varð Matthías Z. Kristinsson, sem er nýbyrjaður að tefla aftur í mótum eftir langt hlé, erfið veikindi og  endurhæfingu.

Uppskar  9 vinninga af 11 mögulegum. Hann hefur greinilega haldið sér við með því að tefla á Netinu. Sigurður Einar  (Kristjánsson) varð í 2. sæti þrátt fyrir sárt tap fyrir Einari Sigurði í annarri umferð. Stefán Þormar tryggði sér svo 3 sætið með 4 vinningum í röð í lokin og var vel að því kominn enda einstaklega flinkur og fágaður skákmaður svo af ber.