Skákbúðir í Vatnaskógi - helgina 9. – 10. apríl 2011

Áhugasömum skákkrökkum á barna-og unglingsaldri sem æfa með íslenskum skákfélögum stendur til boða tveggja daga æfinga- og skemmtiferð á vegum Skákdeildar Fjölnis og Skákakademíu Reykjavíkur. Skákbúðirnar verða í sumarbúðum KFUM í Vatnaskógi. Í skákinni skiptir aldur litlu máli.

Umsjón og fararstjórn verður á höndum þeirra Helga Árnasonar formanns Skákdeildar Fjölnis og Stefáns Bergssonar framkvæmdastjóra Skákakademíunnar.

Fjöldi skákkennara og leiðbeinenda verða til staðar og halda utan um alla skákkennslu og skákmót sem boðið verður upp á.

Aðstaða öll í Vatnaskógi telst einstök fyrir skákbúðir og þar er umhverfið fallegt. Birkiskáli er glæsilegur svefnskáli og íverustaður fyrir samstilltan hóp. Í frjálsum tíma er boðið upp á aðstöðu í tómstundaherbergi, fullkomnum íþróttasal og bátsferðir á grunnu vatni undir ströngu eftirliti verða í boði ef veður leyfir.

Verð á hvern þátttakenda er 5500 kr fyrir þessa tvo daga. Innifalið i gjaldinu er allur matur, kennsla, skálaleiga, námsgögn og ferðir. Þátttakendurur eiga ekki að hafa með sér nesti né peninga til ferðarinnar. Rútuferð fram og til baka er 2000 kr til viðbótar.

Kostnaður því samtals 7500 kr.

Reglur eru í gildi í ferðinni líkt og um skólaferðalag væri að ræða. Brjóti nemandi alvarlega af sér verður hann við fyrsta tækifæri sendur heim á kostnað foreldra.

Skákbúðir í Vatnaskógi er einstakt tækifæri sem ekki hefur staðið skákkrökkum til boða frá árinu 2008. Skráning fer fram á skrifstofu Skáksambands Íslands s. 568 9141 netfang [e-mail] og hjá Skákakademíu Reykjavíkur netfang [e-mail]. Upplýsingar veitir Helgi Árnason s. 6648320.

 

Heppilegt er að hafa meðferðis:

- Svefnpoka eða sængurfatnað

- Fatnað til skiptanna (nærföt, sokka, buxur, skyrtu, peysu)

- Lopapeysu, vettlinga, ullarsokka, trefil og húfu

- Vindheldan galla

- Stígvél og inniskó

- Íþróttafatnað

- Handklæði, tannbursta og tannkrem

- Skemmtileg spil

- Myndavél / Ipod (ekki tekin ábyrgð á þessum tækjum)

 

Dagskrá skákbúða 9. - 10 apríl 2011:

laugardagur : 9. apríl                                                           

                                                                      

kl. 10:00          Brottför frá BSÍ                                             

-    10:15         Brottför frá N1Ártúnsbrekku             

-    11:00         Móttaka í Vatnaskógi                        

-    11:30         Frjáls tími í íþróttahúsi.                               

-    12:30         Hádegisverður.                                            

-    13:30         Skákkennsla (hópar)                                

-    15:00         Kaffi.                                                 

-    15:30         Frjáls tími

-    17:00         Skákkennsla               

-    19:00         Kvöldverður.                                     

-    19:30         Frjáls tími                               

-    20:30         Kvöldvaka,  tvískák og spilatími                                             

-    22:00         Kvöldhressing

-    23:00         Hljóð komið á í herbergjum í Birkiskála

sunnudagur : 10. apríl      

kl. 09:00          Morgunmatur

kl. 09:30          Frjáls tími

kl. 11:30          Hádegismatur

kl. 12:30          Einstaklings hraðskákmót

kl. 14:30          Verðlaunaafhending - Dagskrárlok

kl. 15:00          Heimferð frá Vatnaskógi 

kl. 16:00          Ferðarlok við BSÍ                     

 

Rimaskóli Reykjavíkurmeistari grunnskólasveita

Reykjavíkurmót grunnskólasveita fór fram í dag, 4. apríl, í félagsheimili Taflfélags Reykjavíkur. Skákmót þetta er samstarfsverkefni Íþrótta-og tómstundaráðs Reykjavíkur og Taflfélags Reykjavíkur og hefur verið haldið frá því á 8. áratug síðustu aldar. 19 sveitir frá tíu skólum borgarinnar kepptu að þessu sinni. Tefldar voru sjö umferðir eftir Monradkerfi með 10 mínútna umhugsunartíma. Veitt voru verðlaun fyrir þrjár efstu sveitirnar svo og þrjár efstu stúlknasveitirnar. Keppt var í einum flokki og mótið var opið öllum nemendum í grunnskólum Reykjavíkur frá 1. upp í 10. bekk. 

A-sveit Rimaskóla hafði mikla yfirburði í mótinu og vann með glæsibrag og er því Reykjavíkurmeistari grunnskólasveita 2011. Sveitin fékk 25,5 vinning og tapaði einungis 2,5 vinning af 28 skákum! Í öðru sæti varð Melaskóli sem fékk 19 vinninga. Í þriðja sæti var svo A-lið Laugalækjarskóla, sem náði ekki að verja titilinn frá því í fyrra, en fékk nú 18,5 vinning.

Alls tóku fjórar stúlknasveitir þátt, þar af tvær frá Engjaskóla. Stúlknaverðlaunin féllu á þann veg að stúlknasveit Rimaskóla varð hlutskörpust með 16,5 vinning. Sveitin náði einnig frábærum árangri í heildina með því að verða í 5. sæti í mótinu. Í öðru sæti var  C-sveit Engjaskóla með 13 vinninga og þriðja sætið kom í hlut B-sveitar Engjaskóla sem fékk 12 vinninga. Árbæjarskóli var einnig með unga stúlknasveit sem á framtíðina fyrir sér, en sveitin lenti 4. sæti að þessu sinni með 10 vinninga.  

Heildarúrslit urðu sem hér segir:    

1. Rimaskóli A-sveit 25,5 v. af 28.

2. Melaskóli 19 v.

3. Laugalækjarskóli A-sveit 18,5 v.

4. Hólabrekkuskóli 17,5 v.

5. Rimaskóli - stúlkur 16,5 v.

6. Hagaskóli A-sveit 16 v.

7. Rimaskóli B-sveit 16 v.

8. Engjaskóli A-sveit 15,5 v.

9. Árbæjarskóli A-sveit 14 v.

10. Sæmundarskóli 14 v.

11. Hagaskóli C-sveit 13,5 v.

12. Laugalækjarskóli B-sveit 13 v.

13. Engjaskóli C-sveit - stúlkur 13 v.

14. Rimaskóli C-sveit 12,5 v.

15. Hagaskóli B-sveit 12 v.

16. Engjaskóli B-sveit - stúlkur 12 v.

17. Langholtsskóli 11,5 v.

18. Árbæjarskóli - stúlkur 10 v.

19. Álftamýrarskóli 10 v. 

 

Í sigurliði Rimaskóla A-sveitar eru:

1. Dagur Ragnarsson

2. Oliver Aron Jóhannesson

3. Jón Trausti Harðarson

4. Kristinn Andri Kristinsson

 

Í silfurliði Melaskóla eru:

1. Veronika Steinunn Magnúsdóttir

2. Leifur Þorsteinsson

3. Dagur Logi Jónsson

4. Smári Arnarson

 

Í bronsliði Laugalækjarskóla A-sveitar eru:

1. Rafnar Friðriksson

2. Jóhannes Kári Sólmundarson

3. Arnar Ingi Njarðarson

4. Þorsteinn Muni Jakobsson

 

Keppnin um Reykjavíkurmeistara stúlknasveita.

 

Í sigurliði Rimaskóla - stúlkur eru:

1. Hrund Hauksdóttir

2. Nansý Davíðsdóttir
3. Svandís Rós Ríkharðsdóttir
4. Ásdís Birna Þórarinsdóttir
Vm: Tinna Sif Aðalsteinsdóttir

 

Í silfurliði Engjaskóla C-sveitar - stúlkur eru:

1. Aldís Birta Gautadóttir

2. Sara Hanh Viggósdóttir

3. Sara Sif Helgadóttir

4. Sóley Ósk Einarsdóttir

Í bronsliði Engjaskóla B-sveitar - stúlkur eru:

1. Elin Nhung Viggósdóttir

2. Honey Grace Bergamento

3. Rósa L. Robertid

4. Ásdís Eik Aðalsteinsdóttir

Vm. Unnur Ósk Burknad

 
Skákstjórn önnuðust Ólafur H. Ólafsson og Sigurlaug Regína Friðþjófsdóttir.

Mótsstjóri er Soffía Pálsdóttir, ÍTR.

Myndaalbúm (Helgi Árnason)

 

 

Öðlingamót: Pörun 3. umferðar

Tvær frestaðar skákir úr 2 umferð Skákmóts öðlinga fóru fram í kvöld.  Nú liggur því fyrir pörun í 3. umferð sem fram fer á miðvikudagskvöld, kl. 19:30.

Röðun 3. umferðar:

Bo.	Name	Pts.	Result	Pts.	Name
1	Gudmundsson Kristjan	2		2	Halldorsson Bragi
2	Ragnarsson Johann	2		2	Thorsteinsson Thorsteinn
3	Thorvaldsson Jon	2		2	Thorsteinsson Bjorn
4	Gunnarsson Gunnar K	1½		2	Palsson Halldor
5	Bjornsson Eirikur K	1½		1½	Hjartarson Bjarni
6	Jonsson Pall Agust	1½		1½	Jonsson Sigurdur H
7	Loftsson Hrafn	1		1	Sigurdsson Pall
8	Olsen Agnar	1		1	Thorhallsson Gylfi
9	Valtysson Thor	1		1	Isolfsson Eggert
10	Jonsson Olafur Gisli	1		1	Kristinsdottir Aslaug
11	Baldursson Haraldur	1		1	Fridthjofsdottir Sigurl  Regin
12	Gunnarsson Sigurdur Jon	1		1	Ragnarsson Hermann
13	Eliasson Kristjan Orn	1		1	Hreinsson Kristjan
14	Jonsson Pall G	1		1	Gardarsson Halldor
15	Solmundarson Kari	½		½	Bjornsson Yngvi
16	Jonsson Loftur H	½		½	Ingvarsson Kjartan
17	Gudmundsson Sveinbjorn G	½		0	Thrainsson Birgir Rafn
18	Kristbergsson Bjorgvin	0		0	Eliasson Jon Steinn
19	Schmidhauser Ulrich	0		0	Hermannsson Ragnar
20	Johannesson Petur	0		0	Adalsteinsson Birgir

• Heimasíða TR
• Chess-Results