Bu Xiangzhi yfirspilaði heimsmeistarann - stuttbuxur skekja skákheiminn

Bu Xiangzhi (2710) yfirspilaði heimsmeistarann Magnus Carlsen (2810) í fyrri skák þriðju umferðar (32 manna úrslita) í gær. Kínverjinn sterki fórnaði manni með svörtu fyrir sóknarfæri. Carlsen gat valið að leyfa Kínverjanum að þráskáka en tók ákvörðun um að tefla til sigurs. Það reyndist röng ákvörðun og Bu vann glæsilegan sigur. Skákina má finna skýrða á Chess.com. Heimsmeistarinn þarf því nauðsynlega að vinna Bu með svörtu til að komast í bráðabana.

Sigur Bu féll þó algjörlega í skuggann á "stóra stuttbuxnamálinu" í gær. Hinn rússnesk-ættaði Kanadamaður Anton Kovalyov (2641) hafði byrjað frábærlega á mótinu. Í fyrstu umferð sló hann bandaríska stórmeistarann Varuzhan Akobian (2662) út og í annarri umferð vann hann mjög óvæntan sigur á Vishy Anand (2794). Eftir sigurinn á Indverjanum vöktu ummæli hans í viðtali nokkra athygli en þar talaði hann að hann væri kominn lengra en hann ætti von á - og það hentaði honum illa í námi sínu. Í lok viðtalsins sagði hann.

It’s very nice to play against such strong opponents but I’m really stressed, so I’m not really enjoying myself here, but I try to survive as long as I can.

Meðal annars gagnrýndi Emil Sutovsky, formaður ACP (félag atvinnuskákmanna), það að menn sem ekki hefðu löngun til að komast áfram væru að taka sæti af sterkum atvinnuskákmönnum.

Kanadamaðurinn hafði mætt til leiks til Tbilisi með einn lítinn bakpoka og einum voru engar buxur - aðeins skrautlega stuttbuxur. Þær reyndust miklar happabuxur í umferðum 1 og 2. Þegar hann hins vegar mætti til leiks í þriðju umferð í gær gegn ísraelska stórmeistarann Rodshtein (2695) gerir pólski yfirdómarinn, Tomek Delega, athugasemdir við klæðnað Kovalyov sem samræmist ekki kröfum mótsins um snyrtilegan klæðnað.  Kanadamaðurinn bendir á að hann hafi þegar teflt í þessum buxum í umferðum 1 og 2 og einnig á síðasta Heimsbikarmóti. Í framhaldinu gerir Kovalyov athugasemdir við að hann hafi svart í fyrstu skákinni en hann taldi sig hafa hvítt. Kanadamaðurinn hafði þar rangt fyrir sér. Út af fyrir sig mjög sérkennilegt að hafa ekki litinn á hreinu. 

Á meðan yfirdómarinn skoðar málið mætir Zurab Azmaiparashvili, aðalskipuleggjandi mótsins, til leiks fyrir framan íslenska fánann og segir honum að skipta um föt. Að sögn Kanadamannsins hafi Azmai helt sér yfir hann, hafi verið verulega dónalegur, og kallað sig meðal annars sígauna (gypsy) og skipað sér að skipta um föt.  

Kovalyov hélt úr skáksalnum. Í stað þess að fara upp á hótelherbergi og skipta um föt og mæta aftur í skákina virðist sem Kanadamaðurinn hafi farið upp á hótelherbergi og pantað sér flug til heim til Kanada. Nokkru síðar sást hann úti við á leiðinni í leigubíl. Í framhaldinu sendir hann frá sér yfirlýsingu á Facabook þar sem ber því við að eiga ekki síðbuxur sem passi sér - þar sem hann hafi fitnað. Ber hann skipuleggjara mótsins þungum sökum fyrir dónaskap. Yfirlýsinguna í heild sinni má finna hér. 

Chess24 spurði Zurab Azmaiparashvili um málið og hafði hann eftirfarandi um málið að segja:

There is not "my view". There is lie and true. The true is that Mr Kovalev came to Tbilisi (12000 km away from Canada) and took only short pants. By accident I was present when chief arbiter give a warning to him and he don't care about. After this as an organizer I interfered and ask him (in the beginning in polite way) to respect regulations and organizers and change his shorts. He told me that already played previous World Cup like this and what's wrong?! My reply was that "I don't care how he played previous World Cup, but I care how he will dress here" and "if he will not follow request of chief arbiter and organizer then he will be punished by FIDE on maximum level which allow contract and regulations". Kovalev asked me what is wrong in his dress and I told him he is dressed like gipsy. I mean of course homeless people and not tsigan nation. After this he left tournament hall and never come back. This is full story.

Nánar má lesa um stóra stuttbuxnamálið á Chess.com, Chessbase Chess-news.ru og á Chess24. 

Svo meira sé fjallað um skákirnar! Tólf skákum af sextán lauk með jafntefli í gær. Að áðurnefndum skákum undanskyldum þá vann Aronian (2802) Matlakov (2728) og Wesley So (2792) lagði Vallejo Pons (2717) að velli.    

Ítarlega frásögn og öll úrslit má finna á Chess.com.

Taflmennskan í dag hefst kl. 11. Hvað gerir Carlsen í dag? Mætir einhver annar í stuttbuxum?

Myndir (Maria Emelianova - Chess.com)

• Heimasíða mótsins (Ivan Sokolov aðalskýrandi)
• Chess.com (Yasser Seirawan og fleiri) 

EM ungmenna: Gott gengi í fimmtu umferð

Það gekk vel hjá íslensku skákmönnunum í fimmtu umferð EM ungmenna sem fram fór í dag. Fjórir vinningar í sex skákum. Besta umferðin til þessa. Vignir Vatnar Stefánsson (u14), Símon Þórhallsson (u18) og Batel Goitom Haile (u10) unnu sínar skákir. Gunnar Erik Guðmundsson (u10) og Jón Kristinn Þorgeirsson (u18) gerðu jafntefli. Bjartur Þórisson (u8) tapaði.

Vignir og Batel hafa 3 vinninga, Jón Kristinn hefur 2,5 vinninga, Gunnar Erik og Símon hafa vinninga og Bjartur hefur 1 vinning.

Frídagur er á morgun, sunnudag. 

Úrslit dagsins

• Chess-Results
• Beinar útsendingar (hefjast kl. 12 - 10 efstu skákir hvers flokks sýndar beint)

Skákþáttur Morgunblaðsins: Lenka Íslandsmeistari kvenna – Jóhann byrjar á morgun í Tiblisi

Lenka Ptacnikova er Íslandsmeistari kvenna í níunda sinn en eftir keppni níu skákkvenna sem tefldu fimm umferðir eftir svissneska kerfinu vann Lenka allar skákir sínar og ber nú tvo titla með miklum sóma, Íslandsmeistari og Norðurlandameistari kvenna. Það hefur einu sinni gerst áður þegar Sigurlaug Friðþjófsdóttir vann báða titlana árið 1981. Sigurlaug var meðal keppenda að þessu sinni ásamt átta öðrum, þar af stöllu sinni og margföldum Íslands- og Norðurlandameistara kvenna, Guðlaugu Þorsteinsdóttur. Tvær kornungar stúlkur stigu sín fyrstu skref á þessum vettvangi og eiga án efa eftir að láta mikið kveða að sér á næstu árum þær Freyja Birkisdóttir og Haile Batel Goitom. Lokaniðurstaðan varð þessi: 1. Lenka Ptacnikova 5 v.(af 5) 2. Jóhanna Björg Jóhannsdóttir 4 v. 3.-4. Guðlaug Þorsteinsdóttir og Lisseth Mendez Avevedo 3 v. 6.-8. Hrund Hauksdóttir, Steinunn Veronika Magnúsdóttir og Freyja Birkisdóttir 3 v. 9. Haile Batel Goitom 1 v.

Með sigrinum staðfestir Lenka auðvitað stöðu sína sem langsterkasta skákona landsins en frammistaða Jóhönnu Bjargar Jóhannsdóttur sem varð í 2. sæti kom nokkuð óvart þar sem hún hefur lítið teflt undanfarin ár.

Hin 10 ára gamla Haile Batel Goitom teflir fyrir Íslands hönd á Evrópumeistaramóti ungmenna sem hefst í Rúmeníu 4. september nk.

 

Heimsbikarmótið hefst á morgun

Jóhann Hjartarson mætir tékkneska stórmeistaranum David Navara í 1. umferð heimsbikarmótsins í Tiblisi í Georgíu á morgun. Með frammistöðu sinni á Skákþingi Norðurlandanna fyrr í sumar vann Jóhann sér rétt til þátttöku á þessu gríðarlega öfluga móti sem fram fer með útsláttarfyrirkomulagi en keppendur eru 128 talsins. 

Athygli vakti þegar heimsmeistarinn Magnús Carlsen ákvað að taka sæti í mótinu en þar sem keppt er um tvö sæti í áskorendakeppninni – og að því gefnu að Magnús komist alla leið í lokaeinvígið – verða þeir sem lenda í 3.-4. sæti að tefla einvígi um sæti í áskorendakeppninni, móti þar sem átta skákmenn tefla tvöfalda umferð og sigurvegarinn öðlast rétt til að skora á heimsmeistarann.

16 stigahæstu skákmenn heims eru mættir til leiks í Tiblisi og verður hægt að fylgjast með keppninni á hinum ýmsum vefsvæðum, t.d. á Chess.com. Skákirnar hefjast kl. 11 að íslenskum tíma. Fyrirkomulag er þannig að fyrst eru tefldar tvær kappskákir en verði jafnt er gripið til skáka með styttri umhugsunartíma. Þær fara fram næsta dag sem þýðir að þeir sem komast áfram eftir kappskákirnar fá frídag. Í lokaeinvíginu verða tefldar fjórar kappskákir.

Þó að andstæðingur Jóhanns í 1. umferð, David Navara, sé stighærri svo munar næstum 200 elo-stigum er vert að geta þess að Tékkinn hefur oft lent í erfiðleikum þegar hann mætir íslenskum skákmönnum. Hann er nýkominn frá St. Louis í Bandaríkjunum þar sem hann tók þátt í Grand tour, at- og hraðskákmótinu, og varð neðstur en náði samt að vinna Garrí Kasparov samanlagt 2:1.

Keppnin Í Tiblisi fer fram samkvæmt „Wimbeldon-kerfinu“ Magnús Carlsen með rásnúmer 1. teflir við þann sem hefur rásnúmer 128, Oluwafemi Balogun frá Nígeríu sem er með 2.255 elo-stig.

Þó að Magnús og flestir þeir sem sitja í efstu sætum heimslistans séu mun sigurstranglegri er þetta mót þekkt fyrir óvænt úrslit.

 

 

Helgi Ólafsson [e-mail]

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 2. september 2017

Skákþættir Morgunblaðsins

Mamedyarov, Radjabov og Wei Yi fallnir úr leik

Þriðju umferð Heimsbikarmótsins í skák lauk í gær þegar teflt var til þrautar í 22 einvígjum með styttri umhugsunartíma. Ýmsir sterkir skákmenn féllu úr leik og má þar nefna að Wei Yi tapaði sínu einvígi gegn Richard Rapport. Aserarnir Mamedyarov og Radjabov töpuðu einnig sínum einvígum og geta tekið flug saman til Bakú.

Þriðja umferð (32 manna úrslit) hefjast í dag kl. 11. Carlsen teflir við Bu. Meðal annarra áhugaverða einvíga má nefna Kramnik-Ivanchuk og Jobava-Nepo.

Ítarlega frásögn og öll úrslit má finna á Chess.com.

Myndir (Maria Emelianova - Chess.com)

• Heimasíða mótsins (Ivan Sokolov aðalskýrandi)
• Chess.com (Yasser Seirawan og fleiri) 

Jón Kristinn og Batel unnu í fjórðu umferð

Jón Kristinn Þorgeirsson (u18) og Batel Goitom Hailee (u10) unnu sínar skákir í fjórðu umferð EM ungmenna sem fram fór í gær. Vignir Vatnar Stefánsson (u14) gerði jafntefli. Aðrar skákir töpuðust. 

Vignir Vatnar, Jón Kristinn og Batel hafa 2 vinninga, Gunnar Erik Guðmundsson (u10) hefur 1,5 vinninga og Bjartur Þórisson (u8) og Símon Þórhallsson (u18) hafa 1 vinning.

Fimmta umferð fer fram í dag. Allir íslensku keppendurnir hafa hvítt í dag!

Úrslit gærdagsins

• Chess-Results
• Beinar útsendingar (hefjast kl. 12 - 10 efstu skákir hvers flokks sýndar beint)

EM ungmenna í Rúmeníu - Pistill #3

EM ungmenna heldur áfram hér í sólinni á Mamaia. Þriðja umferð fór fram í gær og var hún sú versta hjá íslenska hópnum til þessa.

Við erum reyndar ekki þeir einu sem áttu slæman dag því mótsstjórninni hefur ekki ennþá tekist að koma út .pgn frá umferðinni í gær og því næ ég ekki að hengja skákirnar hér við sem viðhengi.

Rúmenar eru ekki að heilla okkar í matargerð allavega enn sem komið er. Maturinn á hótelinu er alls ekki nógu góður og rétt sleppur á köflum. Kjöt og kjúklingur yfirleitt ofsteikt og þurrt og það er ekki einu sinni hægt að fá pasta sem er í þokkalegasta lagi.

Við fórum nokkur úr íslenska hópnum út að borða í gær svona til að fá einhverja tilbreytingu frá frekar þreyttum hótelmat. Satt best að segja var sá matur rétt svo skárri. Ég sjálfur fékk mér Spaghetti Bolognese sem á ekki að vera hægt að klúðra og var það ekki nógu gott. Fékk mér einnig kjúklingavængi sem rétt sluppu en mér sýndist á öðrum að í lagi hefði verið með hamborgara sem aðrir pöntuðu. Eftirrétturinn slapp hinsvegar enda erfitt að klúðra ís! ...það er þó alltaf Kebab to the rescue!

En að úrslitum gærdagsins, aðeins Símon vann sína skák og Gunnar Erik gerði jafntefli. Aðrir töpuðu sínum skákum. Flestir voru að tefla upp fyrir sig en Vignir var auðvitað ekki sáttur með sitt tap miðað við stigatölu andstæðings. Þessir Rússar eru þó alltaf erfiðir, það liggur fyrir. Rétt er að benda á að Batel hefur fengið skuggalega erfitt prógram, er búin að tefla við stelpur rankaðar númer 3, 6 og 18 í í hennar flokki.

Hef nú bætt skákum umferðarinnar við pistilinn. Á heimasíðu mótsins vantaði þó skák Vignis Vatnars af einhverjum ástæðum.

U8

Bjartur stýði svörtu mönnunum og sáum við að andstæðingur hans var með nokkrar skákir í Alapin (2.c3) gegn Sikileyjarvörninni. Við kíktum því aðeins á afbrigði með ...Bf5 sem ég veit að Gunnar hefur líka skoðað til að halda svona smá samræmi í hópnum. Örlítið einbeitingarleysi og fljótfærni hefur verið að hraka Bjart og hann lék þess í stað ...Bg4 en fékk samt fína stöðu en lenti í mistökum sem hann lærir vonandi af. Fljótfærni hefur lengi einkennt krakka á þessum aldri, líklega flesta en sérstaklega á Íslandi og man ég t.d. að Hjörvar Steinn og Vignir voru mjög fljótfærir á unga aldri. Hvað um það, smá pælingar og kannski eitthvað sem má skoða almennt hjá okkur heima.

 

U10

Gunnar Erik fékk sinn undirbúning algjörlega upp á borðið. Gunnar hefur verið mjög duglegur að stúdera og undirbúa sig sjálfur og er farinn að vera með sínar byrjanri vel á hreinu. Næsta verkefni er að fínpússa afbrigðin aðeins meira en það lofar mjög góðu byrjanaundirbúningurinn hjá honum.

Stigahærri andstæðingur hans bauð jafntefli í aðeis verra endatafli sem Gunnar þáði.

 

U10 stelpur

Batel tefldi við aðra rússneska stelpu í topp 6. Sú tefldi alltaf Caro-Kann og taldi ég einfaldast að útskýra nokkur plön og leiðir í tveggja riddara tafli gegn CK. Upp kom reyndar afbrigðið sem við fórum minnst yfir (...Rf6) en Batel fékk samt fína stöðu og stóð vel í þeirri rússnesku. Á endanum var þó sú rússneska sterkari á svellinu og hafði sigur eftir fína baráttu. Batel hefur eins og áður segið fengið feykisterkt prógram og ég spái henni yfir 50% í mótinu og vænni stigahækkun!

 

 

U14

Í .pgn skrá mótsins vantar skák Vignis. Hann tefldi 1.d4 en andstæðingur hans plataði hann eilítið með 1...e6 þar sem Vignir vildi ekki tefla gegn Frakkanum og systemið sem hann ætlaði að tefla gegn Hollending virkaði ekki gegn 1...e6. Upp kom þó eðlileg staða og skákin bara í jafnvægi en Vignir gerði mistök í miðtaflinu og fékk erfiðara endatafl sem hann hefði líklega átt að halda en þetta var ekki dagurinn hans Vignis.

 

U18

Símon fékk stigalágan heimamann og átti ekki í miklum vandræðum með að innbyrða sinn vinning. Jón Kristinn hinsvegar komst ekki nógu vel út úr byrjuninni gegn Norðmanninum Haug og flækjurnar í kjölfarið voru alfarið honum í óhag og því tap niðurstaðan.

 

 

 

mbk,

 

Ingvar

Veljið skák (9 alls): 1: Gudmundsson, Gunnar Erik - Herega, Nejc 2: Gudmundsson, Gunnar Erik - Herega, Nejc 3: Kalin, Andrei - Thorisson, Bjartur 4: Thorhallsson, Simon - Cristian, Codrut 5: Haug, Johannes - Thorgeirsson, Jon Kristinn 6: Haile, Batel Goitom - Poliato, Irina 7: Thorhallsson, Simon - Cristian, Codrut 8: Haug, Johannes - Thorgeirsson, Jon Kristinn 9: Gudmundsson, Gunnar Erik - Herega, Nejc

[Event "European Youth Chess Championship 2017"] [Site "Expozitional Center, Mamaia, "] [Date "2017.09.07"] [Round "3.32"] [White "Gudmundsson, Gunnar Erik"] [Black "Herega, Nejc"] [Result "1/2-1/2"] [ECO "A00"] [WhiteElo "1341"] [BlackElo "1728"] [PlyCount "50"] [EventDate "2017.09.05"] [EventType "schev"] [EventRounds "1"] [EventCountry "ROM"] 1. d4 Nf6 2. c4 c5 3. d5 b5 4. cxb5 a6 5. bxa6 g6 6. Nc3 Bxa6 7. e4 Bxf1 8. Kxf1 d6 9. Nf3 Bg7 10. g3 O-O 11. Kg2 Nbd7 12. a4 Qb6 13. Qe2 Rfb8 14. Bd2 Ne8 15. Rhb1 Nc7 16. Bf4 Qa6 17. Qxa6 Rxa6 18. Nd2 Rxb2 19. Rxb2 Bxc3 20. Rab1 Bxb2 21. Rxb2 Rb6 22. Rxb6 Nxb6 23. a5 Nba8 24. Nc4 f6 25. h4 Kg7 1/2-1/2

[Event "European Youth Chess Championship 2017"] [Site "Expozitional Center, Mamaia, "] [Date "2017.09.07"] [Round "3.32"] [White "Gudmundsson, Gunnar Erik"] [Black "Herega, Nejc"] [Result "1/2-1/2"] [ECO "A59"] [WhiteElo "1341"] [BlackElo "1728"] [Annotator "Ingvar"] [PlyCount "50"] [EventDate "2017.09.05"] [EventRounds "1"] [EventCountry "ROM"] 1. d4 Nf6 2. c4 c5 3. d5 b5 4. cxb5 a6 5. bxa6 g6 6. Nc3 Bxa6 7. e4 Bxf1 8. Kxf1 d6 9. Nf3 Bg7 10. g3 O-O 11. Kg2 Nbd7 12. a4 {Traust afbrigði og vorum við í raun búnir að skoða thad enda Gunnar mjög vel stúderaður fyrir mót og var með thetta afbrigði klárt í samráði við Helga Ólafs. Skoðuðum aðeins möguleg plön á móti annarsvegar ...Db6 og svo plönum með ...Da8. Thad voru ýmsir möguleikar í boði.} Qb6 13. Qe2 Rfb8 14. Bd2 Ne8 15. Rhb1 {Thetta er í fínu lagi og t.d. skák með Nakamura thar sem thessi leið er valin.} Nc7 16. Bf4 {Nakamura lék Rd1 og hvítur skorar í raun fáranlega vel í thessum varíant. Bf4 virðist vera nýr leikur} Qa6 17. Qxa6 {Ekkert ad thessum leik en fórum aðeins yfir thad eftir skákina að Benkö er hálfgerð undntekning thegar kemu að reglunni að skipta upp á drottningum thegar maður er peði yfir. Svartur nefnilega heldur oft pressunni og jafnvel betur eftir að skipt er upp á drottningum. Ég mældi thví með 17.Dc2 hér.} Rxa6 18. Nd2 Rxb2 {Thetta er ekkert endilega besti leikurinn (...f5 er thematískur endataflsleikur hér). Thad var hinsvegar lærdómsríkt fyrir Gunnar að lenda í thessari taktík thar sem thetta er thekkt thema í Benkö. Hvítur hinsvegar á að halda betri stöðu.} 19. Rxb2 Bxc3 20. Rab1 {Hér var 20.Hb7 málið og svartur tharf að verjast} Bxb2 21. Rxb2 Rb6 22. Rxb6 Nxb6 23. a5 Nba8 24. Nc4 f6 25. h4 Kg7 {Andstæðingur Gunnars bauð hér jafntefli sem hann tháði gegn mun stigahærri andstæðing. Ég setti ekkert út á thad enda jafnt á liði og endatafl. Thegar lengra er komið thá á hvítur hinsvegar að tefla hér áfram. Hvítur getur pínt svartan mikið hér t.d. rölt með kónginn yfir á a4 til að halda svörtum í heljargreipum thar og jafnvel eru hugmyndir um mannsfórnir á d6 í vissum tilvikum. Hvítur stendur betur í endataflinu en jafntefli fín úrslit} 1/2-1/2

[Event "European Youth Chess Championship 2017"] [Site "Expozitional Center, Mamaia, "] [Date "2017.09.07"] [Round "3.40"] [White "Kalin, Andrei"] [Black "Thorisson, Bjartur"] [Result "1-0"] [ECO "B22"] [WhiteElo "1177"] [Annotator "Ingvar"] [PlyCount "69"] [EventDate "2017.09.05"] [EventRounds "1"] [EventCountry "ROM"] 1. e4 c5 2. c3 d5 3. exd5 Qxd5 4. d4 Nc6 5. Nf3 Bg4 {Við höfðum reyndar skoðað ...Bf5 afbrigðið hér en Bjartur er aðeins að flýta sér. Hann hefur mest verið í vandræðum með einbeitingu og að tefla ekki of hratt en thegar hann hefur náð thví hefur taflmennskan lofað góðu.} 6. Be2 e6 7. Be3 Nf6 8. O-O {Hér er Bjartur með fína stöðu en tharf að drepa fyrst á d4 áður en hann setur biskupinn út. Fórum aðeins yfir að thegar biskupinn er kominn á e3 í thessu afbrigði getur hvítur farið að huga að drápi á c5.} Bd6 {thessi leikur sýnir akkúrat af hverju 8... cxd4 er rétti leikurinn.} 9. dxc5 Qxd1 10. Rxd1 {Svartur tapar c5 peðinu og tempói} Bxf3 11. Bxf3 Bc7 12. Na3 O-O 13. Nc4 Rad8 14. Bxc6 bxc6 15. Rd2 Ne4 16. Rdd1 Rd5 17. Rxd5 cxd5 18. Na3 Rc8 19. f3 Nf6 20. Nb5 { svarta staðan er orðin mjög erfið} Nd7 21. Nxa7 Rb8 22. b3 Rb7 23. c6 {og hér er skákin endanlega töpuð} Rb8 24. cxd7 Rd8 25. Rb1 Rxd7 26. g3 Bb8 27. Nc6 Bd6 28. b4 f5 29. Bc5 Bxc5+ 30. bxc5 Rc7 31. Ne5 g6 32. c6 Ra7 33. Rb7 Ra5 34. c7 Ra8 35. Rb8+ 1-0

[Event "European Youth Chess Championship 2017"] [Site "Expozitional Center, Mamaia, "] [Date "2017.09.07"] [Round "3.40"] [White "Thorhallsson, Simon"] [Black "Cristian, Codrut"] [Result "1-0"] [ECO "D30"] [WhiteElo "2074"] [BlackElo "1688"] [Annotator "Ingvar"] [PlyCount "37"] [EventDate "2017.09.05"] [EventRounds "1"] [EventCountry "ROM"] 1. d4 d5 2. c4 e6 3. Nf3 c5 4. cxd5 exd5 5. g3 Nc6 6. Bg2 Nf6 7. O-O Be7 8. dxc5 Bxc5 9. Qc2 {Hvítur hefur geymt riddarann á b1 og á thví thennan leik. Símon minntist á að thetta væri í Avrukh-fræðum.} Be7 10. Rd1 O-O 11. Nc3 Bg4 12. Bg5 d4 13. Nb5 {Hvítur er strax kominn með mikla pressu á staka peðið} Rc8 14. Qa4 Qb6 15. Nbxd4 Nxd4 16. Nxd4 Qxb2 17. Rab1 Qc3 18. Rdc1 Rc4 {...og með lítinn tíma á klukkunni kemur mjög slæmur afleikur. Skákin tók dágóðan tíma thó leikirnir voru fáir thar sem andstæðingur Símons notaði nánast allan tímann sinn.} 19. Qxc4 1-0

[Event "European Youth Chess Championship 2017"] [Site "Expozitional Center, Mamaia, R"] [Date "2017.09.07"] [Round "3.24"] [White "Haug, Johannes"] [Black "Thorgeirsson, Jon Kristinn"] [Result "1-0"] [ECO "E62"] [WhiteElo "2379"] [BlackElo "2232"] [Annotator "Ingvar"] [PlyCount "41"] [EventDate "2017.09.05"] 1. d4 Nf6 2. c4 g6 3. Nc3 Bg7 4. Nf3 O-O 5. g3 d6 6. Bg2 Nc6 7. O-O e5 8. d5 Ne7 9. e4 Ne8 10. Ne1 f5 {keppendur fylgja hér teoríu. 11.Rd3 er algengasti leikurinn en 11.f4 hefur verið teflt í einhverjum skákum líka.} 11. f4 fxe4 12. Nxe4 Nf5 {spurning hvort svartur thurfi að leita eftir endurbót strax hér} 13. fxe5 Bxe5 14. Nf3 {14.g4 leit mjög vel út líka á hvítan} Nf6 {staðan er thegar orðin erfið en thað hlýtur að vera "katastrófa" að thurfa að gefa svartreitabiskupinn í thessari stöðu.} 15. Nxe5 Nxe4 16. Nxg6 Nexg3 17. Nxf8 Nxf1 18. Ne6 Bxe6 19. Qg4+ Kh8 20. dxe6 {Hvítur kemur úr flækjunum með liðsvinning thar sem riddarinn kemst ekki út...hvítur á drottningarskák á d4 ef með tharf} Qf6 21. Bg5 {svartur gaf} 1-0

[Event "European Youth Chess Championship 2017"] [Site "Expozitional Center, Mamaia, "] [Date "2017.09.07"] [Round "3.17"] [White "Haile, Batel Goitom"] [Black "Poliato, Irina"] [Result "0-1"] [ECO "B11"] [WhiteElo "1244"] [BlackElo "1569"] [Annotator "Ingvar"] [PlyCount "82"] [EventDate "2017.09.05"] [EventRounds "1"] [EventCountry "ROM"] 1. e4 c6 2. Nf3 d5 3. Nc3 {Kíktum á nokkrar leiðir í thessu afbrigði} dxe4 4. Nxe4 Nf6 5. Ng3 e6 6. Bc4 Nbd7 7. d3 Nb6 8. Bb3 Bd6 9. Be3 {Ótharfa leikur í ljósi thess að biskupinn er færður í næsta leik. Stutthrókun betri og svona týpísk minni mistök sem tharf að kenna krökkunum á thessa aldri að minnka.} Nbd5 10. Bd2 O-O 11. Ne2 Re8 12. O-O Qc7 13. c4 Nf4 14. Nxf4 Bxf4 15. Bxf4 Qxf4 16. Qd2 {Hérna vildi ég sjá 16.d4 til að laga peðastöðuna} Qd6 17. Qc3 b6 18. Rad1 Bb7 19. d4 Rad8 20. c5 Qc7 21. Rfe1 Nd5 {Batel hefur telft thetta ágætlega og heldur aðeins betri stöðu. Hér hefði thó thurft að halda spennunni og leika Dc2 eða Dd3} 22. cxb6 axb6 23. Bxd5 Rxd5 24. Re5 Red8 25. b4 {Ég er ekki viss um að skákin sé rétt slegin inn, mögulega er hvíti hrókurinn á c1 annars ætti svatur hér tvöfalt dráp á e5.} c5 26. Rde1 Rxe5 27. dxe5 Bxf3 28. gxf3 Rd5 29. f4 {Svartur er kominn með mun betra endatafl en hvítur getur alveg barist. Batel missir hinsvegar algjörlega thráðinn hér og verður planlaus og fer að tapa peðum og skákinni.} Qe7 30. Qc4 cxb4 31. Rc1 h6 32. Qf1 Qh4 33. Rc8+ Kh7 34. Qb1+ g6 35. Rc7 Kg7 36. f5 Rxe5 37. fxg6 Rg5+ 38. Kf1 Qh3+ 39. Ke1 Rg1+ 40. Kd2 Rxb1 41. Rxf7+ Kxg6 0-1

[Event "European Youth Chess Championship 2017"] [Site "Expozitional Center, Mamaia, "] [Date "2017.09.07"] [Round "3.40"] [White "Thorhallsson, Simon"] [Black "Cristian, Codrut"] [Result "1-0"] [ECO "D30"] [WhiteElo "2074"] [BlackElo "1688"] [PlyCount "37"] [EventDate "2017.09.05"] [EventType "schev"] [EventRounds "1"] [EventCountry "ROM"] 1. d4 d5 2. c4 e6 3. Nf3 c5 4. cxd5 exd5 5. g3 Nc6 6. Bg2 Nf6 7. O-O Be7 8. dxc5 Bxc5 9. Qc2 Be7 10. Rd1 O-O 11. Nc3 Bg4 12. Bg5 d4 13. Nb5 Rc8 14. Qa4 Qb6 15. Nbxd4 Nxd4 16. Nxd4 Qxb2 17. Rab1 Qc3 18. Rdc1 Rc4 19. Qxc4 1-0

[Event "European Youth Chess Championship 2017"] [Site "Expozitional Center, Mamaia, R"] [Date "2017.09.07"] [Round "3.24"] [White "Haug, Johannes"] [Black "Thorgeirsson, Jon Kristinn"] [Result "1-0"] [ECO "E62"] [WhiteElo "2379"] [BlackElo "2232"] [PlyCount "41"] [EventDate "2017.09.05"] 1. d4 Nf6 2. c4 g6 3. Nc3 Bg7 4. Nf3 O-O 5. g3 d6 6. Bg2 Nc6 7. O-O e5 8. d5 Ne7 9. e4 Ne8 10. Ne1 f5 11. f4 fxe4 12. Nxe4 Nf5 13. fxe5 Bxe5 14. Nf3 Nf6 15. Nxe5 Nxe4 16. Nxg6 Nexg3 17. Nxf8 Nxf1 18. Ne6 Bxe6 19. Qg4+ Kh8 20. dxe6 Qf6 21. Bg5 1-0

[Event "European Youth Chess Championship 2017"] [Site "Expozitional Center, Mamaia, "] [Date "2017.09.07"] [Round "3.32"] [White "Gudmundsson, Gunnar Erik"] [Black "Herega, Nejc"] [Result "1/2-1/2"] [ECO "A00"] [WhiteElo "1341"] [BlackElo "1728"] [PlyCount "50"] [EventDate "2017.09.05"] [EventType "schev"] [EventRounds "1"] [EventCountry "ROM"] 1. d4 Nf6 2. c4 c5 3. d5 b5 4. cxb5 a6 5. bxa6 g6 6. Nc3 Bxa6 7. e4 Bxf1 8. Kxf1 d6 9. Nf3 Bg7 10. g3 O-O 11. Kg2 Nbd7 12. a4 Qb6 13. Qe2 Rfb8 14. Bd2 Ne8 15. Rhb1 Nc7 16. Bf4 Qa6 17. Qxa6 Rxa6 18. Nd2 Rxb2 19. Rxb2 Bxc3 20. Rab1 Bxb2 21. Rxb2 Rb6 22. Rxb6 Nxb6 23. a5 Nba8 24. Nc4 f6 25. h4 Kg7 1/2-1/2

Haustmót Taflfélags Reykjavíkur hafið

Haustmót Taflfélags Reykjavíkur, hið 84. í röðinni, hófst síðastliðið miðvikudagskvöld. Keppendur að þessu sinni eru 30 talsins og er þetta fámennasta Haustmótið um árabil, en margir íslenskir skákmenn eru uppteknir á öðrum vígstöðvum á þessum annasömu haustmánuðum.

Þó mótið sé fámennt þá er það sannarlega góðmennt enda skipað fjölmörgum skemmtilegum skákmönnum. Þrír titilhafar eru á meðal keppenda; stórmeistarinn og skákþjálfarinn Hjörvar Steinn Grétarsson (2567), alþjóðlegi meistarinn og byrjanaprófessorinn Einar Hjalti Jensson (2362) og FIDE meistarinn geðþekki úr Grafarvoginum Oliver Aron Jóhannesson (2272). Fjórði í stigaröðinni er Bolvíkingurinn sókndjarfi, Magnús Pálmi Örnólfsson (2227) sem hefur smíðað margar laglegar fléttur í Faxafeninu í gegnum árin. Fimmti stigahæsti keppandinn er fyrrum skákmeistari Taflfélags Reykjavíkur, hinn eitilharði Þorvarður Fannar Ólafsson (2164) sem nýverið söðlaði um og gekk til liðs við Vinaskákfélagið. Næstur honum í stigaröðinni er gamla brýnið og einn virkasti skákmaður landsins síðustu ár, Björgvin Víglundsson (2137). Sjöundi í stigaröðinni og sá síðasti sem er yfir 2000 skákstigum er Garðbæingurinn snjalli, Jóhann H. Ragnarsson (2032).

Úrslit fyrstu umferðar voru öll eftir gömlu góðu bókinni, þ.e. þeir stigahærri unnu þá stigalægri, enda stigamunur mikill. Í næstu umferð minnkar stigabilið verulega og má því búast við nokkrum spennandi skákum á föstudagskvöld þegar 2.umferð verður tefld. Þá mætast meðal annars á efstu borðum Hjörvar Steinn og Kristján Örn Elíasson (1869), og Einar Hjalti mætir Herði Aroni Haukssyni (1859).

Fjölmargir ungir og efnilegir liðsmenn TR munu vafalítið láta finna fyrir sér í umferðinni enda duglegir að stunda æfingar og tefla í mótum. Árni Ólafsson (1217) stýrir hvítu mönnunum gegn Hjálmari Sigurvaldasyni (1498), Adam Omarsson (1149) sem nýverið gekk til liðs við Taflfélag Reykjavíkur hefur hvítt gegn Tryggva K. Þrastarsyni (1325), Benedikt Þórisson (1065) hefur svart gegn Kristófer H. Kjartanssyni (1297) og Kristján Dagur Jónsson (1271) stýrir hvíta herliðinu gegn Kjartani Karli Gunnarssyni (0).

Umferðin á föstudagskvöldið hefst klukkan 19:30 í húsnæði Taflfélags Reykjavíkur að Faxafeni 12. Gestir eru hjartanlega velkomnir að líta við í kaffi og fylgjast með baráttunni í skáksalnum.

Úrslit og staða: Chess-results

Skákirnar (pgn): HTR #1

Heimasíða TR

Vel heppnað námskeið á Swiss-Manager

Fræðslunefnd Skáksambandsins stóð í vikunni fyrir námskeið á pörunarforritið Swiss-Manager. Tilgangurinn með námskeiðinu var einfaldlega sá að auka þekkingu á forritið og fjölga þeim sem geta haldið mót með því að notast við það.

Vel var mætt á námskeiðið en samtals mættu tíu manns á tveimur kvöldum.

Þátttakendur voru: Aðalsteinn Thorarensen, Haraldur Haraldsson, Jon Olav Fivelstad, Hörður Jónasson, Eiríkur K. Björnsson, Elvar Örn Hjaltason og svo fjórir vaskir aðilar frá Landakotsskóla þeir Micah, Hrafnkell, Kiril og Tom. Þeir eru nemendur og kennarar við skólann sem er með mikla skákkennslu í vetur.

Kennarar voru Gunnar Björnsson, Stefán Bergsson og Omar Salama.

Fræðslunefnd SÍ stefnir á fleiri námskeið í vetur á sviði skákstjórnunar, mótautanumhalds og kennslu.

Símon vann í þriðju umferð

Ekki gekk vel í 3. umferð EM ungmenna sem fram fór í gær. Símon Þórhallsson (u18) komst á blað og Gunnar Erik Guðmundsson (u10) gerði jafntefli. Aðrar skákir töpuðust.

Gunnar Erik og Vignir Vatnar (u14) hafa 1,5 vinning og Bjartur (u8), Jón Kristinn (u18), Símon og Batel U10) hafa 1 vinning.

Fjórða umferð fer fram í dag:

Úrslit gærdagsins

• Heimasíða mótsins
• Chess-Results
• Beinar útsendingar (hefjast kl. 12 - 10 efstu skákir hvers flokks sýndar beint)

Íslandsmót grunnskólasveita - stúlknaflokkur

Íslandsmót grunnskólasveita – stúlknaflokkur fer fram í Rimaskóla laugardaginn 16. september kl. 11.00.  Mótið miðast við skólaárið 2016-2017.

Teflt verður í þremur flokkum.

Fyrsti og annar bekkur (miðað við skólaárið 2016-2017):  Fimm umferðir með fimm mínútna umhugsunartíma.

Þriðji til fimmti bekkur (miðað við skólaárið 2016-2017):   Sex umferðir með sjö mínútna umhugsunartíma.

Sjötti til tíundi bekkur (miðað við skólaárið 2016-2017):   Sex umferðir með tíu mínútna umhugsunartíma.

Umferðafjöldi getur breyst með tilliti til fjölda þátttökuliða.

Keppendur geta teflst upp fyrir sig, þ.e. með eldri sveit síns skóla.  Í hverri sveit skulu vera fjögur borð.  Varamenn mega vera allt að þrír.

Þátttökugjald á sveit:  5000 kr.  Hámark 10.000 kr. á skóla.

Skráning fer fram á Skák.is (guli kassinn) og þurfa að berast fyrir föstudaginn 15. september.

Upplýsingar um þegar skráðar sveitir má finna hér.