Atskákmót Reykjavíkur og atskákmót Hugins verður haldið mánudaginn 20. nóvember

Atskákmót Reykjavíkur sem jafnframt er atskákmót Hugins, suðursvæði fer fram mánudaginn 20. nóvember nk. Mótið fer fram í félagsheimili Hugins, Álfabakka 14a í Mjódd. Tefldar verða 6 umferðir með Svissnesku-kerfi og hefur hvor keppandi 10 mínútur á skák + fimm sekúndur á hvern leik. Mótið hefst kl. 19:30 og verður reiknað til atskákstiga. Verði tveir jafnir í baráttunni um annan hvorn titilinn verður teflt tveggja skáka hraðskákeinvígi. Verði jafnt að því loknu verður hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani. Verði fleiri en tveir jafnir verður tefld einföld umferð, hraðskák. Verði enn jafnt þá bráðabani.

Núverandi atskákmeistari Reykjavíkur er Vignir Vatnar Stefánsson og atskákmeistari Hugins er Vigfús Ó.Vigfússon.

Verðlaun:

1. 15.000

2. 8.000

3. 4.000

Þátttökugjöld:

16 ára og eldri: 1000 kr

15 ára og yngri: 500

Kínhverjinn efstur fyrir lokaumferðina - Indverski undradrengurinn þarf sigur

Kínverski stórmeistarinn Yinglun Xu (2518) er efstur með 6 vinninga fyrir níundu og síðustu umferð Norðurljósamótsins á morgun. Litháíski stórmeistarinn, Aloyzas Kveinys (2545) og indverski undradrengurinn Nihal Sarin (2487), sem ber titil alþjóðlegs meistara, koma næstir með 5½ vinning. Indverjinn mætir Kínverjanum á morgun og þarf nauðsynlega sigur til að tryggja sér sinn annan ef þremur stórmeistaraáföngum. 

Menn voru fremur friðsamir í umferð kvöldsins og lauk átta skákum af tíu með jafntefli. Áðurnefndur Sarin vann þó enska stórmeistarann Mark Hebden (2460). 

Stórmeistararnir Hannes Hlífar Stefánsson (2514) og Hjörvar Steinn Grétarsson (2571) slíðruðu fljótt sverðin í kvöld og eru efstir Íslendinga með 5 vinninga ásamt enskum kollega þeirra Simon Williams (2437).

Lokaumferðin fer fram á morgun og hefst kl. 16. Þá mætast meðal annars:

• Nihal Sarin (5½ ) - Yinglun Xu (6)
• Simon Williams (5) - Aloyzas Kveinys (5½)
• Hjörvar Steinn Grétarsson (5) - Yi Xu (5)
• Hannes Hlífar Stefánsson (5) - Tim Jaksland (4½)
• Vignir Vatnar Stefánsson (4) - Björn Þorfinnsson (4½)

Mesta spennan verður að sjálfsögðu fyrir viðureigninni á fyrsta borði. Vinnur Kínverjinn mótið eða nær Indverjinn ungi sínum öðrum stórmeistaraáfanga?. 

• Heimasíða mótsins
• Chess-Results
• Beinar útsendingar (Chess24)

Yinglun Xu efstur á Norðurljósamótinu

Kínverski stórmesitarinn Yinglun Xu (2518) er efstur með 5½ vinning að lokinni sjöundu umferð Alþjóðlega Norðurljósamótsins. Hann vann í dag Mark Hebden (2460). Aloyzas Kveinys (2545), litháíski stórmeistarinn, náði ekki að knésetja indverska undrabarnið Nihal Sarin (2487) og er annar hálfum vinningi á eftir hinum kínverska. Hannes Hlífar Stefánsson (2514), Hjörvar Steinn Grétarsson (2571) og Sarin eru meðal þeirra sem eru í 3.-7. sæti með 4½ vinning.

Áttunda og næstsíðasta umferð hófst núna kl. 16. Þá mætast meðel annars:

• Yinglun Xu (5½) - Simon Williams (4½)
• Yi Xu (4½) - Aloyyzas Kveinys (5)
• Hjörvar Steinn (4½) - Hannes Hlífar (4½)
• Nihal Sarin (4½) - Mark Hebden (4)

Lokaumferðin hefst kl. 16 á morgun. 

• Heimasíða mótsins
• Chess-Results
• Beinar útsendingar (Chess24)

Íslandsmót unglingasveita 2017

Íslandsmót Unglingasveita 2017 verður haldið þann 10. desember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími eru 10 mínútur + 5 sek á mann.

Mótið er liðakeppni Taflfélaga og eru 4 í hverju liði auk varamanna.

Reglugerð mótsins má finna á vefnum skaksamband.is http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins [e-mail]

Benda ber sérstaklega á

• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 4000 kr. á hvert lið. (2000 fyrir aukalið.)
• Mótið verður reiknað til alþjóðlegra atskákstiga. Fæðingardagar þeirra keppenda sem eru ekki á skákstigalista þurfa fylgja með skráningu.

Íslandsmeistarar 2016 voru Taflfélag Reykjavíkur.

Jón Kristinn atskákmeistari Akureyrar annað árið í röð

Atskákmóti Akureyrar lauk sunnudaginn 11. nóvember. Keppendur voru tíu talsins og telfdu sjö umferðir með umhugsunartímanum 20-10. Voru fyrstu þrjár umferðirnar tefldar 8. nóvember og hinar fjórar svo þann 11. 

Eftir fyrri hlutann voru þeir Jón Kristinn Þorgeirsson, Haraldur Haraldsson og Sigurður Eiríksson efstir með 2,5 vinning, en í seinni hlutanum lagði Jón þá báða af velli og vann mótið örugglega, fékk 6,5 vinninga af 7 mögulegum. Þeir Haraldur og Andri Freyr Björgvinsson fengu 5,5 vinninga hvor og hreppti sá síðarnefndi silfrið eftir stigaútreikning. Sigurður Eiríksson varð svo fjórði með 4 vinninga. 

Öll úrslit og heildarstöðuna má sjá á Chess-results.  

Óskar Víkingur efstur á unglingameistaramóti Hugins eftir fyrri hlutann

Unglingameistaramót Hugins (suðursvæði) hófst fyrr í g.r með fjórum umferðum. Þátttakendur eru 22 sem er all þokkaleg þátttaka. Umhugsunartími er ríflegur í mótinu eða fimmtán mínútur og að auki bætast fimm mínútur við tímann við hvern leik. Það voru yfirleitt bara eins og tvær langar skákir í hverri umferð og einungis ein umferð sem dróst á langinn þannig að fyrri hlutinn var búinn vel fyrir kvöldmat.

Þegar rennt er yfir mótið og einstök úrslit skoðuð hafi gengi sumra getað verið betra með betri tímanotkun. Óskar Víkingur Davíðsson situr einn í efsta sætinu eftir fyrri hlutann með 4v og hefur hann ekki stigið feilspor fram að þessu. Síðan koma fimm jöfn með 3v en það eru Batel Goitom Haile, Benedikt Þórisson, Rayan Sharifa, Stefán Orri Davíðsson og Bjartur Þórisson. Erfitt er að spá um framhaldið hjá þeim en óneitanlega hljóta þau sem eru búin að tefla Óskar að standa betur að vígi en þau sem eiga eftir að fá hann. Seinni hlutinn verður tefldur ídag  þriðjudaginn 14. nóvember og hefst kl. 16.30 og þá verða tefldar þrjár síðustu umferðirnar. Þá tefla m.a. eftirtaldir saman: Stefán Orri og Óskar, Batel og Bjartur, Benedikt og Rayan, Birgir Logi og Baltasar, Óttar Örn og Árni.

Staðan í chess-results:

 

Nánar á heimasíðu Hugins.

Kveinys og Yinglun Xu efstir - Björn fetaði í fótspor Tal og tapaði

Stórmeistarinn Yinglun Xu (2518), Kína, og Aloyzas Kveinys (2545), Litháen, eru efstir og jafnir með 4½ vinning að lokinni sjöttu umferð alþjóðlega Norðurljósamótsins í kvöld. Kveinys gerði jafntefli við Hannes Hlífar Stefánsson (2514). Hannes er í þriðja sæti mótsins ásamt fjórum öðrum keppendum. 

Skák Yinglun Xu og Björns vakti verðskuldaða athygli. Björn fetaði þar í fótspor töframannsins frá Riga, Mikhail Tal, allt fram í 25. leik. Tal var reyndar fórnarlambið í þeirri skák gegn Lev Polugaevsky á sovéska meistaramótinu árið 1969. Sú skák er fremur þekkt í skákheimum og ber nafnið "Lev and Let Die" á Chessgames.com. Kínverjinn var með þessa skák á hreinu en Björn ekki - og átti sér ekki viðreisnarvon - enda leiðir þessi lína sem Tal tefldi fyrir 48 áraum síðan og Björn í kvöld til tapaðs tafls. 

Það vakti athygli ritstjóra að þegar hann ræddi við hinn 13 ára indverska undradreng Nihal Sarin eftir sigurskák hans á móti Braga Þorfinnssyni að hann var með þessa skák á hreinu og mundi hverjir tefldu saman fyrir nærri hálfri öld síðan. Indverski skákskólinn klikkar ekki.

Nihal Sarin er í 3.-7. sæti ásmt Hannesi og fleirum og eigir von um að ná sínum öðrum stórmeistaraáfanga en til þess þarf hann góð úrslit í lokaumferðunum þremur. Björn og Hjörvar Steinn Grétarsson (2571) koma næstir íslensku keppendanna með 3½ vinning. 

Á morgun eru tefldar tvær umferðir. Sú fyrri hefst kl. 10 og sú síðari kl. 16. Helstu viðureignir sjöundu umferðar:

1. Kveinys (4½) - Sarin (4)
2. Hebden (4) - Yinglun (4½)
3. Yi Xu (4) - Hannes (4)
4. Björn (3½) - Williams (4)
5. Bragi (3) - Hjörvar (3½)
6. Hansen (3) - Vignir (3)

 

• Heimasíða mótsins
• Chess-Results
• Beinar útsendingar (Chess24)

Alexander Oliver efstur á U-2000 mótinu

 

Alexander Oliver Mai (1875) er á nýjan leik einn efstur þegar fimm umferðum af sjö er lokið í U-2000 móti Taflfélags Reykjavíkur. Hefur hann hlotið 4,5 vinning en í næstu sætum með 4 vinninga eru Stephan Briem (1895), Haraldur Baldursson (1935), Páll Andrason (1805), Kristján Geirsson (1556) og Jón Eggert Hallsson (1648).

Spennan er því mikil fyrir lokaumferðirnar tvær og ljóst að það má lítið út af bera hjá efstu mönnum til að staðan breytist. Minnt er á að nú er hlé á mótinu vegna hins alþjóðlega Norðurljósamóts og því fer sjötta og næstsíðasta umferðin fram miðvikudagskvöldið 22. nóvember.

Margar spennandi og skemmtilegar orrustur voru háðar síðastliðið miðvikudagskvöld þar sem Páll og Haraldur gerðu jafntefli á efsta borði í nokkuð tvísýnni viðureign. Á öðru borði hafði Alexander betur gegn Óskari Víkingi Davíðssyni (1777) í snarpri sóknarskák þar sem sá fyrrnefndi fórnaði sem aldrei fyrr og uppskar mikla kóngssókn. Óskar Víkingur þurfti að gefa drottningu sína til að forða máti en var þó með allnokkurt lið upp í kellu og gerði sitt besta í að verjast áhlaupi hvítu mannanna sem þvinguðu svarta kónginn alla leið frá kóngsvæng yfir á A8 reitinn þar sem hann lenti að lokum í mátneti. Á þriðja borði sigraði Jón Eggert Jon Olav Fivelstad (1950) í lengstu baráttu kvöldsins eftir hrikalegan fingurbrjót þess síðarnefnda í lok skákar eftir að hafa verið með unnið tafl fyrr í skákinni og þá hafði Jón Eggert boðið jafntefli í steindauðri stöðu skömmu áður. Skákin er harður skóli!

Í sjöttu og næstsíðustu umferð sem fer fram miðvikudagskvöldið 22. nóvember mætast á efstu borðum Haraldur og Alexander, Jón Eggert og Stephan, sem og Kristján og Páll. Áhorfendur eru hvattir til að mæta og fá stemninguna beint í æð ásamt hinu ljúffenga TR-kaffi sem aldrei er langt undan.

Nánar á heimasíðu TR.

• Chess-Results

Unglingameistaramót Hugins hefst í dag

Unglingameistaramót Hugins 2017 hefst mánudaginn 13. nóvember n.k. kl. 16.30 þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 14. nóvembern.k. kl. 16.30. Tefldar verða 7 umferðir eftir Svissnesku kerfi. Mótið verður reiknað til atskákstiga. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 15 mínútur á skák + 5 sekúndur á leik.

Mótið er opið öllum 15 ára og yngri í grunnskóla en titilinn sjálfan getur aðeins félagsmaður í Huginn unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 20. nóvember n.k. Keppnisstaður er Álfabakki 14a í Mjódd (inngangur milli Subway og Lyfjaval í Mjódd og er salur félagsins á þriðju hæð. Engin þátttökugjöld.

Umferðatafla:
1.-4. umferð: Mánudaginn 13. nóvember kl. 16.30
5.-7. umferð: Þriðjudaginn 14. nóvember kl. 16.30

Verðlaun:
1. Unglingameistari Hugins fær farandbikar til varðveislu í eitt ár.
2. Þrír efstu fá verðlaunagripi til eignar.
3. Allir keppendur fá skákbók.
4. Þrír efstu 12 ára og yngri fá verðlaunapening.

 

Kveynis efstur á Norðurljósamótinu - Hannes og Björn koma næstir

Litháíski stórmeistarinn (og bangsinn) Aloyzas Kveinys (2545) er efstur með 4 vinninga að loknum fimm umferðum á alþjóðlega Norðurljósamótinu. Í dag vann hann Hjörvar Stein Grétarsson (2571). Fimm skákmenn eru jafnir í 2.-6. sæti með 3½. Í þeim hópi eru Hannes Hlífar Stefánsson (2514) og Björn Þorfinnsson (2395) sem gerðu jafntefli í dag.

Björn Hólm Birkisson (2002) gerði sér lítið fyrir og vann bandaríska FIDE-meistarann Nikhil Kaumar (2274) en sá varð heimsmeistari 12 ára og yngri í fyrra. 

Sjötta umferð fer fram á morgun og hefst kl. 16. Hannes mætir þá Kveinys, Björn teflir við kínverska stórmeistarann Yinglun Xu 2518).  Bragi, bróðir Björns, fær krefjandi verkefni en hann mætir indverska undrabarninu Nihal Sarin (2387).  

• Heimasíða mótsins
• Chess-Results
• Beinar útsendingar (Chess24)