Atskákmót Reykjavíkur og atskákmót Hugins hefst í kvöld

Atskákmót Reykjavíkur sem jafnframt er atskákmót Hugins, suðursvæði fer fram mánudaginn 20. nóvember nk. Mótið fer fram í félagsheimili Hugins, Álfabakka 14a í Mjódd. Tefldar verða 6 umferðir með Svissnesku-kerfi og hefur hvor keppandi 10 mínútur á skák + fimm sekúndur á hvern leik. Mótið hefst kl. 19:30 og verður reiknað til atskákstiga. Verði tveir jafnir í baráttunni um annan hvorn titilinn verður teflt tveggja skáka hraðskákeinvígi. Verði jafnt að því loknu verður hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani. Verði fleiri en tveir jafnir verður tefld einföld umferð, hraðskák. Verði enn jafnt þá bráðabani.

Núverandi atskákmeistari Reykjavíkur er Vignir Vatnar Stefánsson og atskákmeistari Hugins er Vigfús Ó.Vigfússon.

Verðlaun:

1. 15.000

2. 8.000

3. 4.000

Þátttökugjöld:

16 ára og eldri: 1000 kr

15 ára og yngri: 500

Ísland vann vinarlandsdystin

Ísland vann tann afturvendandi vinarlandsdystin, ið varð telvaður í Løkshøll í vikuskiftinum. Ísland vann báðar dystirnar: fyrra dystin 6½-4½ og seinna dystin 7-4. Sostatt vann Ísland samanlagt 13½-8½. Føroyar hava annars vunnið hendan dystin 3 tær seinastu ferðirnar á rað. Næsti vinarlandsdystur móti Íslandi verður í Íslandi um 2 ár.

Svona skrifa frændur vorur Færeyringar um vinalandskeppnina sem fram fór um helgina í Lækjarhöllinni í Rúnavík í Færeyjum. Ritstjóri vonar að lesendur Skák.is skilji textann en rétt er að taka fram að færeyska orðið "dystur" þýðir keppni.

Lið Íslendinga skipuðu meðlimir úr Skákfélagi Akureyrar og Huginskappar. 

Áskell Örn Kárason stóð sig best okkar manna en hann vann báðar sínar skákir. Jón Kristinn Þorgeirsson, Kristján Eðvarðsson og Baldur A. Kristinsson hlut 1½ vinning. 

Nánar má lesa um landskeppnina á heimasíðu færeyska skáksambandsins.

Úrslit má finna á Chess-Results.

 

Hlemmur Square fer fram eftir viku

Hlemmur Square mun í samstarfi við Vinaskákfélagið halda hraðskákmót á Hlemmur Square sunnudaginn, 26. nóvember, klukkan átta.

Þetta er þriðja skákmótið í seríu mánaðarlegra móta þar sem teflt er í rúmgóðum heimkynnum veitingastaðar hótelsins, Pylsa/Pulsa Restaurant. Á síðasta móti var hörku barátta, en Páll Andrason sigraði og fékk 7 vinninga af 8 mögulegum. 

Tefldar verða 8 umferðir með 4+2 mínútna umhugsunartíma. Skákstjóri og dómari er Hörður Jónasson frá Vinaskákfélaginu.

Þátttaka er ókeypis á mótið en Hlemmur Square gefur gjafabréf fyrir efstu þrjú sætin auk þess sem medalía verður veitt fyrir vinningshafann. 

1. verðlaun: Gjafabréf á Pylsa/Pulsa Restaurant / bar fyrir 7.000 kr. +medalía
2. verðlaun: Gjafabréf á Pylsa/Pulsa Restaurant / bar fyrir 5.000 kr.
3. verðlaun: Gjafabréf á Pylsa/Pulsa Restaurant / bar fyrir 3.000 kr. 

Gleðistundarverðlag á kranaveigum fyrir þátttakendur mótsins, ef þörf skyldi krefja í þeim annars harða skóla sem skákin er!

Gert er ráð fyrir því að skákmótið taki innan við þrjár klukkustundir.

Hægt er að skrá sig í gegnum skak.is á gula kassann, en einnig á staðnum.

Sigur í fyrri umferð landsdystins við Föreyjar

Um helgina fer fram fer landskeppni (landsdystur) við færeyska vini vora. Megin uppistaðan í liðs Íslands eru Akureyringar og Huginskappar. Færeyingar líða reyndar fyrir það að í gangi eru smáþjóðaleikar þar sem þeirra a-landslið keppir og vann reyndar! Í fyrri umferðinni vannst sigur 6½-4½. Kappkteflinu verður framhaldið á morgun. Úrslit urðu sem hér segir í dag:

Lið Íslands og úrslit:

1. IM Einar Hjalti Jensson 2372      1-0
2. FM Jón Kristinn Þorgeirsson 2319  1-0
3. FM Thröstur Árnason 2247          1/2
4. FM Sigurður Daði Sigfússon 2230   0-1
5. FM Áskell Örn Kárason 2249        1-0
6. Kristján Eðvarðsson 2192          1-0
7. Baldur A. Kristinsson 2184        1-0
8. Bragi Halldorsson 2103            0-1
9. Símon Þórhallsson 2059            0-1
10. Haraldur Haraldsson 2004          0-1
11. Sigurður Eiríksson 1911           1-0

Lið Föreyinga: 

1. FM Olaf Berg 2288
2. FM Martin Poulsen 2231
3. Sjúrður Thorsteinsson 2190
4. FM Hans Kristian Simonsen 2185
5. Torkil Nielsen 2135 (faðir Nielsen-bræðrana - sá sem skoraði markið fræga gegn Austurríki árið 1990). 
6. Rani Nolsøe 2081
7. Terji Petersen 1984
8. Rógvi Mortensen 1941
9. Ingolf Gaard 1946
10. Margar Berg 1758
11. Jón S Andreasen 1741

Skákþáttur Morgunblaðsins: Sveit Asera sigraði á Evrópumótinu

Aserbaídsjan bar sigur úr býtum á Evrópumóti landsliða sem lauk á Krít um síðustu helgi. Fyrir lokaumferðina höfðu Aserar eins stigs forystu á Rússa og gerðu gamaldags „pakkajafntefli“ við Úkraínu í lokaumferðinni en líkur stóðu þá til þess að þeir myndu sigra á betri mótsstigum jafnvel þó svo Rússar næðu þeim að stigum. „Pakkajafntefli“ Sovétmanna voru fræg á Ólympíumótum í gamla daga en tildrögin voru oft þau að ef hallaði verulega á einhvern liðsmann var stundum gengið til jafnteflissamninga á öllum fjórum borðum. Eftir Evrópumótið á Krít var lögmæti þessa samnings dregið í efa og hafa staðið nokkrar deilur um þessi lok mótsins.

Lokaniðurstaðan hvað varðaði efstu sætin varð þessi: 1. Aserbaídsjan 14 stig (25 v.) 2. Rússar 14 stig (22 v.) 3. Úkraína 13 stig 4. Króatía 13 stig 5. Ungverjaland 12 stig.

Gott íslenskt lið skipað Héðni Steingrímssyni, Hjörvari Steini Grétarssyni, Hannesi Hlífari Stefánssyni og Guðmundi Kjartanssyni náði sér aldrei almennilega á strik og hafnaði í 27. sæti af 40 þjóðum. Liðið tapaði fimm viðureignum fyrir þjóðum sem á pappírnum voru stigahærri og engin skák vannst gegn stigahærri andstæðingi. [Aths. ritstj. Skák.is: Hjörvar Steinn (2567) vann reyndar svissneska stórmeistarann Sebastian Bogner (2599) í áttundu umferð]. Liðið vann fjórar viðureignir gegn stigalægri þjóðum en í síðustu umferð mættum við Færeyingum og unnum 4:0. Þeir stilltu upp án stórmeistarans Helga Dam Ziska.

Greinarhöfundur er sannfærður um að gengið hefði verið betra með teflandi varamann sem stjórn SÍ ákvað að senda ekki til leiks. Í eina tíð var landslið Íslands flaggskip skákhreyfingarinnar. Eru önnur viðhorf ríkjandi í dag? Í svona keppnum geta alls kyns smáatriði skipt miklu máli. Andstæðingarnir vissu t.d. alltaf hvernig íslensku sveitinni yrði stillt upp, löngu áður en íslenska liðið fékk slíkar upplýsingar. Og þetta snýst líka um úthald. Í sjöundu og áttundu umferð réðst endanlegt gengi liðsins en þá töpuðum við slysalega með minnsta mun fyrir Tékkum og Svisslendingum. Ýmis góð færi buðust sem ekki nýttust en ein innihaldsríkasta viðureignin fór fram á 1. borði í keppninni við Tékka:

David Navara – Héðinn Steingrímsson

Enskur leikur

1. c4 c5 2. Rf3 Rc6 3. Rc3 Rf6 4. d4 cxd4 5. Rxd4 e6 6. Bg5 Da5 7. Bxf6 gxf6 8. Rb3 De5 9. g3 h5 10. Bg2 h4 11. Dd2 Bb4 12. f4 Bxc3 13. bxc3 Dc7 14. g4 Hb8 15. Rc5 Ke7 16. Re4 b6 17. Hd1 Bb7 18. g5 fxg5

Um þessa byrjun mætti skrifa langt mál og svartur er í „köðlunum“ eftir 19. Rd6! En þetta er líka eina tækifærið sem Navara fékk til að vinna skákina.

19. f5? f6 20. fxe6 dxe6 21. Rxf6!? Kxf6 22. O-O Kg6 23. Dd3 Kg7 24. Dd7 Dxd7 25. Hxd7+

Hvor er nú betri Brúnn eða Rauður?

 

 

 

 

 

25. ... Kh6?

25. ... Kg6 er betra og vinnur m.a. vegna þess að hvítur verður að eyða tíma í biskupsleik: 26. Be4+ Kh5 27. Hf6 h3! og kóngurinn á gott skjól á h-línunni, t.d. 28. Hxe6 Ra5! og liðsmunurinn segir til sín.

26. Hf6+ Kh5 27. Hg7! Re5! 28. Bxb7 Hh6 29. Hf1 g4 30. Be4 Hc8 31. Bd3 Hd8 32. Hb1 Rxd3

Eftir þetta kemur upp jafnteflislegt hróksendatafl. Svarta staðan er aðeins betri eftir 32. .... Hd7!

33. exd3 Hg6 34. Hh7+ Hh6 35. Hb5+ Kg6 36. Hxa7 Hxd3 37. Hxb6 Kf5 38. Hf7 Hf6 39. Hxf6 Kxf6 40. Hb1 Hxc3 41. Ha1 Ha3 42. c5 Ke7 43. c6 Kd8 44. Hd1 Kc7 45. Hd4 g3 46. Hxh4 gxh2 47. Hxh2 Kxc6 48. Hd2

Jafntefli. 

Helgi Ólafsson [e-mail]

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 11. nóvember 2017

Skákþættir Morgunblaðsins

Hraðskákkeppni taflfélaga fer fram á morgun

Hraðskákkeppni taflfélaga verður haldin í Rimaskóla 19. nóvember og hefst keppni kl. 13:00.

Tefldar verða 2x7 umferðir eftir svissnesku kerfi og verða tímamörkin 3 2. Hver sveit er skipuð 6 mönnum auk varamanna. Hvert félag má senda a og b lið til leiks en þó áskilja mótshaldarar sér rétt á að takmarka fjölda b liða ef skráning er þeim mun meiri. Mótsgjald er 10.000 krónur á lið. Mótið verður reiknað til alþjóðlegra hraðskákstiga.

Varamenn koma ávallt inn á neðsta borð og þarf lið að vera eins skipað í báðum skákum hverrar umferðar. Það lið sem hlýtur flesta vinninga er Íslandsmeistari skákfélaga í hraðskák 2017 og verði tvö lið jöfn er einföld umferð tefld til úrslita um titilinn (dregið um lit á borði eitt og sitthvor liturinn á næstu borðum).

Skákdeild Fjölnis sér um mótshaldið og hvetjum við sem flest lið til að skrá sig til leiks!

Upplýsingar um þegar skráðar sveitir má finna hér.

 

Atskákmót Reykjavíkur og atskákmót Hugins fer fram á mánudaginn

Atskákmót Reykjavíkur sem jafnframt er atskákmót Hugins, suðursvæði fer fram mánudaginn 20. nóvember nk. Mótið fer fram í félagsheimili Hugins, Álfabakka 14a í Mjódd. Tefldar verða 6 umferðir með Svissnesku-kerfi og hefur hvor keppandi 10 mínútur á skák + fimm sekúndur á hvern leik. Mótið hefst kl. 19:30 og verður reiknað til atskákstiga. Verði tveir jafnir í baráttunni um annan hvorn titilinn verður teflt tveggja skáka hraðskákeinvígi. Verði jafnt að því loknu verður hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani. Verði fleiri en tveir jafnir verður tefld einföld umferð, hraðskák. Verði enn jafnt þá bráðabani.

Núverandi atskákmeistari Reykjavíkur er Vignir Vatnar Stefánsson og atskákmeistari Hugins er Vigfús Ó.Vigfússon.

Verðlaun:

1. 15.000

2. 8.000

3. 4.000

Þátttökugjöld:

16 ára og eldri: 1000 kr

15 ára og yngri: 500

Íslandsmót eldri skákmanna 65+ - Laugardaginn 25. nóvember í Ásgarði

Íslandsmót öldunga  65 ára og eldri  verður haldið laugardaginn 25. nóvember  nk. í Ásgarði félagsheimili  FEB að Stangarhyl 4, Reykjavík. Eins og í fyrra standa skákklúbbar eldri borgara á Höfuðborgarsvæðinu  sameiginlega að mótshaldinu. Þetta er í fjórða sinn sem slíkt Íslandsmót með atskákarsniði er haldið í þessum elsta aldursflokki virkra  skákmanna. 

Tefldar verða 9 umferðir með tímamörkunum  10+5; þ.e. 10 mínútna umhugsunartíma á skákina plús 5 sekúndna viðbótartíma á leik. Fjórar umferðir verða tefldar fyrir hádegi en lokaumferðirnar fimm að loknu hádegisverðarhléi. 

    

Mótið hefst kl. 10 árdegis og lýkur um kl. 16.30  með verðlaunaafhendingu. 

Þátttökugjald er kr. 1.500 og innifelur kaffi og og með því meðan á mótinu stendur og pizzusneið/ar í hádeginu. Björgvin Víglundsson er núverandi Íslandsmeistari og  hefur unnið sæmdartitilinn "Íslandsmeistari 65 ár og eldri" í öll þrjú skiptin sem um hann hefur verið keppt.  

Aðalverðlaun mótsins er kr. 50.000 ferðastyrkur til þátttöku á skákmóti erlendis.  

Auk verðlaunagripa og peninga verða veitt vegleg bókaverðlaun og aldursflokkaviðurkenningar (65-70;  71-75; 76-80; 81 og eldri).    

Vænst er góðrar þátttöku  sem víðast hvar að af landinu. Skráning á tengli á www.skak.is ; eða með smáskilaboðum  í síma 690-2000. Annars gildir bara að mæta tímanlega á mótsstað. 

Mótsnefndina skipa þeir: Einar S. Einarsson, Finnur Kr. Finnsson og Garðar Guðmundsson.

Upplýsingar um þegar skráða keppendur má finna hér.

Kínverskur sigur á Norðurljósamótinu

Kínverski stórmeistarinn Yinglun Xu (2518) sigraði á alþjóðlega Norðurljósamótinu sem lauk í gær í skákhöllinni í Faxafeni. Sá kínverski hlaut 6½ vinning í 9 skákum og var taplaus á mótinu. Í lokaumferðinni reyndi indverski undradrengurinn Nihal Sarin (2487) að leggja hann að velli en varð ekki ágengt. Sarin varð í 2.-4. sæti með 6 vinninga ásamt Hannesi Hlífari Stefánssyni (2514) og Simon Kim Williams (2437).

Hannes vann Danann Tim Jaksland (2168) í lokaumferðinni en Williams vann Litháann Aloyzas Kveinys (2545) í stórkostlegri skák. Drottningarfórn og læti.

 

Hjörvar Steinn Grétarsson (2571) varð næstefstur Íslendinga með 5½ vinning, Björn Þorfinnsson (2395) þriðji með 5 vinninga. Vignir Vatnar Stefánsson (2294) og Guðmundur Gíslason (2318) hlutu 4½ vinning.

Enginn nýtt sér mótið betur en Björn Hólm Birkisson sem hækkaði um 50 stig fyrir frammistaða sína. Áðurnefndur Jaksland hækkaði um 31 stig. Vignir hækkaði um 8 stig og Hannes og Björn hækkuðu um 5 stig.

Mótið tókst afar vel og voru hinir erlendu gestir mjög ánægðir með mótið. Þótt enginn áfangi hafi náðst bauð mótið vel upp á slíkt. Áðurnefndur Sarin var aðeins  hálfum vinningi frá sínum öðrum stórmeistaraáfanga.

 

• Heimasíða mótsins
• Chess-Results
• Beinar útsendingar (Chess24)

10 mínútna mót Hugins (N) fer fram sunnudaginn 26. nóvember

Hið árlega 10 mín skákmót verður haldið sunnudaginn 26. nóvember í Framsýnarsalnum Húsavík og hefst það kl 14:00.

Mótslok eru áætluð um kl 16:30

Reiknað er með því að allir tefli við alla og verður umhugsunartíminn 10 mín á skák án viðbótartíma.

Mótið verður reiknað til alþjóðlegra hraðskákstiga.

Þátttökugjald verður 500 kr á mann

Verðlaunað verður fyrir þrjá efstu á mótinu og fær sigurvegarinn að auki farandbikar til varðveislu næsta árið og titilinn 10 mín meistari 2017.

Skráning

• Skráningarform