Áskorendaflokkur Íslandsmótsins í skák hófst í gær

Áskorendaflokkur Íslandsmótsins í skák hófst í gær í Stúkunni við Kópavogsvöll. Flokkurinn er vel skipaður en 12 skákmenn hafa meira en 2000 skákstig. Án efa verður hart barist um sætin tvo í landsliðsflokki sem í boði eru.

Ekkert varð um óvænt úrslit þar sem allir hinir stigahægri unnu hina stigalægri. Sumir þurftu þó að hafa mjög mikið fyrir hlutunum og má þar nefna Jón Trausta Harðarson (2058) sem var ljónheppinn að vinna Alec Sigurarðarson (1365). 

Úrslit fyrstu umferðar má finna hér.

Önnur umferð fer fram og hefst kl. 18. Þá mætast meðal annars: 

• Dagur Ragnarsson (2243) - Björgvin Víglundsson (2164)
• Jón Hrausti Harðarson (2058) - Vignir Vatnar Stefánsson (2228)
• Þorvarður F. Ólafsson (2195) - Stefán Arnalds (2007)

Röðun 2. umferðar má finna hér.

Áhorfendur eru velkomnir í Stúkuna. Þar eru mjög góðar aðstæðar fyrir skákáhugamenn. Meðal annars hefur Birnukaffi flutt sig tímabundið um set og hægt að kaupa ljúffengur vöfflur í Stúkunni

Páskaeggjamót Víkingaklúbbsins fer fram í dag

Páskaeggjamót Víkingaklúbbsins fyrir börn og unglinga verður haldið í Víkinni Víkingsheimilinu miðvikudaginn 23. mars. Tefldar verða 6. umferðir með 7 mínútna umhugsunartíma á mann og hefst mótið kl. 17.15. Allir krakkar eru velkomnir og þátttaka er ókeypis. Keppt verður þrem flokkum: Flokki fæddra 2000-2005, flokki fæddra 2006-7 og flokki fæddra 2008 og yngri (flokkaskipting er í vinnslu).

Allir fá páskaegg fyrir framistöðu sína og  þátttaka í mótinu er ókeypis.  Barna og unglingaæfingar Víkingaklúbbsins verða vikulega á miðvikudögum fram á sumar.

ATH:  Nauðsynlegt er að skrá sig (nafn og fæðingarár) til að tryggja þátttöku.

Skráning á mótið fer fram á Skák.is (guli kassinn efst)

Heimilisfang hér:

Knattspyrnufélagið Víkingur
Traðarlandi 1, 108 Reykjavík

Salaskóli Íslandsmeistari barnaskólasveita í 1.-3. bekk

22 sveitir mættu til keppni á Íslandsmóti barnaskólasveita 1.-3.bekk sem haldið var í fyrsta skipti í ár. Áður hafði einungis verið keppt í flokki 7.bekkinga og yngri, en þá áttu þeir sem voru í yngstu bekkjunum við ofurefli að etja.

Aðalhvatamaðurinn að þessu nýja og velheppnaða fyrirkomulagi var Lenka Ptachnikova skákkennari Álfhólsskóla.

Mótið var haldið í Stúkunni við Kópavogsvöll og teflt á tveim hæðum. Á efri hæðinni tefldu A liðin og á jarðhæðinni tefldu B-E liðin. Skákdeild Breiðabliks sá um mótshaldið. 

Stúlknalið frá Grunnskólanum í Grindavík byrjaði mjög vel og var í efsta sætinu eftir fyrri hlutann með 10 vinninga af 12 mögulegum. Í næstu umferðum fóru sterkustu sveitirnar að mætast og jafnaðist þá leikurinn til muna. Segja má að minnsta kosti fimm sveitir hafi átt góðan möguleika á titlinum þegar tvær umferðir voru eftir. Salaskóli nýtti sínar lokaviðureignir best og stóð að lokum uppi sem verðskuldaður sigurvegari.

Sveitin var skipuð þeim Gunnari Erik Guðmundssyni, Brynjari Emil Kristjánssyni, Kjartani Sigurjónssyni og Daða Fannari Hlífarssyni. 

Röð efstu sveita

• 1. Salaskóli  18 vinninga
• 2. Hörðuvallaskóli 16 vinninga
• 3.-4. Álfhólsskóli og Grunnskóli Grindavíkur 15 vinninga

Borðaverðlaun a-sveita

• Bestur árangur á 1.borði: Adam Omarsson Háteigsskóli 6 af 6
• Bestur árangur á 2.borði: Brynjar Emil Kristjánsson Salaskóla og Fannar Smári Jóhannsson Hörðuvallaskóla 5 af 6
• Bestur árangur á 3.borði: Kjartan Sigurjónsson Salaskóla 5 af 6
• Bestur árangur á 4.borði: Bjarki Steinn Guðlaugsson Hörðuvallaskóla 6 af 6

Bestu b-e liðin 

• Besta B-liðið: Salaskóli
• Besta C-liðið: Salaskóli
• Besta D-liðið: Salaskóli
• Besta E-liðið: Álfhólsskóli

Borðaverðlaun b-e liða 

• Bestur árangur á 1.borði B-E liða: Katrín María Jónsdóttir Salaskóla C-sveit 6 af 6
• Bestur árangur á 2.borði B-E liða: Gunnar Þór Guðmundsson Salaskóla B-sveit 5 af 6
• Bestur árangur á 3.borði B-E liða: Magnús Ingi Gunnarsson Salaskóla B-sveit og Vuk Alexander Dorovic Álfhólsskóla B-sveit 5 af 6
• Bestur árangur á 4.borði B-E liða: Ólafur Fannar Pétursson Salaskóla B-sveit 6 af 6

 

Til margra ára hefur mikið skáklíf verið í Salaskóla og ánægjulegt hve mikil breidd skákkrakka kemur þaðan. Heiðurinn af þessu mikla árangri á Tómas Rasmus. Það er nefnilega töff að tefla í Salaskóla !

Mótinu lauk með pizzuveislu og skólastjóri Skákskólans og stórmeistarinn Helgi Ólafsson kom og afhenti verðlaun. Það var vel við hæfi því hann hefur tekið við efnilegustu skólanemendunum í Kópavogi undanfarin ár og byggt þá upp í að verða gríðarlega sterka skákmenn. Þetta hefur gerst undir hatti Skákakademíu Kópavogs í stúkunni við Kópavogsvöll. 

Skákstjórar voru Halldór Grétar Einarsson og Stefán Bergsson

Nánari úrslit A lið: http://chess-results.com/tnr212993.aspx?lan=1&art=0&rd=6&wi=821

Nánari úrslit B-D lið: http://www.chess-results.com/tnr213381.aspx?lan=1&art=0&turdet=YES&wi=821

Skákmót öðlinga hefst 30. mars

Skákmót öðlinga 40 ára og eldri hefst miðvikudaginn 30. mars kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.
Skákmót öðlinga verður nú haldið í 25. sinn. Núverandi Skákmeistari öðlinga er Einar Valdimarsson.

Dagskrá:
1. umferð miðvikudag 30. mars kl. 19.30
2. umferð miðvikudag 6. apríl kl. 19.30
3. umferð miðvikudag 13. apríl kl. 19.30
4. umferð miðvikudag 20. apríl kl. 19.30
5. umferð miðvikudag 27. apríl kl. 19.30
6. umferð miðvikudag 4. maí kl. 19.30
7. umferð miðvikudag 11. maí kl. 19.30

Mótinu lýkur miðvikudaginn 18. maí kl. 19:30 með hraðskákmóti og verðlaunaafhendingu. Keppt er um veglegan farandbikar, en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 5.000 fyrir aðalmótið og kr. 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Skráningarform

Skráðir keppendur

Áskorendaflokkur hefst kl. 18 í Stúkunni - tvo sæti í sterkum landsliðsflokki í boði!

Áskorendaflokkur Íslandsmóts fer fram um páskana, 22. mars – 2. apríl nk. Teflt er í Stúkunni í Kópavogi. Tefldar verða níu umferðir eftir svissneska kerfinu. Jafnframt verður teflt í opnum flokki sem verður opinn fyrir skákmenn með 1600 skákstig eða minna. Þar verða tímamörki styttri og umferðir færri.

Keppendur með minna en 1600 skákstig geta valið á milli flokka.

Verðlaun í áskorendaflokki eru sem hér segir: 

1. 75.000 kr.
2. 45.000 kr.
3. 30.000 kr. 

Verðlaun í opnum flokki: 

1. Þrjár skákbækur hjá bóksölu Sigurbjörns
2. Tvær skákbækur hjá bóksölu Sigurbjörns
3. Skákbók hjá bóksölu Sigurbjörns. 

Auk þess verði sérstök stigaverðlaun fyrir þá sem hafa minna en 1200 stig í opnum flokki.

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki í ár sem fram fer á Seltjarnarnesi 31. maí – 11. júní nk.

Séu menn jafnir ræður stigaútreikningur (nánar í mótsreglum hér að neðan). Í opnum flokki gildir stigaútreikningur um verðlaunsæti.  

Skráning

Þátttökugjöld eru 5.000 kr. Unglingar 15 ára og yngri (1999 og síðar) og F3-félagar fá 50% afslátt. 

Í opnum flokki (sem eingöngu fyrir opinn fyrir þá sem hafa 1600 skákstig eða minna) eru þátttökugjöld fyrir alla kr. 2.000. 

Skráning fer fram á Skák.is (guli kassinn efst). Þátttökugjöld greiðist inn á reikning 101-26-12763, kt. 580269-5409 fyrir mót.

Upplýsingar um þegar skráða keppendur má finna hér.

Tímamörk

Áskorendaflokkur: 90 mínútur + 30 mínútur eftir 40 leiki. 30 sekúnda viðbótartími eftir hvern leik.

Opinn flokkur: 30 mínútur auk 30 sekúnda viðbótartími eftir hvern leik.

Dagskrá: 

1. umferð, Þriðjudagurinn, 22. mars, kl. 18
2. umferð, miðvikudaginn, 23. mars, kl. 18
3. umferð, fimmtudagurinn (skírdagur), 24. mars, kl. 14
4. umferð, föstudagurinn (langi), 25. mars, kl. 14
5. umferð, laugardaginn, 26. mars, kl. 14
6. umferð, þriðjudaginn, 29. mars, kl. 18
7. umferð, fimmtudaginn, 31. mars, kl. 18
8. umferð, föstudaginn, 1. apríl, kl. 18
9. umferð, laugardaginn, 2. apríl, kl. 14

Dagskrá opna flokksins verður nánar kynnt síðar. 

Nánari mótreglur

Ef tveir eða fleiri eru jafnir í sæti mun stigaútreikningur ráða ferð.

Nánar um útreikninginn:

• Samanlagðir vinningar allra andstæðinga lagðir saman nema þess sem hefur fæsta vinninga.
• Samanlagðir vinningar allra andstæðinga lagðir saman.
• Samanlagðir vinningar allra andstæðinga lagðir saman nema þeirra tveggja sem hafa fæsta vinninga.
• Innbyrðis úrslit  þeirra sem eru jafnir
• Sonneborn-Berger
• Hraðskákeinvígi

Jafnteflisreglur 

Takmarkanir eru settar á jafnteflisboð. Hún gengur út á það að ekki er heimilt að bjóða jafntefli fyrr en báðir keppendur hafa leikið 30 leiki. Á því má gera undantekningar sé þráteflt en þá verður að stöðva klukku, kalla á skákstjóra og koma með jafntefliskröfu. 

Yfirseta

Hægt er að taka tvær yfirsetur í umferðum 1-6 og fá fyrir hana hálfan vinning. Óska þarf eftir yfirsetunni með góðum fyrirvara og fylla út eyðublað þess efnis hjá skákstjóra.

Þegar skráðir keppendur

Karjakin og Anand efstir á áskorendamótinu

Mikil spenna er á áskorendamótinu í Moskvu en níunda umferð fór fram í dag. Anand er nú kominn í 1.-2. sæti ásamt Karjakin eftir sigur á Aronian í dag. Caruana, sem vann Nakamura í gær, er í 3.-4 sæti ásamt Aronian. Jafnteflisvélin Giri er fimmti á mótinu.

Frídagur er í morgun vegna upphafs áskorendaflokks Skákþings Íslands. Mótinu verður framahaldið með tíundu umferð á miðvikudag.

 

Staðan:

 

• Heimasíða mótsins
• Chess 24 (beinar útsendingar)

Landsliðsflokkur Skákþings Íslands fer fram 31. maí - 11. júní á Seltjarnarnesi

Landsliðsflokkur Skákþings Íslands fer fram 31. maí - 11. júní nk í Tónlistarskóla Seltjarnarness. Alls tefla 12 skákmenn, allir við alla. Stjórn SÍ hefur sent boð til þeirra sem hafa beinan keppnisrétt og stendur það boð til 2 apríl nk.

Eftirtaldir hafa fengið boð um þátttöku:

Landsliðsflokkur 2015

1. GM Héðinn Steingrímsson (2567)
2. GM Hjörvar Steinn Grétarsson (2572)
3. GM Hannes Hlífar Stefánsson (2600)

Áskorendaflokkur 2015

4. FM Guðmundur Gíslason (2338)

Áskorendaflokkur 2016

5. Skýrist 2. apríl
6. Skýrist 2. apríl

Unglingameistari Íslands 2015

7. Örn Leó Jóhannsson (2194)

Skákstig

8. GM Helgi Ólafsson (2546)
9. GM Jóhann Hjartarson (2541)
10. GM Margeir Pétursson (2509)

Boðssæti

11. GM Jón L. Árnason (2493)
12. GM Henrik Danielsen (2488)

Stjórn SÍ ákvað á stjórnarfundi í kvöld röð þriggja fyrstu varamanna í flokkinn við forföll ofangreindra

Varamenn:

1. IM Guðmundur Kjartansson (2446)
2. GM Stefán Kristjánsson (2478)
3. IM Jón Viktor Gunnarsson (2460)

Páskaeggjum rigndi á fjölmennu lokamóti Páskaeggjasyrpunnar!

Páskeggjasyrpu Nóa Síríus og Taflfélags Reykjavíkur lauk í dag en þá fór fram þriðja og lokamót syrpunnar.  Frábær mæting var í höllina enda mikið undir.  Ekki var einungis hörð baraátta um sigur í lokamótinu heldur var einnig og ekki síður undir sigur samanlagt í syrpunni.  Margir kassar fullir af gómsætum páskaeggjum frá Nóa biðu þess að verða opnaðir í mótslok fyrir alla hressu skákkrakkana sem hafa fjölmennt á mótaröðina og gert hana að einum skemmtilegasta skákviðburði hvers árs.

Í yngri flokki fór Batel Mirion algjörlega á kostum og sigraði alla andstæðinga sína örugglega.  Batel sem sigraði einnig í gær undankeppni um laust sæti á Norðurlandamótið í skák hefur vakið mikla athygli á syrpunni fyrir frábæra og agaða taflmennsku.  Í öðru sæti varð annað mikið skákefni, Gunnar Erik Guðmundsson en hann sigraði á fyrstu tveimur mótum syrpunnar.  Hann hlaut 5 vinninga líkt og Elsa Kristín Arnaldardóttir en var sjónarmun fyrir ofan á stigum.  Fjölmargar stúlkur tóku þátt í yngri flokk syrpunnar í ár, flestar frá TR og er rós í hnappagat Sigurlaugar Friþjófsdóttur sem hefur byggt upp fjölmennan og sterkan hóp stúlkna sem sækja reglulega æfingar hjá félaginu.

Gunnar Erik sigraði samanlagt í syrpunni eftir frábæran árangur í tveimur fyrstu mótunum.  Sigur Batel í lokamótinu fleytti henni upp í annað sætið samanlagt og þriðji varð svo Adam Omarsson.  Keppnin um sigurinn samanlagt var geysihörð og margir krakkar að sýna mjög góða talflmennsku.  Framtíðin er því björt í skákinni hjá yngstu iðkendunum.

Í eldri flokki var ekki síður hart barist um sigur.  “Þungaviktarskákmennirnir” sem margir gátu ekki tekið þátt í öðru mótinu þar sem þeir voru uppteknir á Reykjavíkurskákmótinu mættu nú allir til leiks gráir fyrir járnum.  Úrslitin réðust í ævintýralegum klukkubarningi tveggja efstu manna í lokaumferðinni en þar áttust við félagarnir Björn Hólm Birkisson og Vignir Vatnar Stefánsson.  Þar hafði Björn betur og sigraði mótið með fullu húsi.  Tapið kostaði Vigni verðlaunasæti, því Jón Þór Lemery, Dawid Kolka og Bárður Örn Birkisson skutust upp fyrir hann með sigrum í lokaumferðinni.  Allir komu þeir í mark með 5 vinninga þar sem Jón Þór hafði silfrið eftir stigaútreikning.  Þriðja varð svo Dawid Kolka.  Freyja Birkisdóttir sigraði stúlknaflokkinn með 3 vinninga.

Stephan Briem sem sigraði á öðru móti syrpunnar stóð sig vel í lokamótinu sem tryggði honum sigur samanlagt í syrpunni.  Aðrir tveir ungir strákar, Sæmundur Árnason og Árni Ólafsson urðu í öðru og þriðja sæti

Í lokin voru dregin út nokkur stór og gómsæt páskaegg í happdrætti og samkvæmt venju, einnig ein skákklukka.  Allir krakkarnir fóru svo í röð sem náði allan hringinn í salnum til að taka við litlu páskaeggi sem þakklætisvott fyrir þátttökuna.

Líkt og undanfarin ár var þátttakan í syrpunni frábær en hátt í hundrað krakkar tóku þátt í einhverju mótanna þriggja.  Birna stóð vaktina í Birnukaffi enda nauðsynlegt að fylla á tankinn milli umferða þegar baráttan er jafnhörð og raun bar vitni.

Taflfélag Reykjavíkur óskar vinningshöfum til hamingju með árangurinn og þakkar öllum sem tóku þátt.  Sérstakar þakkir fær Nói Síríus fyrir frábæran stuðning!   Gleðilega páska!

Úrslit í öllum mótum syrpunnar má nálgast hér

Myndskreytta frásögn má nálgast á heimasíðu TR.

Áskorendaflokkur hefst á morgun - tvo sæti í boði í landsliðsflokki

Áskorendaflokkur Íslandsmóts fer fram um páskana, 22. mars – 2. apríl nk. Teflt er í Stúkunni í Kópavogi. Tefldar verða níu umferðir eftir svissneska kerfinu. Jafnframt verður teflt í opnum flokki sem verður opinn fyrir skákmenn með 1600 skákstig eða minna. Þar verða tímamörki styttri og umferðir færri.

Keppendur með minna en 1600 skákstig geta valið á milli flokka.

Verðlaun í áskorendaflokki eru sem hér segir: 

1. 75.000 kr.
2. 45.000 kr.
3. 30.000 kr. 

Verðlaun í opnum flokki: 

1. Þrjár skákbækur hjá bóksölu Sigurbjörns
2. Tvær skákbækur hjá bóksölu Sigurbjörns
3. Skákbók hjá bóksölu Sigurbjörns. 

Auk þess verði sérstök stigaverðlaun fyrir þá sem hafa minna en 1200 stig í opnum flokki.

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki í ár sem fram fer á Seltjarnarnesi 31. maí – 11. júní nk.

Séu menn jafnir ræður stigaútreikningur (nánar í mótsreglum hér að neðan). Í opnum flokki gildir stigaútreikningur um verðlaunsæti.  

Skráning

Þátttökugjöld eru 5.000 kr. Unglingar 15 ára og yngri (1999 og síðar) og F3-félagar fá 50% afslátt. 

Í opnum flokki (sem eingöngu fyrir opinn fyrir þá sem hafa 1600 skákstig eða minna) eru þátttökugjöld fyrir alla kr. 2.000. 

Skráning fer fram á Skák.is (guli kassinn efst). Þátttökugjöld greiðist inn á reikning 101-26-12763, kt. 580269-5409 fyrir mót.

Upplýsingar um þegar skráða keppendur má finna hér.

Tímamörk

Áskorendaflokkur: 90 mínútur + 30 mínútur eftir 40 leiki. 30 sekúnda viðbótartími eftir hvern leik.

Opinn flokkur: 30 mínútur auk 30 sekúnda viðbótartími eftir hvern leik.

Dagskrá: 

1. umferð, Þriðjudagurinn, 22. mars, kl. 18
2. umferð, miðvikudaginn, 23. mars, kl. 18
3. umferð, fimmtudagurinn (skírdagur), 24. mars, kl. 14
4. umferð, föstudagurinn (langi), 25. mars, kl. 14
5. umferð, laugardaginn, 26. mars, kl. 14
6. umferð, þriðjudaginn, 29. mars, kl. 18
7. umferð, fimmtudaginn, 31. mars, kl. 18
8. umferð, föstudaginn, 1. apríl, kl. 18
9. umferð, laugardaginn, 2. apríl, kl. 14

Dagskrá opna flokksins verður nánar kynnt síðar. 

Nánari mótreglur

Ef tveir eða fleiri eru jafnir í sæti mun stigaútreikningur ráða ferð.

Nánar um útreikninginn:

• Samanlagðir vinningar allra andstæðinga lagðir saman nema þess sem hefur fæsta vinninga.
• Samanlagðir vinningar allra andstæðinga lagðir saman.
• Samanlagðir vinningar allra andstæðinga lagðir saman nema þeirra tveggja sem hafa fæsta vinninga.
• Innbyrðis úrslit  þeirra sem eru jafnir
• Sonneborn-Berger
• Hraðskákeinvígi

Jafnteflisreglur 

Takmarkanir eru settar á jafnteflisboð. Hún gengur út á það að ekki er heimilt að bjóða jafntefli fyrr en báðir keppendur hafa leikið 30 leiki. Á því má gera undantekningar sé þráteflt en þá verður að stöðva klukku, kalla á skákstjóra og koma með jafntefliskröfu. 

Yfirseta

Hægt er að taka tvær yfirsetur í umferðum 1-6 og fá fyrir hana hálfan vinning. Óska þarf eftir yfirsetunni með góðum fyrirvara og fylla út eyðublað þess efnis hjá skákstjóra.

Þegar skráðir keppendur

Páskaeggjamót Hugins fer fram í dag

Páskaeggjamót Hugins verður haldið í 24. sinn mánudaginn 21. mars 2016, og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri.

Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg verða í verðlaun fyrir þrjú efstu sætin, bæði í eldri flokki (fæddir 2000 – 2003) og yngri flokki (fæddir 2004 og síðar). Sá sem er efstur í hverjum árgangi fær einnig páskaegg sem og efstu þrjár stúlkurnar á mótinu. Að auki verða tvö páskaegg dregin út. Enginn fær þó fleiri en eitt páskaegg. Lítið páskaegg verður svo fyrir þá sem ekki vinna til verðlauna.

Páskaeggjamótið verður haldið í félagsheimili Hugins í  Álfabakka 14a í Mjóddinni. Inngangur er milli Subway og Fröken Júlíu en salur félagsins er á þriðju hæð hússins.