Skák.is

Bloggfærslur mánaðarins, janúar 2016

21.1.2016 | 15:30

Vignir Vatnar lagði annan alþjóðlegan meistara að velli!

Það gekk mikið á í Skákhöllinni í gærkvöld er 6. umferðin í Skákþingi Reykjavíkur fór fram. Margra augu beindust að viðureign hins unga Vignis Vatnars og alþjóðameistarans Guðmundar Kjartanssonar. Vignir sem er einungis 12 ára er búinn að tefla eins og sá sem valdið hefur í mótinu til þessa og lagði t.a.m. alþjóðameistarann Björn Þorfinnsson að velli í 3. umferð. Líkt og þá, tefldi hann undir vökulum augum langalangafa síns á fjórða borði og virðist það ávísun á gott gengi því Vignir vann Guðmund í mjög athyglisverðri skák. Frábær frammistaða og fimm vinningar af sex komnir í hús hjá þeim stutta sem situr í 3.-5. sæti eftir umferðina.

Fleiri óvænt úrslit litu dagsins ljós og þar voru einnig ungliðar TR í sviðsljósinu. Þannig vann Björn Hólm Birkisson (1962) Fide meistarann Oliver Aron Jóhannesson (2198) nokkuð sannfærandi, og það sama gerði Aron Þór Mai (1714) í viðureign sinni við Siguringa Sigurjónsson (1985).

Þá hefur Héðinn Briem (1546) staðið sig mjög vel í mótinu til þessa og í gærkvöldi gerði hann jafntefli við Stefán Bergsson (2023) eftir að hafa verið með nær hartunna stöðu á tímabili.

Á fyrsta borði gerðu alþjóðameistarinn Jón Viktor Gunnarsson og Fide meistarinn Dagur Ragnarsson jafntefli í lengstu skák umferðarinnar. Jón Viktor vann snemma peð en Dagur varðist vel. Undir lokin missti Jón þó af frekar augljósum vinningsleik og þurfti í framhaldinu að þráleika. Stórmeistarinn Stefán Kristjánsson vann Jón Trausta Harðarson nokkuð sannfærandi og sama gerði alþjóðameistarinn Björn Þorfinnsson í skák sinni við Jóhann Ragnarsson. Á fimmta borði þurfti Þorvarður Fannar Ólafsson aftur á móti að hafa mikið fyrir sigri gegn kókómjólkurþambaranum unga Gauta Pál Jónssyni.

Leikar eru nú farnir að æsast og eftir 6 umferðir eru Jón Viktor og Stefán Kristjánsson efstir og jafnir með 5½ vinning. Þeir mætast einmitt í sjöundu umferð sem fram fer á sunnudaginn kl. 14. Þá mætast einnig Dagur Ragnarsson (5) og Vignir Vatnar Stefánsson (5) sem og Björn Þorfinnsson (5) og Þorvarður Fannar Ólafsson (4½).

Áhorfendur velkomnir og alltaf heitt á könnunni í Birnukaffi!

Nánar á heimasíðu TR.

Spil og leikir | Slóð | Facebook | Athugasemdir (0)

20.1.2016 | 15:06

Caruana efstur í Sjávarvík

Fabiano Caruana (2787) er efstur með 3 vinninga að loknum fjórum umferðum í Sjávarvík (Wijk aan Zee). Og það þrátt fyrir að hafa klúðrað vinningsstöðu niður í jafntefli gegn Anish Giri (2798) í gær. Töluvert hefur gengið á í mótinu en taflmennskan í Sjávarvík er miklu mun hressilegri en í London Chess Classic fyrir skemmstu.

Fimm keppendur hafa 2½ vinning. Þar á meðal Hou Yifan (2673), sem vann frábæran sigur á David Nava (2730) í gær.

Magnus Carlsen (2844) hefur gert jafntefli í öllum fjórum umferðunum. Þar á meðal varð hann að "sætta sig við" jafntefli gegn Aseranum brosmilda Mamedyarov (2747) sem hann hefur algjört hreðjatak á. Mamedyarov lék hrikalega af sér í þriðju umferð gegn Eljanov (2760) þegar hann skyldi hrók eftir í dauðanum í auðunninni stöðu.

Mótstaflan (hægt að tvíklikka til að stækka)

Frídagur er í dag en á morgun verður teflt í Amsterdam.

Alexei Dreev (2644) er efstur í b-flokki með fullt hús eftir 4 umferðir.

Ákaflega góða og vandaða umfjöllun um mótið má nálgast á Chess24

Spil og leikir | Slóð | Facebook | Athugasemdir (0)

20.1.2016 | 11:14

Janúarmót Hugins – Rúnar sigurvegari Vestur-riðils

Keppni lauk í Vestur-riðli Janúarmóts Hugins sl. mánudagskvöld á Vöglum í Fnjóskadal þegar lokaumferðin var tefld. Rúnar Ísleifsson (1799) vann Ármann Olgeirsson (1587), Hjörleifur Halldórsson (1850) vann Sigurbjörn Ásmundsson (1516) og Karl Egill Steingrímsson (1678) og Hermann Aðalsteinsson gerðu jafntefli (1663)

Lokastaðan í Vestur-riðli

Rk.	SNo	Name	FED	Rtg	Pts.	TB1	TB2	TB3
1	3	Isleifsson Runar	ISL	1799	4,5	9,25	0,0	4
2	5	Steingrimsson Karl Egill	ISL	1678	3,5	5,75	0,0	3
3	1	Adalsteinsson Hermann	ISL	1663	2,5	4,25	1,0	2
4	4	Halldorsson Hjorleifur	ISL	1850	2,5	4,25	0,0	2
5	6	Olgeirsson Armann	ISL	1587	2,0	2,50	0,0	2
6	2	Asmundsson Sigurbjorn	ISL	1516	0,0	0,00	0,0	0

Hlynur Snær Viðarsson (1416) vann Sighvat Karlsson (1289) í loka skák Austur-riðils sem fram fór í gærkvöld á Húsavík, en öðrum skákum í riðlinum lauk um helgina. Í Austur-riðli bar Smári Sigurðsson (1878) sigur úr bítum með 4,5 vinninga.

Lokastaðan í Austur-riðli

Rk.	SNo	Name	FED	Rtg	Pts.	TB1	TB2	TB3
1	3	Sigurdsson Smari	ISL	1878	4,5	8,75	0,0	4
2	4	Danielsson Sigurdur	ISL	1753	4,0	6,50	0,0	4
3	5	Vidarsson Hlynur Snaer	ISL	1416	3,5	5,25	0,0	3
4	2	Akason Aevar	ISL	1621	2,0	1,00	0,0	2
5	1	Karlsson Sighvatur	ISL	1289	1,0	0,00	0,0	1
6	6	Bessason Heimir	ISL	0	0,0	0,00	0,0	0

Þar með liggur fyrir hverjir mætast í úrslitakeppni Janúarmótsins (playoff) sem er fyrirhugðuð á næstunni.

Smári og Rúnar koma til með að tefla til úrslita um sigur í mótinu. Sigurður Dan. og Karl Egill tefla um 3. sætið. Hermann og Hlynur um 5. sætið, Hjörleifur og Ævar um 7. sætið, Sighvatur og Ármann um 9. sætið og síðan Heimir og Sigurbjörn um 11. sætið. Keppendur tefla tvær einvígisskákir með tímamörkunum 90+30 sek. Verði jafnt eftir þær veður teflt hraðskákeinvígi þar til annar hefur betur.

Stefnt er að því að tefla til úrslita um næstu helgi en ljóst er þó að einhverjum einvígisskákum verður frestað um óákveðin tíma.

Skákhuginn

Spil og leikir | Slóð | Facebook | Athugasemdir (0)

20.1.2016 | 10:26

Þór og Björgvin efstir hjá Ásum í Ásgarði

Þór Valtýsson og Björgvin Víglundsson urðu efstir og jafnir á fjölmennum skákdegi hjá Ásum í gær. Þeir fengu báðir 8½ vinning en Þór var hærri á stigum vegna þess að hann vann Björgvin í innbyrðis viðureign þeirra. Þeir eru báðir að tefla á Skákþingi Reykjavíkur og eru því í góðu skákformi.

Það voru svo þeir Páll G Jónsson og Sæbjörn Larsen sem náðu að hægja á þeim köppum. Páll vann Þór og Sæbjörn gerð jafntefli við þá báða. Páll og Sæbjörn voru svo jafnir í þriðja til fjórða sæti með 7 vinninga.

Í næstu viku verður mikið að gera í skákinni hjá ungum og öldnum. Þá tefla allir til heiðurs Friðriki Ólafssyni okkar fyrsta stórmeistara. Friðrik á afmæli 26. janúar.

Æsir verða með Friðriksþema þann dag og vonandi getur Friðrik komið við hjá okkur í Ásgarði.

Föstudaginn 29. janúar verður Toyota mótið haldið í söludeild Toyota. Þá munum við allir tefla í anda Friðriks.

Sjá nánari úrslit gærdagsins í töflu og myndumfrá ESE.

Spil og leikir | Slóð | Facebook | Athugasemdir (0)

19.1.2016 | 12:24

Skákdagurinn framundan

Skákdagurinn verður haldinn hátíðlegur um allt land þriðjudaginn næsta, 26. janúar á afmælisdegi Friðriks Ólafssonar. Þá sameinast Íslendingar um að taka upp taflborðin þjóðhetjunni til heiðurs.

Friðrik verður 81. árs á Skákdaginn. Hann tefldi nýlega með Gullaldarliði Íslands á EM landsliða sem haldið var í Laugardalshöll og hefur síðustu árin verið virkur í taflmennsku.

Nú liggja fyrir ýmsir viðburðir á sjálfan Skákdaginn sem og í allri afmælisvikunni.

Taflfélagið Huginn heldur hraðkvöld mánudaginn 25. janúar. Í verðlaun verður bókin um feril Friðriks; „50 valdar sóknarskákir“. Bók sú er orðin fágæt.

Skákdeild KR í samstarfi við Gallerí Skák stendur fyrir hinu árlega kapptefli um Friðrikskónginn. Um er að ræða mótaröð og er fyrst teflt mánudaginn 25. janúar í Skákherberginu í Frostaskjóli.

ÆSIR sem tefla nær alla þriðjudaga ársins munu tefla Friðriki til heiðurs á sjálfan Skákdaginn í húsakynnum sínum að Stangarhyl.

Riddarinn í Hafnarfirði efnir til sérstaks Friðriksmóts miðvikudaginn 27. janúar.

Grunnskólinn í Hveragerði hefur verið með mikla skákkennslu í vetur og tekur m.a. þátt í verkefni Skáksambandsins Skák eflir skóla – kennari verður skákkennari. Alþjóðlegi meistarinn Guðmundur Kjartansson teflir fjöltefli við nemendur skólans á Skákdaginn

Stefán Bergsson heimsækir nemendur Kerhólsskóla á Skákdaginn og verður með skákkynningu- og kennslu.

Þá verða vígð skáksundlaugarsett um allt land m.a. á Þórshöfn á Langanesi, Hvammstanga, Eskifirði og Reyðarfirði.

Skákfélög, skólar, fyrirtæki og stofnanir eru hvött til þess að taka upp skákborðin á Skákdaginn og senda tilkynningu um viðburði og fréttir á stefan@skakakademia.is

Spil og leikir | Slóð | Facebook | Athugasemdir (0)

19.1.2016 | 11:51

Vel heppnað námskeið Skákakademíunnar

Um helgina lauk skáknámskeiði Skákakademíunnar fyrir fullorðna. Kennt var tvo laugardaga, fjóra tíma í senn. Vel var mætt á námskeiðið sem var allt að því fullsetið. Ásamt vöskum hópi efnilegra skákmanna á öllum aldri sat skáksveit Laugalækjarskóla námskeiðið en Skákakademían og Laugalækjarskóli höfðu með sér samstarf um námskeiðið sem fór fram í skólanum.

Ingvar Þór Jóhannesson landsliðseinvaldur karla og Einar Hjalti Jensson landsliðseinvaldur kvenna sáu um kennsluna. Er þeim hjartanlega þakkað fyrir sitt framlag. Allt samstarf við Laugalækjarskóla var með miklum ágætum.

Stefnt er að námskeiði fyrir sama aldur síðar í vetur. Líklegast í maí.

Spil og leikir | Slóð | Facebook | Athugasemdir (0)

18.1.2016 | 21:37

Jón Viktor efstur á Skákþingi Reykjavíkur

Í fimmtu umferð skákþingsins voru flest úrslit ekki óvænt samkvæmt pappírunum sem getur í raun talist óvænt í miðju móti. Á fyrstu níu borðunum unnu þeir stigahærri þá stigalægri. Má þá nefna að á fyrsta borði vann alþjóðlegi meistarinn Jón Viktor Gunnarsson (2455) Jóhann H. Ragnarsson (2008) en fyrir umferðina voru þeir einir með fjóra vinninga. Á öðru borði vann Dagur Ragnarsson (2219) Mikael Jóhann Karlsson (2161) og á því þriðja vann stórmeistarinn Stefán Kristjánsson (2471) Oliver Aron Jóhannesson (2198). Vignir Vatnar vann Björn Hólm í áhugaverðari viðureign milli lykilmanna í unglingaliði TR.

Röð efstu manna er sú að Jón Viktor er með 5 vinninga en á eftir honum koma Stefán Kristjánsson og Dagur Ragnarsson með 4,5 vinning. Fimm kappar eru með fjóra vinninga. Nú ætti að styttast í áhugaverðar viðureignir eins og milli Jóns Viktors og Stefáns. Fastlega má gera ráð fyrir að þeir berjist til síðasta blóðdropa þegar sú viðureign á sér stað.

Af óvæntum úrslitum má nefna að Þorsteinn Magnússon (1325) vann Óskar Víking Davíðsson (1655), Mykhaylo Kravchuk (1504) heldur áfram að gera góða hluti og hélt jöfnu gegn Björgvini Víglundssyni (2203). Stephan Briem (1360) gerði jafntefli við Jón Úlfljótsson (1794). Blikastrákarnir eru í mikilli bætingu og standa sig vel.

Lokaskák fimmtu umferðar fer fram nú á mánudagskvöld og verður pörun sjöttu umferðar ljós að henni lokinni. Úrslit hennar hafa þó ekki áhrif á pörun efstu manna og er ljóst að á efsta borði mun Jón Viktor hafa hvítt gegn Degi og þá stýrir Stefán hvítu mönnunum gegn Jóni Trausta Harðarsyni (2059).

Allir velkomnir á miðvikudagskvöld að fylgjast með baráttunni. Skákir fyrstu og annarar umferðir eru núþegar komnar á netið en stutt er í að fleiri komi. Laugarlækjastrákarnir Aron Þór Mai, Alexander Oliver Mai og Daníel Ernir Njarðarson sjá um að slá

Nánar á heimasíðu TR.

Spil og leikir | Slóð | Facebook | Athugasemdir (0)

18.1.2016 | 16:30

Janúarmóti Hugins að ljúka – Smári sigurvegari í Austur-riðli

Lokaumferð riðlakeppni Janúarmóts Hugins fer fram í kvöld. í Vestur- riðli er Rúnar Ísleifsson efstur með 3,5 vinninga en baráttan um annað sætið er hörð mill Karls Egils, Ármanns og Hermanns og stendur Karl Egill þar best af vígi með 3 vinninga í 2. sæti, en hann mætir Hermanni og Ármann mætir Rúnari. Einnig gæti Hjörleifur blandað sér í baráttuna um 2. sætið vinni hann sigur á Sigurbirni og önnur úrslit verði Hjörleifi hagstæð.

Vestur-riðill á chess-results

Smári Sigurðsson hefur þegar tryggt sér sigurinn í Austur-riðli, enda einungis skák Hlyns Snæs og Sighvatar eftir og skipta úrslit í henni ekki máli þar sem lokastaðan hjá þremur efstu í riðlinum breytist ekki sama hvernig hún fer. Úrslit hennar geta þó breytt því hverjir enda í 4.-5. sæti í riðlinum. Sigurður Daníelsson er öruggur með 2. sætið í riðlinum og Hlynur Snær endar í 3. sæti sama hvernig lokaskákin fer.

Austur-riðill á chess-results

Stefnt er á úrslitakeppni (playoff) milli Vestur og Austur-riðils á Húsavík um næstu helgi en einstaka viðureignir geta frestast um einhverja daga.

Skákhuginn

Spil og leikir | Slóð | Facebook | Athugasemdir (0)

18.1.2016 | 13:16

Skákþing Akureyrar hófst í gær

Í gær hófst fyrsta umferð Skákþing Akureyrar. Aðeins 7 keppendur eru skráðir til leiks og því voru tefldar 3 skákir. Er skemmst frá því að segja að allar unnust á hvítt.
Þar sem svo fáir keppendur eru skráðir til leiks er enn hægt að bæta við keppendum allt þar til næsta umferð hefst. Teflt er á fimmtudögum kl. 18 og sunnudögum kl. 13.

Úrslit fyrstu umferðar

Sigurður Eiríksson – Jón Kristinn Þorgeirsson 1-0
Hreinn Hrafnsson – Gabríel Freyr 1-0
Símon Þórhallson – Haraldur Haraldsson 1-0

Heimasíða SA

Spil og leikir | Slóð | Facebook | Athugasemdir (0)

18.1.2016 | 08:58

Skákir Skákþings Reykjavíkur

Búið er að slá inn skákir 1. og 2. umferðar Skákþings Reykjavíkur. Það voru Laugarlækjastrákarnir Aron Þór Mai, Alexander Oliver Mai og Daníel Ernir Njarðarson sem það gerðu.