Magnús vann Lundúnarmótið og Grand Prix-mótaröðunina

Magnus Carlsen (2834) endaði London Chess Classic-mótið á eftirminnilega hátt. Hann vann Grischuk (2747) í lokaumferðinni og náði þar með Giri (2784) og Vachier-Lagrave (2773) að vinningum.

Í ljós þess að hann var efstur eftir stigaútreikning naut hann þeirra forréttinda að hinir tveir tefldu saman um hvor mætti Carlsen. MVL vann þar Giri í hörkueinvígi 2-1 þar sem Giri vann fyrstu skákina.

Carlsen vann MVL svo í úrslitaeinvíg 1½-½. Ekki nóg að sigurinn tryggði hinum sigur á mótinu heldur einnig í mótaröðunni (Grand Chess Tour). Sigur í aukakeppninni hefði einnig tryggt Giri og MVL sigur á mótaröðinni. MVL var óheppnastur allra en hann datt niður í fjórða sæti.

Árið í ár hefur verið sagt slæmt fyrir heimsmeistarann. Þetta hlýtur sannarlega að teljast góð sárabót!

Mótið nú þótt almennt frekar litluast. 78% allra skáka mótsins enduðu með jaftenfli og voru þar Caruana og Adams fremstir í flokki - gerðu jafntefli í öllum sínum skákum. Hin hundleiðinlega Berlínarvörn var tefld í 29% skákanna.

• Heimasíða mótsins
• Beinar útsendingar (aðalmót)
• Beinar útsendingar (FIDE-Open)
• Chess-Results (FIDE-Open)

 

Jóhann Ragnarsson sigurvegari Skákþings Garðabæjar

Nú er skákþingi Garðabæjar lokið og Skákmeistari Garðabæjar 2015 er Jóhann H Ragnarsson TG með 6 vinninga af 7 mögulegum.

Í öðrum verðlaunasætum urðu. Jón Árni Halldórsson í 2 sæti. og í 3-8 sæti. (verðlaunum skipt eftir Hort kerfi) voru þeir Jón Úlfljótsson, Ólafur Hlynur Guðmarsson, Gauti Páll Jónsson, Sigurjón Haraldsson, Loftur Baldvinsson og Jón Trausti Harðarson.

Aukaverðlaunahafi fyrir bestan árangur á bæði U2000 móti TR og Skákþingi Garðabæjar var Tjörvi Schiöth. með 5,5 + 4 eða alls 9,5 vinninga samtals.

Í B flokki varð efstur Jón Þór Lemery með 6,5 vinning, Þorsteinn Magnússon varð í 2 sæti með 6 vinninga og Björn Magnússon í 3 sæti með 5 vinninga. Reyndar er einni skák ólokið í B flokki en úrslit hennar hafa ekki áhrif á efstu sætin. (skákin verður tefld á mánudag.

Verðlaunaafhending verður að loknu hraðskákmóti Garðabæjar sem haldið verður í kvöld mánudaginn 14. desember kl. 20 í Betrunarhúsinu Garðatorgi 1. 2 hæð.

Lokastaðan á Chess-Results.

Hraðkvöld hjá Hugin í kvöld

Hraðkvöld Hugins sem frestað var 7. desember sl. vegna óveðurs verður mánudaginn14. desember nk.  og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hugins í Álfabakka 14a í Mjóddinni. Þetta er síðasta skákkvöld ársins hjá Huginn en næst verður atkvöld mánudaginn 4. janúar 2016.

Sigurvegarinn á hraðkvöldinu fær í verðlaun máltíð fyrir einn á Saffran eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Þröstur Íslandsmeistari í hraðskák eftir sigur á Friðriksmóti Landsbankans

Þröstur Þórhallsson sigraði á Friðriksmóti Landsbankans – Íslandsmótinu í hraðskák sem fram fór í gær í Landabankanum, Austurstræti. Þröstur, sem var í forystu allt mótið, hlaut 9½ vinning í 11 skákum. Stefán Kristjánsson varð annar en hann hlaut einnig  9½ vinning en var á lægri á stigum.

Jóhann afhendir verðlaunin sín til baka.

Jóhann Hjartarson varð þriðji með 9 vinninga. Jóhann, sem er bankaráðsmaður í Landsbankanum gaf peningaverðlaun sín, 50.000 kr., til bókakaupa fyrir Skákskóla Íslands. Afar þakkarvert framtak hjá Jóhanni. Björn Þorfinnsson og Helgi Ólafsson urðu í 4.-5. sæti með 8 vinninga.

Það var mikil stemming í Landsbankanum þegar 83 hófu taflmennsku og þar á meðal sex stórmeistarar. Mótið hófst með því að Gunnar Björnsson, forseti Skáksambands Íslands, færði Ólafi Ásgrímssyni, afmælisgjöf frá sambandinu í tilefni 70 ára afmæli Ólafs.

Ólafur sjálfur lék svo fyrsta leikinn fyrir Friðrik Ólafsson sjálfan gegn Friðgeiri Hólm.

Þröstur var í miklum ham á mótinu. Hann vann fyrstu sjö skákirnar, gerði jafntefli við Stefán í áttundu umferð og vann svo tvær næstu. Tap gegn Helga Ólafsson í lokaumferðinni kom ekki að sök. Fjórði Íslandsmeistaratitill Þrastar en hann hampaði einnig titlinum 1987, 1997 og 1998. 18 ára bið á enda!

 

Árangur Stefáns var einnig frábær á mótinu. 

Eins og venjulega voru ýmiss aukaverðlaun veitt. Aukaverðlaunahafar voru sem hér segir: 

• 2001-2200: Hrafn Loftsson
• Undir 2000: Gauti Páll Jónsson
• Öldungaverðlaun: Jón Þorvaldsson
• Kvennaverðlaun: Veronika Steinunn Magnúsdóttir
• Drengjaverðlaun: Vignir Vatnar Stefánsson
• Stúlknaverðlaun: Freyja Birkisdóttir
• Útdreginn heppinn keppandi: Arnaldur Loftsson

Það er Bergsteinn Einarsson, starfsmaður bankans, sem afhendi verðlaun að loknu móti. Skákstjórar voru Páll Sigurðsson og Ólafur S. Ásgrímsson.

 

Skáksambandið þakkar Landsbankanum og hina frábæra starfsliði bankans fyrir afar ánægjuríkt og skemmtilegt samstarf við mótshaldið en þetta er tólfta skipti sem þetta vinæla mót fer fram. 

Mótstöflu á finna á Chess-Results.

Myndaalbúm (Andri Marinó Karlsson)

Vignir Vatnar öruggur sigurvegari Jólamóts Breiðabliks

Jólamót Skákdeildar Breiðabliks fór fram á föstudag. 18 galvaskir strákar mættu til leiks.

Lokastaðan: 

1. Vignir Vatnar 9/9
2. Stephan Briem 8/9
3. Birkir Ísak 6,5/9
4. Hjörtur Kristjánsson 5,5/9
5. Nikulás Ýmir 5/9
6. Ólafur Örn 5/9
7. Anton Logi 5/9
8. Halldór Atli 4,5/9
9. Ísak Orri 4,5/9
10. Gunnar Erik 4,5/9
11. Óskar Víkingur 4/7
12. Heimir Páll 4/9
13. Stefán Orri 3,5/7
14. Steinþór Örn 3/9
15. Snorri Sveinn 3/5
16. Tómas Möller 3/9
17. Reynir Thelmuson 2/9
18. Sturla Þór 1/9

 

Sömuleiðis voru veitt verðlaun fyrir framfarir og mætingu þar fengu Stephan Briem og Hjörtur Kristjánsson viðurkenningar.

Tómas Veigar hraðskákmeistari Hugins norður 2015

Tómas Veigar Sigurðarson vann öruggan sigur á hraðskákmóti Hugins sem fram fór á Laugum í gærkvöldi. Tómas var í miklu stuði í kvöld og vann allar sínar skákir 14 að tölu. Sigurður Daníelsson varð annar með 12 vinninga og Rúnar Ísleifsson þriðji með 9 vinninga. Stefán Bogi Aðalsteinsson vann flokk U-16 ára. Tefld var tvöföld umferð.

Mótstafla á Chess-Results.

 

Skákþáttur Morgunblaðsins: "Skákvélarnar" og innsæið

Evrópumótið í Laugardalshöll var svo stórt í sniðum, og margir frábærir skákmenn og konur sátu að tafli, að nokkurn tíma tekur að sökkva sér ofan í helstu niðurstöður mótins. Jákvæð er útkoma nýrrar reglu sem leggur blátt bann við jafnteflisboðum fyrir 40. Þó að viðureign Rússa og Ungverja í síðustu umferð í opna flokknum hafi lyktað af gamaldags „pakkasamningi“ að hætti sovéskra ólympíusveita, en öllum skákum þeirrar viðureignar lauk skyndilega með jafntefli eftir einkennilega litla baráttu, þá var yfirleitt barist til síðasta manns í svo til hverri einustu skák.

Fyrir mótið voru meðlimir íslenska gullaldarliðsins hóflega bjartsýnir á árangur; flestir reiknuðu þó með að æfingaleysi segði til sín undir einhverjum kringumstæðum. Sú varð raunin en í þeim efnum voru liðsmenn ekki einir á báti. Ivan Sokolov, sem tefldi fyrir Holland, tapaði þrem skákum og var „settur út á stétt“. „Ég er orðinn „skáktúristi“ sagði hann þar sem hann gekk um sali Laugardalshallar. Ivan náði bestum árangri allra á EM í Varsjá fyrir tveim árum en hann hefur lítið teflt á þessu ári og kvaðst vera æfingalaus. Auk þess vantaði einhvern lífsháska í taflmennskuna, vildi hann meina.

Það rann upp fyrir mönnum á meðan á Evrópumótinu stóð að öll vinnubrögð hafa gerbreyst frá því sem áður var, hvort heldur sem er við undirbúning eða yfirferð; eftir hverja viðureign er vinnureglan orðin sú að spyrja „vélarnar“ hvort þessi eða hinn leikurinn hafi verið réttur eða rangur. Jón L. Árnason fórnaði manni í 20. leik í viðureign við Litháen og hafði orð á því þegar skákinni lauk að hann kærði sig kannski ekkert um álit „vélanna“. Einmitt þess vegna var freistandi að spyrja sílikon-vininn „Houdini“ hvort fórn, sem var fremur byggð á innsæi en nákvæmum útreikningum, hefði staðist:

EM 2015; 7. umferð:

Sikileyjarvörn

1. e4 c5 2. Rf3 e6 3. d4 cxd4 4. Rxd4 a6 5. Bd3 Re7 6. 0-0 Rbc6 7. Rxc6 Rxc6 8. Rc3 Be7 9. f4 d6 10. b3 Bf6 11. Bb2 Bd4 12. Kh1 0-0 13. Dd2 Da5 14. a3 Bd7 15. Hf3 Hac8 16. Hh3 Hfd8 17. Hf1 Be8 18. b4 Dc7 19. Be2 Bf6

Svartur hefði sennilega betur leikið drottningunni til e7 en biskupleikurinn gefur kost á fórn sem freistaði Jóns.

20. Rd5!

Mannsfórn sem stenst fullkomlega, er niðurstaða „Houdini“. Svartur á erfitt með að verjast m.a. vegna þess að liðsaflinn svarts liggur nær allur á drottningarvængnum.

20.... exd5 21. Bxf6 gxf6 22. Hg3+?!

Þessi leikur var ekki „samþykktur“. Eftir 22. exd5 Re7 eða – Rb8 kemur 23. f5 og vinnur þar sem drottning er á leið til h6.

22.... Kf8 23. exd5 Rb8?

Betri vörn var 23.... Re7.

24. Bd3 Dc3 25. De2 f5 26. Dh5 Dh8 27. He1

Og hér vill „Houdini leika 27. Dh6+ Ke7 28. Bxf5 með vinningsstöðu.

27.... h6! 28. Dh4 f6 29. Bxf5 Bf7 30. Bxc8 Hxc8 31. Dg4 Hxc2 32. Df5 Hc7 33. Hge3 h5 34. h4 Dh6 35. Hg3 Rd7

Þó að staðan sé erfið hefur svartur náð að byggja upp varnir. Jón sá sig knúinn til að hrista upp í stöðunni.

36. He6! Bxe6?

Eina vörnin var fólgin í 36..... Hc4!

37. dxe6 Ke7 38. exd7 Hxd7 39. De4+ Kd8 40. Hg8+ Kc7 41. Dc4+ Kb6 42. a4!

Snotur lokaleikur. Það er enn minna skjól á drottningarvængnum og mátið blasir við eftir 42.... Ka7 43. Dd4+ b6 44. De4 Hb7 45. De8!

Helgi Ólafsson ([e-mail])

Skákþættir Morgunblaðins birtast á Skák.is viku síðar en í sjálfu blaðinu. Grein þessi birtist í Morgunblaðinu 28. nóvember

Skákþættir Morgunblaðsins

[Event "European Team Championship"] [Site "Reykjavik ISL"] [Date "2015.11.20"] [EventDate "2015.11.13"] [Round "7.15"] [Result "1-0"] [White "Jon Loftur Arnason"] [Black "Tomas Laurusas"] [ECO "B42"] [WhiteElo "2500"] [BlackElo "2435"] [PlyCount "83"] 1. e4 c5 2. Nf3 e6 3. d4 cxd4 4. Nxd4 a6 5. Bd3 Ne7 6. O-O Nbc6 7. Nxc6 Nxc6 8. Nc3 Be7 9. f4 d6 10. b3 Bf6 11. Bb2 Bd4+ 12. Kh1 O-O 13. Qd2 Qa5 14. a3 Bd7 15. Rf3 Rac8 16. Rh3 Rfd8 17. Rf1 Be8 18. b4 Qc7 19. Be2 Bf6 20. Nd5 exd5 21. Bxf6 gxf6 22. Rg3+ Kf8 23. exd5 Nb8 24. Bd3 Qc3 25. Qe2 f5 26. Qh5 Qh8 27. Re1 h6 28. Qh4 f6 29. Bxf5 Bf7 30. Bxc8 Rxc8 31. Qg4 Rxc2 32. Qf5 Rc7 33. Rge3 h5 34. h4 Qh6 35. Rg3 Nd7 36. Re6 Bxe6 37. dxe6 Ke7 38. exd7 Rxd7 39. Qe4+ Kd8 40. Rg8+ Kc7 41. Qc4+ Kb6 42. a4 1-0

Toyota styður starf Hróksins meðal eldri borgara á Íslandi og barna á Grænlandi

Hrókurinn og Toyota hafa gengið til samstarfs í því skyni að efla skáklíf meðal eldri borgara, auk þess sem Toyota mun styðja starf Hróksins  í þágu barna á Grænlandi árið 2016.

 

Verkefninu var hleypt af stokkunum mánudaginn 7. desember þegar Hrókurinn heimsótti félagsmiðstöð eldri borgara Vesturgötu 7 þar sem Hrafn Jökulsson tefldi við gesti og var þar glatt á hjalla. Á miðvikudag lá leiðin svo í hjúkrunarheimilið Mörk sem fékk nokkur taflsett að gjöf frá Toyota og Hróknum auk þess sem Hrafn tefldi við heimafólk. Fleiri heimsóknir eru fyrirhugaðar á næstu vikum, og verður séð til þess að hvergi skorti taflsett, auk þess sem efnt verður til námskeiða og skákviðburða.

 

Þá mun Toyota verða meðal bakhjarla skákhátíðar í Nuuk, höfuðborg Grænlands, en Hrókurinn hefur síðan 2003 unnið þrotlaust að útbreiðslu þjóðaríþróttar Íslendinga meðal okkar næstu nágranna, og alls farið um 50 ferðir til Grænlands.

 

Hrókurinn metur mikils stuðning Toyota, en fyrirtækið hefur á liðnum árum stutt ötullega við skáklíf eldri borgara á Íslandi og árlega staðið að stórmóti fyrir eldri kempur.

 

Hraðskákmót Hugins norðan heiða fer fram í kvöld

Laugardagskvöldið 12. desember kl 20:00 fer fram okkar árlega hraðskákmót. Mótið fer fram í Seiglu (áður Litlulaugaskóli) í Reykjadal. Tefldar verða skákir með 5 mín umhugsunartíma á mann og allir við alla. Mótið verður reiknað til hraðskákstiga hjá FIDE.

Keppt verður í einum flokki en verðlaun veitt í fullorðinsflokki og U-16 ára til þriggja efstu í hvorum flokki.

Þátttökugjald er krónur 500 á alla keppendur.

Smári Sigurðsson vann mótið í fyrra, en hann hefur oftast allra unnið þetta mót í gegnum tíðina.

Vonast er eftir góðri þátttöku í mótinu og eru áhugasamir beðnir um að skrá sig til leiks með því hringja í Hermann, jafnvel þótt hann sé staddur í fjósinu, í síma 4643187 eða 8213187.

 

Firnasterkt Friðriksmót Landsbankans í skák fer fram á morgun

Friðriksmót Landsbankans – Íslandsmótið í hraðskák – fer fram laugardaginn 12. desember  í útibúi Landsbankans við Austurstræti 11. Þetta er tólfta árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Mótið hefst kl. 13 og stendur til kl. 16.30 og eru áhorfendur sérstaklega boðnir velkomnir til að fylgjast með skákmeisturunum að tafli.

Gera má ráð fyrir að flestir sterkustu skákmenn landsins taki þátt og efsti keppandi mótsins fær titilinn Íslandsmeistari í hraðskák. Um 100 keppendur taka þátt. Þar á meðal eru okkar sterkustu skákmenn, skákkonur og efnilegustu skákungmenni landsins.

Meðal skráða keppenda á mótinu eru stórmeistararnir Hjörvar Steinn Grétarsson, Jóhann Hjartarson, Hannes Hlífar Stefánsson, Stefán Kristjánsson og Þröstur Þórhallsson og landsliðsliðskonurnar Lenka Ptácníková og Veronika Steinunn Magnúsdóttir.

Tefldar eru 11 umferðir og er einni skák hverrar umferðar varpað upp á risaskjá í útibúinu auk þess sem boðið verður upp á kaffi og smákökur.

Keppendalistinn á Chess-Results