Tvíburabræðurnir í efstu sætum á fjölmennu TORG-skákmóti Fjölnis

Líkt og undanfarin ár var góð þátttaka á TORG skákmóti Fjölnis sem haldið var í Rimaskóla í gær laugardaginn 22. nóvember. Ánægjulegt var hversu margir sterkir skákmenn frá Hugin og TR heimsóttu Grafarvoginn af þessu tilefni en alls tóku 50 grunnskólakrakkar þátt í mótinu.

Kópavogsbúar fóru mikinn í keppninni og þegar upp var staðið deildu þeir með sér fimm af sex efstu sætunum. Tvíburabræðurnir Björn Hólm (5,5) og Bárður Örn (5) urðu í tveimur efstu sætunum og deildi Bárður Örn öðru sætinu með þeim Dawid Kolka (5) og Mykhaaylo Kravchuk (5). Í næstu sætum komu þau Vignir Vatnar, Felix og Nansý, öll með 4,5 vinninga. Þessir krakkar sátu oftast við efstu borðin upp á sviði en auk þeirra voru þeir Jóhann Arnar, Aron Þór Mai, Heimir Páll og Óskar Víkingur að berjast innbyrðis um efstu sætin.

Vinsældir TORG mótsins í gegnum árin hafa mótast af því hversu margir vinningar frá fyrirtækjum á TORGINU í Hverafold væru í boði, mótið er ókeypis og vinsælar veitingar NETTÓ í skákhléi eru vel þegnar. Mótið þykir einnig vel skipulagt og glæsilegt þegar æska landsins er annars vegar. Að þessu sinni voru 30 verðlaun eða happadrættisvinningar í boði sem glöddu meirihluta keppenda.

Helgi Ólafsson stórmeistari, landsliðsmaður og skólastjóri Skákskóla Íslands var heiðursgestur mótsins og flutti gott ávarp til keppenda þar sem hann hvatti þá til að tefla mikið og lesa meira af skákbókum. Helgi lék fyrsta leikinn fyrir Hákon Garðarsson í Fjölni. Keppendur tókust í hendur og tefldu með stuttu skákhléi sex umferðir. Keppnin reyndist æsispennandi á efstu borðum allan tímann og talsvert um jafntefli eftir skákir tefldar í botn.

Þrír eignarbikarar voru afhentir sigurvegurum í eldri, yngri og stúlknaflokki. Eins og áður sagði vann Björn Hólm mótið, einn með 5,5 vinninga, Óskar Víkingur Davíðsson vann yngri flokkinn og Rimaskólastúlkan Nansý Davíðsdóttir varð efst í stúlknaflokki. Þetta var í 11. sinn sem skákdeild Fjölnis stendur fyrir TORG skákmótinu og enginn vafi á að mótið verður haldið aftur að ári.

Skákdeild Fjölnis vill þakka fyrirtækjunum á TORGINU sem gáfu verðlaun og veitingar kærlega fyrir frábæran stuðning, NETTÓ, Runni - Stúdíóblóm, Colo´s, bakaríið, bókabúðin og Pizzan. Páll Sigurðsson hélt utan um alla skráningu keppenda og úrslita með þeim hætti sem ekki gerist betur. Helgi Árnason formaður skákdeildar Fjölnis var mótstjóri og hafði ríka ástæðu til að hrósa keppendum fyrir góða frammistöðu við skákborðið og í allri framkomu. Foreldrar fjölmenntu, þáðu kaffi og hjálpuðu til við undirbúning og frágang í kringum mótshaldið sem var undir stjórn Gunnlaugs Egilssonar stjórnarmanns í skákdeild Fjölnis.

• Chess-Results
• Myndaalbúm (HÁ)

Magnus Carlsen heimsmeistari í skák

Magnus Carlsen (2863) tryggði sér heimsmeistaratitilinn í dag. Norðmaðurinn ungi vann Vishy Anand (2792) í elleftu skák heimsmeistaraeinvígisins. Þar með lauk einvíginu með sigri Magnúsar 6½ -4½.

Anand beitti venju samkvæmt Berlínarafbrigði spænska leiksins. Anand fórnaði peði á skemmtilegan hátt með 23...b5!

en virðist í framhaldinu hafa ofmetið stöðu sína og fórnaði skiptamun í 27. leik með 27...Hb4.

Carlsen tefldi framhaldið nánast óaðfinnanlega og vann skákina í 45 leikjum.

Lokastaðan:

  

 

 

 

 

 

 

 

 

 

 

Nokkur tíst um skák dagsins 

Talked to an IM here who liked the Rb4 exchange sac - except that Magnus found an absolutely brilliant refutation #CarlsenAnand

— chess24.com (@chess24com) November 23, 2014

"My play was inconsistent, but it was good enough. I can definitely improve". Justified perfectionism from Carlsen ;) #CarlsenAnand

— Natalia Pogonina (@Pogonina) November 23, 2014

"After this match are you considering leaving chess Mr Anand" "No". What an awful disrespectful question. #pressconference #CarlsenAnand

— chess news (@chessnews) November 23, 2014

Just an hour ago I felt Vishy had good chances to equalize the match and press for more in game 12. Amazing turn of events. #CarlsenAnand

— Erwin l'Ami (@erwinlami) November 23, 2014

Anand felt it, but Anand didn't see it... #CarlsenAnand #TheEnd

— Anish Giri (@anishgiri) November 23, 2014

• Beinar útsendingar
• Chess24 (beinar útsendingar)

 

[Event "WCh 2014"] [Site "Sochi RUS"] [Date "2014.11.23"] [Round "11"] [White "Carlsen, Magnus"] [Black "Anand, Viswanathan"] [Result "1-0"] [WhiteElo "2863"] [BlackElo "2792"] [ECO "C67"] [Opening "Ruy Lopez"] [Variation "Berlin defence, open variation"] [EventDate "2014.11.04"] 1. e4 e5 2. Nf3 Nc6 3. Bb5 Nf6 4. O-O Nxe4 5. d4 Nd6 6. Bxc6 dxc6 7. dxe5 Nf5 8. Qxd8+ Kxd8 9. h3 Bd7 10. Nc3 h6 11. b3 Kc8 12. Bb2 c5 13. Rad1 b6 14. Rfe1 Be6 15. Nd5 g5 16. c4 Kb7 17. Kh2 a5 18. a4 Ne7 19. g4 Ng6 20. Kg3 Be7 21. Nd2 Rhd8 22. Ne4 Bf8 23. Nef6 b5 24. Bc3 bxa4 25. bxa4 Kc6 26. Kf3 Rdb8 27. Ke4 Rb4 28. Bxb4 cxb4 29. Nh5 Kb7 30. f4 gxf4 31. Nhxf4 Nxf4 32. Nxf4 Bxc4 33. Rd7 Ra6 34. Nd5 Rc6 35. Rxf7 Bc5 36. Rxc7+ Rxc7 37. Nxc7 Kc6 38. Nb5 Bxb5 39. axb5+ Kxb5 40. e6 b3 41. Kd3 Be7 42. h4 a4 43. g5 hxg5 44. hxg5 a3 45. Kc3 1-0

Góð frammistaða Hannesar og Guðmundar í Kosta Ríka

Hannes Hlífar Stefánsson og Guðmundur Kjartansson hafa undanfarið verið að tefla í Kosta Ríka. Þeim hefur gengið vel og dregið alþjóðleg skákstig inn í íslenskt skákhagkerfi. 

Hannes segir svo frá á Feisbúkk:

Mótin í Costa Rica búinn vann fyrsta mótið með 7.5/9 og fékk 8.5/9 í deildakeppninni hækka um 8 stig Gummi stóð sig líka vel með 6/6 í einvigjum og 7/8 hækkun um 13-15 stig!

Nánar um mótin á Chess-Results.

• Mót Hannesar
• Deildakeppnin

 

Skákþáttur Morgunblaðsins: Magnús lætur sverfa til stáls í næstu tveim skákum

Magnúsar Carlsen beið erfitt verkefni í gær þegar hann stillti upp með svörtu í fimmtu skák heimsmeistaraeinvígisins í Sochi. Á undirbúningstímanum hefur Anand fundið góða hernaðaráætlun þegar hann hefur hvítt, hann hvílir kóngspeðið en hefur þaulkannað drottningarpeðsbyrjanirnar. Það lá fyrir að í fimmtu skákinni þýddi lítið fyrir Norðmanninn að byggja á einhvers konar „hálfþekkingu“ sem leiddi til afhroðs í þriðju skákinni. Og aðdáendur hans gátu varpað öndinni léttar: Magnús hafði notað frídaginn vel, tefldi byrjunina hratt og örugglega, náði umtalsverðu tímaforskoti og freistaði Anands með því að gefa kost á augljósum peðsleik. Í beinu útsendingunni á heimasíðu mótsins: http://www.sochi2014.fide.com/ sást hvernig hann yppti öxlum og yfirgaf sviðið og eftirlét Anand að taka býsna stóra ákvörðun og hefur sennilega giskað rétt á að Indverjinn myndi sneiða hjá óljósum flækjum.

Síðar í skákinni lét Magnús sig ekki muna um að drepa hið fræga „eitraða peð“ á b2 en lenti við það í smávegis basli með að halda stöðunni saman. Jafntefli var þó í höfn og góður dagur hjá Magnúsi Carlsen sem virðist hafa náð vopnum sínum:

Drottningarindversk vörn

1. d4 Rf6 2. c4 e6 3. Rf3 b6 4. g3 Bb4 5. Bd2 Be7 6. Rc3 Bb7 7. Bg2 c6 8. e4 d5 9. exd5 cxd5 10. Re5 0-0 11. 0-0 Rc6 12. cxd5 Rxe5

13. d6!?

Þetta leikbragð Anands byggist á því að eftir 13.... Bxg2 14. dxe7 14. dxe7 kemur 15. dxe5 og eftir 15.... Bxf1 á hvítur millileikinn exf6 og hefur þá tvo menn fyrir og góða vinningsmöguleika.

13.... Rc6 14. dxe7 Dxe7 15. Bg5 h6 16. d5 Ra5

Og nú blasir 17. d6 blasir við og eftir 17.... dxd8 18. Bxf6 dxf6 19. De2 ásamt 20. Had1 virðist hvítur ekki hafa tekið mikla áhættu en Anand lætur ekki freistast.

- Sjá stöðumynd 1-

17. Bxf6 Dxf6 18. dxe6 Dxe6 19. He1 Df6 20. Rd5 Bxd5 21. Bxd5 Had8 22. Df3 Dxb2!?

Hann hefur sennilega ekki viljað ana með riddarann inná d2 eftir 22.... Dxf3 23. Bxf3 Rc4 24. b3 Rd2. Sú staða á þó að halda.

23. Had1 Df6

Í fljótu bragði lítur vel út að leika 23.... Hd7 en það hefur kannski minnt of mikið á frægan afleik Karpovs í öðru HM-einvíginu við Kasparov 1985 þ.e.a.s. afbrigðið 24. Df5! Hfd8?? 25. Dxd7! Hxd7 26. He8+ Kh7 27. Be4+ ásamt 28. Hxd7 og vinnur. Betra er auðvitað 24. ... Hc7 en eftir 25. Be4 g6 26. Df4! Hc5 27. Bd5! heldur hvítur sterku frumkvæði.

24. Dxf6 gxf6 25. He7 Kg7 26. Hxa7 Rc6

27. Hb7?

Anand virtist ekki hafa mikla trú á sigurmöguleikum sínum en hann gat þó haldið taflinu gangandi um langa stund með því að leika 27. Ha4. Nú nær Magnús hinsvegar að skipta upp á peðunum á drottningarvæng og tryggir jafnteflið.

27.... Rb4! 28. Bb3 Hxd1 29. Bxd1 Rxa2 30. Hxb6 Rc3 31. Bf3 f5 32. Kg2 Hd8 33. Hc6 Re4 34. Bxe4 fxe4 35. Hc4 f5 36. g4 Hd2 37. gxf5 e3 38. He4 Hxf2 39. Kg3 Hxf5

- Jafntefli.

Staðan: Magnús Carlsen 2½ : Wisvanathan Anand 2½ .

Í dag verðu sjötta skákin tefld og hefur Magnús hvítt, sjöunda skákin verður svo tefld á mánudaginn.

Á blaðamannafundi eftir viðureignina gær lét Carlsen í veðri vaka að hann myndi láta sverfa til stáls í næstum tveimur skákum; reglur um einvígið gera ráð fyrir spilin séu stokkuð upp í hálfleik þ.e.a.s. eftir sjöttu skákina og Magnús fær aftur hvítt í þeirri sjöundu. Þó að fátt bendi til þess að eitthvað í vopnabúri hans muni reynast Anand erfitt eru þessir tvær skákir afar mikilvægar og reyna verulega á þolrif Indverjans.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 15. nóvember 2014

Skákþættir Morgunblaðsins

Atskákmót Icelandair fer fram 27. desember

Atskákmót Icelandair: Mótið verður haldið laugardaginn 27. desember á Hótel Natura en í ár verður mótið eintaklingskeppni og verða veitt verðlaun í 3-4 flokkum. Sem fyrr verða góð fyrstu verðlaun eða ferð til Evrópu fyrir tvo. Tefldar verða 11 umferðir með 15 mínútna umhugsunartíma. Þátttökugjöld verða 3.500 en 2.500 fyrir 12 ára og yngri. Meira verður birt síðar.

Höfðinglegar móttökur á Hellu

Heimsókn 30 skáknemenda Rimaskóla til Grunnskólans á Hellu í sl.miðvikudag var að vissu leiti einstök þar sem aðrir 30 nemendur frá Hellu tefldu við gestina í 8 sveita skákmóti. Ábyggilega eru engin dæmi þess að svo fjölmennir hópar tveggja grunnskóla hafi hist til að tefla saman og hvað þá þar sem 100 km löng leið liggur á milli skólanna tveggja.

Björgvin Smári Guðmundsson kennari á Hellu hefur á síðustu árum verið að efla skákstarfið í skólanum sem 150 nemendur stunda nám við. Hann hefur horft til Rimaskóla sem fyrirmynd að þessu uppbyggingarstarfi og þeir Helgi Árnason skólastjóri stefna að markvissu samstarfi sem hófst með myndarlegum hætti í dag. Björgvini hafi orðið vel ágengt í uppbyggingunni eins og skákáhugamenn hafa veitt athygli á Íslandsmótum grunnskólakrakka síðustu ár. Rimaskólakrakkar fengu höfðinglegar móttökur í grunnskólanum á Hellu. Þeim var boðið í girnilegan hádegisverð fyrir mót og kaffiveitingar biðu þeirra að skákmóti loknu.

Skólastjórinn á Hellu, Sigurgeir Guðmundsson setti mótið og síðan hófst að krafti, 8 sveita skákmót þar sem allar sveitirnar tefldu innbyrðis. Báðir skólarnir með fjórar sjö manna sveitir. Rimaskóli skipti sínu liði upp í fjórar jafnar sveitir en skáksveitum Hellukrakka var skipt eftir bekkjum.

Mótið gekk einstaklega vel fyrir sig þó að margir heimamenn væru að tefla á sínu fyrsta skákmóti. Talsverður getumunur var á sveitunum en það var greinilegt að nemendum Grunnskólans á Hellu þótti mikil upphefð í að tefla við nemendur Rimaskóla sem í rúman áratug hafa verið miklir afrekskrakkar á grunnskólamótum í skák bæði hérlendis og á Norðurlöndunum.

Rimaskóli hefur á undanförnum árum átt álíka samstarf við grunnskóla í Reykjavík, einkum Laugalækjarskóla og Hagaskóla. Rútuferð alla leið til Hellu var mikil tilhlökkun og skemmtileg upplifun fyrir Rimaskólakrakka og ferðin þétti hópinn enn frekar. Það er lærdómsríkt fyrir borgarbörn að heimsækja grunnskóla úti á landsbyggðinni og miðað við hversu vel tókst til með heimsóknina til Hellu þá væri það góð áskorun til Skáksambands Íslands að koma á fleiri álíka heimsóknum. Enginn vafi var að heimsóknin frá Rimaskóla virkar sem vítamínsprauta á skákáhuga krakkanna á Hellu og auðveldar Björgvini enn frekar uppbyggingarstarfið sem er augljóslega til mikillar fyrirmyndar. Þeir munu eftir áramót endurgjalda Rimaskóla heimsóknina og fjölmenna í Grafarvoginn með sama hætti.

Myndaalbúm (HÁ)

TORG-mótið hefst kl. 11

Eitt elsta barna-og unglingaskákmót landsins, TORG – skákmót Fjölnis, verður haldið í 11. sinn laugardaginn 22. nóvember. Teflt verður í hátíðarsal Rimaskóla og hefst mótið kl. 11:00. Þátttakendur mæti tímanlega til skráningar. Öllum skákkrökkum á grunnskólaaldri er heimilt að vera með í mótinu og er þátttaka ókeypis. Það eru fyrirtækin á TORGINU, verslunarmiðstöðinni Hverafold, sem gefa vinningana.

Óvæntir aukavinningar á laugardegi eru fjölmargir nammipokar og bíómiðar. NETTÓ Hverafold býður öllum þátttakendum upp á veitingasr í skákhléi og NETTÓ gefur einnig glæsilega verðlaunagripi fyrir sigurvegara í eldri, yngri-og stúlknaflokki. Tefldar verða sex umferðir og umhugsunartími er sex mínútur á skák. Mótstjórar verða þeir Helgi Árnason og Páll Sigurðsson. Skráning á staðnum í hátíðarsal Rimaskóla. Foreldrum velkomið að fylgjast með og þiggja kaffisopa.

Carlsen færist nær titlinum - jafntefli í dag

Tíundu skák heimsmeistaraeinvígisins lauk með jafntefli. Heldur skemmtilegri skák en þær tveir síðustu og var t.d. ekki skipt upp á drottingum fyrr en í 18. leik! Carlsen beitti Grunfeld-vörn vegna drottningarpeðsleik Anand og þótt Indverjinn hafi fengið örlítið betra tafl var hann aldrei nálægt því að innbyrða vinning. Jafntefli staðreynd eftir 33 leiki og Carlsen færist nær titlinum en staðan er 5,5-4,5. Þarf einn vinning í tveimur síðustu skákunum en alls tefla þeir 12 skákir.

Ellefta og næstsíðasta skákin verður tefld á sunnudag og hefst kl. 12. Þá hefur Carlsen hvítt.

Nokkur tíst um skák dagsins

It would be very foolish to dismiss him, but the hourglass is slowly emptying on Vishy's chances. #CarlsenAnand

— Nigel Short (@nigelshortchess) November 21, 2014

This match is really exciting, especially if compared to Chennai 2013 where Anand lost the match 3.5-6.5. Now it's 4.5-5.5 #CarlsenAnand

— Natalia Pogonina (@Pogonina) November 21, 2014

What is happening is Anand not creating any complications and trying to consolidate a stable plus. #CarlsenAnand

— Anish Giri (@anishgiri) November 21, 2014

The gloves are off. #CarlsenAnand

— Fabiano Caruana (@FabianoCaruana) November 21, 2014

Spassky interviewed by VG: "Magnus was born for chess" #CarlsenAnand pic.twitter.com/Oz8WkV1SPF

— Tarjei J. Svensen (@TarjeiJS) November 21, 2014

• Beinar útsendingar
• Chess24 (beinar útsendingar)

 

[Event "WCh 2014"] [Site "Sochi RUS"] [Date "2014.11.21"] [Round "10"] [White "Anand, Viswanathan"] [Black "Carlsen, Magnus"] [Result "1/2-1/2"] [WhiteElo "2792"] [BlackElo "2863"] [ECO "D97"] [Opening "Gruenfeld"] [Variation "Russian, Prins variation"] [EventDate "2014.11.04"] 1. d4 Nf6 2. c4 g6 3. Nc3 d5 4. Nf3 Bg7 5. Qb3 dxc4 6. Qxc4 O-O 7. e4 Na6 8. Be2 c5 9. d5 e6 10. O-O exd5 11. exd5 Re8 12. Bg5 h6 13. Be3 Bf5 14. Rad1 Ne4 15. Nxe4 Bxe4 16. Qc1 Qf6 17. Bxh6 Qxb2 18. Qxb2 Bxb2 19. Ng5 Bd4 20. Nxe4 Rxe4 21. Bf3 Re7 22. d6 Rd7 23. Bf4 Nb4 24. Rd2 Re8 25. Rc1 Re6 26. h4 Be5 27. Bxe5 Rxe5 28. Bxb7 Rxb7 29. d7 Nc6 30. d8=Q+ Nxd8 31. Rxd8+ Kg7 32. Rd2 1/2-1/2

Skákþáttur Morgunblaðsins: Anand jafnaði metin og er til alls vís

Skákþáttur Morgunblaðsins frá 13. nóvember sl. en þeir birtast með vikuseinkun í Morgunblaðinu.

Anand jafnaði metin og er til alls vís

Það er varla hægt að halda því fram að Magnús Carlsen sé sigurstranglegri í einvígi sínu við Viswanathan Anand, a.m.k. ef tekið er mið af taflmennskunni í fjórum fyrstu skákum heimsmeistaraeinvígisins sem fram fer þessa dagana í Sochi við Svartahaf. Anand náði að jafna metin sl. þriðjudag og hélt jafntefli án mikilla erfiðleika í fjórðu skák einvígisins sem tefld var í gær. Hann virðist vera mun betur undir þetta einvígi búinn en það sem hann háði í fyrra í heimalandi sínu. Byrjanir hans með hvítu eru beittari og það gæti skipt sköpum þegar fram í sækir. Alls tefla þeir 12 skákir og nú er staðan jöfn, 2:2.

Taflmennska Magnúsar í þriðju skákinni var einhvern veginn alveg ólík því sem vant er. Hann hefur hingað til verið laginn við að sniðganga löng og þvinguð byrjunarafbrigði en á þeim vettvangi getur Anand verið afar skæður; hættulegur; gagnagrunnar upplýstu menn um að 16 fyrstu leikirnir hefðu allir komið fyrir áður en Magnús hafði ekkert nýtt fram að færa í stöðu þar sem framsækið c-peð hvíts var sérlega hættulegt. Eftir sigurinn upplýsti Anand að staðan eftir 24. leiki hefði komið upp í heimarannsóknum. Magnús taldi sig geta varið þrönga stöðu. 26. leikur hvíts, Hc6, reyndist honum erfiður viðfangs. Magnús batt greinilega vonir við biskupsleikinn 27. ... Bb4, vandinn var hinsvegar sá að hann gat aldrei með góðu móti hirt c7-peðið vegna leppunar. Eftir 29. Da6! var svarta staðan óverjandi. Þetta var fyrsti sigur Anands yfir Magnúsi Carlsen í meira en fjögur ár:

3. einvígisskák.

Viswanathan Anand – Magnús Carlsen

Drottningarbragð

1. d4 Rf6 2. c4 e6 3. Rf3 d5 4. Rc3 Be7 5. Bf4 O-O 6. e3 Rbd7 7. c5 c6 8. Bd3 b6 9. b4 a5 10. a3 Ba6 11. Bxa6 Hxa6 12. b5 cxb5 13. c6 Dc8 14. c7 b4 15. Rb5 a4 16. Hc1

16. ... Re4 17. Rg5 Rdf6 18. Rxe4 Rxe4 19. f3 Ha5 20. fxe4 Hxb5 21. Dxa4 Ha5 22. Dc6 bxa3 23. exd5 Hxd5 24. Dxb6 Dd7 25. O-O Hc8 26. Hc6 g5 27. Bg3 Bb4 28. Ha1 Ba5 29. Da6 Bxc7 30. Dc4 e5 31. Bxe5 Hxe5 32. dxe5 De7 33. e6 Kf8 34. Hc1

– og svartur gafst upp.

Nokkur orð varðandi umhugsunartímann: biðskákir eru úr sögunni en í einvíginu fá keppendur 2 klst. hvor á fyrstu 40 leikina, 1 klst. á næstu 20 leiki og þar eftir 15 mínútur að viðbættum 30 sekúndum eftir hvern leik til að ljúka skákinni. Í fjórðu skákinni virtist Magnús fá upp eina af þessum stöðum sem hann hefur sérhæft sig í en Anand sá við öllum brögðum hans og hélt auðveldlega jöfnu:

4. einvígisskák:

Magnús Carlsen – Viswanathan Anand

Sikileyjarvörn

1. e4 c5 2. Rf3 e6 3. g3 Rc6 4. Bg2 d5 5. exd5 exd5 6. O-O Rf6 7. d4 Be7 8. Be3 cxd4 9. Rxd4 Bg4 10. Dd3 Dd7 11. Rd2 O-O 12. R2f3 Hfe8 13. Hfe1 Bd6 14. c3 h6 15. Df1 Bh5 16. h3 Bg6 17. Had1 Had8 18. Rxc6 bxc6 19. c4 Be4 20. Bd4 Rh7 21. cxd5 Bxd5?!

Anand lék þessum leik en leikurinn gefur Magnúsi kost á að þróa stöðu sína áfram. Betra var 22. ... cxd5 og svarta staðan er ekki lakari.

22. Hxe8 Hxe8 23. Dd3!

Með þessum leik nær hvítur örlítið betri stöðu. Það eru einmitt stöður af þessu tagi sem henta Norðmanninum vel og það veit Anand.

23. .. Rf8 24. Rh4 Be5 25. Bxd5 Dxd5 26. Bxe5 Dxe5 27. b3 Re6 28. Rf3 Df6 29. Kg2 Hd8 30. De2 Hd5 31. Hxd5 cxd5 32. Re5!?

32. De5!? kom einnig til greina en svartur á 32. ... Dd8 og getur varist.

32. ... Df5 33. Rd3 Rd4

34. g4!

Óvæntur leikur, hvítur varð að gæta að því að leiki hann 34. De3 Rc2 35. Dd2?? kemur Dxd3! og svartur vinnur. Hann gat hinsvegar leikið 34. De8+ Kh7 35. De3 og þá gengur fyrrnefnt afbrigði ekki upp vegna þess að hvítur hirðir drottninguna með skák.

34. ...Dd7 35.De5 Re6 36. Kg3 Db5 37. Rf4 Rxf4 38. Kxf4 Db4+ 39. Kf3 d4 40. De8+ Kh7 41. Dxf7 Dd2 42. Df5+ Kh8 43. h4 Dxa2 44. De6

Hótar að leika 44. g5 með færum gegn kónginum. Anand setur fyrir lekann.

44. ... Dd2! 45. De8+ Kh7 46. De4+ Kh8 47. De8+Kh7

– Jafntefli.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 13. nóvember 2014.

Skákþættir Morgunblaðsins

Íslandsmót eldri skákmanna - Strandbergsmótið fer fram á morgun

Íslandsmót eldri skákmanna sem eru 50 ára + og 65 ára +  í atskák eru nú haldin í fyrsta sinn. Stefnt er því að gera þau að árlegum viðburði sem hluta af Skákþingi Íslands sem fer í mörgum flokkum eins og kunnugt er.  

Ákveðið hefur verið að stytta umhugsunartímann lítis háttar þannig að mótinu lýkur um 16:30 í stað kl. 18:00

34 skákmenn eru skráðir til leiks. 21 í flokk 65+ en 13 í flokk 50+.

Mótin verða haldin laugardaginn 22. nóvember nk. í Strandbergi, safnaðarheimili Hafnarfjarðarkirkju, í samstarfi við RIDDARANN, annan af tveimur skákklúbbum eldri borgara á höfuðborgarsvæðinu, sem þar hefur aðsetur. Mótshaldið er liður í 100 ára afmæli kirkjunnar nú um þessar mundir, sem stutt hefur að skáklistinni um árabil. Teflt verður í hátíðarsalnum svo aðstæður á mótsstað verða eins og best verður á kosið og boðið upp kaffi, svaladrykki og kruðerí meðan á móti stendur. Hádegisverðartilboð. 

Fyrirkomulag

Tefldar verða 9 umferðir eftir svissneska kerfinu. 

Mótshaldarar áskilja ser rétt til að breyta fyrirkomulaginu ef þáttökutölur gefa tilefni til þess. 

Tímamörk

• Umferðir 1-4: 7 mínútur + 5 sekúndur á hvern leik (í stað 10+5)
• Umferðir 5-9: 15 mínútur + 10 sekúndur á hvern leik (í stað 20+10)

Hádegishlé verður tekið eftir 4 umferðir.

Flokkaskipting

Teflt verður í tveimur flokkum 65 ára + (1949 og fyrr) og 50 ára + (1950-64)

Verði tveir eða fleiri efstir og jafnir verður stigaútreikningur látinn ráða.                                                                                              

Þátttökugjöld

• 1.500 kr. 

Verðlaun: 

• 1. 10.000, 2. 6.000 3. 4.000 í hvorum flokki.
• Sérstök aldurflokkaverðlaun fyrir 70+, 75+ og 80+
• Sportvörubúðin Jói Útherji/Magnús V. Pétursson gefur alla verðlaunagripi 

Skráning

• Á www.skak.is eða í síma 568 9141
• Upplýsingar um þegar skráða keppendur má nálgast hér. 

Chess-Results

• 65+ (miðað við skráningu 21. nóv)
• 50+ (miðað við skráningu 21. nóv)