Skákþáttur Morgunblaðsins: Magnús þokast nær titilvörn

Skákþáttur Morgunblaðsins frá 19. nóvember sl.

---------------------------------------------

Þegar átta skákum er lokið í einvígi Magnúsar Carlsen og Indverjans Wisvanathans Anands heldur Norðmaðurinn vinningsforskoti, 4 ½ : 3 ½ og aðeins fjórar skákir eftir. Í gær fékk Anand fékk loks tækifæri til að stýra hvítu mönnunum en komst ekkert áleiðis gegn Magnúsi sem mætti vel undirbúinn til leiks og náði jafntefli án mikilla erfiðleika. Á mánudaginn sátu þeir að tafli í sex og hálfa klukkustund og allan tímann reyndi Magnús að knýja fram sigur úr örlítið betri stöðu. Í endatafli varð Anand að gefa mann fyrir tvö peð en varðist fimlega og hélt jöfnu eftir 122 leiki. Þetta telst næstlengsta skák heimsmeistaraeinvígja frá upphafi en Kortsnoj og Karpov tefldu þá lengstu; 5. einvígisskákin í Baguio á Filippseyjum sumarið 1978 endaði með því að Kortsnoj pattaði Karpov í 124. leik. Í sjöundu skákinni í Sochi á mánudaginn tefldi Anand hið trausta Berlínar-afbrigði spænska leiksins. Eftir 76. leiki kom þessi staða upp: 

Magnús – Anand

Magnús heldur enn í eitt peð en eftir 76.... Hc3! sá hann fram á að ekki gengi að leika 77. Hxc3 Kxc3 78. Ke3 vegna 78.... Kb4 79. Kd4 Kb5! sem heldur jöfnu. Hann lét því b3-peðið af hendi og lék 77. Rd3+ Kxb3 78. Ha1og sættist á jafntefli 44 leikjum síðar.

Magnús var gagnrýndur fyrir að tefla svo lengi áfram með kóng, hrók og riddara gegn kóngi og hrók en slíkar stöður eru taldar dautt jafntefli. Norski heimsmeistarinn upplýsti fyrir einvígið að undirbúningur hans hefði m.a. falist í athugun á ferli Bobbys Fischers og finna má dæmi úr skákum 11. heimsmeistarans sem tefldi svipaða stöðu lengi vel gegn Florin Gheorghiu frá Rúmeníu á skákmóti í Vinkovci í Júgóslavíu árið 1968.

Hafi það verið ætlan Magnúsar að „þreyta laxinn“ tókst það vel, taflmennska Anands í skákinni í gær var fremur þróttlaus og í fyrsta sinn í einvíginu mistókst honum að ná frumkvæðinu út úr byrjuninni með hvítu:

8. einvígisskák:

Wisvanathan Anand – Magnús Carlsen

Drottningarbragð

1. d4 Rf6 2. c4 e6 3. Rf3 d5 4. Rc3 Be7 5. Bf4 O-O 6. e3 c5 7. dxc5 Bxc5 8. a3 Rc6 9. Dc2 He8!?

Leynivopn Magnúsar. Hann vissi að Anand var vel undirbúinn fyrir 9.... Da5 sem er langoftast leikið en þá á hvítur ýmsa góða kosti, t.d. að hrókera langt.

10. Bg5 Be7 11. Hd1 Da5 12. Bd3 h6 13. Bh4 dxc4 14. Bxc4 a6 15. O-O b5 16. Ba2 Bb7 17. Bb1 Had8 18. Bxf6 Bxf6 19. Re4

Ekki er eftir neinu að slægjast með 19. Dh7+ Kf8 20. Re4, m.a. vegna 20.... Hxd1 21. Hxd1 Hd8 o.s.frv.

19.... Be7 20. Rc5 Bxc5 21. Dxc5

Í fljótu bragði virðist hvítur halda góðum færum en næsti leikur svarts jafnar taflið umsvifalaust. 

21. ... b4! 22. Hc1

Eftir 22. Dxa5 Rxa5 23. axb4 Bxf3! 24. gxf3 Rc6! vinnur svartur peðið til baka.

22.... bxa3 23. bxa3 Dxc5 24. Hxc5 Re7 25. Hfc1 Hc8 26. Bd3 Hed8 27. Hxc8 Hxc8 28. Hxc8 Rxc8

Nú blasir jafntefli við.

29. Rd2 Rb6 30. Rb3 Rd7 31. Ra5 Bc8 32. Kf1 Kf8 33. Ke1 Ke7 34. Kd2 Kd6 35. Kc3 Re5 36. Be2 Kc5 37. f4 Rc6 38. Rxc6 Kxc6 39. Kd4 f6 40. e4 Kd6 41. e5+.

- og Anand bauð jafntefli um leið sem Magnús vitanlega þáði.

Staðan: Magnús Carlsen 4 ½ : Wisvanathan Anand 3 ½.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 19. nóvember 2014

Skákþættir Morgunblaðsins

Ný íslensk skákstig

Ný íslensk skákstig miðuð við 1. desember nk. eru komin út. Jóhann Hjartarson (2607) er sem fyrr stigahæsti íslenski skákmaðurinn. Kristmundur Þór Ólafsson er stigahæsti nýliðinn og Björn Hólm Birkisson hækkar mest allra frá september-listanum. 

Topp 20

Jóhann Hjartarson (2607) er sem fyrr stigahæsti skákmaður þjóðarinnar – bæði á innlendum sem alþjóðlegum skákstigum.  Margeir Pétursson (2591) er næststigahæstur og Hannes Hlífar Stefánsson (2585) er þriðji.

Nr.	Name	RtgC	Diff	Cat	Tit	Club
1	Jóhann, Hjartarson	2607	4	-	GM	TB
2	Margeir, Pétursson	2591	2	-	GM	TR
3	Hannes H, Stefánsson	2585	4	-	GM	TR
4	Helgi, Ólafsson	2551	3	-	GM	TV
5	Héðinn, Steingrímsson	2542	-1	-	GM	Fjölnir
6	Hjörvar, Grétarsson	2539	7	-	GM	Huginn
7	Jón Loftur, Árnason	2513	-1	-	GM	TB
8	Henrik, Danielsen	2510	10	-	GM	TV
9	Helgi Áss, Grétarsson	2489	1	-	GM	Huginn
10	Stefán, Kristjánsson	2482	2	-	GM	Huginn
11	Friðrik, Ólafsson	2459	0	SEN	GM	TR
12	Karl, Þorsteins	2457	0	-	IM	TR
13	Guðmundur, Kjartansson	2436	-4	-	IM	TR
14	Þröstur, Þórhallsson	2434	2	-	GM	Huginn
15	Jón Viktor, Gunnarsson	2431	6	-	IM	TR
16	Bragi, Þorfinnsson	2421	-5	-	IM	TB
17	Dagur, Arngrímsson	2400	0	-	IM	TB
18	Björn, Þorfinnsson	2392	2	-	IM	TR
19	Arnar, Gunnarsson	2381	-19	-	IM	TR
20	Magnús Örn, Úlfarsson	2360	-6	-	FM	Huginn

 

Nýliðar

26 (!!) nýliðar eru á listanum. Langstigahæstur þeirra er Kristmundur Þór Ólafsson (1664) en í næstum sætum eru Davíð Sigurðsson (1295) og Benedikt Stefánsson (1231).

Nr.	Name	RtgC	Diff	Cat	Club
1	Kristmundur Þór Ólafsson	1664	1664	-	Víkingaklúbburinn
2	Davíð Sigurðsson	1295	1295	-	Siglufjörður
3	Benedikt Stefánsson	1231	1231	U16	SA
4	Baldvin Skúlason	1220	1220	-	Víkingaklúbburinn
5	Joshua Davíðsson	1216	1216	U10	Fjölnir
6	Jón Þór  Lemery	1147	1147	U14	TR
7	Eldar Sigurðarson	1141	1141	U14	TR
8	Birgir Ívarsson	1133	1133	U14	Huginn
9	Alexander Oliver Mai	1105	1105	U12	TR
10	Ari Rúnar Gunnarsson	1096	1096	U14	Huginn
11	Arnar Milutin Heiðarsson	1087	1087	U12	TR
12	Óðinn Örn Jakobsen	1075	1075	U12	TR
13	Ólafur Örn Olafsson	1032	1032	U12	TR
14	Sævar Halldórsson	1030	1030	U12	TR
15	Bjarki Ólafsson	1017	1017	U12	TR
16	Alexander Björnsson	1000	1000	U08	TR
17	Arnór Ólafsson	1000	1000	U12	TR
18	Baltasar Máni Wedholm	1000	1000	U10	Huginn
19	Birgir Logi Steinþórsson	1000	1000	U10	Huginn
20	Björn Magnússon	1000	1000	U10	TR
21	Freyja Birkisdóttir	1000	1000	U08	TR
22	Karl Oddur Andrason	1000	1000	U12	TG
23	Mikael Maron Torfason	1000	1000	U10	Fjölnir
24	Róbert Orri Árnason	1000	1000	U12	Fjölnir
25	Stefan Geir Hermannsson	1000	1000	U10	TR
26	Vignir Sigur Skúlason	1000	1000	U08	TR

 

Mestu hækkanir

Björn Hólm Birkisson (202) hækkar langmest allra á íslenskum skákstigum. Kristófer Halldór Kjartansson (177) er annar, Aron Þór Mai (135) og Róbert Luu (124) er fjórði.

Nr.	Name	RtgC	Diff	Cat	Club
1	Björn Hólm Birkisson	1770	202	U14	TR
2	Kristófer Halldór Kjartansson	1177	177	U12	Fjölnir
3	Aron Þór Mai	1403	135	U14	TR
4	Róbert Luu	1184	124	U10	TR
5	Jóhann Arnar Finnsson	1354	95	U14	Fjölnir
6	Stefán Orri Davíðsson	1087	87	U08	Huginn
7	Baldur Teodor Petersson	1623	78	U14	TG
8	Dawid Kolka	1766	72	U14	Huginn
9	Bárður Örn Birkisson	1685	63	U14	TR
10	Ólafur Evert Úlfsson	1486	56	-	SA
11	Jón Þór Helgason	1553	50	-	Haukar
12	Jón Kristinn Þorgeirsson	2080	46	U16	SA
13	Arnþór Hreinsson	1338	43	-
14	Heimir Páll Ragnarsson	1420	39	U14	Huginn
15	Andri Freyr Björgvinsson	1764	37	U18	SA
16	Sverrir Gestsson	1789	35	-	SAUST
17	Kristófer Jóel Jóhannesson	1376	35	U16	Fjölnir
18	Sævar Jóhann Bjarnason	2085	34	SEN	TR
19	Snorri Þór Sigurðsson	1863	34	-	Huginn
20	Ólafur Hlynur Guðmarsson	1571	33	-	SAUST
21	Tryggvi K Þrastarson	1163	33	-

 

Stigahæstu skákkonur landsins

Lenka Ptácníková (2246) er langstigahæsta skákkona landsins. Í næstum sætum eru Guðlaug Þorsteinsdóttir (1977) og Hallgerður Helga Þorsteinsdóttir (1953).

Nr.	Name	RtgC	Diff	Tit	Club
1	Lenka Ptácníková	2246	7	WGM	Huginn
2	Guðlaug U Þorsteinsdóttir	1977	-18	WFM	TG
3	Hallgerður H Þorsteinsdóttir	1953	-9		Huginn
4	Tinna Kristín Finnbogadóttir	1878	12		UMSB
5	Jóhanna Björg Jóhannsdóttir	1836	0		Huginn
6	Elsa María Krístinardóttir	1820	14		Huginn
7	Guðfríður L Grétarsdóttir	1817	0	WIM	Huginn
8	Harpa Ingólfsdóttir	1789	0		TR
9	Sigurlaug R Friðþjófsdóttir	1726	-5		TR
10	Sigríður Björg Helgadóttir	1714	-11		Fjölnir

 

Stigahæstu ungmenn landsins (U20)

Oliver Aron Jóhannesson (2208) er stigahæsta ungmenni landsins (20 ára og yngri). Í næstum sætum eru Dagur Ragnarsson (2183), Mikael Jóhann Karlsson (2083) og Vignir Vatnar Stefánsson (2083).

Nr.	Name	RtgC	Diff	Cat	Club
1	Oliver Aron Jóhannesson	2208	-15	U16	Fjölnir
2	Dagur Ragnarsson	2183	-6	U18	Fjölnir
3	Mikael Jóhann Karlsson	2083	27	U20	SA
4	Vignir Vatnar Stefánsson	2083	7	U12	TR
5	Jón Kristinn Þorgeirsson	2080	46	U16	SA
6	Nökkvi Sverrisson	2079	-6	U20	SFÍ
7	Örn Leó Jóhannsson	2073	7	U20	SR
8	Jón Trausti Harðarson	2051	-27	U18	Fjölnir
9	Emil Sigurðarson	1946	8	U18	SFÍ
10	Símon Þórhallsson	1879	22	U16	SA

 

Stigahæstu eldri skákmenn landsins (60+)

Friðrik Ólafsson (2459) er langstigahæsti eldri skákmaður (+60) landsins. Í næstum sætum eru Kristján Guðmundsson (2268) og Jón Kristinsson (2236).

Nr.	Name	RtgC	Diff	Tit	Club
1	Friðrik Ólafsson	2459	0	GM	TR
2	Kristján Guðmundsson	2268	-5		TV
3	Jón Kristinsson	2236	-5		SA
4	Áskell Örn Kárason	2216	18		SA
5	Jón Hálfdánarson	2187	0		TG
6	Björn Þorsteinsson	2181	0		Huginn
7	Magnús Sólmundarson	2178	0		SSON
8	Jón Torfason	2175	0		Vinaskákfélagið
9	Arnþór S Einarsson	2167	19		KR
10	Bragi Halldórsson	2132	4		Huginn

Reiknuð skákmót

• Bikarsyrpa TR nr. 1
• Bikarsyrpa TR nr. 2
• Haustmót SA (5.-9. umferð)
• Haustmót TR (a-d flokkar)
• Íslandsmót skákfélaga (1.-4. deild)
• Meistaramót Hugins (suður)
• NM grunnskólasveita 

Þór sigraði á minningarmóti Birgis Sigurðssonar

Æsir í Ásgarði tefldu í dag í minningu Birgis Sigurðssonar en Birgir lést sl. vetur 87 ára að aldri. Birgir var formaður skákfélagsins fyrstu 13 ár þessarar aldar. Finnur Kr var skákstjóri og minntist Birgis með nokkrum orðum í byrjun móts.

Sonur Birgis, Birgir Örn Birgisson, heiðraði minningu föður síns með því að mæta í Stangarhyl og leika fyrsta leikinn í skák Friðriks Sófussonar, en Friðrik er elsti félaginn í skákfélaginu og hefur teflt lengst af öllum með Birgi. Andstæðingur Friðriks í þessari fyrstu skák var Björgvin Víglundsson.

Það var mjög vel mætt á þetta mót. Þrjátíu og einn mætti til leiks og margir fyrna sterkir skákmenn.

Þór Valtýsson reyndist sterkastur í dag, hann fékk 8 vinninga af níu í fyrsta sæti, hann tapaði engri skák og gerði aðeins tvö jafntefli, við þá Björgvin Víglundsson og Jóhann Örn Sigurjónsson. Gylfi Þórhallsson varð í öðru sæti með 7½ vinning. Hann tapaði fyrir Þór og gerði jafntefli við Jóhann Örn. Sævar Bjarnason náði svo þriðja sætinu með 7 vinninga,hann tapaði fyrir þeim báðum Þór og Gylfa.

Það er svo gaman að geta þess að sumir eru að taka miklum framförum í skákinni t.d. þeir Hlynur Þórðarson, Reynir Jóhannesson og Þórir Gunnlaugsson, Þeir voru að stríða mönnum í sterkari kantinum í dag.

Sjá nánari úrslit og myndir frá ESE

Nemendur Skákskólans unnu yfirburðasigur á skákkrökkum frá Washington

Skáksveit skipuð nemendum Skákskóla Íslands háði sl. sunnudagskvöld keppni  á 14 borðum gegn  sveit ungra skákmanna frá höfuðborg  Bandaríkjanna, Washington DC. Tefld var tvöföld umferð en keppnin hófst kl. 18 og fór fram á vef ICC (Internet chess club). Alls voru 16 skákmenn kallaðir til og höfðu aðsetur sitt í tölvuveri  Rimaskóla sem Helgi Árnason skólastjóri Rimaskóla bauð fram. Yfirskrift keppninnar var: Washington gegn Stór Reykjavíkursvæðinu.  

Mótshaldið að Íslands hálfu var samvinnuverkefni Skáksambands Íslands og Skákskóla Íslands.

Tæknimálin voru í höndum Omar Salama en Helgi Ólafsson skólastjóri Skákskóla Íslands og Björn Ívar Karlsson skipulögðu keppnina að öðru leyti.  Tímamörk voru 15 5, þ.e. 15 mínútur á alla skákina að viðbættum 5 sekúndum fyrir hvern leik og lauk keppninni um kl. 20. Hugmyndin  var styrkja tengslin við Washington og er gert ráð fyrr enn frekari samskiptum þessara aðila á næstunni en litið var á viðureignina sem vináttukeppni fyrst og fremst en fyrir lá að styrkleikamunur væri nokkur á keppendum. Ísland vann þessa fyrstu viðureign með miklum yfirburðum, 22 ½ 5 ½ .

Í fyrri umferðinni höfðu íslensku krakkarnir hvítt á öllum, borðum en í þeirri seinni voru þau með svart á öllum borðum. Einstök úrslit féllu þannig: 

1. umferð:

1.    Oliver Aron Jóhannesson - James Kuang 1774 1-0
2.    Dagur Ragnarsson - Ryan Zhou 1735 1-0
3.    Jón Trausti Harðarson - Saigautam Bonam 1668 1-0
4.    Hilmir Freyr Heimisson - Brandon Ou 1652 1-0
5.    Björn Hólm Birkisson - Ashley Xing 1626 1-0
6.    Dawid Kolka - Seva Zhuravskiy 1624 1-0
7.    Bárður Örn Birkisson - Stanley Wu 1519 1 – 0
8.    Felix Steinþórsson -  Bryan Zhao 1484 ½: ½    
9.    Heimir Páll Ragnarsson - Isaac Karachunsky 1462 0-1 
10.   Óskar Víkingur Davíðsson - Philip Keisler 1460 ½: ½ 
11.   Jóhann Arnar Finnsson - Boyoung Zhao 1456 0- 1
12.   Guðmundur Agnar Bragason - Arman Parastaran 1306 1-0
13.   Þorsteinn Magnússon - Victor Bo 1006 1-0
14.   Stefán Orri Davíðsson - Adrian Kromelian 835 1-0

Úrslit fyrri umferðar: 11 - 3

2. umferð:

1.    James Kuang 1774 - Dagur Ragnarsson ½ : ½
2.    Ryan Zhou 1735 - Jón Trausti Harðarson 0-1
3.    Saigautam Bonam 1668 - Vignir Vatnar Stefánsson 0-1
4.    Brandon Ou 1652 - Hilmir Freyr Heimisson 0-1
5.    Ashley Xing 1626 - Björn Hólm Birkisson 0-1
6.    Seva Zhuravskiy 1624 - Dawid Kolka 0-1
7.    Stanley Wu 1519 - Bárður Örn Birkisson 0-1
8.    Bryan Zhao 1484 - Nansý Davíðsdóttir 0-1
9.    Isaac Karachunsky 1462 -  Felix Steinþórsson 0-1
10.    Philip Keisler 1460 - Heimir Páll Ragnarsson 1-0
11.    Boyoung Zhao 1456 - Óskar Víkingur Davíðsson 0-1
12.    Arman Parastaran 1306 - Jóhann Arnar Finnsson 0-1
13.    Victor Bo 1006 -  Guðmundur Agnar Bragason 1-0
14.    Adrian Kromelian 835 - Þorsteinn Magnússon 0-1

Úrslit seinni umferðar: 11 ½ : 2 ½

Samtals:  22 ½ : 5 ½

 

Myndaalbúm (Helgi Árnason og Erla Hlín) 

 

Atskákmót Víkingaklúbbsins fer fram á fimmtudag

Atkvöld Víkingaklúbbsins verður haldið fimmtudaginn 27. nóvemer í Víkinni Víkingsheimilinu og hefst taflið kl 20.00.  Tefldar verða sex umferðir með 11. mínútna umhugsunartíma.  Sigurvegari mótsins hlýtur titilinn Atskákmeistari Víkingaklúbbsins 2014.  Þátttaka er ókeypis.  

 

Mótið verður reiknað til alþjóðlegra atskákstiga, en þetta er jafnframt fyrsta skipti sem teflt er 11. mínútna skákir í Víkinni.  Núverandi atskákmeistari Víkingaklúbbsins er Davíð Kjartansson.

 

Mótið 2013 hér:
Mótið 2012 hér:

Jólamót TR og SFS fer fram á sunnudag og mánudag

Yngri flokkur (1. - 7. bekkur)

Keppnisstaður: Taflfélag Reykjavíkur, Faxafeni 12

Keppt verður í stúlkna og drengja flokkum (opnum flokkum). Heimilt er að senda A, B, C o.s.frv. stúlknasveitir og A, B, C o.s.frv. drengjasveitir. Í hverri sveit eru 4 keppendur og 0-2 til vara.
Í yngri flokki verður keppt í tveimur riðlum sunnudaginn 30. nóvember.

Suður riðill hefur keppni kl. 10.30 (sjá skóla hér að neðan)
Norður riðill hefur keppni kl. 14.00 (sjá skóla hér að neðan)
Tefldar verða 6 umferðir (hraðmót) eftir Monrad kerfi. Umhugsunartími: 10 mín. á skák. Þátttökurétt hafa börn úr grunnskólum Reykjavíkur í 1.-7. bekk. Mikilvægt er að liðsstjóri fylgi liðum hvers skóla. Verðlaunaafhending verður að lokinni keppni.

Tvær efstu sveitir í hvorum riðli munu keppa til úrslita við sveitirnar úr hinum riðlinum um þrjú efstu sætin mánudaginn 1. desember kl. 17:00.

Eldri flokkur (8. - 10. bekkur).

Keppnisstaður: Taflfélag Reykjavíkur, Faxafeni 12

Keppt verður í stúlkna og drengja flokkum (opnum flokkum). Heimilt er að senda A, B, C o.sfrv. stúlknasveitir og A, B, C o.s.frv. drengjasveitir. Í hverri sveit eru 4 keppendur og 0-2 til vara.

Keppni í eldri flokki verður mánudaginn 1. desember kl. 17:00. Tefldar verða 6 umferðir (hraðmót) eftir Monrad kerfi.

Umhugsunartími: 15. mín. á skák. Þátttökurétt hafa unglingar úr grunnskólum Reykjavíkur í 8.-10. bekk. Verðlaunaafhending verður að lokinni keppni.

Þátttaka í báða flokka tilkynnist til skrifstofu Skóla- og frístundasviðs Reykjavíkur eigi síðar en föstudaginn 28. nóvember. Ekki verður hægt að skrá lið á mótsstað.
Skráning sendist á netfang: [e-mail]

Taflfélag Reykjavíkur og Skóla- og frístundasvið Reykjavíkurborgar vonast til að sem flestir þessara skóla sjái sér fært að senda sveitir til leiks á eitt af skemmtilegustu mótum vetrarins!

Skipting í riðla yngri flokks

Yngri flokkur – Suður riðill (kl. 10.30):

Ártúnsskóli - Breiðagerðisskóli - Breiðholtsskóli - Brúarskóli - Fellaskóli - Fossvogsskóli - Grandaskóli - Háaleitisskóli - Hagaskóli - Háteigsskóli - Hlíðaskóli - Hólabrekkuskóli - Hraunkot - Klettaskóli - Melaskóli - Norðlingaskóli - Réttarholtsskóli - Selásskóli - Seljaskóli - Suðurhlíðarskóli - Ölduselsskóli

Yngri flokkur – Norður riðill (kl. 14:00):

Árbæjarskóli - Austurbæjarskóli - Dalsskóli - Foldaskóli - Hamraskóli - Húsaskóli Ingunnarskóli - Ísaksskóli - Kelduskóli - Klébergsskóli - Landakotsskóli - Langholtsskóli - Laugalækjaskóli - Laugarnesskóli - Rimaskóli - Sæmundarskóli - Vættaskóli - Vesturbæjarskóli - Vogaskóli

Minningarmót um Birgi Sigurðsson fer fram á morgun

Á morgun, þriðjudag, tefla Ásar í minningu Birgis Sigurðssonar fyrrverandi formanns félagsins. Hann lést sl. vetur 87 ára að aldri. Teflt er í Stangarhyl 4

Tefldar verða níu umferðir með 10 mínútna umhugsunartíma.

Allir skákmenn 60+ velkomnir til leiks. Mótið byrjar á mínútunni kl. 13.00. Teflt verður um nýjan verðlaunagrip.

Skákþáttur Morgunblaðsins: Hvar varst þú þegar MC lék 26. Kd2?

Möguleikar Magnúsar Carlsen á að verja heimsmeistaratitilinn stórjukust á laugardaginn þegar hann vann sjöttu skákina í einvíginu um heimsmeistaratitilinn. Skákin er þegar orðin fræg vegna ótrúlegrar yfirsjónar Magnúsar sem gaf Anand kost á að knýja fram auðunnið endatafl með sáraeinfaldri leikfléttu. Blaðamannafundur eftir skákina snerist eingöngu um þessa tvo afleiki og stórmeistararnir sátu fyrir svörum eins og sakborningar við réttarhöld – en gáfu báðir svipaða skýringu; Magnús kvaðst hafa séð mistökin undir eins og hann lék 26. Kd2 og Anand, sem lék 26.... a4 þegar í stað, sá einnig um leið að tækifæri til að vinna skákina og ná forystu í einvíginu hafði þá gengið honum úr greipum. Einn skákskýrandi, rússneski stórmeistarinn Peter Svidler, taldi líklegt að erfitt myndi reynast fyrir Anand að losa sig við stöðuna eftir 26. Kd2 úr kollinum og viðmælandi hans, Vladimir Kramnik, tók í sama streng.

Samfélagsmiðlar loguðu þegar Magnús var sleginn þessari skákblindu og eitt skemmtilegasta „tístið“ kom frá einum landa hans sem kvaðst ætla að panta nokkra boli með áletruninni : „Hvar varst þú þegar MC lék 26. Kd2?“

Garrí Kasparov taldi að þarna hefðu sést einhverjir mestu afleikir í sögu heimsmeistaraeinvígja og vissulega er hægt að rifja upp nokkra slíka, úr 11. skák hans við Karpov 1985, 14. skák Fischers og Spasskís 1992, 9. skák Tals og Botvinniks 1960, 6. skák Bronsteins og Botvinniks 1951, 57. Kc2 og þannig mætti lengi telja. En munurinn er þó sá að í þessum tilvikum lét refsingin ekki á sér standa, slagkraftur bestu skákmanna heims lét ekki að sér hæða en að Anand skuli hafa misst af 26.... Rxe5 er til vitnis um þá gríðarlegu taugaspennu sem fylgir einvíginu. Magnús kvaðst hafa verið undir áhrifum þessarar yfirsjónar lengi vel meðan á skákinni stóð og ekki teflt sem best. Anand taldi líklegt að vitneskjan um afleikinn hefði truflað sig mikið og hann tók nokkrar kolrangar ákvarðanir í teflanlegri stöðu og tapaði í aðeins 38 leikjum:

6. einvígisskák:

Magnús Carlsen – Wisvanathan Anand

Sikileyjarvörn

1. e4 c5 2. Rf3 e6 3. d4 cxd4 4. Rxd4 a6 5. c4 Rf6 6. Rc3 Bb4 7. Dd3!?

Leynivopn Magnúsar sem ákvað að láta reyna á hæfni sína í opnu Sikileyjarvörninni. Algengara er 7. e5 Re4 8. Dg4 með flókinni stöðu.

7. ... Rc6 8. Rxc6 dxc6 9. Dxd8+ Kxd8 10. e5 Rd7 11. Bf4 Bxc3+ 12. bxc3 Kc7 13. h4 b6 14. h5 h6 15. O-O-O Bb7 16. Hd3 c5 17. Hg3 Hag8 18. Bd3 Rf8 19. Be3 g6 20. hxg6 Rxg6 21. Hh5 Bc6 22. Bc2 Kb7 23. Hg4 a5 24. Bd1 Hd8 25. Bc2 Hdg8

Hvítur er búinn að byggja þunga pressu en góð áætlun til að þróa stöðuna liggur ekki á lausu, 26. Kd1 má svara með 26.... Re7 og Magnús þekkir manna best mikilvægi virkrar stöðu kóngsins í endatafli og lék:

26. Kd2??

Hér kemur afleikurinn. Magnús var skelfingu lostinn þegar hann sleppti kónginum en lét á engu bera.

26.... a4??

„Ég átti ekki von á neinum gjöfum,“ sagði Anand eftir skákina. En hann lék of hratt. Svarta staðan er auðunnin eftir 26.... Rxe5! 27. Hxg8 Rxc4+ 28. Kd3 Rb2+! 29. Ke2 Hxg8 o.s.frv.

27. Ke2 a3 28. f3 Hd8? 29. Ke1 Hd7 30. Bc1 Ha8 31. Ke2 Ba4 32. Be4+ Bc6

Það er erfitt að skýra þá ákvörðun Anands að láta liðsaflann á kóngsvæng lönd og leið með öðru en að vísa í bjánahrollinn sem hlýtur að hafa gripið hann eftir 26. leikinn.

33. Bxg6 fxg6 34. Hxg6 Ba4 35. Hxe6 Hd1 36. Bxa3 Ha1 37. Ke3 Bc2 38. He7+

- og Anand gafst upp, 38.... Kc8 39. Hxh6 hótar máti borðinu og 38.... Ka6 39. Hxh6 hótar 40. Bxc5.

Staðan: Magnús Carlsen 3 ½ : Wisvanathan Anand 2 ½. 

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 17. nóvember

Skákþættir Morgunblaðsins

Hraðkvöld hjá Hugin í kvöld

Hraðkvöld Hugins verður mánudaginn 24. nóvember nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hugins í Álfabakka 14a í Mjóddinni. Í vetur verða svo hraðkvöldin fyrsta og síðasta mánudaga í hverjum mánuði að desember undanskildum og þegar mánudag ber upp á stórhátíð.

Sigurvegarinn á hraðkvöldinu fær í verðlaun máltíð fyrir einn á Saffran eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Björgvin og Guðmundur Íslandsmeistarar eldri skákmanna

Þetta fyrsta Íslandsmót í eldri aldursflokkum 50+ og 65+, sem nýlokið er, tókst vel að flestra mati og umgerð þess glæsileg. Teflt var í Hásölum Strandbergs,safnaðarheimili Hafnarfjarðarkirkju, þar sem RIDDARINN, skákklúbbur eldri borgara hefur aðsetur, en framkvæmd mótsins var að mestu á hans vegum hans í góðu samstarfi við Skáksamband Íslands. Mótið fékk góða kynningu og var baksíða Morgunblaðsins daginn áður helguð því og á  sem slíkt vafalítið eftir að fara sögunnar spjöld.

Einar S. Einarsson var mótsstjóri, en þeir Ólafur Ásgrímsson og Páll Sigurðsson skákstjórar og dómarar. Sr. Jón Helgi Þórarinsson, sóknarprestur, setti mótið með stuttu ávarpi og minnist um leið 100 ára afmælis kirkjunnar í ár, lýsti ánægju með að mótið væri liður í viðburðum því tengdu og bæri undirheitið Strandbergsmótið í skák, sem skákhátíðin Æskan og Ellin bar áður. Sverrir Gunnarsson, 87 ára, heiðursriddari, lék fyrsta leikinn fyrir Björgvin Víglundsson, sem í framhaldi þar af gerði sér lítið fyrir og vann sér Íslandsmeistaranafnbót í flokki 65 ára og eldri.  Sportvörubúðin JÓI ÚTHERJI gaf alla verðlaunagripi og tvo útskorna farandgripi fyrir framtíðina.  

Segja má að þetta mót brjóti í blað í skáksögulegu tilliti þegar tveir nýir flokkar eru opnaðir til keppni um Íslandsmeistaratitla sem hluti af rótgrónu Skákþingi Íslands. Það fer vissulega sérstaklega vel á því að efna til slíks móts fyrir eldri skákmenn, einkum í öldungaflokki 65+, sem er löngu tímabært. Þar er um að ræða hóp ástríðuskákmanna frá fornu fari sem helga skákinni tíma sinn og tómstundir í ellinni og fengu þarna loks tækifæri til að keppa sína á milli á alvörumóti. Taflmennskan í klúbbum þeirra er meira og minna í æfingaskyni, þeim til ánægju- og yndisauka sem á félagslegum nótum, þó jafnan sé þar hart vegist á. Hvað mótsfyrirkomulagið varðar má segja að það hafi borið merki þess að vera í mótun og má vafalítið endurbæta í framtíðinni. Þátttaka Akureyringanna tveggja bjargaði því að mótið gat staðið undir nafni sem Íslandsmót.

Fyrir utan Íslandsmeistaratitilinn voru einnig veitt verðlaun í þremur aldurflokkum, 70 ára +, sem féllu Þór Valtýssyni í skaut, 75 ára + sem Sigurður E. Kristjánsson nældi sér í (sjónarmun á stigum á undan greinarhöfundi  og 80 ára+ sem Páll G. Jónsson var vel að kominn.

Dræm þátttaka og slæm forföll á síðustu stundu setti mark sitt á mótið „ungmennaflokknum“ 50+ þó Íslandsmeistarinn nýbakaði Guðmundur S. Gíslason sé vel að sínum titli kominn. Varaforseti SÍ Pálmi R. Pétursson, sem hafði hlaupið í skarðið til að vaka yfir mótinu í fjarveru GB smellti sér í taflmennskuna og minnstu munaði að hann hreppti titilinn. Var þó feginn að þurfa ekki að sæma sig honum sjálfur  en var vel að silfurverðlaunum sínum kominn. Allir tefldu við alla vegna fámennis.  Þátttaka Ísfirðingsins bjargaði því líka að mótið gæti í raun kallast landsmót.  Ekki sjálfgefið að halda þessi mót samtímis eða blanda þeim saman í framtíðinni, nema þátttaka verði þeim mun betri og almennari. Vert væri að veita Íslandsmeisturunum í báðum flokkum brautargengi til þátttöku Evrópu- og  heimsmeistaramótum eldri skákmóta – senior tournaments, sem haldin eru árlega.

Meðf. mótstöflurnar segja  svo sína sögu um heildarúrslit sem má líka finna á Chess-Results hér (65+) og hér (50+).  Einnig fylgir yfirgripsmikil myndasyrpa af vettvangi sem segir meira en mörg orð um spennuþrungið mót og glæsilega umgjörð þess.  /ESE