Frábær frammistaða Áskels á HM öldunga

Áskell Örn Kárason (2220) stóð sig frábærlega á HM öldunga (60+) sem lauk í dag í Rijeka í Króatíu. Áskell hlaut 7 vinninga í 11 skákum og var um tíma afar nærri áfanga að alþjóðlegum meistaratitli.

Í tíundu og næstsíðustu umferð tapaði hann fyrir rúmenska stórmeistaranum Mihai Suba (2413) í æsispennandi skák en í lokaumferðinni gerði hann jafntefli við danska FIDE-meistarann Jörn Sloth (2338).

Áskell endaði í 17.-36. sæti (18. á stigum). Frammistaða Áskels samsvaraði 2388 skákstigum og hækkar hann um heil 38 stig fyrir hana.

Gunnar Finnlaugsson (2082) hlaut 5,5 vinning og endaði í 91.-119. sæti. Hann hækkar lítilsháttar á stigum eða um 2 stig.

Franski stórmeistarinn Anatoly Vaisser (2523) er heimsmeistari öldunga. Hann kom jafn í mark og fráfarandi heimsmeistari öldunga Jens Kristiansen (2407) en fékk titilinn eftir stigaútreikning.

• Heimasíða mótsins
• Chess-Results
• Beinar útsendingar (hefjast flestar kl. 15)

Lærum að tefla kynnt á Bókamessu í Ráðhúsin í dag á milli 12 og 18

Helgina 23.-24. nóvember verður haldin Bókamessa í Ráðhúsinu. Opnunartími 12 - 18 báða dagana.

Bókabeitan verður með þar með bás og kynnir útgáfu sína sem miðast öll að börnum og unglingum. Þar verður meðal annars á góðu tilboði nýja skákbókin: Lærum að tefla. Tilvalið að koma og ná sér í eintak á góðu verði - annaðhvort til heimilisnota eða gjafa.

http://www.bokabeitan.is/utgafa/laerum-ad-tefla-2/

Hermann sigraði á 15 mínútna móti GM Hellis

Hermann Aðalsteinsson vann sigur á 15 mín skákmóti GM-Hellis sem fram fór í gærkvöldi á Laugum. Hermann gerði jafntefli við Jakob Sævar Sigurðsson en vann allar aðrar skákir. Jakob Sævar varð annar og Smári bróðir hans þriðji. Eyþór Kári Ingólfsson vann sigur í flokki 16 ára og yngri, enda eini keppandinn í þeim flokki.

         Jakob Sævar, Hermann, Smári og Eyþór fremstur. 

Lokastaðan:

1. Hermann Aðalsteinsson    5,5 af 6
2. Jakob Sævar Sigurðsson  4,5
3. Smári Sigurðsson            4
4. Hlynur Snær Viðarsson     2,5
5. Sigurbjörn Ásmundsson    2
6. Ævar Ákason                   1,5
7. Eyþór Kári Ingólfsson       1

Lærum að tefla kynnt á Bókamessu um helgina

Helgina 23.-24. nóvember verður haldin Bókamessa í Ráðhúsinu. Opnunartími 12 - 18 báða dagana.

Bókabeitan verður með þar með bás og kynnir útgáfu sína sem miðast öll að börnum og unglingum. Þar verður meðal annars á góðu tilboði nýja skákbókin: Lærum að tefla. Tilvalið að koma og ná sér í eintak á góðu verði - annaðhvort til heimilisnota eða gjafa.

http://www.bokabeitan.is/utgafa/laerum-ad-tefla-2/

Grænlandsdagur Hróksins í Kringlunni á sunnudag: Gjöfum safnað fyrir börn á Grænlandi

Í tilefni af ferð Hróksins til Upernavik á Grænlandi, sem kallaður hefur verið ,,gleymdi bærinn" verður haldinn Grænlandsdagur í Kringlunni á sunnudag milli klukkan 14 og 16, fyrir framan verslun 66°Norður. Þar munu liðsmenn Hróksins kynna starf sitt á Grænlandi og taka við gjöfum til grænlenskra barna.

Á mánudag halda Hróksmenn til Nuuk með Flugfélagi Íslands og þaðan liggur leiðin á 72. breiddargráðu til bæjarins Upernavik, sem telur um 1200 íbúa. Í grennd við Upernavik eru 10 smáþorp og er ætlunin að heimsækja sum þeirra. Efnt verður til allsherjar skák- og tónlistarhátíðar í Upernavik, og er hátíðin tileinkuð minningu Hermanns Gunnarssonar, sem var ástríðufullur skákmaður og mikil hjálparhella Hróksins gegnum árin. Verndari hátíðarinnar í Upernavik er Jóhanna Kristjónsdóttir, sem hefur frá upphafi stutt starf Hróksins á Grænlandi í orði og verki.

Hróksmenn biðla nú til almennings og Íslandsvina að mæta í Kringluna á sunnudag, bæði til að kynnast starfinu á Grænlandi og eins að færa börnunum þar gjafir í tilefni jólanna. Sérstaklega er óskað eftir gjöfum sem hvorki eru plássfrekar eða þungar; til dæmis vettlingum, treflum, húfum, litabókum, litum og öðru skemmtilegu dóti, sem gleða mun hjörtu barnanna í ,,gleymda bænum". Hægt er að kaupa vandaðar vetrarvörur í verslun 66° Norður, sem er einn helsti bakhjarl leiðangursins, en heimaunnar hannyrðir eru líka þegnar með þökkum, sem og aðrar gjafir sem gefnar eru í þágu þessa góða málstaðar.

Hrókurinn hefur nú í 11 ár unnið að útbreiðslu skákarinnar á Grænlandi og farið um 30 ferðir til að kynna þessa þjóðaríþrótt Íslendinga. Markmið frá upphafi hefur jafnframt verið að auka vináttu og samvinnu grannþjóðanna á sem flestum sviðum.

Þau sem eiga ekki heimangengt, en eru í aðstöðu til að leggja málefninu lið geta lagt inn á söfnunarreikning Hróksins í Íslandsbanka, 513-26-1188, kennitala 6201022880.

Magnus Carlsen nýr heimsmeistari í skák!

 

Magnus Carlsen (2870) er nýr heimsmeistari í skák! Það er ljóst eftir að tíundu skák heimsmeistaraeinvígisins lauk með jafntefli. Carlsen hafði hvítt og tefld var Sikileyjarvörn. Skákin var spennandi en samið var jafntefli eftir 65 leiki í sviptingarsamri skák. Öruggur sigur, 6,5-3,5, þar með í höfn. Magnús er þar sextándi "óumdeildi" heimsmeistarinn í skák.

 

Hann er jafnframt sá næstyngsti í sögunni og fyrsti Norðurlandabúinn. 

• Bein útsending á vefsíðu mótsins
• Verdens Gang
• Chessbomb

Umfjöllun Aftenposten um einvígi aldarinnar og Bobby Fischer

Í byrjun heimsmeistaraeinvígisins var ítarleg umfjöllun um Bobby Fischer og einvíg aldarinnar í Höllinni í Aftenposten. Ítarlegt viðtal var við Helga Ólafsson.

Umfjöllunin má minna í fjórum PDF-skjölum sem fylgja með fréttinni.

 

Skrár tengdar þessari bloggfærslu:

• Fischer-1
• Fischer-2
• Fischer-3
• Fischer-4

Jón Árni og Siguringi efstir á Skákþingi Garðabæjar

Jón Árni Halldórsson (2193) og Siguringi Sigurjónsson (1964) eru efstir og jafnir með 4 vinninga að lokinni fimmtu umferð Skákþings Garðabæjar sem fram fór í gærkveldi. Töluvert er um frestaðar skákir og gæti forystusauðunum fjölgað.

Mótstöflu a-flokks má finna á Chess-Results.  

Þorsteinn Magnússon (1286), Brynjar Bjarkason (1179) og Kári Georgsson (1047) eru efstir og jafnir í b-flokki með 4 vinninga.

Mótstöflu b-flokks má finna á Chess-Results.

• Heimasíða TG
• Chess-Results

Ingimundur atskákmeistari SSON

Ingimundur Sigurmundsson varð atskáksmeistari SSON sl. miðvikudag. Eftir mótið sjálft voru þeir Ingimundur og Úlfhéðinn Sigurmundssynir efstir og jafnir ásamt Björgvini Smára með 4,5 vinninga úr 6 skákum. Gripið var til þess ráðs að tefla 2x5 mín. hraðskák til að knýja fram úrslit og vann Ingimundir þá rimmu með fullu húsi og tryggði sér atskáksmeistaratitilinn. Óskum við Ingimundi til hamingju með sannfærandi sigur þar sem hann vann bæði Björgvin og Úlfhéðinn í mótinu sjálfu en tapaði reyndar óvænt fyrir Erlingi Atla. 

Lærum að tefla kynnt í Ráðhúsinu um helgina

Helgina 23.-24. nóvember verður haldin Bókamessa í Ráðhúsinu. Opnunartími 12 - 18 báða dagana.

Bókabeitan verður með þar með bás og kynnir útgáfu sína sem miðast öll að börnum og unglingum. Þar verður meðal annars á góðu tilboði nýja skákbókin: Lærum að tefla. Tilvalið að koma og ná sér í eintak á góðu verði - annaðhvort til heimilisnota eða gjafa.

http://www.bokabeitan.is/utgafa/laerum-ad-tefla-2/