Tölvuteksmótið - Haustmót TR hófst í dag

Tölvuteksmótið - Haustmót TR hófst í dag.  Jón Viktor Gunnarsson (2410), Lenka Ptácníková (2264), Sævar Bjarnason (2090) og Jóhann H. Ragnarsson (2081) hófu a-flokk með sigri.  Sævar Bjarnason vann Gylfa Þórhallsson (2156) í skák virkustu skákmanna landsins!

Töluvert var um óvænt úrslit í c-flokki en þar unnu hinir stigalægri hina stigahærri á 4 af 5 efstu borðunum.

Úrslit fyrstu umferðar í a-flokki:

Bo.	Rtg	Name	Result	Name	Rtg
1	2305	Jensson Einar Hjalti	fr.	Karlsson Mikael Jóhann	1933
2	2081	Ragnarsson Jóhann Hjörtur	1 - 0	Maack Kjartan	2132
3	2090	Bjarnason Sævar Jóhann	1 - 0	Þórhallsson Gylfi Þór	2156
4	2154	Björnsson Sverrir Örn	0 - 1	Gunnarsson Jón Viktor	2410
5	2264	Ptácníková Lenka	1 - 0	Ómarsson Daði	2206

B-flokkur:

Hinir stigahærri unnu almennt hina stigalægri.  Úrslit má nálgast á Chess-Results

C-flokkur:

Mikið var um óvænt úrslit í c-flokki en Bjarnsteinn Þórsson (1335), Felix Steinþórsson (1279), Jakob Alexander Petersen (1241) og Heimir Páll Ragnarsson (1100) unnu allir mun stigahærri andstæðinga.  Sjá nánar á Chess-Results.

• Heimasíða TR
• Chess-Results
• Myndaalbúm (GB)

Henrik sigurvegari Skovbo-mótsins

Stórmeistarinn Henrik Danielsen (2509) sigraði á Skovbo-mótinu sem lauk í dag í Borup í Danmörku.  Henrik vann Svíann Philipp Lindgren (2256) í níundu og síðustu umferð en í gær vann hann þýska stórmeistararnn Vitaly Kunin (2511) og danska alþjóðlega meistarann Andreas Skytte Hagen (2422). 

Henrik hlaut 8 vinninga í 9 skákum og samsvarar árangur hans 2780 skákstigum og hækkar hann um heil 22 stig fyrir frammistöðu sína.

72 skákmenn tóku þátt í mótinu og þar af voru 6 stórmeistarar.  Henrik var nr. 5 í stigaröð keppenda. 

• Heimasíða mótsins
• Beinar útsendingar

Sigurður Daði sigurvegari Framsýnarmótsins

FIDE-meistarinn Sigurður Daði Sigfússon (2341) sigraði með fullu húsi í sex skákum á Framsýnarmótinu sem fram fór um helgina á Húsavík.   Einar Hjalti Jensson (2305) varð annar með 5 vinninga en Kristján Eðvarðsson (2224) og Jón Kristinn Þorgeirsson (1752) urðu í 3.-4. sæti með 4 vinninga.

Lokastaðan:

 

Rk.	Name	Rtg	Pts.
1	Sigfusson Sigurdur Dadi	2341	6
2	Jensson Einar Hjalti	2305	5
3	Edvardsson Kristjan	2224	4
4	Thorgeirsson Jon Kristinn	1752	4
5	Sigurdsson Smari	1671	3,5
6	Sigurdarson Tomas Veigar	1978	3,5
7	Bjorgvinsson Andri Freyr	1612	3
8	Arnarson Sigurdur	2061	3
9	Hallgrimsson Snorri	1326	3
10	Akason Aevar	1453	3
11	Sigurdsson Jakob Saevar	1762	2,5
12	Thorhallsson Simon	1447	2,5
13	Adalsteinsson Hermann	1349	2
14	Karlsson Sighvatur	1318	2
15	Helgason Arni Gardar	0	1

 

• Heimasíða Goðans
• Chess-Results

Friðrik Ólafsson á faraldsfæti: Skákhátíðir í þremur löndum

Friðrik Ólafsson, fyrsti stórmeistari Íslendinga, lætur ekki deigan síga í þjónustu skákgyðjunnar, þótt hann sé nú á 78. aldursári. Í lok ágúst tók hann þátt í skemmtilegri skákhátíð í Dresden í Þýskalandi, en þangað var boðið öllum stórmeisturum 75 ára og eldri.

Í þeim hópi voru mörg kunnugleg nöfn úr skáksögunni, kempur á borð við Mark Taimanov, Júrí Averbach, Wolfgang Uhlman og Evgení Vasjúkov. Ríkulega myndskreytta frásögn af hátíðinni í Dresden er að finna hér.

Friðrik segir að sérlega ánægjulegt hafi verið að taka þátt í hátíðinni í Þýskalandi:

,,Það var mjög gaman að hitta þarna kollega sína frá fyrri tíð og endurnýja kynnin. Þessi skákhátíð verður svo endurtekin á næsta ári í ágúst og þá vonast mótshaldarar til að þátttakendur verði fleiri."

Næst heldur Friðrik til keppni á minningarmóti um Bent Larsen í Álaborg, 15.-21. október. Bent Larsen (1935-2010) og Friðrik voru keppinautar í áratugi, og háðu söguleg einvígi á sjötta áratugnum, sem vöktu skákbylgju um allt land.

Dagana 7.-16. desember tekur Friðrik svo þátt í skákmóti í Podebrady í Tékklandi, en þar var m.a. haldið sterkt skákmót á árinu 1936 með þátttöku Alexanders Alekhines og Salo Flohrs. Þetta er mót með sama sniði og undanfarin ár í Marianske Lazne, en þar mæta gamlar kempur ungum og efnilegum skákkonum. Gaman að verður að fylgjast með þeirri viðureign, enda stór nöfn í báðum liðum, og Friðrik hlakkar til hólmgöngunnar:

,,Með mér  í liði verða Viktor Korchnoi, Vlastimil Hort og Oleg Romanishin. Í sveit skákdrottninganna verða Valentina Gunina, Alina Kashlinska og Kristyna Havlikova, nafnið vantar á þeirri fjórðu. Það er eins gott að maður fái sér smá æfingu í Álaborg áður en gengið er á hólm við þessar valkyrjur!"

Friðrik tók um síðustu helgi þátt í málþingi sem haldið var í tilefni þess að 40 ár eru liðin frá Einvígi aldarinnar í Laugardalshöll.

,,Mér fannst málþingið á laugardaginn takast vel og margt áhugavert koma þar fram. Það gladdi mig hversu margir komu til mín að málþinginu loknu til að þakka mér fyrir mitt innlegg. Þetta var frábær dagur fyrir skákina og þá sérstaklega æskulýðsstarfið sem er greinilega að bera ávöxt."
 

Tölvuteksmótið - Haustmót TR hefst kl. 14

Tölvuteksmótið - Haustmót TR hefst kl. 14 í dag.   Skipting í a- og b-flokka sem og pörun liggur fyrir.  Hægt er að fylgjast með skákum a-flokks í beinni útsendingu.

• Heimasíða TR
• Beinar útsendingar
• Chess-Results

Tölvuteksmótið - Haustmót TR hefst í dag

Tölvuteksmótið 2012 - Haustmót Taflfélags Reykjavíkur hefst sunnudaginn 23. september kl.14.

Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga hefð fyrir hinu vinsæla Haustmóti og er það flokkaskipt og öllum opið.

Teflt er í félagsheimili Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum. Alls verða tefldar 9 skákir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er tefldar níu umferðir eftir svissnesku kerfi.

Skráning fer fram á heimasíðu T.R.

Hægt er að fylgjast með skráningu hér.

Skráningu í alla lokaða flokka lýkur laugardaginn 22. september kl. 18.

Skákmeistari Taflfélags Reykjavíkur síðustu tveggja ára er Guðmundur Kjartansson.

 

Dagskrá:

1. umferð: Sunnudag 23. september kl.14.00
2. umferð: Miðvikudag 26. september kl.19.30

3. umferð: Föstudag 28. september kl.19.30
4. umferð: Sunnudag 30. september kl.14.00

5. umferð: Miðvikudag 3. október kl.19.30

---Hlé vegna Islandsmóts skákfélaga---

6. umferð: Miðvikudag 10. október kl.19.30
7. umferð: Föstudag 12. október kl.19.30
8. umferð: Sunnudag 14. október kl. 14.00
9. umferð: Miðvikudag 17. október. kl.19.30

Verðlaun í A-flokki:
1. sæti kr. 100.000
2. sæti kr. 20.000 auk spjaldtölvu frá Tölvutek
3. sæti kr. 10.000 auk spjaldtölvu frá Tölvutek
4. og 5. sæti ókeypis í Skákþing Reykjavíkur 2013

Verðlaun í B-flokki:
1. sæti kr. 20.000
2.og 3. sæti ókeypis í Skákþing Reykjavíkur 2013

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2013

Verðlaun í opnum flokki:

1. sæti kr. 10.000
2. og 3. sæti ókeypis í Skákþing Reykjavíkur 2013

Ef fleiri lokaðir flokkar bætast við, verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur jafnir að vinningum ræður stigaútreikningur lokasæti - verðlaunum er ekki skipt.

Tímamörk:

1 klst. og 30 mín. + 30 sek. á leik.

Þátttökugjöld:

3500 kr. fyrir félagsmenn T.R. 16 ára og eldri (4000 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

 

Þakkir til þeirra sem unnu við afmælismót aldarinnar

Fjölmargir einstaklingar, félög og fyrirtæki gerðu okkur kleift að halda glæsilega skákhátíð í Laugardalshöll 15. september sl. þar sem Einvígis aldarinnar var minnst með málþingi og haldið Afmælismót aldarinnar þar sem 250 börn og tugir skákmanna 60 ára og eldri tóku þátt.

Reykjavíkurborg stóð að mótshaldinu í samvinnu við Skáksambandið, taflfélögin í Reykjavík og Skákakademíuna sem annaðist skipulagningu og framkvæmd.

Eftirtöldum einstaklingum er þakkað fyrir hlutdeild í frábærri hátíð.

• Andrea Margrét Gunnarsdóttir varaforseti Skáksambandsins, rótari
• Andrei Melnikov rússneska sendiráðinu, ávarp á málþingi
• Arnar Valgeirsson VIN, rótari
• Áróra Hrönn Skúladóttir Helli, rótari
• Birgir Bárðarson Laugardalshöll, skipulag og umsjón
• Birna Halldórsdóttir TR, veitingar
• Björn Ívar Karlsson Skákakademíunni, skákstjórn, rótari
• Björn Jónsson TR, skákstjórn, rótari
• Björn Þorfinnsson Víkingaklúbbnum, kynnir
• Daði Ómarsson TR, skákstjórn, rótari
• Diljá Ámundadóttir borgarfulltrúi, fulltrúi í undirbúningsnefnd
• Donika Kolica TR, rótari
• Eiríkur Björnsson TR, rótari
• Elín Nhung TR, rótari
• Eric Green bandaríska sendiráðinu, ávarp á málþingi
• Erla Hjálmarsdóttir Helli, umsjón með barnahorni
• Finnur Kr. Finnsson Æsi, rótari
• Friðrik Ólafsson stórmeistari, erindi á málþingi
• Guðfríður Lilja Grétarsdóttir fv. forseti SÍ, stjórn málþings
• Guðmundur Kristinn Lee Skákfélagi Íslands, skákstjórn, rótari
• Gunnar Björnsson forseti SÍ, fulltrúi í undirbúningsnefnd, skákstjórn, rótari
• Gunnar Friðrik Ingibergsson Víkingaklúbbnum, skákstjórn, rótari
• Gunnar Freyr Rúnarsson Víkingaklúbbnum, fulltrúi í undirbúningsnefnd
• Helgi Ólafsson stórmeistari, fulltrúi í undirbúningsnefnd, erindi á málþingi
• Hildur L. Viggósdóttir, Reykjavíkurborg, skipulagning
• Hrafn Jökulsson Vin, fulltrúi í undirbúningsnefnd, ljósmyndir, rótari
• Inga Birgisdóttir SSON, rótari
• Ingi Tandri Traustason VIN, skákstjórn, rótari
• Jón Óskar Gráa kettinum, hönnun
• Kjartan Magnússon borgarfulltrúi, formaður undirbúningsnefndar, ávarp á málþingi
• Ólafur Ásgrímsson TR, veitingar
• Óttarr Ólafur Proppé borgarfulltrúi, fulltrúi í undirbúningsnefnd, ávarp á málþingi
• Paul Frigge Helli, rótari
• Páll Sigurðsson TG, skákstjórn
• Pálmi Pétursson Goðinn-Mátar, rótari
• Ragnheiður Georgsdóttir Bakarameistaranum, kleinur
• Ragnheiður Sigurðardóttir Helli, rótari
• Ragnheiður Stefánsdóttir Reykjavíkurborg, skipulag og umsjón
• Róbert Lagerman VIN, fulltrúi í undirbúningsnefnd, skákstjórn
• Stefán Bergsson Skákakademíunni, fulltrúi í undirbúningsnefnd, mótsstjóri
• Sigurlaug Regína Friðþjófsdóttir TR, fulltrúi í undirbúningsnefnd, skákstjórn, rótari
• Sóley Tómasdóttir borgarfulltrúi, fulltrúi í undirbúningsnefnd
• Steinþór Baldursson Helli, rótari
• Vigfús Óðinn Vigfússon Helli, fulltrúi í undirbúningsnefnd, skákstjórn, rótari
• Þorsteinn Guðlaugsson Æsi, rótari
• Þorsteinn Þorsteinsson RÚV, kynningarefni

Og fleiri til....

Skákmót í Vin á mánudaginn til heiðurs Finni Kr. Finnssyni

Hraðskákmót verður haldið í Vin, Hverfisgötu 47, á mánudaginn kl. 13 til heiðurs Finni Kr. Finnssyni félagsmálafrömuði með meiru. Mótið er jafnframt Haustmót Skiákfélags Vinjar og markar upphafið að kraftmiklu vetrarstarfi.

Skákmótin í Vin njóta mikilla vinsælda meðal skákmanna, enda ríkir þar einstaklega góður andi. Haustmótið er tileinkað Finni Kr. sem um árabil hefur unnið mikið og óeigingjarnt starf við uppbyggingu skáklífs, og er nú einn burðarása í Skákfélaginu Æsir, sem er Skákfélag eldri borgara.

Veitt verða ýmis verðlaun á mótinu á mánudaginn. Tefldar verða 6 umferðir með 7 mínútna umhugsunartíma. Í hléi verður boðið upp á kaffi og meðlæti, og eru allir hjartanlega velkomnir!

 

 

Tölvuteksmótið - Haustmót TR - skráningu í lokaða flokka lýkur í dag

Tölvuteksmótið 2012 - Haustmót Taflfélags Reykjavíkur hefst sunnudaginn 23. september kl.14.

Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga hefð fyrir hinu vinsæla Haustmóti og er það flokkaskipt og öllum opið.

Teflt er í félagsheimili Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum. Alls verða tefldar 9 skákir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er tefldar níu umferðir eftir svissnesku kerfi.

Skráning fer fram á heimasíðu T.R.

Hægt er að fylgjast með skráningu hér.

Skráningu í alla lokaða flokka lýkur laugardaginn 22. september kl. 18.

Skákmeistari Taflfélags Reykjavíkur síðustu tveggja ára er Guðmundur Kjartansson.

 

Dagskrá:

1. umferð: Sunnudag 23. september kl.14.00
2. umferð: Miðvikudag 26. september kl.19.30

3. umferð: Föstudag 28. september kl.19.30
4. umferð: Sunnudag 30. september kl.14.00

5. umferð: Miðvikudag 3. október kl.19.30

---Hlé vegna Islandsmóts skákfélaga---

6. umferð: Miðvikudag 10. október kl.19.30
7. umferð: Föstudag 12. október kl.19.30
8. umferð: Sunnudag 14. október kl. 14.00
9. umferð: Miðvikudag 17. október. kl.19.30

Verðlaun í A-flokki:
1. sæti kr. 100.000
2. sæti kr. 20.000 auk spjaldtölvu frá Tölvutek
3. sæti kr. 10.000 auk spjaldtölvu frá Tölvutek
4. og 5. sæti ókeypis í Skákþing Reykjavíkur 2013

Verðlaun í B-flokki:
1. sæti kr. 20.000
2.og 3. sæti ókeypis í Skákþing Reykjavíkur 2013

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2013

Verðlaun í opnum flokki:

1. sæti kr. 10.000
2. og 3. sæti ókeypis í Skákþing Reykjavíkur 2013

Ef fleiri lokaðir flokkar bætast við, verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur jafnir að vinningum ræður stigaútreikningur lokasæti - verðlaunum er ekki skipt.

Tímamörk:

1 klst. og 30 mín. + 30 sek. á leik.

Þátttökugjöld:

3500 kr. fyrir félagsmenn T.R. 16 ára og eldri (4000 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

 

Henrik vann í sjöttu umferð - er efstur ásamt Miezis

Stórmeistarinn Henrik Danielsen (2509) vann danska alþjóðlega meistarann Nikolaj Mikkelsen (2422) í sjöttu umferð alþjóðlega Skovbo-mótsins sem fram fór í dag.  Henrik hefur 5 vinninga og er efstur ásamt lettneska stórmeistaranum Normunds Miezis (2574).

Á morgun eru tefldar tvær umferðir.  Í fyrri umferð dagsins, teflir Henrik við þýska stórmeistarann Vitaly Kunin (2511).

72 skákmenn taka þátt í mótinu og þar af eru 6 stórmeistarar.  Henrik er nr. 5 í stigaröð keppenda.  Mótið fer fram 14.-23. september og tefldar eru 9 umferðir.

• Heimasíða mótsins
• Beinar útsendingar