Bloggfærslur mánaðarins, ágúst 2012

31.8.2012 | 20:40

Filippseyjar og Belgía á morgun

Liðið í opnum flokki mætir liði Filippseyja (Ø-2546) ) á morgun en kvennaliðið mætir sveit Belgíu (Ø-2106).

Andstæðingar morgundagsins:

35. Philippines (RtgAvg:2546 / TB1: 6 / TB2: 40.5)
Bo.		Name	Rtg	FED	Pts.	Games	Rp
1	GM	So Wesley	2652	PHI	3.0	4.0	2777
2	GM	Barbosa Oliver	2554	PHI	3.0	4.0	2622
3	GM	Torre Eugene	2469	PHI	0.0	0.0	0
4	GM	Paragua Mark	2508	PHI	3.0	4.0	2658
5	IM	Dimakiling Oliver	2428	PHI	3.0	4.0	2631

48. Belgium (RtgAvg:2106 / TB1: 4 / TB2: 23)
Bo.		Name	Rtg	FED	Pts.	Games	Rp
1	WGM	Zozulia Anna	2346	BEL	2.5	4.0	2317
2	WFM	Baekelant Eva	2128	BEL	2.0	3.0	2144
3		Goossens Hanne	1998	BEL	2.0	3.0	2000
4		Barbier Wiebke	1952	BEL	2.0	3.0	1747
5		Maeckelbergh Anne-Marie	1892	BEL	0.5	3.0	1768

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Slóð | Facebook | Athugasemdir (0)

31.8.2012 | 17:26

Sigur á Tyrkjum - Þröstur vann í magnaðri fórnarskák

Liðið í opnum flokki vann 2,5-1,5 sigur á b-sveit Tyrkja í dag í æsispennandi viðureign. Þröstur Þórhallsson tefldi glæsilega skák þar sem hann átti hvern þrumuleikinn á fætur öðrum, fórnaði fyrst drottningu fyrir hrók og síðar hrók og var um tíma heilli drottningu undir. Henrik Danielsen vann einnig á fyrsta borði en Dagur Arngrímsson gerði jafntefli. Hjörvar Steinn Grétarsson tapaði.

Kvennaliðið tapaði 0,5-3,5 fyrir ofursveit Ungverja. Jóhanna Björg Jóhannsson átti gott jafntefli gegn Anitu Gara en aðrar skákir töpuðust.

Liðið í opnum flokki hefur 6 stig af 8 mögulegum en liðið í kvennaflokki hefur 4 stig.

Nánar um viðureignina og skák Þrastar síðar. Ekki liggur fyrir pörun í næstu umferð en hún ætti að liggja fyrir um kl. 19.

Skákirnar má nálgast hér:

Opinn flokkur (Tyrkland)
Kvennaflokkur (Ungverjaland)

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Breytt 1.9.2012 kl. 09:15 | Slóð | Facebook | Athugasemdir (0)

31.8.2012 | 13:46

Ól-pistill nr. 5 - Wales-verjar lagðir - undrabörn og ofursveit í dag

Wales-verjar voru lagðir nokkuð örugglega af velli í gær, samtals 6,5-1,5. Í opnum flokki vannst góður 3,5-0,5 sigur en í kvennaflokki þar sem stigamunurinn var minni á keppendum vannst 3-1 sigur. Telst nú fullhefnt fyrir tapið hræðilega á EM landsliða 2009. Andstæðingarnir eru krefjandi í dag. Annars vegar tyrknesk undrabörn í opnum flokki og svo ofursveit Ungverja í kvennaflokki.

Í opnum flokki voru allar skákirnar langar. Hjörvar virtist fá unnið tafl undir byrjuninni en hleypti andstæðingum full mikið aftur inn í skákina. Hjörvar náði þó að snúa aftur á hann og vann skákina með laglegri hróksfórn. Dagur vann einnig seiglusigur á 4. borði og ekki slæmt að vinna í sinni fyrstu ólympíuskák. Íslandsmeistarinn, Þröstur, vann góðan sigur á 3. borði og er sá skákmaður sem teflir heilt yfir best í opna flokknum. Hannes reyndi lengi vel að vinna á fyrsta borði en tókst ekki að hafa sigur.

Í kvennaflokki lék Jóhanna ónákvæmt í byrjuninni og átti sér raun og veru aldrei uppreisnarvon gegn Lyndu Roberts sem talaði svo vel um N1 Reykjavíkurskákmótið í pistli eftir mót. Elsa María vann sannfærandi sigur á 4. borði. Lenka vann mjög góðan sigur á fyrsta borði með svörtu en skák umferðarinnar átti Hallgerður Helga sem vann virkilega góðan sigur á 2. borði í mjög spennandi skák.

Andstæðingarnir í opnum flokki eru b-lið Tyrkja, sem skipað er mjög ungum skákmönnum. Um er að ræða stráka fædda 1995-1998. Aldursforsetinn er á 4. borð, verður 17 ára í ár! Nokkuð óþægilegir andstæðingar, sem náðu 1 vinningi gegn ofursveit Indverja fyrr í mótinu, en vonandi er liðið okkar vandanum vaxið.

Stelpurnar fá verulega erfiða pörun, þ.e. sveit Ungverjalands sem telst sú 12. sterkasta hér. Þar tefla hinar svokölluðu Gara-systur og fyrir karlpeninginn heima tók ég af þeim mynd. Sterkasta skákkona Ungverja, Judit Polgar, teflir svo í opnum flokki. Þessi umferð getur verið verulega erfið. Stelpurnar sem eru rétt um miðjuna á mótinu hafa hingað til verið í jójói, þ.e. að fá sterkar og veikar sveitir til skiptist.

FIDE-fundirnir eru að hefjast og spennan að vaxa. Í gær hitti ég forseta norska og bandaríska skáksambandanna og lögfræðing, sem er hér á vegum Garry Kasparov frá hinu virkta lögfræðifirma, White & Case. Fyrir aðalfundinn liggja fyrir ýmsar lagabreytingartillögur og hefur Garry ýmislegt við þær að athuga en margir halda að hann ætli í forsetaframboð 2014. Fundur verður með FIDE-forystumönnum í dag þar sem reyna á að ná lendingu til að losna við mikil átök á sjálfum aðalfundinum.

Hluti hópsins fór í keilu í gær og mun Davíð og Jóhanna Björg hafa staðið sig best. Hjörvar átti ekki gott keilumót. Stemmingin í hópnum eykst annars dag frá degi.

Netið á hótelinu hefur nánast alveg legið niðri síðasta sólarhinginn og er ég nú eini einstaklingurinn í hópnum með virkt net í gegnum 3G-lykil frá mótshöldurum. Verulega pirrandi fyrir hópinn en mér skilst að unnið sé dag og nótt að viðgerð en internet-vandamál virðist því miður vera oft vandamál á ólympíuskákmótum, nema auðvitað í Khanty þar sem allt virkaði! Ég útvegaði Tékkum t.d. pörun dagsins. Við erum á reyklausri hæð, en það er nokkuð fyndið að framan merkingu þess efnis, er öskubakki og einstaka sinnum stubbar í honum!

13 lið hafa fullt hús stiga í opnum flokki en 8 lið í kvennaflokki.

Færeyingar fengu hálfan vinningi gegn Aserum. John Arni Nielsen gerði jafntefli við Saferli á öðru borði. Danir máttu svo teljast heppnir að ná 2-2 jafntefli gegn Skotum, rétt eins og á EM í Porto Carras í fyrra. Skotar erfiðir fyrir Danina. Daninn, Jackob Aagaard, sem er búsettur í Skotlandi, og er reyndar skákmeistari Skotalands, tapaði fyrir Skotanum Alan Tate.

Parið, Sune Berg Hansen, fyrsta borðs maður Dana, og Christin Anderson, sem teflir á 2. borði fyrir Svíþjóð, eru hérna með sitt unga barn. Þau hafa engu barnapíu og því þarf alltaf annað hvort þeirra að hvíla. Sune tefldi í gær og tapaði fyrir Colin McNab.

Norðmenn eru efstir í Norðurlandamótinu en hafa fengið reyndar fengið slaka andstæðinga þar til í dag þegar þeir mæta Tékkum. Við erum í 2. sæti, með 4 stig rétt eins og Færeyingar, sem mæta Georgíumönnum í dag. Norðmenn eru einnig efstir í kvennaflokki með 4 stig, rétt og við og Svíar.

Staðan í Norðurlandamótinu:

1. 23. Noregur, 5 stig

2. 46. Íslands, 4 stig

3. 62. Færeyjar, 4 stig

4. 69. Svíþjóð, 3 stig

5. 74. Danmörk, 3 stig

6. 78. Finnland, 3 stig.

Kvennaflokkur:

1. 46. Noregur, 4 stig

2. 49. Svíþjóð, 4 stig

3. 51. Ísland, 4 stig

4. 65. Finnland, 3 stig

5. 85. Danmörk, 2 stig

Hollendingar halda áfram að ganga hörmulega og töpuðu fyrir Georgíu í gær og eru aðeins í 92. sæti en eru með níunda sterkasta liðið á pappírnum. Anish Giri hefur ekki sést og er væntanlega ekki enn kominn á skákstað. Mun vera í vandamálum með vegabréfsáritun til Tyrklands samkvæmt Chessvibes. Hann teflir heldur ekki í dag en nú mæta Hollendingar Sri Lanka, sem tefla fram fjórum skákmönnum áþekkum Gúnnari að styrkleika samkvæmt skilgreiningu Ivan Sokolov. J

Nóg í bili.

Gunnar Björnsson

Spil og leikir | Slóð | Facebook | Athugasemdir (0)

31.8.2012 | 11:17

Beinar útsendingar frá viðureignum dagsins

Beinar útsendingar frá 4. umferð ólympíuskákmótsins hefjast nú kl. 12. Útsendingar íslensku liðana má nálgast á eftirfarandi tenglum:

Opinn flokkur (Tyrkland)
Kvennaflokkur (Ungverjaland)

Spil og leikir | Slóð | Facebook | Athugasemdir (0)

31.8.2012 | 11:09

40 ára Einvígislok - Laugardælakirkju í Hraungerðisprestakalli- Sunnudaginn 2. september (18.00) nk.

Í tilefni fjörtíu ára afmælis Einvígis Aldarinnar í Laugardalshöll 1972, verður flutt tónverk eftir Guðlaug Kristinn Óttarsson tónlistarmann, 2. september nk.

Verkið byggir á fimm skákum þeirra Bobby Fischer og Boris Spasský um árið.
Heimsmeistaraeinvígið í hita kalda stríðsins, undanfari þess, þátttakendurnir tveir og saga þeirra mörkuðu djúp spor í íslenska samtímasögu - og munu eflaust gera um ókomin ár.

Tónverkið sem flutt verður í Laugardælakirkju í Hraungerðisprestakalli (þar sem Fischer er jarðsettur), ásamt tölum og fleiri varíöntum dagskrárinnar og ber heiti með rentu: 40 ára Einvígislok.

- Og er afrakstur áralangrar þróunarvinnu Guðlaugs, þar sem hann tvinnur saman tónlist og skák - og býr til tónkerfi sem byggir á áttunda-nótnakerfi J.S. Bach, þar sem taflreitirnir 64 eru haglega útfærðir sem nótur [sjá tengla hér fyrir neðan]. Í verkinu eru 25 þúsund hljómar.

Daginn sem tónleikarnir eru haldnir, 2. september, eru nákvæmlega fjörtíu ár síðan Bobby Fisher varð heimsmeistari í skák - í Laugardalshöll.

Fram koma:

Hörður Bragason, orgel
Dean Ferrel, kontrabassi
Einar Melax, viola da gamba
- og Guðlaugur Kristinn Óttarsson, höfundur, gítar og kynnir.

Að lokum:

Viðtal Stöðvar II við höfundinn um verkið má sjá hér: http://www.visir.is/section/MEDIA99&fileid=VTV92559DC5-F8A6-459E-9A33-AEE2715E6CE2

Tengill (hlekkur) á viðburðarsíðu (Event) á Facebook: http://www.facebook.com/events/376270855776612/?ref=ts

Bestu kveðjur,
Mótsnefnd

Spil og leikir | Breytt s.d. kl. 19:41 | Slóð | Facebook | Athugasemdir (0)

31.8.2012 | 07:35

Viðureignir dagsins: Tyrkland og Ungverjaland

Þá liggur fyrir uppstillingar liðanna í 4. umferð í dag. Hannes Hlífar hvílir í opnum flokki og Elsa María í kvennaflokki. Hinir ungu Tyrkir hvíla rétt eins og íslenska liðið sinn fyrsta borðs mann, Burat Firak, og Ungverjarnir hvíla Önnu Rudolf.

Viðureignir dagsins:

Round 4 on 2012/08/31 at 15:00
Bo.	51	Iceland	Rtg	-	72	Turkey 2016	Rtg	0 : 0
27.1	GM	Danielsen, Henrik	2511	-	FM	Ali Marandi, Cemil Can	2362
27.2	IM	Gretarsson, Hjorvar Steinn	2506	-	CM	Sanal, Vahap	2387
27.3	GM	Thorhallsson, Throstur	2426	-	CM	Dastan, Muhammed Batuhan	2317
27.4	IM	Arngrimsson, Dagur	2375	-	CM	Emiroglu, Cankut	2299

Round 4 on 2012/08/31 at 15:00
Bo.	12	Hungary	Rtg	-	62	Iceland	Rtg	0 : 0
15.1	GM	Hoang, Thanh Trang	2464	-	WGM	Ptacnikova, Lenka	2281
15.2	WGM	Gara, Ticia	2385	-		Thorsteinsdottir, Hallgerdur H	1957
15.3	IM	Gara, Anita	2306	-		Johannsdottir, Johanna B	1886
15.4	WGM	Papp, Petra	2302	-		Finnbogadottir, Tinna K	1832

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Slóð | Facebook | Athugasemdir (0)

30.8.2012 | 21:39

Tyrkland-b og Ungverjaland á morgun

Íslenska sveitin í opnum flokki mætir b-sveit Tyrklands á morgun. B-sveit Tyrklands skipa ungir skákmenn sem eiga að leiða skáksveit Tyrklands á komandi árum. Kvennasveitin mætir mjög sterkri sveit Ungverjalands sem er ein sú allra sterkasta hér og mun sterkari á pappírnum en sú íslenska.

Verulega krefjandi verkefni á morgun fyrir íslensku sveitirnar.

Umferðin hefst kl. 12

Andstæðingar morgundagsins:

72. Turkey 2016 (RtgAvg:2372 / TB1: 4 / TB2: 11)
Bo.		Name	Rtg	FED	Pts.	Games	Rp
1	IM	Firat Burak	2423	TUR	1.5	3.0	2286
2	FM	Ali Marandi Cemil Can	2362	TUR	2.0	3.0	2137
3	CM	Sanal Vahap	2387	TUR	1.0	2.0	0
4	CM	Dastan Muhammed Batuhan	2317	TUR	2.5	3.0	2204
5	CM	Emiroglu Cankut	2299	TUR	0.5	1.0	0

12. Hungary (RtgAvg:2364 / TB1: 4 / TB2: 20)
Bo.		Name	Rtg	FED	Pts.	Games	Rp
1	GM	Hoang Thanh Trang	2464	HUN	1.0	2.0	0
2	WGM	Gara Ticia	2385	HUN	2.0	3.0	2323
3	WGM	Rudolf Anna	2289	HUN	2.0	3.0	2275
4	IM	Gara Anita	2306	HUN	1.5	2.0	0
5	WGM	Papp Petra	2302	HUN	1.5	2.0	0

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Breytt s.d. kl. 22:21 | Slóð | Facebook | Athugasemdir (0)

30.8.2012 | 17:29

Stórsigrar gegn Wales

Báðar viðureignirnar gegn Wales unnust í dag. Í opnum flokki vannst stórsigur 3,5 gegn 0,5. Aðeins Hannes Hlífar Stefánsson varð að gera sér jafntefli að góðu, en Hjörvar Steinn Grétarsson, Þröstur Þórhallsson og Dagur Arngrímsson unnu. Dagur tefldi sína fyrstu skák fyrir ólympíulið Íslands.

Í kvennaflokki vannst 3-1 sigur. Lenka Ptácníková, Hallgerður Helga Þorsteinsdóttir og Elsa María Kristínardóttir unnu en Jóhanna Björg Jóhannsdóttir beið lægri hlut.

Mjög góð úrslit að leggja Wales-verja samtals 6,5-1,5.

Skákir dagsins má nálgast hér:

156 lið taka þátt í opnum flokki er í íslenska liðið (Ø-2490) talið það 51. sterkasta miðað við meðalstig. Í kvennaflokki eru þátttökuþjóðirnar 125 og er Ísland (Ø-1989) talið það 62. sterkasta.

Spil og leikir | Breytt s.d. kl. 21:26 | Slóð | Facebook | Athugasemdir (0)

30.8.2012 | 12:52

Ól-pistill nr. 4 - Töp í 2. umferð

Svo fór að báðar viðureignirnar töpuðust í 2. umferð gegn sterkum sveitum. Tap gegn Argentínu í opnum flokki og tap gegn Ísrael í kvennaflokki. Í dag tefla báðar sveitirnar við sveitir Wales. Eitthvað sem verður að teljast merkilega mikil tilviljun! Við erum klárlega sigurstranglegri í báðum viðureignum, sérstaklega í opnum flokki þar sem stigamunurinn er meiri.

Í opnum flokki komst Henrik aldrei út úr byrjuninni og var fyrstur að tapa. Mikið gekk á í skák Hannesar. Hannes valdi hvassa og flókna leið (25. g4), sem reyndar átti að leiða til tapaðs tafls með bestu taflmennsku svarts samkvæmt tölvuforritum . Þótt Hornverjar, sem hafa fyrir framan sig reikniforrit, hafi verið með stöðuna á hreinu átti það ekki við skákmennina sem áttuðu sig engan veginn á öllum flækjunum. Andstæðingur Hannesar fann ekki vinningsleið (28. - Hd2), sem hvorki reyndar Hannes né Helgi liðsstjóri sáu heldur á meðan skákinni stóð og Hannes skyndilega kominn með unnið tafl. Hannes víxlaði svo leikjum í vinningsstöðu þegar hann lék 32. Rd7 í stað 32. f7 og fékk úr því tapað tafl. Staðan orðin 0-2. Andstæðingur Hjörvars bauð þá jafntefli með töluvert betri stöðu til tryggja sigur Argentínu sem Hjörvar tók. Þröstur gerði gott jafntefli á 4. borði og var sá skákmaður sem heilt yfir tefldi best í gær.

Hallgerður lék ónákvæmt í byrjuninni og fékk mjög erfiða stöðu sem ekki varð varin. Bæði Jóhanna Björg og Tinna Kristín fengu fína jafnteflissénsa en misstu af vænlegum leiðum í endataflinu og því fór sem fór. Lenka gerði gott jafntefli á fyrsta borði og var í sjálfu sér ekki langt frá því að knýja fram sigur í hróksendatafli.

Semsagt ekki góður dagur en verður vonandi mun betri gegn Wales í dag. Dagur kemur inn í dag og teflir sína fyrstu skák á ólympíuskákmóti. Henrik hvílir hjá strákunum og Tinna Kristín hvílir hjá stelpunum.

Framkvæmd mótsins er taka á sig betri mynd. Flest er komið í fastar skorður hjá mótshöldurum og farið að virka eðlilega. Þröstur tilkynnti í morgunmatnum að hann hafi verið rændur! Hann keypti sér kaffibolla í kaffiteríunni sem kostaði 700 kr.! Verðlagið á hótelinu virðist vera afskaplega hátt en mér skilst að bjórinn kosti hér um 10 evrur.

Fullt af sveitum hafa enn fullt hús stiga og vinninga. Hollendingar töpuðu fyrir Venesúela og var Ivan Sokolov vinur vor heldur framlágur þrátt fyrir að hafa gert jafntefli. Anish Giri hvíldi rétt eins og í fyrstu umferð. Vægast slök byrjun hjá Hollendingum sem eru með níunda sterkasta liðið á pappírnum.

Færeyingar eru efstir í „Norðurlandamótinu" sem er væntanlega einsdæmi! Í fyrstu umferð unnu þeir Súdan, í 2. umferð unnu þeir Tógó sem sátu yfir í fyrstu umferð, en þeir eru allir stigalausir, og mæta svo Aserum í 3. umferð í dag! Semsagt frá því tefla við sveit nr. 156 af 158 í það að mæta sveit nr. 7! Væntanlega sterkasta sveit sem Færeyingar hafa nokkurn tíma teflt við.

Svíar gerðu 2-2 jafntefli við Serba, Norðmenn við Ástrala, Danir töpuðu fyrir Kasökum og Finnar fyrir Lettum.

Norska liðið er merkilega slakt en enginn af þeirra níu stórmeisturum teflir með þeim. Það er sérstaklega athyglisvert að í ljósi þess að ólympíumótið fer fram í Tromsö 2014. Liðsstjóri þeirra er stúlkan Ellisiv Reppen, sem margir Íslendingar þekkja en hún hefur 1998 skákstig. Á TWIC segir

„World number 1 Magnus Carlsen will not be playing and rather shockingly the 2014 hosts Norway can't find the money to field an any way representative team. "

Í kjölfarið er fjallað um málið á Chessvibes og þar fjarvera sumra norsku stórmeistaranna er útskýrð, þ.e. af hverju Carlsen, Hammer, Kjetil Lie og Leif Erlend Johannesson taka ekki þátt. En það breytir því ekki að þetta lítur ekkert sérstaklega vel út fyrir Norðmennina.

Peter Heine Nielsen breytir ekki þeirri hefð að tefla ekki fyrir eigin þjóð og er nú Þjóðverjum til aðstoðar.

Staðan í Norðurlandamótinu:

1. 33. Færeyjar

2. 36. Svíþjóð

3. 38. Noregur

4. 50. Danmörk

5. 62. Ísland

6. 63. Finnland

Kvennaflokkur:

1. 47. Danmörk

2. 52. Noregur

3. 58. Ísland

4. 70. Svíþjóð

5. 80. Finnland

Í gær notaði ég tækifærið til að ræða við stjórnendur Chessdom varðandi kynningu á Reykjavíkurmótinu en Chessdom sér um fréttaflutning á heimasíðu mótsins. Beinar útsendingar virðast vera komnar í gott lag.

Halldór Grétar hefur tekið að sér að setja inn skákir viðkomandi umferðar með úrslitafréttinni. Honum er kærlega þökkuð aðstoðin.

Ég mun í upphafi hverjar umferðar setja inn beina slóð á viðureignir íslensku liðanna.

Fullt af myndum frá umferðinni má finna í myndaalbúmi umferðarinnar.

Nóg í bili.

Gunnar Björnsson

Spil og leikir | Breytt s.d. kl. 14:33 | Slóð | Facebook | Athugasemdir (0)

30.8.2012 | 12:33

Beinar útsendingar frá Ísland-Wales

Beinar útsendingar frá viðureignunum gegn Wales, sem hófust kl. 12, má nálgast á eftifarandi vefslóðum:

Spil og leikir | Breytt s.d. kl. 12:47 | Slóð | Facebook | Athugasemdir (0)

Bloggfærslur mánaðarins, ágúst 2012

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: